| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
152. гадтабаад̣̇угаад̣̇ибадигкзбо
152. Kaṭṭhapādukādipaṭikkhepo
250. д̇зна ко бана самаязна чаб̣б̣аг̇г̇ияаа бхигкуу рад̇д̇ияаа бажжуусасамаяам̣ бажжудтааяа гадтабаад̣̇угааяо абхирухид̇ваа аж̇жхогаасз жан̇гаманд̇и, ужжаасад̣̇д̣̇аа махаасад̣̇д̣̇аа кадакадасад̣̇д̣̇аа, анзгавихид̇ам̣ д̇иражчаанагат̇ам̣ гат̇знд̇аа, сзяяат̇ид̣̇ам̣ 1 – рааж̇агат̇ам̣, жорагат̇ам̣, махаамад̇д̇агат̇ам̣, сзнаагат̇ам̣, бхаяагат̇ам̣, яуд̣̇д̇хагат̇ам̣, аннагат̇ам̣, баанагат̇ам̣, вад̇т̇агат̇ам̣, саяанагат̇ам̣, маалаагат̇ам̣, г̇анд̇хагат̇ам̣, н̃аад̇игат̇ам̣, яаанагат̇ам̣, г̇аамагат̇ам̣, ниг̇амагат̇ам̣, наг̇арагат̇ам̣, ж̇анабад̣̇агат̇ам̣, ид̇т̇игат̇ам̣ 2, суурагат̇ам̣, висикаагат̇ам̣, гумбхадтаанагат̇ам̣ , буб̣б̣абзд̇агат̇ам̣, наанад̇д̇агат̇ам̣, логагкааяигам̣, самуд̣̇д̣̇агкааяигам̣, ид̇ибхаваабхавагат̇ам̣ ид̇и ваа; гийдагамби аггамид̇ваа маарзнд̇и, бхигкууби самаад̇химхаа жаавзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу рад̇д̇ияаа бажжуусасамаяам̣ бажжудтааяа гадтабаад̣̇угааяо абхирухид̇ваа аж̇жхогаасз жан̇гамиссанд̇и, ужжаасад̣̇д̣̇аа махаасад̣̇д̣̇аа кадакадасад̣̇д̣̇аа анзгавихид̇ам̣ д̇иражчаанагат̇ам̣ гат̇знд̇аа, сзяяат̇ид̣̇ам̣ – рааж̇агат̇ам̣, жорагат̇ам̣…бз… ид̇ибхаваабхавагат̇ам̣ ид̇и ваа, гийдагамби аггамид̇ваа маарзссанд̇и, бхигкууби самаад̇химхаа жаавзссанд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу рад̇д̇ияаа бажжуусасамаяам̣ бажжудтааяа гадтабаад̣̇угааяо абхирухид̇ваа аж̇жхогаасз жан̇гаманд̇и, ужжаасад̣̇д̣̇аа махаасад̣̇д̣̇аа кадакадасад̣̇д̣̇аа, анзгавихид̇ам̣ д̇иражчаанагат̇ам̣ гат̇знд̇аа, сзяяат̇ид̣̇ам̣, – рааж̇агат̇ам̣, жорагат̇ам̣…бз… ид̇ибхаваабхавагат̇ам̣ ид̇и ваа, гийдагамби аггамид̇ваа маарзнд̇и, бхигкууби самаад̇химхаа жаавзнд̇ий’’д̇и? ‘‘сажжам̣, бхаг̇аваа’’д̇и…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, гадтабаад̣̇угаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаа’’д̇и.
