| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. гад̇ичинд̣̇асуд̇д̇аван̣н̣анаа
5. Katichindasuttavaṇṇanā
5. бан̃жамз гад̇и чинд̣̇зд̇и чинд̣̇анд̇о гад̇и чинд̣̇зяяа. сзсабад̣̇зсуби зсзва наяо. зд̇т̇а жа ‘‘чинд̣̇з ж̇ахз’’д̇и ад̇т̇ад̇о згам̣. г̇аат̇ааб̣анд̇хасса бана мадтабхаавад̇т̇ам̣ аяам̣ д̣̇звад̇аа сад̣̇д̣̇абунаруд̇д̇им̣ важ̇ж̇аяанд̇ий звамааха. гад̇и сан̇г̇аад̇иг̇од̇и гад̇и сан̇г̇з ад̇иг̇ад̇о, ад̇игганд̇од̇и ад̇т̇о. сан̇г̇аад̇игод̇иби баато, аяамзва ад̇т̇о. бан̃жа чинд̣̇зд̇и чинд̣̇анд̇о бан̃жа орамбхааг̇ияасам̣яож̇анаани чинд̣̇зяяа. бан̃жа ж̇ахзд̇и ж̇аханд̇о бан̃жуд̣̇д̇хамбхааг̇ияасам̣яож̇анаани ж̇ахзяяа. ид̇хааби чинд̣̇анан̃жа ж̇аханан̃жа ад̇т̇ад̇о згамзва, бхаг̇аваа бана д̣̇звад̇ааяа ааробид̇аважанаануруубзнзва звамааха. ат̇а ваа баад̣̇зсу б̣ад̣̇д̇хабаасасагун̣о вияа бан̃жорамбхааг̇ияасам̣яож̇анаани хздтаа аагад̣дхамаанаагаараани хонд̇и, д̇аани анааг̇аамимаг̇г̇зна чинд̣̇зяяаад̇и вад̣̇ад̇и. хад̇т̇зхи г̇ахид̇аругкасаакаа вияа бан̃жуд̣̇д̇хамбхааг̇ияасам̣яож̇анаани убари аагад̣дхамаанаагаараани хонд̇и, д̇аани арахад̇д̇амаг̇г̇зна ж̇ахзяяаад̇и вад̣̇ад̇и. бан̃жа жуд̇д̇ари бхааваязд̇и зд̇зсам̣ сам̣яож̇анаанам̣ чинд̣̇анад̇т̇ааяа жзва бахаанад̇т̇ааяа жа уд̇д̇ари ад̇ирзгам̣ висзсам̣ бхаавзнд̇о сад̣̇д̇хаабан̃жамаани инд̣̇рияаани бхаавзяяаад̇и ад̇т̇о. бан̃жа сан̇г̇аад̇иг̇од̇и рааг̇асан̇г̇о д̣̇осасан̇г̇о мохасан̇г̇о маанасан̇г̇о д̣̇идтисан̇г̇од̇и имз бан̃жа сан̇г̇з ад̇игганд̇о. огхад̇ин̣н̣од̇и вужжад̇ийд̇и жад̇урогхад̇ин̣н̣од̇и гат̇ийяад̇и. имааяа бана г̇аат̇ааяа бан̃жинд̣̇рияаани логияалогуд̇д̇араани гат̇ид̇аанийд̇и.
5. Pañcame kati chindeti chindanto kati chindeyya. Sesapadesupi eseva nayo. Ettha ca ‘‘chinde jahe’’ti atthato ekaṃ. Gāthābandhassa pana maṭṭhabhāvatthaṃ ayaṃ devatā saddapunaruttiṃ vajjayantī evamāha. Kati saṅgātigoti kati saṅge atigato, atikkantoti attho. Saṅgātikotipi pāṭho, ayameva attho. Pañca chindeti chindanto pañca orambhāgiyasaṃyojanāni chindeyya. Pañca jaheti jahanto pañcuddhambhāgiyasaṃyojanāni jaheyya. Idhāpi chindanañca jahanañca atthato ekameva, bhagavā pana devatāya āropitavacanānurūpeneva evamāha. Atha vā pādesu baddhapāsasakuṇo viya pañcorambhāgiyasaṃyojanāni heṭṭhā ākaḍḍhamānākārāni honti, tāni anāgāmimaggena chindeyyāti vadati. Hatthehi gahitarukkhasākhā viya pañcuddhambhāgiyasaṃyojanāni upari ākaḍḍhamānākārāni honti, tāni arahattamaggena jaheyyāti vadati. Pañca cuttari bhāvayeti etesaṃ saṃyojanānaṃ chindanatthāya ceva pahānatthāya ca uttari atirekaṃ visesaṃ bhāvento saddhāpañcamāni indriyāni bhāveyyāti attho. Pañca saṅgātigoti rāgasaṅgo dosasaṅgo mohasaṅgo mānasaṅgo diṭṭhisaṅgoti ime pañca saṅge atikkanto. Oghatiṇṇoti vuccatīti caturoghatiṇṇoti kathīyati. Imāya pana gāthāya pañcindriyāni lokiyalokuttarāni kathitānīti.
гад̇ичинд̣̇асуд̇д̇аван̣н̣анаа нидтид̇аа.
Katichindasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. гад̇ичинд̣̇асуд̇д̇ам̣ • 5. Katichindasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. гад̇ичинд̣̇асуд̇д̇аван̣н̣анаа • 5. Katichindasuttavaṇṇanā
