| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. гадтахаарасуд̇д̇аван̣н̣анаа
8. Kaṭṭhahārasuttavaṇṇanā
204. адтамз анд̇зваасигаад̇и взяяааважжам̣ гад̇ваа сиббуг̇г̇ан̣ханагаа д̇хамманд̇зваасигаа. нисиннанд̇и чаб̣б̣ан̣н̣арасмияо виссаж̇ж̇зд̇ваа нисиннам̣. г̇амбхийраруубзд̇и г̇амбхийрасабхаавз.
204. Aṭṭhame antevāsikāti veyyāvaccaṃ katvā sippuggaṇhanakā dhammantevāsikā. Nisinnanti chabbaṇṇarasmiyo vissajjetvā nisinnaṃ. Gambhīrarūpeti gambhīrasabhāve.
б̣ахубхзравзд̇и д̇ад̇радтагасавин̃н̃аан̣агаавин̃н̃аан̣агабхзравзхи б̣ахубхзравз. виг̇аахияаад̇и анубависид̇ваа. анин̃ж̇амаанзнаад̇иаад̣̇ийни гааяависзсанаани, зваруубзна гааязнаад̇и ад̇т̇о. сужааруруубам̣ вад̇аад̇и ад̇исунд̣̇арам̣ вад̇а жхаанам̣ жхааяасийд̇и вад̣̇ад̇и.
Bahubheraveti tatraṭṭhakasaviññāṇakaaviññāṇakabheravehi bahubherave. Vigāhiyāti anupavisitvā. Aniñjamānenātiādīni kāyavisesanāni, evarūpena kāyenāti attho. Sucārurūpaṃ vatāti atisundaraṃ vata jhānaṃ jhāyasīti vadati.
ванавассид̇о мунийд̇и ванам̣ авассид̇о б̣уд̣̇д̇хамуни. ид̣̇анд̇и ид̣̇ам̣ д̇умхаагам̣ звам̣ ванз нисиннагааран̣ам̣ маяхам̣ ажчзраруубам̣ бадибхаад̇и. бийд̇иманод̇и д̇удтажид̇д̇о. ванз васзд̇и ванамхи васи.
Vanavassito munīti vanaṃ avassito buddhamuni. Idanti idaṃ tumhākaṃ evaṃ vane nisinnakāraṇaṃ mayhaṃ accherarūpaṃ paṭibhāti. Pītimanoti tuṭṭhacitto. Vane vaseti vanamhi vasi.
ман̃н̃аамаханд̇и ман̃н̃аами ахам̣. логаад̇хибад̇исахаб̣яад̇анд̇и логаад̇хибад̇имахааб̣рахмунаа сахабхаавам̣. ааган̇камаанод̇и ижчамаано. д̇ид̣̇ивам̣ ануд̇д̇аранд̇и ид̣̇ам̣ б̣рахмалогамзва санд̇хааяааха. гасмаа бхавам̣ виж̇анамаран̃н̃амассид̇од̇и ахам̣ д̇аава б̣рахмалогам̣ ааган̇камаанод̇и ман̃н̃аами. яад̣̇и звам̣ на ход̇и, ат̇а мз аажигка, гасмаа бхаванд̇и? бужчад̇и. б̣рахмабад̇д̇ияаад̇и сздтабад̇д̇ияаа . ид̇ха ид̣̇ам̣ д̇або гасмаа гаросийд̇и абарзнаби аагаарзна бужчад̇и.
Maññāmahanti maññāmi ahaṃ. Lokādhipatisahabyatanti lokādhipatimahābrahmunā sahabhāvaṃ. Ākaṅkhamānoti icchamāno. Tidivaṃ anuttaranti idaṃ brahmalokameva sandhāyāha. Kasmā bhavaṃ vijanamaraññamassitoti ahaṃ tāva brahmalokaṃ ākaṅkhamānoti maññāmi. Yadi evaṃ na hoti, atha me ācikkha, kasmā bhavanti? Pucchati. Brahmapattiyāti seṭṭhapattiyā . Idha idaṃ tapo kasmā karosīti aparenapi ākārena pucchati.
ган̇каад̇и д̇ан̣хаа. абхинанд̣̇анаад̇и абхинанд̣̇анавасзна д̇ан̣хаава вуд̇д̇аа. анзгад̇хаад̇уусууд̇и анзгасабхаавзсу аарамман̣зсу. бут̇ууд̇и наанаббагаараа д̇ан̣хаа сзсагилзсаа ваа. сад̣̇аасид̇аад̇и нижжагаалам̣ авассид̇аа. ан̃н̃аан̣амуулаббабхаваад̇и авиж̇ж̇аамуулаа худ̇ваа ж̇аад̇аа. баж̇аббид̇аад̇и д̇ан̣хаава ‘‘ид̣̇амби маяхам̣, ид̣̇амби маяха’’нд̇и баж̇аббаабанавасзна баж̇аббид̇аа наамаад̇и вуд̇д̇аа. саб̣б̣аа маяаа б̣яанд̇игад̇аад̇и саб̣б̣аа д̇ан̣хаа маяаа аг̇г̇амаг̇г̇зна виг̇ад̇анд̇аа ниранд̇аа гад̇аа. самуулигаад̇и сад̣̇д̇хим̣ ан̃н̃аан̣амуулзна.
Kaṅkhāti taṇhā. Abhinandanāti abhinandanavasena taṇhāva vuttā. Anekadhātūsūti anekasabhāvesu ārammaṇesu. Puthūti nānappakārā taṇhā sesakilesā vā. Sadāsitāti niccakālaṃ avassitā. Aññāṇamūlappabhavāti avijjāmūlā hutvā jātā. Pajappitāti taṇhāva ‘‘idampi mayhaṃ, idampi mayha’’nti pajappāpanavasena pajappitā nāmāti vuttā. Sabbā mayā byantikatāti sabbā taṇhā mayā aggamaggena vigatantā nirantā katā. Samūlikāti saddhiṃ aññāṇamūlena.
ануубаяод̇и анубаг̇амано. саб̣б̣зсу д̇хаммзсу висуд̣̇д̇хад̣̇ассанод̇и иминаа саб̣б̣ан̃н̃уд̇ан̃н̃аан̣ам̣ д̣̇ийбзд̇и. самб̣од̇химануд̇д̇аранд̇и арахад̇д̇ам̣ санд̇хааяааха. сиванд̇и сздтам̣ . жхааяаамийд̇и д̣̇вийхи жхаанзхи жхааяаами. висаарад̣̇од̇и виг̇ад̇асаараж̇ж̇о. адтамам̣.
Anūpayoti anupagamano. Sabbesu dhammesu visuddhadassanoti iminā sabbaññutaññāṇaṃ dīpeti. Sambodhimanuttaranti arahattaṃ sandhāyāha. Sivanti seṭṭhaṃ . Jhāyāmīti dvīhi jhānehi jhāyāmi. Visāradoti vigatasārajjo. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. гадтахаарасуд̇д̇ам̣ • 8. Kaṭṭhahārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. гадтахаарасуд̇д̇аван̣н̣анаа • 8. Kaṭṭhahārasuttavaṇṇanā
