| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
7. гадтахаариж̇аад̇агаван̣н̣анаа
7. Kaṭṭhahārijātakavaṇṇanā
буд̇д̇о д̇яаахам̣ махаарааж̇аад̇и ид̣̇ам̣ сад̇т̇аа ж̇зд̇аванз вихаранд̇о ваасабхакад̇д̇ияам̣ аараб̣бха гат̇зси. ваасабхакад̇д̇ияааяа вад̇т̇у д̣̇ваад̣̇асаганибаад̇з бхад̣̇д̣̇асаалаж̇аад̇агз аавибхависсад̇и. саа гира махаанаамасса саггасса д̇хийд̇аа нааг̇амун̣д̣ааяа наама д̣̇аасияаа гужчисмим̣ ж̇аад̇аа госаларааж̇асса аг̇г̇амахзсий ахоси. саа ран̃н̃о буд̇д̇ам̣ виж̇ааяи. рааж̇аа банассаа бажчаа д̣̇аасибхаавам̣ н̃ад̇ваа таанам̣ барихаабзси, буд̇д̇асса видадуубхассааби таанам̣ барихаабзсиязва. д̇з убхоби анд̇онивзсанзязва васанд̇и. сад̇т̇аа д̇ам̣ гааран̣ам̣ н̃ад̇ваа буб̣б̣ан̣хасамаяз бан̃жасад̇абхигкубаривуд̇о ран̃н̃о нивзсанам̣ г̇анд̇ваа бан̃н̃ад̇д̇аасанз нисийд̣̇ид̇ваа ‘‘махаарааж̇а, гахам̣ ваасабхакад̇д̇ияаа’’д̇и ааха. ‘‘рааж̇аа д̇ам̣ гааран̣ам̣ аарожзси. махаарааж̇а ваасабхакад̇д̇ияаа гасса д̇хийд̇аа’’д̇и? ‘‘махаанаамасса бханд̇з’’д̇и. ‘‘ааг̇ажчамаанаа гасса ааг̇ад̇аа’’д̇и? ‘‘маяхам̣ бханд̇з’’д̇и. махаарааж̇а саа ран̃н̃о д̇хийд̇аа, ран̃н̃ова ааг̇ад̇аа, рааж̇аанам̣язва бадижжа буд̇д̇ам̣ лабхи, со буд̇д̇о гим̣гааран̣аа бид̇у санд̇агасса раж̇ж̇асса саамиго на ход̇и, буб̣б̣з рааж̇аано мухуд̇д̇игааяа гадтахааригааяа гужчисмимби буд̇д̇ам̣ лабхид̇ваа буд̇д̇асса раж̇ж̇ам̣ ад̣̇ам̣сууд̇и. рааж̇аа д̇ассад̇т̇ассаавибхаавад̇т̇ааяа бхаг̇аванд̇ам̣ яаажи, бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Puttotyāhaṃ mahārājāti idaṃ satthā jetavane viharanto vāsabhakhattiyaṃ ārabbha kathesi. Vāsabhakhattiyāya vatthu dvādasakanipāte bhaddasālajātake āvibhavissati. Sā kira mahānāmassa sakkassa dhītā nāgamuṇḍāya nāma dāsiyā kucchismiṃ jātā kosalarājassa aggamahesī ahosi. Sā rañño puttaṃ vijāyi. Rājā panassā pacchā dāsibhāvaṃ ñatvā ṭhānaṃ parihāpesi, puttassa viṭaṭūbhassāpi ṭhānaṃ parihāpesiyeva. Te ubhopi antonivesaneyeva vasanti. Satthā