| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਅਨ੍ਤਰਪੇਯ੍ਯਾਲਂ
Antarapeyyālaṃ
ਕਤਿਪੁਚ੍ਛਾવਾਰવਣ੍ਣਨਾ
Katipucchāvāravaṇṇanā
੨੭੧. ਕਤਿ ਆਪਤ੍ਤਿਯੋਤਿ ਪਾਰਾਜਿਕਾਦੀਸੁ ਪਞ੍ਚਸੁ ਆਪਤ੍ਤੀਸੁ ਮੇਥੁਨਾਦਿਨ੍ਨਾਦਾਨਾਦਿਅਨ੍ਤੋਗਧਭੇਦਂ ਅਪੇਕ੍ਖਿਤ੍વਾ ਜਾਤਿવਸੇਨ ਏਕਤ੍ਤਂ ਆਰੋਪੇਤ੍વਾ ਪੁਚ੍ਛਾ ਕਤਾ। ਕਤਿ ਆਪਤ੍ਤਿਕ੍ਖਨ੍ਧਾਤਿ ਅਨ੍ਤੋਗਧਭੇਦਂ ਅਪੇਕ੍ਖਿਤ੍વਾ ਪਚ੍ਚੇਕਂ ਰਾਸਟ੍ਠੇਨਾਤਿ ਏਤ੍ਤਕਮੇવੇਤ੍ਥ ਭੇਦੋ। વਿਨੀਤਾਨਿਯੇવ વਿਨੀਤવਤ੍ਥੂਨੀਤਿ ਆਪਤ੍ਤਿਤੋ વਿਰਮਣਾਨਿ ਏવ ਅવਿਪ੍ਪਟਿਸਾਰਪਾਮੋਜ੍ਜਾਦਿਧਮ੍ਮਾਨਂ ਕਾਰਣਤ੍ਤਾ વਤ੍ਥੂਨੀਤਿ વਿਨੀਤવਤ੍ਥੂਨਿ, ਤਾਨਿ ਏਤ੍ਥ ਅਤ੍ਥਤੋ વਿਰਤਿਆਦਿਅਨવਜ੍ਜਧਮ੍ਮਾ ਏવ। વੇਰਂ ਮਣਤੀਤਿ વੇਰਹੇਤੁਤ੍ਤਾ ‘‘વੇਰ’’ਨ੍ਤਿ ਲਦ੍ਧਨਾਮਂ ਰਾਗਾਦਿਅਕੁਸਲਪਕ੍ਖਂ વਿਨਾਸੇਤਿ।
271.Katiāpattiyoti pārājikādīsu pañcasu āpattīsu methunādinnādānādiantogadhabhedaṃ apekkhitvā jātivasena ekattaṃ āropetvā pucchā katā. Kati āpattikkhandhāti antogadhabhedaṃ apekkhitvā paccekaṃ rāsaṭṭhenāti ettakamevettha bhedo. Vinītāniyevavinītavatthūnīti āpattito viramaṇāni eva avippaṭisārapāmojjādidhammānaṃ kāraṇattā vatthūnīti vinītavatthūni, tāni ettha atthato viratiādianavajjadhammā eva. Veraṃ maṇatīti verahetuttā ‘‘vera’’nti laddhanāmaṃ rāgādiakusalapakkhaṃ vināseti.
ਧਮ੍ਮਸ੍ਸવਨਗ੍ਗਂ ਭਿਨ੍ਦਿਤ੍વਾ ਗਚ੍ਛਤੀਤਿ ਬਹੂਸੁ ਏਕਤੋ ਨਿਸੀਦਿਤ੍વਾ ਧਮ੍ਮਂ ਸੁਣਨ੍ਤੇਸੁ ਤਂ ਧਮ੍ਮਸ੍ਸવਨਸਮਾਗਮਂ ਕੋਪੇਤ੍વਾ ਉਟ੍ਠਾਯ ਗਚ੍ਛਤਿ। ਅਨਾਦਰੋવਾਤਿ ਤੁਸ੍ਸਿਤਬ੍ਬਟ੍ਠਾਨੇ ਤੁਟ੍ਠਿਂ, ਸਂવਿਜਿਤਬ੍ਬਟ੍ਠਾਨੇ ਸਂવੇਗਞ੍ਚ ਅਪવੇਦੇਨ੍ਤੋ ਏવ। ਕਾਯਪਾਗਬ੍ਭਿਯਨ੍ਤਿ ਉਨ੍ਨਤਿવਸੇਨ ਪવਤ੍ਤਨਕਾਯਾਨਾਚਾਰਂ।
Dhammassavanaggaṃ bhinditvā gacchatīti bahūsu ekato nisīditvā dhammaṃ suṇantesu taṃ dhammassavanasamāgamaṃ kopetvā uṭṭhāya gacchati. Anādarovāti tussitabbaṭṭhāne tuṭṭhiṃ, saṃvijitabbaṭṭhāne saṃvegañca apavedento eva. Kāyapāgabbhiyanti unnativasena pavattanakāyānācāraṃ.
