| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
анд̇арабзяяаалам̣
Antarapeyyālaṃ
гад̇ибужчааваараван̣н̣анаа
Katipucchāvāravaṇṇanā
271. гад̇и аабад̇д̇ияод̇и баарааж̇игаад̣̇ийсу бан̃жасу аабад̇д̇ийсу мзт̇унаад̣̇иннаад̣̇аанаад̣̇ианд̇ог̇ад̇хабхзд̣̇ам̣ абзгкид̇ваа ж̇аад̇ивасзна згад̇д̇ам̣ ааробзд̇ваа бужчаа гад̇аа. гад̇и аабад̇д̇игканд̇хаад̇и анд̇ог̇ад̇хабхзд̣̇ам̣ абзгкид̇ваа бажжзгам̣ раасадтзнаад̇и зд̇д̇агамзвзд̇т̇а бхзд̣̇о. винийд̇ааниязва винийд̇авад̇т̇уунийд̇и аабад̇д̇ид̇о вираман̣аани зва авиббадисаарабаамож̇ж̇аад̣̇ид̇хаммаанам̣ гааран̣ад̇д̇аа вад̇т̇уунийд̇и винийд̇авад̇т̇ууни, д̇аани зд̇т̇а ад̇т̇ад̇о вирад̇иаад̣̇ианаваж̇ж̇ад̇хаммаа зва. взрам̣ ман̣ад̇ийд̇и взрахзд̇уд̇д̇аа ‘‘взра’’нд̇и лад̣̇д̇ханаамам̣ рааг̇аад̣̇иагусалабагкам̣ винаасзд̇и.
271.Katiāpattiyoti pārājikādīsu pañcasu āpattīsu methunādinnādānādiantogadhabhedaṃ apekkhitvā jātivasena ekattaṃ āropetvā pucchā katā. Kati āpattikkhandhāti antogadhabhedaṃ apekkhitvā paccekaṃ rāsaṭṭhenāti ettakamevettha bhedo. Vinītāniyevavinītavatthūnīti āpattito viramaṇāni eva avippaṭisārapāmojjādidhammānaṃ kāraṇattā vatthūnīti vinītavatthūni, tāni ettha atthato viratiādianavajjadhammā eva. Veraṃ maṇatīti verahetuttā ‘‘vera’’nti laddhanāmaṃ rāgādiakusalapakkhaṃ vināseti.
д̇хаммассаванаг̇г̇ам̣ бхинд̣̇ид̇ваа г̇ажчад̇ийд̇и б̣ахуусу згад̇о нисийд̣̇ид̇ваа д̇хаммам̣ сун̣анд̇зсу д̇ам̣ д̇хаммассаванасамааг̇амам̣ гобзд̇ваа удтааяа г̇ажчад̇и. анаад̣̇ароваад̇и д̇уссид̇аб̣б̣адтаанз д̇удтим̣, сам̣виж̇ид̇аб̣б̣адтаанз сам̣взг̇ан̃жа абавзд̣̇знд̇о зва. гааяабааг̇аб̣бхияанд̇и уннад̇ивасзна бавад̇д̇анагааяаанаажаарам̣.
Dhammassavanaggaṃ bhinditvā gacchatīti bahūsu ekato nisīditvā dhammaṃ suṇantesu taṃ dhammassavanasamāgamaṃ kopetvā uṭṭhāya gacchati. Anādarovāti tussitabbaṭṭhāne tuṭṭhiṃ, saṃvijitabbaṭṭhāne saṃvegañca apavedento eva. Kāyapāgabbhiyanti unnativasena pavattanakāyānācāraṃ.
274. мзд̇д̇ааяа самбхууд̇ам̣ мзд̇д̇ам̣, гааяагаммам̣. убхаязхибийд̇и навагзхи, т̇зрзхи жа. бияам̣ гарод̇ийд̇и д̇ам̣ буг̇г̇алам̣ бзмадтаанам̣ гарод̇и, гзсанд̇и ааха ‘‘саб̣рахмажаарийна’’нд̇и.
274. Mettāya sambhūtaṃ mettaṃ, kāyakammaṃ. Ubhayehipīti navakehi, therehi ca. Piyaṃ karotīti taṃ puggalaṃ pemaṭṭhānaṃ karoti, kesanti āha ‘‘sabrahmacārīna’’nti.
буг̇г̇алам̣ бадивибхаж̇ид̇ваа бхун̃ж̇ад̇ийд̇и багад̇зна самб̣анд̇хо. д̇амзва буг̇г̇алабадивибхааг̇ам̣ д̣̇ассзд̇ум̣ ‘‘асугассаа’’д̇иаад̣̇и вуд̇д̇ам̣.
Puggalaṃ paṭivibhajitvā bhuñjatīti pakatena sambandho. Tameva puggalapaṭivibhāgaṃ dassetuṃ ‘‘asukassā’’tiādi vuttaṃ.
бхуж̇иссабхаавагаран̣ад̇од̇и д̇ан̣хаад̣̇аасаб̣яад̇о можзд̇ваа самат̇авибассанаасу сзривихаарид̇аагаран̣ад̇од̇и ад̇т̇о. нияяаад̇ийд̇и бавад̇д̇ад̇и. саммаад̣̇угкагкаяааяа сам̣вад̇д̇ад̇ийд̇и ад̇т̇о.
Bhujissabhāvakaraṇatoti taṇhādāsabyato mocetvā samathavipassanāsu serivihāritākaraṇatoti attho. Niyyātīti pavattati. Sammādukkhakkhayāya saṃvattatīti attho.
гад̇ибужчааваараван̣н̣анаа нидтид̇аа.
Katipucchāvāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / гад̇ибужчаавааро • Katipucchāvāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гад̇ибужчааваараван̣н̣анаа • Katipucchāvāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / анд̇арабзяяаала гад̇ибужчааваараван̣н̣анаа • Antarapeyyāla katipucchāvāravaṇṇanā
