| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. гаад̇ияаанад̇т̇зраг̇аат̇ааван̣н̣анаа
7. Kātiyānattheragāthāvaṇṇanā
удтзхийд̇иаад̣̇игаа ааяасмад̇о гаад̇ияаанад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса госияаг̇од̇д̇асса б̣раахман̣асса буд̇д̇о худ̇ваа ниб̣б̣ад̇д̇о, маад̇уг̇од̇д̇авасзна бана гаад̇ияаанод̇и лад̣̇д̇ханаамо ваяаббад̇д̇о сааман̃н̃агаанид̇т̇зрасса г̇ихисахааяо т̇зрам̣ д̣̇исваа баб̣б̣аж̇ид̇о саман̣ад̇хаммам̣ гаронд̇о рад̇д̇им̣ ‘‘нид̣̇д̣̇аабхибхавам̣ винод̣̇зссаамий’’д̇и жан̇гамам̣ аарухи. со жан̇гаманд̇о нид̣̇д̣̇ааяа абхибхууд̇о бажалааяамаано барибад̇ид̇ваа д̇ад̇т̇зва ананд̇арахид̇ааяа бхуумияаа нибаж̇ж̇и, сад̇т̇аа д̇асса д̇ам̣ бавад̇д̇им̣ д̣̇исваа саяам̣ д̇ад̇т̇а г̇анд̇ваа аагаасз тад̇ваа ‘‘гаад̇ияаанаа’’д̇и сан̃н̃ам̣ ад̣̇ааси. со сад̇т̇аарам̣ д̣̇исваа удтахид̇ваа ванд̣̇ид̇ваа сам̣взг̇аж̇аад̇о адтааси. ат̇асса сад̇т̇аа д̇хаммам̣ д̣̇зсзнд̇о –
Uṭṭhehītiādikā āyasmato kātiyānattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde sāvatthiyaṃ aññatarassa kosiyagottassa brāhmaṇassa putto hutvā nibbatto, mātugottavasena pana kātiyānoti laddhanāmo vayappatto sāmaññakānittherassa gihisahāyo theraṃ disvā pabbajito samaṇadhammaṃ karonto rattiṃ ‘‘niddābhibhavaṃ vinodessāmī’’ti caṅkamaṃ āruhi. So caṅkamanto niddāya abhibhūto pacalāyamāno paripatitvā tattheva anantarahitāya bhūmiyā nipajji, satthā tassa taṃ pavattiṃ disvā sayaṃ tattha gantvā ākāse ṭhatvā ‘‘kātiyānā’’ti saññaṃ adāsi. So satthāraṃ disvā uṭṭhahitvā vanditvā saṃvegajāto aṭṭhāsi. Athassa satthā dhammaṃ desento –
411.
411.
‘‘удтзхи нисийд̣̇а гаад̇ияаана, маа нид̣̇д̣̇ааб̣ахуло аху ж̇ааг̇арассу;
‘‘Uṭṭhehi nisīda kātiyāna, mā niddābahulo ahu jāgarassu;
маа д̇ам̣ аласам̣ бамад̇д̇аб̣анд̇ху, гуудзнзва ж̇инаад̇у мажжурааж̇аа.
Mā taṃ alasaṃ pamattabandhu, kūṭeneva jinātu maccurājā.
412.
412.
‘‘сзяяат̇ааби махаасамуд̣̇д̣̇авзг̇о, звам̣ ж̇аад̇иж̇араад̇и вад̇д̇ад̇з д̇ам̣;
‘‘Seyyathāpi mahāsamuddavego, evaṃ jātijarāti vattate taṃ;
со гарохи суд̣̇ийбамад̇д̇ано д̇вам̣, на хи д̇аан̣ам̣ д̇ава виж̇ж̇ад̇зва ан̃н̃ам̣.
So karohi sudīpamattano tvaṃ, na hi tāṇaṃ tava vijjateva aññaṃ.
413.
413.
‘‘сад̇т̇аа хи виж̇зси маг̇г̇амзд̇ам̣, сан̇г̇аа ж̇аад̇иж̇араабхаяаа ад̇ийд̇ам̣;
‘‘Satthā hi vijesi maggametaṃ, saṅgā jātijarābhayā atītaṃ;
буб̣б̣аабарарад̇д̇амаббамад̇д̇о, ануяун̃ж̇ассу д̣̇ал̣хам̣ гарохи яог̇ам̣.
