Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā

    29. гат̇инад̇т̇ааравинижчаяагат̇аа

    29. Kathinatthāravinicchayakathā

    226. звам̣ жад̇убажжаяабхааж̇анавинижчаяам̣ гат̇зд̇ваа ид̣̇аани гат̇инавинижчаяам̣ гат̇зд̇умааха ‘‘гат̇инанд̇и зд̇т̇а банаа’’д̇иаад̣̇и. д̇ад̇т̇а гат̇инанд̇и гад̇амам̣ гат̇инам̣? самуухабан̃н̃ад̇д̇и. на хи барамад̇т̇ад̇о гат̇инам̣ наама зго д̇хаммо ад̇т̇и, буримавассам̣вуд̇т̇аа бхигкуу, ануунабан̃жаваг̇г̇асан̇гхо, жийварамаасо, д̇хаммзна самзна уббаннажийваранд̇иаад̣̇ийсу язсу наамаруубзсу самуббаж̇ж̇амаанзсу д̇зсам̣ наамаруубад̇хаммаанам̣ самуухасамавааяасан̇каад̇ам̣ самуухабан̃н̃ад̇д̇имад̇д̇амзва гат̇инам̣. аяамад̇т̇о гат̇ам̣ ж̇аанид̇аб̣б̣од̇и? ‘‘д̇зсан̃н̃зва д̇хаммаанам̣ сан̇г̇ахо самавааяо наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо, яад̣̇ид̣̇ам̣ гат̇ина’’нд̇и бариваарабаал̣ияам̣ (бари. 412) ааг̇ад̇ад̇д̇аа жа, ‘‘д̇зсан̃н̃зва д̇хаммаананд̇и язсу руубаад̣̇ид̇хаммзсу сад̇и гат̇инам̣ наама ход̇и, д̇зсам̣ самод̇хаанам̣ миссийбхааво. наамам̣ наамагамманд̇иаад̣̇инаа бана ‘гат̇ина’нд̇и ид̣̇ам̣ б̣ахуусу д̇хаммзсу наамамад̇д̇ам̣, на барамад̇т̇ад̇о зго д̇хаммо ад̇т̇ийд̇и д̣̇ассзд̇ий’’д̇и адтагат̇ааяам̣ (бари. адта. 412) ааг̇ад̇ад̇д̇аа жа, ‘‘язсу руубаад̣̇ид̇хаммзсууд̇и буримавассам̣вуд̇т̇аа бхигкуу, бан̃жахи анууно сан̇гхо, жийварамаасо, д̇хаммзна самзна самуббаннам̣ жийваранд̇и звамаад̣̇ийсу язсу руубааруубад̇хаммзсу. сад̇ийд̇и санд̇зсу. миссийбхаавод̇и сам̣саг̇г̇ад̇аа самуухабан̃н̃ад̇д̇имад̇д̇ам̣. д̇знааха на барамад̇т̇ад̇о зго д̇хаммо ад̇т̇ийд̇и д̣̇ассзд̇ий’’д̇и вимад̇ивинод̣̇анияам̣ (ви. ви. дий. бариваара 2.412) ааг̇ад̇ад̇д̇аа жа ж̇аанид̇аб̣б̣од̇и.

    226. Evaṃ catupaccayabhājanavinicchayaṃ kathetvā idāni kathinavinicchayaṃ kathetumāha ‘‘kathinanti ettha panā’’tiādi. Tattha kathinanti katamaṃ kathinaṃ? Samūhapaññatti. Na hi paramatthato kathinaṃ nāma eko dhammo atthi, purimavassaṃvutthā bhikkhū, anūnapañcavaggasaṅgho, cīvaramāso, dhammena samena uppannacīvarantiādīsu yesu nāmarūpesu samuppajjamānesu tesaṃ nāmarūpadhammānaṃ samūhasamavāyasaṅkhātaṃ samūhapaññattimattameva kathinaṃ. Ayamattho kathaṃ jānitabboti? ‘‘Tesaññeva dhammānaṃ saṅgaho samavāyo nāmaṃ nāmakammaṃ nāmadheyyaṃ nirutti byañjanaṃ abhilāpo, yadidaṃ kathina’’nti parivārapāḷiyaṃ (pari. 412) āgatattā ca, ‘‘tesaññeva dhammānanti yesu rūpādidhammesu sati kathinaṃ nāma hoti, tesaṃ samodhānaṃ missībhāvo. Nāmaṃ nāmakammantiādinā pana ‘kathina’nti idaṃ bahūsu dhammesu nāmamattaṃ, na paramatthato eko dhammo atthīti dassetī’’ti aṭṭhakathāyaṃ (pari. aṭṭha. 412) āgatattā ca, ‘‘yesu rūpādidhammesūti purimavassaṃvutthā bhikkhū, pañcahi anūno saṅgho, cīvaramāso, dhammena samena samuppannaṃ cīvaranti evamādīsu yesu rūpārūpadhammesu. Satīti santesu. Missībhāvoti saṃsaggatā samūhapaññattimattaṃ. Tenāha na paramatthato eko dhammo atthīti dassetī’’ti vimativinodaniyaṃ (vi. vi. ṭī. parivāra 2.412) āgatattā ca jānitabboti.

    гзнадтзна гат̇инанд̇и? т̇ирадтзна. гасмаа т̇иранд̇и? анааманд̇ажаараасамаад̣̇аанажаараг̇ан̣абхож̇анаяаавад̣̇ад̇т̇ажийвараяожад̇ад̇т̇ажийваруббаад̣̇асан̇каад̇з бан̃жаанисам̣сз анд̇огаран̣асамад̇т̇ад̇ааяа. вуд̇д̇ан̃хи саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.306) ‘‘бан̃жаанисам̣сз анд̇огаран̣асамад̇т̇ад̇ааяа т̇иранд̇и ад̇т̇о’’д̇и, д̇ат̇аа вимад̇ивинод̣̇анияам̣ (ви. ви. дий. махааваг̇г̇а 2.306) важ̇ираб̣уд̣̇д̇хидийгааяан̃жа (важ̇ира. дий. махааваг̇г̇а 306). ат̇а ваа гзнадтзна гат̇инанд̇и? сан̇г̇ан̣ханадтзна. гат̇ам̣ сан̇г̇ан̣хаад̇ийд̇и? бан̃жаанисам̣сз ан̃н̃ад̇т̇а г̇анд̇ум̣ ад̣̇ад̇ваа сан̇г̇ан̣хаад̇и сан̇кибид̇ваа г̇ан̣хаад̇и. вуд̇д̇ан̃хи винаяад̇т̇аман̃ж̇уусааяам̣ (ган̇каа. абхи. дий. гат̇инасигкаабад̣̇аван̣н̣анаа) ‘‘бан̃жаанисам̣сз ан̃н̃ад̇т̇а г̇анд̇ум̣ ад̣̇ад̇ваа сан̇г̇ан̣ханадтзна гат̇ина’’нд̇и.

    Kenaṭṭhena kathinanti? Thiraṭṭhena. Kasmā thiranti? Anāmantacāraasamādānacāragaṇabhojanayāvadatthacīvarayocatatthacīvaruppādasaṅkhāte pañcānisaṃse antokaraṇasamatthatāya. Vuttañhi sāratthadīpaniyaṃ (sārattha. ṭī. mahāvagga 3.306) ‘‘pañcānisaṃse antokaraṇasamatthatāya thiranti attho’’ti, tathā vimativinodaniyaṃ (vi. vi. ṭī. mahāvagga 2.306) vajirabuddhiṭīkāyañca (vajira. ṭī. mahāvagga 306). Atha vā kenaṭṭhena kathinanti? Saṅgaṇhanaṭṭhena. Kathaṃ saṅgaṇhātīti? Pañcānisaṃse aññattha gantuṃ adatvā saṅgaṇhāti saṅkhipitvā gaṇhāti. Vuttañhi vinayatthamañjūsāyaṃ (kaṅkhā. abhi. ṭī. kathinasikkhāpadavaṇṇanā) ‘‘pañcānisaṃse aññattha gantuṃ adatvā saṅgaṇhanaṭṭhena kathina’’nti.

    гат̇ина-сад̣̇д̣̇о гааяа д̇хаад̇уяаа гзна бажжаязна сиж̇жхад̇ийд̇и? дийгаажарияаа д̇хаад̇убажжаяз ажинд̇зд̇ваа анибпаннабаадибад̣̇игавасзнзва ван̣н̣знд̇и, д̇асмаа аяам̣ сад̣̇д̣̇о рул̣хийсуд̣̇д̇ханаамабхууд̇о анибпаннабаадибад̣̇игасад̣̇д̣̇од̇и вужжад̇и. гат̇ам̣ вин̃н̃ааяад̇ийд̇и жз? д̇ийсуби винаяадийгаасу (саарад̇т̇а. дий. махааваг̇г̇а 3.306; ви. ви. дий. махааваг̇г̇а 2.306; важ̇ира. дий. махааваг̇г̇а 306; ган̇каа. абхи. дий. гат̇инасигкаабад̣̇аван̣н̣анаа) ‘‘т̇иранд̇и ад̇т̇о’’ ижжзва ван̣н̣ид̇ад̇д̇аа. бан̃жаанисам̣сз анд̇огаран̣асамад̇т̇ад̇ааяаад̇и бана т̇ирад̇аа жасса хзд̇убад̣̇амзва. ат̇а ваа гат̇ина-сад̣̇д̣̇о гат̇ад̇хаад̇уяаа инабажжаязна сиж̇жхад̇и. гат̇ам̣? гат̇а сан̇г̇ахан̣зд̇имасса лад̣̇д̇хад̇хаад̇усан̃н̃аад̣̇исса бан̃жаанисам̣сз ан̃н̃ад̇т̇а г̇анд̇ум̣ ад̣̇ад̇ваа сан̇г̇ан̣хаад̇ийд̇и ад̇т̇з ‘‘ина саб̣б̣ад̇т̇аа’’д̇и яог̇авибхааг̇зна ваа ‘‘субад̇о жаа’’д̇и зд̇т̇а жа-сад̣̇д̣̇зна ваа инабажжаяам̣ гад̇ваа барагкарам̣ нзд̇ваа гат̇инасад̣̇д̣̇ад̇о сяуббад̇д̇аад̣̇имхи гад̇з руубам̣. гат̇ам̣ вин̃н̃ааяад̇ийд̇и жз? ‘‘сан̇г̇ан̣ханадтзнаа’’д̇и вуд̇д̇ам̣ ган̇каавид̇аран̣ийдийгаабаатам̣ ниссааяа вин̃н̃ааяад̇и. ат̇а ваа гата гижчаж̇ийванзд̇и д̇хаад̇уд̇о инабажжаяам̣ гад̇ваа сиж̇жхад̇и. аяамад̇т̇о ‘‘гата гижчаж̇ийванз, муд̣̇д̇хаж̇ад̣̇уд̇ияанд̇о д̇хаад̇у, ино’’д̇и абхид̇хаанаббад̣̇ийбигаадийгааяам̣ вуд̇д̇ад̇д̇аа вин̃н̃ааяад̇и.

    Kathina-saddo kāya dhātuyā kena paccayena sijjhatīti? Ṭīkācariyā dhātupaccaye acintetvā anipphannapāṭipadikavaseneva vaṇṇenti, tasmā ayaṃ saddo ruḷhīsuddhanāmabhūto anipphannapāṭipadikasaddoti vuccati. Kathaṃ viññāyatīti ce? Tīsupi vinayaṭīkāsu (sārattha. ṭī. mahāvagga 3.306; vi. vi. ṭī. mahāvagga 2.306; vajira. ṭī. mahāvagga 306; kaṅkhā. abhi. ṭī. kathinasikkhāpadavaṇṇanā) ‘‘thiranti attho’’ icceva vaṇṇitattā. Pañcānisaṃse antokaraṇasamatthatāyāti pana thiratā cassa hetupadameva. Atha vā kathina-saddo kathadhātuyā inapaccayena sijjhati. Kathaṃ? Katha saṅgahaṇetimassa laddhadhātusaññādissa pañcānisaṃse aññattha gantuṃ adatvā saṅgaṇhātīti atthe ‘‘ina sabbatthā’’ti yogavibhāgena vā ‘‘supato cā’’ti ettha ca-saddena vā inapaccayaṃ katvā parakkharaṃ netvā kathinasaddato syuppattādimhi kate rūpaṃ. Kathaṃ viññāyatīti ce? ‘‘Saṅgaṇhanaṭṭhenā’’ti vuttaṃ kaṅkhāvitaraṇīṭīkāpāṭhaṃ nissāya viññāyati. Atha vā kaṭha kicchajīvaneti dhātuto inapaccayaṃ katvā sijjhati. Ayamattho ‘‘kaṭha kicchajīvane, muddhajadutiyanto dhātu, ino’’ti abhidhānappadīpikāṭīkāyaṃ vuttattā viññāyati.

    б̣ахуу бана бан̣д̣ид̇аа имам̣ баатам̣язва г̇ахзд̇ваа ‘‘гат̇ина-сад̣̇д̣̇о муд̣̇д̇хаж̇ад̣̇уд̇ияанд̇оязва ход̇и, на д̣̇анд̇аж̇о’’д̇и вад̣̇анд̇и жзва ликанд̇и жа, на банзвам̣ зганд̇ад̇о вад̇д̇аб̣б̣ам̣. гасмаа? абхид̇хаанаббад̣̇ийбигаадийгааяам̣ гагкал̣абарияааяам̣ г̇ун̣асад̣̇д̣̇абхууд̇ам̣ гатинасад̣̇д̣̇ам̣ санд̇хааяа вуд̇д̇ам̣, на саасанавохаарад̇о наамасад̣̇д̣̇абхууд̇ам̣. д̇знзвааха ‘‘бан̃жагам̣ гагкал̣з’’д̇и. анзгзсу бана баал̣иадтагат̇аад̣̇ибод̇т̇агзсу ж̇инасаасанавохаарад̇о наамасад̣̇д̣̇абхууд̇о гат̇ина-сад̣̇д̣̇о д̣̇анд̇аж̇оязва язбхуяязна бан̃н̃ааяад̇и , д̇знзва жа гааран̣зна абхид̇хаанаббад̣̇ийбигаадийгааяамби ван̣н̣авибарияааяз гат̇инанд̇иби вуд̇д̇ам̣. ат̇а ваа гад̇т̇а силаагхааяанд̇и д̇хаад̇уд̇о инабажжаяам̣ гад̇ваа сасам̣яог̇ад̇т̇агаарам̣ нисам̣яог̇ам̣ гад̇ваа сиж̇жхад̇и. аяамад̇т̇о силаагхаад̣̇исуд̇д̇асса вуд̇д̇ияам̣ ‘‘силаагха гад̇т̇анз’’д̇и важанад̇о, сад̣̇д̣̇анийд̇ияан̃жа ‘‘гад̇т̇анам̣ басам̣сана’’нд̇и ван̣н̣ид̇ад̇д̇аа жа вин̃н̃ааяад̇и. ид̣̇ан̃жа важанам̣ ‘‘ид̣̇ан̃хи гат̇инавад̇д̇ам̣ наама б̣уд̣̇д̇хаббасад̇т̇а’’нд̇и адтагат̇ааважанзна (махаава. адта. 306) самзд̇и. аажарияаа бана ‘‘гатад̇хаад̇у инабажжаяо’’д̇и вигаббзд̇ваа ‘‘гата самад̇т̇анз’’д̇и ад̇т̇ам̣ вад̣̇анд̇и, д̇ам̣ дийгаасу (саарад̇т̇а. дий. махааваг̇г̇а 3.306; ви. ви. дий. махааваг̇г̇а 2.306; важ̇ира. дий. махааваг̇г̇а 306; ган̇каа. абхи. дий. гат̇инасигкаабад̣̇аван̣н̣анаа) ‘‘т̇иранд̇и ад̇т̇о’’д̇и важанам̣ анабзгкид̇ваа ‘‘бан̃жаанисам̣сз анд̇огаран̣асамад̇т̇ад̇ааяаа’’д̇и хзд̇умзва ад̇т̇абхаавзна г̇ахзд̇ваа вуд̇д̇ам̣ сияаа, д̇ам̣ бана т̇ирабхаавасса хзд̇уязва.

    Bahū pana paṇḍitā imaṃ pāṭhaṃyeva gahetvā ‘‘kathina-saddo muddhajadutiyantoyeva hoti, na dantajo’’ti vadanti ceva likhanti ca, na panevaṃ ekantato vattabbaṃ. Kasmā? Abhidhānappadīpikāṭīkāyaṃ kakkhaḷapariyāyaṃ guṇasaddabhūtaṃ kaṭhinasaddaṃ sandhāya vuttaṃ, na sāsanavohārato nāmasaddabhūtaṃ. Tenevāha ‘‘pañcakaṃ kakkhaḷe’’ti. Anekesu pana pāḷiaṭṭhakathādipotthakesu jinasāsanavohārato nāmasaddabhūto kathina-saddo dantajoyeva yebhuyyena paññāyati , teneva ca kāraṇena abhidhānappadīpikāṭīkāyampi vaṇṇavipariyāye kathinantipi vuttaṃ. Atha vā kattha silāghāyanti dhātuto inapaccayaṃ katvā sasaṃyogatthakāraṃ nisaṃyogaṃ katvā sijjhati. Ayamattho silāghādisuttassa vuttiyaṃ ‘‘silāgha katthane’’ti vacanato, saddanītiyañca ‘‘katthanaṃ pasaṃsana’’nti vaṇṇitattā ca viññāyati. Idañca vacanaṃ ‘‘idañhi kathinavattaṃ nāma buddhappasattha’’nti aṭṭhakathāvacanena (mahāva. aṭṭha. 306) sameti. Ācariyā pana ‘‘kaṭhadhātu inapaccayo’’ti vikappetvā ‘‘kaṭha samatthane’’ti atthaṃ vadanti, taṃ ṭīkāsu (sārattha. ṭī. mahāvagga 3.306; vi. vi. ṭī. mahāvagga 2.306; vajira. ṭī. mahāvagga 306; kaṅkhā. abhi. ṭī. kathinasikkhāpadavaṇṇanā) ‘‘thiranti attho’’ti vacanaṃ anapekkhitvā ‘‘pañcānisaṃse antokaraṇasamatthatāyā’’ti hetumeva atthabhāvena gahetvā vuttaṃ siyā, taṃ pana thirabhāvassa hetuyeva.

    гат̇ам̣ виг̇г̇ахо гаад̇аб̣б̣од̇и? аяам̣ гат̇ина-сад̣̇д̣̇о жад̇уусу бад̣̇зсу наамабад̣̇ам̣, бан̃жасу наамзсу суд̣̇д̇ханаамам̣, жад̇уусу суд̣̇д̇ханаамзсу рул̣хийсуд̣̇д̇ханаамам̣, д̣̇вийсу баадибад̣̇игасад̣̇д̣̇зсу анибпаннабаадибад̣̇игасад̣̇д̣̇ао, д̇асмаа виг̇г̇ахо на гаад̇аб̣б̣о. вуд̇д̇ан̃хи –

    Kathaṃ viggaho kātabboti? Ayaṃ kathina-saddo catūsu padesu nāmapadaṃ, pañcasu nāmesu suddhanāmaṃ, catūsu suddhanāmesu ruḷhīsuddhanāmaṃ, dvīsu pāṭipadikasaddesu anipphannapāṭipadikasaddao, tasmā viggaho na kātabbo. Vuttañhi –

    ‘‘рул̣хийкяаад̇ам̣ нибаад̇ан̃жу-басаг̇г̇аалабанам̣ д̇ат̇аа;

    ‘‘Ruḷhīkhyātaṃ nipātañcu-pasaggālapanaṃ tathā;

    саб̣б̣анаамигамзд̇зсу, на гад̇о виг̇г̇ахо часуу’’д̇и.

    Sabbanāmikametesu, na kato viggaho chasū’’ti.

    аяамад̇т̇о ‘‘гат̇инанд̇и…бз… т̇иранд̇и ад̇т̇о’’д̇и дийгаасу (саарад̇т̇а. дий. махааваг̇г̇а 3.306; ви. ви. дий. махааваг̇г̇а 2.306; важ̇ира. дий. махааваг̇г̇а 306; ган̇каа. абхи. дий. гат̇инасигкаабад̣̇аван̣н̣анаа) важанад̇о вин̃н̃ааяад̇и. ат̇а ваа бан̃жаанисам̣сз ан̃н̃ад̇т̇а г̇анд̇ум̣ ад̣̇ад̇ваа гат̇ад̇и сан̇г̇ан̣хаад̇ийд̇и гат̇инам̣, аяам̣ важанад̇т̇о яат̇аавуд̇д̇авинаяад̇т̇аман̃ж̇уусаабаатавасзна (ган̇каа. абхи. дий. гат̇инасигкаабад̣̇аван̣н̣анаа) вин̃н̃ааяад̇и. ат̇а ваа гатад̇и гижчзна ж̇ийвад̇ийд̇и гат̇ино, ругко, д̇асса зсод̇и гат̇ино, т̇ирабхааво, со зд̇асса ад̇т̇ийд̇и гат̇инам̣, бан̃н̃ад̇д̇иж̇аад̇ам̣ та-гаарасса т̇а-гаарам̣ гад̇ваа гат̇инанд̇и вуд̇д̇ам̣. аяам̣ наяо ‘‘гата гижчаж̇ийванз’’д̇и д̇хаад̇вад̇т̇асам̣ван̣н̣анааяа жа ‘‘бан̃жаанисам̣сз анд̇огаран̣асамад̇т̇ад̇ааяа т̇иранд̇и ад̇т̇о’’д̇и дийгааважанзна (саарад̇т̇а. дий. махааваг̇г̇а 3.306; ви. ви. дий. махааваг̇г̇а 2.306; важ̇ира. дий. махааваг̇г̇а 306; ган̇каа. абхи. гат̇инасигкаабад̣̇аван̣н̣анаа) жа самзд̇ийд̇и д̣̇адтаб̣б̣о. ат̇а ваа гат̇ийяад̇з силаагхад̇з басам̣сийяад̇з б̣уд̣̇д̇хаад̣̇ийхийд̇и гат̇инам̣, аяам̣ наяо ‘‘гад̇т̇а силаагхааяа’’нд̇и д̇хаад̇вад̇т̇асам̣ван̣н̣анааяа жа ‘‘ид̣̇ан̃хи гат̇инавад̇д̇ам̣ наама б̣уд̣̇д̇хаббасад̇т̇а’’нд̇и (махаава. адта. 306) адтагат̇ааважанзна жа самзд̇ийд̇и д̣̇адтаб̣б̣о.

    Ayamattho ‘‘kathinanti…pe… thiranti attho’’ti ṭīkāsu (sārattha. ṭī. mahāvagga 3.306; vi. vi. ṭī. mahāvagga 2.306; vajira. ṭī. mahāvagga 306; kaṅkhā. abhi. ṭī. kathinasikkhāpadavaṇṇanā) vacanato viññāyati. Atha vā pañcānisaṃse aññattha gantuṃ adatvā kathati saṅgaṇhātīti kathinaṃ, ayaṃ vacanattho yathāvuttavinayatthamañjūsāpāṭhavasena (kaṅkhā. abhi. ṭī. kathinasikkhāpadavaṇṇanā) viññāyati. Atha vā kaṭhati kicchena jīvatīti kathino, rukkho, tassa esoti kathino, thirabhāvo, so etassa atthīti kathinaṃ, paññattijātaṃ ṭha-kārassa tha-kāraṃ katvā kathinanti vuttaṃ. Ayaṃ nayo ‘‘kaṭha kicchajīvane’’ti dhātvatthasaṃvaṇṇanāya ca ‘‘pañcānisaṃse antokaraṇasamatthatāya thiranti attho’’ti ṭīkāvacanena (sārattha. ṭī. mahāvagga 3.306; vi. vi. ṭī. mahāvagga 2.306; vajira. ṭī. mahāvagga 306; kaṅkhā. abhi. kathinasikkhāpadavaṇṇanā) ca sametīti daṭṭhabbo. Atha vā kathīyate silāghate pasaṃsīyate buddhādīhīti kathinaṃ, ayaṃ nayo ‘‘kattha silāghāya’’nti dhātvatthasaṃvaṇṇanāya ca ‘‘idañhi kathinavattaṃ nāma buddhappasattha’’nti (mahāva. aṭṭha. 306) aṭṭhakathāvacanena ca sametīti daṭṭhabbo.

    зд̇т̇а бана сан̇кзбаружид̇д̇аа аажарияасса сад̣̇д̣̇алагкан̣ам̣ авижаарзд̇ваа ад̇т̇амзва бужчам̣ гад̇ваа виссаж̇ж̇зд̇ум̣ ‘‘гат̇инам̣ ад̇т̇арид̇ум̣ гз лабханд̇и, гз на лабханд̇ий’’д̇иаад̣̇имааха. д̇ад̇т̇а гз лабханд̇ийд̇и гз саад̇хзнд̇ийд̇и ад̇т̇о. бан̃жа ж̇анаа лабханд̇ийд̇и бан̃жа ж̇анаа саад̇хзнд̇и. гат̇инад̣̇уссасса хи д̣̇ааяагаа бажчимагодияаа жад̇д̇ааро хонд̇и, зго бадиг̇г̇аахагод̇и. ‘‘д̇ад̇ра, бхигкавз, явааяам̣ жад̇уваг̇г̇о бхигкусан̇гхо табзд̇ваа д̇ийн̣и гаммаани убасамбад̣̇ам̣ бавааран̣ам̣ аб̣бхаана’’нд̇и жамбзяяагканд̇хагз (махаава. 388) вуд̇д̇ад̇д̇аа на бан̃жаваг̇г̇агаран̣ийяанд̇и г̇ахзд̇аб̣б̣ам̣. батамаббавааран̣ааяа баваарид̇аад̇и ид̣̇ам̣ вассажчзд̣̇ам̣ агад̇ваа вассам̣вуд̇т̇абхаавасанд̣̇ассанад̇т̇ам̣ вуд̇д̇ам̣ анд̇арааязна абаваарид̇аанамби вуд̇т̇авассаанам̣ гат̇инад̇т̇аарасамбхавад̇о. д̇знзва ‘‘аббаваарид̇аа ваа’’д̇и авад̇ваа ‘‘чиннавассаа ваа бажчимигааяа убаг̇ад̇аа ваа на лабханд̇ий’’д̇и зд̇д̇агамзва вуд̇д̇ам̣. ан̃н̃асмим̣ вихаарз вуд̇т̇авассааби на лабханд̇ийд̇и наанаасиймааяа ан̃н̃асмим̣ вихаарз вуд̇т̇авассаа имасмим̣ вихаарз гат̇инад̇т̇аарам̣ на лабханд̇ийд̇и ад̇т̇о. саб̣б̣зд̇и чиннавассаад̣̇аяо, анубаг̇ад̇ааби д̇ад̇т̇зва сан̇г̇ахид̇аа. аанисам̣санд̇и гат̇инаанисам̣сажийварам̣. згам̣ ад̇т̇ад̇ажийварам̣язва хи гат̇инажийварам̣ наама ход̇и, авасзсаани жийвараани ваа саадагаа ваа гат̇инаанисам̣сааязва наама. вагкад̇и хи ‘‘авасзсагат̇инаанисам̣сз б̣алававад̇т̇аани вассааваасигатид̇игааяа д̣̇аад̇аб̣б̣ааний’’д̇и. (ви. сан̇г̇а. адта. 226) ид̇арзсанд̇и буримигааяа убаг̇ад̇аанам̣.

    Ettha pana saṅkheparucittā ācariyassa saddalakkhaṇaṃ avicāretvā atthameva pucchaṃ katvā vissajjetuṃ ‘‘kathinaṃ attharituṃ ke labhanti, ke na labhantī’’tiādimāha. Tattha ke labhantīti ke sādhentīti attho. Pañca janā labhantīti pañca janā sādhenti. Kathinadussassa hi dāyakā pacchimakoṭiyā cattāro honti, eko paṭiggāhakoti. ‘‘Tatra, bhikkhave, yvāyaṃ catuvaggo bhikkhusaṅgho ṭhapetvā tīṇi kammāni upasampadaṃ pavāraṇaṃ abbhāna’’nti campeyyakkhandhake (mahāva. 388) vuttattā na pañcavaggakaraṇīyanti gahetabbaṃ. Paṭhamappavāraṇāya pavāritāti idaṃ vassacchedaṃ akatvā vassaṃvutthabhāvasandassanatthaṃ vuttaṃ antarāyena apavāritānampi vutthavassānaṃ kathinatthārasambhavato. Teneva ‘‘appavāritā vā’’ti avatvā ‘‘chinnavassā vā pacchimikāya upagatā vā na labhantī’’ti ettakameva vuttaṃ. Aññasmiṃ vihāre vutthavassāpi nalabhantīti nānāsīmāya aññasmiṃ vihāre vutthavassā imasmiṃ vihāre kathinatthāraṃ na labhantīti attho. Sabbeti chinnavassādayo, anupagatāpi tattheva saṅgahitā. Ānisaṃsanti kathinānisaṃsacīvaraṃ. Ekaṃ atthatacīvaraṃyeva hi kathinacīvaraṃ nāma hoti, avasesāni cīvarāni vā sāṭakā vā kathinānisaṃsāyeva nāma. Vakkhati hi ‘‘avasesakathinānisaṃse balavavatthāni vassāvāsikaṭhitikāya dātabbānī’’ti. (Vi. saṅga. aṭṭha. 226) itaresanti purimikāya upagatānaṃ.

    со жз бажчимигааяа убасамбаж̇ж̇ад̇и, г̇ан̣абуураго жзва ход̇и, аанисам̣сан̃жа лабхад̇ийд̇и иминаа сааман̣зраанам̣ вассуубаг̇аманам̣ анун̃н̃аад̇ам̣ ход̇и. со хи буримигааяа вассуубаг̇ад̇ад̇д̇аа аанисам̣сам̣ лабхад̇и, бажчимигааяа бана убасамбаж̇ж̇ид̇ад̇д̇аа г̇ан̣абуураго ход̇ийд̇и. сажз буримигааяа убаг̇ад̇аа гат̇инад̇т̇аарагусалаа на хонд̇ийд̇иаад̣̇инаа ‘‘адтад̇хаммаговид̣̇о бхигку, гат̇инад̇т̇аарамарахад̇ий’’д̇и винаяавинижчаяз (ви. ви. 2704) ааг̇ад̇ад̇д̇аа саяам̣ жз адтад̇хаммагусало, саяамзва ад̇т̇арид̇аб̣б̣ам̣. но жз, ан̃н̃з адтад̇хаммагусалз бариязсид̇ваа нзд̇аб̣б̣аа, звам̣ агад̇ваа гат̇инам̣ ад̇т̇арид̇ум̣ на ваддад̇ийд̇и д̣̇ассзд̇и. гат̇инам̣ ад̇т̇араабзд̇ваад̇и сагаарид̇аважанзна д̇зхи б̣аахирад̇о ааг̇ад̇ад̇т̇зрзхи саяам̣ гат̇инам̣ на ад̇т̇арид̇аб̣б̣ам̣, саб̣б̣абуб̣б̣агижжаад̣̇игам̣ сам̣вид̣̇ахид̇ваа д̇з буримигааяа вассуубаг̇ад̇аа анд̇осиймадтабхигкууязва ад̇т̇араабзд̇аб̣б̣аад̇и д̣̇ассзд̇и, ан̃н̃ат̇аа ан̃н̃о гат̇инам̣ ад̇т̇арад̇и, ан̃н̃о аанисам̣сам̣ лабхад̇ийд̇и аабаж̇ж̇ад̇и, на банзвам̣ яуж̇ж̇ад̇и. вагкад̇и хи ‘‘аанисам̣со бана ид̇арзсам̣язва ход̇ий’’д̇и. д̣̇аанан̃жа бхун̃ж̇ид̇ваад̇и каад̣̇анийяабхож̇анийяабхууд̇ам̣ аннабаанаад̣̇ид̣̇аанам̣ бхун̃ж̇ид̇ваа. на хи д̇з вад̇т̇уд̣̇аанам̣ лабханд̇и.

    So ce pacchimikāya upasampajjati, gaṇapūrako ceva hoti, ānisaṃsañca labhatīti iminā sāmaṇerānaṃ vassūpagamanaṃ anuññātaṃ hoti. So hi purimikāya vassūpagatattā ānisaṃsaṃ labhati, pacchimikāya pana upasampajjitattā gaṇapūrako hotīti. Sace purimikāya upagatā kathinatthārakusalā na hontītiādinā ‘‘aṭṭhadhammakovido bhikkhu, kathinatthāramarahatī’’ti vinayavinicchaye (vi. vi. 2704) āgatattā sayaṃ ce aṭṭhadhammakusalo, sayameva attharitabbaṃ. No ce, aññe aṭṭhadhammakusale pariyesitvā netabbā, evaṃ akatvā kathinaṃ attharituṃ na vaṭṭatīti dasseti. Kathinaṃ attharāpetvāti sakāritavacanena tehi bāhirato āgatattherehi sayaṃ kathinaṃ na attharitabbaṃ, sabbapubbakiccādikaṃ saṃvidahitvā te purimikāya vassūpagatā antosīmaṭṭhabhikkhūyeva attharāpetabbāti dasseti, aññathā añño kathinaṃ attharati, añño ānisaṃsaṃ labhatīti āpajjati, na panevaṃ yujjati. Vakkhati hi ‘‘ānisaṃso pana itaresaṃyeva hotī’’ti. Dānañca bhuñjitvāti khādanīyabhojanīyabhūtaṃ annapānādidānaṃ bhuñjitvā. Na hi te vatthudānaṃ labhanti.

    гат̇инажийварам̣ д̣̇змаад̇и д̣̇аад̇ум̣ ваддад̇ийд̇и зд̇т̇а ‘‘сан̇гхасса гат̇инажийварам̣ д̣̇змаа’’д̇и вад̇д̇аб̣б̣ам̣. зван̃хи сад̇и ‘‘ид̣̇ам̣ сан̇гхасса гат̇инад̣̇уссам̣ уббанна’’нд̇и (махаава. 307) гаммаваажааяа самзд̇и. ат̇а жа бана буб̣б̣з гад̇абарижаяад̇д̇аа ‘‘сан̇гхассаа’’д̇и авуд̇д̇зби самбад̣̇аанам̣ баагаданд̇и гад̇ваа авуд̇д̇ам̣ сияаад̇и. зд̇т̇згз аажарияаа вад̣̇анд̇и ‘‘сан̇гхассаад̇и авуд̇д̇зби гаалз д̣̇иннам̣ сан̇гхигам̣ ход̇ий’’д̇и, д̇ад̇рзвам̣ вад̇д̇аб̣б̣ам̣ ‘‘на гаалз д̣̇иннам̣ саб̣б̣ам̣ сан̇гхигам̣ ход̇ий’’д̇и. гат̇ам̣ вин̃н̃ааяад̇ийд̇и жз? ‘‘яан̃жа гаалзби сан̇гхасса ваа ид̣̇ам̣ агаалажийваранд̇и, буг̇г̇аласса ваа ид̣̇ам̣ д̇уяхам̣ д̣̇аммийд̇иаад̣̇инаа наязна д̣̇иннам̣, зд̇ам̣ агаалажийварам̣ наамаа’’д̇и ган̇каавид̇аран̣ияам̣ (ган̇каа. адта. агаалаживарасигкаабад̣̇аван̣н̣анаа) ааг̇ад̇ад̇д̇аа буг̇г̇алигамби ход̇ийд̇и вин̃н̃ааяад̇и, д̇асмаа бараммукааби наамам̣ вад̇ваа саммукааби баад̣̇амуулз табзд̇ваа д̣̇иннам̣ буг̇г̇алигамзва ход̇и, на сан̇гхигам̣. вуд̇д̇ан̃хзд̇ам̣ адтагат̇ааяам̣ (махаава. адта. 379) ‘‘буг̇г̇аласса д̣̇зд̇ийд̇и ‘имам̣ жийварам̣ ид̇т̇аннаамасса д̣̇аммий’д̇и звам̣ бараммукаа ваа, баад̣̇амуулз табзд̇ваа ‘имам̣, бханд̇з, д̇умхаагам̣ д̣̇аммий’д̇и звам̣ саммукаа ваа д̣̇зд̇ий’’д̇и. звам̣ буг̇г̇алигз сад̇и д̇ам̣ жийварам̣ сан̇гхасса бхааж̇зд̇аб̣б̣ам̣ ход̇и ваа на ход̇и ваад̇и? со буг̇г̇ало ад̇д̇ано сад̣̇д̇хивихааригаанд̇зваасигабхууд̇асса сан̇гхасса ваа ан̃н̃асса сахад̇хаммигасан̇гхасса ваа бхааж̇зд̇угаамо бхааж̇зяяа, абхааж̇зд̇угаамо ‘‘бхааж̇зд̇уу’’д̇и на гзнажи важанийяо. гат̇ам̣ вин̃н̃ааяад̇ийд̇и жз? ‘‘на хи буг̇г̇аласса аад̣̇исса д̣̇иннам̣ гзнажи бхааж̇анийяам̣ ход̇ий’’д̇и дийгаасу ааг̇аманад̇о вин̃н̃ааяад̇и. ат̇згз аажарияаа звам̣ вад̣̇анд̇и ‘‘гат̇инасса згам̣ муулам̣ сан̇гход̇и (бари. 408) вуд̇д̇ад̇д̇аа буг̇г̇алам̣ уд̣̇д̣̇исса д̣̇иннзби сан̇гхааяад̇д̇ам̣ сан̇гхигам̣ ход̇и. яат̇аа гим̣ ‘сиймааяа д̣̇амми, сзнаасанасса д̣̇аммий’д̇и вуд̇д̇зби д̇ам̣ д̣̇аанам̣ сан̇гхигам̣ ход̇и, яат̇аа жа ‘гат̇инажийварам̣ д̣̇аммий’д̇и вуд̇д̇з сан̇гхигам̣ ход̇ий’’д̇и.

    Kathinacīvaraṃdemāti dātuṃ vaṭṭatīti ettha ‘‘saṅghassa kathinacīvaraṃ demā’’ti vattabbaṃ. Evañhi sati ‘‘idaṃ saṅghassa kathinadussaṃ uppanna’’nti (mahāva. 307) kammavācāya sameti. Atha ca pana pubbe kataparicayattā ‘‘saṅghassā’’ti avuttepi sampadānaṃ pākaṭanti katvā avuttaṃ siyāti. Ettheke ācariyā vadanti ‘‘saṅghassāti avuttepi kāle dinnaṃ saṅghikaṃ hotī’’ti, tatrevaṃ vattabbaṃ ‘‘na kāle dinnaṃ sabbaṃ saṅghikaṃ hotī’’ti. Kathaṃ viññāyatīti ce? ‘‘Yañca kālepi saṅghassa vā idaṃ akālacīvaranti, puggalassa vā idaṃ tuyhaṃ dammītiādinā nayena dinnaṃ, etaṃ akālacīvaraṃ nāmā’’ti kaṅkhāvitaraṇiyaṃ (kaṅkhā. aṭṭha. akālacivarasikkhāpadavaṇṇanā) āgatattā puggalikampi hotīti viññāyati, tasmā parammukhāpi nāmaṃ vatvā sammukhāpi pādamūle ṭhapetvā dinnaṃ puggalikameva hoti, na saṅghikaṃ. Vuttañhetaṃ aṭṭhakathāyaṃ (mahāva. aṭṭha. 379) ‘‘puggalassa detīti ‘imaṃ cīvaraṃ itthannāmassa dammī’ti evaṃ parammukhā vā, pādamūle ṭhapetvā ‘imaṃ, bhante, tumhākaṃ dammī’ti evaṃ sammukhā vā detī’’ti. Evaṃ puggalike sati taṃ cīvaraṃ saṅghassa bhājetabbaṃ hoti vā na hoti vāti? So puggalo attano saddhivihārikaantevāsikabhūtassa saṅghassa vā aññassa sahadhammikasaṅghassa vā bhājetukāmo bhājeyya, abhājetukāmo ‘‘bhājetū’’ti na kenaci vacanīyo. Kathaṃ viññāyatīti ce? ‘‘Na hi puggalassa ādissa dinnaṃ kenaci bhājanīyaṃ hotī’’ti ṭīkāsu āgamanato viññāyati. Atheke ācariyā evaṃ vadanti ‘‘kathinassa ekaṃ mūlaṃ saṅghoti (pari. 408) vuttattā puggalaṃ uddissa dinnepi saṅghāyattaṃ saṅghikaṃ hoti. Yathā kiṃ ‘sīmāya dammi, senāsanassa dammī’ti vuttepi taṃ dānaṃ saṅghikaṃ hoti, yathā ca ‘kathinacīvaraṃ dammī’ti vutte saṅghikaṃ hotī’’ti.

    д̇ад̇рзвам̣ вижаарзд̇аб̣б̣ам̣ – ‘‘гат̇инасса згам̣ муулам̣ сан̇гхо’’д̇и важанам̣ (бари. 408) гат̇инасса муулам̣ гат̇инасса гааран̣ам̣ д̣̇ассзд̇и. яат̇аа хи муулз виж̇ж̇амаанз ругко д̇идтад̇и, авиж̇ж̇амаанз на д̇идтад̇и, д̇асмаа муулам̣ ругкасса гааран̣ам̣ ход̇и, бад̇идтам̣ ход̇и, звам̣ сан̇гхз виж̇ж̇амаанз гат̇инам̣ ход̇и, но авиж̇ж̇амаанз, д̇асмаа сан̇гхо гат̇инасса муулам̣ гат̇инасса гааран̣ам̣ наама ход̇и. гат̇ам̣ сан̇гхз виж̇ж̇амаанз гат̇инам̣ ход̇и? саб̣б̣анд̇имзна барижчзд̣̇зна жад̇уваг̇г̇абхууд̇зна сан̇гхзна ад̇т̇аараарахасса бхигкуно н̃ад̇д̇ид̣̇уд̇ияагаммаваажааяа гат̇инажийварз д̣̇иннзязва д̇зна жийварзна ад̇т̇ад̇ам̣ гат̇инам̣ наама ход̇и, но ад̣̇иннз, д̇асмаа жад̇уваг̇г̇асан̇гхз алаб̣бхамаанз сахассагкад̇д̇ум̣ ‘‘гат̇инам̣ д̣̇аммий’’д̇и вуд̇д̇зби гат̇инам̣ наама на ход̇и, д̇асмаа убажаарасиймааяа барижчиннз вихаарз зго ваа д̣̇вз ваа д̇аяо ваа жад̇д̇ааро ваа бхигкуу вихаранд̇и, д̇ад̇т̇а гат̇инажийварз уббаннз ан̃н̃ад̇о бариязсид̇ваа жад̇уваг̇г̇асан̇гхо зго бадиг̇г̇аахагод̇и бан̃жаннам̣ бхигкуунам̣ бууран̣з сад̇и гат̇инам̣ ад̇т̇арид̇ум̣ лабхад̇и, наасад̇и, звам̣ сан̇гхз виж̇ж̇амаанзязва гат̇инам̣ наама ход̇и, но авиж̇ж̇амаанз, д̇асмаа сан̇гхасса гат̇инасса муулабхууд̇ад̇ам̣ гааран̣абхууд̇ад̇ам̣ санд̇хааяа ‘‘гат̇инасса згам̣ муулам̣ сан̇гхо’’д̇и вуд̇д̇ам̣. ‘‘гат̇ина’’нд̇и вуд̇д̇з сан̇гхигам̣язва ход̇и, но буг̇г̇алиганд̇и ад̇хиббааяо зд̇асмим̣ баатз на лаб̣бхад̇и. яат̇аа гим̣ ‘‘гижжаад̇хигаран̣асса згам̣ муулам̣ сан̇гхо’’д̇и (жуул̣ава. 219) зд̇т̇а абалоганагамман̃ад̇д̇игамман̃ад̇д̇ид̣̇уд̇ияагамман̃ад̇д̇ижад̇уд̇т̇агаммасан̇каад̇ам̣ гижжаад̇хигаран̣ам̣ жад̇уваг̇г̇аад̣̇игз сан̇гхз виж̇ж̇амаанзязва ход̇и, но авиж̇ж̇амаанз, д̇асмаа сан̇гхасса гижжаад̇хигаран̣асса муулабхууд̇ад̇ам̣ гааран̣абхууд̇ад̇ам̣ санд̇хааяа ‘‘гижжаад̇хигаран̣асса згам̣ муулам̣ сан̇гхо’’д̇и вужжад̇и, звам̣самбад̣̇амид̣̇ам̣ д̣̇адтаб̣б̣ам̣.

    Tatrevaṃ vicāretabbaṃ – ‘‘kathinassa ekaṃ mūlaṃ saṅgho’’ti vacanaṃ (pari. 408) kathinassa mūlaṃ kathinassa kāraṇaṃ dasseti. Yathā hi mūle vijjamāne rukkho tiṭṭhati, avijjamāne na tiṭṭhati, tasmā mūlaṃ rukkhassa kāraṇaṃ hoti, patiṭṭhaṃ hoti, evaṃ saṅghe vijjamāne kathinaṃ hoti, no avijjamāne, tasmā saṅgho kathinassa mūlaṃ kathinassa kāraṇaṃ nāma hoti. Kathaṃ saṅghe vijjamāne kathinaṃ hoti? Sabbantimena paricchedena catuvaggabhūtena saṅghena atthārārahassa bhikkhuno ñattidutiyakammavācāya kathinacīvare dinneyeva tena cīvarena atthataṃ kathinaṃ nāma hoti, no adinne, tasmā catuvaggasaṅghe alabbhamāne sahassakkhattuṃ ‘‘kathinaṃ dammī’’ti vuttepi kathinaṃ nāma na hoti, tasmā upacārasīmāya paricchinne vihāre eko vā dve vā tayo vā cattāro vā bhikkhū viharanti, tattha kathinacīvare uppanne aññato pariyesitvā catuvaggasaṅgho eko paṭiggāhakoti pañcannaṃ bhikkhūnaṃ pūraṇe sati kathinaṃ attharituṃ labhati, nāsati, evaṃ saṅghe vijjamāneyeva kathinaṃ nāma hoti, no avijjamāne, tasmā saṅghassa kathinassa mūlabhūtataṃ kāraṇabhūtataṃ sandhāya ‘‘kathinassa ekaṃ mūlaṃ saṅgho’’ti vuttaṃ. ‘‘Kathina’’nti vutte saṅghikaṃyeva hoti, no puggalikanti adhippāyo etasmiṃ pāṭhe na labbhati. Yathā kiṃ ‘‘kiccādhikaraṇassa ekaṃ mūlaṃ saṅgho’’ti (cūḷava. 219) ettha apalokanakammañattikammañattidutiyakammañatticatutthakammasaṅkhātaṃ kiccādhikaraṇaṃ catuvaggādike saṅghe vijjamāneyeva hoti, no avijjamāne, tasmā saṅghassa kiccādhikaraṇassa mūlabhūtataṃ kāraṇabhūtataṃ sandhāya ‘‘kiccādhikaraṇassa ekaṃ mūlaṃ saṅgho’’ti vuccati, evaṃsampadamidaṃ daṭṭhabbaṃ.

