| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
14. гат̇инад̇т̇аараваг̇г̇о
14. Kathinatthāravaggo
465. ‘‘гад̇и ну ко, бханд̇з, аанисам̣саа гат̇инад̇т̇аарз’’д̇и? ‘‘бан̃жимз, убаали, аанисам̣саа гат̇инад̇т̇аарз. гад̇амз бан̃жа? анааманд̇ажааро, асамаад̣̇аанажааро, г̇ан̣абхож̇анам̣, яаавад̣̇ад̇т̇ажийварам̣, яо жа д̇ад̇т̇а жийваруббаад̣̇о со нзсам̣ бхависсад̇и – имз ко, убаали, бан̃жа аанисам̣саа гат̇инад̇т̇аарз’’д̇и.
465. ‘‘Kati nu kho, bhante, ānisaṃsā kathinatthāre’’ti? ‘‘Pañcime, upāli, ānisaṃsā kathinatthāre. Katame pañca? Anāmantacāro, asamādānacāro, gaṇabhojanaṃ, yāvadatthacīvaraṃ, yo ca tattha cīvaruppādo so nesaṃ bhavissati – ime kho, upāli, pañca ānisaṃsā kathinatthāre’’ti.
466. ‘‘гад̇и ну ко, бханд̇з, аад̣̇ийнаваа мудтассад̇исса асамбаж̇аанасса нид̣̇д̣̇ам̣ оггамад̇о’’д̇и? ‘‘бан̃жимз, убаали, аад̣̇ийнаваа мудтассад̇исса асамбаж̇аанасса нид̣̇д̣̇ам̣ оггамад̇о. гад̇амз бан̃жа? д̣̇угкам̣ субад̇и, д̣̇угкам̣ бадиб̣уж̇жхад̇и, баабагам̣ субинам̣ бассад̇и, д̣̇звад̇аа на рагканд̇и, асужи мужжад̇и – имз ко, убаали, бан̃жа аад̣̇ийнаваа мудтассад̇исса асамбаж̇аанасса нид̣̇д̣̇ам̣ оггамад̇о. бан̃жимз, убаали, аанисам̣саа убадтид̇ассад̇исса самбаж̇аанасса нид̣̇д̣̇ам̣ оггамад̇о. гад̇амз бан̃жа? сукам̣ субад̇и, сукам̣ бадиб̣уж̇жхад̇и, на баабагам̣ субинам̣ бассад̇и, д̣̇звад̇аа рагканд̇и, асужи на мужжад̇и – имз ко, убаали, бан̃жа аанисам̣саа убадтид̇ассад̇исса самбаж̇аанасса нид̣̇д̣̇ам̣ оггамад̇о’’д̇и.
466. ‘‘Kati nu kho, bhante, ādīnavā muṭṭhassatissa asampajānassa niddaṃ okkamato’’ti? ‘‘Pañcime, upāli, ādīnavā muṭṭhassatissa asampajānassa niddaṃ okkamato. Katame pañca? Dukkhaṃ supati, dukkhaṃ paṭibujjhati, pāpakaṃ supinaṃ passati, devatā na rakkhanti, asuci muccati – ime kho, upāli, pañca ādīnavā muṭṭhassatissa asampajānassa niddaṃ okkamato. Pañcime, upāli, ānisaṃsā upaṭṭhitassatissa sampajānassa niddaṃ okkamato. Katame pañca? Sukhaṃ supati, sukhaṃ paṭibujjhati, na pāpakaṃ supinaṃ passati, devatā rakkhanti, asuci na muccati – ime kho, upāli, pañca ānisaṃsā upaṭṭhitassatissa sampajānassa niddaṃ okkamato’’ti.
467. ‘‘гад̇и ну ко, бханд̇з, аванд̣̇ияаа’’д̇и? ‘‘бан̃жимз, убаали, аванд̣̇ияаа. гад̇амз бан̃жа? анд̇арагхарам̣ бавидто аванд̣̇ияо, ражчаг̇ад̇о аванд̣̇ияо, од̇амасиго аванд̣̇ияо, асаманнаахаранд̇о аванд̣̇ияо, суд̇д̇о аванд̣̇ияо – имз ко, убаали, бан̃жа аванд̣̇ияаа.
467. ‘‘Kati nu kho, bhante, avandiyā’’ti? ‘‘Pañcime, upāli, avandiyā. Katame pañca? Antaragharaṃ paviṭṭho avandiyo, racchagato avandiyo, otamasiko avandiyo, asamannāharanto avandiyo, sutto avandiyo – ime kho, upāli, pañca avandiyā.