250. Tena kho pana samayena chabbaggiyā bhikkhū rattiyā paccūsasamayaṃ paccuṭṭhāya kaṭṭhapādukāyo abhiruhitvā ajjhokāse caṅkamanti, uccāsaddā mahāsaddā khaṭakhaṭasaddā, anekavihitaṃ tiracchānakathaṃ kathentā, seyyathidaṃ 3 – rājakathaṃ, corakathaṃ, mahāmattakathaṃ, senākathaṃ, bhayakathaṃ, yuddhakathaṃ, annakathaṃ, pānakathaṃ, vatthakathaṃ, sayanakathaṃ, mālākathaṃ, gandhakathaṃ, ñātikathaṃ, yānakathaṃ, gāmakathaṃ, nigamakathaṃ, nagarakathaṃ, janapadakathaṃ, itthikathaṃ 4, sūrakathaṃ, visikhākathaṃ, kumbhaṭṭhānakathaṃ , pubbapetakathaṃ, nānattakathaṃ, lokakkhāyikaṃ, samuddakkhāyikaṃ, itibhavābhavakathaṃ iti vā; kīṭakampi akkamitvā mārenti, bhikkhūpi samādhimhā cāventi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū rattiyā paccūsasamayaṃ paccuṭṭhāya kaṭṭhapādukāyo abhiruhitvā ajjhokāse caṅkamissanti, uccāsaddā mahāsaddā khaṭakhaṭasaddā anekavihitaṃ tiracchānakathaṃ kathentā, seyyathidaṃ – rājakathaṃ, corakathaṃ…pe… itibhavābhavakathaṃ iti vā, kīṭakampi akkamitvā māressanti, bhikkhūpi samādhimhā cāvessantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū rattiyā paccūsasamayaṃ paccuṭṭhāya kaṭṭhapādukāyo abhiruhitvā ajjhokāse caṅkamanti, uccāsaddā mahāsaddā khaṭakhaṭasaddā, anekavihitaṃ tiracchānakathaṃ kathentā, seyyathidaṃ, – rājakathaṃ, corakathaṃ…pe… itibhavābhavakathaṃ iti vā, kīṭakampi akkamitvā mārenti, bhikkhūpi samādhimhā cāventī’’ti? ‘‘Saccaṃ, bhagavā’’ti…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, kaṭṭhapādukā dhāretabbā. Yo dhāreyya, āpatti dukkaṭassā’’ti.
ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггаами. анубуб̣б̣зна жааригам̣ жарамаано язна б̣аараан̣асий д̇ад̣̇авасари. д̇ад̇ра суд̣̇ам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна ко бана самаязна чаб̣б̣аг̇г̇ияаа бхигкуу – бхаг̇авад̇аа гадтабаад̣̇угаа бадигкид̇д̇аад̇и – д̇аалад̇арун̣з чзд̣̇аабзд̇ваа д̇аалабад̇д̇абаад̣̇угааяо д̇хаарзнд̇и; д̇аани д̇аалад̇арун̣аани чиннаани милааяанд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа д̇аалад̇арун̣з чзд̣̇аабзд̇ваа д̇аалабад̇д̇абаад̣̇угааяо д̇хаарзссанд̇и; д̇аани д̇аалад̇арун̣аани чиннаани милааяанд̇и; згинд̣̇рияам̣ саман̣аа сагяабуд̇д̇ияаа ж̇ийвам̣ вихзтзнд̇ий’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу д̇аалад̇арун̣з чзд̣̇аабзд̇ваа д̇аалабад̇д̇абаад̣̇угааяо д̇хаарзнд̇и; д̇аани д̇аалад̇арун̣аани чиннаани милааяанд̇ий’’д̇и? сажжам̣ бхаг̇аваад̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа д̇аалад̇арун̣з чзд̣̇аабзд̇ваа д̇аалабад̇д̇абаад̣̇угааяо д̇хаарзссанд̇и; д̇аани д̇аалад̇арун̣аани чиннаани милааяанд̇и. ж̇ийвасан̃н̃ино хи, бхигкавз, мануссаа ругкасмим̣. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, д̇аалабад̇д̇абаад̣̇угаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаа’’д̇и.
Atha kho bhagavā rājagahe yathābhirantaṃ viharitvā yena bārāṇasī tena cārikaṃ pakkāmi. Anupubbena cārikaṃ caramāno yena bārāṇasī tadavasari. Tatra sudaṃ bhagavā bārāṇasiyaṃ viharati isipatane migadāye. Tena kho pana samayena chabbaggiyā bhikkhū – bhagavatā kaṭṭhapādukā paṭikkhittāti – tālataruṇe chedāpetvā tālapattapādukāyo dhārenti; tāni tālataruṇāni chinnāni milāyanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā tālataruṇe chedāpetvā tālapattapādukāyo dhāressanti; tāni tālataruṇāni chinnāni milāyanti; ekindriyaṃ samaṇā sakyaputtiyā jīvaṃ viheṭhentī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū tālataruṇe chedāpetvā tālapattapādukāyo dhārenti; tāni tālataruṇāni chinnāni milāyantī’’ti? Saccaṃ bhagavāti. Vigarahi buddho bhagavā…pe… kathañhi nāma te, bhikkhave, moghapurisā tālataruṇe chedāpetvā tālapattapādukāyo dhāressanti; tāni tālataruṇāni chinnāni milāyanti. Jīvasaññino hi, bhikkhave, manussā rukkhasmiṃ. Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, tālapattapādukā dhāretabbā. Yo dhāreyya, āpatti dukkaṭassā’’ti.
