| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਕਟ੍ਠਹਾਰਸੁਤ੍ਤવਣ੍ਣਨਾ
8. Kaṭṭhahārasuttavaṇṇanā
੨੦੪. ਧਮ੍ਮਨ੍ਤੇવਾਸਿਕਾਤਿ ਕਿਞ੍ਚਿਪਿ ਧਨਂ ਅਦਤ੍વਾ ਕੇવਲਂ ਅਨ੍ਤੇવਾਸਿਕਾ। ਤੇਨਾਹ ‘‘વੇਯ੍ਯਾવਚ੍ਚਂ ਕਤ੍વਾ ਸਿਪ੍ਪੁਗ੍ਗਣ੍ਹਨਕਾ’’ਤਿ। ਗਮ੍ਭੀਰਸਭਾવੇਤਿ ਸਮਨ੍ਤਤੋ ਦੂਰਤੋ ਗਹਨਸਚ੍ਛਨ੍ਨવਿਪੁਲਤਰਰੁਕ੍ਖਗਚ੍ਛਲਤਾਯ ਚ, ਤਦਾ ਹਿਮਪਿਣ੍ਡਸਿਨ੍ਨਭਾવੇਨ ਮਯੂਰਯਾਨੇਹਿ ਪਤਿਟ੍ਠਾਤੁਂ ਅਸਕ੍ਕੁਣੇਯ੍ਯਤਾਯ ਚ ਗਮ੍ਭੀਰਭਾવੇ।
204.Dhammantevāsikāti kiñcipi dhanaṃ adatvā kevalaṃ antevāsikā. Tenāha ‘‘veyyāvaccaṃ katvā sippuggaṇhanakā’’ti. Gambhīrasabhāveti samantato dūrato gahanasacchannavipulatararukkhagacchalatāya ca, tadā himapiṇḍasinnabhāvena mayūrayānehi patiṭṭhātuṃ asakkuṇeyyatāya ca gambhīrabhāve.
ਬਹੁਭੇਰવੇਤਿ ਬਹੁਭਯਾਨਕੇ। ਅਨਿਞ੍ਜਮਾਨੇਨਾਤਿ ਇਤ੍ਥਮ੍ਭੂਤਤ੍ਥੇ ਕਰਣવਚਨਂ। ਅਤਿਸੁਨ੍ਦਰਂ વਤਾਤਿ ਏવਂ ਸਨ੍ਤੇ ਨਾਮ ਅਰਞ੍ਞੇ ਏવਂ ਨਿਚ੍ਚਲਕਾਯੋ ਨਿਸਿਨ੍ਨੋ ਝਾਯਨ੍ਤੋ ਅਤਿવਿਯ ਸੁਨ੍ਦਰਞ੍ਚ ਝਾਨਂ ਝਾਯਸੀਤਿ વਦਤਿ।
Bahubheraveti bahubhayānake. Aniñjamānenāti itthambhūtatthe karaṇavacanaṃ. Atisundaraṃ vatāti evaṃ sante nāma araññe evaṃ niccalakāyo nisinno jhāyanto ativiya sundarañca jhānaṃ jhāyasīti vadati.
ਅਚ੍ਛੇਰਰੂਪਨ੍ਤਿ ਅਚ੍ਛਰਿਯਭਾવਂ। ਸੇਟ੍ਠਪ੍ਪਤ੍ਤਿਯਾਤਿ ਸੇਟ੍ਠਭਾવਪ੍ਪਤ੍ਤਿਯਾ।
Accherarūpanti acchariyabhāvaṃ. Seṭṭhappattiyāti seṭṭhabhāvappattiyā.
‘‘ਲੋਕਾਧਿਪਤਿਸਹਬ੍ਯਤਂ ਆਕਙ੍ਖਮਾਨੋ’’ਤਿ ਇਮਿਨਾ ਬ੍ਰਾਹ੍ਮਣੋ ਲੋਕਾਧਿਪਤਿਸਹਯੋਗਂ ਪੁਚ੍ਛਤਿ, ‘‘ਕਸ੍ਮਾ ਭવ’’ਨ੍ਤਿਆਦਿਨਾ ਪਨ ਤਦਞ੍ਞવਿਸੇਸਾਕਙ੍ਖਂ ਪੁਚ੍ਛਤੀਤਿ ਆਹ ‘‘ਅਪਰੇਨਪਿ ਆਕਾਰੇਨ ਪੁਚ੍ਛਤੀ’’ਤਿ।
‘‘Lokādhipatisahabyataṃ ākaṅkhamāno’’ti iminā brāhmaṇo lokādhipatisahayogaṃ pucchati, ‘‘kasmā bhava’’ntiādinā pana tadaññavisesākaṅkhaṃ pucchatīti āha ‘‘aparenapi ākārena pucchatī’’ti.