    яад̣̇иби вуд̇д̇ам̣ ‘‘яат̇аа ‘сиймааяа д̣̇амми, сзнаасанасса д̣̇аммий’д̇иаад̣̇ийсу д̇ам̣ д̣̇аанам̣ сан̇гхааяад̇д̇амзва ход̇и, д̇ат̇аа ‘гат̇ина д̣̇аммий’д̇и вуд̇д̇з буг̇г̇алам̣ уд̣̇д̣̇исса д̣̇иннзби сан̇гхааяад̇д̇амзва сан̇гхигамзва ход̇ий’’д̇и, д̇ат̇ааби звам̣ вижааран̣аа гаад̇аб̣б̣аа – ‘‘сиймааяа д̣̇амми, сзнаасанасса д̣̇аммий’’д̇иаад̣̇ийсу сиймаа жа сзнаасанан̃жа д̣̇аанабадиг̇г̇аахагаа на хонд̇и, д̇асмаа сиймадтасса жа сзнаасанадтасса жа сан̇гхасса ааяад̇д̇ам̣ ход̇и, буг̇г̇ало бана д̣̇аанабадиг̇г̇аахагова, д̇асмаа ‘‘имам̣ гат̇инажийварам̣ ид̇т̇аннаамасса бхигкуно д̣̇аммий’’д̇и бараммукаа ваа д̇асса бхигкуно баад̣̇амуулз табзд̇ваа саммукаа ваа д̣̇иннам̣ гат̇ам̣ сан̇гхааяад̇д̇ам̣ сан̇гхасанд̇агам̣ бхавзяяа, звам̣ сан̇гхасса абарин̣ад̇ам̣ буг̇г̇алигажийварам̣ сан̇гхасса барин̣аамзяяа, навасу ад̇хаммигад̣̇аанзсу згам̣ бхавзяяа, д̇асса жийварасса бадиг̇г̇ахоби навасу ад̇хаммигабадиг̇г̇ахзсу зго бхавзяяа, д̇асса жийварасса барибхог̇оби навасу ад̇хаммигабарибхог̇зсу зго бхавзяяа. гат̇ам̣ вин̃н̃ааяад̇ийд̇и жз? нава ад̇хаммигаани д̣̇аанаанийд̇и сан̇гхасса барин̣ад̇ам̣ ан̃н̃асан̇гхасса ваа жзд̇ияасса ваа буг̇г̇аласса ваа барин̣аамзд̇и, жзд̇ияасса барин̣ад̇ам̣ ан̃н̃ажзд̇ияасса ваа сан̇гхасса ваа буг̇г̇аласса ваа барин̣аамзд̇и, буг̇г̇аласса барин̣ад̇ам̣ ан̃н̃абуг̇г̇аласса ваа сан̇гхасса ваа жзд̇ияасса ваа барин̣аамзд̇и, ‘‘нава ад̇хаммигаа барибхог̇аа’’д̇и ааг̇ад̇ам̣ бариваарабаал̣ин̃жа (бари. 329) ‘‘нава бадиг̇г̇ахабарибхог̇аад̇и зд̇зсам̣язва д̣̇аанаанам̣ бадиг̇г̇ахаа жа барибхог̇аа жаа’’д̇и ааг̇ад̇ам̣ адтагат̇ан̃жа (бари. адта. 329) ологзд̇ваа вин̃н̃ааяад̇ийд̇и.

    Yadipi vuttaṃ ‘‘yathā ‘sīmāya dammi, senāsanassa dammī’tiādīsu taṃ dānaṃ saṅghāyattameva hoti, tathā ‘kathina dammī’ti vutte puggalaṃ uddissa dinnepi saṅghāyattameva saṅghikameva hotī’’ti, tathāpi evaṃ vicāraṇā kātabbā – ‘‘sīmāya dammi, senāsanassa dammī’’tiādīsu sīmā ca senāsanañca dānapaṭiggāhakā na honti, tasmā sīmaṭṭhassa ca senāsanaṭṭhassa ca saṅghassa āyattaṃ hoti, puggalo pana dānapaṭiggāhakova, tasmā ‘‘imaṃ kathinacīvaraṃ itthannāmassa bhikkhuno dammī’’ti parammukhā vā tassa bhikkhuno pādamūle ṭhapetvā sammukhā vā dinnaṃ kathaṃ saṅghāyattaṃ saṅghasantakaṃ bhaveyya, evaṃ saṅghassa apariṇataṃ puggalikacīvaraṃ saṅghassa pariṇāmeyya, navasu adhammikadānesu ekaṃ bhaveyya, tassa cīvarassa paṭiggahopi navasu adhammikapaṭiggahesu eko bhaveyya, tassa cīvarassa paribhogopi navasu adhammikaparibhogesu eko bhaveyya. Kathaṃ viññāyatīti ce? Nava adhammikāni dānānīti saṅghassa pariṇataṃ aññasaṅghassa vā cetiyassa vā puggalassa vā pariṇāmeti, cetiyassa pariṇataṃ aññacetiyassa vā saṅghassa vā puggalassa vā pariṇāmeti, puggalassa pariṇataṃ aññapuggalassa vā saṅghassa vā cetiyassa vā pariṇāmeti, ‘‘nava adhammikā paribhogā’’ti āgataṃ parivārapāḷiñca (pari. 329) ‘‘nava paṭiggahaparibhogāti etesaṃyeva dānānaṃ paṭiggahā ca paribhogā cā’’ti āgataṃ aṭṭhakathañca (pari. aṭṭha. 329) oloketvā viññāyatīti.

    ат̇ааби звам̣ вад̣̇анд̇и – д̣̇ааяаго сан̇гхад̇т̇зрасса ваа г̇ант̇ад̇худ̇ан̇г̇авасзна абхин̃н̃аад̇асса ваа бхад̇д̇уд̣̇д̣̇зсагасса ваа бахин̣ад̇и ‘‘амхаагам̣ бхад̇д̇аг̇г̇ахан̣ад̇т̇ааяа адта бхигкуу г̇ахзд̇ваа ааг̇ажчат̇аа’’д̇и, сажзби н̃аад̇иубадтаагзхи бзсид̇ам̣ ход̇и, имз д̇аяо ж̇анаа бужчид̇ум̣ на лабханд̇и. аарул̣хааязва маад̇игам̣, сан̇гхад̇о адта бхигкуу уд̣̇д̣̇исаабзд̇ваа ад̇д̇анавамзхи г̇анд̇аб̣б̣ам̣. гасмаа? бхигкусан̇гхасса хи зд̇з бхигкуу ниссааяа лаабхо уббаж̇ж̇ад̇ийд̇и. г̇ант̇ад̇худ̇ан̇г̇аад̣̇ийхи бана анабхин̃н̃аад̇о ааваасигабхигку бужчид̇ум̣ лабхад̇и, д̇асмаа д̇зна ‘‘гим̣ сан̇гхад̇о г̇ан̣хаами, уд̣̇ааху яз ж̇аанаами, д̇зхи сад̣̇д̇хим̣ ааг̇ажчаамий’’д̇и маад̇игам̣ ааробзд̇ваа яат̇аа д̣̇ааяагаа вад̣̇анд̇и, д̇ат̇аа бадибаж̇ж̇ид̇аб̣б̣анд̇и (жуул̣ава. адта. 325), ийд̣̇исзсу таанзсу ‘‘сан̇гхасса лаабхо буг̇г̇алам̣ убаниссааяа уббаж̇ж̇ад̇ий’’д̇и важанам̣ убанид̇хааяа ‘‘сан̇гхасса лаабхо буг̇г̇алам̣ ниссааяа уббаж̇ж̇ад̇и, буг̇г̇аласса бад̇д̇алаабхо сан̇гхам̣ аамасид̇ваа д̣̇знд̇о сан̇гхааяад̇д̇о ход̇ий’’д̇и вин̃н̃ааяад̇ийд̇и.

    Athāpi evaṃ vadanti – dāyako saṅghattherassa vā ganthadhutaṅgavasena abhiññātassa vā bhattuddesakassa vā pahiṇati ‘‘amhākaṃ bhattaggahaṇatthāya aṭṭha bhikkhū gahetvā āgacchathā’’ti, sacepi ñātiupaṭṭhākehi pesitaṃ hoti, ime tayo janā pucchituṃ na labhanti. Āruḷhāyeva mātikaṃ, saṅghato aṭṭha bhikkhū uddisāpetvā attanavamehi gantabbaṃ. Kasmā? Bhikkhusaṅghassa hi ete bhikkhū nissāya lābho uppajjatīti. Ganthadhutaṅgādīhi pana anabhiññāto āvāsikabhikkhu pucchituṃ labhati, tasmā tena ‘‘kiṃ saṅghato gaṇhāmi, udāhu ye jānāmi, tehi saddhiṃ āgacchāmī’’ti mātikaṃ āropetvā yathā dāyakā vadanti, tathā paṭipajjitabbanti (cūḷava. aṭṭha. 325), īdisesu ṭhānesu ‘‘saṅghassa lābho puggalaṃ upanissāya uppajjatī’’ti vacanaṃ upanidhāya ‘‘saṅghassa lābho puggalaṃ nissāya uppajjati, puggalassa pattalābho saṅghaṃ āmasitvā dento saṅghāyatto hotī’’ti viññāyatīti.

    имасмимби важанз звам̣ вижааран̣аа гаад̇аб̣б̣аа – д̇асмим̣ д̇у ниманд̇анз на буг̇г̇алам̣язва ниманд̇зд̇и, ат̇а ко сасан̇гхам̣ буг̇г̇алам̣ ниманд̇зд̇и. д̇ад̇т̇а д̇у ‘‘сан̇гха’’нд̇и авад̇ваа ‘‘адта бхигкуу’’д̇и вуд̇д̇ад̇д̇аа ‘‘гим̣ сан̇гхад̇о г̇ан̣хаами, уд̣̇ааху яз ж̇аанаами, д̇зхи сад̣̇д̇хим̣ ааг̇ажчаамий’’д̇и анабхин̃н̃аад̇о буг̇г̇ало бужчид̇ум̣ лабхад̇и. сан̇гхад̇т̇зрасса бана сан̇гхам̣ барихарид̇ваа васид̇ад̇д̇аа ‘‘адта бхигкуу’’д̇и вуд̇д̇з сан̇гхам̣ табзд̇ваа ан̃н̃зсам̣ г̇ахан̣агааран̣ам̣ над̇т̇и, г̇ант̇ад̇худ̇ан̇г̇авасзна абхин̃н̃аад̇абуг̇г̇алоби сан̇гхасса бун̃н̃аниссид̇ад̇д̇аа ‘‘адта бхигкуу’’д̇и вуд̇д̇з сан̇гхад̇оязва г̇ан̣хаад̇и, бхад̇д̇уд̣̇д̣̇зсагассаби д̣̇звасигам̣ сан̇гхассзва бхад̇д̇авижааран̣ад̇д̇аа ‘‘адта бхигкуу’’д̇и вуд̇д̇з сан̇гхам̣ табзд̇ваа ан̃н̃зсам̣ г̇ахан̣агааран̣ам̣ над̇т̇и. звам̣ ‘‘адта бхигкуу г̇ахзд̇ваа ааг̇ажчат̇аа’’д̇и саха сан̇гхзна ниманд̇ид̇ад̇д̇аа ‘‘имз д̇аяо ж̇анаа бужчид̇ум̣ на лабханд̇ий’’д̇и вуд̇д̇ам̣, на ‘‘д̇вам̣ ааг̇ажчаахий’’д̇и буг̇г̇алассзва ниманд̇анз сад̇иби сан̇гхам̣ г̇ахзд̇ваа ааг̇анд̇аб̣б̣ад̇од̇и. звам̣ ‘‘адта бхигкуу г̇ахзд̇ваа ааг̇ажчат̇аа’’д̇и сасан̇гхассзва буг̇г̇аласса ниманд̇ид̇ад̇д̇аа сан̇гхо г̇ахзд̇аб̣б̣о ход̇и, на ‘‘д̇умхз ааг̇ажчат̇аа’’д̇и буг̇г̇алассзва ниманд̇ид̇ад̇д̇аа, д̇асмаа ‘‘буг̇г̇аласса лаабхо сан̇гхааяад̇д̇о’’д̇и на саггаа вад̇д̇ум̣ , адтагат̇аад̣̇ийсу багаран̣зсуби ‘‘буг̇г̇алам̣ ниссааяа сан̇гхасса лаабхо уббаж̇ж̇ад̇и’’ ижжзва вуд̇д̇о, на ‘‘буг̇г̇аласса лаабхо сан̇гхааяад̇д̇о’’д̇и. жийваралаабхакзд̇д̇абхууд̇аасу адтасу маад̇игаасу жа ‘‘сан̇гхасса д̣̇зд̇ий’’д̇и жа висум̣, ‘‘буг̇г̇аласса д̣̇зд̇ий’’д̇и жа висум̣ ааг̇ад̇ам̣. буг̇г̇аласса д̣̇зд̇ийд̇и ‘‘имам̣ жийварам̣ ид̇т̇аннаамасса д̣̇аммий’’д̇и звам̣ бараммукаа ваа, баад̣̇амуулз табзд̇ваа ‘‘имам̣ бханд̇з д̇умхаагам̣ д̣̇аммий’’д̇и звам̣ саммукаа ваа д̣̇зд̇ийд̇и.

    Imasmimpi vacane evaṃ vicāraṇā kātabbā – tasmiṃ tu nimantane na puggalaṃyeva nimanteti, atha kho sasaṅghaṃ puggalaṃ nimanteti. Tattha tu ‘‘saṅgha’’nti avatvā ‘‘aṭṭha bhikkhū’’ti vuttattā ‘‘kiṃ saṅghato gaṇhāmi, udāhu ye jānāmi, tehi saddhiṃ āgacchāmī’’ti anabhiññāto puggalo pucchituṃ labhati. Saṅghattherassa pana saṅghaṃ pariharitvā vasitattā ‘‘aṭṭha bhikkhū’’ti vutte saṅghaṃ ṭhapetvā aññesaṃ gahaṇakāraṇaṃ natthi, ganthadhutaṅgavasena abhiññātapuggalopi saṅghassa puññanissitattā ‘‘aṭṭha bhikkhū’’ti vutte saṅghatoyeva gaṇhāti, bhattuddesakassapi devasikaṃ saṅghasseva bhattavicāraṇattā ‘‘aṭṭha bhikkhū’’ti vutte saṅghaṃ ṭhapetvā aññesaṃ gahaṇakāraṇaṃ natthi. Evaṃ ‘‘aṭṭha bhikkhū gahetvā āgacchathā’’ti saha saṅghena nimantitattā ‘‘ime tayo janā pucchituṃ na labhantī’’ti vuttaṃ, na ‘‘tvaṃ āgacchāhī’’ti puggalasseva nimantane satipi saṅghaṃ gahetvā āgantabbatoti. Evaṃ ‘‘aṭṭha bhikkhū gahetvā āgacchathā’’ti sasaṅghasseva puggalassa nimantitattā saṅgho gahetabbo hoti, na ‘‘tumhe āgacchathā’’ti puggalasseva nimantitattā, tasmā ‘‘puggalassa lābho saṅghāyatto’’ti na sakkā vattuṃ , aṭṭhakathādīsu pakaraṇesupi ‘‘puggalaṃ nissāya saṅghassa lābho uppajjati’’ icceva vutto, na ‘‘puggalassa lābho saṅghāyatto’’ti. Cīvaralābhakhettabhūtāsu aṭṭhasu mātikāsu ca ‘‘saṅghassa detī’’ti ca visuṃ, ‘‘puggalassa detī’’ti ca visuṃ āgataṃ. Puggalassa detīti ‘‘imaṃ cīvaraṃ itthannāmassa dammī’’ti evaṃ parammukhā vā, pādamūle ṭhapetvā ‘‘imaṃ bhante tumhākaṃ dammī’’ti evaṃ sammukhā vā detīti.

    ид̣̇аани бана жийварам̣ д̣̇аад̇угаамаа убаасагаа ваа убаасигааяо ваа саяам̣ анааг̇анд̇ваа буд̇д̇ад̣̇аасаад̣̇аяо аан̣аабзнд̇ааби ‘‘имам̣ жийварам̣ ид̇т̇аннаамасса т̇зрасса д̣̇зт̇аа’’д̇и вад̇ваа буг̇г̇алассзва д̣̇аабзнд̇и, саамам̣ г̇анд̇ваа д̣̇ад̣̇анд̇ааби баад̣̇амуулз табзд̇ваа ваа хад̇т̇з табзд̇ваа ваа хад̇т̇зна пусаабзд̇ваа ваа д̣̇ад̣̇анд̇и ‘‘имам̣, бханд̇з, жийварам̣ д̇умхз уд̣̇д̣̇исса зд̇д̇агам̣ д̇ханам̣ барижжаж̇ид̇ваа гад̇ам̣, зван̃жа зван̃жа хад̇т̇агаммам̣ гад̇ваа самбаад̣̇ид̇ам̣, д̇асмаа д̇умхз ниваасат̇а баарубат̇а барибхун̃ж̇ат̇аа’’д̇иаад̣̇ийни вад̣̇анд̇и, д̇асса буг̇г̇аласса барибхог̇агаран̣амзва ижчанд̇и, на сан̇гхасса д̣̇аанам̣. гзжи ад̇удтагат̇амби гат̇знд̇и. звам̣ буг̇г̇аламзва уд̣̇д̣̇исса д̣̇иннажийварасса сан̇гхзна ааяад̇д̇агааран̣ам̣ над̇т̇и. ‘‘сажз бана ‘ид̣̇ам̣ д̇умхааган̃жа д̇умхаагам̣ анд̇зваасигаанан̃жа д̣̇аммий’д̇и звам̣ вад̣̇ад̇и, т̇зрасса жа анд̇зваасигаанан̃жа баабун̣аад̇ий’’д̇и (махаава. адта. 379) ааг̇аманад̇о звам̣ вад̇ваа д̣̇знд̇з бана аажарияанд̇зваасигаанам̣ баабун̣аад̇и, ананд̇зваасигасса бана на баабун̣аад̇и. ‘‘уд̣̇д̣̇зсам̣ г̇ахзд̇ум̣ ааг̇ад̇о г̇ахзд̇ваа г̇ажчанд̇о жа ад̇т̇и, д̇ассаби баабун̣аад̇ий’’д̇и ааг̇аманад̇о б̣ахисиймадтасса д̇хамманд̇зваасигассаби баабун̣аад̇и. ‘‘д̇умхзхи сад̣̇д̇хим̣ ниб̣ад̣̇д̇хажааригабхигкуунам̣ д̣̇аммийд̇и вуд̇д̇з уд̣̇д̣̇зсанд̇зваасигаанам̣ вад̇д̇ам̣ гад̇ваа уд̣̇д̣̇зсабарибужчаад̣̇ийни г̇ахзд̇ваа вижаранд̇аанам̣ саб̣б̣зсам̣ баабун̣аад̇ий’’д̇и (махаава. адта. 379) ааг̇аманад̇о звам̣ вад̇ваа д̣̇знд̇з д̇хамманд̇зваасигаанам̣ вад̇д̇абадибад̇д̇игаарагаанан̃жа анд̇зваасигаанам̣ баабун̣аад̇и. звам̣ д̣̇ааяагаанам̣ важанаануруубамзва д̣̇аанасса бавад̇д̇анад̇о ‘‘яат̇аа д̣̇ааяагаа вад̣̇анд̇и, д̇ат̇аа бадибаж̇ж̇ид̇аб̣б̣а’’нд̇и (жуул̣ава. адта. 325) адтагат̇аажарияаа вад̣̇анд̇и.

    Idāni pana cīvaraṃ dātukāmā upāsakā vā upāsikāyo vā sayaṃ anāgantvā puttadāsādayo āṇāpentāpi ‘‘imaṃ cīvaraṃ itthannāmassa therassa dethā’’ti vatvā puggalasseva dāpenti, sāmaṃ gantvā dadantāpi pādamūle ṭhapetvā vā hatthe ṭhapetvā vā hatthena phusāpetvā vā dadanti ‘‘imaṃ, bhante, cīvaraṃ tumhe uddissa ettakaṃ dhanaṃ pariccajitvā kataṃ, evañca evañca hatthakammaṃ katvā sampāditaṃ, tasmā tumhe nivāsatha pārupatha paribhuñjathā’’tiādīni vadanti, tassa puggalassa paribhogakaraṇameva icchanti, na saṅghassa dānaṃ. Keci atuṭṭhakathampi kathenti. Evaṃ puggalameva uddissa dinnacīvarassa saṅghena āyattakāraṇaṃ natthi. ‘‘Sace pana ‘idaṃ tumhākañca tumhākaṃ antevāsikānañca dammī’ti evaṃ vadati, therassa ca antevāsikānañca pāpuṇātī’’ti (mahāva. aṭṭha. 379) āgamanato evaṃ vatvā dente pana ācariyantevāsikānaṃ pāpuṇāti, anantevāsikassa pana na pāpuṇāti. ‘‘Uddesaṃ gahetuṃ āgato gahetvā gacchanto ca atthi, tassapi pāpuṇātī’’ti āgamanato bahisīmaṭṭhassa dhammantevāsikassapi pāpuṇāti. ‘‘Tumhehi saddhiṃ nibaddhacārikabhikkhūnaṃ dammīti vutte uddesantevāsikānaṃ vattaṃ katvā uddesaparipucchādīni gahetvā vicarantānaṃ sabbesaṃ pāpuṇātī’’ti (mahāva. aṭṭha. 379) āgamanato evaṃ vatvā dente dhammantevāsikānaṃ vattapaṭipattikārakānañca antevāsikānaṃ pāpuṇāti. Evaṃ dāyakānaṃ vacanānurūpameva dānassa pavattanato ‘‘yathā dāyakā vadanti, tathā paṭipajjitabba’’nti (cūḷava. aṭṭha. 325) aṭṭhakathācariyā vadanti.

    звам̣ ид̣̇аани д̣̇ааяагаа язбхуяязна буг̇г̇алассзва д̣̇знд̇и, сад̇зсу сахассзсу згоязва бан̣д̣ид̇о б̣ахуссуд̇о д̣̇ааяаго сан̇гхасса д̣̇ад̣̇зяяа, буг̇г̇алигажийваран̃жа сан̇гхигабхаванад̇т̇ааяа агарияамаанам̣ на н̃ад̇д̇ияаа гаммаваажааяа жа арахам̣ ход̇и. гат̇ам̣ вин̃н̃ааяад̇ийд̇и жз? н̃ад̇д̇игаммаваажаавирод̇хад̇о. гат̇ам̣ вирод̇ход̇и жз? н̃ад̇д̇ияаа гаммаваажааяа жа ‘‘ид̣̇ам̣ сан̇гхасса гат̇инад̣̇уссам̣ уббанна’’нд̇и гат̇инажийварасса сан̇гхигабхааво вуд̇д̇о, ид̣̇аани бана д̇ам̣ жийварам̣ ‘‘буг̇г̇аласса д̣̇иннам̣ буг̇г̇алига’’нд̇и важанад̇т̇аануруубад̇о буг̇г̇алигам̣ ход̇и, звамби вирод̇хо. ‘‘сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇ад̣̇зяяа гат̇инам̣ ад̇т̇арид̇у’’нд̇и зд̇т̇а жа сан̇гход̇и д̇хаад̇уяаа гад̇д̇аа ход̇и, бхигкунод̇и самбад̣̇аанам̣, ид̇ха бана сан̇гхасса д̇асмим̣ гат̇инажийварз аниссарабхаавад̇о сан̇гхо гад̇д̇аа на ход̇и, бхигку бадиг̇г̇аахалагкан̣аабхаавад̇о самбад̣̇аанам̣ на ход̇и, звамби вирод̇хо. д̣̇ааяагзна бана сан̇гхасса барижжад̇д̇ад̇д̇аа сан̇гхигабхууд̇ам̣ гат̇инажийварам̣ яасмим̣ гаалз сан̇гхо гат̇инам̣ ад̇т̇арид̇ум̣ адтан̇г̇асаманнааг̇ад̇асса бхигкуно д̣̇зд̇и, д̇асмим̣ гаалз н̃ад̇д̇ид̣̇уд̇ияагаммаваажам̣ ид̣̇аани мануссаа ‘‘н̃ад̇д̇ий’’д̇и вохаранд̇и, д̇ан̃жа жийварам̣ ‘‘н̃ад̇д̇илад̣̇д̇хажийвара’’нд̇и, д̇ам̣ жийварад̣̇ааяаган̃жа ‘‘н̃ад̇д̇илад̣̇д̇хад̣̇ааяаго’’д̇и , д̇асмаа сан̇гхигажийварамзва н̃ад̇д̇илад̣̇д̇хам̣ ход̇и, но буг̇г̇алигажийварам̣. н̃ад̇д̇илад̣̇д̇хагаалад̇о бана бадтааяа д̇ам̣ жийварам̣ буг̇г̇алигам̣ ход̇и. гасмаа? ад̇т̇аарагабуг̇г̇аласса жийварабхаавад̇од̇и.

    Evaṃ idāni dāyakā yebhuyyena puggalasseva denti, satesu sahassesu ekoyeva paṇḍito bahussuto dāyako saṅghassa dadeyya, puggalikacīvarañca saṅghikabhavanatthāya akariyamānaṃ na ñattiyā kammavācāya ca arahaṃ hoti. Kathaṃ viññāyatīti ce? Ñattikammavācāvirodhato. Kathaṃ virodhoti ce? Ñattiyā kammavācāya ca ‘‘idaṃ saṅghassa kathinadussaṃ uppanna’’nti kathinacīvarassa saṅghikabhāvo vutto, idāni pana taṃ cīvaraṃ ‘‘puggalassa dinnaṃ puggalika’’nti vacanatthānurūpato puggalikaṃ hoti, evampi virodho. ‘‘Saṅgho imaṃ kathinadussaṃ itthannāmassa bhikkhuno dadeyya kathinaṃ attharitu’’nti ettha ca saṅghoti dhātuyā kattā hoti, bhikkhunoti sampadānaṃ, idha pana saṅghassa tasmiṃ kathinacīvare anissarabhāvato saṅgho kattā na hoti, bhikkhu paṭiggāhalakkhaṇābhāvato sampadānaṃ na hoti, evampi virodho. Dāyakena pana saṅghassa pariccattattā saṅghikabhūtaṃ kathinacīvaraṃ yasmiṃ kāle saṅgho kathinaṃ attharituṃ aṭṭhaṅgasamannāgatassa bhikkhuno deti, tasmiṃ kāle ñattidutiyakammavācaṃ idāni manussā ‘‘ñattī’’ti voharanti, tañca cīvaraṃ ‘‘ñattiladdhacīvara’’nti, taṃ cīvaradāyakañca ‘‘ñattiladdhadāyako’’ti , tasmā saṅghikacīvarameva ñattiladdhaṃ hoti, no puggalikacīvaraṃ. Ñattiladdhakālato pana paṭṭhāya taṃ cīvaraṃ puggalikaṃ hoti. Kasmā? Atthārakapuggalassa cīvarabhāvatoti.

    ат̇ааби вад̣̇анд̇и ‘‘д̣̇иннанд̇и баатан̃жа ‘саад̇хзнд̇ий’д̇и баатан̃жа ‘аанисам̣сам̣ лабханд̇ий’д̇и баатан̃жа убанид̇хааяа аяамад̇т̇о вин̃н̃ааяад̇ий’’д̇и, д̇ад̇т̇ааяамаажарияаанамад̇хиббааяо – ‘‘д̣̇иннам̣ ид̣̇ам̣ сан̇гхзнаа’’д̇и зд̇т̇а д̣̇аа-д̇хаад̇уяаа сан̇гхзнаад̇и гад̇д̇аа, ид̣̇анд̇и гаммам̣, имасса гат̇инажийварасса сан̇гхигад̇д̇аа сан̇гхзна д̣̇иннам̣ ход̇и, д̇зна вин̃н̃ааяад̇и ‘‘гат̇ина’’нд̇и вуд̇д̇з сан̇гхигам̣ ход̇ийд̇и. ‘‘гат̇инад̇т̇аарам̣ гз лабханд̇ийд̇и зд̇т̇а гз лабханд̇ийд̇и гз саад̇хзнд̇ийд̇и ад̇т̇о. бан̃жа ж̇анаа саад̇хзнд̇ий’’д̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 306) вуд̇д̇ам̣. д̇ад̇т̇а бан̃жа ж̇анаад̇и сан̇гхо вуд̇д̇о, иминааби вин̃н̃ааяад̇и ‘‘гат̇инанд̇и вуд̇д̇з сан̇гхигам̣ ход̇ий’’д̇и. аанисам̣сам̣ лабханд̇ийд̇и зд̇т̇а жа сан̇гхигад̇д̇аа саб̣б̣з сиймадтагабхигкуу аанисам̣сам̣ лабханд̇и, иминааби вин̃н̃ааяад̇и ‘‘гат̇инанд̇и вуд̇д̇з сан̇гхигам̣ ход̇ий’’д̇и.

    Athāpi vadanti ‘‘dinnanti pāṭhañca ‘sādhentī’ti pāṭhañca ‘ānisaṃsaṃ labhantī’ti pāṭhañca upanidhāya ayamattho viññāyatī’’ti, tatthāyamācariyānamadhippāyo – ‘‘dinnaṃ idaṃ saṅghenā’’ti ettha dā-dhātuyā saṅghenāti kattā, idanti kammaṃ, imassa kathinacīvarassa saṅghikattā saṅghena dinnaṃ hoti, tena viññāyati ‘‘kathina’’nti vutte saṅghikaṃ hotīti. ‘‘Kathinatthāraṃ ke labhantīti ettha ke labhantīti ke sādhentīti attho. Pañca janā sādhentī’’ti vajirabuddhiṭīkāyaṃ (vajira. ṭī. mahāvagga 306) vuttaṃ. Tattha pañca janāti saṅgho vutto, imināpi viññāyati ‘‘kathinanti vutte saṅghikaṃ hotī’’ti. Ānisaṃsaṃ labhantīti ettha ca saṅghikattā sabbe sīmaṭṭhakabhikkhū ānisaṃsaṃ labhanti, imināpi viññāyati ‘‘kathinanti vutte saṅghikaṃ hotī’’ti.

    д̇ад̇раабязвам̣ вижааран̣аа гаад̇аб̣б̣аа – буб̣б̣зд̣̇ааяагаа жад̇д̇аароби бажжаяз язбхуяязна сан̇гхассзва д̣̇знд̇и, д̇асмаа сан̇гхасса жад̇убажжаяабхааж̇анагат̇аа ад̇ивид̇т̇аараа ход̇и. аббагад̇о бана буг̇г̇аласса д̣̇знд̇и, д̇асмаа сан̇гхасса д̣̇иннам̣ гат̇инажийварам̣ сан̇гхзна ад̇т̇аарагасса буг̇г̇аласса д̣̇иннам̣ санд̇хааяа вуд̇д̇ам̣. саад̇хзнд̇ийд̇и жа гат̇инад̣̇уссасса д̣̇ааяагаа жад̇д̇ааро, бадиг̇г̇аахаго згод̇и бан̃жа ж̇анаа гат̇инад̣̇аанагаммам̣ саад̇хзнд̇ийд̇и вуд̇д̇ам̣. аанисам̣сам̣ лабханд̇ийд̇и ид̣̇ан̃жа ад̇т̇аарагасса жа анумод̣̇анаанан̃жа бхигкуунам̣ аанисам̣салаабхамзва вуд̇д̇ам̣, на зд̇зхи баатзхи ‘‘гат̇ина’’нд̇и вуд̇д̇з сан̇гхигам̣ ход̇ийд̇и ад̇т̇о вин̃н̃аад̇аб̣б̣о ход̇ийд̇и д̣̇адтаб̣б̣о. сан̇гхасса уббаннажийварам̣ сан̇гхзна ад̇т̇аарагасса д̣̇иннабхааво гат̇ам̣ вин̃н̃ааяад̇ийд̇и? ‘‘ид̣̇ам̣ сан̇гхасса гат̇инад̣̇уссам̣ уббаннам̣, сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇зд̇и гат̇инам̣ ад̇т̇арид̇у’’нд̇и вуд̇д̇ам̣ баал̣ибаатан̃жа (махаава. 307) ‘‘сан̇гхо аж̇ж̇а гат̇инад̣̇уссам̣ лабхид̇ваа бунад̣̇ивасз д̣̇зд̇и, аяам̣ нижаяасаннид̇хий’’д̇и вуд̇д̇ам̣ адтагат̇аабаатан̃жа д̣̇исваа вин̃н̃ааяад̇ийд̇и. сан̇гхасанд̇агабхууд̇ам̣ жийварамзва д̣̇аанагирияааяа гаммам̣, сан̇гхо гад̇д̇аа, буг̇г̇ало самбад̣̇аанам̣ бхавид̇ум̣ арахабхааво жа яат̇аавуд̇д̇абаал̣ибаатамзва убанид̇хааяа вин̃н̃ааяад̇ийд̇и.

    Tatrāpyevaṃ vicāraṇā kātabbā – pubbedāyakā cattāropi paccaye yebhuyyena saṅghasseva denti, tasmā saṅghassa catupaccayabhājanakathā ativitthārā hoti. Appakato pana puggalassa denti, tasmā saṅghassa dinnaṃ kathinacīvaraṃ saṅghena atthārakassa puggalassa dinnaṃ sandhāya vuttaṃ. Sādhentīti ca kathinadussassa dāyakā cattāro, paṭiggāhako ekoti pañca janā kathinadānakammaṃ sādhentīti vuttaṃ. Ānisaṃsaṃ labhantīti idañca atthārakassa ca anumodanānañca bhikkhūnaṃ ānisaṃsalābhameva vuttaṃ, na etehi pāṭhehi ‘‘kathina’’nti vutte saṅghikaṃ hotīti attho viññātabbo hotīti daṭṭhabbo. Saṅghassa uppannacīvaraṃ saṅghena atthārakassa dinnabhāvo kathaṃ viññāyatīti? ‘‘Idaṃ saṅghassa kathinadussaṃ uppannaṃ, saṅgho imaṃ kathinadussaṃ itthannāmassa bhikkhuno deti kathinaṃ attharitu’’nti vuttaṃ pāḷipāṭhañca (mahāva. 307) ‘‘saṅgho ajja kathinadussaṃ labhitvā punadivase deti, ayaṃ nicayasannidhī’’ti vuttaṃ aṭṭhakathāpāṭhañca disvā viññāyatīti. Saṅghasantakabhūtaṃ cīvarameva dānakiriyāya kammaṃ, saṅgho kattā, puggalo sampadānaṃ bhavituṃ arahabhāvo ca yathāvuttapāḷipāṭhameva upanidhāya viññāyatīti.

    звам̣ санд̇з буг̇г̇аласса д̣̇иннам̣ буг̇г̇алигажийварам̣ сан̇гхигам̣ гаад̇ум̣ гат̇ам̣ бадибаж̇ж̇ид̇аб̣б̣анд̇и? сажз со бадиг̇г̇аахагабуг̇г̇ало д̣̇ааяагаанам̣ звам̣ вад̣̇ад̇и ‘‘убаасага д̣̇аанам̣ наама буг̇г̇аласса д̣̇иннад̇о сан̇гхасса д̣̇иннам̣ махабпалад̇арам̣ ход̇и, д̇асмаа сан̇гхасса д̣̇зхи, сан̇гхасса д̣̇ад̇ваа буна сан̇гхзна ад̇т̇аараарахасса бхигкуно гаммаваажааяа д̣̇ад̇ваа д̇зна буг̇г̇алзна яат̇аавинаяам̣ ад̇т̇ад̇зязва гат̇инам̣ наама ход̇и, на буг̇г̇аласса д̣̇ад̇ваа буг̇г̇алзна саамам̣язва ад̇т̇ад̇з, д̇асмаа сан̇гхасса д̣̇зхий’’д̇и уяяож̇зд̇ваа сан̇гхасса д̣̇аабид̇зби д̇ам̣ жийварам̣ сан̇гхигам̣ ход̇и гат̇инад̇т̇аараарахам̣. яад̣̇и бана д̣̇ааяаго аббассуд̇ад̇ааяа ‘‘наахам̣, бханд̇з, гин̃жи ж̇аанаами, имам̣ жийварам̣ д̇умхаагамзва д̣̇аммий’’д̇и вагкад̇и, звам̣ сад̇и буг̇г̇алигавасзнзва самбадижчид̇ваа д̇зна буг̇г̇алзна д̇ам̣ жийварам̣ сан̇гхасса д̣̇иннамби сан̇гхигам̣ ход̇и.

    Evaṃ sante puggalassa dinnaṃ puggalikacīvaraṃ saṅghikaṃ kātuṃ kathaṃ paṭipajjitabbanti? Sace so paṭiggāhakapuggalo dāyakānaṃ evaṃ vadati ‘‘upāsaka dānaṃ nāma puggalassa dinnato saṅghassa dinnaṃ mahapphalataraṃ hoti, tasmā saṅghassa dehi, saṅghassa datvā puna saṅghena atthārārahassa bhikkhuno kammavācāya datvā tena puggalena yathāvinayaṃ atthateyeva kathinaṃ nāma hoti, na puggalassa datvā puggalena sāmaṃyeva atthate, tasmā saṅghassa dehī’’ti uyyojetvā saṅghassa dāpitepi taṃ cīvaraṃ saṅghikaṃ hoti kathinatthārārahaṃ. Yadi pana dāyako appassutatāya ‘‘nāhaṃ, bhante, kiñci jānāmi, imaṃ cīvaraṃ tumhākameva dammī’’ti vakkhati, evaṃ sati puggalikavaseneva sampaṭicchitvā tena puggalena taṃ cīvaraṃ saṅghassa dinnampi saṅghikaṃ hoti.

    яад̣̇и звам̣ саман̣знзва саман̣асса д̣̇иннам̣ жийварам̣ гат̇ам̣ гат̇инад̇т̇аараарахам̣ бхавзяяаад̇и? но на бхавзяяа. вуд̇д̇ан̃хзд̇ам̣ адтагат̇ааяам̣ (махаава. адта. 306) ‘‘гат̇инам̣ гзна д̣̇иннам̣ ваддад̇и? язна гзнажи д̣̇звзна ваа мануссзна ваа бан̃жаннам̣ ваа сахад̇хаммигаанам̣ ан̃н̃ад̇арзна д̣̇иннам̣ ваддад̇ий’’д̇и. ат̇а гасмаа барамбарабхууд̇зхи аажариязхи н̃ад̇д̇илад̣̇д̇хажийварад̇о авасзсаани жийвараани сан̇гхасса бхааж̇зд̇ваа зва барибхун̃ж̇ид̇аанийд̇и? вужжад̇з – згажжз бхигкуу аажарияабарамбарааг̇ад̇аанаусаарзнзва бадибаж̇ж̇анд̇и, гзжи б̣ахуунам̣ гирияам̣ д̣̇исваа д̣̇идтаануг̇ад̇ивасзна бадибаж̇ж̇анд̇и, б̣ахуссуд̇ааби гзжи т̇зраа аружжанд̇ааби бавзн̣ибхзд̣̇абхаязна бадибаж̇ж̇анд̇и, абарз руживасзна ад̇т̇ан̃жа ад̇хиббааяан̃жа барин̣аамзд̇ваа г̇ан̣ханд̇и, багаран̣амзваануг̇ад̇абхигкуу бана яат̇аабагаран̣ааг̇ад̇амзва ад̇т̇ам̣ г̇ахзд̇ваа сан̇гхиган̃жа буг̇г̇алиган̃жа амиссам̣ гад̇ваа, гаалажийваран̃жа агаалажийваран̃жа амиссам̣ гад̇ваа г̇ан̣ханд̇и. бхигкунивибхан̇г̇з (баажи. 738) ‘‘т̇уулананд̣̇аа бхигкуний агаалажийварам̣ ‘гаалажийвара’нд̇и ад̇хидтахид̇ваа бхааж̇аабзссад̇и, ат̇а бхаг̇аваа ниссаг̇г̇ияабаажид̇д̇ияаабад̇д̇им̣ бан̃н̃абзсий’’д̇и ааг̇ад̇ам̣, д̇асмаа лаж̇ж̇ийбзсалаб̣ахуссуд̇асигкаагаамабхууд̇зна бхигкунаа анзга-баал̣иадтагат̇аад̣̇аяо багаран̣з ологзд̇ваа сам̣санд̣̇ид̇ваа багаран̣амзваануг̇анд̇аб̣б̣ам̣, на ан̃н̃зсам̣ гирияам̣ сад̣̇д̣̇ахид̇аб̣б̣ам̣, на жа ануг̇анд̇аб̣б̣ам̣. бхаг̇авад̇о хи д̇харамаанагаалз ваа д̇ад̇о бажчаа ваа буб̣б̣з д̣̇ааяагаа язбхуяязна жад̇д̇ааро бажжаяз сан̇гхассзва д̣̇знд̇и, д̇асмаа сан̇гхигасзнаасанасса сан̇гхигажийварасса жа б̣аахуллад̇о буб̣б̣аажарияаа сан̇гхасса бхааж̇зд̇ваа зва барибхун̃ж̇им̣су.

    Yadi evaṃ samaṇeneva samaṇassa dinnaṃ cīvaraṃ kathaṃ kathinatthārārahaṃ bhaveyyāti? No na bhaveyya. Vuttañhetaṃ aṭṭhakathāyaṃ (mahāva. aṭṭha. 306) ‘‘kathinaṃ kena dinnaṃ vaṭṭati? Yena kenaci devena vā manussena vā pañcannaṃ vā sahadhammikānaṃ aññatarena dinnaṃ vaṭṭatī’’ti. Atha kasmā paramparabhūtehi ācariyehi ñattiladdhacīvarato avasesāni cīvarāni saṅghassa bhājetvā eva paribhuñjitānīti? Vuccate – ekacce bhikkhū ācariyaparamparāgataanausāreneva paṭipajjanti, keci bahūnaṃ kiriyaṃ disvā diṭṭhānugativasena paṭipajjanti, bahussutāpi keci therā aruccantāpi paveṇibhedabhayena paṭipajjanti, apare rucivasena atthañca adhippāyañca pariṇāmetvā gaṇhanti, pakaraṇamevānugatabhikkhū pana yathāpakaraṇāgatameva atthaṃ gahetvā saṅghikañca puggalikañca amissaṃ katvā, kālacīvarañca akālacīvarañca amissaṃ katvā gaṇhanti. Bhikkhunivibhaṅge (pāci. 738) ‘‘thūlanandā bhikkhunī akālacīvaraṃ ‘kālacīvara’nti adhiṭṭhahitvā bhājāpessati, atha bhagavā nissaggiyapācittiyāpattiṃ paññapesī’’ti āgataṃ, tasmā lajjīpesalabahussutasikkhākāmabhūtena bhikkhunā aneka-pāḷiaṭṭhakathādayo pakaraṇe oloketvā saṃsanditvā pakaraṇamevānugantabbaṃ, na aññesaṃ kiriyaṃ saddahitabbaṃ, na ca anugantabbaṃ. Bhagavato hi dharamānakāle vā tato pacchā vā pubbe dāyakā yebhuyyena cattāro paccaye saṅghasseva denti, tasmā saṅghikasenāsanassa saṅghikacīvarassa ca bāhullato pubbācariyā saṅghassa bhājetvā eva paribhuñjiṃsu.

    ид̣̇аани бана д̣̇ааяагаа язбхуяязна жад̇д̇ааро бажжаяз буг̇г̇алассзва д̣̇знд̇и, д̇асмаа сзнаасанамби абхинавабхууд̇ам̣ буг̇г̇алигамзва б̣ахулам̣ ход̇и, жийварамби буг̇г̇алигамзва б̣ахулам̣. д̣̇алид̣̇д̣̇ааби суд̇д̇аганд̇анагаалад̇о бадтааяа ‘‘имам̣ жийварам̣ гат̇инагаалз ид̇т̇аннаамасса бхигкуно д̣̇ассаамий’’д̇и жинд̇зд̇ваа жа д̇ат̇зва вад̇ваа жа саб̣б̣агижжаани гаронд̇и, махад̣̇д̇ханаа жа саадагасса гийн̣ид̇агаалад̇о бадтааяа д̇ат̇зва жинд̇зд̇ваа гат̇зд̇ваа гаронд̇и, д̣̇аанагаалз жа ‘‘имам̣ жийварам̣ ид̇т̇аннаамасса д̣̇зхий’’д̇и буд̇д̇ад̣̇аасаад̣̇аяо ваа бзсзнд̇и, саамам̣ ваа г̇анд̇ваа жийварам̣ д̇асса бхигкусса баад̣̇амуулз ваа хад̇т̇з ваа табзд̇ваа ‘‘имам̣ жийварам̣ д̇уяхам̣ д̣̇аммий’’д̇и вад̇ваа ваа жинд̇зд̇ваа ваа д̣̇знд̇и, сад̇зсу ваа сахассзсу ваа зго бан̣д̣ид̇абурисо ‘‘буг̇г̇аласса д̣̇иннад̣̇аанад̇о сан̇гхасса д̣̇иннам̣ махабпала’’нд̇и н̃ад̇ваа ‘‘имам̣ гат̇инажийварам̣ сан̇гхасса д̣̇аммий’’д̇и вад̇ваа ваа жинд̇зд̇ваа ваа д̣̇зд̇и, д̇асса саа д̣̇агкин̣аа сан̇гхаг̇ад̇аа ход̇и. сажз бана д̣̇ааяаго буг̇г̇аласса д̣̇аад̇угаамо ход̇и, буг̇г̇ало бана д̇асса махабпалабхаавамижчанд̇о д̣̇агкин̣аа-вибхан̇г̇асуд̇д̇аад̣̇ид̇хаммад̣̇зсанааяа (ма. ни. 3.376 аад̣̇аяо) буг̇г̇алигад̣̇аанад̇о сан̇гхигад̣̇аанасса махабпалабхаавам̣ ж̇аанаабзд̇ваа ‘‘имам̣ д̇ава жийварам̣ сан̇гхасса д̣̇зхий’’д̇и уяяож̇зд̇и, д̣̇ааяагоби д̇асса важанам̣ самбадижчид̇ваа ‘‘имам̣ гат̇инажийварам̣ сан̇гхасса д̣̇аммий’’д̇и вад̇ваа ваа жинд̇зд̇ваа ваа д̣̇зд̇и, звамби саа д̣̇агкин̣аа сан̇гхаг̇ад̇аа ход̇и.

    Idāni pana dāyakā yebhuyyena cattāro paccaye puggalasseva denti, tasmā senāsanampi abhinavabhūtaṃ puggalikameva bahulaṃ hoti, cīvarampi puggalikameva bahulaṃ. Daliddāpi suttakantanakālato paṭṭhāya ‘‘imaṃ cīvaraṃ kathinakāle itthannāmassa bhikkhuno dassāmī’’ti cintetvā ca tatheva vatvā ca sabbakiccāni karonti, mahaddhanā ca sāṭakassa kīṇitakālato paṭṭhāya tatheva cintetvā kathetvā karonti, dānakāle ca ‘‘imaṃ cīvaraṃ itthannāmassa dehī’’ti puttadāsādayo vā pesenti, sāmaṃ vā gantvā cīvaraṃ tassa bhikkhussa pādamūle vā hatthe vā ṭhapetvā ‘‘imaṃ cīvaraṃ tuyhaṃ dammī’’ti vatvā vā cintetvā vā denti, satesu vā sahassesu vā eko paṇḍitapuriso ‘‘puggalassa dinnadānato saṅghassa dinnaṃ mahapphala’’nti ñatvā ‘‘imaṃ kathinacīvaraṃ saṅghassa dammī’’ti vatvā vā cintetvā vā deti, tassa sā dakkhiṇā saṅghagatā hoti. Sace pana dāyako puggalassa dātukāmo hoti, puggalo pana tassa mahapphalabhāvamicchanto dakkhiṇā-vibhaṅgasuttādidhammadesanāya (ma. ni. 3.376 ādayo) puggalikadānato saṅghikadānassa mahapphalabhāvaṃ jānāpetvā ‘‘imaṃ tava cīvaraṃ saṅghassa dehī’’ti uyyojeti, dāyakopi tassa vacanaṃ sampaṭicchitvā ‘‘imaṃ kathinacīvaraṃ saṅghassa dammī’’ti vatvā vā cintetvā vā deti, evampi sā dakkhiṇā saṅghagatā hoti.

    яад̣̇и бана бхигкунаа уяяож̇ид̇оби д̣̇уббан̃н̃о д̣̇ааяаго д̇асса важанам̣ анаад̣̇ияид̇ваа буг̇г̇алассзва д̣̇зд̇и, д̇асса саа д̣̇агкин̣аа буг̇г̇алаг̇ад̇аа ход̇и. ат̇а бана со буг̇г̇ало саяам̣ самбадижчид̇ваа буна сан̇гхасса барижжаж̇ад̇и, звамби д̇ам̣ жийварам̣ сан̇гхигам̣ ход̇и, д̇ам̣ сан̇гхигавасзна бхааж̇зд̇аб̣б̣ам̣. яад̣̇и бана д̣̇ааяагоби буг̇г̇алассзва д̣̇зд̇и, буг̇г̇алоби самбадижчид̇ваа на барижжаж̇ад̇и, звам̣ санд̇з д̇ам̣ жийварам̣ буг̇г̇алигам̣ ход̇и, на гат̇инагааламад̇д̇зна ваа гат̇инаважанамад̇д̇зна ваа сан̇гхигам̣ ход̇и. ид̣̇аани бана иминаа наязна буг̇г̇алигажийварам̣язва б̣ахулам̣ ход̇и. звам̣ санд̇зби аажарияабарамбараа бавзн̣им̣ абхинд̣̇ид̇угаамаа сан̇гхигам̣ вияа гад̇ваа бхааж̇зд̇ваа барибхун̃ж̇им̣су . яад̣̇и мукяад̇о сан̇гхигам̣ сияаа, сан̇гхзна д̣̇иннад̇о барам̣ згасуужимад̇д̇амби буг̇г̇ало ад̇хигам̣ г̇ан̣хид̇ум̣ на лабхзяяа.

