| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕਟ੍ਠੋਪਮਸੁਤ੍ਤવਣ੍ਣਨਾ
9. Kaṭṭhopamasuttavaṇṇanā
੫੦੯. ਦ੍વਿਨ੍ਨਂ ਅਰਣੀਨਨ੍ਤਿ ਅਧਰੁਤ੍ਤਰਾਰਣੀਨਂ। ਕਿਞ੍ਚਿ ਦ੍વਯਂ ਸਙ੍ਘਟ੍ਟਿਤਮਤ੍ਤਂ ਹੁਤ੍વਾ ਨ ਸਮੋਧਾਨਗਤਂ ਹੋਤੀਤਿ ਤਂਨਿવਤ੍ਤਨਤ੍ਥਂ ‘‘ਸਙ੍ਘਟ੍ਟਨਸਮੋਧਾਨਾ’’ਤਿ વੁਤ੍ਤਂ। ਪੁਨਪ੍ਪੁਨਂ ਸਙ੍ਘਟ੍ਟਨੇਨ ਹਿ ਤੇਜੋਪਾਤੁਭਾવੋ। ਅਧਰਾਰਣੀ વਿਯ વਤ੍ਥਾਰਮ੍ਮਣਂ ਅਸਤਿਪਿ વਾਯਾਮੇ ਤਜ੍ਜਸਮ੍ਫਸ੍ਸਪਚ੍ਚਯਤੋ। ਉਤ੍ਤਰਾਰਣੀ વਿਯ ਫਸ੍ਸੋ વਤ੍ਥਾਰਮ੍ਮਣਾਦਿਫਸ੍ਸੇਨ ਪવਤ੍ਤਨਤੋ। ਸਙ੍ਘਟ੍ਟੋ વਿਯ ਫਸ੍ਸਸਙ੍ਘਟ੍ਟਨਂ ਅਰਣਿਦ੍વਯਸਙ੍ਘਟ੍ਟਨਾ વਿਯ ਫਸ੍ਸਸ੍ਸੇવ વਤ੍ਥਾਰਮ੍ਮਣੇਸੁ ਸਙ੍ਘਟ੍ਟਨਾਕਾਰੇਨ ਪવਤ੍ਤਿਤੋ। ਅਗ੍ਗਿ વਿਯ વੇਦਨਾ ਅਨੁਦਹਨਟ੍ਠੇਨ ਖਣਿਕਾવਾਯਞ੍ਚ। વਤ੍ਥਾਰਮ੍ਮਣਂ વਾ ਉਤ੍ਤਰਾਰਣੀ વਿਯ ਇਨ੍ਧਨਾਪਾਤਗਹਣਾਦੀਸੁ ਉਸ੍ਸਾਹਸ੍ਸ વਿਯ ਪવਤ੍ਤਿਸਮ੍ਭવਤੋ। ਫਸ੍ਸੋ ਅਧਰਾਰਣੀ વਿਯ ਨਿਰੁਸ੍ਸਾਹਨਿਰੀਹਤਾવਸੇਨ ਅਤ੍ਤਸਾਧਨਤੋ।
509.Dvinnaṃaraṇīnanti adharuttarāraṇīnaṃ. Kiñci dvayaṃ saṅghaṭṭitamattaṃ hutvā na samodhānagataṃ hotīti taṃnivattanatthaṃ ‘‘saṅghaṭṭanasamodhānā’’ti vuttaṃ. Punappunaṃ saṅghaṭṭanena hi tejopātubhāvo. Adharāraṇī viya vatthārammaṇaṃ asatipi vāyāme tajjasamphassapaccayato. Uttarāraṇī viya phasso vatthārammaṇādiphassena pavattanato. Saṅghaṭṭo viya phassasaṅghaṭṭanaṃ araṇidvayasaṅghaṭṭanā viya phassasseva vatthārammaṇesu saṅghaṭṭanākārena pavattito. Aggi viya vedanā anudahanaṭṭhena khaṇikāvāyañca. Vatthārammaṇaṃ vā uttarāraṇī viya indhanāpātagahaṇādīsu ussāhassa viya pavattisambhavato. Phasso adharāraṇī viya nirussāhanirīhatāvasena attasādhanato.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕਟ੍ਠੋਪਮਸੁਤ੍ਤਂ • 9. Kaṭṭhopamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕਟ੍ਠੋਪਮਸੁਤ੍ਤવਣ੍ਣਨਾ • 9. Kaṭṭhopamasuttavaṇṇanā