ਕਙ੍ਖਾਤਿ ਤਣ੍ਹਾ ਅਭਿਕ੍ਖਣવਸੇਨ ਪવਤ੍ਤਾ। ਅਨੇਕਸਭਾવੇਸੂਤਿ ਰੂਪਾਦਿવਸੇਨ ਅਜ੍ਝਤ੍ਤਿਕਾਦਿવਸੇਨ ਏવਂ ਨਾਨਾਸਭਾવੇਸੁ ਆਰਮ੍ਮਣੇਸੁ। ਅਸ੍ਸਾਦਰਾਗੋ ਲੋਭੋ ਅਭਿਜ੍ਝਾਤਿ ਨਾਨਪ੍ਪਕਾਰਾ। ਸੇਸਕਿਲੇਸਾ વਾ ਦਿਟ੍ਠਿਮਾਨਦੋਸਾਦਯੋ। ਨਿਚ੍ਚਕਾਲਂ ਅવਸ੍ਸਿਤਾ ਸਤ੍ਤਾਨਂ ਅવਸ੍ਸਯਭਾવਤ੍ਤਾ। ਪਜਪ੍ਪਾਪਨવਸੇਨਾਤਿ ਪਕਾਰੇਹਿ ਤਣ੍ਹਾਯਨવਸੇਨ। ਨਿਰਨ੍ਤਾਤਿ ਅਨ੍ਤਰਹਿਤਾ ਨਿਰવਸੇਸਾ।
Kaṅkhāti taṇhā abhikkhaṇavasena pavattā. Anekasabhāvesūti rūpādivasena ajjhattikādivasena evaṃ nānāsabhāvesu ārammaṇesu. Assādarāgo lobho abhijjhāti nānappakārā. Sesakilesā vā diṭṭhimānadosādayo. Niccakālaṃ avassitā sattānaṃ avassayabhāvattā. Pajappāpanavasenāti pakārehi taṇhāyanavasena. Nirantāti antarahitā niravasesā.
ਅਨੁਪਗਮਨੋਤਿ ਅਨੁਪਾਦਾਨੋ। ਸਬ੍ਬਞ੍ਞੁਤਞ੍ਞਾਣਂ ਦੀਪੇਤਿ, ਤਸ੍ਸ ਹਿ વਸੇਨ ਏવ ਨਾਨਾਸਭਾવੇਸੁ ਭਗવਾ ਸਮਨ੍ਤਚਕ੍ਖੁਨਾ ਪਸ੍ਸਤੀਤਿ ‘‘ਸਬ੍ਬੇ…ਪੇ॰… ਦਸ੍ਸਨੋ’’ਤਿ વੁਚ੍ਚਤਿ। ਅਰਹਤ੍ਤਂ ਸਨ੍ਧਾਯਾਹ, ਤਞ੍ਹਿ ਨਿਪ੍ਪਰਿਯਾਯਤੋ ‘‘ਅਨੁਤ੍ਤਰ’’ਨ੍ਤਿ વੁਚ੍ਚਤਿ।
Anupagamanoti anupādāno. Sabbaññutaññāṇaṃ dīpeti, tassa hi vasena eva nānāsabhāvesu bhagavā samantacakkhunā passatīti ‘‘sabbe…pe… dassano’’ti vuccati. Arahattaṃ sandhāyāha, tañhi nippariyāyato ‘‘anuttara’’nti vuccati.
ਕਟ੍ਠਹਾਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kaṭṭhahārasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਕਟ੍ਠਹਾਰਸੁਤ੍ਤਂ • 8. Kaṭṭhahārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕਟ੍ਠਹਾਰਸੁਤ੍ਤવਣ੍ਣਨਾ • 8. Kaṭṭhahārasuttavaṇṇanā