    Yadi pana bhikkhunā uyyojitopi duppañño dāyako tassa vacanaṃ anādiyitvā puggalasseva deti, tassa sā dakkhiṇā puggalagatā hoti. Atha pana so puggalo sayaṃ sampaṭicchitvā puna saṅghassa pariccajati, evampi taṃ cīvaraṃ saṅghikaṃ hoti, taṃ saṅghikavasena bhājetabbaṃ. Yadi pana dāyakopi puggalasseva deti, puggalopi sampaṭicchitvā na pariccajati, evaṃ sante taṃ cīvaraṃ puggalikaṃ hoti, na kathinakālamattena vā kathinavacanamattena vā saṅghikaṃ hoti. Idāni pana iminā nayena puggalikacīvaraṃyeva bahulaṃ hoti. Evaṃ santepi ācariyaparamparā paveṇiṃ abhinditukāmā saṅghikaṃ viya katvā bhājetvā paribhuñjiṃsu . Yadi mukhyato saṅghikaṃ siyā, saṅghena dinnato paraṃ ekasūcimattampi puggalo adhikaṃ gaṇhituṃ na labheyya.

    згажжз т̇зраа сан̇гхиганд̇и бана вад̣̇анд̇и, бхааж̇анагаалз бана иссаравад̇ааяа яат̇ааружи вижаарзнд̇и, згажжз бхигкуу мукяасан̇гхиганд̇и ман̃н̃амаанаа абхааж̇зд̇угаамамби буг̇г̇алам̣ абхибхавид̇ваа бхааж̇аабзнд̇и, д̇асса буг̇г̇аласса маад̇аа бид̇аа н̃аад̇агаа убаасагаад̣̇аяо ‘‘амхаагам̣ буд̇д̇асса д̣̇зма, амхаагам̣ н̃аад̇агабхигкусса д̣̇зма, амхаагам̣ гулуубагасса д̣̇змаа’’д̇и, ан̃н̃зби сад̣̇д̇хаа басаннаа д̣̇ааяагаа ‘‘ид̇т̇аннаамасса буг̇г̇аласса д̣̇змаа’’д̇и вижаарзд̇ваа бараммукааби ‘‘имам̣ жийварам̣ ид̇т̇аннаамасса д̣̇аммий’’д̇и вад̇ваа саммукааби баад̣̇амуулз ваа хад̇т̇з ваа табзд̇ваа д̣̇знд̇и, зваруубам̣ жийварам̣ буг̇г̇алигам̣ ход̇и, сан̇гхам̣ аамасид̇ваа авуд̇д̇ад̇д̇аа сан̇гхааяад̇д̇ам̣ на ход̇и, ‘‘гат̇инам̣ д̣̇ассаамий’’д̇и ваа ‘‘гат̇инам̣ д̣̇аад̇ум̣ г̇ад̇о’’д̇и ваа ‘‘гат̇инажийвара’’нд̇и ваа буб̣б̣аабарагаалзсу важанам̣ бана мукяагат̇инабхууд̇асса сан̇гхигажийварасса гаалз д̣̇иннад̇д̇аа д̇ад̣̇убажаарад̇о вохаарамад̇д̇ам̣ ход̇и. яат̇аа гим̣? ‘‘убосат̇ига’’нд̇и вуд̇д̇ам̣ бхад̇д̇ам̣ жуд̣̇д̣̇асасу сан̇гхигабхад̇д̇зсу анд̇ог̇ад̇хам̣ мукяасан̇гхигам̣ ход̇и, самаад̣̇иннаубосат̇аа д̣̇ааяагаа сааяам̣ бхун̃ж̇ид̇аб̣б̣абхад̇д̇абхааг̇ам̣ сан̇гхасса д̣̇знд̇и, д̇ам̣ сан̇гхо салаагабхад̇д̇ам̣ вияа тид̇игам̣ гад̇ваа бхун̃ж̇ад̇и, ид̇и сан̇гхасса д̣̇иннад̇д̇аа сан̇гхигам̣ ход̇и. ид̣̇аани бана д̣̇ааяагаа ад̇д̇ано ад̇д̇ано гулуубагасса ваа н̃аад̇ибхигкусса ваа убосат̇ад̣̇ивасзсу бхад̇д̇ам̣ д̣̇знд̇и, д̇ам̣ сан̇гхасса ад̣̇иннад̇д̇аа сан̇гхигам̣ на ход̇и. звам̣ санд̇зби убосат̇ад̣̇ивасз д̣̇иннад̇д̇аа мукяавасзна бавад̇д̇аубосат̇абхад̇д̇ам̣ вияа д̇ад̣̇убажаарзна ‘‘убосат̇абхад̇д̇а’’нд̇и вохарийяад̇и, звам̣самбад̣̇амид̣̇ам̣ д̣̇адтаб̣б̣ам̣.

    Ekacce therā saṅghikanti pana vadanti, bhājanakāle pana issaravatāya yathāruci vicārenti, ekacce bhikkhū mukhyasaṅghikanti maññamānā abhājetukāmampi puggalaṃ abhibhavitvā bhājāpenti, tassa puggalassa mātā pitā ñātakā upāsakādayo ‘‘amhākaṃ puttassa dema, amhākaṃ ñātakabhikkhussa dema, amhākaṃ kulūpakassa demā’’ti, aññepi saddhā pasannā dāyakā ‘‘itthannāmassa puggalassa demā’’ti vicāretvā parammukhāpi ‘‘imaṃ cīvaraṃ itthannāmassa dammī’’ti vatvā sammukhāpi pādamūle vā hatthe vā ṭhapetvā denti, evarūpaṃ cīvaraṃ puggalikaṃ hoti, saṅghaṃ āmasitvā avuttattā saṅghāyattaṃ na hoti, ‘‘kathinaṃ dassāmī’’ti vā ‘‘kathinaṃ dātuṃ gato’’ti vā ‘‘kathinacīvara’’nti vā pubbāparakālesu vacanaṃ pana mukhyakathinabhūtassa saṅghikacīvarassa kāle dinnattā tadupacārato vohāramattaṃ hoti. Yathā kiṃ? ‘‘Uposathika’’nti vuttaṃ bhattaṃ cuddasasu saṅghikabhattesu antogadhaṃ mukhyasaṅghikaṃ hoti, samādinnauposathā dāyakā sāyaṃ bhuñjitabbabhattabhāgaṃ saṅghassa denti, taṃ saṅgho salākabhattaṃ viya ṭhitikaṃ katvā bhuñjati, iti saṅghassa dinnattā saṅghikaṃ hoti. Idāni pana dāyakā attano attano kulūpakassa vā ñātibhikkhussa vā uposathadivasesu bhattaṃ denti, taṃ saṅghassa adinnattā saṅghikaṃ na hoti. Evaṃ santepi uposathadivase dinnattā mukhyavasena pavattauposathabhattaṃ viya tadupacārena ‘‘uposathabhatta’’nti voharīyati, evaṃsampadamidaṃ daṭṭhabbaṃ.

    звам̣ имасмим̣ гаалз язбхуяязна буг̇г̇алассзва д̣̇иннад̇д̇аа буг̇г̇алигабхууд̇ам̣ жийварам̣ н̃ад̇д̇игаммаваажаарахам̣ на ход̇и, сан̇гхигамзва н̃ад̇д̇игаммаваажаарахам̣ ход̇и, д̇ад̣̇зва жа бан̃жаанисам̣сагааран̣ам̣ ход̇и, д̇асмаа бан̣д̣ид̇зна буг̇г̇алзна ‘‘убаасагаа сан̇гхз д̣̇зт̇а, сан̇гхз д̣̇иннам̣ махабпалам̣ ход̇ий’’д̇иаад̣̇инаа нияож̇зд̇ваа д̣̇аабзд̇аб̣б̣ам̣, саяам̣ ваа самбадижчид̇ваа сан̇гхасса барижжаж̇ид̇аб̣б̣ам̣. звам̣ барижжаж̇ид̇ад̇д̇аа сан̇гхигабхууд̇ам̣ жийварам̣ н̃ад̇д̇игаммаваажаарахан̃жа ход̇и бан̃жаанисам̣санибпаад̣̇аган̃жа. звам̣ нияож̇анан̃жа ‘‘сан̇гхз г̇од̇ами д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и (ма. ни. 3.376) бхаг̇авад̇аа вуд̇д̇аважанам̣ ануг̇ад̇ам̣ ход̇ийд̇и д̣̇адтаб̣б̣ам̣.

    Evaṃ imasmiṃ kāle yebhuyyena puggalasseva dinnattā puggalikabhūtaṃ cīvaraṃ ñattikammavācārahaṃ na hoti, saṅghikameva ñattikammavācārahaṃ hoti, tadeva ca pañcānisaṃsakāraṇaṃ hoti, tasmā paṇḍitena puggalena ‘‘upāsakā saṅghe detha, saṅghe dinnaṃ mahapphalaṃ hotī’’tiādinā niyojetvā dāpetabbaṃ, sayaṃ vā sampaṭicchitvā saṅghassa pariccajitabbaṃ. Evaṃ pariccajitattā saṅghikabhūtaṃ cīvaraṃ ñattikammavācārahañca hoti pañcānisaṃsanipphādakañca. Evaṃ niyojanañca ‘‘saṅghe gotami dehi, saṅghe te dinne ahañceva pūjito bhavissāmi saṅgho cā’’ti (ma. ni. 3.376) bhagavatā vuttavacanaṃ anugataṃ hotīti daṭṭhabbaṃ.

    баригаммам̣ гаронд̇аанам̣ бхигкуунам̣ яааг̇убхад̇д̇ан̃жа д̣̇аад̇ум̣ ваддад̇ийд̇и ид̣̇ам̣ бужчид̇ад̇д̇аа д̣̇осо над̇т̇ийд̇и гад̇ваа вуд̇д̇ам̣, абужчид̇з бана звам̣ гат̇зд̇ум̣ на ваддад̇и. калимагкид̇асаадагод̇и ахад̇авад̇т̇ам̣ санд̇хааяа вуд̇д̇ам̣. судту д̇ховид̇ваад̇иаад̣̇инаа сабуб̣б̣агаран̣ам̣ ад̇т̇аарам̣ д̣̇ассзд̇и. д̇хованасиб̣б̣анараж̇анагаббагаран̣зна хи вижааран̣ачзд̣̇анаб̣анд̇ханааниби д̣̇ассид̇ааниязва хонд̇и, ад̇т̇аарад̣̇ассанзна бажжуд̣̇д̇хаараад̇хидтаанааниби д̣̇ассзд̇и. суужиаад̣̇ийни жийварагаммубагаран̣аани саж̇ж̇зд̇ваа б̣ахуухи бхигкуухи сад̣̇д̇хинд̇и ид̣̇ам̣ бана сиб̣б̣анасса убагаран̣анид̣̇ассанам̣. д̇ад̣̇ахзваад̇и ид̣̇ам̣ бана гаран̣асаннид̇химожанад̇т̇ам̣ вуд̇д̇ам̣. д̣̇ааяагасса хад̇т̇ад̇о саадагам̣ лад̣̇д̇хад̣̇ивасзязва сан̇гхзна ад̇т̇аарагасса бхигкуно д̣̇аад̇аб̣б̣ам̣, звам̣ ад̣̇знд̇з нижаяасаннид̇хи ход̇и. ад̇т̇аарагзнаби сан̇гхад̇о лад̣̇д̇хад̣̇ивасзязва гат̇инам̣ ад̇т̇арид̇аб̣б̣ам̣, звам̣ агаронд̇з гаран̣асаннид̇хи ход̇и.

    Parikammaṃkarontānaṃ bhikkhūnaṃ yāgubhattañca dātuṃ vaṭṭatīti idaṃ pucchitattā doso natthīti katvā vuttaṃ, apucchite pana evaṃ kathetuṃ na vaṭṭati. Khalimakkhitasāṭakoti ahatavatthaṃ sandhāya vuttaṃ. Suṭṭhu dhovitvātiādinā sapubbakaraṇaṃ atthāraṃ dasseti. Dhovanasibbanarajanakappakaraṇena hi vicāraṇachedanabandhanānipi dassitāniyeva honti, atthāradassanena paccuddhāraadhiṭṭhānānipi dasseti. Sūciādīni cīvarakammupakaraṇāni sajjetvā bahūhi bhikkhūhi saddhinti idaṃ pana sibbanassa upakaraṇanidassanaṃ. Tadahevāti idaṃ pana karaṇasannidhimocanatthaṃ vuttaṃ. Dāyakassa hatthato sāṭakaṃ laddhadivaseyeva saṅghena atthārakassa bhikkhuno dātabbaṃ, evaṃ adente nicayasannidhi hoti. Atthārakenapi saṅghato laddhadivaseyeva kathinaṃ attharitabbaṃ, evaṃ akaronte karaṇasannidhi hoti.

    ан̃н̃аани жа б̣ахууни аанисам̣савад̇т̇аани д̣̇зд̇ийд̇и иминаа ад̇т̇арид̇аб̣б̣асаадагоязва гат̇инасаадаго наама, д̇ад̇о ан̃н̃з саадагаа б̣ахавоби гат̇инаанисам̣сааязва наамаад̇и д̣̇ассзд̇и. зд̇зна жа ‘‘гат̇инаанисам̣со’’д̇и вад̇т̇ааниязва вуд̇д̇аани на аг̇гход̇и д̣̇ийбзд̇и. яад̣̇и аг̇гхо вуд̇д̇о сияаа, звам̣ сад̇и ‘‘б̣ахваанисам̣саани гат̇инавад̇т̇аани д̣̇зд̇ий’’д̇и вад̇д̇аб̣б̣ам̣, звам̣ бана авад̇ваа ‘‘б̣ахууни гат̇инаанисам̣савад̇т̇аани д̣̇зд̇ий’’д̇и вуд̇д̇ам̣, д̇зна н̃ааяад̇и ‘‘на аг̇гхо вуд̇д̇о’’д̇и, д̇асмаа б̣ахваанисам̣сабхааво аг̇гхавасзна на г̇ахзд̇аб̣б̣о, ат̇а ко вад̇т̇авасзнзва г̇ахзд̇аб̣б̣од̇и. ид̇арод̇и ан̃н̃о д̣̇ааяаго. д̇ат̇аа д̇ат̇аа овад̣̇ид̇ваа сан̃н̃аабзд̇аб̣б̣од̇и ‘‘убаасага д̣̇аанам̣ наама сан̇гхасса д̣̇иннагаалад̇о бадтааяа махабпалам̣ ход̇и махаанисам̣сам̣, ад̇т̇ааро бана бхигкуунам̣ убагаарад̇т̇ааяа бхаг̇авад̇аа анун̃н̃аад̇о, д̇асмаа н̃ад̇д̇илад̣̇д̇хамби алад̣̇д̇хамби махабпаламзваа’’д̇и ваа ‘‘убаасага аяамби д̣̇ааяаго сан̇гхассзва д̣̇зд̇и, д̇вамби сан̇гхассзва д̣̇зси, бхаг̇авад̇аа жа –

    Aññāni ca bahūni ānisaṃsavatthāni detīti iminā attharitabbasāṭakoyeva kathinasāṭako nāma, tato aññe sāṭakā bahavopi kathinānisaṃsāyeva nāmāti dasseti. Etena ca ‘‘kathinānisaṃso’’ti vatthāniyeva vuttāni na agghoti dīpeti. Yadi aggho vutto siyā, evaṃ sati ‘‘bahvānisaṃsāni kathinavatthāni detī’’ti vattabbaṃ, evaṃ pana avatvā ‘‘bahūni kathinānisaṃsavatthāni detī’’ti vuttaṃ, tena ñāyati ‘‘na aggho vutto’’ti, tasmā bahvānisaṃsabhāvo agghavasena na gahetabbo, atha kho vatthavaseneva gahetabboti. Itaroti añño dāyako. Tathātathā ovaditvā saññāpetabboti ‘‘upāsaka dānaṃ nāma saṅghassa dinnakālato paṭṭhāya mahapphalaṃ hoti mahānisaṃsaṃ, atthāro pana bhikkhūnaṃ upakāratthāya bhagavatā anuññāto, tasmā ñattiladdhampi aladdhampi mahapphalamevā’’ti vā ‘‘upāsaka ayampi dāyako saṅghasseva deti, tvampi saṅghasseva desi, bhagavatā ca –

    ‘яо сийлаваа сийлаванд̇зсу д̣̇ад̣̇аад̇и д̣̇аанам̣;

    ‘Yo sīlavā sīlavantesu dadāti dānaṃ;

    д̇хаммзна лад̣̇д̇хам̣ субасаннажид̇д̇о;

    Dhammena laddhaṃ supasannacitto;

    абхисад̣̇д̣̇ахам̣ гаммапалам̣ ул̣аарам̣;

    Abhisaddahaṃ kammaphalaṃ uḷāraṃ;

    д̇ам̣ вз д̣̇аанам̣ вибулапаланд̇и б̣руумий’д̇и. (ма. ни. 3.382) –

    Taṃ ve dānaṃ vipulaphalanti brūmī’ti. (ma. ni. 3.382) –

    вуд̇д̇ам̣, д̇асмаа сан̇гхасса д̣̇иннагаалад̇о бадтааяа махабпаламзваа’’д̇и ваа ид̇иаад̣̇ийни вад̇ваа сан̃н̃аабзд̇аб̣б̣о.

    Vuttaṃ, tasmā saṅghassa dinnakālato paṭṭhāya mahapphalamevā’’ti vā itiādīni vatvā saññāpetabbo.

    яасса сан̇гхо гат̇инажийварам̣ д̣̇зд̇и, д̇зна бхигкунаа гат̇инам̣ ад̇т̇арид̇аб̣б̣анд̇и яож̇анаа. яо ж̇ин̣н̣ажийваро ход̇и бхигку, д̇асса д̣̇аад̇аб̣б̣анд̇и самб̣анд̇хо. имасмим̣ таанз ид̣̇аани бхигкуу –

    Yassa saṅgho kathinacīvaraṃ deti, tena bhikkhunā kathinaṃ attharitabbanti yojanā. Yo jiṇṇacīvaro hoti bhikkhu, tassa dātabbanti sambandho. Imasmiṃ ṭhāne idāni bhikkhū –

    ‘‘бадиг̇г̇ахан̣ан̃жа саббааяам̣, н̃ад̇д̇и жа анусааванам̣;

    ‘‘Paṭiggahaṇañca sappāyaṃ, ñatti ca anusāvanaṃ;

    габбаб̣инд̣̇у бажжуд̣̇д̇хааро, ад̇хидтаанад̇т̇араани жа;

    Kappabindu paccuddhāro, adhiṭṭhānattharāni ca;

    нияож̇анаанумод̣̇аа жа, ижжаяам̣ гат̇инз вид̇хий’’д̇и. –

    Niyojanānumodā ca, iccayaṃ kathine vidhī’’ti. –

    имам̣ г̇аат̇ам̣ аахарид̇ваа гат̇инад̣̇аанагаммаваажааяа батамам̣ гат̇инажийварасса бадиг̇г̇ахан̣ан̃жа саббааяабужчанан̃жа гаронд̇и, д̇ад̣̇аяуд̇д̇ам̣ вияа д̣̇иссад̇и. гасмаад̇и жз? ‘‘адтахан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇ум̣…бз… буб̣б̣агаран̣ам̣ ж̇аанаад̇и, бажжуд̣̇д̇хаарам̣ ж̇аанаад̇и, ад̇хидтаанам̣ ж̇аанаад̇и, ад̇т̇аарам̣ ж̇аанаад̇и, маад̇игам̣ ж̇аанаад̇и, балиб̣од̇хам̣ ж̇аанаад̇и, уд̣̇д̇хаарам̣ ж̇аанаад̇и, аанисам̣сам̣ ж̇аанаад̇ий’’д̇и бариваарабаал̣ияан̃жа (бари. 409),

    Imaṃ gāthaṃ āharitvā kathinadānakammavācāya paṭhamaṃ kathinacīvarassa paṭiggahaṇañca sappāyapucchanañca karonti, tadayuttaṃ viya dissati. Kasmāti ce? ‘‘Aṭṭhahaṅgehi samannāgato puggalo bhabbo kathinaṃ attharituṃ…pe… pubbakaraṇaṃ jānāti, paccuddhāraṃ jānāti, adhiṭṭhānaṃ jānāti, atthāraṃ jānāti, mātikaṃ jānāti, palibodhaṃ jānāti, uddhāraṃ jānāti, ānisaṃsaṃ jānātī’’ti parivārapāḷiyañca (pari. 409),

    ‘‘адтад̇хаммавид̣̇о бхигку, гат̇инад̇т̇аарамарахад̇и;

    ‘‘Aṭṭhadhammavido bhikkhu, kathinatthāramarahati;

    буб̣б̣абажжуд̣̇д̇хаараад̇хидтаа-над̇т̇ааро маад̇игаад̇и жа;

    Pubbapaccuddhārādhiṭṭhā-natthāro mātikāti ca;

    балиб̣од̇хо жа уд̣̇д̇хааро, аанисам̣саа банадтимз’’д̇и. (ви. ви. 2704, 2706) –

    Palibodho ca uddhāro, ānisaṃsā panaṭṭhime’’ti. (vi. vi. 2704, 2706) –

    винаяавинижчаяаббагаран̣з жа ааг̇ад̇зсу адтасу ан̇г̇зсу анааг̇ад̇ад̇д̇аа жа ‘‘буб̣б̣агаран̣ам̣ сад̇д̇ахи д̇хаммзхи сан̇г̇ахид̇ам̣ д̇хованзна вижааран̣зна чзд̣̇анзна б̣анд̇ханзна сиб̣б̣анзна раж̇анзна габбагаран̣знаа’’д̇и бариваарабаал̣ияан̃жа (бари. 408),

    Vinayavinicchayappakaraṇe ca āgatesu aṭṭhasu aṅgesu anāgatattā ca ‘‘pubbakaraṇaṃ sattahi dhammehi saṅgahitaṃ dhovanena vicāraṇena chedanena bandhanena sibbanena rajanena kappakaraṇenā’’ti parivārapāḷiyañca (pari. 408),

    ‘‘д̇хованан̃жа вижааро жа, чзд̣̇анам̣ б̣анд̇ханамби жа;

    ‘‘Dhovanañca vicāro ca, chedanaṃ bandhanampi ca;

    сиб̣б̣анам̣ раж̇анам̣ габбам̣, буб̣б̣агижжанд̇и вужжад̇ий’’д̇и. (ви. ви. 2707) –

    Sibbanaṃ rajanaṃ kappaṃ, pubbakiccanti vuccatī’’ti. (vi. vi. 2707) –

    винаяавинижчаяаббагаран̣з жа вуд̇д̇зсу сад̇д̇асу буб̣б̣агаран̣зсу анааг̇ад̇ад̇д̇аа жа.

    Vinayavinicchayappakaraṇe ca vuttesu sattasu pubbakaraṇesu anāgatattā ca.

    на гзвалан̃жа багаран̣зсу анааг̇ад̇амзва, ат̇а ко яуд̇д̇иби на д̣̇иссад̇и. гат̇ам̣? бадиг̇г̇ахан̣ам̣ наама ‘‘яо бана бхигку ад̣̇иннам̣ мукад̣̇ваарам̣ аахаарам̣ аахаарзяяа ан̃н̃ад̇ра уд̣̇агад̣̇анд̇абонаа, баажид̇д̇ияа’’нд̇и (баажи. 265) яаавагаалигаад̣̇ийсу аж̇жхохарид̇аб̣б̣зсу жад̇уусу гаалигавад̇т̇уусу бхаг̇авад̇аа вуд̇д̇ам̣, на жийварз, д̇ам̣ бана баад̣̇амуулз табзд̇ваа д̣̇иннамби бараммукаа д̣̇иннамби лаб̣бхад̇зва. вуд̇д̇ан̃хи адтагат̇ааяам̣ (махаава. адта. 379) ‘‘имам̣ жийварам̣ ид̇т̇аннаамасса д̣̇аммийд̇и звам̣ бараммукаа ваа баад̣̇амуулз табзд̇ваа ‘имам̣ д̇умхаага’нд̇и звам̣ саммукаа ваа д̣̇зд̇ий’’д̇и, д̇асмаа бадиг̇г̇ахан̣агижжам̣ над̇т̇и, д̣̇ааяагзна жийварз д̣̇иннз сан̇гхасса жид̇д̇зна самбадижчанамад̇д̇амзва бамаан̣ам̣ ход̇и.

    Na kevalañca pakaraṇesu anāgatameva, atha kho yuttipi na dissati. Kathaṃ? Paṭiggahaṇaṃ nāma ‘‘yo pana bhikkhu adinnaṃ mukhadvāraṃ āhāraṃ āhāreyya aññatra udakadantaponā, pācittiya’’nti (pāci. 265) yāvakālikādīsu ajjhoharitabbesu catūsu kālikavatthūsu bhagavatā vuttaṃ, na cīvare, taṃ pana pādamūle ṭhapetvā dinnampi parammukhā dinnampi labbhateva. Vuttañhi aṭṭhakathāyaṃ (mahāva. aṭṭha. 379) ‘‘imaṃ cīvaraṃ itthannāmassa dammīti evaṃ parammukhā vā pādamūle ṭhapetvā ‘imaṃ tumhāka’nti evaṃ sammukhā vā detī’’ti, tasmā paṭiggahaṇakiccaṃ natthi, dāyakena cīvare dinne saṅghassa cittena sampaṭicchanamattameva pamāṇaṃ hoti.

    саббааяабужчанан̃жа звам̣ гаронд̇и – згзна бхигкунаа ‘‘бхонд̇о сан̇гхаа сан̇гхасса гат̇инз самбад̇д̇з гасса буг̇г̇аласса саббааяаарахам̣ ход̇ий’’д̇и бужчид̇з зго бхигку наамам̣ вад̇ваа ‘‘ид̇т̇аннаамасса т̇зрасса саббааяаарахам̣ ход̇ий’’д̇и вад̣̇ад̇и, саббааяаид̇и жа ниваасанабаарубанад̇т̇ам̣ г̇ахзд̇ваа вад̣̇анд̇и. зд̇асмим̣ важанз сад̣̇д̣̇ад̇о жа ад̇т̇ад̇о жа ад̇хиббааяад̇о жа яуд̇д̇и г̇авзсид̇аб̣б̣аа ход̇и. гат̇ам̣? сад̣̇д̣̇ад̇о ваг̇г̇абхзд̣̇з сад̇иязва б̣ахуважанам̣ гад̇д̇аб̣б̣ам̣, на абхзд̣̇з, звам̣ сад̣̇д̣̇ад̇о. саббааяаид̇иважанан̃жа ануруубад̇т̇зязва вад̇д̇аб̣б̣ам̣, на ниваасанабаарубанад̇т̇з, звам̣ ад̇т̇ад̇о. ид̣̇ан̃жа жийварам̣ сан̇гхо гат̇инам̣ ад̇т̇арид̇ум̣ буг̇г̇аласса д̣̇зд̇и, на ниваасанабаарубанад̇т̇ам̣. вуд̇д̇ан̃хи баал̣ияам̣ (махаава. 307) ‘‘сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇зд̇и гат̇инам̣ ад̇т̇арид̇у’’нд̇и, д̇асмаа яуд̇д̇и г̇авзсид̇аб̣б̣аа ход̇и. ‘‘бадиг̇г̇ахан̣ан̃жа саббааяа’’нд̇иаад̣̇иг̇аат̇ааби гад̇т̇ажи баал̣ияам̣ адтагат̇аадийгаад̣̇ийсу жа на д̣̇иссад̇и, д̇асмаа ид̇ха вуд̇д̇анаязнзва бадибаж̇ж̇ид̇аб̣б̣ам̣.

    Sappāyapucchanañca evaṃ karonti – ekena bhikkhunā ‘‘bhonto saṅghā saṅghassa kathine sampatte kassa puggalassa sappāyārahaṃ hotī’’ti pucchite eko bhikkhu nāmaṃ vatvā ‘‘itthannāmassa therassa sappāyārahaṃ hotī’’ti vadati, sappāyaiti ca nivāsanapārupanatthaṃ gahetvā vadanti. Etasmiṃ vacane saddato ca atthato ca adhippāyato ca yutti gavesitabbā hoti. Kathaṃ? Saddato vaggabhede satiyeva bahuvacanaṃ kattabbaṃ, na abhede, evaṃ saddato. Sappāyaitivacanañca anurūpattheyeva vattabbaṃ, na nivāsanapārupanatthe, evaṃ atthato. Idañca cīvaraṃ saṅgho kathinaṃ attharituṃ puggalassa deti, na nivāsanapārupanatthaṃ. Vuttañhi pāḷiyaṃ (mahāva. 307) ‘‘saṅgho imaṃ kathinadussaṃ itthannāmassa bhikkhuno deti kathinaṃ attharitu’’nti, tasmā yutti gavesitabbā hoti. ‘‘Paṭiggahaṇañca sappāya’’ntiādigāthāpi katthaci pāḷiyaṃ aṭṭhakathāṭīkādīsu ca na dissati, tasmā idha vuttanayeneva paṭipajjitabbaṃ.

    сажз б̣ахуу ж̇ин̣н̣ажийвараа, вуд̣дхасса д̣̇аад̇аб̣б̣анд̇и ид̣̇ам̣ гат̇инажийварасса сан̇гхигад̇д̇аа ‘‘на жа, бхигкавз, сан̇гхигам̣ яат̇аавуд̣дхам̣ бадиб̣аахид̇аб̣б̣ам̣, яо бадиб̣аахзяяа, аабад̇д̇и д̣̇уггадассаа’’д̇и иминаа баал̣инаязна (жуул̣ава. 311) вуд̇д̇ам̣. зд̇знзва наязна саб̣б̣зсу б̣алаважийварзсу санд̇зсуби вуд̣дхассзва д̣̇аад̇аб̣б̣анд̇и сид̣̇д̇хам̣. вуд̣дхзсу…бз… д̣̇аад̇аб̣б̣анд̇и гаран̣асаннид̇химожанад̇т̇ам̣ вуд̇д̇ам̣. д̇знзвааха ‘‘сажз вуд̣дхо’’д̇яаад̣̇и. навагад̇арзнаби хи гаран̣асаннид̇хим̣ можзд̇ваа гат̇инз ад̇т̇ад̇з анумод̣̇анам̣ гаронд̇асса сан̇гхасса бан̃жаанисам̣салаабхо ход̇ийд̇и. абижаад̇иаад̣̇инаа сан̇гхзна гад̇д̇аб̣б̣авад̇д̇ам̣ д̣̇ассзд̇и. важанаггамо бана звам̣ гаад̇аб̣б̣о – гат̇инад̣̇уссам̣ лабхид̇ваа сан̇гхз сиймааяа саннибад̇ид̇з згзна бхигкунаа ‘‘бханд̇з, сан̇гхасса ид̣̇ам̣ гат̇инад̣̇уссам̣ уббаннам̣, сан̇гхо имам̣ гат̇инад̣̇уссам̣ гат̇аннаамасса бхигкуно д̣̇ад̣̇зяяа гат̇инам̣ ад̇т̇арид̇у’’нд̇и вуд̇д̇з ан̃н̃зна ‘‘яо ж̇ин̣н̣ажийваро, д̇ассаа’’д̇и вад̇д̇аб̣б̣ам̣, д̇ад̇о буримзна ‘‘б̣ахуу ж̇ин̣н̣ажийвараа’’д̇и ваа ‘‘над̇т̇и ид̇ха ж̇ин̣н̣ажийвараа’’д̇и ваа вуд̇д̇з абарзна ‘‘д̇зна хи вуд̣дхассаа’’д̇и вад̇д̇аб̣б̣ам̣, буна буримзна ‘‘го зд̇т̇а вуд̣дхо’’д̇и вуд̇д̇з ид̇арзна ‘‘ид̇т̇аннаамо бхигкуу’’д̇и вад̇д̇аб̣б̣ам̣, буна буримзна ‘‘со бхигку д̇ад̣̇ахзва жийварам̣ гад̇ваа ад̇т̇арид̇ум̣ саггод̇ий’’д̇и вуд̇д̇з ид̇арзна ‘‘со саггод̇ий’’д̇и ваа ‘‘сан̇гхо махаат̇зрасса сан̇г̇ахам̣ гариссад̇ий’’д̇и ваа вад̇д̇аб̣б̣ам̣, буна буримзна ‘‘со махаат̇зро адтахи ан̇г̇зхи саманнааг̇ад̇о’’д̇и вуд̇д̇з ид̇арзна ‘‘аама саманнааг̇ад̇о’’д̇и вад̇д̇аб̣б̣ам̣, д̇ад̇о ‘‘саад̇ху судту д̇асса д̣̇аад̇аб̣б̣а’’нд̇и вуд̇д̇з б̣яад̇д̇зна бхигкунаа бадиб̣алзна сан̇гхо н̃аад̇аб̣б̣о.

    Sace bahū jiṇṇacīvarā, vuḍḍhassa dātabbanti idaṃ kathinacīvarassa saṅghikattā ‘‘na ca, bhikkhave, saṅghikaṃ yathāvuḍḍhaṃ paṭibāhitabbaṃ, yo paṭibāheyya, āpatti dukkaṭassā’’ti iminā pāḷinayena (cūḷava. 311) vuttaṃ. Eteneva nayena sabbesu balavacīvaresu santesupi vuḍḍhasseva dātabbanti siddhaṃ. Vuḍḍhesu…pe… dātabbanti karaṇasannidhimocanatthaṃ vuttaṃ. Tenevāha ‘‘sace vuḍḍho’’tyādi. Navakatarenapi hi karaṇasannidhiṃ mocetvā kathine atthate anumodanaṃ karontassa saṅghassa pañcānisaṃsalābho hotīti. Apicātiādinā saṅghena kattabbavattaṃ dasseti. Vacanakkamo pana evaṃ kātabbo – kathinadussaṃ labhitvā saṅghe sīmāya sannipatite ekena bhikkhunā ‘‘bhante, saṅghassa idaṃ kathinadussaṃ uppannaṃ, saṅgho imaṃ kathinadussaṃ kathannāmassa bhikkhuno dadeyya kathinaṃ attharitu’’nti vutte aññena ‘‘yo jiṇṇacīvaro, tassā’’ti vattabbaṃ, tato purimena ‘‘bahū jiṇṇacīvarā’’ti vā ‘‘natthi idha jiṇṇacīvarā’’ti vā vutte aparena ‘‘tena hi vuḍḍhassā’’ti vattabbaṃ, puna purimena ‘‘ko ettha vuḍḍho’’ti vutte itarena ‘‘itthannāmo bhikkhū’’ti vattabbaṃ, puna purimena ‘‘so bhikkhu tadaheva cīvaraṃ katvā attharituṃ sakkotī’’ti vutte itarena ‘‘so sakkotī’’ti vā ‘‘saṅgho mahātherassa saṅgahaṃ karissatī’’ti vā vattabbaṃ, puna purimena ‘‘so mahāthero aṭṭhahi aṅgehi samannāgato’’ti vutte itarena ‘‘āma samannāgato’’ti vattabbaṃ, tato ‘‘sādhu suṭṭhu tassa dātabba’’nti vutte byattena bhikkhunā paṭibalena saṅgho ñātabbo.

    зд̇т̇а жа ‘‘бханд̇з, сан̇гхассаа’’д̇иаад̣̇иважанам̣ ‘‘сун̣аад̇у мз, бханд̇з, сан̇гхо, ид̣̇ам̣ сан̇гхасса гат̇инад̣̇уссам̣ уббаннам̣, яад̣̇и сан̇гхасса бад̇д̇агаллам̣, сан̇гхо имам̣ гат̇инад̣̇уссам̣ ид̇т̇аннаамасса бхигкуно д̣̇ад̣̇зяяа гат̇инам̣ ад̇т̇арид̇у’’нд̇и имааяа н̃ад̇д̇ибаал̣ияаа самзд̇и. ‘‘яо ж̇ин̣н̣ажийваро, д̇ассаа’’д̇иаад̣̇и ‘‘сан̇гхзна гассаа’’д̇иаад̣̇и ‘‘сан̇гхзна гасса д̣̇аад̇аб̣б̣ам̣, яо ж̇ин̣н̣ажийваро ход̇ий’’д̇иаад̣̇инаа адтагат̇ааважанзна (махаава. адта. 306) самзд̇и. ‘‘со махаат̇зро адтахан̇г̇зхи саманнааг̇ад̇о’’д̇иаад̣̇и ‘‘адтахан̇г̇зхи саманнааг̇ад̇о буг̇г̇ало бхаб̣б̣о гат̇инам̣ ад̇т̇арид̇у’’нд̇иаад̣̇игааяа бариваарабаал̣ияаа (бари. 409) самзд̇ийд̇и д̣̇адтаб̣б̣ам̣. яасса бана д̣̇ийяад̇и, д̇асса н̃ад̇д̇ид̣̇уд̇ияагаммаваажааяа д̣̇аад̇аб̣б̣анд̇и самб̣анд̇хо. иминаа имасса гат̇инад̣̇аанагаммасса г̇аругад̇д̇аа на абалоганамад̇д̇зна д̣̇аад̇аб̣б̣анд̇и имамад̇т̇ам̣ багаасзд̇и. г̇аругалахугаанам̣ бхзд̣̇о гаммаагаммавинижчаяагат̇ааяам̣ аави бхависсад̇и.

    Ettha ca ‘‘bhante, saṅghassā’’tiādivacanaṃ ‘‘suṇātu me, bhante, saṅgho, idaṃ saṅghassa kathinadussaṃ uppannaṃ, yadi saṅghassa pattakallaṃ, saṅgho imaṃ kathinadussaṃ itthannāmassa bhikkhuno dadeyya kathinaṃ attharitu’’nti imāya ñattipāḷiyā sameti. ‘‘Yo jiṇṇacīvaro, tassā’’tiādi ‘‘saṅghena kassā’’tiādi ‘‘saṅghena kassa dātabbaṃ, yo jiṇṇacīvaro hotī’’tiādinā aṭṭhakathāvacanena (mahāva. aṭṭha. 306) sameti. ‘‘So mahāthero aṭṭhahaṅgehi samannāgato’’tiādi ‘‘aṭṭhahaṅgehi samannāgato puggalo bhabbo kathinaṃ attharitu’’ntiādikāya parivārapāḷiyā (pari. 409) sametīti daṭṭhabbaṃ. Yassa pana dīyati, tassa ñattidutiyakammavācāya dātabbanti sambandho. Iminā imassa kathinadānakammassa garukattā na apalokanamattena dātabbanti imamatthaṃ pakāseti. Garukalahukānaṃ bhedo kammākammavinicchayakathāyaṃ āvi bhavissati.

    звам̣ д̣̇иннз бана гат̇инз бажжуд̣̇д̇харид̇аб̣б̣аа ад̇хидтаад̇аб̣б̣аа ваажаа бхинд̣̇ид̇аб̣б̣аад̇и самб̣анд̇хо. сажз д̇ам̣ гат̇инад̣̇уссам̣ нидтид̇абаригаммамзва ход̇ийд̇и иминаа гат̇инад̣̇уссам̣ наама на гзвалам̣ багад̇исаадагамзва ход̇и, ат̇а ко баринидтид̇асад̇д̇авид̇хабуб̣б̣агижжажийварамби ход̇ийд̇и д̣̇ассзд̇и, д̇асмаа нидтид̇ажийварасмим̣ д̣̇иннз сад̇д̇авид̇хабуб̣б̣агижжагаран̣зна ад̇т̇о над̇т̇и, гзвалам̣ бажжуд̣̇д̇харан̣аад̣̇ийниязва гаад̇аб̣б̣аани. сажз бана гин̃жи абаринидтид̇ам̣ ход̇и, анд̇амасо габбаб̣инд̣̇умад̇д̇амби, д̇ам̣ нидтаабзд̇вааязва бажжуд̣̇д̇харан̣аад̣̇ийни гаад̇аб̣б̣аани. г̇ан̣тигабаддабаасагабаддаани бана сиб̣б̣ананд̇ог̇ад̇хаани, д̇ааниби нидтаабзд̇вааязва гаад̇аб̣б̣аани. анидтаабзнд̇о анидтид̇асиб̣б̣анагижжамзва ход̇и. вуд̇д̇ан̃хи адтагат̇ааяам̣ (баараа. адта. 2.462-463) ‘‘д̇ад̇т̇а гад̇анд̇и суужигаммабарияосаанзна гад̇ам̣, суужигаммабарияосаанам̣ наама яам̣ гин̃жи суужияаа гад̇д̇аб̣б̣ам̣. баасагабаддаг̇ан̣тигабаддабарияосаанам̣ гад̇ваа суужияаа бадисаамана’’нд̇и. ид̣̇ан̃хи гат̇инавад̇д̇ам̣ наама б̣уд̣̇д̇хаббасад̇т̇анд̇и ‘‘ад̇т̇ад̇агат̇инаанам̣ во бхигкавз бан̃жа габбиссанд̇ий’’д̇иаад̣̇инаа басад̇т̇ам̣.

    Evaṃ dinne pana kathine paccuddharitabbā adhiṭṭhātabbā vācā bhinditabbāti sambandho. Sace taṃ kathinadussaṃ niṭṭhitaparikammameva hotīti iminā kathinadussaṃ nāma na kevalaṃ pakatisāṭakameva hoti, atha kho pariniṭṭhitasattavidhapubbakiccacīvarampi hotīti dasseti, tasmā niṭṭhitacīvarasmiṃ dinne sattavidhapubbakiccakaraṇena attho natthi, kevalaṃ paccuddharaṇādīniyeva kātabbāni. Sace pana kiñci apariniṭṭhitaṃ hoti, antamaso kappabindumattampi, taṃ niṭṭhāpetvāyeva paccuddharaṇādīni kātabbāni. Gaṇṭhikapaṭṭapāsakapaṭṭāni pana sibbanantogadhāni, tānipi niṭṭhāpetvāyeva kātabbāni. Aniṭṭhāpento aniṭṭhitasibbanakiccameva hoti. Vuttañhi aṭṭhakathāyaṃ (pārā. aṭṭha. 2.462-463) ‘‘tattha katanti sūcikammapariyosānena kataṃ, sūcikammapariyosānaṃ nāma yaṃ kiñci sūciyā kattabbaṃ. Pāsakapaṭṭagaṇṭhikapaṭṭapariyosānaṃ katvā sūciyā paṭisāmana’’nti. Idañhi kathinavattaṃ nāma buddhappasatthanti ‘‘atthatakathinānaṃ vo bhikkhave pañca kappissantī’’tiādinā pasatthaṃ.

    гад̇абарияосид̇ам̣ бана гат̇инам̣ г̇ахзд̇ваад̇и –

    Katapariyositaṃ pana kathinaṃ gahetvāti –

    ‘‘д̇хованан̃жа вижааро жа, чзд̣̇анам̣ б̣анд̇ханамби жа;

    ‘‘Dhovanañca vicāro ca, chedanaṃ bandhanampi ca;

    сиб̣б̣анам̣ раж̇анам̣ габбам̣, буб̣б̣агижжанд̇и вужжад̇ий’’д̇и. (ви. ви. 2707) –

    Sibbanaṃ rajanaṃ kappaṃ, pubbakiccanti vuccatī’’ti. (vi. vi. 2707) –

    вуд̇д̇аани сад̇д̇авид̇хабуб̣б̣агаран̣аани гад̇ваа барияосаабид̇ам̣ гат̇инажийварам̣ г̇ахзд̇ваа. ад̇т̇аарагзна бхигкунаа бажжуд̣̇д̇харид̇аб̣б̣аа ад̇хидтаад̇аб̣б̣аа ваажаа бхинд̣̇ид̇аб̣б̣аад̇и самб̣анд̇хо. сан̇гхаадияаа гат̇инам̣ ад̇т̇арид̇угаамо бхигку буб̣б̣з д̇ижийвараад̇хидтаанзна ад̇хидтид̇ам̣ бораан̣игам̣ сан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и вад̇ваа бажжуд̣̇д̇харид̇аб̣б̣аа, д̇ад̇о анад̇хидтид̇ам̣ навам̣ сан̇гхаадим̣ ‘‘имам̣ сан̇гхаадим̣ ад̇хидтаамий’’д̇и вад̇ваа ад̇хидтаад̇аб̣б̣аа, д̇ад̇о ад̇т̇аран̣агаалз д̇амзва ад̇хидтид̇асан̇гхаадим̣ ‘‘имааяа сан̇гхаадияаа гат̇инам̣ ад̇т̇араамий’’д̇и ваажаа бхинд̣̇ид̇аб̣б̣аад̇и ад̇т̇о. зса наяо ид̇арзсу. зд̇зна гат̇инад̇т̇ааран̣ам̣ наама важийбхзд̣̇агаран̣амзва ход̇и, на гин̃жи гааяавигаарагаран̣анд̇и имамад̇т̇ам̣ д̣̇ийбзд̇и . д̇ат̇аа хи вуд̇д̇ам̣ винаяад̇т̇аман̃ж̇уусааяам̣ (ган̇каа. абхи. дий. гат̇инасигкаабад̣̇аван̣н̣анаа) ‘‘ад̇т̇арид̇аб̣б̣анд̇и ад̇т̇аран̣ам̣ гаад̇аб̣б̣ам̣, д̇ан̃жа ко д̇ат̇ааважийбхзд̣̇агаран̣амзваад̇и д̣̇адтаб̣б̣а’’нд̇и.

    Vuttāni sattavidhapubbakaraṇāni katvā pariyosāpitaṃ kathinacīvaraṃ gahetvā. Atthārakena bhikkhunā paccuddharitabbā adhiṭṭhātabbā vācā bhinditabbāti sambandho. Saṅghāṭiyā kathinaṃ attharitukāmo bhikkhu pubbe ticīvarādhiṭṭhānena adhiṭṭhitaṃ porāṇikaṃ saṅghāṭiṃ ‘‘imaṃ saṅghāṭiṃ paccuddharāmī’’ti vatvā paccuddharitabbā, tato anadhiṭṭhitaṃ navaṃ saṅghāṭiṃ ‘‘imaṃ saṅghāṭiṃ adhiṭṭhāmī’’ti vatvā adhiṭṭhātabbā, tato attharaṇakāle tameva adhiṭṭhitasaṅghāṭiṃ ‘‘imāya saṅghāṭiyā kathinaṃ attharāmī’’ti vācā bhinditabbāti attho. Esa nayo itaresu. Etena kathinatthāraṇaṃ nāma vacībhedakaraṇameva hoti, na kiñci kāyavikārakaraṇanti imamatthaṃ dīpeti . Tathā hi vuttaṃ vinayatthamañjūsāyaṃ (kaṅkhā. abhi. ṭī. kathinasikkhāpadavaṇṇanā) ‘‘attharitabbanti attharaṇaṃ kātabbaṃ, tañca kho tathāvacībhedakaraṇamevāti daṭṭhabba’’nti.