Pubbāpararattamappamatto, anuyuñjassu daḷhaṃ karohi yogaṃ.
414.
414.
‘‘буримаани бамун̃жа б̣анд̇ханаани, сан̇гхаадикурамун̣д̣абхигкабхож̇ий;
‘‘Purimāni pamuñca bandhanāni, saṅghāṭikhuramuṇḍabhikkhabhojī;
маа кид̣д̣аарад̇ин̃жа маа нид̣̇д̣̇ам̣, ануяун̃ж̇ид̇т̇а жхааяа гаад̇ияаана.
Mā khiḍḍāratiñca mā niddaṃ, anuyuñjittha jhāya kātiyāna.
415.
415.
‘‘жхааяаахи ж̇инаахи гаад̇ияаана, яог̇агкзмабат̇зсу говид̣̇оси;
‘‘Jhāyāhi jināhi kātiyāna, yogakkhemapathesu kovidosi;
баббуяяа ануд̇д̇арам̣ висуд̣̇д̇хим̣, бариниб̣б̣аахиси вааринаава ж̇од̇и.
Pappuyya anuttaraṃ visuddhiṃ, parinibbāhisi vārināva joti.
416.
416.
‘‘баж̇ж̇од̇агаро барид̇д̇арам̣со, ваад̇зна винамяад̇з лад̇аава;
‘‘Pajjotakaro parittaraṃso, vātena vinamyate latāva;
звамби д̇увам̣ анаад̣̇ияаано, маарам̣ инд̣̇асаг̇од̇д̇а нид̣̇д̇хунаахи;
Evampi tuvaṃ anādiyāno, māraṃ indasagotta niddhunāhi;
со взд̣̇аяид̇аасу вийд̇арааг̇о, гаалам̣ ган̇ка ид̇хзва сийд̇ибхууд̇о’’д̇и. –
So vedayitāsu vītarāgo, kālaṃ kaṅkha idheva sītibhūto’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а удтзхийд̇и нид̣̇д̣̇уубаг̇аманад̇о удтаханд̇о удтаанавийрияам̣ гарохи. яасмаа нибаж̇ж̇аа наама госаж̇ж̇абагкияаа, д̇асмаа маа саяи. нисийд̣̇аад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа нисийд̣̇а. гаад̇ияаанаад̇и д̇ам̣ наамзна аалабад̇и. маа нид̣̇д̣̇ааб̣ахуло ахууд̇и нид̣̇д̣̇ааб̣ахуло нид̣̇д̣̇аабхибхууд̇о маа аху. ж̇ааг̇арассууд̇и ж̇ааг̇ара, ж̇ааг̇арияамануяуд̇д̇о хохи. маа д̇ам̣ аласанд̇и ж̇ааг̇арияам̣ анануяун̃ж̇анд̇ам̣ д̇ам̣ аласам̣ гусийд̇ам̣ бамад̇д̇аб̣анд̇ху мажжурааж̇аа гуудзнзва ад̣̇д̣̇уханзна вияа нзсаад̣̇о миг̇ам̣ ваа багким̣ ваа ж̇араарог̇зхи маа ж̇инаад̇у маа абхибхавад̇у, маа аж̇жход̇т̇арад̇ууд̇и ад̇т̇о.
Tattha uṭṭhehīti niddūpagamanato uṭṭhahanto uṭṭhānavīriyaṃ karohi. Yasmā nipajjā nāma kosajjapakkhiyā, tasmā mā sayi. Nisīdāti pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā nisīda. Kātiyānāti taṃ nāmena ālapati. Mā niddābahulo ahūti niddābahulo niddābhibhūto mā ahu. Jāgarassūti jāgara, jāgariyamanuyutto hohi. Mā taṃ alasanti jāgariyaṃ ananuyuñjantaṃ taṃ alasaṃ kusītaṃ pamattabandhu maccurājā kūṭeneva adduhanena viya nesādo migaṃ vā pakkhiṃ vā jarārogehi mā jinātu mā abhibhavatu, mā ajjhottharatūti attho.
