| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. কট্ঠোপমসুত্তৰণ্ণনা
9. Kaṭṭhopamasuttavaṇṇanā
৫০৯. দ্ৰিন্নং অরণীনন্তি অধরুত্তরারণীনং। কিঞ্চি দ্ৰযং সঙ্ঘট্টিতমত্তং হুত্ৰা ন সমোধানগতং হোতীতি তংনিৰত্তনত্থং ‘‘সঙ্ঘট্টনসমোধানা’’তি ৰুত্তং। পুনপ্পুনং সঙ্ঘট্টনেন হি তেজোপাতুভাৰো। অধরারণী ৰিয ৰত্থারম্মণং অসতিপি ৰাযামে তজ্জসম্ফস্সপচ্চযতো। উত্তরারণী ৰিয ফস্সো ৰত্থারম্মণাদিফস্সেন পৰত্তনতো। সঙ্ঘট্টো ৰিয ফস্সসঙ্ঘট্টনং অরণিদ্ৰযসঙ্ঘট্টনা ৰিয ফস্সস্সেৰ ৰত্থারম্মণেসু সঙ্ঘট্টনাকারেন পৰত্তিতো। অগ্গি ৰিয ৰেদনা অনুদহনট্ঠেন খণিকাৰাযঞ্চ। ৰত্থারম্মণং ৰা উত্তরারণী ৰিয ইন্ধনাপাতগহণাদীসু উস্সাহস্স ৰিয পৰত্তিসম্ভৰতো। ফস্সো অধরারণী ৰিয নিরুস্সাহনিরীহতাৰসেন অত্তসাধনতো।
509.Dvinnaṃaraṇīnanti adharuttarāraṇīnaṃ. Kiñci dvayaṃ saṅghaṭṭitamattaṃ hutvā na samodhānagataṃ hotīti taṃnivattanatthaṃ ‘‘saṅghaṭṭanasamodhānā’’ti vuttaṃ. Punappunaṃ saṅghaṭṭanena hi tejopātubhāvo. Adharāraṇī viya vatthārammaṇaṃ asatipi vāyāme tajjasamphassapaccayato. Uttarāraṇī viya phasso vatthārammaṇādiphassena pavattanato. Saṅghaṭṭo viya phassasaṅghaṭṭanaṃ araṇidvayasaṅghaṭṭanā viya phassasseva vatthārammaṇesu saṅghaṭṭanākārena pavattito. Aggi viya vedanā anudahanaṭṭhena khaṇikāvāyañca. Vatthārammaṇaṃ vā uttarāraṇī viya indhanāpātagahaṇādīsu ussāhassa viya pavattisambhavato. Phasso adharāraṇī viya nirussāhanirīhatāvasena attasādhanato.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. কট্ঠোপমসুত্তং • 9. Kaṭṭhopamasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. কট্ঠোপমসুত্তৰণ্ণনা • 9. Kaṭṭhopamasuttavaṇṇanā