੨੭੪. ਮੇਤ੍ਤਾਯ ਸਮ੍ਭੂਤਂ ਮੇਤ੍ਤਂ, ਕਾਯਕਮ੍ਮਂ। ਉਭਯੇਹਿਪੀਤਿ ਨવਕੇਹਿ, ਥੇਰੇਹਿ ਚ। ਪਿਯਂ ਕਰੋਤੀਤਿ ਤਂ ਪੁਗ੍ਗਲਂ ਪੇਮਟ੍ਠਾਨਂ ਕਰੋਤਿ, ਕੇਸਨ੍ਤਿ ਆਹ ‘‘ਸਬ੍ਰਹ੍ਮਚਾਰੀਨ’’ਨ੍ਤਿ।
274. Mettāya sambhūtaṃ mettaṃ, kāyakammaṃ. Ubhayehipīti navakehi, therehi ca. Piyaṃ karotīti taṃ puggalaṃ pemaṭṭhānaṃ karoti, kesanti āha ‘‘sabrahmacārīna’’nti.
ਪੁਗ੍ਗਲਂ ਪਟਿવਿਭਜਿਤ੍વਾ ਭੁਞ੍ਜਤੀਤਿ ਪਕਤੇਨ ਸਮ੍ਬਨ੍ਧੋ। ਤਮੇવ ਪੁਗ੍ਗਲਪਟਿવਿਭਾਗਂ ਦਸ੍ਸੇਤੁਂ ‘‘ਅਸੁਕਸ੍ਸਾ’’ਤਿਆਦਿ વੁਤ੍ਤਂ।
Puggalaṃ paṭivibhajitvā bhuñjatīti pakatena sambandho. Tameva puggalapaṭivibhāgaṃ dassetuṃ ‘‘asukassā’’tiādi vuttaṃ.
ਭੁਜਿਸ੍ਸਭਾવਕਰਣਤੋਤਿ ਤਣ੍ਹਾਦਾਸਬ੍ਯਤੋ ਮੋਚੇਤ੍વਾ ਸਮਥવਿਪਸ੍ਸਨਾਸੁ ਸੇਰਿવਿਹਾਰਿਤਾਕਰਣਤੋਤਿ ਅਤ੍ਥੋ। ਨਿਯ੍ਯਾਤੀਤਿ ਪવਤ੍ਤਤਿ। ਸਮ੍ਮਾਦੁਕ੍ਖਕ੍ਖਯਾਯ ਸਂવਤ੍ਤਤੀਤਿ ਅਤ੍ਥੋ।
Bhujissabhāvakaraṇatoti taṇhādāsabyato mocetvā samathavipassanāsu serivihāritākaraṇatoti attho. Niyyātīti pavattati. Sammādukkhakkhayāya saṃvattatīti attho.
ਕਤਿਪੁਚ੍ਛਾવਾਰવਣ੍ਣਨਾ ਨਿਟ੍ਠਿਤਾ।
Katipucchāvāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ਕਤਿਪੁਚ੍ਛਾવਾਰੋ • Katipucchāvāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਤਿਪੁਚ੍ਛਾવਾਰવਣ੍ਣਨਾ • Katipucchāvāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਨ੍ਤਰਪੇਯ੍ਯਾਲ ਕਤਿਪੁਚ੍ਛਾવਾਰવਣ੍ਣਨਾ • Antarapeyyāla katipucchāvāravaṇṇanā