сзяяат̇аабийд̇и сзяяат̇аа аби. махаасамуд̣̇д̣̇авзг̇од̇и махаасамуд̣̇д̣̇асса уумивзг̇о. званд̇и яат̇аа наама махаасамуд̣̇д̣̇ауумивзг̇о убаруубари удтаханд̇о д̇ам̣ абхиггамид̇ум̣ асаггонд̇ам̣ бурисам̣ абхибхавад̇и, звам̣ ж̇аад̇и ж̇араа жа госаж̇ж̇аабхибхууд̇ам̣ д̇ам̣ ад̇ивад̇д̇ад̇з убаруубари аж̇жход̇т̇арад̇и. со гарохийд̇и со д̇вам̣, гаад̇ияаана, жад̇уухи огхзхи анаж̇жход̇т̇аран̣ийяам̣ арахад̇д̇апаласан̇каад̇ам̣ суд̣̇ийбам̣ ад̇д̇ано гарохи ад̇д̇ано санд̇аанз уббаад̣̇зхи. на хи д̇аан̣ам̣ д̇ава виж̇ж̇ад̇зва ан̃н̃анд̇и хийд̇и хзд̇уад̇т̇з нибаад̇о. яасмаа д̇ад̇о аг̇г̇апалад̇о ан̃н̃ам̣ д̇ава д̇аан̣ам̣ наама ид̇ха ваа хурам̣ ваа на убалаб̣бхад̇и, д̇асмаа д̇ам̣ арахад̇д̇асан̇каад̇ам̣ суд̣̇ийбам̣ гарохийд̇и.
Seyyathāpīti seyyathā api. Mahāsamuddavegoti mahāsamuddassa ūmivego. Evanti yathā nāma mahāsamuddaūmivego uparūpari uṭṭhahanto taṃ abhikkamituṃ asakkontaṃ purisaṃ abhibhavati, evaṃ jāti jarā ca kosajjābhibhūtaṃ taṃ ativattate uparūpari ajjhottharati. So karohīti so tvaṃ, kātiyāna, catūhi oghehi anajjhottharaṇīyaṃ arahattaphalasaṅkhātaṃ sudīpaṃ attano karohi attano santāne uppādehi. Na hi tāṇaṃ tava vijjateva aññanti hīti hetuatthe nipāto. Yasmā tato aggaphalato aññaṃ tava tāṇaṃ nāma idha vā huraṃ vā na upalabbhati, tasmā taṃ arahattasaṅkhātaṃ sudīpaṃ karohīti.
сад̇т̇аа хи виж̇зси маг̇г̇амзд̇анд̇и яам̣ саад̇хзд̇ум̣ ависаханд̇аа яад̇о барааж̇ид̇аа бут̇уу ан̃н̃ад̇ид̇т̇ияаа, д̇ад̣̇зд̇ам̣ д̇асса суд̣̇ийбасса гааран̣абхууд̇ам̣ бан̃жавид̇хасан̇г̇ад̇о ж̇аад̇иаад̣̇ибхаяад̇о жа ад̇ийд̇ам̣ арияамаг̇г̇ам̣ д̣̇звабуд̇д̇амаараад̣̇игз абхибхавид̇ваа д̇уяхам̣ сад̇т̇аа виж̇зси саад̇хзси. яасмаа сад̇т̇у санд̇агам̣ наама саавагзна ад̇хиг̇анд̇аб̣б̣ам̣ на виссаж̇ж̇зд̇аб̣б̣ам̣, д̇асмаа д̇асса ад̇хиг̇амааяа буб̣б̣арад̇д̇аабарарад̇д̇ам̣ буримаяаамам̣ бажчимаяааман̃жа , аббамад̇д̇о сад̇о самбаж̇аано худ̇ваа ануяун̃ж̇а яог̇ам̣ бхааванам̣ д̣̇ал̣хан̃жа гарохи.
Satthā hi vijesi maggametanti yaṃ sādhetuṃ avisahantā yato parājitā puthū aññatitthiyā, tadetaṃ tassa sudīpassa kāraṇabhūtaṃ pañcavidhasaṅgato jātiādibhayato ca atītaṃ ariyamaggaṃ devaputtamārādike abhibhavitvā tuyhaṃ satthā vijesi sādhesi. Yasmā satthu santakaṃ nāma sāvakena adhigantabbaṃ na vissajjetabbaṃ, tasmā tassa adhigamāya pubbarattāpararattaṃ purimayāmaṃ pacchimayāmañca , appamatto sato sampajāno hutvā anuyuñja yogaṃ bhāvanaṃ daḷhañca karohi.