taṃ kāraṇaṃ ñatvā pubbaṇhasamaye pañcasatabhikkhuparivuto rañño nivesanaṃ gantvā paññattāsane nisīditvā ‘‘mahārāja, kahaṃ vāsabhakhattiyā’’ti āha. ‘‘Rājā taṃ kāraṇaṃ ārocesi. Mahārāja vāsabhakhattiyā kassa dhītā’’ti? ‘‘Mahānāmassa bhante’’ti. ‘‘Āgacchamānā kassa āgatā’’ti? ‘‘Mayhaṃ bhante’’ti. Mahārāja sā rañño dhītā, raññova āgatā, rājānaṃyeva paṭicca puttaṃ labhi, so putto kiṃkāraṇā pitu santakassa rajjassa sāmiko na hoti, pubbe rājāno muhuttikāya kaṭṭhahārikāya kucchismimpi puttaṃ labhitvā puttassa rajjaṃ adaṃsūti. Rājā tassatthassāvibhāvatthāya bhagavantaṃ yāci, bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з б̣аараан̣асияам̣ б̣рахмад̣̇ад̇д̇о рааж̇аа маханд̇зна яасзна уяяаанам̣ г̇анд̇ваа д̇ад̇т̇а бубпапалалобхзна вижаранд̇о уяяаанаванасан̣д̣з г̇ааяид̇ваа д̣̇аарууни уд̣̇д̇харамаанам̣ згам̣ ид̇т̇им̣ д̣̇исваа бадиб̣ад̣̇д̇хажид̇д̇о сам̣ваасам̣ габбзси. д̇ан̇кан̣ан̃н̃зва б̣од̇хисад̇д̇о д̇ассаа гужчияам̣ бадисанд̇хим̣ г̇ан̣хи, д̇аавад̣̇зва д̇ассаа важ̇ирабуурид̇аа вияа г̇аругаа гужчи ахоси. саа г̇аб̣бхасса бад̇идтид̇абхаавам̣ н̃ад̇ваа ‘‘г̇аб̣бхо мз, д̣̇зва, бад̇идтид̇о’’д̇и ааха. рааж̇аа ан̇г̇улимуд̣̇д̣̇игам̣ д̣̇ад̇ваа ‘‘сажз д̇хийд̇аа ход̇и, имам̣ виссаж̇ж̇зд̇ваа босзяяааси, сажз буд̇д̇о ход̇и, ан̇г̇улимуд̣̇д̣̇игааяа сад̣̇д̇хим̣ мама санд̇игам̣ аанзяяаасий’’д̇и вад̇ваа баггаами.
Atīte bārāṇasiyaṃ brahmadatto rājā mahantena yasena uyyānaṃ gantvā tattha pupphaphalalobhena vicaranto uyyānavanasaṇḍe gāyitvā dārūni uddharamānaṃ ekaṃ itthiṃ disvā paṭibaddhacitto saṃvāsaṃ kappesi. Taṅkhaṇaññeva bodhisatto tassā kucchiyaṃ paṭisandhiṃ gaṇhi, tāvadeva tassā vajirapūritā viya garukā kucchi ahosi. Sā gabbhassa patiṭṭhitabhāvaṃ ñatvā ‘‘gabbho me, deva, patiṭṭhito’’ti āha. Rājā aṅgulimuddikaṃ datvā ‘‘sace dhītā hoti, imaṃ vissajjetvā poseyyāsi, sace putto hoti, aṅgulimuddikāya saddhiṃ mama santikaṃ āneyyāsī’’ti vatvā pakkāmi.
