| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. กโฎฺฐปมสุตฺตวณฺณนา
9. Kaṭṭhopamasuttavaṇṇanā
๕๐๙. ทฺวินฺนํ อรณีนนฺติ อธรุตฺตรารณีนํฯ กิญฺจิ ทฺวยํ สงฺฆฎฺฎิตมตฺตํ หุตฺวา น สโมธานคตํ โหตีติ ตํนิวตฺตนตฺถํ ‘‘สงฺฆฎฺฎนสโมธานา’’ติ วุตฺตํฯ ปุนปฺปุนํ สงฺฆฎฺฎเนน หิ เตโชปาตุภาโวฯ อธรารณี วิย วตฺถารมฺมณํ อสติปิ วายาเม ตชฺชสมฺผสฺสปจฺจยโตฯ อุตฺตรารณี วิย ผโสฺส วตฺถารมฺมณาทิผเสฺสน ปวตฺตนโตฯ สงฺฆโฎฺฎ วิย ผสฺสสงฺฆฎฺฎนํ อรณิทฺวยสงฺฆฎฺฎนา วิย ผสฺสเสฺสว วตฺถารมฺมเณสุ สงฺฆฎฺฎนากาเรน ปวตฺติโตฯ อคฺคิ วิย เวทนา อนุทหนเฎฺฐน ขณิกาวายญฺจฯ วตฺถารมฺมณํ วา อุตฺตรารณี วิย อินฺธนาปาตคหณาทีสุ อุสฺสาหสฺส วิย ปวตฺติสมฺภวโตฯ ผโสฺส อธรารณี วิย นิรุสฺสาหนิรีหตาวเสน อตฺตสาธนโตฯ
509.Dvinnaṃaraṇīnanti adharuttarāraṇīnaṃ. Kiñci dvayaṃ saṅghaṭṭitamattaṃ hutvā na samodhānagataṃ hotīti taṃnivattanatthaṃ ‘‘saṅghaṭṭanasamodhānā’’ti vuttaṃ. Punappunaṃ saṅghaṭṭanena hi tejopātubhāvo. Adharāraṇī viya vatthārammaṇaṃ asatipi vāyāme tajjasamphassapaccayato. Uttarāraṇī viya phasso vatthārammaṇādiphassena pavattanato. Saṅghaṭṭo viya phassasaṅghaṭṭanaṃ araṇidvayasaṅghaṭṭanā viya phassasseva vatthārammaṇesu saṅghaṭṭanākārena pavattito. Aggi viya vedanā anudahanaṭṭhena khaṇikāvāyañca. Vatthārammaṇaṃ vā uttarāraṇī viya indhanāpātagahaṇādīsu ussāhassa viya pavattisambhavato. Phasso adharāraṇī viya nirussāhanirīhatāvasena attasādhanato.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. กโฎฺฐปมสุตฺตํ • 9. Kaṭṭhopamasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. กโฎฺฐปมสุตฺตวณฺณนา • 9. Kaṭṭhopamasuttavaṇṇanā
