| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਅਨ੍ਤਰਪੇਯ੍ਯਾਲਂ
Antarapeyyālaṃ
ਕਤਿਪੁਚ੍ਛਾવਾਰવਣ੍ਣਨਾ
Katipucchāvāravaṇṇanā
੨੭੧. ਪਟਿਨਿਦ੍ਦੇਸਨ੍ਤਿ ਪੁਨਪ੍ਪੁਨਂ ਨਿਦ੍ਦਿਸਨਂ। ਆਪਤ੍ਤਿਕ੍ਖਨ੍ਧੇਹਿ વਿਨੀਤਾਨਿ ਸਂવਰਾਨੀਤਿ ਅਤ੍ਥੋ। ਏਤੇਹਿ ਆਪਤ੍ਤਿਕ੍ਖਨ੍ਧੇਹਿ। ‘‘ਆਰਕਾ’’ਤਿ ਨਿવਤ੍ਤਿਅਤ੍ਥੇਨ વੁਤ੍ਤਤ੍ਤਾ ਤਂ ਪੁਨ ਸਰੂਪੇਨ વਤ੍ਤੁਕਾਮੋ ‘‘ਭੁਸਾ વਾ’’ਤਿ ਆਹ। ‘‘ਗੇਹਂ ਧੂਮੇਨ ਪੁਣ੍ਣਂ ਆਧੂਮਿਤ’’ਨ੍ਤਿਆਦੀਸੁ વਿਯ ਰਾਗਾਦਿવੇਰਂ ਮਣਤਿ વਿਨਾਸੇਤਿ। ਏਤਾਯਾਤਿ વਿਰਤਿਯਾ। વੇਲ ਚਲਨੇ। ਨਿਯ੍ਯਾਨਂ ਮਗ੍ਗਂ ਸਿਨੋਤਿ ਬਨ੍ਧਤੀਤਿ ਸੇਤੁ। ‘‘ਸੇਤੁਘਾਤੋਤਿ વੀਤਿਕ੍ਕਮਪਟਿਪਕ੍ਖਭੂਤਾ વਿਰਤਿ, ਤਦਤ੍ਥਨਿਬ੍ਬਤ੍ਤਿਕਰਚਿਤ੍ਤੁਪ੍ਪਾਦੋ વਾ’’ਤਿ વੁਤ੍ਤਂ। ‘‘ਧਮ੍ਮਸ੍ਸવਨਗ੍ਗਨ੍ਤਿ ਧਮ੍ਮਂ ਸੁਣਨ੍ਤਾਨਂ ਸਮੂਹ’’ਨ੍ਤਿ ਲਿਖਿਤਂ। ਸਚੇ ਨ ਗਚ੍ਛਤਿ, વਿਕ੍ਖਿਤ੍ਤੋ વਾ ਨਿਸੀਦਤਿ। ਕਾਯਪ੍ਪਾਗਬ੍ਭਿਯਂ ਕਾਯਦੁਚ੍ਚਰਿਤਂ। ‘‘ਪਮਾਦੇ’’ਤਿ વਤ੍વਾ ਤਦਤ੍ਥਂ ਦਸ੍ਸੇਤੁਂ ‘‘ਸਤਿવਿਪ੍ਪવਾਸੇ’’ਤਿ વੁਤ੍ਤਂ।
271.Paṭiniddesanti punappunaṃ niddisanaṃ. Āpattikkhandhehi vinītāni saṃvarānīti attho. Etehi āpattikkhandhehi. ‘‘Ārakā’’ti nivattiatthena vuttattā taṃ puna sarūpena vattukāmo ‘‘bhusā vā’’ti āha. ‘‘Gehaṃ dhūmena puṇṇaṃ ādhūmita’’ntiādīsu viya rāgādiveraṃ maṇati vināseti. Etāyāti viratiyā. Vela calane. Niyyānaṃ maggaṃ sinoti bandhatīti setu. ‘‘Setughātoti vītikkamapaṭipakkhabhūtā virati, tadatthanibbattikaracittuppādo vā’’ti vuttaṃ. ‘‘Dhammassavanagganti dhammaṃ suṇantānaṃ samūha’’nti likhitaṃ. Sace na gacchati, vikkhitto vā nisīdati. Kāyappāgabbhiyaṃ kāyaduccaritaṃ. ‘‘Pamāde’’ti vatvā tadatthaṃ dassetuṃ ‘‘sativippavāse’’ti vuttaṃ.