    д̇ад̇т̇а бажжуд̣̇д̇хааро д̇ивид̇хо ‘‘имам̣ сан̇гхаадим̣ бажжуд̣̇д̇хараамий’’д̇и сан̇гхаадияаа бажжуд̣̇д̇хааро, ‘‘имам̣ уд̇д̇араасан̇г̇ам̣ бажжуд̣̇д̇хараамий’’д̇и уд̇д̇араасан̇г̇асса бажжуд̣̇д̇хааро, ‘‘имам̣ анд̇араваасагам̣ бажжуд̣̇д̇хараамий’’д̇и анд̇араваасагасса бажжуд̣̇д̇хаарод̇и. вуд̇д̇ан̃хзд̇ам̣ бариваарз (бари. 408) ‘‘бажжуд̣̇д̇хааро д̇ийхи д̇хаммзхи сан̇г̇ахид̇о сан̇гхаадияаа уд̇д̇араасан̇г̇зна анд̇араваасагзнаа’’д̇и. ад̇хидтаанам̣ д̇ивид̇хам̣ ‘‘имам̣ сан̇гхаадим̣ ад̇хидтаамий’’д̇и сан̇гхаадияаа ад̇хидтаанам̣, ‘‘имам̣ уд̇д̇араасан̇г̇ам̣ ад̇хидтаамий’’д̇и уд̇д̇араасан̇г̇асса ад̇хидтаанам̣, ‘‘имам̣ анд̇араваасагам̣ ад̇хидтаамий’’д̇и анд̇араваасагасса ад̇хидтаананд̇и. вуд̇д̇ан̃хзд̇ам̣ бариваарз (бари. 408) ‘‘ад̇хидтаанам̣ д̇ийхи д̇хаммзхи сан̇г̇ахид̇ам̣ сан̇гхаадияаа уд̇д̇араасан̇г̇зна анд̇араваасагзнаа’’д̇и.

    Tattha paccuddhāro tividho ‘‘imaṃ saṅghāṭiṃ paccuddharāmī’’ti saṅghāṭiyā paccuddhāro, ‘‘imaṃ uttarāsaṅgaṃ paccuddharāmī’’ti uttarāsaṅgassa paccuddhāro, ‘‘imaṃ antaravāsakaṃ paccuddharāmī’’ti antaravāsakassa paccuddhāroti. Vuttañhetaṃ parivāre (pari. 408) ‘‘paccuddhāro tīhi dhammehi saṅgahito saṅghāṭiyā uttarāsaṅgena antaravāsakenā’’ti. Adhiṭṭhānaṃ tividhaṃ ‘‘imaṃ saṅghāṭiṃ adhiṭṭhāmī’’ti saṅghāṭiyā adhiṭṭhānaṃ, ‘‘imaṃ uttarāsaṅgaṃ adhiṭṭhāmī’’ti uttarāsaṅgassa adhiṭṭhānaṃ, ‘‘imaṃ antaravāsakaṃ adhiṭṭhāmī’’ti antaravāsakassa adhiṭṭhānanti. Vuttañhetaṃ parivāre (pari. 408) ‘‘adhiṭṭhānaṃ tīhi dhammehi saṅgahitaṃ saṅghāṭiyā uttarāsaṅgena antaravāsakenā’’ti.

    ат̇а ваа ад̇хидтаанам̣ д̣̇увид̇хам̣ гааязна ад̇хидтаанам̣, ваажааяа ад̇хидтаананд̇и. д̇ад̇т̇а бораан̣игам̣ сан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и бажжуд̣̇д̇харид̇ваа навам̣ сан̇гхаадим̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарагаран̣зна гааязна ваа ад̇хидтаад̇аб̣б̣ам̣, важийбхзд̣̇ам̣ гад̇ваа ваажааяа ваа ад̇хидтаад̇аб̣б̣ам̣. вуд̇д̇ан̃хи адтагат̇ааяам̣ (баараа. адта. 2.469; ган̇каа. адта. гат̇инасигкаабад̣̇аван̣н̣анаа) ‘‘д̇ад̇т̇а яасмаа д̣̇вз жийварасса ад̇хидтаанаани гааязна ваа ад̇хидтзд̇и, ваажааяа ваа ад̇хидтзд̇ийд̇и вуд̇д̇ам̣, д̇асмаа…бз… ад̇хидтаад̇аб̣б̣аа’’д̇и. ат̇а ваа ад̇хидтаанам̣ д̣̇увид̇хам̣ саммукаад̇хидтаанабараммукаад̇хидтаанавасзна. д̇ад̇т̇а яад̣̇и жийварам̣ хад̇т̇абаасз тид̇ам̣ ход̇и, ‘‘имам̣ сан̇гхаадим̣ ад̇хидтаамий’’д̇и важийбхзд̣̇ам̣ гад̇ваа ад̇хидтаад̇аб̣б̣ам̣, ат̇а анд̇ог̇аб̣бхз ваа сааманд̇авихаарз ваа ход̇и, табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и важийбхзд̣̇ам̣ гад̇ваа ад̇хидтаад̇аб̣б̣ам̣. вуд̇д̇ан̃хи адтагат̇ааяам̣ (баараа. адта. 2.469; ган̇каа. адта. гат̇инасигкаабад̣̇аван̣н̣анаа) ‘‘д̇ад̇ра д̣̇увид̇хам̣ ад̇хидтаанам̣ сажз хад̇т̇абаасз ход̇ий’’д̇иаад̣̇и, винаяад̇т̇аман̃ж̇уусааяан̃жа (ган̇каа. абхи. дий. гат̇инасигкаабад̣̇аван̣н̣анаа) ‘‘д̣̇увид̇ханд̇и саммукаабараммукаабхзд̣̇зна д̣̇увид̇ха’’нд̇и.

    Atha vā adhiṭṭhānaṃ duvidhaṃ kāyena adhiṭṭhānaṃ, vācāya adhiṭṭhānanti. Tattha porāṇikaṃ saṅghāṭiṃ ‘‘imaṃ saṅghāṭiṃ paccuddharāmī’’ti paccuddharitvā navaṃ saṅghāṭiṃ hatthena gahetvā ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyavikārakaraṇena kāyena vā adhiṭṭhātabbaṃ, vacībhedaṃ katvā vācāya vā adhiṭṭhātabbaṃ. Vuttañhi aṭṭhakathāyaṃ (pārā. aṭṭha. 2.469; kaṅkhā. aṭṭha. kathinasikkhāpadavaṇṇanā) ‘‘tattha yasmā dve cīvarassa adhiṭṭhānāni kāyena vā adhiṭṭheti, vācāya vā adhiṭṭhetīti vuttaṃ, tasmā…pe… adhiṭṭhātabbā’’ti. Atha vā adhiṭṭhānaṃ duvidhaṃ sammukhādhiṭṭhānaparammukhādhiṭṭhānavasena. Tattha yadi cīvaraṃ hatthapāse ṭhitaṃ hoti, ‘‘imaṃ saṅghāṭiṃ adhiṭṭhāmī’’ti vacībhedaṃ katvā adhiṭṭhātabbaṃ, atha antogabbhe vā sāmantavihāre vā hoti, ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vacībhedaṃ katvā adhiṭṭhātabbaṃ. Vuttañhi aṭṭhakathāyaṃ (pārā. aṭṭha. 2.469; kaṅkhā. aṭṭha. kathinasikkhāpadavaṇṇanā) ‘‘tatra duvidhaṃ adhiṭṭhānaṃ sace hatthapāse hotī’’tiādi, vinayatthamañjūsāyañca (kaṅkhā. abhi. ṭī. kathinasikkhāpadavaṇṇanā) ‘‘duvidhanti sammukhāparammukhābhedena duvidha’’nti.

    ад̇т̇ааро гад̇ивид̇хо? ад̇т̇ааро згавид̇хо. важийбхзд̣̇агаран̣знзва хи ад̇т̇ааро самбаж̇ж̇ад̇и, на гааяавигаарагаран̣зна. аяамад̇т̇о яат̇аавуд̇д̇а-бариваарабаал̣ияаа жа ‘‘ад̇т̇арид̇аб̣б̣анд̇и ад̇т̇аран̣ам̣ гаад̇аб̣б̣ам̣, д̇ан̃жа ко д̇ат̇ааважийбхзд̣̇агаран̣амзваад̇и д̣̇адтаб̣б̣а’’нд̇и винаяад̇т̇аман̃ж̇уусааважанзна жа вин̃н̃ааяад̇и. ат̇а ваа ад̇т̇ааро д̇ивид̇хо вад̇т̇уббабхзд̣̇зна. д̇ад̇т̇а яад̣̇и сан̇гхаадияаа гат̇инам̣ ад̇т̇арид̇угаамо ход̇и, бораан̣игаа сан̇гхаади бажжуд̣̇д̇харид̇аб̣б̣аа, наваа сан̇гхаади ад̇хидтаад̇аб̣б̣аа, ‘‘имааяа сан̇гхаадияаа гат̇инам̣ ад̇т̇араамий’’д̇и ваажаа бхинд̣̇ид̇аб̣б̣аа. ат̇а уд̇д̇араасан̇г̇зна гат̇инам̣ ад̇т̇арид̇угаамо ход̇и, бораан̣аго уд̇д̇араасан̇г̇о бажжуд̣̇д̇харид̇аб̣б̣о, наво уд̇д̇араасан̇г̇о ад̇хидтаад̇аб̣б̣о, ‘‘иминаа уд̇д̇араасан̇г̇зна гат̇инам̣ ад̇т̇араамий’’д̇и ваажаа бхинд̣̇ид̇аб̣б̣аа. ат̇а анд̇араваасагзна гат̇инам̣ ад̇т̇арид̇угаамо ход̇и, бораан̣аго анд̇араваасаго бажжуд̣̇д̇харид̇аб̣б̣о, наво анд̇араваасаго ад̇хидтаад̇аб̣б̣о, ‘‘иминаа анд̇араваасагзна гат̇инам̣ ад̇т̇араамий’’д̇и ваажаа бхинд̣̇ид̇аб̣б̣аа. вуд̇д̇ан̃хзд̇ам̣ бариваарз (бари. 413) ‘‘сажз сан̇гхаадияаа’’д̇иаад̣̇и.

    Atthāro katividho? Atthāro ekavidho. Vacībhedakaraṇeneva hi atthāro sampajjati, na kāyavikārakaraṇena. Ayamattho yathāvutta-parivārapāḷiyā ca ‘‘attharitabbanti attharaṇaṃ kātabbaṃ, tañca kho tathāvacībhedakaraṇamevāti daṭṭhabba’’nti vinayatthamañjūsāvacanena ca viññāyati. Atha vā atthāro tividho vatthuppabhedena. Tattha yadi saṅghāṭiyā kathinaṃ attharitukāmo hoti, porāṇikā saṅghāṭi paccuddharitabbā, navā saṅghāṭi adhiṭṭhātabbā, ‘‘imāya saṅghāṭiyā kathinaṃ attharāmī’’ti vācā bhinditabbā. Atha uttarāsaṅgena kathinaṃ attharitukāmo hoti, porāṇako uttarāsaṅgo paccuddharitabbo, navo uttarāsaṅgo adhiṭṭhātabbo, ‘‘iminā uttarāsaṅgena kathinaṃ attharāmī’’ti vācā bhinditabbā. Atha antaravāsakena kathinaṃ attharitukāmo hoti, porāṇako antaravāsako paccuddharitabbo, navo antaravāsako adhiṭṭhātabbo, ‘‘iminā antaravāsakena kathinaṃ attharāmī’’ti vācā bhinditabbā. Vuttañhetaṃ parivāre (pari. 413) ‘‘sace saṅghāṭiyā’’tiādi.

    зд̇т̇а сияаа – гим̣ бана ‘‘имам̣ сан̇гхаадим̣ бажжуд̣̇д̇хараамий’’д̇и висзсам̣ гад̇ваава бажжуд̣̇д̇харид̇аб̣б̣аа, уд̣̇ааху ‘‘имам̣ бажжуд̣̇д̇хараамий’’д̇и сааман̃н̃ад̇оби бажжуд̣̇д̇харид̇аб̣б̣аад̇и? баригкааражол̣аад̇хидтаанзна ад̇хидтид̇ам̣ жийварам̣ ‘‘имам̣ бажжуд̣̇д̇хараамий’’д̇и сааман̃н̃ад̇о бажжуд̣̇д̇харид̇аб̣б̣ам̣, на ‘‘имам̣ сан̇гхаадим̣ бажжуд̣̇д̇хараамий’’д̇и висзсад̇о бажжуд̣̇д̇харид̇аб̣б̣ам̣. гасмаа? буб̣б̣з алад̣̇д̇ханаамад̇д̇аа. д̇ижийвараад̇хидтаанзна ад̇хидтид̇ам̣ бана жийварам̣ висзсад̇оязва бажжуд̣̇д̇харид̇аб̣б̣ам̣, на сааман̃н̃ад̇о. гасмаа? бадилад̣̇д̇хависзсанаамад̇д̇аа . ид̇ха бана гат̇инаад̇хигаарз буб̣б̣зва д̇ижийвараад̇хидтаанзна ад̇хидтид̇ад̇д̇аа висзсад̇оязва бажжуд̣̇д̇харид̇аб̣б̣анд̇и д̣̇адтаб̣б̣ам̣. вуд̇д̇ан̃хзд̇ам̣ бариваарз (бари. 408) гат̇инаад̇хигаарз ‘‘бажжуд̣̇д̇хааро д̇ийхи д̇хаммзхи сан̇г̇ахид̇о сан̇гхаадияаа уд̇д̇араасан̇г̇зна анд̇араваасагзнаа’’д̇и. гим̣ бана нижжад̇зжийваригоязва гат̇инам̣ ад̇т̇арид̇ум̣ лабхад̇и, уд̣̇ааху авад̇т̇аад̇зжийваригобийд̇и? д̇зжийвариго д̣̇увид̇хо д̇худ̇ан̇г̇ад̇зжийваригавинаяад̇зжийваригавасзна. д̇ад̇т̇а д̇худ̇ан̇г̇ад̇зжийвариго ‘‘ад̇ирзгажийварам̣ бадигкибаами, д̇зжийвариган̇г̇ам̣ самаад̣̇ияаамий’’д̇и ад̇хидтахид̇ваа д̇хааран̣ад̇о саб̣б̣агааламзва д̇хаарзд̇и. винаяад̇зжийвариго бана яад̣̇аа д̇ижийвараад̇хидтаанзна ад̇хидтахид̇ваа д̇хаарзд̇угаамо ход̇и, д̇ад̣̇аа д̇ат̇аа ад̇хидтахид̇ваа д̇хаарзд̇и. яад̣̇аа бана баригкааражол̣аад̇хидтаанзна ад̇хидтахид̇ваа д̇хаарзд̇угаамо ход̇и, д̇ад̣̇аа д̇ат̇аа ад̇хидтахид̇ваа д̇хаарзд̇и, д̇асмаа д̇ижийвараад̇хидтаанасса д̣̇уббарихаарад̇д̇аа саб̣б̣ад̣̇аа д̇хаарзд̇ум̣ асаггонд̇о худ̇ваа баригкааражол̣авасзна д̇хаарзнд̇оби д̇ам̣ бажжуд̣̇д̇харид̇ваа аасаннз гаалз д̇ижийвараад̇хидтаанзна ад̇хидтаханд̇оби гат̇инам̣ ад̇т̇арид̇ум̣ лабхад̇иязваад̇и д̣̇адтаб̣б̣ам̣.

    Ettha siyā – kiṃ pana ‘‘imaṃ saṅghāṭiṃ paccuddharāmī’’ti visesaṃ katvāva paccuddharitabbā, udāhu ‘‘imaṃ paccuddharāmī’’ti sāmaññatopi paccuddharitabbāti? Parikkhāracoḷādhiṭṭhānena adhiṭṭhitaṃ cīvaraṃ ‘‘imaṃ paccuddharāmī’’ti sāmaññato paccuddharitabbaṃ, na ‘‘imaṃ saṅghāṭiṃ paccuddharāmī’’ti visesato paccuddharitabbaṃ. Kasmā? Pubbe aladdhanāmattā. Ticīvarādhiṭṭhānena adhiṭṭhitaṃ pana cīvaraṃ visesatoyeva paccuddharitabbaṃ, na sāmaññato. Kasmā? Paṭiladdhavisesanāmattā . Idha pana kathinādhikāre pubbeva ticīvarādhiṭṭhānena adhiṭṭhitattā visesatoyeva paccuddharitabbanti daṭṭhabbaṃ. Vuttañhetaṃ parivāre (pari. 408) kathinādhikāre ‘‘paccuddhāro tīhi dhammehi saṅgahito saṅghāṭiyā uttarāsaṅgena antaravāsakenā’’ti. Kiṃ pana niccatecīvarikoyeva kathinaṃ attharituṃ labhati, udāhu avatthātecīvarikopīti? Tecīvariko duvidho dhutaṅgatecīvarikavinayatecīvarikavasena. Tattha dhutaṅgatecīvariko ‘‘atirekacīvaraṃ paṭikkhipāmi, tecīvarikaṅgaṃ samādiyāmī’’ti adhiṭṭhahitvā dhāraṇato sabbakālameva dhāreti. Vinayatecīvariko pana yadā ticīvarādhiṭṭhānena adhiṭṭhahitvā dhāretukāmo hoti, tadā tathā adhiṭṭhahitvā dhāreti. Yadā pana parikkhāracoḷādhiṭṭhānena adhiṭṭhahitvā dhāretukāmo hoti, tadā tathā adhiṭṭhahitvā dhāreti, tasmā ticīvarādhiṭṭhānassa dupparihārattā sabbadā dhāretuṃ asakkonto hutvā parikkhāracoḷavasena dhārentopi taṃ paccuddharitvā āsanne kāle ticīvarādhiṭṭhānena adhiṭṭhahantopi kathinaṃ attharituṃ labhatiyevāti daṭṭhabbaṃ.

    гажжи ну бхо гат̇инад̣̇аанагаммаваажаабхан̣анасиймааяамзва гат̇инам̣ ад̇т̇арид̇аб̣б̣ам̣, уд̣̇ааху ан̃н̃асиймааяаад̇и? яад̣̇и гат̇инад̣̇аанагаммаваажаабхан̣анаб̣ад̣̇д̇хасиймаа вассуубанааяигакзд̇д̇абхууд̇аубажаарасиймааяа анд̇о тид̇аа, звам̣ сад̇и д̇асмим̣язва сиймаман̣д̣алз ад̇т̇аран̣ам̣ гаад̇аб̣б̣ам̣. гат̇ам̣ вин̃н̃ааяад̇ийд̇и жз? ‘‘баринидтид̇абуб̣б̣агаран̣амзва жз д̣̇ааяаго сан̇гхасса д̣̇зд̇и, самбадижчид̇ваа гаммаваажааяа д̣̇аад̇аб̣б̣ам̣. д̇зна жа д̇асмим̣язва сиймаман̣д̣алз ад̇хидтахид̇ваа ад̇т̇арид̇ваа сан̇гхо анумод̣̇аабзд̇аб̣б̣о’’д̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 308) ааг̇ад̇ад̇д̇аа вин̃н̃ааяад̇ийд̇и. яад̣̇и звам̣ ‘‘д̇асмим̣язва сиймаман̣д̣алз’’ижжзва дийгааяам̣ вуд̇д̇ад̇д̇аа ‘‘яасмим̣ гисмин̃жи сиймаман̣д̣алз гаммаваажам̣ бхан̣ид̇ваа д̇асмим̣язва сиймаман̣д̣алз ад̇т̇арид̇аб̣б̣а’’нд̇и вад̇д̇аб̣б̣ам̣, на ‘‘гат̇инад̣̇аанагаммаваажаабхан̣анаб̣ад̣̇д̇хасиймаа вассуубанааяигакзд̇д̇абхууд̇аубажаарасиймааяа анд̇о тид̇аа’’д̇и висзсам̣ гад̇ваа вад̇д̇аб̣б̣анд̇и? на на вад̇д̇аб̣б̣ам̣. гаммаваажаабхан̣анасиймаа хи б̣ад̣̇д̇хасиймаабхууд̇аа, гат̇инад̇т̇аарасиймаа бана убажаарасиймаабхууд̇аа, убажаарасиймаа жа наама б̣ад̣̇д̇хасиймам̣ авад̇т̇арид̇вааби г̇ажчад̇и, д̇асмаа саа сиймаа б̣ад̣̇д̇хасиймаа жа ход̇и убажаарасиймаа жаад̇и д̇асмим̣язва сиймаман̣д̣алз гат̇инад̣̇аанагаммаваажам̣ бхан̣ид̇ваа д̇ад̇т̇зва ад̇т̇аран̣ам̣ гаад̇аб̣б̣ам̣, на яасмим̣ гисмин̃жи сиймаман̣д̣алз гаммаваажам̣ бхан̣ид̇ваа д̇ад̇т̇зва ад̇т̇аран̣ам̣ гад̇д̇аб̣б̣анд̇и д̣̇адтаб̣б̣ам̣. звамби ‘‘убажаарасиймааяа’’ижжзва вад̇д̇аб̣б̣ам̣, на ‘‘вассуубанааяигакзд̇д̇абхууд̇аубажаарасиймааяаа’’д̇и, д̇амби вад̇д̇аб̣б̣амзва. д̇зсам̣ бхигкуунам̣ вассуубанааяигакзд̇д̇абхууд̇ааяа зва убажаарасиймааяа гат̇инад̇т̇аарам̣ гаад̇ум̣ лабхад̇и, на ан̃н̃аубажаарасиймааяа. вуд̇д̇ан̃хи адтагат̇ааяам̣ (махаава. адта. 306) ‘‘ан̃н̃асмим̣ вихаарз вуд̇т̇авассааби на лабханд̇ийд̇и махаабажжарияам̣ вуд̇д̇а’’нд̇и.

    Kacci nu bho kathinadānakammavācābhaṇanasīmāyameva kathinaṃ attharitabbaṃ, udāhu aññasīmāyāti? Yadi kathinadānakammavācābhaṇanabaddhasīmā vassūpanāyikakhettabhūtaupacārasīmāya anto ṭhitā, evaṃ sati tasmiṃyeva sīmamaṇḍale attharaṇaṃ kātabbaṃ. Kathaṃ viññāyatīti ce? ‘‘Pariniṭṭhitapubbakaraṇameva ce dāyako saṅghassa deti, sampaṭicchitvā kammavācāya dātabbaṃ. Tena ca tasmiṃyeva sīmamaṇḍale adhiṭṭhahitvā attharitvā saṅgho anumodāpetabbo’’ti vajirabuddhiṭīkāyaṃ (vajira. ṭī. mahāvagga 308) āgatattā viññāyatīti. Yadi evaṃ ‘‘tasmiṃyeva sīmamaṇḍale’’icceva ṭīkāyaṃ vuttattā ‘‘yasmiṃ kismiñci sīmamaṇḍale kammavācaṃ bhaṇitvā tasmiṃyeva sīmamaṇḍale attharitabba’’nti vattabbaṃ, na ‘‘kathinadānakammavācābhaṇanabaddhasīmā vassūpanāyikakhettabhūtaupacārasīmāya anto ṭhitā’’ti visesaṃ katvā vattabbanti? Na na vattabbaṃ. Kammavācābhaṇanasīmā hi baddhasīmābhūtā, kathinatthārasīmā pana upacārasīmābhūtā, upacārasīmā ca nāma baddhasīmaṃ avattharitvāpi gacchati, tasmā sā sīmā baddhasīmā ca hoti upacārasīmā cāti tasmiṃyeva sīmamaṇḍale kathinadānakammavācaṃ bhaṇitvā tattheva attharaṇaṃ kātabbaṃ, na yasmiṃ kismiñci sīmamaṇḍale kammavācaṃ bhaṇitvā tattheva attharaṇaṃ kattabbanti daṭṭhabbaṃ. Evampi ‘‘upacārasīmāya’’icceva vattabbaṃ, na ‘‘vassūpanāyikakhettabhūtaupacārasīmāyā’’ti, tampi vattabbameva. Tesaṃ bhikkhūnaṃ vassūpanāyikakhettabhūtāya eva upacārasīmāya kathinatthāraṃ kātuṃ labhati, na aññaupacārasīmāya. Vuttañhi aṭṭhakathāyaṃ (mahāva. aṭṭha. 306) ‘‘aññasmiṃ vihāre vutthavassāpi na labhantīti mahāpaccariyaṃ vutta’’nti.

    яат̇ижчаси, д̇ат̇аа бхавад̇у, аби д̇у калу ‘‘гаммаваажаабхан̣анасиймаа б̣ад̣̇д̇хасиймаабхууд̇аа, гат̇инад̇т̇аарасиймаа убажаарасиймаабхууд̇аа’’д̇и д̇умхзхи вуд̇д̇ам̣, д̇ат̇аабхууд̇абхааво гат̇ам̣ ж̇аанид̇аб̣б̣од̇и? вужжад̇з – гат̇инад̇т̇аарасиймааяам̣ д̇аава убажаарасиймаабхууд̇абхааво ‘‘сажз бана згасиймааяа б̣ахуу вихаараа хонд̇и, саб̣б̣з бхигкуу саннибаад̇зд̇ваа згад̇т̇а гат̇инам̣ ад̇т̇арид̇аб̣б̣а’’нд̇и имиссаа адтагат̇ааяа (махаава. адта. 306) ад̇т̇ам̣ сам̣ван̣н̣зд̇ум̣ ‘‘згасиймааяаад̇и згаубажаарасиймааяаад̇и ад̇т̇о яуж̇ж̇ад̇ий’’д̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 306) ааг̇ад̇ад̇д̇аа вин̃н̃ааяад̇и. гаммаваажаабхан̣анасиймааяа б̣ад̣̇д̇хасиймаабхууд̇абхааво бана ‘‘д̇з жа ко хад̇т̇абаасам̣ авиж̇ахид̇ваа згасиймааяам̣ тид̇аа. сиймаа жа наамзсаа б̣ад̣̇д̇хасиймаа аб̣ад̣̇д̇хасиймаад̇и д̣̇увид̇хаа ход̇ий’’д̇и ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ааг̇ад̇ад̇д̇аа жа ‘‘сиймаа жа наамзсаа гад̇амаа, яад̇т̇а хад̇т̇абаасам̣ авиж̇ахид̇ваа тид̇аа гаммаббад̇д̇аа наама хонд̇ийд̇и ануяог̇ам̣ санд̇хааяа сиймам̣ д̣̇ассзнд̇о вибхааг̇аванд̇аанам̣ сабхаававибхааванам̣ вибхааг̇ад̣̇ассанамукзнзва ход̇ийд̇и ‘сиймаа жа наамзсаа’д̇иаад̣̇имаахаа’’д̇и винаяад̇т̇аман̃ж̇уусааяам̣ (ган̇каа. абхи. дий. нид̣̇аанаван̣н̣анаа) ааг̇ад̇ад̇д̇аа жа вин̃н̃ааяад̇и.

    Yathicchasi, tathā bhavatu, api tu khalu ‘‘kammavācābhaṇanasīmā baddhasīmābhūtā, kathinatthārasīmā upacārasīmābhūtā’’ti tumhehi vuttaṃ, tathābhūtabhāvo kathaṃ jānitabboti? Vuccate – kathinatthārasīmāyaṃ tāva upacārasīmābhūtabhāvo ‘‘sace pana ekasīmāya bahū vihārā honti, sabbe bhikkhū sannipātetvā ekattha kathinaṃ attharitabba’’nti imissā aṭṭhakathāya (mahāva. aṭṭha. 306) atthaṃ saṃvaṇṇetuṃ ‘‘ekasīmāyāti ekaupacārasīmāyāti attho yujjatī’’ti vajirabuddhiṭīkāyaṃ (vajira. ṭī. mahāvagga 306) āgatattā viññāyati. Kammavācābhaṇanasīmāya baddhasīmābhūtabhāvo pana ‘‘te ca kho hatthapāsaṃ avijahitvā ekasīmāyaṃ ṭhitā. Sīmā ca nāmesā baddhasīmā abaddhasīmāti duvidhā hotī’’ti kaṅkhāvitaraṇiyaṃ (kaṅkhā. aṭṭha. nidānavaṇṇanā) āgatattā ca ‘‘sīmā ca nāmesā katamā, yattha hatthapāsaṃ avijahitvā ṭhitā kammappattā nāma hontīti anuyogaṃ sandhāya sīmaṃ dassento vibhāgavantānaṃ sabhāvavibhāvanaṃ vibhāgadassanamukheneva hotīti ‘sīmā ca nāmesā’tiādimāhā’’ti vinayatthamañjūsāyaṃ (kaṅkhā. abhi. ṭī. nidānavaṇṇanā) āgatattā ca viññāyati.

    д̇ад̇т̇а гад̇ивид̇хаа б̣ад̣̇д̇хасиймаа, гад̇ивид̇хаа аб̣ад̣̇д̇хасиймаад̇и? д̇ивид̇хаа б̣ад̣̇д̇хасиймаа кан̣д̣асиймаасамаанасам̣ваасасиймааавиббаваасасиймаавасзна. д̇ивид̇хаа аб̣ад̣̇д̇хасиймаа г̇аамасиймаауд̣̇агугкзбасиймаасад̇д̇аб̣бханд̇арасиймаавасзнаад̇и д̣̇адтаб̣б̣аа. гат̇ам̣ вин̃н̃ааяад̇ийд̇и жз? ‘‘звам̣ згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ самб̣анд̇хид̇ваа саммад̇аа сиймаа б̣ад̣̇д̇хасиймаад̇и взд̣̇ид̇аб̣б̣аа. кан̣д̣асиймаа самаанасам̣ваасасиймаа авиббаваасасиймаад̇и д̇ассааязва бхзд̣̇о. аб̣ад̣̇д̇хасиймаа бана г̇аамасиймаа сад̇д̇аб̣бханд̇арасиймаа уд̣̇агугкзбасиймаад̇и д̇ивид̇хаа’’д̇и ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ааг̇ад̇ад̇д̇аа вин̃н̃ааяад̇и. звам̣ д̇ийсу б̣ад̣̇д̇хасиймаасу , д̇ийсу аб̣ад̣̇д̇хасиймаасууд̇и часуязва сиймаасу гаммаббад̇д̇асан̇гхасса жад̇уваг̇г̇агаран̣ийяаад̣̇игаммасса гад̇д̇аб̣б̣абхаававажанад̇о суд̣̇д̇хааяа убажаарасиймааяа гаммаваажааяа абхан̣ид̇аб̣б̣абхааво вин̃н̃ааяад̇и. анд̇оубажаарасиймааяа б̣ад̣̇д̇хасиймааяа сад̇и д̇ам̣ б̣ад̣̇д̇хасиймам̣ авад̇т̇арид̇вааби убажаарасиймааяа г̇аманад̇о саа б̣ад̣̇д̇хасиймаа гаммаваажаабхан̣анаарахаа жа ход̇и гат̇инад̇т̇аараарахаа жаад̇и взд̣̇ид̇аб̣б̣ам̣.

    Tattha katividhā baddhasīmā, katividhā abaddhasīmāti? Tividhā baddhasīmā khaṇḍasīmāsamānasaṃvāsasīmāavippavāsasīmāvasena. Tividhā abaddhasīmā gāmasīmāudakukkhepasīmāsattabbhantarasīmāvasenāti daṭṭhabbā. Kathaṃ viññāyatīti ce? ‘‘Evaṃ ekādasa vipattisīmāyo atikkamitvā tividhasampattiyuttā nimittena nimittaṃ sambandhitvā sammatā sīmā baddhasīmāti veditabbā. Khaṇḍasīmā samānasaṃvāsasīmā avippavāsasīmāti tassāyeva bhedo. Abaddhasīmā pana gāmasīmā sattabbhantarasīmā udakukkhepasīmāti tividhā’’ti kaṅkhāvitaraṇiyaṃ (kaṅkhā. aṭṭha. nidānavaṇṇanā) āgatattā viññāyati. Evaṃ tīsu baddhasīmāsu , tīsu abaddhasīmāsūti chasuyeva sīmāsu kammappattasaṅghassa catuvaggakaraṇīyādikammassa kattabbabhāvavacanato suddhāya upacārasīmāya kammavācāya abhaṇitabbabhāvo viññāyati. Antoupacārasīmāya baddhasīmāya sati taṃ baddhasīmaṃ avattharitvāpi upacārasīmāya gamanato sā baddhasīmā kammavācābhaṇanārahā ca hoti kathinatthārārahā cāti veditabbaṃ.

    нану жа баннарасавид̇хаа сиймаа адтагат̇аасу (махаава. адта. 379; ган̇каа. адта. агаалажийварасигкаабад̣̇аван̣н̣анаа) ааг̇ад̇аа, ат̇а гасмаа чал̣зва вуд̇д̇аад̇и? сажжам̣, д̇аасу бана баннарасасу сиймаасу убажаарасиймаа сан̇гхалаабхавибхаж̇анаад̣̇идтаанамзва ход̇и, лаабхасиймаа д̇ад̇руббаад̣̇аг̇ахан̣адтаанамзва ход̇ийд̇и имаа д̣̇вз сиймааяо сан̇гхагаммагаран̣адтаанам̣ на хонд̇и, ниг̇амасиймаа наг̇арасиймаа ж̇анабад̣̇асиймаа радтасиймаа раж̇ж̇асиймаа д̣̇ийбасиймаа жаггаваал̣асиймаад̇и имаа бана сиймааяо г̇аамасиймааяа самаанаг̇ад̇игаа г̇аамасиймааяамзва анд̇ог̇ад̇хаад̇и на висум̣ вуд̇д̇аад̇и д̣̇адтаб̣б̣ам̣. зд̇т̇а жа убажаарасиймааяа б̣ад̣̇д̇хасиймам̣ авад̇т̇арид̇ваа г̇ад̇абхааво гат̇ам̣ ж̇аанид̇аб̣б̣од̇и? ‘‘убажаарасиймаа баригкид̇д̇асса вихаарасса баригкзбзна, абаригкид̇д̇асса баригкзбаарахадтаанзна барижчиннаа’’д̇и адтагат̇ааяам̣ (махаава. адта. 379) вуд̇д̇ад̇д̇аа баригкзбабаригкзбаарахадтаанаанам̣ анд̇о б̣ад̣̇д̇хасиймааяа виж̇ж̇амаанааяа д̇ам̣ авад̇т̇арид̇ваа убажаарасиймаа г̇ад̇аа. д̇ат̇аа хи ‘‘имиссаа убажаарасиймааяа ‘сан̇гхасса д̣̇аммий’д̇и д̣̇иннам̣ бана кан̣д̣асиймасийманд̇аригаасу тид̇аанамби баабун̣аад̇ий’’д̇и (махаава. адта. 379) вуд̇д̇ам̣. д̇зна н̃ааяад̇и ‘‘убажаарасиймааяа анд̇о тид̇аа б̣ад̣̇д̇хасиймаа убажаарасиймааби наама ход̇ий’’д̇и. ход̇у, звам̣ сад̇и анд̇оубажаарасиймааяам̣ б̣ад̣̇д̇хасиймааяа сад̇и д̇ад̇т̇зва гат̇инад̣̇аанагаммаваажам̣ ваажаабзд̇ваа д̇ад̇т̇зва гат̇инам̣ ад̇т̇арид̇аб̣б̣ам̣ бхавзяяа, анд̇оубажаарасиймааяам̣ б̣ад̣̇д̇хасиймааяа авиж̇ж̇амаанааяа гат̇ам̣ гариссанд̇ийд̇и? анд̇оубажаарасиймааяам̣ б̣ад̣̇д̇хасиймааяа авиж̇ж̇амаанааяа б̣ахиубажаарасиймааяам̣ виж̇ж̇амаанаб̣ад̣̇д̇хасиймам̣ ваа уд̣̇агугкзбалабханадтаанам̣ ваа г̇анд̇ваа гаммаваажам̣ ваажаабзд̇ваа буна вихаарам̣ ааг̇анд̇ваа вассуубанааяигакзд̇д̇абхууд̇ааяа убажаарасиймааяам̣ тад̇ваа гат̇инам̣ ад̇т̇арид̇аб̣б̣анд̇и д̣̇адтаб̣б̣ам̣.

    Nanu ca pannarasavidhā sīmā aṭṭhakathāsu (mahāva. aṭṭha. 379; kaṅkhā. aṭṭha. akālacīvarasikkhāpadavaṇṇanā) āgatā, atha kasmā chaḷeva vuttāti? Saccaṃ, tāsu pana pannarasasu sīmāsu upacārasīmā saṅghalābhavibhajanādiṭṭhānameva hoti, lābhasīmā tatruppādagahaṇaṭṭhānameva hotīti imā dve sīmāyo saṅghakammakaraṇaṭṭhānaṃ na honti, nigamasīmā nagarasīmā janapadasīmā raṭṭhasīmā rajjasīmā dīpasīmā cakkavāḷasīmāti imā pana sīmāyo gāmasīmāya samānagatikā gāmasīmāyameva antogadhāti na visuṃ vuttāti daṭṭhabbaṃ. Ettha ca upacārasīmāya baddhasīmaṃ avattharitvā gatabhāvo kathaṃ jānitabboti? ‘‘Upacārasīmā parikkhittassa vihārassa parikkhepena, aparikkhittassa parikkhepārahaṭṭhānena paricchinnā’’ti aṭṭhakathāyaṃ (mahāva. aṭṭha. 379) vuttattā parikkhepaparikkhepārahaṭṭhānānaṃ anto baddhasīmāya vijjamānāya taṃ avattharitvā upacārasīmā gatā. Tathā hi ‘‘imissā upacārasīmāya ‘saṅghassa dammī’ti dinnaṃ pana khaṇḍasīmasīmantarikāsu ṭhitānampi pāpuṇātī’’ti (mahāva. aṭṭha. 379) vuttaṃ. Tena ñāyati ‘‘upacārasīmāya anto ṭhitā baddhasīmā upacārasīmāpi nāma hotī’’ti. Hotu, evaṃ sati antoupacārasīmāyaṃ baddhasīmāya sati tattheva kathinadānakammavācaṃ vācāpetvā tattheva kathinaṃ attharitabbaṃ bhaveyya, antoupacārasīmāyaṃ baddhasīmāya avijjamānāya kathaṃ karissantīti? Antoupacārasīmāyaṃ baddhasīmāya avijjamānāya bahiupacārasīmāyaṃ vijjamānabaddhasīmaṃ vā udakukkhepalabhanaṭṭhānaṃ vā gantvā kammavācaṃ vācāpetvā puna vihāraṃ āgantvā vassūpanāyikakhettabhūtāya upacārasīmāyaṃ ṭhatvā kathinaṃ attharitabbanti daṭṭhabbaṃ.

    нану жа бхо звам̣ санд̇з ан̃н̃иссаа сиймааяа н̃ад̇д̇и, ан̃н̃иссаа ад̇т̇ааро ход̇и, звам̣ санд̇з ‘‘баринидтид̇абуб̣б̣агаран̣амзва жз д̣̇ааяаго сан̇гхасса д̣̇зд̇и, самбадижчид̇ваа гаммаваажааяа д̣̇аад̇аб̣б̣ам̣. д̇зна жа д̇асмим̣язва сиймаман̣д̣алз ад̇хидтахид̇ваа ад̇т̇арид̇ваа сан̇гхо анумод̣̇аабзд̇аб̣б̣о’’д̇и вуд̇д̇зна важ̇ираб̣уд̣̇д̇хидийгааважанзна (важ̇ира. дий. махааваг̇г̇а 308) вируж̇жхад̇ийд̇и? нану авожумха ‘‘гаммаваажаабхан̣анасиймаа б̣ад̣̇д̇хасиймаабхууд̇аа, гат̇инад̇т̇аарасиймаа убажаарасиймаабхууд̇аа’’д̇и. д̇асмаа важ̇ираб̣уд̣̇д̇хидийгааважанзна на вируж̇жхад̇и. д̇ад̇т̇а буб̣б̣з язбхуяязна б̣ад̣̇д̇хасиймавихаарад̇д̇аа самаг̇г̇ам̣ сан̇гхам̣ саннибаад̇зд̇ваа гаммаваажам̣ ваажаабзд̇ваа убажаарасиймаб̣ад̣̇д̇хасиймабхууд̇з д̇асмим̣язва вихаарз ад̇т̇аран̣ам̣ санд̇хааяа вуд̇д̇ам̣. б̣ад̣̇д̇хасиймавихаарз ахонд̇зби анд̇оубажаарасиймааяам̣ б̣ад̣̇д̇хасиймааяа виж̇ж̇амаанааяа д̇ад̇т̇зва сиймаман̣д̣алз гаммаваажам̣ ваажаабзд̇ваа д̇ад̇т̇зва ад̇т̇арид̇аб̣б̣абхааво амхзхиби вуд̇д̇оязва. яад̣̇и бана на жзва б̣ад̣̇д̇хасиймавихааро ход̇и, на жа анд̇оубажаарасиймааяам̣ б̣ад̣̇д̇хасиймаа ад̇т̇и, зваруубз вихаарз гаммаваажам̣ ваажаабзд̇ум̣ на лабхад̇и, ан̃н̃ам̣ б̣ад̣̇д̇хасиймам̣ ваа уд̣̇агугкзбам̣ ваа г̇анд̇ваа гаммаваажам̣ ваажаабзд̇ваа ад̇д̇ано вихаарам̣ ааг̇анд̇ваа вассуубанааяигакзд̇д̇абхууд̇ааяа убажаарасиймааяа тад̇ваа гат̇инам̣ ад̇т̇арид̇аб̣б̣ам̣. звамзва барамбарабхууд̇аа б̣ахаво аажарияавараа гаронд̇ийд̇и д̣̇адтаб̣б̣ам̣.

    Nanu ca bho evaṃ sante aññissā sīmāya ñatti, aññissā atthāro hoti, evaṃ sante ‘‘pariniṭṭhitapubbakaraṇameva ce dāyako saṅghassa deti, sampaṭicchitvā kammavācāya dātabbaṃ. Tena ca tasmiṃyeva sīmamaṇḍale adhiṭṭhahitvā attharitvā saṅgho anumodāpetabbo’’ti vuttena vajirabuddhiṭīkāvacanena (vajira. ṭī. mahāvagga 308) virujjhatīti? Nanu avocumha ‘‘kammavācābhaṇanasīmā baddhasīmābhūtā, kathinatthārasīmā upacārasīmābhūtā’’ti. Tasmā vajirabuddhiṭīkāvacanena na virujjhati. Tattha pubbe yebhuyyena baddhasīmavihārattā samaggaṃ saṅghaṃ sannipātetvā kammavācaṃ vācāpetvā upacārasīmabaddhasīmabhūte tasmiṃyeva vihāre attharaṇaṃ sandhāya vuttaṃ. Baddhasīmavihāre ahontepi antoupacārasīmāyaṃ baddhasīmāya vijjamānāya tattheva sīmamaṇḍale kammavācaṃ vācāpetvā tattheva attharitabbabhāvo amhehipi vuttoyeva. Yadi pana na ceva baddhasīmavihāro hoti, na ca antoupacārasīmāyaṃ baddhasīmā atthi, evarūpe vihāre kammavācaṃ vācāpetuṃ na labhati, aññaṃ baddhasīmaṃ vā udakukkhepaṃ vā gantvā kammavācaṃ vācāpetvā attano vihāraṃ āgantvā vassūpanāyikakhettabhūtāya upacārasīmāya ṭhatvā kathinaṃ attharitabbaṃ. Evameva paramparabhūtā bahavo ācariyavarā karontīti daṭṭhabbaṃ.

    абарз бана аажарияаа ‘‘б̣ад̣̇д̇хасиймавирахааяа суд̣̇д̇хаубажаарасиймааяа сад̇и д̇ассам̣язва убажаарасиймааяам̣ н̃ад̇д̇игаммаваажааби ваажзд̇аб̣б̣аа, гат̇инам̣ ад̇т̇арид̇аб̣б̣ам̣, на ан̃н̃иссаа сиймааяа н̃ад̇д̇и, ан̃н̃иссаа ад̇т̇аран̣ам̣ гаад̇аб̣б̣а’’нд̇и вад̣̇анд̇и. аяам̣ бана нзсамад̇хиббааяо – ‘‘гат̇инад̇т̇ад̇асиймааяанд̇и убажаарасиймам̣ санд̇хааяа вуд̇д̇а’’нд̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 306) гат̇инад̇т̇аарадтаанабхууд̇ааяа сиймааяа убажаарасиймаабхааво вуд̇д̇о, д̇ассам̣язва дийгааяам̣ (важ̇ира. дий. махааваг̇г̇а 308) буб̣б̣з нид̣̇д̣̇идтабаатз ‘‘д̇асмим̣язва сиймаман̣д̣алз ад̇хидтахид̇ваа ад̇т̇арид̇ваа сан̇гхо анумод̣̇аабзд̇аб̣б̣о’’д̇и гаммаваажаабхан̣анасиймааяамзва ад̇т̇арид̇аб̣б̣абхааво жа вуд̇д̇о, д̇асмаа ан̃н̃иссаа сиймааяа н̃ад̇д̇и, ан̃н̃иссаа ад̇т̇аран̣ам̣ на гаад̇аб̣б̣ам̣, д̇ассам̣язва убажаарасиймааяам̣ гаммаваажам̣ саавзд̇ваа д̇асмим̣язва ад̇т̇ааро гаад̇аб̣б̣о, убажаарасиймад̇о б̣ахи тид̇ам̣ б̣ад̣̇д̇хасиймам̣ г̇анд̇ваа ад̇т̇аран̣агижжам̣ над̇т̇ийд̇и.

    Apare pana ācariyā ‘‘baddhasīmavirahāya suddhaupacārasīmāya sati tassaṃyeva upacārasīmāyaṃ ñattikammavācāpi vācetabbā, kathinaṃ attharitabbaṃ, na aññissā sīmāya ñatti, aññissā attharaṇaṃ kātabba’’nti vadanti. Ayaṃ pana nesamadhippāyo – ‘‘kathinatthatasīmāyanti upacārasīmaṃ sandhāya vutta’’nti vajirabuddhiṭīkāyaṃ (vajira. ṭī. mahāvagga 306) kathinatthāraṭṭhānabhūtāya sīmāya upacārasīmābhāvo vutto, tassaṃyeva ṭīkāyaṃ (vajira. ṭī. mahāvagga 308) pubbe niddiṭṭhapāṭhe ‘‘tasmiṃyeva sīmamaṇḍale adhiṭṭhahitvā attharitvā saṅgho anumodāpetabbo’’ti kammavācābhaṇanasīmāyameva attharitabbabhāvo ca vutto, tasmā aññissā sīmāya ñatti, aññissā attharaṇaṃ na kātabbaṃ, tassaṃyeva upacārasīmāyaṃ kammavācaṃ sāvetvā tasmiṃyeva atthāro kātabbo, upacārasīmato bahi ṭhitaṃ baddhasīmaṃ gantvā attharaṇakiccaṃ natthīti.

    д̇ад̇рзвам̣ вижааран̣аа гаад̇аб̣б̣аа – ид̣̇ам̣ бхаасанд̇арзсу ‘‘н̃ад̇д̇ий’’д̇и гат̇ид̇ам̣ гат̇инад̣̇аанагаммам̣ жад̇уусу сан̇гхагаммзсу н̃ад̇д̇ид̣̇уд̇ияагаммам̣ ход̇и, н̃ад̇д̇ид̣̇уд̇ияагаммасса навасу таанзсу гат̇инад̣̇аанам̣, г̇аругалахугзсу г̇аругам̣, яад̣̇и ‘‘убажаарасиймааяам̣ жад̇д̇аари сан̇гхагаммаани гаад̇аб̣б̣ааний’’д̇и багаран̣зсу ааг̇ад̇ам̣ абхависсаа, звам̣ санд̇з д̇зсам̣ аажарияаанам̣ важанаануруубад̇о убажаарасиймааяам̣ гат̇инад̣̇аанан̃ад̇д̇игаммаваажам̣ ваажзд̇аб̣б̣ам̣ абхависсаа, на бана багаран̣зсу ‘‘убажаарасиймааяам̣ жад̇д̇аари сан̇гхагаммаани гаад̇аб̣б̣ааний’’д̇и ааг̇ад̇ам̣, ат̇а ко ‘‘сан̇гхалаабхавибхаж̇анам̣, ааг̇анд̇угавад̇д̇ам̣ гад̇ваа аараамаббависанам̣ , г̇амигасса бхигкуно сзнаасанааабужчанам̣, ниссаяабааббассамбханам̣, баариваасигамаанад̇д̇ажааригабхигкуунам̣ арун̣удтаабанам̣, бхигкунийнам̣ аараамаббависанааабужчанам̣ ижжзвамаад̣̇ийни зва убажаарасиймааяа гад̇д̇аб̣б̣ааний’’д̇и ааг̇ад̇ам̣, д̇асмаа гат̇инад̣̇аанан̃ад̇д̇ид̣̇уд̇ияагаммаваажаа гзвалааяам̣ убажаарасиймааяам̣ на ваажзд̇аб̣б̣аад̇и сид̣̇д̇хаа. гат̇ам̣ вин̃н̃ааяад̇ийд̇и жз? ‘‘авиббаваасасиймаа наама д̇ияож̇анааби ход̇и, звам̣ санд̇з д̇ияож̇анз тид̇аа лаабхам̣ г̇ан̣хиссанд̇и, д̇ияож̇анз тад̇ваа ааг̇анд̇угавад̇д̇ам̣ буурзд̇ваа аараамам̣ бависид̇аб̣б̣ам̣ бхависсад̇и, г̇амиго д̇ияож̇анам̣ г̇анд̇ваа сзнаасанам̣ аабужчиссад̇и, ниссаяабадибаннасса бхигкуно д̇ияож̇анаад̇иггамз ниссаяо бадиббассамбхиссад̇и, баариваасигзна д̇ияож̇анам̣ ад̇иггамид̇ваа арун̣ам̣ удтабзд̇аб̣б̣ам̣ бхависсад̇и, бхигкунияаа д̇ияож̇анз тад̇ваа аараамаббависанам̣ аабужчид̇аб̣б̣ам̣ бхависсад̇и, саб̣б̣амбзд̇ам̣ убажаарасиймааяа барижчзд̣̇авасзнзва гаад̇ум̣ ваддад̇и, д̇асмаа убажаарасиймааяамзва бхааж̇зд̇аб̣б̣а’’нд̇и звамаад̣̇иадтагат̇аабаатад̇о (махаава. адта. 379) вин̃н̃ааяад̇ийд̇и.

