| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਕਟ੍ਠਹਾਰਸੁਤ੍ਤવਣ੍ਣਨਾ
8. Kaṭṭhahārasuttavaṇṇanā
੨੦੪. ਅਟ੍ਠਮੇ ਅਨ੍ਤੇવਾਸਿਕਾਤਿ વੇਯ੍ਯਾવਚ੍ਚਂ ਕਤ੍વਾ ਸਿਪ੍ਪੁਗ੍ਗਣ੍ਹਨਕਾ ਧਮ੍ਮਨ੍ਤੇવਾਸਿਕਾ। ਨਿਸਿਨ੍ਨਨ੍ਤਿ ਛਬ੍ਬਣ੍ਣਰਸ੍ਮਿਯੋ વਿਸ੍ਸਜ੍ਜੇਤ੍વਾ ਨਿਸਿਨ੍ਨਂ। ਗਮ੍ਭੀਰਰੂਪੇਤਿ ਗਮ੍ਭੀਰਸਭਾવੇ।
204. Aṭṭhame antevāsikāti veyyāvaccaṃ katvā sippuggaṇhanakā dhammantevāsikā. Nisinnanti chabbaṇṇarasmiyo vissajjetvā nisinnaṃ. Gambhīrarūpeti gambhīrasabhāve.
ਬਹੁਭੇਰવੇਤਿ ਤਤ੍ਰਟ੍ਠਕਸવਿਞ੍ਞਾਣਕਅવਿਞ੍ਞਾਣਕਭੇਰવੇਹਿ ਬਹੁਭੇਰવੇ। વਿਗਾਹਿਯਾਤਿ ਅਨੁਪવਿਸਿਤ੍વਾ। ਅਨਿਞ੍ਜਮਾਨੇਨਾਤਿਆਦੀਨਿ ਕਾਯવਿਸੇਸਨਾਨਿ, ਏવਰੂਪੇਨ ਕਾਯੇਨਾਤਿ ਅਤ੍ਥੋ। ਸੁਚਾਰੁਰੂਪਂ વਤਾਤਿ ਅਤਿਸੁਨ੍ਦਰਂ વਤ ਝਾਨਂ ਝਾਯਸੀਤਿ વਦਤਿ।
Bahubheraveti tatraṭṭhakasaviññāṇakaaviññāṇakabheravehi bahubherave. Vigāhiyāti anupavisitvā. Aniñjamānenātiādīni kāyavisesanāni, evarūpena kāyenāti attho. Sucārurūpaṃ vatāti atisundaraṃ vata jhānaṃ jhāyasīti vadati.
વਨવਸ੍ਸਿਤੋ ਮੁਨੀਤਿ વਨਂ ਅવਸ੍ਸਿਤੋ ਬੁਦ੍ਧਮੁਨਿ। ਇਦਨ੍ਤਿ ਇਦਂ ਤੁਮ੍ਹਾਕਂ ਏવਂ વਨੇ ਨਿਸਿਨ੍ਨਕਾਰਣਂ ਮਯ੍ਹਂ ਅਚ੍ਛੇਰਰੂਪਂ ਪਟਿਭਾਤਿ। ਪੀਤਿਮਨੋਤਿ ਤੁਟ੍ਠਚਿਤ੍ਤੋ। વਨੇ વਸੇਤਿ વਨਮ੍ਹਿ વਸਿ।
Vanavassito munīti vanaṃ avassito buddhamuni. Idanti idaṃ tumhākaṃ evaṃ vane nisinnakāraṇaṃ mayhaṃ accherarūpaṃ paṭibhāti. Pītimanoti tuṭṭhacitto. Vane vaseti vanamhi vasi.
ਮਞ੍ਞਾਮਹਨ੍ਤਿ ਮਞ੍ਞਾਮਿ ਅਹਂ। ਲੋਕਾਧਿਪਤਿਸਹਬ੍ਯਤਨ੍ਤਿ ਲੋਕਾਧਿਪਤਿਮਹਾਬ੍ਰਹ੍ਮੁਨਾ ਸਹਭਾવਂ। ਆਕਙ੍ਖਮਾਨੋਤਿ ਇਚ੍ਛਮਾਨੋ। ਤਿਦਿવਂ ਅਨੁਤ੍ਤਰਨ੍ਤਿ ਇਦਂ ਬ੍ਰਹ੍ਮਲੋਕਮੇવ ਸਨ੍ਧਾਯਾਹ। ਕਸ੍ਮਾ ਭવਂ વਿਜਨਮਰਞ੍ਞਮਸ੍ਸਿਤੋਤਿ ਅਹਂ ਤਾવ ਬ੍ਰਹ੍ਮਲੋਕਂ ਆਕਙ੍ਖਮਾਨੋਤਿ ਮਞ੍ਞਾਮਿ। ਯਦਿ ਏવਂ ਨ ਹੋਤਿ, ਅਥ ਮੇ ਆਚਿਕ੍ਖ, ਕਸ੍ਮਾ ਭવਨ੍ਤਿ? ਪੁਚ੍ਛਤਿ। ਬ੍ਰਹ੍ਮਪਤ੍ਤਿਯਾਤਿ ਸੇਟ੍ਠਪਤ੍ਤਿਯਾ । ਇਧ ਇਦਂ ਤਪੋ ਕਸ੍ਮਾ ਕਰੋਸੀਤਿ ਅਪਰੇਨਪਿ ਆਕਾਰੇਨ ਪੁਚ੍ਛਤਿ।
Maññāmahanti maññāmi ahaṃ. Lokādhipatisahabyatanti lokādhipatimahābrahmunā sahabhāvaṃ. Ākaṅkhamānoti icchamāno. Tidivaṃ anuttaranti idaṃ brahmalokameva sandhāyāha. Kasmā bhavaṃ vijanamaraññamassitoti ahaṃ tāva brahmalokaṃ ākaṅkhamānoti maññāmi. Yadi evaṃ na hoti, atha me ācikkha, kasmā bhavanti? Pucchati. Brahmapattiyāti seṭṭhapattiyā . Idha idaṃ tapo kasmā karosīti aparenapi ākārena pucchati.
