| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অন্তরপেয্যালং
Antarapeyyālaṃ
কতিপুচ্ছাৰারৰণ্ণনা
Katipucchāvāravaṇṇanā
২৭১. কতি আপত্তিযোতি পারাজিকাদীসু পঞ্চসু আপত্তীসু মেথুনাদিন্নাদানাদিঅন্তোগধভেদং অপেক্খিত্ৰা জাতিৰসেন একত্তং আরোপেত্ৰা পুচ্ছা কতা। কতি আপত্তিক্খন্ধাতি অন্তোগধভেদং অপেক্খিত্ৰা পচ্চেকং রাসট্ঠেনাতি এত্তকমেৰেত্থ ভেদো। ৰিনীতানিযেৰ ৰিনীতৰত্থূনীতি আপত্তিতো ৰিরমণানি এৰ অৰিপ্পটিসারপামোজ্জাদিধম্মানং কারণত্তা ৰত্থূনীতি ৰিনীতৰত্থূনি, তানি এত্থ অত্থতো ৰিরতিআদিঅনৰজ্জধম্মা এৰ। ৰেরং মণতীতি ৰেরহেতুত্তা ‘‘ৰের’’ন্তি লদ্ধনামং রাগাদিঅকুসলপক্খং ৰিনাসেতি।
271.Katiāpattiyoti pārājikādīsu pañcasu āpattīsu methunādinnādānādiantogadhabhedaṃ apekkhitvā jātivasena ekattaṃ āropetvā pucchā katā. Kati āpattikkhandhāti antogadhabhedaṃ apekkhitvā paccekaṃ rāsaṭṭhenāti ettakamevettha bhedo. Vinītāniyevavinītavatthūnīti āpattito viramaṇāni eva avippaṭisārapāmojjādidhammānaṃ kāraṇattā vatthūnīti vinītavatthūni, tāni ettha atthato viratiādianavajjadhammā eva. Veraṃ maṇatīti verahetuttā ‘‘vera’’nti laddhanāmaṃ rāgādiakusalapakkhaṃ vināseti.
ধম্মস্সৰনগ্গং ভিন্দিত্ৰা গচ্ছতীতি বহূসু একতো নিসীদিত্ৰা ধম্মং সুণন্তেসু তং ধম্মস্সৰনসমাগমং কোপেত্ৰা উট্ঠায গচ্ছতি। অনাদরোৰাতি তুস্সিতব্বট্ঠানে তুট্ঠিং, সংৰিজিতব্বট্ঠানে সংৰেগঞ্চ অপৰেদেন্তো এৰ। কাযপাগব্ভিযন্তি উন্নতিৰসেন পৰত্তনকাযানাচারং।
Dhammassavanaggaṃ bhinditvā gacchatīti bahūsu ekato nisīditvā dhammaṃ suṇantesu taṃ dhammassavanasamāgamaṃ kopetvā uṭṭhāya gacchati. Anādarovāti tussitabbaṭṭhāne tuṭṭhiṃ, saṃvijitabbaṭṭhāne saṃvegañca apavedento eva. Kāyapāgabbhiyanti unnativasena pavattanakāyānācāraṃ.
২৭৪. মেত্তায সম্ভূতং মেত্তং, কাযকম্মং। উভযেহিপীতি নৰকেহি, থেরেহি চ। পিযং করোতীতি তং পুগ্গলং পেমট্ঠানং করোতি, কেসন্তি আহ ‘‘সব্রহ্মচারীন’’ন্তি।
274. Mettāya sambhūtaṃ mettaṃ, kāyakammaṃ. Ubhayehipīti navakehi, therehi ca. Piyaṃ karotīti taṃ puggalaṃ pemaṭṭhānaṃ karoti, kesanti āha ‘‘sabrahmacārīna’’nti.
পুগ্গলং পটিৰিভজিত্ৰা ভুঞ্জতীতি পকতেন সম্বন্ধো। তমেৰ পুগ্গলপটিৰিভাগং দস্সেতুং ‘‘অসুকস্সা’’তিআদি ৰুত্তং।
Puggalaṃ paṭivibhajitvā bhuñjatīti pakatena sambandho. Tameva puggalapaṭivibhāgaṃ dassetuṃ ‘‘asukassā’’tiādi vuttaṃ.
ভুজিস্সভাৰকরণতোতি তণ্হাদাসব্যতো মোচেত্ৰা সমথৰিপস্সনাসু সেরিৰিহারিতাকরণতোতি অত্থো। নিয্যাতীতি পৰত্ততি। সম্মাদুক্খক্খযায সংৰত্ততীতি অত্থো।
Bhujissabhāvakaraṇatoti taṇhādāsabyato mocetvā samathavipassanāsu serivihāritākaraṇatoti attho. Niyyātīti pavattati. Sammādukkhakkhayāya saṃvattatīti attho.
কতিপুচ্ছাৰারৰণ্ণনা নিট্ঠিতা।
Katipucchāvāravaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / কতিপুচ্ছাৰারো • Katipucchāvāro
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / কতিপুচ্ছাৰারৰণ্ণনা • Katipucchāvāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কতিপুচ্ছাৰারৰণ্ণনা • Katipucchāvāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কতিপুচ্ছাৰারৰণ্ণনা • Katipucchāvāravaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / অন্তরপেয্যাল কতিপুচ্ছাৰারৰণ্ণনা • Antarapeyyāla katipucchāvāravaṇṇanā