    Tatrevaṃ vicāraṇā kātabbā – idaṃ bhāsantaresu ‘‘ñattī’’ti kathitaṃ kathinadānakammaṃ catūsu saṅghakammesu ñattidutiyakammaṃ hoti, ñattidutiyakammassa navasu ṭhānesu kathinadānaṃ, garukalahukesu garukaṃ, yadi ‘‘upacārasīmāyaṃ cattāri saṅghakammāni kātabbānī’’ti pakaraṇesu āgataṃ abhavissā, evaṃ sante tesaṃ ācariyānaṃ vacanānurūpato upacārasīmāyaṃ kathinadānañattikammavācaṃ vācetabbaṃ abhavissā, na pana pakaraṇesu ‘‘upacārasīmāyaṃ cattāri saṅghakammāni kātabbānī’’ti āgataṃ, atha kho ‘‘saṅghalābhavibhajanaṃ, āgantukavattaṃ katvā ārāmappavisanaṃ , gamikassa bhikkhuno senāsanaāpucchanaṃ, nissayapaappassambhanaṃ, pārivāsikamānattacārikabhikkhūnaṃ aruṇuṭṭhāpanaṃ, bhikkhunīnaṃ ārāmappavisanaāpucchanaṃ iccevamādīni eva upacārasīmāya kattabbānī’’ti āgataṃ, tasmā kathinadānañattidutiyakammavācā kevalāyaṃ upacārasīmāyaṃ na vācetabbāti siddhā. Kathaṃ viññāyatīti ce? ‘‘Avippavāsasīmā nāma tiyojanāpi hoti, evaṃ sante tiyojane ṭhitā lābhaṃ gaṇhissanti, tiyojane ṭhatvā āgantukavattaṃ pūretvā ārāmaṃ pavisitabbaṃ bhavissati, gamiko tiyojanaṃ gantvā senāsanaṃ āpucchissati, nissayapaṭipannassa bhikkhuno tiyojanātikkame nissayo paṭippassambhissati, pārivāsikena tiyojanaṃ atikkamitvā aruṇaṃ uṭṭhapetabbaṃ bhavissati, bhikkhuniyā tiyojane ṭhatvā ārāmappavisanaṃ āpucchitabbaṃ bhavissati, sabbampetaṃ upacārasīmāya paricchedavaseneva kātuṃ vaṭṭati, tasmā upacārasīmāyameva bhājetabba’’nti evamādiaṭṭhakathāpāṭhato (mahāva. aṭṭha. 379) viññāyatīti.

    ат̇звам̣ вад̣̇зяяум̣ – ‘‘убажаарасиймаа н̃ад̇д̇ид̣̇уд̇ияагаммаваажааяа таанам̣ на ход̇ий’’д̇и д̇умхзхи вуд̇д̇ам̣, ат̇а жа бана гад̇абуб̣б̣ам̣ ад̇т̇и. д̇ат̇аа хи жийварабадиг̇г̇аахагасаммуд̇ижийваранид̣̇ахагасаммуд̇ижийварабхааж̇агасаммуд̇ийнам̣ ‘‘сун̣аад̇у мз…бз… д̇хаараяаамийд̇и имааяа гаммаваажааяа ваа абалоганзна ваа анд̇овихаарз саб̣б̣асан̇гхамаж̇жхзби кан̣д̣асиймааяаби самманнид̇ум̣ ваддад̇иязваа’’д̇и убажаарасиймааяам̣ н̃ад̇д̇ид̣̇уд̇ияагаммаваажааяа нибпаад̣̇зд̇аб̣б̣абхааво адтагат̇ааяам̣ (ви. сан̇г̇а. адта. 194) ааг̇ад̇о. бхан̣д̣ааг̇аарасса бана ‘‘имам̣ бана бхан̣д̣ааг̇аарам̣ кан̣д̣асиймам̣ г̇анд̇ваа кан̣д̣асиймааяа нисиннзхи самманнид̇ум̣ на ваддад̇и, вихаарамаж̇жхзязва ‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ вихаарам̣ бхан̣д̣ааг̇аарам̣ самманнзяяаа’д̇иаад̣̇инаа наязна гаммаваажааяа ваа абалоганзна ваа самманнид̇аб̣б̣а’’нд̇и адтагат̇ааяам̣ (ви. сан̇г̇а. адта. 197) убажаарасиймааяамзва н̃ад̇д̇ид̣̇уд̇ияагаммаваажааяа самманнид̇аб̣б̣абхааво ааг̇ад̇од̇и.

    Athevaṃ vadeyyuṃ – ‘‘upacārasīmā ñattidutiyakammavācāya ṭhānaṃ na hotī’’ti tumhehi vuttaṃ, atha ca pana katapubbaṃ atthi. Tathā hi cīvarapaṭiggāhakasammuticīvaranidahakasammuticīvarabhājakasammutīnaṃ ‘‘suṇātu me…pe… dhārayāmīti imāya kammavācāya vā apalokanena vā antovihāre sabbasaṅghamajjhepi khaṇḍasīmāyapi sammannituṃ vaṭṭatiyevā’’ti upacārasīmāyaṃ ñattidutiyakammavācāya nipphādetabbabhāvo aṭṭhakathāyaṃ (vi. saṅga. aṭṭha. 194) āgato. Bhaṇḍāgārassa pana ‘‘imaṃ pana bhaṇḍāgāraṃ khaṇḍasīmaṃ gantvā khaṇḍasīmāya nisinnehi sammannituṃ na vaṭṭati, vihāramajjheyeva ‘suṇātu me, bhante, saṅgho, yadi saṅghassa pattakallaṃ, saṅgho itthannāmaṃ vihāraṃ bhaṇḍāgāraṃ sammanneyyā’tiādinā nayena kammavācāya vā apalokanena vā sammannitabba’’nti aṭṭhakathāyaṃ (vi. saṅga. aṭṭha. 197) upacārasīmāyameva ñattidutiyakammavācāya sammannitabbabhāvo āgatoti.

    д̇з звам̣ вад̇д̇аб̣б̣аа – сажзби адтагат̇ааяам̣ ааг̇ад̇ам̣ ‘‘анд̇овихаарз’’д̇и баато ‘‘вихаарамаж̇жхз’’д̇и баато жа убажаарасиймам̣ санд̇хааяа вуд̇д̇од̇и ман̃н̃амаанаа д̇умхз ааяасманд̇о звам̣ аважуд̇т̇а, д̇з бана баатаа убажаарасиймам̣ санд̇хааяа адтагат̇аажариязхи на вуд̇д̇аа, ат̇а ко авиббаваасасиймаасан̇каад̇ам̣ махаасиймам̣ санд̇хааяа вуд̇д̇аа. гат̇ам̣ вин̃н̃ааяад̇ийд̇и жз? кан̣д̣асиймааяа вагкамаанад̇д̇аа. кан̣д̣асиймааяа хи махаасиймаа зва бадияог̇ий ход̇и. убажаарасиймаад̇и аяамад̇т̇о гат̇ам̣ ж̇аанид̇аб̣б̣од̇и жз? ‘‘имам̣ бана самаанасам̣ваасагасиймам̣ самманнанд̇зхи баб̣б̣аж̇ж̇уубасамбад̣̇аад̣̇ийнам̣ сан̇гхагаммаанам̣ сукагаран̣ад̇т̇ам̣ батамам̣ кан̣д̣асиймаа самманнид̇аб̣б̣аа…бз… звам̣ б̣ад̣̇д̇хаасу бана сиймаасу кан̣д̣асиймааяа тид̇аа бхигкуу махаасиймааяа гаммам̣ гаронд̇аанам̣ на гобзнд̇и , махаасиймааяа ваа тид̇аа кан̣д̣асиймааяа гаммам̣ гаронд̇аанам̣. сийманд̇аригааяа бана тид̇аа убхиннамби на гобзнд̇ий’’д̇и вуд̇д̇аадтагат̇аабаатавасзна (махаава. адта. 138) ж̇аанид̇аб̣б̣од̇и. ат̇а ваа д̇зхи ааяасманд̇зхи аабхад̇абхан̣д̣ааг̇аарасаммуд̇ибаатавасзнаби аяамад̇т̇о вин̃н̃ааяад̇и. гат̇ам̣? жийварабадиг̇г̇аахагаад̣̇ибуг̇г̇аласаммуд̇ияо бана анд̇овихаарз саб̣б̣асан̇гхамаж̇жхзби кан̣д̣асиймааяамби самманнид̇ум̣ ваддад̇и, бхан̣д̣ааг̇аарасан̇каад̇авихаарасаммуд̇и бана вихаарамаж̇жхзязваад̇и адтагат̇ааяам̣ вуд̇д̇ам̣, д̇ад̇т̇а висзсагааран̣ам̣ бариязсид̇аб̣б̣ам̣.

    Te evaṃ vattabbā – sacepi aṭṭhakathāyaṃ āgataṃ ‘‘antovihāre’’ti pāṭho ‘‘vihāramajjhe’’ti pāṭho ca upacārasīmaṃ sandhāya vuttoti maññamānā tumhe āyasmanto evaṃ avacuttha, te pana pāṭhā upacārasīmaṃ sandhāya aṭṭhakathācariyehi na vuttā, atha kho avippavāsasīmāsaṅkhātaṃ mahāsīmaṃ sandhāya vuttā. Kathaṃ viññāyatīti ce? Khaṇḍasīmāya vakkhamānattā. Khaṇḍasīmāya hi mahāsīmā eva paṭiyogī hoti. Upacārasīmāti ayamattho kathaṃ jānitabboti ce? ‘‘Imaṃ pana samānasaṃvāsakasīmaṃ sammannantehi pabbajjūpasampadādīnaṃ saṅghakammānaṃ sukhakaraṇatthaṃ paṭhamaṃ khaṇḍasīmā sammannitabbā…pe… evaṃ baddhāsu pana sīmāsu khaṇḍasīmāya ṭhitā bhikkhū mahāsīmāya kammaṃ karontānaṃ na kopenti , mahāsīmāya vā ṭhitā khaṇḍasīmāya kammaṃ karontānaṃ. Sīmantarikāya pana ṭhitā ubhinnampi na kopentī’’ti vuttaaṭṭhakathāpāṭhavasena (mahāva. aṭṭha. 138) jānitabboti. Atha vā tehi āyasmantehi ābhatabhaṇḍāgārasammutipāṭhavasenapi ayamattho viññāyati. Kathaṃ? Cīvarapaṭiggāhakādipuggalasammutiyo pana antovihāre sabbasaṅghamajjhepi khaṇḍasīmāyampi sammannituṃ vaṭṭati, bhaṇḍāgārasaṅkhātavihārasammuti pana vihāramajjheyevāti aṭṭhakathāyaṃ vuttaṃ, tattha visesakāraṇaṃ pariyesitabbaṃ.

    д̇ад̇рзвам̣ висзсагааран̣ам̣ бан̃н̃ааяад̇и – ‘‘ан̃н̃иссаа сиймааяа вад̇т̇у ан̃н̃иссаа гаммаваажаа’’д̇и вад̇д̇аб̣б̣ад̣̇осабарихаарад̇т̇ам̣ вуд̇д̇ам̣. буг̇г̇аласаммуд̇ияо хи буг̇г̇аласса вад̇т̇уд̇д̇аа яад̣̇и махаасиймабхууд̇з анд̇овихаарз гад̇д̇угаамаа хонд̇и, саб̣б̣асан̇гхамаж̇жхз д̇ам̣ вад̇т̇убхууд̇ам̣ буг̇г̇алам̣ хад̇т̇абаасз гад̇ваа гарзяяум̣. яад̣̇и кан̣д̣асиймааяа гад̇д̇угаамаа, д̇ам̣ вад̇т̇убхууд̇ам̣ буг̇г̇алам̣ кан̣д̣асиймам̣ аанзд̇ваа д̇ад̇т̇а саннибад̇ид̇агаммаббад̇д̇асан̇гхасса хад̇т̇абаасз гад̇ваа гарзяяум̣. убхаяат̇ааби яат̇аавуд̇д̇ад̣̇осо над̇т̇и, бхан̣д̣ааг̇аарасаммуд̇и бана бхан̣д̣ааг̇аарасса вихаарад̇д̇аа кан̣д̣асиймам̣ аанзд̇ум̣ на саггаа, д̇асмаа яад̣̇и д̇ам̣ саммуд̇им̣ кан̣д̣асиймааяам̣ тад̇ваа гарзяяум̣, вад̇т̇у махаасиймааяам̣ ход̇и, гаммаваажаа кан̣д̣асиймааяанд̇и яат̇аавуд̇д̇ад̣̇осо ход̇и, д̇асмин̃жа д̣̇осз сад̇и вад̇т̇увибаннад̇д̇аа гаммам̣ вибаж̇ж̇ад̇и, д̇асмаа махаасиймабхууд̇авихаарамаж̇жхзязва саа саммуд̇и гаад̇аб̣б̣аад̇и адтагат̇аажарияаанам̣ мад̇и, на убажаарасиймааяа н̃ад̇д̇ид̣̇уд̇ияагаммам̣ гаад̇аб̣б̣анд̇и.

    Tatrevaṃ visesakāraṇaṃ paññāyati – ‘‘aññissā sīmāya vatthu aññissā kammavācā’’ti vattabbadosaparihāratthaṃ vuttaṃ. Puggalasammutiyo hi puggalassa vatthuttā yadi mahāsīmabhūte antovihāre kattukāmā honti, sabbasaṅghamajjhe taṃ vatthubhūtaṃ puggalaṃ hatthapāse katvā kareyyuṃ. Yadi khaṇḍasīmāya kattukāmā, taṃ vatthubhūtaṃ puggalaṃ khaṇḍasīmaṃ ānetvā tattha sannipatitakammappattasaṅghassa hatthapāse katvā kareyyuṃ. Ubhayathāpi yathāvuttadoso natthi, bhaṇḍāgārasammuti pana bhaṇḍāgārassa vihārattā khaṇḍasīmaṃ ānetuṃ na sakkā, tasmā yadi taṃ sammutiṃ khaṇḍasīmāyaṃ ṭhatvā kareyyuṃ, vatthu mahāsīmāyaṃ hoti, kammavācā khaṇḍasīmāyanti yathāvuttadoso hoti, tasmiñca dose sati vatthuvipannattā kammaṃ vipajjati, tasmā mahāsīmabhūtavihāramajjheyeva sā sammuti kātabbāti aṭṭhakathācariyānaṃ mati, na upacārasīmāya ñattidutiyakammaṃ kātabbanti.

    ат̇ааби звам̣ вад̣̇зяяум̣ ‘‘вихаарасад̣̇д̣̇зна авиббаваасасиймабхууд̇аа махаасиймаава вуд̇д̇аа, на убажаарасиймаа’’д̇и ид̣̇ам̣ важанам̣ гат̇ам̣ бажжзд̇аб̣б̣анд̇и? иминааязва адтагат̇ааважанзна. яад̣̇и хи убажаарасиймаа вуд̇д̇аа бхавзяяа, убажаарасиймаа наама б̣ад̣̇д̇хасиймам̣ авад̇т̇арид̇вааби бавад̇д̇аа ааваасзсу ваа бхигкуусу ваа вад̣дханд̇зсу анияамавасзна вад̣дхад̇и, д̇асмаа кан̣д̣асиймам̣ авад̇т̇арид̇ваа бавад̇д̇анад̇о вихаарзна саха кан̣д̣асиймаа згасиймааязва ход̇и, звам̣ сад̇и вихаарз тид̇ам̣ бхан̣д̣ааг̇аарам̣ кан̣д̣асиймааяа тад̇ваа самманнид̇ум̣ саггаа бхавзяяа, на бана саггаа ‘‘кан̣д̣асиймааяа нисиннзхи самманнид̇ум̣ на ваддад̇ий’’д̇и адтагат̇ааяам̣ (махаава. адта. 343) бадисид̣̇д̇хад̇д̇аа. д̇зна н̃ааяад̇и ‘‘имасмим̣ таанз вихаарасад̣̇д̣̇зна авиббаваасасиймабхууд̇аа махаасиймаа вуд̇д̇аа, на убажаарасиймаа’’д̇и. убажаарасиймааяа анияамавасзна вад̣дханабхааво гат̇ам̣ ж̇аанид̇аб̣б̣од̇и? ‘‘убажаарасиймаа баригкид̇д̇асса вихаарасса баригкзбзна, абаригкид̇д̇асса баригкзбаарахадтаанзна барижчиннаа ход̇и. абижа бхигкуунам̣ д̇хувасаннибаад̇адтаанад̇о ваа барияанд̇з тид̇абхож̇анасаалад̇о ваа ниб̣ад̣̇д̇хавасанагаааваасад̇о ваа т̇аамамаж̇жхимасса бурисасса д̣̇виннам̣ лзд̣д̣убаад̇аанам̣ анд̇о убажаарасиймаа взд̣̇ид̇аб̣б̣аа, саа бана ааваасзсу вад̣дханд̇зсу вад̣дхад̇и, барихааяанд̇зсу барихааяад̇и. махаабажжарияам̣ бана ‘бхигкуусуби вад̣дханд̇зсу вад̣дхад̇ий’д̇и вуд̇д̇ам̣, д̇асмаа сажз вихаарз саннибад̇ид̇абхигкуухи сад̣̇д̇хим̣ згааб̣ад̣̇д̇хаа худ̇ваа яож̇анасад̇амби буурзд̇ваа нисийд̣̇анд̇и, яож̇анасад̇амби убажаарасиймаава ход̇и, саб̣б̣зсам̣ лаабхо баабун̣аад̇ий’’д̇и адтагат̇ааяам̣ (махаава. адта. 379) важанад̇од̇и.

    Athāpi evaṃ vadeyyuṃ ‘‘vihārasaddena avippavāsasīmabhūtā mahāsīmāva vuttā, na upacārasīmā’’ti idaṃ vacanaṃ kathaṃ paccetabbanti? Imināyeva aṭṭhakathāvacanena. Yadi hi upacārasīmā vuttā bhaveyya, upacārasīmā nāma baddhasīmaṃ avattharitvāpi pavattā āvāsesu vā bhikkhūsu vā vaḍḍhantesu aniyamavasena vaḍḍhati, tasmā khaṇḍasīmaṃ avattharitvā pavattanato vihārena saha khaṇḍasīmā ekasīmāyeva hoti, evaṃ sati vihāre ṭhitaṃ bhaṇḍāgāraṃ khaṇḍasīmāya ṭhatvā sammannituṃ sakkā bhaveyya, na pana sakkā ‘‘khaṇḍasīmāya nisinnehi sammannituṃ na vaṭṭatī’’ti aṭṭhakathāyaṃ (mahāva. aṭṭha. 343) paṭisiddhattā. Tena ñāyati ‘‘imasmiṃ ṭhāne vihārasaddena avippavāsasīmabhūtā mahāsīmā vuttā, na upacārasīmā’’ti. Upacārasīmāya aniyamavasena vaḍḍhanabhāvo kathaṃ jānitabboti? ‘‘Upacārasīmā parikkhittassa vihārassa parikkhepena, aparikkhittassa parikkhepārahaṭṭhānena paricchinnā hoti. Apica bhikkhūnaṃ dhuvasannipātaṭṭhānato vā pariyante ṭhitabhojanasālato vā nibaddhavasanakaāvāsato vā thāmamajjhimassa purisassa dvinnaṃ leḍḍupātānaṃ anto upacārasīmā veditabbā, sā pana āvāsesu vaḍḍhantesu vaḍḍhati, parihāyantesu parihāyati. Mahāpaccariyaṃ pana ‘bhikkhūsupi vaḍḍhantesu vaḍḍhatī’ti vuttaṃ, tasmā sace vihāre sannipatitabhikkhūhi saddhiṃ ekābaddhā hutvā yojanasatampi pūretvā nisīdanti, yojanasatampi upacārasīmāva hoti, sabbesaṃ lābho pāpuṇātī’’ti aṭṭhakathāyaṃ (mahāva. aṭṭha. 379) vacanatoti.

    яад̣̇и звам̣ убажаарасиймааяа гат̇инад̇т̇ад̇абхааво гасмаа вуд̇д̇од̇и? гат̇инад̇т̇аран̣ам̣ наама на сан̇гхагаммам̣, буг̇г̇алагаммамзва ход̇и, д̇асмаа вассуубанааяигакзд̇д̇абхууд̇ааяа убажаарасиймааяа гаад̇аб̣б̣аа ход̇и. н̃ад̇д̇игаммаваажаа бана сан̇гхагаммабхууд̇аа, д̇асмаа убажаарасиймааяа гаад̇ум̣ на ваддад̇и, сувисод̇хид̇абарисааяа б̣ад̣̇д̇хааб̣ад̣̇д̇хасиймааяамзва ваддад̇ийд̇и д̣̇адтаб̣б̣ам̣. нану жа бхо ‘‘гат̇инам̣ ад̇т̇арид̇ум̣ гз лабханд̇и, гз на лабханд̇и? г̇ан̣анавасзна д̇аава бажчимагодияаа бан̃жа ж̇анаа лабханд̇и, уд̣̇д̇хам̣ сад̇асахассамби, бан̃жаннам̣ хздтаа на лабханд̇ий’’д̇и адтагат̇ааяам̣ вуд̇д̇ам̣, ат̇а гасмаа ‘‘гат̇инад̇т̇аран̣ам̣ наама на сан̇гхагаммам̣, буг̇г̇алагаммамзва ход̇ий’’д̇и вуд̇д̇анд̇и? ‘‘на сан̇гхо гат̇инам̣ ад̇т̇арад̇и, на г̇ан̣о гат̇инам̣ ад̇т̇арад̇и, буг̇г̇ало гат̇инам̣ ад̇т̇арад̇ий’’д̇и бариваарз (бари. 414) вуд̇д̇ад̇д̇аа жа абалоганагаммаад̣̇ийнам̣ жад̇уннам̣ сан̇гхагаммаанам̣ таанзсу абавидтад̇д̇аа жа. адтагат̇ааяам̣ бана гат̇инад̇т̇аарасса убажаарабхууд̇ам̣ гат̇инад̣̇аанагаммаваажаабхан̣анагаалам̣ санд̇хааяа вуд̇д̇ам̣. д̇асмин̃хи гаалз гат̇инад̣̇ааяагаа жад̇д̇ааро, бадиг̇г̇аахаго згод̇и бажчимагодияаа бан̃жа хонд̇и, д̇ад̇о хздтаа на лабхад̇ийд̇и. н̃ад̇д̇игаммаваажааяа сан̇гхагаммабхааво гат̇ам̣ ж̇аанид̇аб̣б̣од̇и? ‘‘жад̇уннам̣ сан̇гхагаммаанам̣ н̃ад̇д̇ид̣̇уд̇ияагаммасса навасу таанзсу гат̇инад̣̇аана’’нд̇и ааг̇ад̇ад̇д̇аа, ‘‘сун̣аад̇у мз, бханд̇з, сан̇гхо, ид̣̇ам̣ сан̇гхасса гат̇инад̣̇уссам̣ уббанна’’нд̇иаад̣̇инаа вуд̇д̇ад̇д̇аа жаад̇и.

    Yadi evaṃ upacārasīmāya kathinatthatabhāvo kasmā vuttoti? Kathinattharaṇaṃ nāma na saṅghakammaṃ, puggalakammameva hoti, tasmā vassūpanāyikakhettabhūtāya upacārasīmāya kātabbā hoti. Ñattikammavācā pana saṅghakammabhūtā, tasmā upacārasīmāya kātuṃ na vaṭṭati, suvisodhitaparisāya baddhābaddhasīmāyameva vaṭṭatīti daṭṭhabbaṃ. Nanu ca bho ‘‘kathinaṃ attharituṃ ke labhanti, ke na labhanti? Gaṇanavasena tāva pacchimakoṭiyā pañca janā labhanti, uddhaṃ satasahassampi, pañcannaṃ heṭṭhā na labhantī’’ti aṭṭhakathāyaṃ vuttaṃ, atha kasmā ‘‘kathinattharaṇaṃ nāma na saṅghakammaṃ, puggalakammameva hotī’’ti vuttanti? ‘‘Na saṅgho kathinaṃ attharati, na gaṇo kathinaṃ attharati, puggalo kathinaṃ attharatī’’ti parivāre (pari. 414) vuttattā ca apalokanakammādīnaṃ catunnaṃ saṅghakammānaṃ ṭhānesu apaviṭṭhattā ca. Aṭṭhakathāyaṃ pana kathinatthārassa upacārabhūtaṃ kathinadānakammavācābhaṇanakālaṃ sandhāya vuttaṃ. Tasmiñhi kāle kathinadāyakā cattāro, paṭiggāhako ekoti pacchimakoṭiyā pañca honti, tato heṭṭhā na labhatīti. Ñattikammavācāya saṅghakammabhāvo kathaṃ jānitabboti? ‘‘Catunnaṃ saṅghakammānaṃ ñattidutiyakammassa navasu ṭhānesu kathinadāna’’nti āgatattā, ‘‘suṇātu me, bhante, saṅgho, idaṃ saṅghassa kathinadussaṃ uppanna’’ntiādinā vuttattā cāti.

    абарз бана аажарияаа ‘‘бхаасанд̇арзсу н̃ад̇д̇ийд̇и вуд̇д̇аа гат̇инад̣̇аанагаммаваажаа ад̇т̇аарагирияааяа бависад̇и, ад̇т̇аарагирияаа жа убажаарасиймааяам̣ гаад̇аб̣б̣аа, д̇асмаа гат̇инад̣̇аанагаммаваажааби убажаарасиймааяам̣ гаад̇аб̣б̣ааязваа’’д̇и вад̣̇анд̇и, д̇зсам̣ аяамад̇хиббааяо – махааваг̇г̇абаал̣ияам̣ (махаава. 306) ‘‘зван̃жа бана, бхигкавз, гат̇инам̣ ад̇т̇арид̇аб̣б̣а’’нд̇и аарабхид̇ваа ‘‘б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о…бз… звам̣ ко, бхигкавз, ад̇т̇ад̇ам̣ ход̇и гат̇ина’’нд̇и гат̇инад̣̇аанан̃ад̇д̇игаммаваажаад̇о бадтааяа яаава анумод̣̇анаа баато ааг̇ад̇о, бариваарабаал̣ияан̃жа (бари. 412) ‘‘гат̇инад̇т̇ааро ж̇аанид̇аб̣б̣о’’д̇и уд̣̇д̣̇зсасса нид̣̇д̣̇зсз ‘‘сажз сан̇гхасса гат̇инад̣̇уссам̣ уббаннам̣ ход̇и, сан̇гхзна гат̇ам̣ бадибаж̇ж̇ид̇аб̣б̣ам̣, ад̇т̇аарагзна гат̇ам̣ бадибаж̇ж̇ид̇аб̣б̣ам̣, анумод̣̇агзна гат̇ам̣ бадибаж̇ж̇ид̇аб̣б̣а’’нд̇и бужчам̣ нийхарид̇ваа ‘‘сан̇гхзна н̃ад̇д̇ид̣̇уд̇иязна гаммзна гат̇инад̇т̇аарагасса бхигкуно д̣̇аад̇аб̣б̣ам̣…бз… анумод̣̇аамаа’’д̇и н̃ад̇д̇ид̇о бадтааяа яаава анумод̣̇анаа баато ааг̇ад̇о, д̇асмаа н̃ад̇д̇ид̇о бадтааяа яаава анумод̣̇анаа саб̣б̣о вид̇хи гат̇инад̇т̇аарагирияааяам̣ бависад̇и, д̇ад̇о гат̇инад̇т̇аарагирияааяа убажаарасиймааяам̣ гад̇д̇аб̣б̣ааяа сад̇и н̃ад̇д̇исан̇каад̇агат̇инад̣̇аанагаммаваажааби убажаарасиймааяам̣ гад̇д̇аб̣б̣ааязваад̇и.

    Apare pana ācariyā ‘‘bhāsantaresu ñattīti vuttā kathinadānakammavācā atthārakiriyāya pavisati, atthārakiriyā ca upacārasīmāyaṃ kātabbā, tasmā kathinadānakammavācāpi upacārasīmāyaṃ kātabbāyevā’’ti vadanti, tesaṃ ayamadhippāyo – mahāvaggapāḷiyaṃ (mahāva. 306) ‘‘evañca pana, bhikkhave, kathinaṃ attharitabba’’nti ārabhitvā ‘‘byattena bhikkhunā paṭibalena saṅgho ñāpetabbo…pe… evaṃ kho, bhikkhave, atthataṃ hoti kathina’’nti kathinadānañattikammavācāto paṭṭhāya yāva anumodanā pāṭho āgato, parivārapāḷiyañca (pari. 412) ‘‘kathinatthāro jānitabbo’’ti uddesassa niddese ‘‘sace saṅghassa kathinadussaṃ uppannaṃ hoti, saṅghena kathaṃ paṭipajjitabbaṃ, atthārakena kathaṃ paṭipajjitabbaṃ, anumodakena kathaṃ paṭipajjitabba’’nti pucchaṃ nīharitvā ‘‘saṅghena ñattidutiyena kammena kathinatthārakassa bhikkhuno dātabbaṃ…pe… anumodāmā’’ti ñattito paṭṭhāya yāva anumodanā pāṭho āgato, tasmā ñattito paṭṭhāya yāva anumodanā sabbo vidhi kathinatthārakiriyāyaṃ pavisati, tato kathinatthārakiriyāya upacārasīmāyaṃ kattabbāya sati ñattisaṅkhātakathinadānakammavācāpi upacārasīmāyaṃ kattabbāyevāti.

    д̇ад̇рзвам̣ вижааран̣аа гаад̇аб̣б̣аа – ад̇т̇аарагирияааяа висум̣ анааг̇ад̇ааяа сад̇и ‘‘саб̣б̣о вид̇хи ад̇т̇аарагирияааяам̣ бависад̇ий’’д̇и вад̇д̇аб̣б̣ам̣ бхавзяяа, ат̇а жа бана махааваг̇г̇абаал̣ияан̃жа бариваарабаал̣ияан̃жа ад̇т̇аарагирияаа висум̣ ааг̇ад̇ааязва, д̇асмаа н̃ад̇д̇исан̇каад̇аа гат̇инад̣̇аанагаммаваажаа ад̇т̇аарагирияааяам̣ на бависад̇и, гзвалам̣ ад̇т̇аарагирияааяа убажаарабхууд̇ад̇д̇аа бана д̇ад̇о бадтааяа ануггамзна вуд̇д̇ам̣. яат̇аа ‘‘ануж̇аанаами, бхигкавз, сиймам̣ самманнид̇у’’нд̇и сиймаасаммуд̇им̣ ануж̇аанид̇ваа ‘‘зван̃жа бана, бхигкавз, самманнид̇аб̣б̣аа’’д̇и сиймаасаммуд̇ивид̇хим̣ д̣̇ассзнд̇о ‘‘батамам̣ нимид̇д̇аа гид̇д̇зд̇аб̣б̣аа…бз… звамзд̇ам̣ д̇хаараяаамий’’д̇и нимид̇д̇агид̇д̇анзна саха сиймаасаммуд̇игаммаваажаа д̣̇зсид̇аа, д̇ад̇т̇а нимид̇д̇агид̇д̇анам̣ сиймаасаммуд̇игаммам̣ на ход̇и, гаммаваажааязва сиймаасаммуд̇игаммам̣ ход̇и, д̇ат̇ааби сиймаасаммуд̇игаммаваажааяа убажаарабхаавад̇о саха нимид̇д̇агид̇д̇анзна сиймаасаммуд̇игаммаваажаа д̣̇зсид̇аа. яат̇аа жа убасамбад̣̇аагаммавид̇хим̣ д̣̇зсзнд̇о ‘‘батамам̣ убаж̇жхам̣ г̇аахаабзд̇аб̣б̣о…бз… звамзд̇ам̣ д̇хаараяаамий’’д̇и убаж̇жхааяаг̇аахаабанаад̣̇инаа саха убасамбад̣̇аагаммам̣ д̣̇зсид̇ам̣, д̇ад̇т̇а убаж̇жхааяаг̇аахаабанаад̣̇и убасамбад̣̇аагаммам̣ на ход̇и, н̃ад̇д̇ижад̇уд̇т̇агаммаваажааязва убасамбад̣̇аагаммам̣ ход̇и, д̇ат̇ааби убасамбад̣̇аагаммасса самийбз бхууд̇ад̇д̇аа убаж̇жхааяаг̇аахаабанаад̣̇инаа саха н̃ад̇д̇ижад̇уд̇т̇агаммаваажаа д̣̇зсид̇аа, звамзд̇т̇а гат̇инад̣̇аанагаммаваажаа ад̇т̇аарагирияаа на ход̇и, д̇ат̇ааби ад̇т̇аарагирияааяа убажаарабхууд̇ад̇д̇аа гат̇инад̣̇аанан̃ад̇д̇ид̣̇уд̇ияагаммаваажааяа саха гат̇инад̇т̇аарагирияаа д̣̇зсид̇аа, д̇асмаа гат̇инад̣̇аанагаммаваажаа ад̇т̇аарагирияааяам̣ на бависад̇ийд̇и д̣̇адтаб̣б̣ам̣.

    Tatrevaṃ vicāraṇā kātabbā – atthārakiriyāya visuṃ anāgatāya sati ‘‘sabbo vidhi atthārakiriyāyaṃ pavisatī’’ti vattabbaṃ bhaveyya, atha ca pana mahāvaggapāḷiyañca parivārapāḷiyañca atthārakiriyā visuṃ āgatāyeva, tasmā ñattisaṅkhātā kathinadānakammavācā atthārakiriyāyaṃ na pavisati, kevalaṃ atthārakiriyāya upacārabhūtattā pana tato paṭṭhāya anukkamena vuttaṃ. Yathā ‘‘anujānāmi, bhikkhave, sīmaṃ sammannitu’’nti sīmāsammutiṃ anujānitvā ‘‘evañca pana, bhikkhave, sammannitabbā’’ti sīmāsammutividhiṃ dassento ‘‘paṭhamaṃ nimittā kittetabbā…pe… evametaṃ dhārayāmī’’ti nimittakittanena saha sīmāsammutikammavācā desitā, tattha nimittakittanaṃ sīmāsammutikammaṃ na hoti, kammavācāyeva sīmāsammutikammaṃ hoti, tathāpi sīmāsammutikammavācāya upacārabhāvato saha nimittakittanena sīmāsammutikammavācā desitā. Yathā ca upasampadākammavidhiṃ desento ‘‘paṭhamaṃ upajjhaṃ gāhāpetabbo…pe… evametaṃ dhārayāmī’’ti upajjhāyagāhāpanādinā saha upasampadākammaṃ desitaṃ, tattha upajjhāyagāhāpanādi upasampadākammaṃ na hoti, ñatticatutthakammavācāyeva upasampadākammaṃ hoti, tathāpi upasampadākammassa samīpe bhūtattā upajjhāyagāhāpanādinā saha ñatticatutthakammavācā desitā, evamettha kathinadānakammavācā atthārakiriyā na hoti, tathāpi atthārakiriyāya upacārabhūtattā kathinadānañattidutiyakammavācāya saha kathinatthārakiriyā desitā, tasmā kathinadānakammavācā atthārakiriyāyaṃ na pavisatīti daṭṭhabbaṃ.

    ат̇а ваа н̃ад̇д̇ид̣̇уд̇ияагаммаваажаа жа ад̇т̇ааро жаад̇и имз д̣̇вз д̇хаммаа ад̇уляагирияаа ад̇уляагад̇д̇ааро ад̇уляагаммаа ад̇уляагаалаа жа хонд̇и, д̇зна вин̃н̃ааяад̇и ‘‘бхаасанд̇арзсу н̃ад̇д̇ийд̇и вуд̇д̇аа н̃ад̇д̇ид̣̇уд̇ияагаммаваажаа ад̇т̇аарагирияааяам̣ на бависад̇ий’’д̇и. д̇ад̇т̇а гат̇ам̣ ад̇уляагирияаа хонд̇и? гаммаваажаа д̣̇аанагирияаа ход̇и, ад̇т̇ааро баннарасад̇хаммаанам̣ гааран̣абхууд̇аа ад̇т̇аарагирияаа, звам̣ ад̇уляагирияаа. гат̇ам̣ ад̇уляагад̇д̇аарод̇и? гаммаваажааяа гад̇д̇аа сан̇гхо ход̇и, ад̇т̇аарасса гад̇д̇аа буг̇г̇ало, звам̣ ад̇уляагад̇д̇ааро хонд̇и. гат̇ам̣ ад̇уляагаммаа хонд̇и? гаммаваажааяа гаммам̣ гат̇инад̣̇уссам̣ ход̇и, ад̇т̇аарасса гаммам̣ гат̇инасан̇каад̇аа самуухабан̃н̃ад̇д̇и, звам̣ ад̇уляагаммаа хонд̇и. гат̇ам̣ ад̇уляагаалаа хонд̇и? гат̇инад̣̇аанагаммаваажаа буб̣б̣агаран̣абажжуд̣̇д̇хаараад̇хидтаанаанам̣ буб̣б̣з ход̇и, ад̇т̇ааро д̇зсам̣ бажчаа, звам̣ ад̇уляагаалаа хонд̇ийд̇и. ат̇а ваа ад̇т̇ааро ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇инаа важийбхзд̣̇асан̇каад̇зна згзна д̇хаммзна сан̇г̇ахид̇о, на н̃ад̇д̇иануссааванаад̣̇инаа анзгзхи д̇хаммзхи сан̇г̇ахид̇о. вуд̇д̇ан̃хзд̇ам̣ бариваарз (бари. 408) ‘‘ад̇т̇ааро згзна д̇хаммзна сан̇г̇ахид̇о важийбхзд̣̇знаа’’д̇и. иминааби гааран̣зна ж̇аанид̇аб̣б̣ам̣ ‘‘на н̃ад̇д̇и ад̇т̇аарз бавидтаа’’д̇и.

    Atha vā ñattidutiyakammavācā ca atthāro cāti ime dve dhammā atulyakiriyā atulyakattāro atulyakammā atulyakālā ca honti, tena viññāyati ‘‘bhāsantaresu ñattīti vuttā ñattidutiyakammavācā atthārakiriyāyaṃ na pavisatī’’ti. Tattha kathaṃ atulyakiriyā honti? Kammavācā dānakiriyā hoti, atthāro pannarasadhammānaṃ kāraṇabhūtā atthārakiriyā, evaṃ atulyakiriyā. Kathaṃ atulyakattāroti? Kammavācāya kattā saṅgho hoti, atthārassa kattā puggalo, evaṃ atulyakattāro honti. Kathaṃ atulyakammā honti? Kammavācāya kammaṃ kathinadussaṃ hoti, atthārassa kammaṃ kathinasaṅkhātā samūhapaññatti, evaṃ atulyakammā honti. Kathaṃ atulyakālā honti? Kathinadānakammavācā pubbakaraṇapaccuddhāraadhiṭṭhānānaṃ pubbe hoti, atthāro tesaṃ pacchā, evaṃ atulyakālā hontīti. Atha vā atthāro ‘‘imāya saṅghāṭiyā kathinaṃ attharāmī’’tiādinā vacībhedasaṅkhātena ekena dhammena saṅgahito, na ñattianussāvanādinā anekehi dhammehi saṅgahito. Vuttañhetaṃ parivāre (pari. 408) ‘‘atthāro ekena dhammena saṅgahito vacībhedenā’’ti. Imināpi kāraṇena jānitabbaṃ ‘‘na ñatti atthāre paviṭṭhā’’ti.

    ан̃н̃з бана аажарияаа звам̣ вад̣̇анд̇и – ‘‘гат̇инад̇т̇аарам̣ гз лабханд̇и, гз на лабханд̇ийд̇и? г̇ан̣анавасзна д̇аава бажчимагодияаа бан̃жа ж̇анаа лабханд̇и, уд̣̇д̇хам̣ сад̇асахассамби, бан̃жаннам̣ хздтаа на лабханд̇ий’’д̇и адтагат̇ааяам̣ (махаава. адта. 306) ааг̇ад̇ад̇д̇аа ‘‘хздтиманд̇ад̇о бан̃жа бхигкуу гат̇инад̇т̇аарам̣ лабханд̇и, д̇ад̇о аббагад̇араа на лабханд̇ий’’д̇и вин̃н̃ааяад̇и. ‘‘бан̃жаннам̣ ж̇анаанам̣ ваддад̇ийд̇и бажчимагодияаа жад̇д̇ааро гат̇инад̣̇уссасса д̣̇ааяагаа, зго бадиг̇г̇аахагод̇и бан̃жаннам̣ ж̇анаанам̣ ваддад̇ий’’д̇и ган̇каавид̇аран̣ийдийгааяам̣ (ган̇каа. абхи. дий. гат̇инасигкаабад̣̇аван̣н̣анаа) ааг̇ад̇ад̇д̇аа д̇асмим̣ ваагяз ‘‘ваддад̇ий’’д̇и гирияааяа гад̇д̇аа ‘‘со гат̇инад̇т̇ааро’’д̇и вужжад̇и, д̇асмаа ад̇т̇аарод̇и иминаа ‘‘имааяа сан̇гхаадияаа гат̇инам̣ ад̇т̇араамий’’д̇и вуд̇д̇аад̇т̇аран̣агирияаа на ад̇хиббзд̇аа, жад̇уухи бхигкуухи ад̇т̇аарагасса бхигкуно н̃ад̇д̇ияаа д̣̇аанам̣ ад̇хиббзд̇анд̇и вин̃н̃ааяад̇и. ‘‘гат̇инад̇т̇аарам̣ гз лабханд̇и…бз… уд̣̇д̇хам̣ сад̇асахассанд̇и ид̣̇ам̣ ад̇т̇аарагасса бхигкуно сан̇гхасса гат̇инад̣̇уссад̣̇аанагаммам̣ санд̇хааяа вуд̇д̇а’’нд̇и винаяавинижчаяадийгааяам̣ вуд̇д̇ам̣. д̇асмимби баатз н̃ад̇д̇ияаа д̣̇иннам̣язва санд̇хааяа ‘‘бан̃жа ж̇анаа ад̇т̇аарам̣ лабханд̇ий’’д̇и ид̣̇ам̣ важанам̣ адтагат̇аажариязхи вуд̇д̇ам̣, ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇и буг̇г̇аласса ад̇т̇аран̣ам̣ санд̇хааяа на вуд̇д̇анд̇и дийгаажарияасса ад̇хиббааяо. звам̣ ган̇каавид̇аран̣ийдийгаа-винаяавинижчаяадийгаагаарагзхи аажариязхи ‘‘н̃ад̇д̇ид̣̇уд̇ияагаммам̣ ад̇т̇ааро наамаа’’д̇и винижчид̇ад̇д̇аа убажаарасиймааяам̣ гат̇инад̣̇аанан̃ад̇д̇игаммаваажаагаран̣ам̣ яуд̇д̇анд̇и вин̃н̃ааяад̇ийд̇и вад̣̇анд̇и.

    Aññe pana ācariyā evaṃ vadanti – ‘‘kathinatthāraṃ ke labhanti, ke na labhantīti? Gaṇanavasena tāva pacchimakoṭiyā pañca janā labhanti, uddhaṃ satasahassampi, pañcannaṃ heṭṭhā na labhantī’’ti aṭṭhakathāyaṃ (mahāva. aṭṭha. 306) āgatattā ‘‘heṭṭhimantato pañca bhikkhū kathinatthāraṃ labhanti, tato appakatarā na labhantī’’ti viññāyati. ‘‘Pañcannaṃ janānaṃ vaṭṭatīti pacchimakoṭiyā cattāro kathinadussassa dāyakā, eko paṭiggāhakoti pañcannaṃ janānaṃ vaṭṭatī’’ti kaṅkhāvitaraṇīṭīkāyaṃ (kaṅkhā. abhi. ṭī. kathinasikkhāpadavaṇṇanā) āgatattā tasmiṃ vākye ‘‘vaṭṭatī’’ti kiriyāya kattā ‘‘so kathinatthāro’’ti vuccati, tasmā atthāroti iminā ‘‘imāya saṅghāṭiyā kathinaṃ attharāmī’’ti vuttaattharaṇakiriyā na adhippetā, catūhi bhikkhūhi atthārakassa bhikkhuno ñattiyā dānaṃ adhippetanti viññāyati. ‘‘Kathinatthāraṃ ke labhanti…pe… uddhaṃ satasahassanti idaṃ atthārakassa bhikkhuno saṅghassa kathinadussadānakammaṃ sandhāya vutta’’nti vinayavinicchayaṭīkāyaṃ vuttaṃ. Tasmimpi pāṭhe ñattiyā dinnaṃyeva sandhāya ‘‘pañca janā atthāraṃ labhantī’’ti idaṃ vacanaṃ aṭṭhakathācariyehi vuttaṃ, ‘‘imāya saṅghāṭiyā kathinaṃ attharāmī’’tiādi puggalassa attharaṇaṃ sandhāya na vuttanti ṭīkācariyassa adhippāyo. Evaṃ kaṅkhāvitaraṇīṭīkā-vinayavinicchayaṭīkākārakehi ācariyehi ‘‘ñattidutiyakammaṃ atthāro nāmā’’ti vinicchitattā upacārasīmāyaṃ kathinadānañattikammavācākaraṇaṃ yuttanti viññāyatīti vadanti.