сааби барибаггаг̇аб̣бхаа б̣од̇хисад̇д̇ам̣ виж̇ааяи. д̇асса аад̇хаавид̇ваа барид̇хаавид̇ваа вижаран̣агаалз гийл̣ааман̣д̣алз гийл̣анд̇асса звам̣ вад̇д̇ааро хонд̇и ‘‘ниббид̇игзнамхаа бахадаа’’д̇и. д̇ам̣ суд̇ваа б̣од̇хисад̇д̇о маад̇у санд̇игам̣ г̇анд̇ваа ‘‘амма, го маяхам̣ бид̇аа’’д̇и бужчи. ‘‘д̇аад̇а, д̇вам̣ б̣аараан̣асиран̃н̃о буд̇д̇о’’д̇и. ‘‘амма, ад̇т̇и бана гожи сагкий’’д̇и? д̇аад̇а рааж̇аа имам̣ муд̣̇д̣̇игам̣ д̣̇ад̇ваа ‘‘сажз д̇хийд̇аа ход̇и, имам̣ виссаж̇ж̇зд̇ваа босзяяааси, сажз буд̇д̇о ход̇и, имааяа ан̇г̇улимуд̣̇д̣̇игааяа сад̣̇д̇хим̣ аанзяяаасий’’д̇и вад̇ваа г̇ад̇од̇и. ‘‘амма, звам̣ санд̇з гасмаа мам̣ бид̇у санд̇игам̣ на нзсий’’д̇и . саа буд̇д̇асса аж̇жхаасаяам̣ н̃ад̇ваа рааж̇ад̣̇ваарам̣ г̇анд̇ваа ран̃н̃о аарожаабзси. ран̃н̃аа жа баггосаабид̇аа бависид̇ваа рааж̇аанам̣ ванд̣̇ид̇ваа ‘‘аяам̣ д̇з, д̣̇зва, буд̇д̇о’’д̇и ааха. рааж̇аа ж̇аананд̇оби барисамаж̇жхз лаж̇ж̇ааяа ‘‘на маяхам̣ буд̇д̇о’’д̇и ааха. ‘‘аяам̣ д̇з, д̣̇зва, муд̣̇д̣̇игаа, имам̣ сан̃ж̇аанаасий’’д̇и. ‘‘аяамби маяхам̣ муд̣̇д̣̇игаа на ход̇ий’’д̇и. ‘‘д̣̇зва, ид̣̇аани табзд̇ваа сажжагирияам̣ ан̃н̃о мама сагки над̇т̇и, сажааяам̣ д̣̇аараго д̇умхз бадижжа ж̇аад̇о, аагаасз д̇идтад̇у, но жз, бхуумияам̣ бад̇ид̇ваа марад̇уу’’д̇и б̣од̇хисад̇д̇асса баад̣̇з г̇ахзд̇ваа аагаасз киби. б̣од̇хисад̇д̇о аагаасз баллан̇гамаабхуж̇ид̇ваа нисинно мад̇хурассарзна бид̇у д̇хаммам̣ гат̇знд̇о имам̣ г̇аат̇амааха –
Sāpi paripakkagabbhā bodhisattaṃ vijāyi. Tassa ādhāvitvā paridhāvitvā vicaraṇakāle kīḷāmaṇḍale kīḷantassa evaṃ vattāro honti ‘‘nippitikenamhā pahaṭā’’ti. Taṃ sutvā bodhisatto mātu santikaṃ gantvā ‘‘amma, ko mayhaṃ pitā’’ti pucchi. ‘‘Tāta, tvaṃ bārāṇasirañño putto’’ti. ‘‘Amma, atthi pana koci sakkhī’’ti? Tāta rājā imaṃ muddikaṃ datvā ‘‘sace dhītā hoti, imaṃ vissajjetvā poseyyāsi, sace putto hoti, imāya aṅgulimuddikāya saddhiṃ āneyyāsī’’ti vatvā gatoti. ‘‘Amma, evaṃ sante kasmā maṃ pitu santikaṃ na nesī’’ti . Sā puttassa ajjhāsayaṃ ñatvā rājadvāraṃ gantvā rañño ārocāpesi. Raññā ca pakkosāpitā pavisitvā rājānaṃ vanditvā ‘‘ayaṃ te, deva, putto’’ti āha. Rājā jānantopi parisamajjhe lajjāya ‘‘na mayhaṃ putto’’ti āha. ‘‘Ayaṃ te, deva, muddikā, imaṃ sañjānāsī’’ti. ‘‘Ayampi mayhaṃ muddikā na hotī’’ti. ‘‘Deva, idāni ṭhapetvā saccakiriyaṃ añño mama sakkhi natthi, sacāyaṃ dārako tumhe paṭicca jāto, ākāse tiṭṭhatu, no ce, bhūmiyaṃ patitvā maratū’’ti bodhisattassa pāde gahetvā ākāse khipi. Bodhisatto ākāse pallaṅkamābhujitvā nisinno madhurassarena pitu dhammaṃ kathento imaṃ gāthamāha –
7.
