| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. гад̇ичинд̣̇асуд̇д̇аван̣н̣анаа
5. Katichindasuttavaṇṇanā
5. чинд̣̇анд̇од̇и самужчинд̣̇анд̇о. гад̇и чинд̣̇зяяаад̇и гид̇д̇агз баабад̇хаммз самужчинд̣̇зяяа, ануббад̇д̇ид̇хаммад̇ам̣ баабзяяа. сзсабад̣̇зсубийд̇и сзсзсуби д̣̇вийсу бад̣̇зсу. ж̇аханд̇о гад̇и ж̇ахзяяа, бхаавзнд̇о гад̇и уд̇д̇ари бхаавзяяаад̇и имамад̇т̇ам̣ ‘‘зсзва наяо’’д̇и иминаа ад̇ид̣̇исад̇и. жад̇уд̇т̇абад̣̇асса бана ад̇т̇о саруубзнзва д̣̇ассид̇о. ад̇т̇ад̇о зганд̇и бхаавад̇т̇ад̇о згам̣. яад̣̇и звам̣ гимад̇т̇ам̣ барияааяанд̇арам̣ г̇ахид̇анд̇и ааха ‘‘г̇аат̇ааб̣анд̇хасса банаа’’д̇иаад̣̇и. ад̇т̇ад̇о зд̇т̇а бунаруд̇д̇и ад̇т̇зваад̇и ааха ‘‘сад̣̇д̣̇абунаруд̇д̇им̣ важ̇ж̇аяанд̇ий’’д̇и. сан̇г̇ам̣ ад̇иггамаяад̇ийд̇и сан̇г̇аад̇иг̇од̇и ааха ‘‘аяамзвад̇т̇о’’д̇и.
5.Chindantoti samucchindanto. Kati chindeyyāti kittake pāpadhamme samucchindeyya, anuppattidhammataṃ pāpeyya. Sesapadesupīti sesesupi dvīsu padesu. Jahanto kati jaheyya, bhāvento kati uttari bhāveyyāti imamatthaṃ ‘‘eseva nayo’’ti iminā atidisati. Catutthapadassa pana attho sarūpeneva dassito. Atthato ekanti bhāvatthato ekaṃ. Yadi evaṃ kimatthaṃ pariyāyantaraṃ gahitanti āha ‘‘gāthābandhassa panā’’tiādi. Atthato ettha punarutti atthevāti āha ‘‘saddapunaruttiṃ vajjayantī’’ti. Saṅgaṃ atikkamayatīti saṅgātigoti āha ‘‘ayamevattho’’ti.
орам̣ вужжад̇и гаамад̇хаад̇у, бадисанд̇хияаа бажжаяабхаавзна д̇ан̃жа бхаж̇анд̇ийд̇и орамбхааг̇ияаани. д̇ад̇т̇а жа гаммам̣ д̇аб̣б̣ибаагам̣ сад̇д̇з д̣̇угкам̣, гаммунаа вибаагам̣, сад̇д̇зна д̣̇угкам̣ сам̣яож̇знд̇ийд̇и сам̣яож̇анаани, саггааяад̣̇идти-вижигижчаа-сийлаб̣б̣ад̇абараамааса-гаамарааг̇а-бадигхаа. уд̣̇д̇хам̣ вужжад̇и жад̇ассо аруубад̇хаад̇уяо, вуд̇д̇анаязна д̇ам̣ бхаж̇анд̇ийд̇и уд̣̇д̇хамбхааг̇ияаани, сам̣яож̇анаани руубааруубарааг̇амаануд̣̇д̇хажжаавиж̇ж̇аа. ааробид̇аважанаануруубзнзва звамаахаад̇и ‘‘бан̃жа чинд̣̇з бан̃жа ж̇ахз’’д̇и звам̣ гат̇зси д̇ассаа д̣̇звад̇ааяа сукаг̇г̇ахан̣ад̇т̇ам̣. на гзвалам̣ д̇ааяа д̣̇звад̇ааяа вуд̇д̇аважанаануруубад̇о зва, ат̇а ко д̇зсу сам̣яож̇анзсу вад̇д̇аб̣б̣аагаарад̇обийд̇и д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. д̇зна орамбхааг̇ияасам̣яож̇анаани наама г̇арууни д̣̇ужчзд̣̇аани г̇аал̣хаб̣анд̇ханабхаавад̇о, д̇асмаа д̇аани санд̇хааяа ‘‘бан̃жа чинд̣̇з’’д̇и вуд̇д̇ам̣.
Oraṃ vuccati kāmadhātu, paṭisandhiyā paccayabhāvena tañca bhajantīti orambhāgiyāni. Tattha ca kammaṃ tabbipākaṃ satte dukkhaṃ, kammunā vipākaṃ, sattena dukkhaṃ saṃyojentīti saṃyojanāni, sakkāyadiṭṭhi-vicikicchā-sīlabbataparāmāsa-kāmarāga-paṭighā. Uddhaṃ vuccati catasso arūpadhātuyo, vuttanayena taṃ bhajantīti uddhambhāgiyāni, saṃyojanāni rūpārūparāgamānuddhaccāvijjā. Āropitavacanānurūpeneva evamāhāti ‘‘pañca chinde pañca jahe’’ti evaṃ kathesi tassā devatāya sukhaggahaṇatthaṃ. Na kevalaṃ tāya devatāya vuttavacanānurūpato eva, atha kho tesu saṃyojanesu vattabbākāratopīti dassetuṃ ‘‘atha vā’’tiādi vuttaṃ. Tena orambhāgiyasaṃyojanāni nāma garūni ducchedāni gāḷhabandhanabhāvato, tasmā tāni sandhāya ‘‘pañca chinde’’ti vuttaṃ.
уд̣̇д̇хамбхааг̇ияасам̣яож̇анаани бана лахууни сужчзд̣̇аани хздтаа бавад̇д̇ид̇аануггамзна бхааванаанаязна бахаад̇аб̣б̣ад̇о, д̇асмаа д̇аани санд̇хааяа ‘‘бан̃жа ж̇ахз’’д̇и вуд̇д̇ам̣. д̇знааха ‘‘баад̣̇зсу б̣ад̣̇д̇хабаасасагун̣о вияаа’’д̇иаад̣̇и. висзсанд̇и бхааванаанам̣ висзсам̣ вибассанаабхааванам̣ бхаавзнд̇о уббаад̣̇знд̇о вибажжзнд̇о вад̣дхзнд̇о жа. сам̣саарабан̇гз сан̃ж̇анадтзна рааг̇о зва сан̇г̇о ‘‘рааг̇асан̇г̇о’’. зса наяо сзсзсуби. яасмаа зд̇т̇а рааг̇а-моха-д̣̇идти-д̇аб̣бхааг̇ияасаггааяад̣̇идти-сийлаб̣б̣ад̇абараамааса-гаамарааг̇аавиж̇ж̇аа ад̇т̇ад̇о огхаа зва, ид̇арз д̇ад̣̇згадтаа, д̇асмаа бхаг̇аваа сам̣яож̇анаббахаанасан̇г̇аад̇иггамзхи огхад̇аран̣ам̣ гат̇зси. логияалогуд̇д̇араани гат̇ид̇аани ‘‘бхааваяз’’д̇и буб̣б̣абхааг̇ааяа маг̇г̇абхааванааяа ад̇хиббзд̇ад̇д̇аа.
Uddhambhāgiyasaṃyojanāni pana lahūni succhedāni heṭṭhā pavattitānukkamena bhāvanānayena pahātabbato, tasmā tāni sandhāya ‘‘pañca jahe’’ti vuttaṃ. Tenāha ‘‘pādesu baddhapāsasakuṇo viyā’’tiādi. Visesanti bhāvanānaṃ visesaṃ vipassanābhāvanaṃ bhāvento uppādento vipaccento vaḍḍhento ca. Saṃsārapaṅke sañjanaṭṭhena rāgo eva saṅgo ‘‘rāgasaṅgo’’. Esa nayo sesesupi. Yasmā ettha rāga-moha-diṭṭhi-tabbhāgiyasakkāyadiṭṭhi-sīlabbataparāmāsa-kāmarāgāvijjā atthato oghā eva, itare tadekaṭṭhā, tasmā bhagavā saṃyojanappahānasaṅgātikkamehi oghataraṇaṃ kathesi. Lokiyalokuttarāni kathitāni ‘‘bhāvaye’’ti pubbabhāgāya maggabhāvanāya adhippetattā.
гад̇ичинд̣̇асуд̇д̇аван̣н̣анаа нидтид̇аа.
Katichindasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. гад̇ичинд̣̇асуд̇д̇ам̣ • 5. Katichindasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. гад̇ичинд̣̇асуд̇д̇аван̣н̣анаа • 5. Katichindasuttavaṇṇanā