    д̇ад̇рзвам̣ вижааран̣аа гаад̇аб̣б̣аа – ‘‘н̃ад̇д̇ид̣̇уд̇ияагаммам̣язва ад̇т̇ааро наамаа’’д̇и дийгаажарияаа на вад̣̇зяяум̣. вад̣̇зяяум̣ жз, адтагат̇ааяа вируд̣̇д̇хо сияаа. гат̇ам̣ вируд̣̇д̇ход̇и жз? ‘‘чиннавассаа ваа бажчимигааяа убаг̇ад̇аа ваа на лабханд̇и, ан̃н̃асмим̣ вихаарз вуд̇т̇авассааби на лабханд̇ийд̇и махаабажжарияам̣ вуд̇д̇а’’нд̇и адтагат̇ааяам̣ (махаава. адта. 306) ааг̇ад̇ад̇д̇аа ‘‘д̇з чиннавассаад̣̇аяо гат̇инад̇т̇аарам̣ на лабханд̇ий’’д̇и вин̃н̃ааяад̇и. яад̣̇и н̃ад̇д̇ид̣̇уд̇ияагаммам̣ ад̇т̇ааро наама сияаа, звам̣ сад̇и д̇з бхигкуу н̃ад̇д̇ид̣̇уд̇ияагаммзби г̇ан̣абуурагабхаавзна аббавидтаа сияум̣. ат̇а жа бана ‘‘буримигааяа убаг̇ад̇аанам̣ бана саб̣б̣з г̇ан̣абуурагаа хонд̇ий’’д̇и адтагат̇ааяа (махаава. адта. 306) вуд̇д̇ад̇д̇аа д̇з н̃ад̇д̇ид̣̇уд̇ияагаммз бавидтаава хонд̇и, д̇асмаа адтагат̇аажарияо бан̃жаанисам̣сахзд̇убхууд̇ам̣ ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇игам̣ важийбхзд̣̇ам̣язва ‘‘ад̇т̇ааро’’д̇и вад̣̇ад̇и, на н̃ад̇д̇ид̣̇уд̇ияагаммам̣, д̇асмаа д̇з чиннавассаад̣̇аяо бан̃жаанисам̣сахзд̇убхууд̇ам̣ гат̇инад̇т̇аарам̣ на лабханд̇и, н̃ад̇д̇ид̣̇уд̇ияагаммз бана жад̇уваг̇г̇асан̇гхабуурагабхаавам̣ лабханд̇ийд̇и вин̃н̃ааяад̇и. бунаби вуд̇д̇ам̣ адтагат̇ааяам̣ ‘‘сажз буримигааяа убаг̇ад̇аа жад̇д̇ааро ваа хонд̇и д̇аяо ваа д̣̇вз ваа зго ваа, ид̇арз г̇ан̣абуурагз гад̇ваа гат̇инам̣ ад̇т̇арид̇аб̣б̣а’’нд̇и. звам̣ алаб̣бхамаанагат̇инад̇т̇аарзязва чиннавассаад̣̇аяо г̇ан̣абуурагз гад̇ваа н̃ад̇д̇ид̣̇уд̇ияагаммаваажааяа гат̇инад̣̇уссам̣ д̣̇аабзд̇ваа буримигааяа убаг̇ад̇зхи гат̇инасса ад̇т̇арид̇аб̣б̣абхаавад̇о ‘‘н̃ад̇д̇ид̣̇уд̇ияагаммам̣язва ад̇т̇ааро наамаад̇и дийгаажарияаа на вад̣̇зяяу’’нд̇и аважимхаад̇и.

    Tatrevaṃ vicāraṇā kātabbā – ‘‘ñattidutiyakammaṃyeva atthāro nāmā’’ti ṭīkācariyā na vadeyyuṃ. Vadeyyuṃ ce, aṭṭhakathāya viruddho siyā. Kathaṃ viruddhoti ce? ‘‘Chinnavassā vā pacchimikāya upagatā vā na labhanti, aññasmiṃ vihāre vutthavassāpi na labhantīti mahāpaccariyaṃ vutta’’nti aṭṭhakathāyaṃ (mahāva. aṭṭha. 306) āgatattā ‘‘te chinnavassādayo kathinatthāraṃ na labhantī’’ti viññāyati. Yadi ñattidutiyakammaṃ atthāro nāma siyā, evaṃ sati te bhikkhū ñattidutiyakammepi gaṇapūrakabhāvena appaviṭṭhā siyuṃ. Atha ca pana ‘‘purimikāya upagatānaṃ pana sabbe gaṇapūrakā hontī’’ti aṭṭhakathāya (mahāva. aṭṭha. 306) vuttattā te ñattidutiyakamme paviṭṭhāva honti, tasmā aṭṭhakathācariyo pañcānisaṃsahetubhūtaṃ ‘‘imāya saṅghāṭiyā kathinaṃ attharāmī’’tiādikaṃ vacībhedaṃyeva ‘‘atthāro’’ti vadati, na ñattidutiyakammaṃ, tasmā te chinnavassādayo pañcānisaṃsahetubhūtaṃ kathinatthāraṃ na labhanti, ñattidutiyakamme pana catuvaggasaṅghapūrakabhāvaṃ labhantīti viññāyati. Punapi vuttaṃ aṭṭhakathāyaṃ ‘‘sace purimikāya upagatā cattāro vā honti tayo vā dve vā eko vā, itare gaṇapūrake katvā kathinaṃ attharitabba’’nti. Evaṃ alabbhamānakathinatthāreyeva chinnavassādayo gaṇapūrake katvā ñattidutiyakammavācāya kathinadussaṃ dāpetvā purimikāya upagatehi kathinassa attharitabbabhāvato ‘‘ñattidutiyakammaṃyeva atthāro nāmāti ṭīkācariyā na vadeyyu’’nti avacimhāti.

    нану жа бхо имасмимби адтагат̇ааважанз ‘‘ид̇арз г̇ан̣абуурагз гад̇ваа гат̇инам̣ ад̇т̇арид̇аб̣б̣а’’нд̇и важанзна жад̇уваг̇г̇асан̇гхзна гад̇д̇аб̣б̣ам̣ н̃ад̇д̇ид̣̇уд̇ияагаммам̣язва ‘‘ад̇т̇ааро’’д̇и вуд̇д̇анд̇и? на, буб̣б̣аабаравирод̇хад̇о. буб̣б̣з хи чиннавассаад̣̇ийнам̣ гат̇инам̣ ад̇т̇арид̇ум̣ алаб̣бхамаанабхааво вуд̇д̇о, ид̇ха ‘‘н̃ад̇д̇ид̣̇уд̇ияагаммам̣ ад̇т̇ааро’’д̇и вуд̇д̇з д̇зсамби лаб̣бхамаанабхааво вуд̇д̇о бхавзяяа, на адтагат̇аажарияаа буб̣б̣аабаравируд̣̇д̇хам̣ гат̇зяяум̣, д̇асмаа ‘‘гад̇ваа’’д̇и бад̣̇ам̣ ‘‘ад̇т̇арид̇аб̣б̣а’’нд̇и бад̣̇зна самб̣аж̇жханд̇зна самаанагаалависзсанам̣ агад̇ваа буб̣б̣агаалависзсанамзва гад̇ваа самб̣анд̇хид̇аб̣б̣ам̣, звам̣ сад̇и буб̣б̣аважанзнаабараважанам̣ г̇ан̇г̇од̣̇агзна яамунод̣̇агам̣ вияа сам̣санд̣̇ад̇и, бажчааби жа ‘‘гаммаваажам̣ саавзд̇ваа гат̇инам̣ ад̇т̇араабзд̇ваа д̣̇аанан̃жа бхун̃ж̇ид̇ваа г̇амиссанд̇ий’’д̇и висум̣ гаммаваажаасааванам̣ висум̣ гат̇инад̇т̇аран̣ам̣ буб̣б̣аабараануггамад̇о вуд̇д̇ам̣ , д̇асмаа н̃ад̇д̇ид̣̇уд̇ияагаммам̣ ад̇т̇ааро наама на ход̇и, гзвалам̣ ад̇т̇аарасса гааран̣амзва убажаарамзва ход̇ийд̇и д̣̇адтаб̣б̣ам̣. гин̃жа бхияяо – ‘‘на сан̇гхо гат̇инам̣ ад̇т̇арад̇и, на г̇ан̣о гат̇инам̣ ад̇т̇арад̇и, буг̇г̇ало гат̇инам̣ ад̇т̇арад̇ий’’д̇и бариваараважанзна (бари. 414) аяамад̇т̇о ж̇аанид̇аб̣б̣од̇и.

    Nanu ca bho imasmimpi aṭṭhakathāvacane ‘‘itare gaṇapūrake katvā kathinaṃ attharitabba’’nti vacanena catuvaggasaṅghena kattabbaṃ ñattidutiyakammaṃyeva ‘‘atthāro’’ti vuttanti? Na, pubbāparavirodhato. Pubbe hi chinnavassādīnaṃ kathinaṃ attharituṃ alabbhamānabhāvo vutto, idha ‘‘ñattidutiyakammaṃ atthāro’’ti vutte tesampi labbhamānabhāvo vutto bhaveyya, na aṭṭhakathācariyā pubbāparaviruddhaṃ katheyyuṃ, tasmā ‘‘katvā’’ti padaṃ ‘‘attharitabba’’nti padena sambajjhantena samānakālavisesanaṃ akatvā pubbakālavisesanameva katvā sambandhitabbaṃ, evaṃ sati pubbavacanenāparavacanaṃ gaṅgodakena yamunodakaṃ viya saṃsandati, pacchāpi ca ‘‘kammavācaṃ sāvetvā kathinaṃ attharāpetvā dānañca bhuñjitvā gamissantī’’ti visuṃ kammavācāsāvanaṃ visuṃ kathinattharaṇaṃ pubbāparānukkamato vuttaṃ , tasmā ñattidutiyakammaṃ atthāro nāma na hoti, kevalaṃ atthārassa kāraṇameva upacārameva hotīti daṭṭhabbaṃ. Kiñca bhiyyo – ‘‘na saṅgho kathinaṃ attharati, na gaṇo kathinaṃ attharati, puggalo kathinaṃ attharatī’’ti parivāravacanena (pari. 414) ayamattho jānitabboti.

    яад̣̇и звам̣ ган̇каавид̇аран̣ийдийгаа-винаяавинижчаяадийгаасу ааг̇ад̇абаатаанам̣ ад̇хиббааяо гат̇ам̣ бхаасид̇аб̣б̣о бхавзяяа. нану ган̇каавид̇аран̣ийдийгааяам̣ ‘‘ваддад̇ий’’д̇и имиссаа гирияааяа гад̇д̇аа ‘‘со гат̇инад̇т̇ааро’’д̇и вуд̇д̇о, винаяавинижчаяадийгааяан̃жа ‘‘гат̇инад̣̇уссад̣̇аанагамма’’нд̇и бад̣̇ам̣ ‘‘санд̇хааяаа’’д̇и гирияааяа гаммам̣, гат̇инад̇т̇ааро…бз… ид̣̇ам̣ ‘‘вуд̇д̇а’’нд̇и гирияааяа гаммам̣ ход̇и. звам̣ дийгаасу нийд̇ад̇т̇ад̇о ааг̇ад̇абаатзсу санд̇зсу ‘‘н̃ад̇д̇ид̣̇уд̇ияагаммам̣язва ад̇т̇ааро наамаад̇и дийгаажарияаа на вад̣̇зяяу’’нд̇и на вад̇д̇аб̣б̣анд̇и? язнаагаарзна адтагат̇ааважанзна дийгааважанан̃жа буб̣б̣аабараадтагат̇ааважанан̃жа авируд̣̇д̇хам̣ бхавзяяа, д̇знаагаарзна дийгаабаатаанам̣ ад̇хиббааяо г̇ахзд̇аб̣б̣о. гат̇ам̣? ган̇каавид̇аран̣ийадтагат̇ааяам̣ (ган̇каа. адта. гат̇инасигкаабад̣̇аван̣н̣анаа) ‘‘со саб̣б̣анд̇имзна барижчзд̣̇зна бан̃жаннам̣ ж̇анаанам̣ ваддад̇ий’’д̇и ааг̇ад̇о, д̇асмим̣ адтагат̇ааважанз жод̣̇агзна жод̣̇зд̇аб̣б̣асса ад̇т̇ид̇ааяа д̇ам̣ барихарид̇ум̣ ‘‘бан̃жаннам̣ ж̇анаанам̣ ваддад̇ийд̇и бажчимагодияаа жад̇д̇ааро гат̇инад̣̇уссасса д̣̇ааяагаа, зго бадиг̇г̇аахагод̇и бан̃жаннам̣ ж̇анаанам̣ ваддад̇ий’’д̇и баато дийгаажариязна вуд̇д̇о, гат̇ам̣ жод̣̇зд̇аб̣б̣ам̣ ад̇т̇ийд̇и? бхо адтагат̇аажарияа ‘‘со саб̣б̣анд̇имзна барижчзд̣̇зна бан̃жаннам̣ ж̇анаанам̣ ваддад̇ий’’д̇и вуд̇д̇о, звам̣ сад̇и бан̃жаннам̣ гат̇инад̇т̇аарагаанам̣ зва со гат̇инад̇т̇ааро ваддад̇и, на згад̣̇вид̇ижад̇убуг̇г̇алаананд̇и ад̇т̇о аабаж̇ж̇ад̇и, звам̣ сад̇и ‘‘на сан̇гхо гат̇инам̣ ад̇т̇арад̇и, на г̇ан̣о гат̇инам̣ ад̇т̇арад̇и, буг̇г̇ало гат̇инам̣ ад̇т̇арад̇ий’’д̇и ааг̇ад̇абаал̣ияаа вируж̇жханад̇о ааг̇амавирод̇хо аабаж̇ж̇ад̇и, д̇ам̣ жод̣̇анам̣ барихаранд̇о ‘‘бан̃жаннам̣ ж̇анаанам̣ ваддад̇ийд̇и бажчимагодияаа жад̇д̇ааро гат̇инад̣̇уссасса д̣̇ааяагаа, зго бадиг̇г̇аахагод̇и бан̃жаннам̣ ж̇анаанам̣ ваддад̇ий’’д̇и баато дийгаажариязна вуд̇д̇о. д̇ад̇т̇ааяамад̇хиббааяо – бхо жод̣̇агаажарияа адтагат̇аажариязна гат̇инад̇т̇аарагаалз бан̃жаннам̣ ад̇т̇аарагаанам̣ бхигкуунам̣ васзна ‘‘со саб̣б̣анд̇имзна барижчзд̣̇зна бан̃жаннам̣ ж̇анаанам̣ ваддад̇ий’’д̇и баато на вуд̇д̇о, ат̇а ко сан̇гхзна ад̇т̇аарагасса гат̇инад̣̇уссад̣̇аанагаалз бажчимагодияаа жад̇д̇ааро гат̇инад̣̇уссасса д̣̇ааяагаа, зго бадиг̇г̇аахагод̇и бан̃жаннам̣ д̣̇ааяагабадиг̇г̇аахагабуг̇г̇алаанам̣ ад̇т̇ид̇ааяа со бажчаа гад̇д̇аб̣б̣о ад̇т̇ааро ваддад̇и, гааран̣асамбад̇д̇ияаа паласамбад̇д̇и ход̇и, д̇асмаа д̇асмим̣ адтагат̇ааважанз ааг̇амавирод̇хо наабаж̇ж̇ад̇ийд̇и.

    Yadi evaṃ kaṅkhāvitaraṇīṭīkā-vinayavinicchayaṭīkāsu āgatapāṭhānaṃ adhippāyo kathaṃ bhāsitabbo bhaveyya. Nanu kaṅkhāvitaraṇīṭīkāyaṃ ‘‘vaṭṭatī’’ti imissā kiriyāya kattā ‘‘so kathinatthāro’’ti vutto, vinayavinicchayaṭīkāyañca ‘‘kathinadussadānakamma’’nti padaṃ ‘‘sandhāyā’’ti kiriyāya kammaṃ, kathinatthāro…pe… idaṃ ‘‘vutta’’nti kiriyāya kammaṃ hoti. Evaṃ ṭīkāsu nītatthato āgatapāṭhesu santesu ‘‘ñattidutiyakammaṃyeva atthāro nāmāti ṭīkācariyā na vadeyyu’’nti na vattabbanti? Yenākārena aṭṭhakathāvacanena ṭīkāvacanañca pubbāparaaṭṭhakathāvacanañca aviruddhaṃ bhaveyya, tenākārena ṭīkāpāṭhānaṃ adhippāyo gahetabbo. Kathaṃ? Kaṅkhāvitaraṇīaṭṭhakathāyaṃ (kaṅkhā. aṭṭha. kathinasikkhāpadavaṇṇanā) ‘‘so sabbantimena paricchedena pañcannaṃ janānaṃ vaṭṭatī’’ti āgato, tasmiṃ aṭṭhakathāvacane codakena codetabbassa atthitāya taṃ pariharituṃ ‘‘pañcannaṃ janānaṃ vaṭṭatīti pacchimakoṭiyā cattāro kathinadussassa dāyakā, eko paṭiggāhakoti pañcannaṃ janānaṃ vaṭṭatī’’ti pāṭho ṭīkācariyena vutto, kathaṃ codetabbaṃ atthīti? Bho aṭṭhakathācariya ‘‘so sabbantimena paricchedena pañcannaṃ janānaṃ vaṭṭatī’’ti vutto, evaṃ sati pañcannaṃ kathinatthārakānaṃ eva so kathinatthāro vaṭṭati, na ekadviticatupuggalānanti attho āpajjati, evaṃ sati ‘‘na saṅgho kathinaṃ attharati, na gaṇo kathinaṃ attharati, puggalo kathinaṃ attharatī’’ti āgatapāḷiyā virujjhanato āgamavirodho āpajjati, taṃ codanaṃ pariharanto ‘‘pañcannaṃ janānaṃ vaṭṭatīti pacchimakoṭiyā cattāro kathinadussassa dāyakā, eko paṭiggāhakoti pañcannaṃ janānaṃ vaṭṭatī’’ti pāṭho ṭīkācariyena vutto. Tatthāyamadhippāyo – bho codakācariya aṭṭhakathācariyena kathinatthārakāle pañcannaṃ atthārakānaṃ bhikkhūnaṃ vasena ‘‘so sabbantimena paricchedena pañcannaṃ janānaṃ vaṭṭatī’’ti pāṭho na vutto, atha kho saṅghena atthārakassa kathinadussadānakāle pacchimakoṭiyā cattāro kathinadussassa dāyakā, eko paṭiggāhakoti pañcannaṃ dāyakapaṭiggāhakapuggalānaṃ atthitāya so pacchā kattabbo atthāro vaṭṭati, kāraṇasampattiyā phalasampatti hoti, tasmā tasmiṃ aṭṭhakathāvacane āgamavirodho nāpajjatīti.

    винаяавинижчаяадийгааяамби ‘‘гат̇инад̇т̇аарам̣ гз лабханд̇и, гз на лабханд̇ийд̇и? г̇ан̣анавасзна д̇аава бажчимагодияаа бан̃жа ж̇анаа лабханд̇и, уд̣̇д̇хам̣ сад̇асахассамби, бан̃жаннам̣ хздтаа на лабханд̇ий’’д̇и адтагат̇ааважанз барзхи бужчид̇аб̣б̣асса ад̇т̇ид̇ааяа д̇ам̣ бужчам̣ виссаж̇ж̇зд̇ум̣ ‘‘ид̣̇ам̣ ад̇т̇аарагасса бхигкуно сан̇гхасса гат̇инад̣̇уссад̣̇аанагаммам̣ санд̇хааяа вуд̇д̇а’’нд̇и баато дийгаажариязна вуд̇д̇о. гат̇ам̣ бужчид̇аб̣б̣анд̇и жз? бхо адтагат̇аажарияа ‘‘хздтимагодияаа бан̃жаннам̣ ж̇анаанам̣ ваддад̇ий’’д̇и ид̣̇ам̣ важанам̣ гим̣ бан̃жаанисам̣сасса гааран̣абхууд̇ам̣ ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇иад̇т̇аарагирияам̣ санд̇хааяа вуд̇д̇ам̣, уд̣̇ааху ад̇т̇аарасса гааран̣абхууд̇ам̣ гат̇инад̣̇уссад̣̇аанагамманд̇и. гат̇ам̣ виссаж̇ж̇анаад̇и? бхо бхад̣̇рамука ‘‘хздтимагодияаа бан̃жаннам̣ ж̇анаанам̣ ваддад̇ий’’д̇и ид̣̇ам̣ бан̃жаанисам̣сасса гааран̣абхууд̇ам̣ ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇игам̣ ад̇т̇аарагирияам̣ санд̇хааяа адтагат̇аажариязна на вуд̇д̇ам̣, ат̇а ко ад̇т̇аарасса гааран̣абхууд̇ам̣ гат̇инад̣̇аанагаммам̣ санд̇хааяа вуд̇д̇анд̇и . д̇ад̇рааяамад̇хиббааяо – сан̇гхзна ад̇т̇аарагасса д̣̇иннад̣̇уссзна зва гат̇инад̇т̇ааро самбхавад̇и, на тид̇игааяа лад̣̇д̇хажийварзна ваа буг̇г̇алигажийварзна ваа самбхавад̇и, д̇ан̃жа гат̇инад̣̇уссад̣̇аанагаммам̣ жад̇д̇ааро гат̇инад̣̇уссад̣̇ааяагаа, зго бадиг̇г̇аахагод̇и бан̃жасу бхигкуусу виж̇ж̇амаанзсуязва самбаж̇ж̇ад̇и, на д̇ад̇о уунзсууд̇и бажчимагодияаа бан̃жаннам̣ ваддад̇и, гааран̣асид̣̇д̇хияаа паласид̣̇д̇хи ход̇и, д̇знзва жа гааран̣зна ‘‘гат̇инад̣̇уссад̣̇аанагаммам̣ вуд̇д̇а’’нд̇и мукяавасзна авад̇ваа ‘‘санд̇хааяа вуд̇д̇а’’нд̇и убажааравасзнааха. звам̣ вуд̇д̇зязва адтагат̇ааважанасса буб̣б̣аабаравирод̇хо над̇т̇и, адтагат̇ааважанзна жа дийгааважанам̣ вируд̣̇д̇хам̣ на ход̇ийд̇и д̣̇адтаб̣б̣ам̣, ‘‘абалоганаад̣̇исан̇гхагаммагаран̣ад̇т̇ам̣ б̣ад̣̇д̇хасиймаа бхаг̇авад̇аа анун̃н̃аад̇аа’’д̇и иминаа винаяалагкан̣зна жа самзд̇и.

    Vinayavinicchayaṭīkāyampi ‘‘kathinatthāraṃ ke labhanti, ke na labhantīti? Gaṇanavasena tāva pacchimakoṭiyā pañca janā labhanti, uddhaṃ satasahassampi, pañcannaṃ heṭṭhā na labhantī’’ti aṭṭhakathāvacane parehi pucchitabbassa atthitāya taṃ pucchaṃ vissajjetuṃ ‘‘idaṃ atthārakassa bhikkhuno saṅghassa kathinadussadānakammaṃ sandhāya vutta’’nti pāṭho ṭīkācariyena vutto. Kathaṃ pucchitabbanti ce? Bho aṭṭhakathācariya ‘‘heṭṭhimakoṭiyā pañcannaṃ janānaṃ vaṭṭatī’’ti idaṃ vacanaṃ kiṃ pañcānisaṃsassa kāraṇabhūtaṃ ‘‘imāya saṅghāṭiyā kathinaṃ attharāmī’’tiādiatthārakiriyaṃ sandhāya vuttaṃ, udāhu atthārassa kāraṇabhūtaṃ kathinadussadānakammanti. Kathaṃ vissajjanāti? Bho bhadramukha ‘‘heṭṭhimakoṭiyā pañcannaṃ janānaṃ vaṭṭatī’’ti idaṃ pañcānisaṃsassa kāraṇabhūtaṃ ‘‘imāya saṅghāṭiyā kathinaṃ attharāmī’’tiādikaṃ atthārakiriyaṃ sandhāya aṭṭhakathācariyena na vuttaṃ, atha kho atthārassa kāraṇabhūtaṃ kathinadānakammaṃ sandhāya vuttanti . Tatrāyamadhippāyo – saṅghena atthārakassa dinnadussena eva kathinatthāro sambhavati, na ṭhitikāya laddhacīvarena vā puggalikacīvarena vā sambhavati, tañca kathinadussadānakammaṃ cattāro kathinadussadāyakā, eko paṭiggāhakoti pañcasu bhikkhūsu vijjamānesuyeva sampajjati, na tato ūnesūti pacchimakoṭiyā pañcannaṃ vaṭṭati, kāraṇasiddhiyā phalasiddhi hoti, teneva ca kāraṇena ‘‘kathinadussadānakammaṃ vutta’’nti mukhyavasena avatvā ‘‘sandhāya vutta’’nti upacāravasenāha. Evaṃ vutteyeva aṭṭhakathāvacanassa pubbāparavirodho natthi, aṭṭhakathāvacanena ca ṭīkāvacanaṃ viruddhaṃ na hotīti daṭṭhabbaṃ, ‘‘apalokanādisaṅghakammakaraṇatthaṃ baddhasīmā bhagavatā anuññātā’’ti iminā vinayalakkhaṇena ca sameti.

    ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇игаа бана ад̇т̇аарагирияаа абалоганаад̣̇ийсу жад̇уусу сан̇гхагаммзсу аббавидтаа, ад̇хидтаанаад̣̇аяо вияа бан̃жаанисам̣салаабхагааран̣абхууд̇аа буг̇г̇алагирияаава ход̇ийд̇и вассуубанааяигакзд̇д̇абхууд̇ааяа анд̇оубажаарасиймааяа гаад̇аб̣б̣аа, д̇асмаа анд̇оубажаарасиймааяам̣ б̣ад̣̇д̇хасиймааяа авиж̇ж̇амаанааяа б̣ахиубажаарасиймааяам̣ б̣ад̣̇д̇хасиймам̣ ваа уд̣̇агугкзбасад̇д̇аб̣бханд̇аралабхамаанадтаанам̣ ваа г̇анд̇ваа н̃ад̇д̇ид̣̇уд̇ияагаммзна гат̇инад̣̇уссам̣ д̣̇аабзд̇ваа буна вихаарам̣ ааг̇анд̇ваа анд̇оубажаарасиймааяамзва гат̇инад̇т̇аран̣ам̣ буб̣б̣аажариязхи гад̇ам̣, д̇ам̣ сугад̇амзва ход̇ийд̇и д̣̇адтаб̣б̣ам̣. звам̣ аг̇г̇ахзд̇ваа суд̣̇д̇хаубажаарасиймааяамзва н̃ад̇д̇ид̣̇уд̇ияагаммам̣ гаад̇аб̣б̣анд̇и г̇аяхамаанз сад̇и д̇зсам̣ ааяасманд̇аанам̣ д̣̇идтаануг̇ад̇им̣ аабаж̇ж̇амаанаа сиссаанусиссаа д̇хуваваасад̇т̇ааяа вихаарад̣̇аанаад̣̇иабалоганагаммам̣ ваа убосат̇абавааран̣аад̣̇ин̃ад̇д̇игаммам̣ ваа сиймаасамманнанаад̣̇ин̃ад̇д̇ид̣̇уд̇ияагаммам̣ ваа убасамбад̣̇аад̣̇ин̃ад̇д̇ижад̇уд̇т̇агаммам̣ ваа убажаарасиймааяамзва гарзяяум̣, звам̣ гаронд̇аа бхаг̇авад̇о саасанз маханд̇ам̣ ж̇адам̣ маханд̇ам̣ г̇умб̣ам̣ маханд̇ам̣ висамам̣ гарзяяум̣, д̇асмаа д̇амагаран̣ад̇т̇ам̣ яуд̇д̇ид̇о жа ааг̇амад̇о жа анзгаани гааран̣аани аахарид̇ваа гат̇аяимхаад̇и.

    ‘‘Imāya saṅghāṭiyā kathinaṃ attharāmī’’tiādikā pana atthārakiriyā apalokanādīsu catūsu saṅghakammesu appaviṭṭhā, adhiṭṭhānādayo viya pañcānisaṃsalābhakāraṇabhūtā puggalakiriyāva hotīti vassūpanāyikakhettabhūtāya antoupacārasīmāya kātabbā, tasmā antoupacārasīmāyaṃ baddhasīmāya avijjamānāya bahiupacārasīmāyaṃ baddhasīmaṃ vā udakukkhepasattabbhantaralabhamānaṭṭhānaṃ vā gantvā ñattidutiyakammena kathinadussaṃ dāpetvā puna vihāraṃ āgantvā antoupacārasīmāyameva kathinattharaṇaṃ pubbācariyehi kataṃ, taṃ sukatameva hotīti daṭṭhabbaṃ. Evaṃ aggahetvā suddhaupacārasīmāyameva ñattidutiyakammaṃ kātabbanti gayhamāne sati tesaṃ āyasmantānaṃ diṭṭhānugatiṃ āpajjamānā sissānusissā dhuvavāsatthāya vihāradānādiapalokanakammaṃ vā uposathapavāraṇādiñattikammaṃ vā sīmāsammannanādiñattidutiyakammaṃ vā upasampadādiñatticatutthakammaṃ vā upacārasīmāyameva kareyyuṃ, evaṃ karontā bhagavato sāsane mahantaṃ jaṭaṃ mahantaṃ gumbaṃ mahantaṃ visamaṃ kareyyuṃ, tasmā tamakaraṇatthaṃ yuttito ca āgamato ca anekāni kāraṇāni āharitvā kathayimhāti.

    саасанз г̇ааравам̣ гад̇ваа, сад̣̇д̇хаммассаануломад̇о;

    Sāsane gāravaṃ katvā, saddhammassānulomato;

    маяаа гад̇ам̣ винижчаяам̣, саммаа жинд̇знд̇у саад̇хаво.

    Mayā kataṃ vinicchayaṃ, sammā cintentu sādhavo.

    бунаббунам̣ вижинд̇зд̇ваа, яуд̇д̇ам̣ жз ход̇и г̇ан̣ханд̇у;

    Punappunaṃ vicintetvā, yuttaṃ ce hoti gaṇhantu;

    но жз яуд̇д̇ам̣ маа г̇ан̣ханд̇у, саммаасамб̣уд̣̇д̇хасаавагаад̇и.

    No ce yuttaṃ mā gaṇhantu, sammāsambuddhasāvakāti.

    ид̇о барааниби гааран̣асаад̇хагаани аахаранд̇и аажарияаа, д̇зсам̣ бадиважанзна ад̇ивид̇т̇ааро бхависсад̇и, убажаарасиймааяа жад̇уннам̣ сан̇гхагаммаанам̣ гад̇адтаанабхааво буб̣б̣з вуд̇д̇ова, д̇асмаа д̇ам̣ важанам̣ манаси гад̇ваа сам̣саяам̣ агад̇ваа д̇хаарзд̇аб̣б̣од̇и.

    Ito parānipi kāraṇasādhakāni āharanti ācariyā, tesaṃ paṭivacanena ativitthāro bhavissati, upacārasīmāya catunnaṃ saṅghakammānaṃ kataṭṭhānabhāvo pubbe vuttova, tasmā taṃ vacanaṃ manasi katvā saṃsayaṃ akatvā dhāretabboti.

    ‘‘имааяа сан̇гхаадияаа гат̇инам̣ ад̇т̇араамий’’д̇и ваажаа бхинд̣̇ид̇аб̣б̣аад̇и гим̣ зд̇д̇агзна важийбхзд̣̇зна гат̇инам̣ ад̇т̇ад̇ам̣ ход̇и, уд̣̇ааху ан̃н̃о гожи гааяавигааро гаад̇аб̣б̣о? на гаад̇аб̣б̣о. зд̇д̇агзнзва хи важийбхзд̣̇зна ад̇т̇ад̇ам̣ ход̇и, гат̇инам̣. вуд̇д̇ан̃хзд̇ам̣ бариваарз (бари. 408) ‘‘ад̇т̇ааро згзна д̇хаммзна сан̇г̇ахид̇о важийбхзд̣̇знаа’’д̇и.

    ‘‘Imāya saṅghāṭiyā kathinaṃ attharāmī’’ti vācā bhinditabbāti kiṃ ettakena vacībhedena kathinaṃ atthataṃ hoti, udāhu añño koci kāyavikāro kātabbo? Na kātabbo. Ettakeneva hi vacībhedena atthataṃ hoti, kathinaṃ. Vuttañhetaṃ parivāre (pari. 408) ‘‘atthāro ekena dhammena saṅgahito vacībhedenā’’ti.

    звам̣ гат̇инад̇т̇аарам̣ д̣̇ассзд̇ваа анумод̣̇аабанаанумод̣̇анз д̣̇ассзнд̇о ‘‘д̇зна гат̇инад̇т̇аарагзнаа’’д̇иаад̣̇имааха. д̇ад̇т̇а язна бхигкунаа ‘‘имааяа сан̇гхаадияаа гат̇инам̣ ад̇т̇араамий’’д̇иаад̣̇инаа важийбхзд̣̇зна гат̇инам̣ ад̇т̇ад̇ам̣, д̇зна ‘‘гат̇инасса ад̇т̇аараа баннараса д̇хаммаа ж̇ааяанд̇ий’’д̇и бариваарз (бари. 403) ааг̇ад̇ад̇д̇аа гат̇инад̇т̇аарзна сахзва бан̃жа аанисам̣саа ааг̇ад̇аа, ат̇а гасмаа сан̇гхам̣ анумод̣̇аабзд̇ийд̇и? гин̃жааби ад̇т̇аарагасса бхигкуно бан̃жа аанисам̣саа ааг̇ад̇аа, сан̇гхасса бана анааг̇ад̇аа, д̇асмаа сан̇гхасса жа ааг̇аманад̇т̇ам̣ сан̇гхам̣ анумод̣̇аабзд̇и, сан̇гхо жа анумод̣̇анам̣ гарод̇и, звам̣ гад̇з убхиннамби аанисам̣саа ааг̇ад̇аа хонд̇и. вуд̇д̇ан̃хзд̇ам̣ бариваарз (бари. 403) ‘‘д̣̇виннам̣ буг̇г̇алаанам̣ ад̇т̇ад̇ам̣ ход̇и гат̇инам̣ ад̇т̇аарагасса жа анумод̣̇агасса жаа’’д̇и. зд̇т̇а жа гат̇инад̇т̇аарагабхигкуд̇о вуд̣дхад̇аро бхигку д̇асмим̣ сан̇гхз ад̇т̇и, ид̇ха вуд̇д̇анаязна ад̇т̇аарагзна ‘‘бханд̇з’’д̇и вад̇д̇аб̣б̣ам̣, анумод̣̇агзна ‘‘аавусо’’д̇и. яад̣̇и бана гат̇инад̇т̇аараго бхигку саб̣б̣зсам̣ вуд̣дхад̇аро ход̇и, д̇зна ‘‘аавусо’’д̇и вад̇д̇аб̣б̣ам̣, ид̇арзхи ‘‘бханд̇з’’д̇и, звам̣ сзсанаяад̣̇ваязби. звам̣ саб̣б̣зсам̣ ад̇т̇ад̇ам̣ ход̇и гат̇инанд̇и. имзсу бана сан̇гхабуг̇г̇алзсу яз д̇асмим̣ вихаарз буримигааяа вассам̣ убаг̇анд̇ваа батамабавааран̣ааяа баваарид̇аа, д̇зязва анумод̣̇ид̇ум̣ лабханд̇и, чиннавассаа ваа бажчимигааяа убаг̇ад̇аа ваа ан̃н̃асмим̣ вихаарз вуд̇т̇авассаа ваа на лабханд̇и, ананумод̣̇анд̇ааби аанисам̣сам̣ на лабханд̇и.

    Evaṃ kathinatthāraṃ dassetvā anumodāpanaanumodane dassento ‘‘tena kathinatthārakenā’’tiādimāha. Tattha yena bhikkhunā ‘‘imāya saṅghāṭiyā kathinaṃ attharāmī’’tiādinā vacībhedena kathinaṃ atthataṃ, tena ‘‘kathinassa atthārā pannarasa dhammā jāyantī’’ti parivāre (pari. 403) āgatattā kathinatthārena saheva pañca ānisaṃsā āgatā, atha kasmā saṅghaṃ anumodāpetīti? Kiñcāpi atthārakassa bhikkhuno pañca ānisaṃsā āgatā, saṅghassa pana anāgatā, tasmā saṅghassa ca āgamanatthaṃ saṅghaṃ anumodāpeti, saṅgho ca anumodanaṃ karoti, evaṃ kate ubhinnampi ānisaṃsā āgatā honti. Vuttañhetaṃ parivāre (pari. 403) ‘‘dvinnaṃ puggalānaṃ atthataṃ hoti kathinaṃ atthārakassa ca anumodakassa cā’’ti. Ettha ca kathinatthārakabhikkhuto vuḍḍhataro bhikkhu tasmiṃ saṅghe atthi, idha vuttanayena atthārakena ‘‘bhante’’ti vattabbaṃ, anumodakena ‘‘āvuso’’ti. Yadi pana kathinatthārako bhikkhu sabbesaṃ vuḍḍhataro hoti, tena ‘‘āvuso’’ti vattabbaṃ, itarehi ‘‘bhante’’ti, evaṃ sesanayadvayepi. Evaṃ sabbesaṃ atthataṃ hoti kathinanti. Imesu pana saṅghapuggalesu ye tasmiṃ vihāre purimikāya vassaṃ upagantvā paṭhamapavāraṇāya pavāritā, teyeva anumodituṃ labhanti, chinnavassā vā pacchimikāya upagatā vā aññasmiṃ vihāre vutthavassā vā na labhanti, ananumodantāpi ānisaṃsaṃ na labhanti.

    звам̣ гат̇инад̇т̇аарам̣ д̣̇ассзд̇ваа ид̣̇аани жийваравибхааг̇ам̣ д̣̇ассзд̇ум̣ ‘‘звам̣ ад̇т̇ад̇з бана гат̇инз’’д̇иаад̣̇имааха. д̇ад̇т̇а сажз гат̇инажийварзна сад̣̇д̇хим̣ аабхад̇ам̣ аанисам̣санд̇и иминаа згам̣ ад̇т̇ад̇ажийварамзва гат̇инажийварам̣ наама, д̇ад̇о ан̃н̃ам̣ д̇зна сад̣̇д̇хим̣ аабхад̇ам̣ саб̣б̣ам̣ жийварам̣ гат̇инаанисам̣сажийварам̣ наамаад̇и д̣̇ассзд̇и. вагкад̇и хи ‘‘авасзсагат̇инаанисам̣сз б̣алававад̇т̇ааний’’д̇иаад̣̇и. д̇зна н̃ааяад̇и ‘‘вад̇т̇амзва ид̇ха аанисам̣со наама, на аг̇гхо, гат̇инасаадагзна сад̣̇д̇хим̣ аабхад̇аанам̣ ан̃н̃асаадагаанам̣ б̣ахулавасзна ад̇т̇арид̇аб̣б̣ам̣, на гат̇инасаадагасса махаг̇гхавасзнаа’’д̇и. бхигкусан̇гхо аниссаро, ад̇т̇ад̇агат̇ино бхигкуязва иссаро. гасмаа? д̣̇ааяагзхи вижаарид̇ад̇д̇аа. бхигкусан̇гхо иссаро, гасмаа? д̣̇ааяагзхи авижаарид̇ад̇д̇аа, муулагат̇инасса жа сан̇гхз д̣̇иннад̇д̇аа. авасзсагат̇инаанисам̣сзд̇и д̇асса д̣̇иннавад̇т̇зхи авасзсагат̇инаанисам̣савад̇т̇з. б̣алававад̇т̇аанийд̇и ад̇т̇арид̇аб̣б̣агат̇инасаадагам̣язва ахад̇ам̣ ваа ахад̇агаббам̣ ваа д̣̇аад̇ум̣ ваддад̇и, аанисам̣сажийварам̣ бана яат̇аасад̇д̇и яат̇ааб̣алам̣ бураан̣ам̣ ваа абхинавам̣ ваа д̣̇уб̣б̣алам̣ ваа б̣алавам̣ ваа д̣̇аад̇ум̣ ваддад̇и, д̇асмаа д̇зсу д̣̇уб̣б̣алавад̇т̇з тид̇игааяа д̣̇иннз лад̣̇д̇хабхигкусса убагаарагам̣ на ход̇и, д̇асмаа убагааран̣аяог̇г̇аани б̣алававад̇т̇аани д̣̇аад̇аб̣б̣аанийд̇и ад̇хиббааяо. вассааваасигатид̇игааяа д̣̇аад̇аб̣б̣аанийд̇и яад̇д̇агаа бхигкуу вассааваасигажийварам̣ лабхим̣су, д̇з табзд̇ваа д̇зсам̣ хздтад̇о бадтааяа яат̇ааггамам̣ д̣̇аад̇аб̣б̣аани. т̇зраасанад̇о бадтааяаад̇и яад̇д̇агаа бхигкуу д̇иссам̣ гат̇инад̇т̇ад̇асиймааяам̣ санд̇и, д̇зсу ж̇здтагабхигкуд̇о бадтааяа д̣̇аад̇аб̣б̣аани. аасанаг̇г̇ахан̣ам̣ бана яат̇аавуд̣дхам̣ нисиннз санд̇хааяа гад̇ам̣. зд̇зна вассааваасигагат̇инаанисам̣саанам̣ самаанаг̇ад̇игад̇ам̣ д̣̇ийбзд̇и. г̇арубхан̣д̣ам̣ на бхааж̇зд̇аб̣б̣анд̇и гат̇инасаадагзна сад̣̇д̇хим̣ аабхад̇зсу ман̃жабийтаад̣̇игам̣ г̇арубхан̣д̣ам̣ на бхааж̇зд̇аб̣б̣ам̣, сан̇гхигавасзнзва барибхун̃ж̇ид̇аб̣б̣анд̇и ад̇т̇о. д̇ад̇т̇а г̇арубхан̣д̣авинижчаяо ананд̇арагат̇ааяам̣ аави бхависсад̇и.

    Evaṃ kathinatthāraṃ dassetvā idāni cīvaravibhāgaṃ dassetuṃ ‘‘evaṃ atthate pana kathine’’tiādimāha. Tattha sace kathinacīvarena saddhiṃ ābhataṃ ānisaṃsanti iminā ekaṃ atthatacīvarameva kathinacīvaraṃ nāma, tato aññaṃ tena saddhiṃ ābhataṃ sabbaṃ cīvaraṃ kathinānisaṃsacīvaraṃ nāmāti dasseti. Vakkhati hi ‘‘avasesakathinānisaṃse balavavatthānī’’tiādi. Tena ñāyati ‘‘vatthameva idha ānisaṃso nāma, na aggho, kathinasāṭakena saddhiṃ ābhatānaṃ aññasāṭakānaṃ bahulavasena attharitabbaṃ, na kathinasāṭakassa mahagghavasenā’’ti. Bhikkhusaṅgho anissaro, atthatakathino bhikkhuyeva issaro. Kasmā? Dāyakehi vicāritattā. Bhikkhusaṅgho issaro, kasmā? Dāyakehi avicāritattā, mūlakathinassa ca saṅghe dinnattā. Avasesakathinānisaṃseti tassa dinnavatthehi avasesakathinānisaṃsavatthe. Balavavatthānīti attharitabbakathinasāṭakaṃyeva ahataṃ vā ahatakappaṃ vā dātuṃ vaṭṭati, ānisaṃsacīvaraṃ pana yathāsatti yathābalaṃ purāṇaṃ vā abhinavaṃ vā dubbalaṃ vā balavaṃ vā dātuṃ vaṭṭati, tasmā tesu dubbalavatthe ṭhitikāya dinne laddhabhikkhussa upakārakaṃ na hoti, tasmā upakāraṇayoggāni balavavatthāni dātabbānīti adhippāyo. Vassāvāsikaṭhitikāya dātabbānīti yattakā bhikkhū vassāvāsikacīvaraṃ labhiṃsu, te ṭhapetvā tesaṃ heṭṭhato paṭṭhāya yathākkamaṃ dātabbāni. Therāsanato paṭṭhāyāti yattakā bhikkhū tissaṃ kathinatthatasīmāyaṃ santi, tesu jeṭṭhakabhikkhuto paṭṭhāya dātabbāni. Āsanaggahaṇaṃ pana yathāvuḍḍhaṃ nisinne sandhāya kataṃ. Etena vassāvāsikakathinānisaṃsānaṃ samānagatikataṃ dīpeti. Garubhaṇḍaṃ na bhājetabbanti kathinasāṭakena saddhiṃ ābhatesu mañcapīṭhādikaṃ garubhaṇḍaṃ na bhājetabbaṃ, saṅghikavaseneva paribhuñjitabbanti attho. Tattha garubhaṇḍavinicchayo anantarakathāyaṃ āvi bhavissati.

    имасмим̣ бана таанз вад̇д̇аб̣б̣ам̣ ад̇т̇и. гат̇ам̣? ид̣̇аани бхигкуу гат̇инаанисам̣сажийварам̣ гусабаад̇ам̣ гад̇ваа вибхаж̇анд̇и, д̇ам̣ яуд̇д̇ам̣ вияа на д̣̇иссад̇ийд̇и. гасмаад̇и жз? ‘‘авасзсагат̇инаанисам̣сз б̣алававад̇т̇аани вассааваасигатид̇игааяа д̣̇аад̇аб̣б̣аани, тид̇игааяа абхаавз т̇зраасанад̇о бадтааяа д̣̇аад̇аб̣б̣ааний’’д̇и важанад̇од̇и. звам̣ санд̇з гад̇т̇а гусабаад̇о гаад̇аб̣б̣од̇и? бхан̣д̣ааг̇аарз табид̇ажийварзд̇и. гат̇ам̣ вин̃н̃ааяад̇ийд̇и жз? ‘‘уссаннам̣ ход̇ийд̇и б̣аху раасигад̇ам̣ ход̇и, бхан̣д̣ааг̇аарам̣ на г̇ан̣хаад̇и. саммукийбхууд̇знаад̇и анд̇оубажаарасиймааяам̣ тид̇зна. бхааж̇зд̇унд̇и гаалам̣ гхосаабзд̇ваа бадибаадияаа бхааж̇зд̇ум̣…бз… звам̣ табид̇зсу жийварабадивийсзсу гусо баад̇зд̇аб̣б̣о’’д̇и адтагат̇ааяам̣ (махаава. адта. 343) вуд̇д̇ад̇д̇аа, д̇асмаа имиссам̣ адтагат̇ааяам̣ вуд̇д̇анаязнзва бхааж̇зд̇аб̣б̣анд̇и амхаагам̣ канд̇и.

    Imasmiṃ pana ṭhāne vattabbaṃ atthi. Kathaṃ? Idāni bhikkhū kathinānisaṃsacīvaraṃ kusapātaṃ katvā vibhajanti, taṃ yuttaṃ viya na dissatīti. Kasmāti ce? ‘‘Avasesakathinānisaṃse balavavatthāni vassāvāsikaṭhitikāya dātabbāni, ṭhitikāya abhāve therāsanato paṭṭhāya dātabbānī’’ti vacanatoti. Evaṃ sante kattha kusapāto kātabboti? Bhaṇḍāgāre ṭhapitacīvareti. Kathaṃ viññāyatīti ce? ‘‘Ussannaṃ hotīti bahu rāsikataṃ hoti, bhaṇḍāgāraṃ na gaṇhāti. Sammukhībhūtenāti antoupacārasīmāyaṃ ṭhitena. Bhājetunti kālaṃ ghosāpetvā paṭipāṭiyā bhājetuṃ…pe… evaṃ ṭhapitesu cīvarapaṭivīsesu kuso pātetabbo’’ti aṭṭhakathāyaṃ (mahāva. aṭṭha. 343) vuttattā, tasmā imissaṃ aṭṭhakathāyaṃ vuttanayeneva bhājetabbanti amhākaṃ khanti.

    згажжз бана бхигкуу згзгасса згзгасмим̣ жийварз аббахонд̇з жийварам̣ баривад̇д̇зд̇ваа агаббияавад̇т̇ум̣ г̇ахзд̇ваа бхааж̇знд̇и, д̇ам̣ ад̇иол̣ааригамзва. ан̃н̃зби згажжаанам̣ жийвараанам̣ махаг̇гхад̇ааяа згажжаанам̣ аббаг̇гхад̇ааяа самаг̇гхам̣ гаад̇ум̣ на саггаад̇и д̇ат̇зва гаронд̇и, д̇амби ол̣ааригамзва. д̇ад̇т̇а хи агаббияавад̇т̇унаа баривад̇д̇анзби д̇асса вижааран̣зби бхааг̇аг̇г̇ахан̣зби аабад̇д̇иязва ход̇и. згз ‘‘гат̇инам̣ наама д̣̇уб̣б̣ижааран̣ийяа’’нд̇и вад̇ваа ад̇т̇аран̣ам̣ на гаронд̇и, буг̇г̇алигавасзнзва яат̇ааж̇жхаасаяам̣ вижаарзнд̇и, д̇ам̣ бана яад̣̇и д̣̇ааяагзхи буг̇г̇алассзва д̣̇иннам̣, буг̇г̇алзна жа сан̇гхасса абарижжаж̇ид̇ам̣, звам̣ сад̇и ад̇д̇ано санд̇агад̇д̇аа яуд̇д̇ам̣ вияа д̣̇иссад̇и. яад̣̇и бана сан̇гхасса ваа г̇ан̣асса ваа д̣̇иннам̣, буг̇г̇аласса д̣̇иннзби сан̇гхасса ваа г̇ан̣асса ваа барижжаж̇ид̇ам̣, звам̣ санд̇з сан̇гхаг̇ан̣аанам̣ санд̇агад̇д̇аа аяуд̇д̇ам̣ бхавзяяа. абарз бана гат̇инавасзна бадиг̇г̇ахид̇з вижаарзд̇ум̣ д̣̇уггаранд̇и ман̃н̃амаанаа ‘‘на маяам̣ гат̇инавасзна бадиг̇г̇ан̣хаама, вассааваасигабхаавзнзва бадиг̇г̇ан̣хаамаа’’д̇и вад̇ваа яат̇ааружи вижаарзнд̇и, д̇амби аяуд̇д̇ам̣. вассааваасигамби хи сан̇гхасса д̣̇иннам̣ сан̇гхигам̣ ход̇иязва, буг̇г̇аласса д̣̇иннам̣ буг̇г̇алигам̣. гат̇ам̣ вин̃н̃ааяад̇ийд̇и жз? ‘‘сажз бана д̇зсам̣ сзнаасанз бам̣сугуулиго васад̇и, ааг̇ад̇ан̃жа д̇ам̣ д̣̇исваа ‘д̇умхаагам̣ вассааваасигам̣ д̣̇змаа’д̇и вад̣̇анд̇и, д̇зна сан̇гхасса аажигкид̇аб̣б̣ам̣. сажз д̇аани гулаани сан̇гхасса д̣̇аад̇ум̣ на ижчанд̇и, ‘д̇умхаагам̣язва д̣̇змаа’д̇и вад̣̇анд̇и, сабхааг̇о бхигку ‘вад̇д̇ам̣ гад̇ваа г̇ан̣хаахий’д̇и вад̇д̇аб̣б̣о, бам̣сугуулигасса банзд̇ам̣ на ваддад̇ий’’д̇и адтагат̇ааяам̣ (жуул̣ава. адта. 318; ви. сан̇г̇а. адта. 219) вуд̇д̇ад̇д̇аа.