‘‘абарзби, убаали, бан̃жа аванд̣̇ияаа. гад̇амз бан̃жа? яааг̇убаанз аванд̣̇ияо, бхад̇д̇аг̇г̇з аванд̣̇ияо, згаавад̇д̇о аванд̣̇ияо, ан̃н̃авихид̇о аванд̣̇ияо, наг̇г̇о аванд̣̇ияо – имз ко, убаали, бан̃жа аванд̣̇ияаа.
‘‘Aparepi, upāli, pañca avandiyā. Katame pañca? Yāgupāne avandiyo, bhattagge avandiyo, ekāvatto avandiyo, aññavihito avandiyo, naggo avandiyo – ime kho, upāli, pañca avandiyā.
‘‘абарзби , убаали, бан̃жа аванд̣̇ияаа. гад̇амз бан̃жа? каад̣̇анд̇о аванд̣̇ияо, бхун̃ж̇анд̇о аванд̣̇ияо, ужжаарам̣ гаронд̇о аванд̣̇ияо, бассаавам̣ гаронд̇о аванд̣̇ияо, угкид̇д̇аго аванд̣̇ияо – имз ко, убаали, бан̃жа аванд̣̇ияаа.
‘‘Aparepi , upāli, pañca avandiyā. Katame pañca? Khādanto avandiyo, bhuñjanto avandiyo, uccāraṃ karonto avandiyo, passāvaṃ karonto avandiyo, ukkhittako avandiyo – ime kho, upāli, pañca avandiyā.
‘‘абарзби, убаали, бан̃жа аванд̣̇ияаа . гад̇амз бан̃жа? бурз убасамбаннзна бажчаа убасамбанно аванд̣̇ияо, анубасамбанно аванд̣̇ияо, наанаасам̣ваасаго вуд̣дхад̇аро ад̇хаммаваад̣̇ий аванд̣̇ияо, маад̇уг̇аамо аванд̣̇ияо, бан̣д̣аго аванд̣̇ияо – имз ко, убаали, бан̃жа аванд̣̇ияаа.
‘‘Aparepi, upāli, pañca avandiyā . Katame pañca? Pure upasampannena pacchā upasampanno avandiyo, anupasampanno avandiyo, nānāsaṃvāsako vuḍḍhataro adhammavādī avandiyo, mātugāmo avandiyo, paṇḍako avandiyo – ime kho, upāli, pañca avandiyā.
‘‘абарзби, убаали, бан̃жа аванд̣̇ияаа. гад̇амз бан̃жа? баариваасиго аванд̣̇ияо, муулааяабадигассанаарахо аванд̣̇ияо, маанад̇д̇аарахо аванд̣̇ияо, маанад̇д̇ажаариго аванд̣̇ияо, аб̣бхаанаарахо аванд̣̇ияо – имз ко, убаали, бан̃жа аванд̣̇ияаа’’д̇и.
‘‘Aparepi, upāli, pañca avandiyā. Katame pañca? Pārivāsiko avandiyo, mūlāyapaṭikassanāraho avandiyo, mānattāraho avandiyo, mānattacāriko avandiyo, abbhānāraho avandiyo – ime kho, upāli, pañca avandiyā’’ti.
468. ‘‘гад̇и ну ко, бханд̇з, ванд̣̇ияаа’’д̇и? ‘‘бан̃жимз, убаали, ванд̣̇ияаа. гад̇амз бан̃жа? бажчаа убасамбаннзна бурз убасамбанно ванд̣̇ияо, наанаасам̣ваасаго вуд̣дхад̇аро д̇хаммаваад̣̇ий ванд̣̇ияо, аажарияо ванд̣̇ияо, убаж̇жхааяо ванд̣̇ияо, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о арахам̣ саммаасамб̣уд̣̇д̇хо ванд̣̇ияо – имз ко, убаали, бан̃жа ванд̣̇ияаа’’д̇и.
468. ‘‘Kati nu kho, bhante, vandiyā’’ti? ‘‘Pañcime, upāli, vandiyā. Katame pañca? Pacchā upasampannena pure upasampanno vandiyo, nānāsaṃvāsako vuḍḍhataro dhammavādī vandiyo, ācariyo vandiyo, upajjhāyo vandiyo, sadevake loke samārake sabrahmake sassamaṇabrāhmaṇiyā pajāya sadevamanussāya tathāgato arahaṃ sammāsambuddho vandiyo – ime kho, upāli, pañca vandiyā’’ti.
