| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཨནྟརཔེཡྻཱལཾ
Antarapeyyālaṃ
ཀཏིཔུཙྪཱཝཱརཝཎྞནཱ
Katipucchāvāravaṇṇanā
༢༧༡. ཀཏི ཨཱཔཏྟིཡོཏི པཱརཱཛིཀཱདཱིསུ པཉྩསུ ཨཱཔཏྟཱིསུ མེཐུནཱདིནྣཱདཱནཱདིཨནྟོགདྷབྷེདཾ ཨཔེཀྑིཏྭཱ ཛཱཏིཝསེན ཨེཀཏྟཾ ཨཱརོཔེཏྭཱ པུཙྪཱ ཀཏཱ། ཀཏི ཨཱཔཏྟིཀྑནྡྷཱཏི ཨནྟོགདྷབྷེདཾ ཨཔེཀྑིཏྭཱ པཙྩེཀཾ རཱསཊྛེནཱཏི ཨེཏྟཀམེཝེཏྠ བྷེདོ། ཝིནཱིཏཱནིཡེཝ ཝིནཱིཏཝཏྠཱུནཱིཏི ཨཱཔཏྟིཏོ ཝིརམཎཱནི ཨེཝ ཨཝིཔྤཊིསཱརཔཱམོཛྫཱདིདྷམྨཱནཾ ཀཱརཎཏྟཱ ཝཏྠཱུནཱིཏི ཝིནཱིཏཝཏྠཱུནི, ཏཱནི ཨེཏྠ ཨཏྠཏོ ཝིརཏིཨཱདིཨནཝཛྫདྷམྨཱ ཨེཝ། ཝེརཾ མཎཏཱིཏི ཝེརཧེཏུཏྟཱ ‘‘ཝེར’’ནྟི ལདྡྷནཱམཾ རཱགཱདིཨཀུསལཔཀྑཾ ཝིནཱསེཏི།
271.Katiāpattiyoti pārājikādīsu pañcasu āpattīsu methunādinnādānādiantogadhabhedaṃ apekkhitvā jātivasena ekattaṃ āropetvā pucchā katā. Kati āpattikkhandhāti antogadhabhedaṃ apekkhitvā paccekaṃ rāsaṭṭhenāti ettakamevettha bhedo. Vinītāniyevavinītavatthūnīti āpattito viramaṇāni eva avippaṭisārapāmojjādidhammānaṃ kāraṇattā vatthūnīti vinītavatthūni, tāni ettha atthato viratiādianavajjadhammā eva. Veraṃ maṇatīti verahetuttā ‘‘vera’’nti laddhanāmaṃ rāgādiakusalapakkhaṃ vināseti.
དྷམྨསྶཝནགྒཾ བྷིནྡིཏྭཱ གཙྪཏཱིཏི བཧཱུསུ ཨེཀཏོ ནིསཱིདིཏྭཱ དྷམྨཾ སུཎནྟེསུ ཏཾ དྷམྨསྶཝནསམཱགམཾ ཀོཔེཏྭཱ ཨུཊྛཱཡ གཙྪཏི། ཨནཱདརོཝཱཏི ཏུསྶིཏབྦཊྛཱནེ ཏུཊྛིཾ, སཾཝིཛིཏབྦཊྛཱནེ སཾཝེགཉྩ ཨཔཝེདེནྟོ ཨེཝ། ཀཱཡཔཱགབྦྷིཡནྟི ཨུནྣཏིཝསེན པཝཏྟནཀཱཡཱནཱཙཱརཾ།
Dhammassavanaggaṃ bhinditvā gacchatīti bahūsu ekato nisīditvā dhammaṃ suṇantesu taṃ dhammassavanasamāgamaṃ kopetvā uṭṭhāya gacchati. Anādarovāti tussitabbaṭṭhāne tuṭṭhiṃ, saṃvijitabbaṭṭhāne saṃvegañca apavedento eva. Kāyapāgabbhiyanti unnativasena pavattanakāyānācāraṃ.
༢༧༤. མེཏྟཱཡ སམྦྷཱུཏཾ མེཏྟཾ, ཀཱཡཀམྨཾ། ཨུབྷཡེཧིཔཱིཏི ནཝཀེཧི, ཐེརེཧི ཙ། པིཡཾ ཀརོཏཱིཏི ཏཾ པུགྒལཾ པེམཊྛཱནཾ ཀརོཏི, ཀེསནྟི ཨཱཧ ‘‘སབྲཧྨཙཱརཱིན’’ནྟི།
274. Mettāya sambhūtaṃ mettaṃ, kāyakammaṃ. Ubhayehipīti navakehi, therehi ca. Piyaṃ karotīti taṃ puggalaṃ pemaṭṭhānaṃ karoti, kesanti āha ‘‘sabrahmacārīna’’nti.
པུགྒལཾ པཊིཝིབྷཛིཏྭཱ བྷུཉྫཏཱིཏི པཀཏེན སམྦནྡྷོ། ཏམེཝ པུགྒལཔཊིཝིབྷཱགཾ དསྶེཏུཾ ‘‘ཨསུཀསྶཱ’’ཏིཨཱདི ཝུཏྟཾ།
Puggalaṃ paṭivibhajitvā bhuñjatīti pakatena sambandho. Tameva puggalapaṭivibhāgaṃ dassetuṃ ‘‘asukassā’’tiādi vuttaṃ.
བྷུཛིསྶབྷཱཝཀརཎཏོཏི ཏཎྷཱདཱསབྱཏོ མོཙེཏྭཱ སམཐཝིཔསྶནཱསུ སེརིཝིཧཱརིཏཱཀརཎཏོཏི ཨཏྠོ། ནིཡྻཱཏཱིཏི པཝཏྟཏི། སམྨཱདུཀྑཀྑཡཱཡ སཾཝཏྟཏཱིཏི ཨཏྠོ།
Bhujissabhāvakaraṇatoti taṇhādāsabyato mocetvā samathavipassanāsu serivihāritākaraṇatoti attho. Niyyātīti pavattati. Sammādukkhakkhayāya saṃvattatīti attho.
ཀཏིཔུཙྪཱཝཱརཝཎྞནཱ ནིཊྛིཏཱ།
Katipucchāvāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ཀཏིཔུཙྪཱཝཱརོ • Katipucchāvāro
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཀཏིཔུཙྪཱཝཱརཝཎྞནཱ • Katipucchāvāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཀཏིཔུཙྪཱཝཱརཝཎྞནཱ • Katipucchāvāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཀཏིཔུཙྪཱཝཱརཝཎྞནཱ • Katipucchāvāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨནྟརཔེཡྻཱལ ཀཏིཔུཙྪཱཝཱརཝཎྞནཱ • Antarapeyyāla katipucchāvāravaṇṇanā