буримаани бамун̃жа б̣анд̇ханаанийд̇и буримагаани г̇ихигаалз ааб̣ад̣̇д̇хаани г̇ихиб̣анд̇ханаани гаамаг̇ун̣аб̣анд̇ханаани бамун̃жа виссаж̇ж̇зхи, д̇ад̇т̇а анабзгко хохи. сан̇гхаадикурамун̣д̣абхигкабхож̇ийд̇и сан̇гхаадид̇хаарий курзна гад̇асирамун̣д̣о бхигкаахаарабхож̇ий, д̇ивид̇хамбзд̇ам̣ буримаб̣анд̇ханабамогкасса кид̣д̣аарад̇инид̣̇д̣̇аанануяог̇асса жа гааран̣аважанам̣. яасмаа д̇вам̣ сан̇гхаадибааруд̇о мун̣д̣о бхигкаахааро ж̇ийвад̇и, д̇асмаа д̇з гаамасукаануяог̇о кид̣д̣аарад̇инид̣̇д̣̇аануяог̇о жа на яуд̇д̇од̇и д̇ад̇о буримаани бамун̃жа б̣анд̇ханаани кид̣д̣аарад̇им̣ нид̣̇д̣̇ан̃жа маануяун̃ж̇ид̇т̇аад̇и яож̇анаа. жхааяаад̇и жхааяассу аарамман̣уубаниж̇жхаанам̣ ануяун̃ж̇а.
Purimāni pamuñca bandhanānīti purimakāni gihikāle ābaddhāni gihibandhanāni kāmaguṇabandhanāni pamuñca vissajjehi, tattha anapekkho hohi. Saṅghāṭikhuramuṇḍabhikkhabhojīti saṅghāṭidhārī khurena katasiramuṇḍo bhikkhāhārabhojī, tividhampetaṃ purimabandhanapamokkhassa khiḍḍāratiniddānanuyogassa ca kāraṇavacanaṃ. Yasmā tvaṃ saṅghāṭipāruto muṇḍo bhikkhāhāro jīvati, tasmā te kāmasukhānuyogo khiḍḍāratiniddānuyogo ca na yuttoti tato purimāni pamuñca bandhanāni khiḍḍāratiṃ niddañca mānuyuñjitthāti yojanā. Jhāyāti jhāyassu ārammaṇūpanijjhānaṃ anuyuñja.
д̇ам̣ бана ануяун̃ж̇анд̇о язна жхаанзна жхааяад̇о гилзсаа саб̣б̣асо ж̇ид̇аа хонд̇и, д̇ам̣ лагкан̣уубаниж̇жхаанам̣ ануяун̃ж̇аад̇и д̣̇ассзнд̇о ‘‘жхааяаахи ж̇инаахий’’д̇и ааха. яог̇агкзмабат̇зсу говид̣̇осийд̇и жад̇уухи яог̇зхи кзмасса ниб̣б̣аанасса бат̇абхууд̇зсу б̣од̇хибагкияад̇хаммзсу гусало чзго аси, д̇асмаа бхааванам̣ уссуггаабзнд̇о ануд̇д̇арам̣ уд̇д̇арарахид̇ам̣, висуд̣̇д̇хим̣ ниб̣б̣аанам̣ арахад̇д̇ан̃жа баббуяяа баабун̣ид̇ваа бана д̇вам̣ бариниб̣б̣аахиси. вааринаава ж̇од̇ийд̇и махад̇аа салилавудтинибаад̇зна аг̇г̇иканд̇хо вияа арияамаг̇г̇авудтинибаад̇зна бариниб̣б̣ааяиссад̇и.
Taṃ pana anuyuñjanto yena jhānena jhāyato kilesā sabbaso jitā honti, taṃ lakkhaṇūpanijjhānaṃ anuyuñjāti dassento ‘‘jhāyāhi jināhī’’ti āha. Yogakkhemapathesu kovidosīti catūhi yogehi khemassa nibbānassa pathabhūtesu bodhipakkhiyadhammesu kusalo cheko asi, tasmā bhāvanaṃ ussukkāpento anuttaraṃ uttararahitaṃ, visuddhiṃ nibbānaṃ arahattañca pappuyya pāpuṇitvā pana tvaṃ parinibbāhisi. Vārināva jotīti mahatā salilavuṭṭhinipātena aggikhandho viya ariyamaggavuṭṭhinipātena parinibbāyissati.