7.
‘‘буд̇д̇о д̇яаахам̣ махаарааж̇а, д̇вам̣ мам̣ боса ж̇анаад̇хиба;
‘‘Putto tyāhaṃ mahārāja, tvaṃ maṃ posa janādhipa;
ан̃н̃зби д̣̇зво босзд̇и, гин̃жа д̣̇зво сагам̣ баж̇а’’нд̇и.
Aññepi devo poseti, kiñca devo sakaṃ paja’’nti.
д̇ад̇т̇а буд̇д̇о д̇яааханд̇и буд̇д̇о д̇з ахам̣. буд̇д̇о жа наамзса ад̇раж̇о, кзд̇д̇аж̇о, анд̇зваасиго, д̣̇иннагод̇и жад̇уб̣б̣ид̇хо. д̇ад̇т̇а ад̇д̇аанам̣ бадижжа ж̇аад̇о ад̇раж̇о наама. саяанабидтз баллан̇гз урзд̇извамаад̣̇ийсу ниб̣б̣ад̇д̇о кзд̇д̇аж̇о наама. санд̇игз сиббуг̇г̇ан̣ханаго анд̇зваасиго наама. босааванад̇т̇ааяа д̣̇инно д̣̇иннаго наама. ид̇ха бана ад̇раж̇ам̣ санд̇хааяа ‘‘буд̇д̇о’’д̇и вуд̇д̇ам̣. жад̇уухи сан̇г̇ахавад̇т̇уухи ж̇анам̣ ран̃ж̇зд̇ийд̇и рааж̇аа, маханд̇о рааж̇аа махаарааж̇аа. д̇амаалабанд̇о ааха ‘‘махаарааж̇аа’’д̇и. д̇вам̣ мам̣ боса ж̇анаад̇хибаад̇и ж̇анаад̇хиба махааж̇анаж̇здтага д̇вам̣ мам̣ боса бхарассу вад̣дхзхи. ан̃н̃зби д̣̇зво босзд̇ийд̇и ан̃н̃зби хад̇т̇иб̣анд̇хаад̣̇аяо мануссз, хад̇т̇иассаад̣̇аяо д̇иражчаанаг̇ад̇з жа б̣ахуж̇анз д̣̇зво босзд̇и. гин̃жа д̣̇зво сагам̣ баж̇анд̇и зд̇т̇а бана гин̃жаад̇и г̇арахад̇т̇з жа ануг̇г̇ахан̣ад̇т̇з жа нибаад̇о. ‘‘сагам̣ баж̇ам̣ ад̇д̇ано буд̇д̇ам̣ мам̣ д̣̇зво на босзд̇ий’’д̇и вад̣̇анд̇о г̇арахад̇и наама, ‘‘ан̃н̃з б̣ахуж̇анз босзд̇ий’’д̇и вад̣̇анд̇о ануг̇г̇ан̣хад̇и наама. ид̇и б̣од̇хисад̇д̇о г̇араханд̇оби ануг̇г̇ан̣ханд̇оби ‘‘гин̃жа д̣̇зво сагам̣ баж̇а’’нд̇и ааха.