੨੭੨-੩. ਸਪਰਸਨ੍ਤਾਨੇ વਾਤਿ ਸਸਨ੍ਤਾਨੇ વਾ ਪਰਸਨ੍ਤਾਨੇ વਾ। ਤਥਾ વਿવਦਨ੍ਤਾ ਪਨਾਤਿ ਭੇਦਕਰવਤ੍ਥੂਨਿ ਨਿਸ੍ਸਾਯ વਿવਦਨ੍ਤਾ। ਉਭਯੇਹਿਪੀਤਿ ਥੇਰਨવੇਹਿ। ਨਨ੍ਤਿ ਮੇਤ੍ਤਂ ਕਾਯਕਮ੍ਮਂ। ਯੇਸਂ ਪੁਗ੍ਗਲਾਨਂ ਪਿਯਂ ਕਰੋਤਿ, ਤੇਸਂ ਮੇਤ੍ਤਾਕਾਯਕਮ੍ਮਸਙ੍ਖਾਤੋ ਧਮ੍ਮੋ। ਏਤ੍ਤਕਨ੍ਤਿ ਆਮਿਸવਿਭਤ੍ਤਿਦਸ੍ਸਨਂ। ਅਸੁਕਸ੍ਸ ਚਾਤਿ ਪੁਗ੍ਗਲવਿਭਤ੍ਤਿਦਸ੍ਸਨਂ। ‘‘ਦੁਸ੍ਸੀਲਸ੍ਸ ਅਦਾਤੁਮ੍ਪਿ વਟ੍ਟਤੀ’’ਤਿ વੁਤ੍ਤਤ੍ਤਾ ਏવ ਅਲਜ੍ਜਿਪਰਿਭੋਗੋ વਾਰਿਤੋ। ਸਬ੍ਬੇਸਂ ਦਾਤਬ੍ਬਮੇવਾਤਿ ਸਨ੍ਨਿਟ੍ਠਾਨੇਨ ਅਜਾਨਨ੍ਤੇਨ વਿਭਾਗਂ ਅਕਤ੍વਾ ਦਾਤਬ੍ਬਭਾવਂ ਦੀਪੇਤੀਤਿ ਏਕੇ। ‘‘ਸਬ੍ਬੇਸਂ ਦਾਤਬ੍ਬਮੇવਾ’’ਤਿ વੁਤ੍ਤਂ ਅਟ੍ਠਕਥਾਸੁ। ਤਤ੍ਥ ‘‘ਅਲਜ੍ਜਿਉਕ੍ਖਿਤ੍ਤਕਾਨਂ ਪਰਿਭੋਗਸੀਸੇਨ ਸਹਤ੍ਥਾ ਨ ਦਾਤਬ੍ਬਂ, ਦਾਪੇਤਬ੍ਬਨ੍ਤਿ ਅਪਰੇ’’ਤਿ વੁਤ੍ਤਂ। વਿਚਿਨਿਤ੍વਾ ਦਾਨਂ વਿਚੇਯ੍ਯ ਦਾਨਂ। ਯਸ੍ਮਾ ਅਯਂ વਿਸੇਸੋ ਕਾਤਬ੍ਬੋਯੇવਾਤਿ ਅਯਂ ਕਰੋਤਿ, ਤਸ੍ਮਾ ਪੁਗ੍ਗਲવਿਭਾਗੋ ਨ ਕਤੋਤਿ ਸਮ੍ਬਨ੍ਧੋ। ਪਕਤਿવਣ੍ਣੇਨ વਿਸਭਾਗવਣ੍ਣੇਨ। ‘‘ਇਦਂ ਨਾਮ ਆਪਨ੍ਨੋ’’ਤਿ ਪਰੇਹਿ ਅਪਰਾਮਸਿਤਬ੍ਬਤੋ ਅਪਰਾਮਟ੍ਠਾਨਿ। ਅਨੁਲੋਮੇਹਿ ਗਹਿਤਸਙ੍ਖਾਰਾਰਮ੍ਮਣੇਹਿ ਨਿਬ੍ਬਾਨਾਰਮ੍ਮਣਂ ਕਤ੍વਾ ਨਿਯ੍ਯਾਤਿ।
272-3.Saparasantāne vāti sasantāne vā parasantāne vā. Tathā vivadantā panāti bhedakaravatthūni nissāya vivadantā. Ubhayehipīti theranavehi. Nanti mettaṃ kāyakammaṃ. Yesaṃ puggalānaṃ piyaṃ karoti, tesaṃ mettākāyakammasaṅkhāto dhammo. Ettakanti āmisavibhattidassanaṃ. Asukassa cāti puggalavibhattidassanaṃ. ‘‘Dussīlassa adātumpi vaṭṭatī’’ti vuttattā eva alajjiparibhogo vārito. Sabbesaṃ dātabbamevāti sanniṭṭhānena ajānantena vibhāgaṃ akatvā dātabbabhāvaṃ dīpetīti eke. ‘‘Sabbesaṃ dātabbamevā’’ti vuttaṃ aṭṭhakathāsu. Tattha ‘‘alajjiukkhittakānaṃ paribhogasīsena sahatthā na dātabbaṃ, dāpetabbanti apare’’ti vuttaṃ. Vicinitvā dānaṃ viceyya dānaṃ. Yasmā ayaṃ viseso kātabboyevāti ayaṃ karoti, tasmā puggalavibhāgo na katoti sambandho. Pakativaṇṇena visabhāgavaṇṇena. ‘‘Idaṃ nāma āpanno’’ti parehi aparāmasitabbato aparāmaṭṭhāni. Anulomehi gahitasaṅkhārārammaṇehi nibbānārammaṇaṃ katvā niyyāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ਕਤਿਪੁਚ੍ਛਾવਾਰੋ • Katipucchāvāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਨ੍ਤਰਪੇਯ੍ਯਾਲ ਕਤਿਪੁਚ੍ਛਾવਾਰવਣ੍ਣਨਾ • Antarapeyyāla katipucchāvāravaṇṇanā