баж̇ж̇од̇агарод̇и баж̇ж̇од̇им̣ гаро бад̣̇ийбо. барид̇д̇арам̣сод̇и куд̣̇д̣̇агажжиго. винамяад̇зд̇и винамийяад̇и абанияяад̇и. лад̇ааваад̇и валли вияа. ид̣̇ам̣ вуд̇д̇ам̣ ход̇и – яат̇аа ваддиаад̣̇ибажжаяавзгаллзна барид̇д̇арам̣со манд̣̇абабхо бад̣̇ийбо аббигаа лад̇аа ваа ваад̇зна вид̇хамияяад̇и вид̣̇д̇хам̣сияяад̇и, звам̣ д̇увамби. госияаг̇од̇д̇ад̇ааяа, инд̣̇асаг̇од̇д̇а, инд̣̇асамаанаг̇од̇д̇ам̣. маарам̣ д̇асса васз анаавад̇д̇анаа анубаад̣̇аанад̇о жа анаад̣̇ияаано, нид̣̇д̇хунаахи вид̇хамзхи вид̣̇д̇хам̣сзхи. звам̣ бана вид̣̇д̇хам̣самаано со д̇вам̣ взд̣̇аяид̇аасу саб̣б̣аасу взд̣̇анаасу виг̇ад̇ажчанд̣̇арааг̇о ид̇хзва имасмим̣язва ад̇д̇абхаавз саб̣б̣агилзсад̣̇арат̇абарил̣аахаабхаавзна сийд̇ибхууд̇о ниб̣б̣уд̇о ад̇д̇ано бариниб̣б̣аанагаалам̣ ган̇ка ааг̇амзхийд̇и . звам̣ сад̇т̇аараа анубаад̣̇исзсам̣ ниб̣б̣аанам̣ баабзд̇ваа д̣̇зсанааяа гад̇ааяа т̇зро д̣̇зсанаавасаанз вибассанам̣ вад̣дхзд̇ваа арахад̇д̇ам̣ баабун̣и. арахад̇д̇ам̣ бана бад̇ваа сад̇т̇аараа д̣̇зсид̇анияаамзнзва имаа г̇аат̇аа абхааси. д̇аа зва имаа г̇аат̇аа т̇зрасса ан̃н̃ааб̣яаагаран̣ан̃жа ж̇аад̇аа.
Pajjotakaroti pajjotiṃ karo padīpo. Parittaraṃsoti khuddakacciko. Vinamyateti vinamīyati apaniyyati. Latāvāti valli viya. Idaṃ vuttaṃ hoti – yathā vaṭṭiādipaccayavekallena parittaraṃso mandapabho padīpo appikā latā vā vātena vidhamiyyati viddhaṃsiyyati, evaṃ tuvampi. Kosiyagottatāya, indasagotta, indasamānagottaṃ. Māraṃ tassa vase anāvattanā anupādānato ca anādiyāno, niddhunāhi vidhamehi viddhaṃsehi. Evaṃ pana viddhaṃsamāno so tvaṃ vedayitāsu sabbāsu vedanāsu vigatacchandarāgo idheva imasmiṃyeva attabhāve sabbakilesadarathapariḷāhābhāvena sītibhūto nibbuto attano parinibbānakālaṃ kaṅkha āgamehīti . Evaṃ satthārā anupādisesaṃ nibbānaṃ pāpetvā desanāya katāya thero desanāvasāne vipassanaṃ vaḍḍhetvā arahattaṃ pāpuṇi. Arahattaṃ pana patvā satthārā desitaniyāmeneva imā gāthā abhāsi. Tā eva imā gāthā therassa aññābyākaraṇañca jātā.
гаад̇ияаанад̇т̇зраг̇аат̇ааван̣н̣анаа нидтид̇аа.
Kātiyānattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7.гаад̇ияаанад̇т̇зраг̇аат̇аа • 7.Kātiyānattheragāthā