Tattha putto tyāhanti putto te ahaṃ. Putto ca nāmesa atrajo, khettajo, antevāsiko, dinnakoti catubbidho. Tattha attānaṃ paṭicca jāto atrajo nāma. Sayanapiṭṭhe pallaṅke uretievamādīsu nibbatto khettajo nāma. Santike sippuggaṇhanako antevāsiko nāma. Posāvanatthāya dinno dinnako nāma. Idha pana atrajaṃ sandhāya ‘‘putto’’ti vuttaṃ. Catūhi saṅgahavatthūhi janaṃ rañjetīti rājā, mahanto rājā mahārājā. Tamālapanto āha ‘‘mahārājā’’ti. Tvaṃ maṃ posa janādhipāti janādhipa mahājanajeṭṭhaka tvaṃ maṃ posa bharassu vaḍḍhehi. Aññepi devo posetīti aññepi hatthibandhādayo manusse, hatthiassādayo tiracchānagate ca bahujane devo poseti. Kiñca devo sakaṃ pajanti ettha pana kiñcāti garahatthe ca anuggahaṇatthe ca nipāto. ‘‘Sakaṃ pajaṃ attano puttaṃ maṃ devo na posetī’’ti vadanto garahati nāma, ‘‘aññe bahujane posetī’’ti vadanto anuggaṇhati nāma. Iti bodhisatto garahantopi anuggaṇhantopi ‘‘kiñca devo sakaṃ paja’’nti āha.
рааж̇аа б̣од̇хисад̇д̇асса аагаасз нисийд̣̇ид̇ваа звам̣ д̇хаммам̣ д̣̇зсзнд̇асса суд̇ваа ‘‘зхи, д̇аад̇аа’’д̇и хад̇т̇ам̣ басаарзси, ‘‘ахамзва босзссаами, ахамзва босзссаамий’’д̇и хад̇т̇асахассам̣ басаарияид̇т̇а. б̣од̇хисад̇д̇о ан̃н̃асса хад̇т̇з анод̇арид̇ваа ран̃н̃ова хад̇т̇з од̇арид̇ваа ан̇гз нисийд̣̇и. рааж̇аа д̇асса обараж̇ж̇ам̣ д̣̇ад̇ваа маад̇арам̣ аг̇г̇амахзсим̣ агааси. со бид̇у ажжаязна гадтавааханарааж̇аа наама худ̇ваа д̇хаммзна раж̇ж̇ам̣ гаарзд̇ваа яат̇аагаммам̣ г̇ад̇о.
Rājā bodhisattassa ākāse nisīditvā evaṃ dhammaṃ desentassa sutvā ‘‘ehi, tātā’’ti hatthaṃ pasāresi, ‘‘ahameva posessāmi, ahameva posessāmī’’ti hatthasahassaṃ pasāriyittha. Bodhisatto aññassa hatthe anotaritvā raññova hatthe otaritvā aṅke nisīdi. Rājā tassa oparajjaṃ datvā mātaraṃ aggamahesiṃ akāsi. So pitu accayena kaṭṭhavāhanarājā nāma hutvā dhammena rajjaṃ kāretvā yathākammaṃ gato.
сад̇т̇аа госаларан̃н̃о имам̣ д̇хаммад̣̇зсанам̣ аахарид̇ваа д̣̇вз вад̇т̇ууни д̣̇ассзд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа маад̇аа махаамааяаа ахоси, бид̇аа суд̣̇д̇ход̣̇анамахаарааж̇аа, гадтавааханарааж̇аа бана ахамзва ахоси’’нд̇и.
Satthā kosalarañño imaṃ dhammadesanaṃ āharitvā dve vatthūni dassetvā anusandhiṃ ghaṭetvā jātakaṃ samodhānesi – ‘‘tadā mātā mahāmāyā ahosi, pitā suddhodanamahārājā, kaṭṭhavāhanarājā pana ahameva ahosi’’nti.
гадтахаариж̇аад̇агаван̣н̣анаа сад̇д̇амаа.
Kaṭṭhahārijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 7. гадтахаариж̇аад̇агам̣ • 7. Kaṭṭhahārijātakaṃ