    Ekacce pana bhikkhū ekekassa ekekasmiṃ cīvare appahonte cīvaraṃ parivattetvā akappiyavatthuṃ gahetvā bhājenti, taṃ atioḷārikameva. Aññepi ekaccānaṃ cīvarānaṃ mahagghatāya ekaccānaṃ appagghatāya samagghaṃ kātuṃ na sakkāti tatheva karonti, tampi oḷārikameva. Tattha hi akappiyavatthunā parivattanepi tassa vicāraṇepi bhāgaggahaṇepi āpattiyeva hoti. Eke ‘‘kathinaṃ nāma dubbicāraṇīya’’nti vatvā attharaṇaṃ na karonti, puggalikavaseneva yathājjhāsayaṃ vicārenti, taṃ pana yadi dāyakehi puggalasseva dinnaṃ, puggalena ca saṅghassa apariccajitaṃ, evaṃ sati attano santakattā yuttaṃ viya dissati. Yadi pana saṅghassa vā gaṇassa vā dinnaṃ, puggalassa dinnepi saṅghassa vā gaṇassa vā pariccajitaṃ, evaṃ sante saṅghagaṇānaṃ santakattā ayuttaṃ bhaveyya. Apare pana kathinavasena paṭiggahite vicāretuṃ dukkaranti maññamānā ‘‘na mayaṃ kathinavasena paṭiggaṇhāma, vassāvāsikabhāveneva paṭiggaṇhāmā’’ti vatvā yathāruci vicārenti, tampi ayuttaṃ. Vassāvāsikampi hi saṅghassa dinnaṃ saṅghikaṃ hotiyeva, puggalassa dinnaṃ puggalikaṃ. Kathaṃ viññāyatīti ce? ‘‘Sace pana tesaṃ senāsane paṃsukūliko vasati, āgatañca taṃ disvā ‘tumhākaṃ vassāvāsikaṃ demā’ti vadanti, tena saṅghassa ācikkhitabbaṃ. Sace tāni kulāni saṅghassa dātuṃ na icchanti, ‘tumhākaṃyeva demā’ti vadanti, sabhāgo bhikkhu ‘vattaṃ katvā gaṇhāhī’ti vattabbo, paṃsukūlikassa panetaṃ na vaṭṭatī’’ti aṭṭhakathāyaṃ (cūḷava. aṭṭha. 318; vi. saṅga. aṭṭha. 219) vuttattā.

    вассааваасигам̣ д̣̇увид̇хам̣ сад̣̇д̇хаад̣̇зяяад̇ад̇руббаад̣̇авасзна. вуд̇д̇ан̃хи адтагат̇ааяам̣ (жуул̣ава. адта. 318) ‘‘ид̇и сад̣̇д̇хаад̣̇зяяз д̣̇ааяагамануссаа бужчид̇аб̣б̣аа, д̇ад̇руббаад̣̇з бана габбияагаарагаа бужчид̇аб̣б̣аа’’д̇и. сад̣̇д̇хаад̣̇зяяавассааваасигамби савихаараавихааравасзна д̣̇увид̇хам̣. вуд̇д̇ан̃хзд̇ам̣ адтагат̇ааяам̣ (жуул̣ава. адта. 318) ‘‘махаабад̣̇умад̇т̇зро банааха на звам̣ гаад̇аб̣б̣ам̣. мануссаа хи ад̇д̇ано ааваасабадиж̇аг̇г̇анад̇т̇ааяа бажжаяам̣ д̣̇знд̇и, д̇асмаа ан̃н̃зхи бхигкуухи д̇ад̇т̇а бависид̇аб̣б̣а’’нд̇и, ‘‘язсам̣ бана сзнаасанам̣ над̇т̇и, гзвалам̣ бажжаяамзва д̣̇знд̇и, д̇зсам̣ бажжаяам̣ авассааваасигз сзнаасанз г̇аахзд̇ум̣ ваддад̇ий’’д̇и жа. д̇ад̇руббаад̣̇авассааваасигам̣ наама габбияагаарагаанам̣ хад̇т̇з габбияавад̇т̇убаабхун̃ж̇анад̇т̇ааяа д̣̇иннавад̇т̇уд̇о ниб̣б̣ад̇д̇ам̣. вуд̇д̇амби жзд̇ам̣ адтагат̇ааяам̣ (жуул̣ава. адта. 318) ‘‘габбияагаарагаанан̃хи хад̇т̇з ‘габбияабхан̣д̣ам̣ барибхун̃ж̇ат̇аа’д̇и д̣̇иннавад̇т̇уд̇о яам̣ яам̣ габбияам̣, д̇ам̣ саб̣б̣ам̣ барибхун̃ж̇ид̇ум̣ анун̃н̃аад̇а’’нд̇и. звам̣ вассааваасигажийварамби буб̣б̣з язбхуяязна сан̇гхассзва д̣̇знд̇и, д̇асмаа ‘‘гат̇инажийварам̣ д̣̇змаа’’д̇и вуд̇д̇з гат̇инажийварабхаавзна бадиг̇г̇ахзд̇аб̣б̣ам̣, ‘‘вассааваасигам̣ д̣̇змаа’’д̇и вуд̇д̇з вассааваасигажийварабхаавзнзва бадиг̇г̇ахзд̇аб̣б̣ам̣. гасмаа? ‘‘яат̇аа д̣̇ааяагаа вад̣̇анд̇и, д̇ат̇аа бадибаж̇ж̇ид̇аб̣б̣а’’нд̇и (жуул̣ава. адта. 325) важанад̇о.

    Vassāvāsikaṃ duvidhaṃ saddhādeyyatatruppādavasena. Vuttañhi aṭṭhakathāyaṃ (cūḷava. aṭṭha. 318) ‘‘iti saddhādeyye dāyakamanussā pucchitabbā, tatruppāde pana kappiyakārakā pucchitabbā’’ti. Saddhādeyyavassāvāsikampi savihārāvihāravasena duvidhaṃ. Vuttañhetaṃ aṭṭhakathāyaṃ (cūḷava. aṭṭha. 318) ‘‘mahāpadumatthero panāha na evaṃ kātabbaṃ. Manussā hi attano āvāsapaṭijagganatthāya paccayaṃ denti, tasmā aññehi bhikkhūhi tattha pavisitabba’’nti, ‘‘yesaṃ pana senāsanaṃ natthi, kevalaṃ paccayameva denti, tesaṃ paccayaṃ avassāvāsike senāsane gāhetuṃ vaṭṭatī’’ti ca. Tatruppādavassāvāsikaṃ nāma kappiyakārakānaṃ hatthe kappiyavatthupaabhuñjanatthāya dinnavatthuto nibbattaṃ. Vuttampi cetaṃ aṭṭhakathāyaṃ (cūḷava. aṭṭha. 318) ‘‘kappiyakārakānañhi hatthe ‘kappiyabhaṇḍaṃ paribhuñjathā’ti dinnavatthuto yaṃ yaṃ kappiyaṃ, taṃ sabbaṃ paribhuñjituṃ anuññāta’’nti. Evaṃ vassāvāsikacīvarampi pubbe yebhuyyena saṅghasseva denti, tasmā ‘‘kathinacīvaraṃ demā’’ti vutte kathinacīvarabhāvena paṭiggahetabbaṃ, ‘‘vassāvāsikaṃ demā’’ti vutte vassāvāsikacīvarabhāveneva paṭiggahetabbaṃ. Kasmā? ‘‘Yathā dāyakā vadanti, tathā paṭipajjitabba’’nti (cūḷava. aṭṭha. 325) vacanato.

    гин̃жи авад̇ваа хад̇т̇з ваа баад̣̇амуулз ваа табзд̇ваа г̇ад̇з гим̣ гаад̇аб̣б̣анд̇и? д̇ад̇т̇а сажз ‘‘ид̣̇ам̣ вад̇т̇у жзд̇ияасса ваа сан̇гхасса ваа барабуг̇г̇аласса ваа ад̇т̇ааяа барин̣ад̇а’’нд̇и ж̇аанзяяа, д̇зсам̣ ад̇т̇ааяа бадиг̇г̇ахзд̇аб̣б̣ам̣. ат̇а ‘‘мамад̇т̇ааяа барин̣ад̇а’’нд̇и ж̇аанзяяа, ад̇д̇ано ад̇т̇ааяа бадиг̇г̇ахзд̇аб̣б̣ам̣. вуд̇д̇ан̃хзд̇ам̣ бариваарз (бари. 329) ‘‘нава ад̇хаммигад̣̇аанааний’’д̇иаад̣̇и. ат̇а на гин̃жи ж̇аанзяяа, ад̇д̇ано хад̇т̇з ваа баад̣̇амуулз ваа гин̃жи авад̇ваа табид̇ам̣ д̇ассзва буг̇г̇алигам̣ ход̇и. на хи жзд̇ияаад̣̇ийнам̣ ад̇т̇ааяа барин̣ад̇ам̣ гин̃жи авад̇ваа бхигкусса хад̇т̇з ваа баад̣̇амуулз ваа табзд̇ийд̇и. вуд̇д̇ан̃хзд̇ам̣ саманд̇абаасаад̣̇игааяам̣ (махаава. адта. 379) ‘‘буг̇г̇аласса д̣̇зд̇ийд̇и ‘имам̣ жийварам̣ ид̇т̇аннаамасса д̣̇аммий’д̇и звам̣ бараммукаа ваа баад̣̇амуулз табзд̇ваа ‘имам̣, бханд̇з, д̇умхаагам̣ д̣̇аммий’д̇и звам̣ саммукаа ваа д̣̇зд̇ий’’д̇иаад̣̇и.

    Kiñci avatvā hatthe vā pādamūle vā ṭhapetvā gate kiṃ kātabbanti? Tattha sace ‘‘idaṃ vatthu cetiyassa vā saṅghassa vā parapuggalassa vā atthāya pariṇata’’nti jāneyya, tesaṃ atthāya paṭiggahetabbaṃ. Atha ‘‘mamatthāya pariṇata’’nti jāneyya, attano atthāya paṭiggahetabbaṃ. Vuttañhetaṃ parivāre (pari. 329) ‘‘nava adhammikadānānī’’tiādi. Atha na kiñci jāneyya, attano hatthe vā pādamūle vā kiñci avatvā ṭhapitaṃ tasseva puggalikaṃ hoti. Na hi cetiyādīnaṃ atthāya pariṇataṃ kiñci avatvā bhikkhussa hatthe vā pādamūle vā ṭhapetīti. Vuttañhetaṃ samantapāsādikāyaṃ (mahāva. aṭṭha. 379) ‘‘puggalassa detīti ‘imaṃ cīvaraṃ itthannāmassa dammī’ti evaṃ parammukhā vā pādamūle ṭhapetvā ‘imaṃ, bhante, tumhākaṃ dammī’ti evaṃ sammukhā vā detī’’tiādi.

    ‘‘имиссам̣ адтагат̇ааяам̣ вуд̇д̇анаязнзва бхааж̇зд̇аб̣б̣а’’нд̇и вуд̇д̇ам̣, гат̇ам̣ бхааж̇зд̇аб̣б̣анд̇и? ‘‘авасзсагат̇инаанисам̣сз б̣алававад̇т̇аани вассааваасигатид̇игааяа д̣̇аад̇аб̣б̣ааний’’д̇и вуд̇д̇ад̇д̇аа яз бхигкуу имасмим̣ вассз вассааваасигам̣ на лабхим̣су, д̇зсам̣ хздтад̇о бадтааяа згзгам̣ жийварам̣ ваа саадагам̣ ваа д̣̇аад̇аб̣б̣ам̣. ат̇а жийвараанам̣ ваа саадагаанам̣ ваа авасидтзсу санд̇зсу буна т̇зраасанад̇о бадтааяа д̣̇уд̇ияабхааг̇о д̣̇аад̇аб̣б̣о. д̇ад̇о жийварзсу ваа саадагзсу ваа кийн̣зсу яз лабханд̇и, д̇зсу бажчимасса вассаад̣̇ийни саллагкзд̇аб̣б̣аани. на гзвалам̣ д̇асмим̣ гат̇инад̇т̇ад̇ад̣̇ивасз д̣̇иннад̣̇уссаани зва гат̇инаанисам̣саани наама хонд̇и, ат̇а ко яаава гат̇инасса уб̣бхаараа сан̇гхам̣ уд̣̇д̣̇исса д̣̇иннажийварааниби сан̇гхигзна д̇ад̇руббаад̣̇зна аараамигзхи аабхад̇ажийварааниби гат̇инаанисам̣сааниязва хонд̇и. д̇асмаа д̇аад̣̇исзсу жийварзсу уббаж̇ж̇амаанзсу яат̇аавуд̇д̇асаллагкид̇авассасса бхигкуно хздтад̇о бадтааяа бунаббунам̣ г̇аахзд̇аб̣б̣ам̣. ‘‘тид̇игааяа абхаавз т̇зраасанад̇о бадтааяа д̣̇аад̇аб̣б̣ааний’’д̇и (махаава. адта. 306) важанад̇о д̇асмим̣ вассз вассааваасигажийвараанам̣ ануббаж̇ж̇анад̇о ваа уббаж̇ж̇амаанзсуби тид̇игааяа аг̇аахаабанад̇о ваа вассааваасигатид̇игааяа абхаавз сад̇и лад̣̇д̇хаб̣б̣агат̇инаанисам̣сз д̇ассам̣ убажаарасиймааяам̣ саб̣б̣з бхигкуу бадибаадияаа нисийд̣̇аабзд̇ваа т̇зраасанад̇о бадтааяа тид̇игам̣ гад̇ваа згзгасса бхигкуно згзгам̣ жийварам̣ ваа саадагам̣ ваа д̣̇аад̇аб̣б̣ам̣. сан̇гханавагасса д̣̇аанагаалзби махаат̇зраа ааг̇ажчанд̇и, ‘‘бханд̇з, вийсад̇ивассаанам̣ д̣̇ийяад̇и, д̇умхаагам̣ тид̇игаа ад̇игганд̇аа’’д̇и на вад̇д̇аб̣б̣аа, тид̇игам̣ табзд̇ваа д̇зсам̣ д̣̇ад̇ваа бажчаа тид̇игааяа д̣̇аад̇аб̣б̣ам̣. д̣̇уд̇ияабхааг̇з бана т̇зраасанам̣ аарул̣хз бажчаа ааг̇ад̇аанам̣ батамабхааг̇о на баабун̣аад̇и, д̣̇уд̇ияабхааг̇ад̇о вассаг̇г̇зна д̣̇аад̇аб̣б̣о. аяам̣ тид̇игаавижааро жад̇убажжаяабхааж̇анагат̇аад̇о (ви. сан̇г̇а. адта. 202) г̇ахзд̇аб̣б̣од̇и.

    ‘‘Imissaṃ aṭṭhakathāyaṃ vuttanayeneva bhājetabba’’nti vuttaṃ, kathaṃ bhājetabbanti? ‘‘Avasesakathinānisaṃse balavavatthāni vassāvāsikaṭhitikāya dātabbānī’’ti vuttattā ye bhikkhū imasmiṃ vasse vassāvāsikaṃ na labhiṃsu, tesaṃ heṭṭhato paṭṭhāya ekekaṃ cīvaraṃ vā sāṭakaṃ vā dātabbaṃ. Atha cīvarānaṃ vā sāṭakānaṃ vā avasiṭṭhesu santesu puna therāsanato paṭṭhāya dutiyabhāgo dātabbo. Tato cīvaresu vā sāṭakesu vā khīṇesu ye labhanti, tesu pacchimassa vassādīni sallakkhetabbāni. Na kevalaṃ tasmiṃ kathinatthatadivase dinnadussāni eva kathinānisaṃsāni nāma honti, atha kho yāva kathinassa ubbhārā saṅghaṃ uddissa dinnacīvarānipi saṅghikena tatruppādena ārāmikehi ābhatacīvarānipi kathinānisaṃsāniyeva honti. Tasmā tādisesu cīvaresu uppajjamānesu yathāvuttasallakkhitavassassa bhikkhuno heṭṭhato paṭṭhāya punappunaṃ gāhetabbaṃ. ‘‘Ṭhitikāya abhāve therāsanato paṭṭhāya dātabbānī’’ti (mahāva. aṭṭha. 306) vacanato tasmiṃ vasse vassāvāsikacīvarānaṃ anuppajjanato vā uppajjamānesupi ṭhitikāya agāhāpanato vā vassāvāsikaṭhitikāya abhāve sati laddhabbakathinānisaṃse tassaṃ upacārasīmāyaṃ sabbe bhikkhū paṭipāṭiyā nisīdāpetvā therāsanato paṭṭhāya ṭhitikaṃ katvā ekekassa bhikkhuno ekekaṃ cīvaraṃ vā sāṭakaṃ vā dātabbaṃ. Saṅghanavakassa dānakālepi mahātherā āgacchanti, ‘‘bhante, vīsativassānaṃ dīyati, tumhākaṃ ṭhitikā atikkantā’’ti na vattabbā, ṭhitikaṃ ṭhapetvā tesaṃ datvā pacchā ṭhitikāya dātabbaṃ. Dutiyabhāge pana therāsanaṃ āruḷhe pacchā āgatānaṃ paṭhamabhāgo na pāpuṇāti, dutiyabhāgato vassaggena dātabbo. Ayaṃ ṭhitikāvicāro catupaccayabhājanakathāto (vi. saṅga. aṭṭha. 202) gahetabboti.

    нану жа бхо згажжаани гат̇инаанисам̣сажийвараани махаг̇гхаани, згажжаани аббаг̇гхаани хонд̇и, гат̇ам̣ згзгасса згзгасмим̣ д̣̇иннз аг̇гхасамад̇д̇ам̣ бхавзяяаад̇и? вужжад̇з – бхан̣д̣ааг̇ааражийварабхааж̇анз аг̇гхасамад̇д̇ам̣ ижчид̇аб̣б̣ам̣. д̇ат̇аа хи вуд̇д̇ам̣ жийварагканд̇хагз (махаава. 343) ‘‘д̇зна ко бана самаязна сан̇гхасса бхан̣д̣ааг̇аарз жийварам̣ уссаннам̣ ход̇и. бхаг̇авад̇о зд̇амад̇т̇ам̣ аарожзсум̣ – ануж̇аанаами, бхигкавз, саммукийбхууд̇зна сан̇гхзна бхааж̇зд̇ум̣…бз… ат̇а ко жийварабхааж̇агаанам̣ бхигкуунам̣ зд̇ад̣̇ахоси ‘гат̇ам̣ ну ко жийварам̣ бхааж̇зд̇аб̣б̣а’нд̇и. бхаг̇авад̇о зд̇амад̇т̇ам̣ аарожзсум̣ – ануж̇аанаами, бхигкавз, батамам̣ ужжинид̇ваа д̇улаяид̇ваа ван̣н̣ааван̣н̣ам̣ гад̇ваа бхигкуу г̇ан̣зд̇ваа ваг̇г̇ам̣ б̣анд̇хид̇ваа жийварабадивийсам̣ табзд̇у’’нд̇и. адтагат̇ааяан̃жа (махаава. адта. 343) ‘‘ужжинид̇ваад̇и ‘ид̣̇ам̣ т̇уулам̣, ид̣̇ам̣ сан̣хам̣, ид̣̇ам̣ гханам̣, ид̣̇ам̣ д̇анугам̣, ид̣̇ам̣ барибхуд̇д̇ам̣, ид̣̇ам̣ абарибхуд̇д̇ам̣, ид̣̇ам̣ д̣̇ийгхад̇о зд̇д̇агам̣, бут̇улад̇о зд̇д̇ага’нд̇и звам̣ вад̇т̇аани вижинид̇ваа. д̇улаяид̇ваад̇и ‘ид̣̇ам̣ зд̇д̇агам̣ аг̇гхад̇и, ид̣̇ам̣ зд̇д̇ага’нд̇и звам̣ аг̇гхабарижчзд̣̇ам̣ гад̇ваа. ван̣н̣ааван̣н̣ам̣ гад̇ваад̇и сажз саб̣б̣зсам̣ згзгамзва д̣̇асад̣̇асааг̇гханагам̣ баабун̣аад̇и, ижжзд̇ам̣ гусалам̣. но жз баабун̣аад̇и, яам̣ нава ваа адта ваа аг̇гхад̇и, д̇ам̣ ан̃н̃зна згааг̇гханагзна жа д̣̇виаг̇гханагзна жа сад̣̇д̇хим̣ б̣анд̇хид̇ваа зд̇зна убааязна самз бадивийсз табзд̇ваад̇и ад̇т̇о . бхигкуу г̇ан̣зд̇ваа ваг̇г̇ам̣ б̣анд̇хид̇ваад̇и сажз згзгасса д̣̇ийяамаанз д̣̇ивасо на баход̇и, д̣̇аса д̣̇аса бхигкуу г̇ан̣зд̇ваа д̣̇аса д̣̇аса жийварабадивийсз згаваг̇г̇ам̣ б̣анд̇хид̇ваа згам̣ бхан̣д̣игам̣ гад̇ваа звам̣ жийварабадивийсам̣ табзд̇ум̣ ануж̇аанаамийд̇и ад̇т̇о. звам̣ табид̇зсу жийварабадивийсзсу гусо баад̇зд̇аб̣б̣о’’д̇и вуд̇д̇ам̣. д̇зна н̃ааяад̇и ‘‘бхан̣д̣ааг̇ааражийварабхааж̇анз аг̇гхасамад̇д̇ам̣ ижчид̇аб̣б̣ам̣, гусабаад̇о жа гаад̇аб̣б̣о’’д̇и.

    Nanu ca bho ekaccāni kathinānisaṃsacīvarāni mahagghāni, ekaccāni appagghāni honti, kathaṃ ekekassa ekekasmiṃ dinne agghasamattaṃ bhaveyyāti? Vuccate – bhaṇḍāgāracīvarabhājane agghasamattaṃ icchitabbaṃ. Tathā hi vuttaṃ cīvarakkhandhake (mahāva. 343) ‘‘tena kho pana samayena saṅghassa bhaṇḍāgāre cīvaraṃ ussannaṃ hoti. Bhagavato etamatthaṃ ārocesuṃ – anujānāmi, bhikkhave, sammukhībhūtena saṅghena bhājetuṃ…pe… atha kho cīvarabhājakānaṃ bhikkhūnaṃ etadahosi ‘kathaṃ nu kho cīvaraṃ bhājetabba’nti. Bhagavato etamatthaṃ ārocesuṃ – anujānāmi, bhikkhave, paṭhamaṃ uccinitvā tulayitvā vaṇṇāvaṇṇaṃ katvā bhikkhū gaṇetvā vaggaṃ bandhitvā cīvarapaṭivīsaṃ ṭhapetu’’nti. Aṭṭhakathāyañca (mahāva. aṭṭha. 343) ‘‘uccinitvāti ‘idaṃ thūlaṃ, idaṃ saṇhaṃ, idaṃ ghanaṃ, idaṃ tanukaṃ, idaṃ paribhuttaṃ, idaṃ aparibhuttaṃ, idaṃ dīghato ettakaṃ, puthulato ettaka’nti evaṃ vatthāni vicinitvā. Tulayitvāti ‘idaṃ ettakaṃ agghati, idaṃ ettaka’nti evaṃ agghaparicchedaṃ katvā. Vaṇṇāvaṇṇaṃ katvāti sace sabbesaṃ ekekameva dasadasaagghanakaṃ pāpuṇāti, iccetaṃ kusalaṃ. No ce pāpuṇāti, yaṃ nava vā aṭṭha vā agghati, taṃ aññena ekaagghanakena ca dviagghanakena ca saddhiṃ bandhitvā etena upāyena same paṭivīse ṭhapetvāti attho . Bhikkhū gaṇetvā vaggaṃ bandhitvāti sace ekekassa dīyamāne divaso na pahoti, dasa dasa bhikkhū gaṇetvā dasa dasa cīvarapaṭivīse ekavaggaṃ bandhitvā ekaṃ bhaṇḍikaṃ katvā evaṃ cīvarapaṭivīsaṃ ṭhapetuṃ anujānāmīti attho. Evaṃ ṭhapitesu cīvarapaṭivīsesu kuso pātetabbo’’ti vuttaṃ. Tena ñāyati ‘‘bhaṇḍāgāracīvarabhājane agghasamattaṃ icchitabbaṃ, kusapāto ca kātabbo’’ti.

    имасмим̣ бана гат̇инаанисам̣сажийварабхааж̇анз аг̇гхасамад̇д̇ам̣ на ижчид̇аб̣б̣ам̣, гусабаад̇о жа на гаад̇аб̣б̣о. д̇ат̇аа хи вуд̇д̇ам̣ гат̇инагканд̇хагадтагат̇ааяам̣ (махаава. адта. 306) ‘‘звам̣ ад̇т̇ад̇з бана гат̇инз сажз гат̇инажийварзна сад̣̇д̇хим̣ аабхад̇ам̣ аанисам̣сам̣ д̣̇ааяагаа ‘язна амхаагам̣ гат̇инам̣ г̇ахид̇ам̣, д̇ассзва д̣̇змаа’д̇и д̣̇знд̇и, бхигкусан̇гхо аниссаро. ат̇а авижаарзд̇ваава д̣̇ад̇ваа г̇ажчанд̇и, бхигкусан̇гхо иссаро, д̇асмаа сажз гат̇инад̇т̇аарагасса сзсажийварааниби д̣̇уб̣б̣алаани хонд̇и, сан̇гхзна абалогзд̇ваа д̇зсамби ад̇т̇ааяа вад̇т̇аани д̣̇аад̇аб̣б̣аани, гаммаваажаа бана згааязва ваддад̇и. авасзсагат̇инаанисам̣сз б̣алававад̇т̇аани вассааваасигатид̇игааяа д̣̇аад̇аб̣б̣аани. тид̇игааяа абхаавз т̇зраасанад̇о бадтааяа д̣̇аад̇аб̣б̣аани’’ижжзва вуд̇д̇ам̣, на вуд̇д̇ам̣ ‘‘аг̇гхабарижчзд̣̇ам̣ гад̇ваа’’д̇и ваа ‘‘гусабаад̇о гаад̇аб̣б̣о’’д̇и ваа. д̇зна н̃ааяад̇и ‘‘гат̇инаанисам̣сажийвараани вассааваасигатид̇игааяа ваа вуд̣дхад̇арад̇о ваа бадтааязва д̣̇аад̇аб̣б̣аани, нзва аг̇гхасамад̇д̇ам̣ гаад̇аб̣б̣ам̣, на гусо баад̇зд̇аб̣б̣о’’д̇и.

    Imasmiṃ pana kathinānisaṃsacīvarabhājane agghasamattaṃ na icchitabbaṃ, kusapāto ca na kātabbo. Tathā hi vuttaṃ kathinakkhandhakaṭṭhakathāyaṃ (mahāva. aṭṭha. 306) ‘‘evaṃ atthate pana kathine sace kathinacīvarena saddhiṃ ābhataṃ ānisaṃsaṃ dāyakā ‘yena amhākaṃ kathinaṃ gahitaṃ, tasseva demā’ti denti, bhikkhusaṅgho anissaro. Atha avicāretvāva datvā gacchanti, bhikkhusaṅgho issaro, tasmā sace kathinatthārakassa sesacīvarānipi dubbalāni honti, saṅghena apaloketvā tesampi atthāya vatthāni dātabbāni, kammavācā pana ekāyeva vaṭṭati. Avasesakathinānisaṃse balavavatthāni vassāvāsikaṭhitikāya dātabbāni. Ṭhitikāya abhāve therāsanato paṭṭhāya dātabbāni’’icceva vuttaṃ, na vuttaṃ ‘‘agghaparicchedaṃ katvā’’ti vā ‘‘kusapāto kātabbo’’ti vā. Tena ñāyati ‘‘kathinānisaṃsacīvarāni vassāvāsikaṭhitikāya vā vuḍḍhatarato vā paṭṭhāyeva dātabbāni, neva agghasamattaṃ kātabbaṃ, na kuso pātetabbo’’ti.

    ид̣̇аани бана вассааваасигабхаавзна ад̣̇иннад̇д̇аа вассааваасигатид̇игааяа агад̇ад̇д̇аа жа гат̇инад̇т̇ад̇ажийварад̇о жа гат̇инад̇т̇аарагасса авасзсажийварад̇т̇ааяа д̣̇иннавад̇т̇ад̇о жа авасзсагат̇инаанисам̣сз б̣алававад̇т̇аани вуд̣дхад̇арад̇о бадтааяа згасса бхигкусса згам̣ вад̇т̇ам̣ д̣̇аад̇аб̣б̣ам̣, д̇зсу бана варам̣ варам̣ вуд̣дхасса д̣̇аад̇аб̣б̣ам̣ . гат̇ам̣ вин̃н̃ааяад̇ийд̇и жз? ‘‘бажчимавассуубанааяигад̣̇ивасз бана сажз гаалам̣ гхосзд̇ваа саннибад̇ид̇з сан̇гхз гожи д̣̇асахад̇т̇ам̣ вад̇т̇ам̣ аахарид̇ваа вассааваасигам̣ д̣̇зд̇и, ааг̇анд̇уго сажз бхигкусан̇гхад̇т̇зро ход̇и, д̇асса д̣̇аад̇аб̣б̣ам̣. наваго жз ход̇и, саммад̇зна бхигкунаа сан̇гхад̇т̇зро вад̇д̇аб̣б̣о ‘сажз, бханд̇з, ижчат̇а, батамабхааг̇ам̣ мун̃жид̇ваа ид̣̇ам̣ вад̇т̇ам̣ г̇ан̣хат̇аа’д̇и. амун̃жанд̇асса на д̣̇аад̇аб̣б̣ам̣. сажз бана буб̣б̣з г̇аахид̇ам̣ мун̃жид̇ваа г̇ан̣хаад̇и, д̣̇аад̇аб̣б̣ам̣. зд̇знзва убааязна д̣̇уд̇ияад̇т̇зрад̇о бадтааяа баривад̇д̇зд̇ваа бад̇д̇адтаанз ааг̇анд̇угасса д̣̇аад̇аб̣б̣ам̣. сажз батамавассуубаг̇ад̇аа д̣̇вз д̇ийн̣и жад̇д̇аари бан̃жа ваа вад̇т̇аани алад̇т̇ум̣, лад̣̇д̇хам̣ лад̣̇д̇хам̣ зд̇знзва убааязна виссаж̇ж̇аабзд̇ваа яаава ааг̇анд̇угасса самагам̣ ход̇и, д̇аава д̣̇аад̇аб̣б̣ам̣. д̇зна бана самагз лад̣̇д̇хз авасидто анубхааг̇о т̇зраасанз д̣̇аад̇аб̣б̣о’’д̇и сзнаасанагканд̇хагадтагат̇ааяам̣ (жуул̣ава. адта. 318) важанад̇о д̇ам̣сам̣ван̣н̣анаабхууд̇ааяам̣ вимад̇ивинод̣̇анияан̃жа (ви. ви. дий. жуул̣аваг̇г̇а 2.318) ‘‘ааг̇анд̇уго сажз бхигкууд̇и жийварз г̇аахид̇з бажчаа ааг̇ад̇о ааг̇анд̇уго бхигку. бад̇д̇адтаанзд̇и вассаг̇г̇зна бад̇д̇адтаанз. батамавассуубаг̇ад̇аад̇и ааг̇анд̇угасса ааг̇аманад̇о бурзд̇арамзва бажчимигааяа вассуубанааяигааяа вассуубаг̇ад̇аа. лад̣̇д̇хам̣ лад̣̇д̇ханд̇и д̣̇ааяагаанам̣ санд̇игаа ааг̇ад̇ааг̇ад̇асаадага’’нд̇и важанад̇о, важ̇ираб̣уд̣̇д̇хидийгааяан̃жа (важ̇ира. дий. жуул̣аваг̇г̇а 318) ‘‘батамабхааг̇ам̣ мун̃жид̇ваад̇и ид̣̇ам̣ жз батамаг̇аахид̇авад̇т̇уд̇о махаг̇гхам̣ ход̇ийд̇и ликид̇а’’нд̇и важанад̇о жа вин̃н̃ааяад̇и. звам̣ адтагат̇ааяам̣ дийгаасу жа вассааваасигад̣̇аанз бажчаа аабхад̇ам̣ махаг̇гхавад̇т̇ам̣ махаат̇зрад̇о бадтааяа баривад̇д̇зд̇ваа д̇зхи анижчид̇ам̣язва вассаг̇г̇зна бад̇д̇асса бажчаа ааг̇ад̇асса бхигкуно д̣̇аад̇аб̣б̣абхаавасса вуд̇д̇ад̇д̇аа варам̣ варам̣ вуд̣дхасса д̣̇аад̇аб̣б̣анд̇и вин̃н̃ааяад̇и.

    Idāni pana vassāvāsikabhāvena adinnattā vassāvāsikaṭhitikāya akatattā ca kathinatthatacīvarato ca kathinatthārakassa avasesacīvaratthāya dinnavatthato ca avasesakathinānisaṃse balavavatthāni vuḍḍhatarato paṭṭhāya ekassa bhikkhussa ekaṃ vatthaṃ dātabbaṃ, tesu pana varaṃ varaṃ vuḍḍhassa dātabbaṃ . Kathaṃ viññāyatīti ce? ‘‘Pacchimavassūpanāyikadivase pana sace kālaṃ ghosetvā sannipatite saṅghe koci dasahatthaṃ vatthaṃ āharitvā vassāvāsikaṃ deti, āgantuko sace bhikkhusaṅghatthero hoti, tassa dātabbaṃ. Navako ce hoti, sammatena bhikkhunā saṅghatthero vattabbo ‘sace, bhante, icchatha, paṭhamabhāgaṃ muñcitvā idaṃ vatthaṃ gaṇhathā’ti. Amuñcantassa na dātabbaṃ. Sace pana pubbe gāhitaṃ muñcitvā gaṇhāti, dātabbaṃ. Eteneva upāyena dutiyattherato paṭṭhāya parivattetvā pattaṭṭhāne āgantukassa dātabbaṃ. Sace paṭhamavassūpagatā dve tīṇi cattāri pañca vā vatthāni alatthuṃ, laddhaṃ laddhaṃ eteneva upāyena vissajjāpetvā yāva āgantukassa samakaṃ hoti, tāva dātabbaṃ. Tena pana samake laddhe avasiṭṭho anubhāgo therāsane dātabbo’’ti senāsanakkhandhakaṭṭhakathāyaṃ (cūḷava. aṭṭha. 318) vacanato taṃsaṃvaṇṇanābhūtāyaṃ vimativinodaniyañca (vi. vi. ṭī. cūḷavagga 2.318) ‘‘āgantuko sace bhikkhūti cīvare gāhite pacchā āgato āgantuko bhikkhu. Pattaṭṭhāneti vassaggena pattaṭṭhāne. Paṭhamavassūpagatāti āgantukassa āgamanato puretarameva pacchimikāya vassūpanāyikāya vassūpagatā. Laddhaṃ laddhanti dāyakānaṃ santikā āgatāgatasāṭaka’’nti vacanato, vajirabuddhiṭīkāyañca (vajira. ṭī. cūḷavagga 318) ‘‘paṭhamabhāgaṃ muñcitvāti idaṃ ce paṭhamagāhitavatthuto mahagghaṃ hotīti likhita’’nti vacanato ca viññāyati. Evaṃ aṭṭhakathāyaṃ ṭīkāsu ca vassāvāsikadāne pacchā ābhataṃ mahagghavatthaṃ mahātherato paṭṭhāya parivattetvā tehi anicchitaṃyeva vassaggena pattassa pacchā āgatassa bhikkhuno dātabbabhāvassa vuttattā varaṃ varaṃ vuḍḍhassa dātabbanti viññāyati.

    ‘‘сажз батамавассуубаг̇ад̇аа д̣̇вз д̇ийн̣и жад̇д̇аари бан̃жа ваа вад̇т̇аани алад̇т̇у’’нд̇и вад̇т̇аг̇ан̣анааяа зва вуд̇д̇ад̇д̇аа, аг̇гхаг̇ан̣анааяа авуд̇д̇ад̇д̇аа жа гат̇инаанисам̣савад̇т̇асса жа вассааваасигаг̇ад̇игабхаавасса важанад̇о гат̇инаанисам̣савад̇т̇аани вад̇т̇аг̇ан̣анаавасзнзва бхааж̇зд̇аб̣б̣аани, на аг̇гхасамабхаавзнаад̇и жа д̣̇адтаб̣б̣аани, д̇знзва жа гааран̣зна ‘‘яо б̣ахууни гат̇инаанисам̣савад̇т̇аани д̣̇зд̇и, д̇асса санд̇агзнзва ад̇т̇арид̇аб̣б̣а’’нд̇и (махаава. адта. 306) вуд̇д̇ам̣. б̣ахууни хи гат̇инаанисам̣савад̇т̇аани вибхаж̇анагаалз сан̇гхасса убагаарагаани хонд̇ийд̇и.

    ‘‘Sace paṭhamavassūpagatā dve tīṇi cattāri pañca vā vatthāni alatthu’’nti vatthagaṇanāya eva vuttattā, agghagaṇanāya avuttattā ca kathinānisaṃsavatthassa ca vassāvāsikagatikabhāvassa vacanato kathinānisaṃsavatthāni vatthagaṇanāvaseneva bhājetabbāni, na agghasamabhāvenāti ca daṭṭhabbāni, teneva ca kāraṇena ‘‘yo bahūni kathinānisaṃsavatthāni deti, tassa santakeneva attharitabba’’nti (mahāva. aṭṭha. 306) vuttaṃ. Bahūni hi kathinānisaṃsavatthāni vibhajanakāle saṅghassa upakārakāni hontīti.

    баал̣иадтагат̇аад̣̇ийхи, нзд̇ваа вуд̇д̇ам̣ винижчаяам̣;

    Pāḷiaṭṭhakathādīhi, netvā vuttaṃ vinicchayaṃ;

    гат̇инз жийварз маяхам̣, жинд̇аяанд̇у вижагкан̣аа.

    Kathine cīvare mayhaṃ, cintayantu vicakkhaṇā.

    жинд̇аяид̇ваа бунаббунам̣, яуд̇д̇ам̣ жз д̇хаараяанд̇у д̇ам̣;

    Cintayitvā punappunaṃ, yuttaṃ ce dhārayantu taṃ;

    аяуд̇д̇ан̃жз ид̇о ан̃н̃ам̣, бариязсанд̇у гааран̣анд̇и.

    Ayuttañce ito aññaṃ, pariyesantu kāraṇanti.

    ‘‘яо жа д̇ад̇т̇а жийваруббаад̣̇о, со нзсам̣ бхависсад̇ий’’д̇и жийварассзва ад̇т̇ад̇агат̇инаанам̣ бхигкуунам̣ санд̇агабхаавасса бхаг̇авад̇аа вуд̇д̇ад̇д̇аа жийварад̇о ан̃н̃аани сан̇гхам̣ уд̣̇д̣̇исса д̣̇иннаани бин̣д̣абаад̇аад̣̇ийни вад̇т̇ууни убажаарасиймам̣ бавидтасса ааг̇ад̇ааг̇ад̇асса сан̇гхасса санд̇агам̣ хонд̇и. д̇ат̇аа хи вуд̇д̇ам̣ адтагат̇ааяам̣ (махаава. адта. 306) ‘‘гат̇инам̣ ад̇т̇араабзд̇ваа д̣̇аанан̃жа бхун̃ж̇ид̇ваа г̇амиссанд̇и , аанисам̣со бана ид̇арзсам̣язва ход̇ий’’д̇и. ‘‘ануж̇аанаами, бхигкавз, сааман̣зраанам̣ убад̣дхабадивийсам̣ д̣̇аад̇у’’нд̇и (махаава. 343) баатам̣ убаниссааяа гат̇инаанисам̣сажийварамби сааман̣зраанам̣ убад̣дхабадивийсам̣язва д̣̇знд̇и, на банзвам̣ гаад̇аб̣б̣ам̣. бхан̣д̣ааг̇аарз табид̇ан̃хи агаалажийварамзва сааман̣зраанам̣ убад̣дхабадивийсам̣ гад̇ваа д̣̇аад̇аб̣б̣ам̣. вассааваасигагат̇инаанисам̣саад̣̇игаалажийварам̣ бана самагамзва д̣̇аад̇аб̣б̣ам̣. вуд̇д̇ан̃хзд̇ам̣ жийварагканд̇хагадтагат̇ааяам̣ (махаава. адта. 343) ‘‘сааман̣зраанам̣ убад̣дхабадивийсанд̇и зд̇т̇а яз сааман̣зраа ад̇д̇иссараа бхигкусан̇гхасса гад̇д̇аб̣б̣агаммам̣ на гаронд̇и, уд̣̇д̣̇зсабарибужчаасу яуд̇д̇аа аажарияубаж̇жхааяаанам̣язва вад̇д̇абадибад̇д̇им̣ гаронд̇и, ан̃н̃зсам̣ на гаронд̇и, зд̇зсам̣язва убад̣дхабхааг̇о д̣̇аад̇аб̣б̣о. яз бана бурзбхад̇д̇ан̃жа бажчаабхад̇д̇ан̃жа бхигкусан̇гхассзва гад̇д̇аб̣б̣агижжам̣ гаронд̇и, д̇зсам̣ самаго д̣̇аад̇аб̣б̣о. ид̣̇ан̃жа бидтисамаяз уббаннзна бхан̣д̣ааг̇аарз табид̇зна агаалажийварзнзва гат̇ид̇ам̣, гаалажийварам̣ бана самагамзва д̣̇аад̇аб̣б̣а’’нд̇и.

    ‘‘Yo ca tattha cīvaruppādo, so nesaṃ bhavissatī’’ti cīvarasseva atthatakathinānaṃ bhikkhūnaṃ santakabhāvassa bhagavatā vuttattā cīvarato aññāni saṅghaṃ uddissa dinnāni piṇḍapātādīni vatthūni upacārasīmaṃ paviṭṭhassa āgatāgatassa saṅghassa santakaṃ honti. Tathā hi vuttaṃ aṭṭhakathāyaṃ (mahāva. aṭṭha. 306) ‘‘kathinaṃ attharāpetvā dānañca bhuñjitvā gamissanti , ānisaṃso pana itaresaṃyeva hotī’’ti. ‘‘Anujānāmi, bhikkhave, sāmaṇerānaṃ upaḍḍhapaṭivīsaṃ dātu’’nti (mahāva. 343) pāṭhaṃ upanissāya kathinānisaṃsacīvarampi sāmaṇerānaṃ upaḍḍhapaṭivīsaṃyeva denti, na panevaṃ kātabbaṃ. Bhaṇḍāgāre ṭhapitañhi akālacīvarameva sāmaṇerānaṃ upaḍḍhapaṭivīsaṃ katvā dātabbaṃ. Vassāvāsikakathinānisaṃsādikālacīvaraṃ pana samakameva dātabbaṃ. Vuttañhetaṃ cīvarakkhandhakaṭṭhakathāyaṃ (mahāva. aṭṭha. 343) ‘‘sāmaṇerānaṃ upaḍḍhapaṭivīsanti ettha ye sāmaṇerā attissarā bhikkhusaṅghassa kattabbakammaṃ na karonti, uddesaparipucchāsu yuttā ācariyupajjhāyānaṃyeva vattapaṭipattiṃ karonti, aññesaṃ na karonti, etesaṃyeva upaḍḍhabhāgo dātabbo. Ye pana purebhattañca pacchābhattañca bhikkhusaṅghasseva kattabbakiccaṃ karonti, tesaṃ samako dātabbo. Idañca piṭṭhisamaye uppannena bhaṇḍāgāre ṭhapitena akālacīvareneva kathitaṃ, kālacīvaraṃ pana samakameva dātabba’’nti.

    гажжи ну ко сааман̣зраа вассам̣ убаг̇ад̇аа, язна аанисам̣сам̣ лабхзяяунд̇и? аама убаг̇ад̇аад̇и. гат̇ам̣ вин̃н̃ааяад̇ийд̇и? ‘‘ат̇а жад̇д̇ааро бхигкуу убаг̇ад̇аа, зго барибун̣н̣авассо сааман̣зро, со жз бажчимигааяа убасамбаж̇ж̇ад̇и, г̇ан̣абуураго жзва ход̇и, аанисам̣сан̃жа лабхад̇ий’’д̇и адтагат̇ааяам̣ (махаава. адта. 306) важанад̇о важ̇ираб̣уд̣̇д̇хидийгааяан̃жа (важ̇ира. дий. махааваг̇г̇а 306) ‘‘бажчимигааяа убасамбанно батамабавааран̣ааяа баваарзд̇умби лабхад̇и, вассиго жа ход̇и, аанисам̣сан̃жа лабхад̇ийд̇и сааман̣зраанам̣ вассуубаг̇аманам̣ анун̃н̃аад̇ам̣ ход̇и. сааман̣зраа гат̇инаанисам̣сам̣ лабханд̇ийд̇и вад̣̇анд̇ий’’д̇и важанад̇од̇и.

    Kacci nu kho sāmaṇerā vassaṃ upagatā, yena ānisaṃsaṃ labheyyunti? Āma upagatāti. Kathaṃ viññāyatīti? ‘‘Atha cattāro bhikkhū upagatā, eko paripuṇṇavasso sāmaṇero, so ce pacchimikāya upasampajjati, gaṇapūrako ceva hoti, ānisaṃsañca labhatī’’ti aṭṭhakathāyaṃ (mahāva. aṭṭha. 306) vacanato vajirabuddhiṭīkāyañca (vajira. ṭī. mahāvagga 306) ‘‘pacchimikāya upasampanno paṭhamapavāraṇāya pavāretumpi labhati, vassiko ca hoti, ānisaṃsañca labhatīti sāmaṇerānaṃ vassūpagamanaṃ anuññātaṃ hoti. Sāmaṇerā kathinānisaṃsaṃ labhantīti vadantī’’ti vacanatoti.

