| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. கதிசி²ந்த³ஸுத்தவண்ணனா
5. Katichindasuttavaṇṇanā
5. பஞ்சமே கதி சி²ந்தே³தி சி²ந்த³ந்தோ கதி சி²ந்தெ³ய்ய. ஸேஸபதே³ஸுபி ஏஸேவ நயோ. எத்த² ச ‘‘சி²ந்தே³ ஜஹே’’தி அத்த²தோ ஏகங். கா³தா²ப³ந்த⁴ஸ்ஸ பன மட்ட²பா⁴வத்த²ங் அயங் தே³வதா ஸத்³த³புனருத்திங் வஜ்ஜயந்தீ ஏவமாஹ. கதி ஸங்கா³திகோ³தி கதி ஸங்கே³ அதிக³தோ, அதிக்கந்தோதி அத்தோ². ஸங்கா³திகோதிபி பாடோ², அயமேவ அத்தோ². பஞ்ச சி²ந்தே³தி சி²ந்த³ந்தோ பஞ்ச ஓரம்பா⁴கி³யஸங்யோஜனானி சி²ந்தெ³ய்ய. பஞ்ச ஜஹேதி ஜஹந்தோ பஞ்சுத்³த⁴ம்பா⁴கி³யஸங்யோஜனானி ஜஹெய்ய. இதா⁴பி சி²ந்த³னஞ்ச ஜஹனஞ்ச அத்த²தோ ஏகமேவ, ப⁴க³வா பன தே³வதாய ஆரோபிதவசனானுரூபேனேவ ஏவமாஹ. அத² வா பாதே³ஸு ப³த்³த⁴பாஸஸகுணோ விய பஞ்சோரம்பா⁴கி³யஸங்யோஜனானி ஹெட்டா² ஆகட்³ட⁴மானாகாரானி ஹொந்தி, தானி அனாகா³மிமக்³கே³ன சி²ந்தெ³ய்யாதி வத³தி. ஹத்தே²ஹி க³ஹிதருக்க²ஸாகா² விய பஞ்சுத்³த⁴ம்பா⁴கி³யஸங்யோஜனானி உபரி ஆகட்³ட⁴மானாகாரானி ஹொந்தி, தானி அரஹத்தமக்³கே³ன ஜஹெய்யாதி வத³தி. பஞ்ச சுத்தரி பா⁴வயேதி ஏதேஸங் ஸங்யோஜனானங் சி²ந்த³னத்தா²ய சேவ பஹானத்தா²ய ச உத்தரி அதிரேகங் விஸேஸங் பா⁴வெந்தோ ஸத்³தா⁴பஞ்சமானி இந்த்³ரியானி பா⁴வெய்யாதி அத்தோ². பஞ்ச ஸங்கா³திகோ³தி ராக³ஸங்கோ³ தோ³ஸஸங்கோ³ மோஹஸங்கோ³ மானஸங்கோ³ தி³ட்டி²ஸங்கோ³தி இமே பஞ்ச ஸங்கே³ அதிக்கந்தோ. ஓக⁴திண்ணோதி வுச்சதீதி சதுரோக⁴திண்ணோதி கதீ²யதி. இமாய பன கா³தா²ய பஞ்சிந்த்³ரியானி லோகியலோகுத்தரானி கதி²தானீதி.
5. Pañcame kati chindeti chindanto kati chindeyya. Sesapadesupi eseva nayo. Ettha ca ‘‘chinde jahe’’ti atthato ekaṃ. Gāthābandhassa pana maṭṭhabhāvatthaṃ ayaṃ devatā saddapunaruttiṃ vajjayantī evamāha. Kati saṅgātigoti kati saṅge atigato, atikkantoti attho. Saṅgātikotipi pāṭho, ayameva attho. Pañca chindeti chindanto pañca orambhāgiyasaṃyojanāni chindeyya. Pañca jaheti jahanto pañcuddhambhāgiyasaṃyojanāni jaheyya. Idhāpi chindanañca jahanañca atthato ekameva, bhagavā pana devatāya āropitavacanānurūpeneva evamāha. Atha vā pādesu baddhapāsasakuṇo viya pañcorambhāgiyasaṃyojanāni heṭṭhā ākaḍḍhamānākārāni honti, tāni anāgāmimaggena chindeyyāti vadati. Hatthehi gahitarukkhasākhā viya pañcuddhambhāgiyasaṃyojanāni upari ākaḍḍhamānākārāni honti, tāni arahattamaggena jaheyyāti vadati. Pañca cuttari bhāvayeti etesaṃ saṃyojanānaṃ chindanatthāya ceva pahānatthāya ca uttari atirekaṃ visesaṃ bhāvento saddhāpañcamāni indriyāni bhāveyyāti attho. Pañca saṅgātigoti rāgasaṅgo dosasaṅgo mohasaṅgo mānasaṅgo diṭṭhisaṅgoti ime pañca saṅge atikkanto. Oghatiṇṇoti vuccatīti caturoghatiṇṇoti kathīyati. Imāya pana gāthāya pañcindriyāni lokiyalokuttarāni kathitānīti.
கதிசி²ந்த³ஸுத்தவண்ணனா நிட்டி²தா.
Katichindasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. கதிசி²ந்த³ஸுத்தங் • 5. Katichindasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. கதிசி²ந்த³ஸுத்தவண்ணனா • 5. Katichindasuttavaṇṇanā