469. ‘‘навагад̇арзна, бханд̇з, бхигкунаа вуд̣дхад̇арасса бхигкуно баад̣̇з ванд̣̇анд̇зна гад̇и д̇хаммз аж̇жхад̇д̇ам̣ убадтаабзд̇ваа баад̣̇аа ванд̣̇ид̇аб̣б̣аа’’д̇и? ‘‘навагад̇арзнубаали, бхигкунаа вуд̣дхад̇арасса бхигкуно баад̣̇з ванд̣̇анд̇зна бан̃жа д̇хаммз аж̇жхад̇д̇ам̣ убадтаабзд̇ваа баад̣̇аа ванд̣̇ид̇аб̣б̣аа. гад̇амз бан̃жа? навагад̇арзнубаали, бхигкунаа вуд̣дхад̇арасса бхигкуно баад̣̇з ванд̣̇анд̇зна згам̣сам̣ уд̇д̇араасан̇г̇ам̣ гарид̇ваа, ан̃ж̇алим̣ баг̇г̇ахзд̇ваа , убхохи баан̣ид̇алзхи баад̣̇аани барисамб̣ааханд̇зна, бзман̃жа г̇аараван̃жа убадтаабзд̇ваа баад̣̇аа ванд̣̇ид̇аб̣б̣аа – навагад̇арзнубаали бхигкунаа вуд̣дхад̇арасса бхигкуно баад̣̇з ванд̣̇анд̇зна имз бан̃жа д̇хаммз аж̇жхад̇д̇ам̣ убадтаабзд̇ваа баад̣̇аа ванд̣̇ид̇аб̣б̣аа’’д̇и.
469. ‘‘Navakatarena, bhante, bhikkhunā vuḍḍhatarassa bhikkhuno pāde vandantena kati dhamme ajjhattaṃ upaṭṭhāpetvā pādā vanditabbā’’ti? ‘‘Navakatarenupāli, bhikkhunā vuḍḍhatarassa bhikkhuno pāde vandantena pañca dhamme ajjhattaṃ upaṭṭhāpetvā pādā vanditabbā. Katame pañca? Navakatarenupāli, bhikkhunā vuḍḍhatarassa bhikkhuno pāde vandantena ekaṃsaṃ uttarāsaṅgaṃ karitvā, añjaliṃ paggahetvā , ubhohi pāṇitalehi pādāni parisambāhantena, pemañca gāravañca upaṭṭhāpetvā pādā vanditabbā – navakatarenupāli bhikkhunā vuḍḍhatarassa bhikkhuno pāde vandantena ime pañca dhamme ajjhattaṃ upaṭṭhāpetvā pādā vanditabbā’’ti.
гат̇инад̇т̇аараваг̇г̇о нидтид̇о жуд̣̇д̣̇асамо.
Kathinatthāravaggo niṭṭhito cuddasamo.
д̇ассуд̣̇д̣̇аанам̣ –
Tassuddānaṃ –
гат̇инад̇т̇ааранид̣̇д̣̇аа жа, анд̇араа яааг̇укаад̣̇анз;
Kathinatthāraniddā ca, antarā yāgukhādane;
бурз жа бааривааси жа, ванд̣̇ияо ванд̣̇ид̇аб̣б̣аганд̇и.
Pure ca pārivāsi ca, vandiyo vanditabbakanti.
убаалибан̃жагам̣ нидтид̇ам̣.
Upālipañcakaṃ niṭṭhitaṃ.
д̇зсам̣ ваг̇г̇аанам̣ уд̣̇д̣̇аанам̣
Tesaṃ vaggānaṃ uddānaṃ
аниссид̇зна гамман̃жа, вохаараавигаммзна жа;
Anissitena kammañca, vohārāvikammena ca;
жод̣̇анаа жа д̇худ̇ан̇г̇аа жа, мусаа бхигкунимзва жа.
Codanā ca dhutaṅgā ca, musā bhikkhunimeva ca.
уб̣б̣аахигаад̇хигаран̣ам̣, бхзд̣̇агаа бан̃жамаа бурз;
Ubbāhikādhikaraṇaṃ, bhedakā pañcamā pure;
ааваасигаа гат̇инан̃жа, жуд̣̇д̣̇асаа суббагаасид̇аад̇и.
Āvāsikā kathinañca, cuddasā suppakāsitāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гат̇инад̇т̇аараваг̇г̇аван̣н̣анаа • Kathinatthāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инад̇т̇аараваг̇г̇аван̣н̣анаа • Kathinatthāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гат̇инад̇т̇аараваг̇г̇аван̣н̣анаа • Kathinatthāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаараваг̇г̇аад̣̇иван̣н̣анаа • Vohāravaggādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инад̇т̇аараваг̇г̇аван̣н̣анаа • Kathinatthāravaggavaṇṇanā
