| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анд̇арабзяяаалам̣
Antarapeyyālaṃ
гад̇ибужчааваараван̣н̣анаа
Katipucchāvāravaṇṇanā
271. бадинид̣̇д̣̇зсанд̇и бунаббунам̣ нид̣̇д̣̇исанам̣. аабад̇д̇игканд̇хзхи винийд̇аани сам̣вараанийд̇и ад̇т̇о. зд̇зхи аабад̇д̇игканд̇хзхи. ‘‘аарагаа’’д̇и нивад̇д̇иад̇т̇зна вуд̇д̇ад̇д̇аа д̇ам̣ буна саруубзна вад̇д̇угаамо ‘‘бхусаа ваа’’д̇и ааха. ‘‘г̇зхам̣ д̇хуумзна бун̣н̣ам̣ аад̇хуумид̇а’’нд̇иаад̣̇ийсу вияа рааг̇аад̣̇ивзрам̣ ман̣ад̇и винаасзд̇и. зд̇ааяаад̇и вирад̇ияаа. взла жаланз. нияяаанам̣ маг̇г̇ам̣ синод̇и б̣анд̇хад̇ийд̇и сзд̇у. ‘‘сзд̇угхаад̇од̇и вийд̇иггамабадибагкабхууд̇аа вирад̇и, д̇ад̣̇ад̇т̇аниб̣б̣ад̇д̇игаражид̇д̇уббаад̣̇о ваа’’д̇и вуд̇д̇ам̣. ‘‘д̇хаммассаванаг̇г̇анд̇и д̇хаммам̣ сун̣анд̇аанам̣ самууха’’нд̇и ликид̇ам̣. сажз на г̇ажчад̇и, вигкид̇д̇о ваа нисийд̣̇ад̇и. гааяаббааг̇аб̣бхияам̣ гааяад̣̇ужжарид̇ам̣. ‘‘бамаад̣̇з’’д̇и вад̇ваа д̇ад̣̇ад̇т̇ам̣ д̣̇ассзд̇ум̣ ‘‘сад̇ивиббаваасз’’д̇и вуд̇д̇ам̣.
271.Paṭiniddesanti punappunaṃ niddisanaṃ. Āpattikkhandhehi vinītāni saṃvarānīti attho. Etehi āpattikkhandhehi. ‘‘Ārakā’’ti nivattiatthena vuttattā taṃ puna sarūpena vattukāmo ‘‘bhusā vā’’ti āha. ‘‘Gehaṃ dhūmena puṇṇaṃ ādhūmita’’ntiādīsu viya rāgādiveraṃ maṇati vināseti. Etāyāti viratiyā. Vela calane. Niyyānaṃ maggaṃ sinoti bandhatīti setu. ‘‘Setughātoti vītikkamapaṭipakkhabhūtā virati, tadatthanibbattikaracittuppādo vā’’ti vuttaṃ. ‘‘Dhammassavanagganti dhammaṃ suṇantānaṃ samūha’’nti likhitaṃ. Sace na gacchati, vikkhitto vā nisīdati. Kāyappāgabbhiyaṃ kāyaduccaritaṃ. ‘‘Pamāde’’ti vatvā tadatthaṃ dassetuṃ ‘‘sativippavāse’’ti vuttaṃ.
272-3. сабарасанд̇аанз ваад̇и сасанд̇аанз ваа барасанд̇аанз ваа. д̇ат̇аа вивад̣̇анд̇аа банаад̇и бхзд̣̇агаравад̇т̇ууни ниссааяа вивад̣̇анд̇аа. убхаязхибийд̇и т̇зранавзхи. нанд̇и мзд̇д̇ам̣ гааяагаммам̣. язсам̣ буг̇г̇алаанам̣ бияам̣ гарод̇и, д̇зсам̣ мзд̇д̇аагааяагаммасан̇каад̇о д̇хаммо. зд̇д̇аганд̇и аамисавибхад̇д̇ид̣̇ассанам̣. асугасса жаад̇и буг̇г̇алавибхад̇д̇ид̣̇ассанам̣. ‘‘д̣̇уссийласса ад̣̇аад̇умби ваддад̇ий’’д̇и вуд̇д̇ад̇д̇аа зва алаж̇ж̇ибарибхог̇о ваарид̇о. саб̣б̣зсам̣ д̣̇аад̇аб̣б̣амзваад̇и саннидтаанзна аж̇аананд̇зна вибхааг̇ам̣ агад̇ваа д̣̇аад̇аб̣б̣абхаавам̣ д̣̇ийбзд̇ийд̇и згз. ‘‘саб̣б̣зсам̣ д̣̇аад̇аб̣б̣амзваа’’д̇и вуд̇д̇ам̣ адтагат̇аасу. д̇ад̇т̇а ‘‘алаж̇ж̇иугкид̇д̇агаанам̣ барибхог̇асийсзна сахад̇т̇аа на д̣̇аад̇аб̣б̣ам̣, д̣̇аабзд̇аб̣б̣анд̇и абарз’’д̇и вуд̇д̇ам̣. вижинид̇ваа д̣̇аанам̣ вижзяяа д̣̇аанам̣. яасмаа аяам̣ висзсо гаад̇аб̣б̣оязваад̇и аяам̣ гарод̇и, д̇асмаа буг̇г̇алавибхааг̇о на гад̇од̇и самб̣анд̇хо. багад̇иван̣н̣зна висабхааг̇аван̣н̣зна. ‘‘ид̣̇ам̣ наама аабанно’’д̇и барзхи абараамасид̇аб̣б̣ад̇о абараамадтаани. ануломзхи г̇ахид̇асан̇каараарамман̣зхи ниб̣б̣аанаарамман̣ам̣ гад̇ваа нияяаад̇и.
272-3.Saparasantāne vāti sasantāne vā parasantāne vā. Tathā vivadantā panāti bhedakaravatthūni nissāya vivadantā. Ubhayehipīti theranavehi. Nanti mettaṃ kāyakammaṃ. Yesaṃ puggalānaṃ piyaṃ karoti, tesaṃ mettākāyakammasaṅkhāto dhammo. Ettakanti āmisavibhattidassanaṃ. Asukassa cāti puggalavibhattidassanaṃ. ‘‘Dussīlassa adātumpi vaṭṭatī’’ti vuttattā eva alajjiparibhogo vārito. Sabbesaṃ dātabbamevāti sanniṭṭhānena ajānantena vibhāgaṃ akatvā dātabbabhāvaṃ dīpetīti eke. ‘‘Sabbesaṃ dātabbamevā’’ti vuttaṃ aṭṭhakathāsu. Tattha ‘‘alajjiukkhittakānaṃ paribhogasīsena sahatthā na dātabbaṃ, dāpetabbanti apare’’ti vuttaṃ. Vicinitvā dānaṃ viceyya dānaṃ. Yasmā ayaṃ viseso kātabboyevāti ayaṃ karoti, tasmā puggalavibhāgo na katoti sambandho. Pakativaṇṇena visabhāgavaṇṇena. ‘‘Idaṃ nāma āpanno’’ti parehi aparāmasitabbato aparāmaṭṭhāni. Anulomehi gahitasaṅkhārārammaṇehi nibbānārammaṇaṃ katvā niyyāti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / гад̇ибужчаавааро • Katipucchāvāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / анд̇арабзяяаала гад̇ибужчааваараван̣н̣анаа • Antarapeyyāla katipucchāvāravaṇṇanā