    д̇ад̇руббаад̣̇зсу гат̇инаанисам̣сзсу яад̣̇и аараамигаа д̇ан̣д̣улаад̣̇ийхи вад̇т̇аани жзд̇аабзнд̇и, вад̇т̇зхиби д̇ан̣д̣улаад̣̇ийни жзд̇аабзнд̇и, д̇ад̇т̇а гат̇ам̣ бадибаж̇ж̇ид̇аб̣б̣анд̇и? вибхаж̇анагаалз виж̇ж̇амаанавад̇т̇увасзна гаад̇аб̣б̣ам̣. д̇ат̇аа хи вуд̇д̇ам̣ важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 306) ‘‘д̇ад̇руббаад̣̇зна д̇ан̣д̣улаад̣̇инаа вад̇т̇уусу жзд̇аабид̇зсу ад̇т̇ад̇агат̇инаанамзва д̇аани вад̇т̇аани баабун̣анд̇и. вад̇т̇зхи бана д̇ан̣д̣улаад̣̇ийсу жзд̇аабид̇зсу саб̣б̣зсам̣ д̇аани баабун̣анд̇ийд̇и вуд̇д̇а’’нд̇и. ‘‘сажз бана згасиймааяам̣ б̣ахуу вихаараа хонд̇ий’’д̇и зд̇т̇а гад̇арасиймаа ад̇хиббзд̇аад̇и? убажаарасиймаа. убажаарасиймааяам̣язва хи сан̇гхалаабхавибхаж̇анаад̣̇игам̣ сиж̇жхад̇и. вуд̇д̇ан̃хзд̇ам̣ важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 306) ‘‘гат̇инад̇т̇ад̇асиймааяанд̇и убажаарасиймам̣ санд̇хааяа вуд̇д̇ам̣, убажаарасиймадтасса мад̇агажийвараад̣̇ибхааг̇ияад̇ааяа б̣ад̣̇д̇хасиймааяа д̇ад̇руббаад̣̇аабхаавад̇о вин̃н̃зяяамзд̇ам̣ ‘убажаарасиймаава ад̇хиббзд̇аа’д̇и’’.

    Tatruppādesu kathinānisaṃsesu yadi ārāmikā taṇḍulādīhi vatthāni cetāpenti, vatthehipi taṇḍulādīni cetāpenti, tattha kathaṃ paṭipajjitabbanti? Vibhajanakāle vijjamānavatthuvasena kātabbaṃ. Tathā hi vuttaṃ vajirabuddhiṭīkāyaṃ (vajira. ṭī. mahāvagga 306) ‘‘tatruppādena taṇḍulādinā vatthūsu cetāpitesu atthatakathinānameva tāni vatthāni pāpuṇanti. Vatthehi pana taṇḍulādīsu cetāpitesu sabbesaṃ tāni pāpuṇantīti vutta’’nti. ‘‘Sace pana ekasīmāyaṃ bahū vihārā hontī’’ti ettha katarasīmā adhippetāti? Upacārasīmā. Upacārasīmāyaṃyeva hi saṅghalābhavibhajanādikaṃ sijjhati. Vuttañhetaṃ vajirabuddhiṭīkāyaṃ (vajira. ṭī. mahāvagga 306) ‘‘kathinatthatasīmāyanti upacārasīmaṃ sandhāya vuttaṃ, upacārasīmaṭṭhassa matakacīvarādibhāgiyatāya baddhasīmāya tatruppādābhāvato viññeyyametaṃ ‘upacārasīmāva adhippetā’ti’’.

    звам̣ гат̇инад̇т̇аарам̣ д̣̇ассзд̇ваа сан̇гхз ружид̇ааяа маад̇игаабалиб̣од̇хауб̣бхаарз ад̣̇ассзд̇ваава анд̇з аанисам̣сам̣ д̣̇ассзд̇ум̣ ‘‘ад̇т̇ад̇агат̇инаанам̣ во бхигкавз’’д̇иаад̣̇имааха. д̇ад̇т̇а адтавид̇хаа маад̇игаа баггамананд̇игаа, нидтаананд̇игаа, саннидтаананд̇игаа, наасананд̇игаа, савананд̇игаа, аасааважчзд̣̇игаа, сиймаад̇игганд̇игаа, сахуб̣бхаараад̇и. д̇ад̇т̇а ад̇т̇ад̇агат̇ино бхигку гад̇абарияосид̇ам̣ жийварам̣ аад̣̇ааяа ‘‘имам̣ вихаарам̣ на бажжзссаамий’’д̇и баггамад̇и, д̇асса бхигкуно убажаарасиймаад̇иггамзнзва гат̇инуб̣бхааро бхавад̇и, бан̃жаанисам̣саани алабханзяяо ход̇и. аяам̣ гат̇инуб̣бхааро баггаманамзвасса анд̇абхууд̇ад̇д̇аа баггамананд̇иго наама ход̇и.

    Evaṃ kathinatthāraṃ dassetvā saṅghe rucitāya mātikāpalibodhaubbhāre adassetvāva ante ānisaṃsaṃ dassetuṃ ‘‘atthatakathinānaṃ vo bhikkhave’’tiādimāha. Tattha aṭṭhavidhā mātikā pakkamanantikā, niṭṭhānantikā, sanniṭṭhānantikā, nāsanantikā, savanantikā, āsāvacchedikā, sīmātikkantikā, sahubbhārāti. Tattha atthatakathino bhikkhu katapariyositaṃ cīvaraṃ ādāya ‘‘imaṃ vihāraṃ na paccessāmī’’ti pakkamati, tassa bhikkhuno upacārasīmātikkameneva kathinubbhāro bhavati, pañcānisaṃsāni alabhaneyyo hoti. Ayaṃ kathinubbhāro pakkamanamevassa antabhūtattā pakkamanantiko nāma hoti.

    ад̇т̇ад̇агат̇ино бхигку анидтид̇амзва ад̇д̇ано бхааг̇абхууд̇ам̣ жийварам̣ аад̣̇ааяа ан̃н̃ам̣ вихаарам̣ г̇ад̇о, д̇асса б̣ахиубажаарасиймаг̇ад̇асса звам̣ ход̇и ‘‘имасмим̣язва вихаарз имам̣ жийварам̣ гаарзссаами, на бураан̣авихаарам̣ бажжзссаамий’’д̇и, со б̣ахисиймааяамзва д̇ам̣ жийварам̣ гаарзд̇и, д̇асса бхигкуно д̇асмим̣ жийварз нидтид̇з гат̇инуб̣бхааро ход̇и. аяам̣ гат̇инуб̣бхааро жийваранидтаанамзвасса анд̇од̇и нидтаананд̇иго наама.

    Atthatakathino bhikkhu aniṭṭhitameva attano bhāgabhūtaṃ cīvaraṃ ādāya aññaṃ vihāraṃ gato, tassa bahiupacārasīmagatassa evaṃ hoti ‘‘imasmiṃyeva vihāre imaṃ cīvaraṃ kāressāmi, na purāṇavihāraṃ paccessāmī’’ti, so bahisīmāyameva taṃ cīvaraṃ kāreti, tassa bhikkhuno tasmiṃ cīvare niṭṭhite kathinubbhāro hoti. Ayaṃ kathinubbhāro cīvaraniṭṭhānamevassa antoti niṭṭhānantiko nāma.

    бхигку ад̇т̇ад̇агат̇ино агад̇ажийварамаад̣̇ааяа баггамад̇и, д̇асса б̣ахиубажаарасиймаг̇ад̇асса звам̣ ход̇и ‘‘имам̣ жийварам̣ нзва гаарзссаами, бораан̣авихааран̃жа на бажжзссаамий’’д̇и, д̇асса бхигкуно д̇зна саннидтаанзна гат̇инуб̣бхааро ход̇и. аяам̣ гат̇инуб̣бхааро саннидтаанамзвасса анд̇од̇и саннидтаананд̇иго наама.

    Bhikkhu atthatakathino akatacīvaramādāya pakkamati, tassa bahiupacārasīmagatassa evaṃ hoti ‘‘imaṃ cīvaraṃ neva kāressāmi, porāṇavihārañca na paccessāmī’’ti, tassa bhikkhuno tena sanniṭṭhānena kathinubbhāro hoti. Ayaṃ kathinubbhāro sanniṭṭhānamevassa antoti sanniṭṭhānantiko nāma.

    ад̇т̇ад̇агат̇ино бхигку агад̇амзва жийварам̣ аад̣̇ааяа баггамад̇и, б̣ахисиймаг̇ад̇асса д̇асса звам̣ ход̇и ‘‘ид̇хзвимам̣ жийварам̣ гаарзссаами, на жа бораан̣авихаарам̣ бажжзссаамий’’д̇и, д̇асса жийварам̣ гурумаанам̣ жораад̣̇ийхи нассад̇и, аг̇яаад̣̇ийхи винассад̇и, гат̇инуб̣бхааро ход̇и. аяам̣ гат̇инуб̣бхааро наасанамзвасса анд̇од̇и наасананд̇иго наама.

    Atthatakathino bhikkhu akatameva cīvaraṃ ādāya pakkamati, bahisīmagatassa tassa evaṃ hoti ‘‘idhevimaṃ cīvaraṃ kāressāmi, na ca porāṇavihāraṃ paccessāmī’’ti, tassa cīvaraṃ kurumānaṃ corādīhi nassati, agyādīhi vinassati, kathinubbhāro hoti. Ayaṃ kathinubbhāro nāsanamevassa antoti nāsanantiko nāma.

    ад̇т̇ад̇агат̇ино бхигку агад̇ажийварамаад̣̇ааяа ‘‘имам̣ вихаарам̣ бажжзссаамий’’д̇и жинд̇зд̇ваа баггамад̇и , д̇асса б̣ахисиймаг̇ад̇асса звам̣ ход̇и ‘‘ид̇хзвимам̣ жийварам̣ гаарзссаамий’’д̇и, со гад̇ажийваро сун̣аад̇и ‘‘вихаарз гира сан̇гхзна гат̇инам̣ уб̣бхад̇а’’нд̇и, д̇зна саванамад̇д̇знасса гат̇инам̣ уб̣бхад̇ам̣ ход̇и. аяам̣ гат̇инаб̣бхааро саванамзвасса анд̇од̇и савананд̇иго наама.

    Atthatakathino bhikkhu akatacīvaramādāya ‘‘imaṃ vihāraṃ paccessāmī’’ti cintetvā pakkamati , tassa bahisīmagatassa evaṃ hoti ‘‘idhevimaṃ cīvaraṃ kāressāmī’’ti, so katacīvaro suṇāti ‘‘vihāre kira saṅghena kathinaṃ ubbhata’’nti, tena savanamattenassa kathinaṃ ubbhataṃ hoti. Ayaṃ kathinabbhāro savanamevassa antoti savanantiko nāma.

    ад̇т̇ад̇агат̇ино бхигку ан̃н̃ад̇т̇а бажжаасаажийварагааран̣аа баггамад̇и, д̇асса б̣ахисиймаг̇ад̇асса звам̣ ход̇и ‘‘ид̇ха б̣ахисиймааяамзва жийварабажжаасам̣ баяирубаасаами, на вихаарам̣ бажжзссаамий’’д̇и, со д̇ад̇т̇зва д̇ам̣ жийварабажжаасам̣ баяирубаасад̇и, со д̇ам̣ жийварабажжаасам̣ алабхамаано жийвараасаа бажчиж̇ж̇ад̇и, д̇знзва д̇асса бхигкуно гат̇инуб̣бхааро бхавад̇и. аяам̣ гат̇инуб̣бхааро аасааважчзд̣̇асахид̇ад̇д̇аа аасааважчзд̣̇иго наама.

    Atthatakathino bhikkhu aññattha paccāsācīvarakāraṇā pakkamati, tassa bahisīmagatassa evaṃ hoti ‘‘idha bahisīmāyameva cīvarapaccāsaṃ payirupāsāmi, na vihāraṃ paccessāmī’’ti, so tattheva taṃ cīvarapaccāsaṃ payirupāsati, so taṃ cīvarapaccāsaṃ alabhamāno cīvarāsā pacchijjati, teneva tassa bhikkhuno kathinubbhāro bhavati. Ayaṃ kathinubbhāro āsāvacchedasahitattā āsāvacchediko nāma.

    ад̇т̇ад̇агат̇ино бхигку агад̇ажийварам̣ аад̣̇ааяа ‘‘имам̣ вихаарам̣ бажжзссаамий’’д̇и жинд̇зд̇ваа баггамад̇и, со б̣ахисиймаг̇ад̇о д̇ам̣ жийварам̣ гаарзд̇и, со гад̇ажийваро ‘‘вихаарам̣ бажжзссаамий’’д̇и жинд̇знд̇о б̣ахиубажаарасиймааяамзва гат̇инуб̣бхаарагаалам̣ вийд̇инаамзд̇и, д̇асса гат̇инуб̣бхааро бхавад̇и. аяам̣ гат̇инуб̣бхааро жийварагааласса анд̇имад̣̇ивасасан̇каад̇ааяа сиймааяа ад̇игганд̇ад̇д̇аа сиймаад̇игганд̇иго наама.

    Atthatakathino bhikkhu akatacīvaraṃ ādāya ‘‘imaṃ vihāraṃ paccessāmī’’ti cintetvā pakkamati, so bahisīmagato taṃ cīvaraṃ kāreti, so katacīvaro ‘‘vihāraṃ paccessāmī’’ti cintento bahiupacārasīmāyameva kathinubbhārakālaṃ vītināmeti, tassa kathinubbhāro bhavati. Ayaṃ kathinubbhāro cīvarakālassa antimadivasasaṅkhātāya sīmāya atikkantattā sīmātikkantiko nāma.

    ад̇т̇ад̇агат̇ино бхигку жийварам̣ аад̣̇ааяа ‘‘имам̣ вихаарам̣ бажжзссаамий’’д̇и жинд̇зд̇ваа баггамад̇и, со гад̇ажийваро ‘‘вихаарам̣ бажжзссаамий’’д̇и жинд̇знд̇о бажжааг̇анд̇ваа вихаарз гат̇инуб̣бхаарам̣ баббод̇и, д̇асса бхигкуно вихаарз бхигкуухи саха гат̇инуб̣бхааро бхавад̇и. аяам̣ гат̇инуб̣бхааро вихаарз бхигкуухи саха гад̇ад̇д̇аа сахуб̣бхааро наама. аяам̣ адтавид̇хо гат̇инуб̣бхааро адта маад̇игаа наама. вуд̇д̇ан̃хзд̇ам̣ гат̇инагканд̇хагабаал̣ияам̣ (махаава. 310) ‘‘адтимаа, бхигкавз, маад̇игаа гат̇инасса уб̣бхаарааяа баггамананд̇игаа нидтаананд̇игаа саннидтаананд̇игаа наасананд̇игаа савананд̇игаа аасааважчзд̣̇игаа сиймаад̇игганд̇игаа сахуб̣бхаараад̇и. бхигку ад̇т̇ад̇агат̇ино гад̇ажийварамаад̣̇ааяа баггамад̇и ‘на бажжзсса’нд̇и, д̇асса бхигкуно баггамананд̇иго гат̇инуб̣бхааро’’д̇иаад̣̇и, винаяавинижчаяаббагаран̣з жа –

    Atthatakathino bhikkhu cīvaraṃ ādāya ‘‘imaṃ vihāraṃ paccessāmī’’ti cintetvā pakkamati, so katacīvaro ‘‘vihāraṃ paccessāmī’’ti cintento paccāgantvā vihāre kathinubbhāraṃ pappoti, tassa bhikkhuno vihāre bhikkhūhi saha kathinubbhāro bhavati. Ayaṃ kathinubbhāro vihāre bhikkhūhi saha katattā sahubbhāro nāma. Ayaṃ aṭṭhavidho kathinubbhāro aṭṭha mātikā nāma. Vuttañhetaṃ kathinakkhandhakapāḷiyaṃ (mahāva. 310) ‘‘aṭṭhimā, bhikkhave, mātikā kathinassa ubbhārāya pakkamanantikā niṭṭhānantikā sanniṭṭhānantikā nāsanantikā savanantikā āsāvacchedikā sīmātikkantikā sahubbhārāti. Bhikkhu atthatakathino katacīvaramādāya pakkamati ‘na paccessa’nti, tassa bhikkhuno pakkamanantiko kathinubbhāro’’tiādi, vinayavinicchayappakaraṇe ca –

    ‘‘баггаманан̃жа нидтаанам̣, саннидтаанан̃жа наасанам̣;

    ‘‘Pakkamanañca niṭṭhānaṃ, sanniṭṭhānañca nāsanaṃ;

    саванамаасаа жа сиймаа жа, сахуб̣бхаарод̇и адтимаа’’д̇и. (ви. ви. 2709);

    Savanamāsā ca sīmā ca, sahubbhāroti aṭṭhimā’’ti. (vi. vi. 2709);

    балиб̣од̇хо д̣̇увид̇хо ааваасабалиб̣од̇хо, жийварабалиб̣од̇ход̇и. д̇ад̇т̇а ‘‘яасмим̣ вихаарз гат̇инам̣ ад̇т̇ад̇ам̣ ход̇и, д̇асмим̣ васиссаамий’’д̇и ан̃н̃ад̇т̇а г̇ажчанд̇оби ‘‘буна д̇ам̣ вихаарам̣ ааг̇ажчиссаамий’’д̇и саабзгко ход̇и. аяам̣ ааваасабалиб̣од̇хо наама. д̇асса бхигкуно жийварам̣ агад̇ам̣ ваа ход̇и абарияосид̇ам̣ ваа, ‘‘ан̃н̃ад̇о жийварам̣ лажчаамий’’д̇и аасаа ваа анубажчиннаа ход̇и. аяам̣ жийварабалиб̣од̇хо наама. вуд̇д̇ан̃хзд̇ам̣ гат̇инагканд̇хагз (махаава. 325) ‘‘гад̇амз жа, бхигкавз, д̣̇вз гат̇инасса балиб̣од̇хаа? ааваасабалиб̣од̇хо жа жийварабалиб̣од̇хо жа. гат̇ан̃жа, бхигкавз, ааваасабалиб̣од̇хо ход̇и? ид̇ха, бхигкавз, бхигку васад̇и ваа д̇асмим̣ ааваасз, саабзгко ваа баггамад̇и ‘бажжзсса’нд̇и, звам̣ ко, бхигкавз, ааваасабалиб̣од̇хо ход̇и. гат̇ан̃жа, бхигкавз, жийварабалиб̣од̇хо ход̇и? ид̇ха, бхигкавз, бхигкуно жийварам̣ агад̇ам̣ ваа ход̇и виббагад̇ам̣ ваа, жийвараасаа ваа анубажчиннаа, звам̣ ко, бхигкавз, жийварабалиб̣од̇хо ход̇ий’’д̇и.

    Palibodho duvidho āvāsapalibodho, cīvarapalibodhoti. Tattha ‘‘yasmiṃ vihāre kathinaṃ atthataṃ hoti, tasmiṃ vasissāmī’’ti aññattha gacchantopi ‘‘puna taṃ vihāraṃ āgacchissāmī’’ti sāpekkho hoti. Ayaṃ āvāsapalibodho nāma. Tassa bhikkhuno cīvaraṃ akataṃ vā hoti apariyositaṃ vā, ‘‘aññato cīvaraṃ lacchāmī’’ti āsā vā anupacchinnā hoti. Ayaṃ cīvarapalibodho nāma. Vuttañhetaṃ kathinakkhandhake (mahāva. 325) ‘‘katame ca, bhikkhave, dve kathinassa palibodhā? Āvāsapalibodho ca cīvarapalibodho ca. Kathañca, bhikkhave, āvāsapalibodho hoti? Idha, bhikkhave, bhikkhu vasati vā tasmiṃ āvāse, sāpekkho vā pakkamati ‘paccessa’nti, evaṃ kho, bhikkhave, āvāsapalibodho hoti. Kathañca, bhikkhave, cīvarapalibodho hoti? Idha, bhikkhave, bhikkhuno cīvaraṃ akataṃ vā hoti vippakataṃ vā, cīvarāsā vā anupacchinnā, evaṃ kho, bhikkhave, cīvarapalibodho hotī’’ti.

    уб̣бхааро д̣̇увид̇хо адтамаад̇игаауб̣бхаараанд̇аруб̣бхааравасзна. д̇ад̇т̇а б̣ахиубажаарасиймаг̇ад̇аанам̣ бхигкуунам̣ васзна вуд̇д̇аа сад̇д̇а гат̇инуб̣бхаараа жа б̣ахиубажаарасиймам̣ г̇анд̇ваа нивад̇д̇зд̇ваа гат̇инад̇т̇ад̇авихаарз анд̇аруб̣бхаарам̣ бад̇ваа бхигкуухи саха анд̇аруб̣бхаарасса гад̇ад̇д̇аа сахуб̣бхаарасан̇каад̇о зго гат̇инуб̣бхааро жаад̇и имз адта гат̇инуб̣бхаараа адтамаад̇игааяа бавидтад̇д̇аа адтамаад̇игаауб̣бхааро наама. б̣ахисиймам̣ аг̇анд̇ваа д̇асмим̣язва вихаарз нисийд̣̇ид̇ваа гат̇инуб̣бхаарам̣ н̃ад̇д̇ид̣̇уд̇ияагаммаваажааяа гат̇инуб̣бхааро адтамаад̇игааяа аббавидто худ̇ваа гаалабарижчзд̣̇ам̣ аббад̇ваа анд̇арааязва гад̇ад̇д̇аа анд̇аруб̣бхааро наама.

    Ubbhāro duvidho aṭṭhamātikāubbhāraantarubbhāravasena. Tattha bahiupacārasīmagatānaṃ bhikkhūnaṃ vasena vuttā satta kathinubbhārā ca bahiupacārasīmaṃ gantvā nivattetvā kathinatthatavihāre antarubbhāraṃ patvā bhikkhūhi saha antarubbhārassa katattā sahubbhārasaṅkhāto eko kathinubbhāro cāti ime aṭṭha kathinubbhārā aṭṭhamātikāya paviṭṭhattā aṭṭhamātikāubbhāro nāma. Bahisīmaṃ agantvā tasmiṃyeva vihāre nisīditvā kathinubbhāraṃ ñattidutiyakammavācāya kathinubbhāro aṭṭhamātikāya appaviṭṭho hutvā kālaparicchedaṃ appatvā antarāyeva katattā antarubbhāro nāma.

    анд̇аруб̣бхаарасахуб̣бхаараа н̃ад̇д̇ид̣̇уд̇ияагаммаваажааязва гад̇аа, звам̣ санд̇з го д̇зсам̣ висзсод̇и? анд̇аруб̣бхааро б̣ахисиймам̣ аг̇анд̇ваа анд̇осиймааяамзва тид̇зхи бхигкуухи гад̇о. сахуб̣бхааро б̣ахисиймам̣ г̇ад̇зна бхигкунаа бажжааг̇анд̇ваа д̇ам̣ анд̇аруб̣бхаарам̣ бад̇ваа д̇зхи анд̇осиймадтзхи бхигкуухи саха гад̇од̇и аяамзд̇зсам̣ висзсо. баггамананд̇игаад̣̇аяо сад̇д̇а гат̇инуб̣бхаараа на гаммаваажааяа гад̇аа, гзвалам̣ д̣̇виннам̣ балиб̣од̇хаанам̣ убажчзд̣̇зна бан̃жахи аанисам̣сзхи виг̇ад̇ад̇д̇аа гат̇инуб̣бхаараа наама хонд̇и. вуд̇д̇ан̃хзд̇ам̣ аажарияаб̣уд̣̇д̇хад̣̇ад̇д̇ад̇т̇зрзна винаяавинижчаяз –

    Antarubbhārasahubbhārā ñattidutiyakammavācāyeva katā, evaṃ sante ko tesaṃ visesoti? Antarubbhāro bahisīmaṃ agantvā antosīmāyameva ṭhitehi bhikkhūhi kato. Sahubbhāro bahisīmaṃ gatena bhikkhunā paccāgantvā taṃ antarubbhāraṃ patvā tehi antosīmaṭṭhehi bhikkhūhi saha katoti ayametesaṃ viseso. Pakkamanantikādayo satta kathinubbhārā na kammavācāya katā, kevalaṃ dvinnaṃ palibodhānaṃ upacchedena pañcahi ānisaṃsehi vigatattā kathinubbhārā nāma honti. Vuttañhetaṃ ācariyabuddhadattattherena vinayavinicchaye –

    ‘‘адтаннам̣ маад̇игаанам̣ ваа, анд̇аруб̣бхаарад̇оби ваа;

    ‘‘Aṭṭhannaṃ mātikānaṃ vā, antarubbhāratopi vā;

    уб̣бхаарааби д̣̇увз вуд̇д̇аа, гат̇инасса махзсинаа’’д̇и.

    Ubbhārāpi duve vuttā, kathinassa mahesinā’’ti.

    д̇аддийгааяамби ‘‘адтаннам̣ маад̇игаананд̇и б̣ахисиймаг̇ад̇аанам̣ васзна вуд̇д̇аа. баггамананд̇игаад̣̇аяо сад̇д̇а маад̇игаа б̣ахисиймам̣ г̇анд̇ваа анд̇аруб̣бхаарам̣ самбад̇д̇асса васзна вуд̇д̇аа, сахуб̣бхааро имаасам̣ адтаннам̣ маад̇игаанам̣ васзна жа. анд̇аруб̣бхаарад̇оби ваад̇и б̣ахисиймам̣ аг̇анд̇ваа д̇ад̇т̇зва васид̇ваа гат̇инуб̣бхаарагаммзна уб̣бхад̇агат̇инаанам̣ васзна лаб̣бханад̇о анд̇аруб̣бхаарод̇и махзсинаа гат̇инасса уб̣бхаараа д̣̇увз вуд̇д̇аад̇и яож̇анаа. б̣ахисиймам̣ г̇анд̇ваа ааг̇ад̇асса васзна сауб̣бхааро, б̣ахисиймам̣ аг̇ад̇аанам̣ васзна анд̇аруб̣бхаарод̇и згоязва уб̣бхааро д̣̇вид̇хаа вуд̇д̇о’’д̇и вуд̇д̇ам̣.

    Taṭṭīkāyampi ‘‘aṭṭhannaṃ mātikānanti bahisīmagatānaṃ vasena vuttā. Pakkamanantikādayo satta mātikā bahisīmaṃ gantvā antarubbhāraṃ sampattassa vasena vuttā, sahubbhāro imāsaṃ aṭṭhannaṃ mātikānaṃ vasena ca. Antarubbhāratopi vāti bahisīmaṃ agantvā tattheva vasitvā kathinubbhārakammena ubbhatakathinānaṃ vasena labbhanato antarubbhāroti mahesinā kathinassa ubbhārā duve vuttāti yojanā. Bahisīmaṃ gantvā āgatassa vasena saubbhāro, bahisīmaṃ agatānaṃ vasena antarubbhāroti ekoyeva ubbhāro dvidhā vutto’’ti vuttaṃ.

    гасмаа бана анд̇аруб̣бхааравасзна гаммаваажааяа гат̇инам̣ уб̣бхад̇анд̇и? махаад̣̇аанам̣ д̣̇аад̇угаамзхи убаасагзхи ааг̇ад̇асса сан̇гхасса агаалажийварам̣ д̣̇аад̇угаамзхи яаажид̇ад̇д̇аа. вуд̇д̇ан̃хи бхигкунийвибхан̇г̇абаал̣ияам̣ (баажи. 925) ‘‘д̇зна ко бана самаязна ан̃н̃ад̇арзна убаасагзна сан̇гхам̣ уд̣̇д̣̇исса вихааро гаараабид̇о ход̇и, со д̇асса вихаарасса махз убхад̇осан̇гхасса агаалажийварам̣ д̣̇аад̇угаамо ход̇и. д̇зна ко бана самаязна убхад̇осан̇гхасса гат̇инам̣ ад̇т̇ад̇ам̣ ход̇и. ат̇а ко со убаасаго сан̇гхам̣ убасан̇гамид̇ваа гат̇инуд̣̇д̇хаарам̣ яаажий’’д̇иаад̣̇и. гат̇ам̣ бана гаммаваажаа гаад̇аб̣б̣аад̇и? ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, сан̇гхо гат̇инам̣ уд̣̇д̇харзяяа, зсаа н̃ад̇д̇и. сун̣аад̇у мз, бханд̇з, сан̇гхо, сан̇гхо гат̇инам̣ уд̣̇д̇харад̇и. яассааяасмад̇о камад̇и гат̇инасса уд̣̇д̇хааро, со д̇ун̣хасса. яасса нагкамад̇и, со бхаасзяяа. уб̣бхад̇ам̣ сан̇гхзна гат̇инам̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и звам̣ гаад̇аб̣б̣аад̇и. вуд̇д̇ан̃хи бхигкунийвибхан̇г̇з ‘‘ануж̇аанаами, бхигкавз, гат̇инам̣ уд̣̇д̇харид̇ум̣, зван̃жа бана, бхигкавз, гат̇инам̣ уд̣̇д̇харид̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о – сун̣аад̇у мз…бз… д̇хаараяаамий’’д̇и.

    Kasmā pana antarubbhāravasena kammavācāya kathinaṃ ubbhatanti? Mahādānaṃ dātukāmehi upāsakehi āgatassa saṅghassa akālacīvaraṃ dātukāmehi yācitattā. Vuttañhi bhikkhunīvibhaṅgapāḷiyaṃ (pāci. 925) ‘‘tena kho pana samayena aññatarena upāsakena saṅghaṃ uddissa vihāro kārāpito hoti, so tassa vihārassa mahe ubhatosaṅghassa akālacīvaraṃ dātukāmo hoti. Tena kho pana samayena ubhatosaṅghassa kathinaṃ atthataṃ hoti. Atha kho so upāsako saṅghaṃ upasaṅkamitvā kathinuddhāraṃ yācī’’tiādi. Kathaṃ pana kammavācā kātabbāti? ‘‘Suṇātu me, bhante, saṅgho, yadi saṅghassa pattakallaṃ, saṅgho kathinaṃ uddhareyya, esā ñatti. Suṇātu me, bhante, saṅgho, saṅgho kathinaṃ uddharati. Yassāyasmato khamati kathinassa uddhāro, so tuṇhassa. Yassa nakkhamati, so bhāseyya. Ubbhataṃ saṅghena kathinaṃ, khamati saṅghassa, tasmā tuṇhī, evametaṃ dhārayāmī’’ti evaṃ kātabbāti. Vuttañhi bhikkhunīvibhaṅge ‘‘anujānāmi, bhikkhave, kathinaṃ uddharituṃ, evañca pana, bhikkhave, kathinaṃ uddharitabbaṃ. Byattena bhikkhunā paṭibalena saṅgho ñāpetabbo – suṇātu me…pe… dhārayāmī’’ti.

    зд̇зна жа гат̇инуб̣бхаарзна буб̣б̣з гад̇ам̣ гат̇инад̣̇уссад̣̇аанан̃ад̇д̇ид̣̇уд̇ияагаммаваажам̣ уб̣бхад̇анд̇и вад̣̇анд̇и, на бана гат̇инад̣̇уссад̣̇аанан̃ад̇д̇ид̣̇уд̇ияагаммам̣ уб̣бхад̇ам̣, ат̇а ко ад̇т̇аарагаммамзваад̇и д̣̇адтаб̣б̣ам̣. яад̣̇и хи гат̇инад̣̇уссад̣̇аанан̃ад̇д̇ид̣̇уд̇ияагаммам̣ уб̣бхад̇ам̣ бхавзяяа, д̇ааяа гаммаваажааяа гат̇инад̣̇уссад̣̇аанасса сиж̇жханад̇о имааяа гат̇инуб̣бхаарагаммаваажааяа д̇ам̣ буб̣б̣з д̣̇иннад̣̇уссам̣ буна аахараабзд̇аб̣б̣ам̣ сияаа, на бан̃жаанисам̣савиг̇аманам̣. яасмаа бана имааяа гат̇инуб̣бхаарагаммаваажааяа бан̃жаанисам̣савиг̇аманамзва ход̇и, на буб̣б̣з д̣̇иннагат̇инад̣̇уссасса буна аахараабанам̣. д̇зна вин̃н̃ааяад̇и ‘‘бан̃жаанисам̣салаабхагааран̣ам̣ ад̇т̇аран̣агаммамзва имааяа гат̇инаб̣бхаарагаммаваажааяа уд̣̇д̇харийяад̇и, на гат̇инад̣̇уссад̣̇аанан̃ад̇д̇ид̣̇уд̇ияагаммаваажаад̇и, д̇асмаа гат̇инуб̣бхаарагаммаваажаагаран̣ад̇о бажчаа сан̇гхасса уббаннам̣ жийварам̣ агаалажийварам̣ ход̇и, сан̇гхо бан̃жаанисам̣сз на лабхад̇и, жийварам̣ саб̣б̣асан̇гхигам̣ худ̇ваа ааг̇ад̇ааг̇ад̇асса сан̇гхасса бхааж̇анийяам̣ ход̇ийд̇и д̣̇адтаб̣б̣ам̣. аяамад̇т̇о гат̇инад̣̇уссад̣̇аанан̃ад̇д̇ид̣̇уд̇ияагаммаваажааяа жа гат̇инуб̣бхаарагаммаваажааяа жа ад̇т̇ан̃жа ад̇хиббааяан̃жа судту винижчинид̇ваа буб̣б̣аабарам̣ сам̣санд̣̇ид̇ваа бажжзд̇аб̣б̣од̇и.

    Etena ca kathinubbhārena pubbe kataṃ kathinadussadānañattidutiyakammavācaṃ ubbhatanti vadanti, na pana kathinadussadānañattidutiyakammaṃ ubbhataṃ, atha kho atthārakammamevāti daṭṭhabbaṃ. Yadi hi kathinadussadānañattidutiyakammaṃ ubbhataṃ bhaveyya, tāya kammavācāya kathinadussadānassa sijjhanato imāya kathinubbhārakammavācāya taṃ pubbe dinnadussaṃ puna āharāpetabbaṃ siyā, na pañcānisaṃsavigamanaṃ. Yasmā pana imāya kathinubbhārakammavācāya pañcānisaṃsavigamanameva hoti, na pubbe dinnakathinadussassa puna āharāpanaṃ. Tena viññāyati ‘‘pañcānisaṃsalābhakāraṇaṃ attharaṇakammameva imāya kathinabbhārakammavācāya uddharīyati, na kathinadussadānañattidutiyakammavācāti, tasmā kathinubbhārakammavācākaraṇato pacchā saṅghassa uppannaṃ cīvaraṃ akālacīvaraṃ hoti, saṅgho pañcānisaṃse na labhati, cīvaraṃ sabbasaṅghikaṃ hutvā āgatāgatassa saṅghassa bhājanīyaṃ hotīti daṭṭhabbaṃ. Ayamattho kathinadussadānañattidutiyakammavācāya ca kathinubbhārakammavācāya ca atthañca adhippāyañca suṭṭhu vinicchinitvā pubbāparaṃ saṃsanditvā paccetabboti.

    зд̇т̇а сияаа – гат̇инуб̣бхаарам̣ яаажанд̇аанам̣ саб̣б̣зсам̣ гат̇инуб̣бхааро д̣̇аад̇аб̣б̣о, уд̣̇ааху згажжаананд̇и, гин̃жзд̇т̇а – яад̣̇и д̇аава саб̣б̣зсам̣ д̣̇аад̇аб̣б̣о, гат̇инуб̣бхаарагаммзна бан̃жаанисам̣савиг̇аманад̇о сан̇гхасса лаабханд̇арааяо бхавзяяа, ат̇а згажжаанам̣ мукологанам̣ вияа сияаад̇и? яад̣̇и гат̇инад̇т̇аарамуулагалаабхад̇о гат̇инуб̣бхаарамуулагалаабхо маханд̇о бхавзяяа, д̇зсам̣ яаажанд̇аанам̣ гат̇инуб̣бхааро д̣̇аад̇аб̣б̣о. яад̣̇и аббаго, на д̣̇аад̇аб̣б̣о. яад̣̇и само, гулаббасаад̣̇ад̇т̇ааяа д̣̇аад̇аб̣б̣од̇и. д̇ат̇аа хи вуд̇д̇ам̣ адтагат̇ааяам̣ (баажи. адта. 927) ‘‘гийд̣̇исо гат̇инуд̣̇д̇хааро д̣̇аад̇аб̣б̣о, гийд̣̇исо на д̣̇аад̇аб̣б̣од̇и? яасса ад̇т̇аарамуулаго аанисам̣со махаа, уб̣бхаарамуулаго аббо, зваруубо на д̣̇аад̇аб̣б̣о. яасса бана ад̇т̇аарамуулаго аанисам̣со аббо, уб̣бхаарамуулаго махаа, зваруубо д̣̇аад̇аб̣б̣о. самаанисам̣соби сад̣̇д̇хаабарибааланад̇т̇ам̣ д̣̇аад̇аб̣б̣оваа’’д̇и. иминааби вин̃н̃ааяад̇и ‘‘бан̃жаанисам̣саанам̣ гааран̣абхууд̇ам̣ ад̇т̇аарагаммамзва уд̣̇д̇харийяад̇и, на гат̇инад̣̇уссад̣̇аанабхууд̇ам̣ н̃ад̇д̇ид̣̇уд̇ияагамма’’нд̇и.

    Ettha siyā – kathinubbhāraṃ yācantānaṃ sabbesaṃ kathinubbhāro dātabbo, udāhu ekaccānanti, kiñcettha – yadi tāva sabbesaṃ dātabbo, kathinubbhārakammena pañcānisaṃsavigamanato saṅghassa lābhantarāyo bhaveyya, atha ekaccānaṃ mukholokanaṃ viya siyāti? Yadi kathinatthāramūlakalābhato kathinubbhāramūlakalābho mahanto bhaveyya, tesaṃ yācantānaṃ kathinubbhāro dātabbo. Yadi appako, na dātabbo. Yadi samo, kulappasādatthāya dātabboti. Tathā hi vuttaṃ aṭṭhakathāyaṃ (pāci. aṭṭha. 927) ‘‘kīdiso kathinuddhāro dātabbo, kīdiso na dātabboti? Yassa atthāramūlako ānisaṃso mahā, ubbhāramūlako appo, evarūpo na dātabbo. Yassa pana atthāramūlako ānisaṃso appo, ubbhāramūlako mahā, evarūpo dātabbo. Samānisaṃsopi saddhāparipālanatthaṃ dātabbovā’’ti. Imināpi viññāyati ‘‘pañcānisaṃsānaṃ kāraṇabhūtaṃ atthārakammameva uddharīyati, na kathinadussadānabhūtaṃ ñattidutiyakamma’’nti.

    аанисам̣сагат̇ааяам̣ бан̃жаад̇и ид̣̇аани вужжамаанаа анааманд̇ажаараад̣̇аяо бан̃жа гирияаа. габбиссанд̇ийд̇и габбаа бхависсанд̇и, анаабад̇д̇игааран̣аа бхависсанд̇ийд̇и ад̇т̇о. анааманд̇ажаарод̇и анааманд̇зд̇ваа жаран̣ам̣. яо хи д̣̇ааяагзхи бхад̇д̇зна ниманд̇ид̇о худ̇ваа сабхад̇д̇о самаано вихаарз санд̇ам̣ бхигкум̣ анааманд̇зд̇ваа гулзсу жаарид̇д̇ам̣ аабаж̇ж̇ад̇и, д̇асса бхигкуно жаарид̇д̇асигкаабад̣̇зна баажид̇д̇ияаабад̇д̇и ход̇и, саа аабад̇д̇и ад̇т̇ад̇агат̇инасса на ход̇ийд̇и ад̇т̇о. д̇ад̇т̇а жаарид̇д̇асигкаабад̣̇ам̣ наама ‘‘яо бана бхигку ниманд̇ид̇о сабхад̇д̇о самаано санд̇ам̣ бхигкум̣ анаабужчаа бурзбхад̇д̇ам̣ ваа бажчаабхад̇д̇ам̣ ваа гулзсу жаарид̇д̇ам̣ аабаж̇ж̇зяяа ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо жийварад̣̇аанасамаяо жийварагаарасамаяо, аяам̣ д̇ад̇т̇а самаяо’’д̇и ажзлагаваг̇г̇з бан̃жамасигкаабад̣̇ам̣ (баажи. 299-300). жийваравиббаваасод̇и д̇ин̣н̣ам̣ жийвараанам̣ ан̃н̃ад̇арзна ваа саб̣б̣зна ваа винаа хад̇т̇абаасз агад̇ваа арун̣удтаабанам̣, звам̣ гарод̇оби д̣̇уд̇ияагат̇инасигкаабад̣̇зна аабад̇д̇и на ход̇ийд̇и ад̇хиббааяо. д̇ад̇т̇а жа д̣̇уд̇ияагат̇инасигкаабад̣̇ам̣ наама ‘‘нидтид̇ажийварасмим̣ бана бхигкунаа уб̣бхад̇асмим̣ гат̇инз згарад̇д̇амби жз бхигку д̇ижийварзна виббавасзяяа ан̃н̃ад̇ра бхигкусаммуд̇ияаа, ниссаг̇г̇ияам̣ баажид̇д̇ияа’’нд̇и ааг̇ад̇ам̣ ниссаг̇г̇иязсу д̣̇уд̇ияасигкаабад̣̇ам̣ (баараа. 472).

    Ānisaṃsakathāyaṃ pañcāti idāni vuccamānā anāmantacārādayo pañca kiriyā. Kappissantīti kappā bhavissanti, anāpattikāraṇā bhavissantīti attho. Anāmantacāroti anāmantetvā caraṇaṃ. Yo hi dāyakehi bhattena nimantito hutvā sabhatto samāno vihāre santaṃ bhikkhuṃ anāmantetvā kulesu cārittaṃ āpajjati, tassa bhikkhuno cārittasikkhāpadena pācittiyāpatti hoti, sā āpatti atthatakathinassa na hotīti attho. Tattha cārittasikkhāpadaṃ nāma ‘‘yo pana bhikkhu nimantito sabhatto samāno santaṃ bhikkhuṃ anāpucchā purebhattaṃ vā pacchābhattaṃ vā kulesu cārittaṃ āpajjeyya aññatra samayā, pācittiyaṃ. Tatthāyaṃ samayo cīvaradānasamayo cīvarakārasamayo, ayaṃ tattha samayo’’ti acelakavagge pañcamasikkhāpadaṃ (pāci. 299-300). Cīvaravippavāsoti tiṇṇaṃ cīvarānaṃ aññatarena vā sabbena vā vinā hatthapāse akatvā aruṇuṭṭhāpanaṃ, evaṃ karotopi dutiyakathinasikkhāpadena āpatti na hotīti adhippāyo. Tattha ca dutiyakathinasikkhāpadaṃ nāma ‘‘niṭṭhitacīvarasmiṃ pana bhikkhunā ubbhatasmiṃ kathine ekarattampi ce bhikkhu ticīvarena vippavaseyya aññatra bhikkhusammutiyā, nissaggiyaṃ pācittiya’’nti āgataṃ nissaggiyesu dutiyasikkhāpadaṃ (pārā. 472).

    г̇ан̣абхож̇ананд̇и зд̇зна г̇ан̣абхож̇анасигкаабад̣̇зна анаабад̇д̇и вуд̇д̇аад̇и самб̣анд̇хо. д̇ад̇т̇а г̇ан̣абхож̇анам̣ наама ‘‘амхаагам̣ бхад̇д̇ам̣ д̣̇зт̇аа’’д̇и бхигкуунам̣ вин̃н̃ад̇д̇ияаа ваа ‘‘амхаагам̣ бхад̇д̇ам̣ г̇ан̣хат̇аа’’д̇и д̣̇ааяагаанам̣ ниманд̇анзна ваа агаббияавохаарзна жад̇д̇ааро ваа ад̇ирзгаа ваа бхигкуу згад̇о бадиг̇г̇ан̣хид̇ваа згад̇о бхун̃ж̇анам̣. г̇ан̣абхож̇анасигкаабад̣̇ам̣ наама ‘‘г̇ан̣абхож̇анз ан̃н̃ад̇ра самаяаа баажид̇д̇ияам̣. д̇ад̇т̇ааяам̣ самаяо г̇илаанасамаяо жийварад̣̇аанасамаяо жийварагаарасамаяо ад̣̇д̇хаанаг̇аманасамаяо нааваабхируханасамаяо махаасамаяо саман̣абхад̇д̇асамаяо, аяам̣ д̇ад̇т̇а самаяо’’д̇и ааг̇ад̇ам̣ бхож̇анаваг̇г̇з д̣̇уд̇ияасигкаабад̣̇ам̣ (баажи. 215). анад̇хидтид̇ам̣ авигаббид̇ам̣ ваддад̇ийд̇и батамагат̇инасигкаабад̣̇зна аабад̇д̇и на ход̇ийд̇и ад̇хиббааяо. д̇ад̇т̇а батамагат̇инасигкаабад̣̇ам̣ наама ‘‘нидтид̇ажийварасмим̣ бана бхигкунаа уб̣бхад̇асмим̣ гат̇инз д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣, д̇ам̣ ад̇иггаамаяад̇о ниссаг̇г̇ияам̣ баажид̇д̇ияа’’нд̇и ааг̇ад̇ам̣ ниссаг̇г̇иязсу батамасигкаабад̣̇ам̣ (баараа. 472). гат̇инад̇т̇ад̇асиймааяаад̇и убажаарасиймам̣ санд̇хааяа вуд̇д̇ам̣. мад̇агажийваранд̇и мад̇асса жийварам̣. д̇ад̇руббаад̣̇знаад̇и сан̇гхасанд̇агзна аараамуяяаанакзд̇д̇авад̇т̇уаад̣̇инаа. яам̣ сан̇гхигам̣ жийварам̣ уббаж̇ж̇ад̇и, д̇ам̣ д̇зсам̣ бхависсад̇ийд̇и иминаа жийварамзва гат̇инад̇т̇аарагаанам̣ бхигкуунам̣ санд̇агам̣ ход̇и, д̇ад̇о ан̃н̃ам̣ бин̣д̣абаад̇абхзсаж̇ж̇аад̣̇игам̣ ааг̇ад̇ааг̇ад̇асса сан̇гхасса санд̇агам̣ ход̇ийд̇и д̣̇ассзд̇и.

    Gaṇabhojananti etena gaṇabhojanasikkhāpadena anāpatti vuttāti sambandho. Tattha gaṇabhojanaṃ nāma ‘‘amhākaṃ bhattaṃ dethā’’ti bhikkhūnaṃ viññattiyā vā ‘‘amhākaṃ bhattaṃ gaṇhathā’’ti dāyakānaṃ nimantanena vā akappiyavohārena cattāro vā atirekā vā bhikkhū ekato paṭiggaṇhitvā ekato bhuñjanaṃ. Gaṇabhojanasikkhāpadaṃ nāma ‘‘gaṇabhojane aññatra samayā pācittiyaṃ. Tatthāyaṃ samayo gilānasamayo cīvaradānasamayo cīvarakārasamayo addhānagamanasamayo nāvābhiruhanasamayo mahāsamayo samaṇabhattasamayo, ayaṃ tattha samayo’’ti āgataṃ bhojanavagge dutiyasikkhāpadaṃ (pāci. 215). Anadhiṭṭhitaṃ avikappitaṃ vaṭṭatīti paṭhamakathinasikkhāpadena āpatti na hotīti adhippāyo. Tattha paṭhamakathinasikkhāpadaṃ nāma ‘‘niṭṭhitacīvarasmiṃ pana bhikkhunā ubbhatasmiṃ kathine dasāhaparamaṃ atirekacīvaraṃ dhāretabbaṃ, taṃ atikkāmayato nissaggiyaṃ pācittiya’’nti āgataṃ nissaggiyesu paṭhamasikkhāpadaṃ (pārā. 472). Kathinatthatasīmāyāti upacārasīmaṃ sandhāya vuttaṃ. Matakacīvaranti matassa cīvaraṃ. Tatruppādenāti saṅghasantakena ārāmuyyānakhettavatthuādinā. Yaṃ saṅghikaṃ cīvaraṃ uppajjati, taṃ tesaṃ bhavissatīti iminā cīvarameva kathinatthārakānaṃ bhikkhūnaṃ santakaṃ hoti, tato aññaṃ piṇḍapātabhesajjādikaṃ āgatāgatassa saṅghassa santakaṃ hotīti dasseti.

    звам̣ адтан̇г̇асамбанно, лаж̇ж̇ий бхигку субзсало;

    Evaṃ aṭṭhaṅgasampanno, lajjī bhikkhu supesalo;

    гарзяяа гат̇инад̇т̇аарам̣, уб̣бхааран̃жааби саад̇хуганд̇и.

    Kareyya kathinatthāraṃ, ubbhārañcāpi sādhukanti.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    гат̇инад̇т̇ааравинижчаяагат̇аалан̇гааро наама

    Kathinatthāravinicchayakathālaṅkāro nāma

    згуунад̇им̣сад̇имо барижчзд̣̇о.

    Ekūnatiṃsatimo paricchedo.




    Next: 30. г̇арубхан̣д̣авинижчаяагат̇аа • 30. Garubhaṇḍavinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact