| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਕਤਿਛਿਨ੍ਦਸੁਤ੍ਤવਣ੍ਣਨਾ
5. Katichindasuttavaṇṇanā
੫. ਪਞ੍ਚਮੇ ਕਤਿ ਛਿਨ੍ਦੇਤਿ ਛਿਨ੍ਦਨ੍ਤੋ ਕਤਿ ਛਿਨ੍ਦੇਯ੍ਯ। ਸੇਸਪਦੇਸੁਪਿ ਏਸੇવ ਨਯੋ। ਏਤ੍ਥ ਚ ‘‘ਛਿਨ੍ਦੇ ਜਹੇ’’ਤਿ ਅਤ੍ਥਤੋ ਏਕਂ। ਗਾਥਾਬਨ੍ਧਸ੍ਸ ਪਨ ਮਟ੍ਠਭਾવਤ੍ਥਂ ਅਯਂ ਦੇવਤਾ ਸਦ੍ਦਪੁਨਰੁਤ੍ਤਿਂ વਜ੍ਜਯਨ੍ਤੀ ਏવਮਾਹ। ਕਤਿ ਸਙ੍ਗਾਤਿਗੋਤਿ ਕਤਿ ਸਙ੍ਗੇ ਅਤਿਗਤੋ, ਅਤਿਕ੍ਕਨ੍ਤੋਤਿ ਅਤ੍ਥੋ। ਸਙ੍ਗਾਤਿਕੋਤਿਪਿ ਪਾਠੋ, ਅਯਮੇવ ਅਤ੍ਥੋ। ਪਞ੍ਚ ਛਿਨ੍ਦੇਤਿ ਛਿਨ੍ਦਨ੍ਤੋ ਪਞ੍ਚ ਓਰਮ੍ਭਾਗਿਯਸਂਯੋਜਨਾਨਿ ਛਿਨ੍ਦੇਯ੍ਯ। ਪਞ੍ਚ ਜਹੇਤਿ ਜਹਨ੍ਤੋ ਪਞ੍ਚੁਦ੍ਧਮ੍ਭਾਗਿਯਸਂਯੋਜਨਾਨਿ ਜਹੇਯ੍ਯ। ਇਧਾਪਿ ਛਿਨ੍ਦਨਞ੍ਚ ਜਹਨਞ੍ਚ ਅਤ੍ਥਤੋ ਏਕਮੇવ, ਭਗવਾ ਪਨ ਦੇવਤਾਯ ਆਰੋਪਿਤવਚਨਾਨੁਰੂਪੇਨੇવ ਏવਮਾਹ। ਅਥ વਾ ਪਾਦੇਸੁ ਬਦ੍ਧਪਾਸਸਕੁਣੋ વਿਯ ਪਞ੍ਚੋਰਮ੍ਭਾਗਿਯਸਂਯੋਜਨਾਨਿ ਹੇਟ੍ਠਾ ਆਕਡ੍ਢਮਾਨਾਕਾਰਾਨਿ ਹੋਨ੍ਤਿ, ਤਾਨਿ ਅਨਾਗਾਮਿਮਗ੍ਗੇਨ ਛਿਨ੍ਦੇਯ੍ਯਾਤਿ વਦਤਿ। ਹਤ੍ਥੇਹਿ ਗਹਿਤਰੁਕ੍ਖਸਾਖਾ વਿਯ ਪਞ੍ਚੁਦ੍ਧਮ੍ਭਾਗਿਯਸਂਯੋਜਨਾਨਿ ਉਪਰਿ ਆਕਡ੍ਢਮਾਨਾਕਾਰਾਨਿ ਹੋਨ੍ਤਿ, ਤਾਨਿ ਅਰਹਤ੍ਤਮਗ੍ਗੇਨ ਜਹੇਯ੍ਯਾਤਿ વਦਤਿ। ਪਞ੍ਚ ਚੁਤ੍ਤਰਿ ਭਾવਯੇਤਿ ਏਤੇਸਂ ਸਂਯੋਜਨਾਨਂ ਛਿਨ੍ਦਨਤ੍ਥਾਯ ਚੇવ ਪਹਾਨਤ੍ਥਾਯ ਚ ਉਤ੍ਤਰਿ ਅਤਿਰੇਕਂ વਿਸੇਸਂ ਭਾવੇਨ੍ਤੋ ਸਦ੍ਧਾਪਞ੍ਚਮਾਨਿ ਇਨ੍ਦ੍ਰਿਯਾਨਿ ਭਾવੇਯ੍ਯਾਤਿ ਅਤ੍ਥੋ। ਪਞ੍ਚ ਸਙ੍ਗਾਤਿਗੋਤਿ ਰਾਗਸਙ੍ਗੋ ਦੋਸਸਙ੍ਗੋ ਮੋਹਸਙ੍ਗੋ ਮਾਨਸਙ੍ਗੋ ਦਿਟ੍ਠਿਸਙ੍ਗੋਤਿ ਇਮੇ ਪਞ੍ਚ ਸਙ੍ਗੇ ਅਤਿਕ੍ਕਨ੍ਤੋ। ਓਘਤਿਣ੍ਣੋਤਿ વੁਚ੍ਚਤੀਤਿ ਚਤੁਰੋਘਤਿਣ੍ਣੋਤਿ ਕਥੀਯਤਿ। ਇਮਾਯ ਪਨ ਗਾਥਾਯ ਪਞ੍ਚਿਨ੍ਦ੍ਰਿਯਾਨਿ ਲੋਕਿਯਲੋਕੁਤ੍ਤਰਾਨਿ ਕਥਿਤਾਨੀਤਿ।
5. Pañcame kati chindeti chindanto kati chindeyya. Sesapadesupi eseva nayo. Ettha ca ‘‘chinde jahe’’ti atthato ekaṃ. Gāthābandhassa pana maṭṭhabhāvatthaṃ ayaṃ devatā saddapunaruttiṃ vajjayantī evamāha. Kati saṅgātigoti kati saṅge atigato, atikkantoti attho. Saṅgātikotipi pāṭho, ayameva attho. Pañca chindeti chindanto pañca orambhāgiyasaṃyojanāni chindeyya. Pañca jaheti jahanto pañcuddhambhāgiyasaṃyojanāni jaheyya. Idhāpi chindanañca jahanañca atthato ekameva, bhagavā pana devatāya āropitavacanānurūpeneva evamāha. Atha vā pādesu baddhapāsasakuṇo viya pañcorambhāgiyasaṃyojanāni heṭṭhā ākaḍḍhamānākārāni honti, tāni anāgāmimaggena chindeyyāti vadati. Hatthehi gahitarukkhasākhā viya pañcuddhambhāgiyasaṃyojanāni upari ākaḍḍhamānākārāni honti, tāni arahattamaggena jaheyyāti vadati. Pañca cuttari bhāvayeti etesaṃ saṃyojanānaṃ chindanatthāya ceva pahānatthāya ca uttari atirekaṃ visesaṃ bhāvento saddhāpañcamāni indriyāni bhāveyyāti attho. Pañca saṅgātigoti rāgasaṅgo dosasaṅgo mohasaṅgo mānasaṅgo diṭṭhisaṅgoti ime pañca saṅge atikkanto. Oghatiṇṇoti vuccatīti caturoghatiṇṇoti kathīyati. Imāya pana gāthāya pañcindriyāni lokiyalokuttarāni kathitānīti.
ਕਤਿਛਿਨ੍ਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Katichindasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਕਤਿਛਿਨ੍ਦਸੁਤ੍ਤਂ • 5. Katichindasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਕਤਿਛਿਨ੍ਦਸੁਤ੍ਤવਣ੍ਣਨਾ • 5. Katichindasuttavaṇṇanā