д̇зна ко бана самаязна чаб̣б̣аг̇г̇ияаа бхигкуу ‘бхаг̇авад̇аа д̇аалабад̇д̇абаад̣̇угаа бадигкид̇д̇аа’д̇и взл̣уд̇арун̣з чзд̣̇аабзд̇ваа взл̣убад̇д̇абаад̣̇угааяо д̇хаарзнд̇и. д̇аани взл̣уд̇арун̣аани чиннаани милааяанд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа взл̣уд̇арун̣з чзд̣̇аабзд̇ваа взл̣убад̇д̇абаад̣̇угааяо д̇хаарзссанд̇и. д̇аани взл̣уд̇арун̣аани чиннаани милааяанд̇и. згинд̣̇рияам̣ саман̣аа сагяабуд̇д̇ияаа ж̇ийвам̣ вихзтзнд̇ий’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ж̇ийвасан̃н̃ино хи, бхигкавз, мануссаа ругкасмим̣…бз… на, бхигкавз, взл̣убад̇д̇абаад̣̇угаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhū ‘bhagavatā tālapattapādukā paṭikkhittā’ti veḷutaruṇe chedāpetvā veḷupattapādukāyo dhārenti. Tāni veḷutaruṇāni chinnāni milāyanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā veḷutaruṇe chedāpetvā veḷupattapādukāyo dhāressanti. Tāni veḷutaruṇāni chinnāni milāyanti. Ekindriyaṃ samaṇā sakyaputtiyā jīvaṃ viheṭhentī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ…pe… jīvasaññino hi, bhikkhave, manussā rukkhasmiṃ…pe… na, bhikkhave, veḷupattapādukā dhāretabbā. Yo dhāreyya, āpatti dukkaṭassāti.
251. ат̇а ко бхаг̇аваа б̣аараан̣асияам̣ яат̇аабхиранд̇ам̣ вихарид̇ваа язна бхад̣̇д̣̇ияам̣ д̇зна жааригам̣ баггаами. анубуб̣б̣зна жааригам̣ жарамаано язна бхад̣̇д̣̇ияам̣ д̇ад̣̇авасари. д̇ад̇ра суд̣̇ам̣ бхаг̇аваа бхад̣̇д̣̇ияз вихарад̇и ж̇аад̇ияаа ванз. д̇зна ко бана самаязна бхад̣̇д̣̇ияаа бхигкуу анзгавихид̇ам̣ баад̣̇угаман̣д̣анаануяог̇амануяуд̇д̇аа вихаранд̇и, д̇ин̣абаад̣̇угам̣ гаронд̇иби гаараабзнд̇иби, мун̃ж̇абаад̣̇угам̣ гаронд̇иби гаараабзнд̇иби, баб̣б̣аж̇абаад̣̇угам̣ гаронд̇иби гаараабзнд̇иби, хинд̇аалабаад̣̇угам̣ гаронд̇иби гаараабзнд̇иби, гамалабаад̣̇угам̣ гаронд̇иби гаараабзнд̇иби, гамб̣алабаад̣̇угам̣ гаронд̇иби гаараабзнд̇иби, рин̃жанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃ам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхад̣̇д̣̇ияаа бхигкуу анзгавихид̇ам̣ баад̣̇угаман̣д̣анаануяог̇амануяуд̇д̇аа вихариссанд̇и, д̇ин̣абаад̣̇угам̣ гариссанд̇иби гаараабзссанд̇иби, мун̃ж̇абаад̣̇угам̣ гариссанд̇иби гаараабзссанд̇иби, баб̣б̣аж̇абаад̣̇угам̣ гариссанд̇иби гаараабзссанд̇иби, хинд̇аалабаад̣̇угам̣ гариссанд̇иби гаараабзссанд̇иби, гамалабаад̣̇угам̣ гариссанд̇иби гаараабзссанд̇иби, гамб̣алабаад̣̇угам̣ гариссанд̇иби гаараабзссанд̇иби, рин̃жиссанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃а’’нд̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, бхад̣̇д̣̇ияаа бхигкуу анзгавихид̇ам̣ баад̣̇угаман̣д̣анаануяог̇амануяуд̇д̇аа вихаранд̇и, д̇ин̣абаад̣̇угам̣ гаронд̇иби гаараабзнд̇иби…бз… рин̃жанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃а’’нд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа анзгавихид̇ам̣ баад̣̇угаман̣д̣анаануяог̇амануяуд̇д̇аа вихариссанд̇и, д̇ин̣абаад̣̇угам̣ гариссанд̇иби гаараабзссанд̇иби…бз… рин̃жиссанд̇и уд̣̇д̣̇зсам̣ барибужчам̣ ад̇хисийлам̣ ад̇хижид̇д̇ам̣ ад̇хибан̃н̃ам̣. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, д̇ин̣абаад̣̇угаа д̇хаарзд̇аб̣б̣аа, на мун̃ж̇абаад̣̇угаа д̇хаарзд̇аб̣б̣аа, на баб̣б̣аж̇абаад̣̇угаа д̇хаарзд̇аб̣б̣аа, на хинд̇аалабаад̣̇угаа д̇хаарзд̇аб̣б̣аа, на гамалабаад̣̇угаа д̇хаарзд̇аб̣б̣аа , на гамб̣алабаад̣̇угаа д̇хаарзд̇аб̣б̣аа, на сован̣н̣амаяаа баад̣̇угаа д̇хаарзд̇аб̣б̣аа, на руубияамаяаа баад̣̇угаа д̇хаарзд̇аб̣б̣аа, на ман̣имаяаа баад̣̇угаа д̇хаарзд̇аб̣б̣аа, на взл̣урияамаяаа баад̣̇угаа д̇хаарзд̇аб̣б̣аа, на палигамаяаа баад̣̇угаа д̇хаарзд̇аб̣б̣аа, на гам̣самаяаа баад̣̇угаа д̇хаарзд̇аб̣б̣аа, на гаажамаяаа баад̣̇угаа д̇хаарзд̇аб̣б̣аа, на д̇ибумаяаа баад̣̇угаа д̇хаарзд̇аб̣б̣аа, на сийсамаяаа баад̣̇угаа д̇хаарзд̇аб̣б̣аа, на д̇амб̣алохамаяаа баад̣̇угаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. на жа, бхигкавз, гаажи сан̇гаманияаа баад̣̇угаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, д̇иссо баад̣̇угаа д̇хувадтаанияаа асан̇гаманияааяо – важжабаад̣̇угам̣, бассаавабаад̣̇угам̣, аажаманабаад̣̇уга’’нд̇и.
251. Atha kho bhagavā bārāṇasiyaṃ yathābhirantaṃ viharitvā yena bhaddiyaṃ tena cārikaṃ pakkāmi. Anupubbena cārikaṃ caramāno yena bhaddiyaṃ tadavasari. Tatra sudaṃ bhagavā bhaddiye viharati jātiyā vane. Tena kho pana samayena bhaddiyā bhikkhū anekavihitaṃ pādukamaṇḍanānuyogamanuyuttā viharanti, tiṇapādukaṃ karontipi kārāpentipi, muñjapādukaṃ karontipi kārāpentipi, pabbajapādukaṃ karontipi kārāpentipi, hintālapādukaṃ karontipi kārāpentipi, kamalapādukaṃ karontipi kārāpentipi, kambalapādukaṃ karontipi kārāpentipi, riñcanti uddesaṃ paripucchaṃ adhisīlaṃ adhicittaṃ adhipaññaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhaddiyā bhikkhū anekavihitaṃ pādukamaṇḍanānuyogamanuyuttā viharissanti, tiṇapādukaṃ karissantipi kārāpessantipi, muñjapādukaṃ karissantipi kārāpessantipi, pabbajapādukaṃ karissantipi kārāpessantipi, hintālapādukaṃ karissantipi kārāpessantipi, kamalapādukaṃ karissantipi kārāpessantipi, kambalapādukaṃ karissantipi kārāpessantipi, riñcissanti uddesaṃ paripucchaṃ adhisīlaṃ adhicittaṃ adhipañña’’nti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, bhaddiyā bhikkhū anekavihitaṃ pādukamaṇḍanānuyogamanuyuttā viharanti, tiṇapādukaṃ karontipi kārāpentipi…pe… riñcanti uddesaṃ paripucchaṃ adhisīlaṃ adhicittaṃ adhipañña’’nti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā anekavihitaṃ pādukamaṇḍanānuyogamanuyuttā viharissanti, tiṇapādukaṃ karissantipi kārāpessantipi…pe… riñcissanti uddesaṃ paripucchaṃ adhisīlaṃ adhicittaṃ adhipaññaṃ. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, tiṇapādukā dhāretabbā, na muñjapādukā dhāretabbā, na pabbajapādukā dhāretabbā, na hintālapādukā dhāretabbā, na kamalapādukā dhāretabbā , na kambalapādukā dhāretabbā, na sovaṇṇamayā pādukā dhāretabbā, na rūpiyamayā pādukā dhāretabbā, na maṇimayā pādukā dhāretabbā, na veḷuriyamayā pādukā dhāretabbā, na phalikamayā pādukā dhāretabbā, na kaṃsamayā pādukā dhāretabbā, na kācamayā pādukā dhāretabbā, na tipumayā pādukā dhāretabbā, na sīsamayā pādukā dhāretabbā, na tambalohamayā pādukā dhāretabbā. Yo dhāreyya, āpatti dukkaṭassa. Na ca, bhikkhave, kāci saṅkamaniyā pādukā dhāretabbā. Yo dhāreyya, āpatti dukkaṭassa. Anujānāmi, bhikkhave, tisso pādukā dhuvaṭṭhāniyā asaṅkamaniyāyo – vaccapādukaṃ, passāvapādukaṃ, ācamanapāduka’’nti.