ਕਙ੍ਖਾਤਿ ਤਣ੍ਹਾ। ਅਭਿਨਨ੍ਦਨਾਤਿ ਅਭਿਨਨ੍ਦਨવਸੇਨ ਤਣ੍ਹਾવ વੁਤ੍ਤਾ। ਅਨੇਕਧਾਤੂਸੂਤਿ ਅਨੇਕਸਭਾવੇਸੁ ਆਰਮ੍ਮਣੇਸੁ। ਪੁਥੂਤਿ ਨਾਨਪ੍ਪਕਾਰਾ ਤਣ੍ਹਾ ਸੇਸਕਿਲੇਸਾ વਾ। ਸਦਾਸਿਤਾਤਿ ਨਿਚ੍ਚਕਾਲਂ ਅવਸ੍ਸਿਤਾ। ਅਞ੍ਞਾਣਮੂਲਪ੍ਪਭવਾਤਿ ਅવਿਜ੍ਜਾਮੂਲਾ ਹੁਤ੍વਾ ਜਾਤਾ। ਪਜਪ੍ਪਿਤਾਤਿ ਤਣ੍ਹਾવ ‘‘ਇਦਮ੍ਪਿ ਮਯ੍ਹਂ, ਇਦਮ੍ਪਿ ਮਯ੍ਹ’’ਨ੍ਤਿ ਪਜਪ੍ਪਾਪਨવਸੇਨ ਪਜਪ੍ਪਿਤਾ ਨਾਮਾਤਿ વੁਤ੍ਤਾ। ਸਬ੍ਬਾ ਮਯਾ ਬ੍ਯਨ੍ਤਿਕਤਾਤਿ ਸਬ੍ਬਾ ਤਣ੍ਹਾ ਮਯਾ ਅਗ੍ਗਮਗ੍ਗੇਨ વਿਗਤਨ੍ਤਾ ਨਿਰਨ੍ਤਾ ਕਤਾ। ਸਮੂਲਿਕਾਤਿ ਸਦ੍ਧਿਂ ਅਞ੍ਞਾਣਮੂਲੇਨ।
Kaṅkhāti taṇhā. Abhinandanāti abhinandanavasena taṇhāva vuttā. Anekadhātūsūti anekasabhāvesu ārammaṇesu. Puthūti nānappakārā taṇhā sesakilesā vā. Sadāsitāti niccakālaṃ avassitā. Aññāṇamūlappabhavāti avijjāmūlā hutvā jātā. Pajappitāti taṇhāva ‘‘idampi mayhaṃ, idampi mayha’’nti pajappāpanavasena pajappitā nāmāti vuttā. Sabbā mayā byantikatāti sabbā taṇhā mayā aggamaggena vigatantā nirantā katā. Samūlikāti saddhiṃ aññāṇamūlena.
ਅਨੂਪਯੋਤਿ ਅਨੁਪਗਮਨੋ। ਸਬ੍ਬੇਸੁ ਧਮ੍ਮੇਸੁ વਿਸੁਦ੍ਧਦਸ੍ਸਨੋਤਿ ਇਮਿਨਾ ਸਬ੍ਬਞ੍ਞੁਤਞ੍ਞਾਣਂ ਦੀਪੇਤਿ। ਸਮ੍ਬੋਧਿਮਨੁਤ੍ਤਰਨ੍ਤਿ ਅਰਹਤ੍ਤਂ ਸਨ੍ਧਾਯਾਹ। ਸਿવਨ੍ਤਿ ਸੇਟ੍ਠਂ । ਝਾਯਾਮੀਤਿ ਦ੍વੀਹਿ ਝਾਨੇਹਿ ਝਾਯਾਮਿ। વਿਸਾਰਦੋਤਿ વਿਗਤਸਾਰਜ੍ਜੋ। ਅਟ੍ਠਮਂ।
Anūpayoti anupagamano. Sabbesu dhammesu visuddhadassanoti iminā sabbaññutaññāṇaṃ dīpeti. Sambodhimanuttaranti arahattaṃ sandhāyāha. Sivanti seṭṭhaṃ . Jhāyāmīti dvīhi jhānehi jhāyāmi. Visāradoti vigatasārajjo. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕਟ੍ਠਹਾਰਸੁਤ੍ਤਂ • 8. Kaṭṭhahārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਕਟ੍ਠਹਾਰਸੁਤ੍ਤવਣ੍ਣਨਾ • 8. Kaṭṭhahārasuttavaṇṇanā