252. ат̇а ко бхаг̇аваа бхад̣̇д̣̇ияз яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу ажиравад̇ияаа над̣̇ияаа г̇аавийнам̣ д̇аранд̇ийнам̣ висаан̣зсуби г̇ан̣ханд̇и, ган̣н̣зсуби г̇ан̣ханд̇и, г̇ийвааяаби г̇ан̣ханд̇и, чзббааби г̇ан̣ханд̇и, бидтимби абхируханд̇и, рад̇д̇ажид̇д̇ааби ан̇г̇аж̇аад̇ам̣ чубанд̇и, важчад̇аримби ог̇аахзд̇ваа маарзнд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа г̇аавийнам̣ д̇аранд̇ийнам̣ висаан̣зсуби г̇ахзссанд̇и…бз… сзяяат̇ааби г̇ихий гаамабхог̇ино’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз,…бз… сажжам̣ бхаг̇аваад̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, г̇аавийнам̣ висаан̣зсу г̇ахзд̇аб̣б̣ам̣, на ган̣н̣зсу г̇ахзд̇аб̣б̣ам̣, на г̇ийвааяа г̇ахзд̇аб̣б̣ам̣, на чзббааяа г̇ахзд̇аб̣б̣ам̣, на бидти абхирухид̇аб̣б̣аа . яо абхирухзяяа, аабад̇д̇и д̣̇уггадасса. на жа, бхигкавз, рад̇д̇ажид̇д̇зна ан̇г̇аж̇аад̇ам̣ чубид̇аб̣б̣ам̣. яо чубзяяа, аабад̇д̇и т̇уллажжаяасса. на важчад̇арий маарзд̇аб̣б̣аа. яо маарзяяа, яат̇аад̇хаммо гаарзд̇аб̣б̣о’’д̇и.
252. Atha kho bhagavā bhaddiye yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū aciravatiyā nadiyā gāvīnaṃ tarantīnaṃ visāṇesupi gaṇhanti, kaṇṇesupi gaṇhanti, gīvāyapi gaṇhanti, cheppāpi gaṇhanti, piṭṭhimpi abhiruhanti, rattacittāpi aṅgajātaṃ chupanti, vacchatarimpi ogāhetvā mārenti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā gāvīnaṃ tarantīnaṃ visāṇesupi gahessanti…pe… seyyathāpi gihī kāmabhogino’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave,…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, gāvīnaṃ visāṇesu gahetabbaṃ, na kaṇṇesu gahetabbaṃ, na gīvāya gahetabbaṃ, na cheppāya gahetabbaṃ, na piṭṭhi abhiruhitabbā . Yo abhiruheyya, āpatti dukkaṭassa. Na ca, bhikkhave, rattacittena aṅgajātaṃ chupitabbaṃ. Yo chupeyya, āpatti thullaccayassa. Na vacchatarī māretabbā. Yo māreyya, yathādhammo kāretabbo’’ti.
гадтабаад̣̇угаад̣̇ибадигкзбо нидтид̇о.
Kaṭṭhapādukādipaṭikkhepo niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аж̇жхаараамзубааханабадигкзбагат̇аа • Ajjhārāmeupāhanapaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гадтабаад̣̇угаад̣̇ибадигкзбагат̇ааван̣н̣анаа • Kaṭṭhapādukādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 151. аж̇жхаараамз убааханабадигкзбагат̇аа • 151. Ajjhārāme upāhanapaṭikkhepakathā
