Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

6. гадувияасуд̇д̇ам̣

6. Kaṭuviyasuttaṃ

129. згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа б̣аараан̣асим̣ бин̣д̣ааяа баависи. ад̣̇д̣̇асаа ко бхаг̇аваа г̇ояог̇абилагкасмим̣ ¹ бин̣д̣ааяа жарамаано ² ан̃н̃ад̇арам̣ бхигкум̣ рид̇д̇ассаад̣̇ам̣ б̣аахирассаад̣̇ам̣ мудтассад̇им̣ асамбаж̇аанам̣ асамаахид̇ам̣ виб̣бханд̇ажид̇д̇ам̣ баагад̇инд̣̇рияам̣. д̣̇исваа д̇ам̣ бхигкум̣ зд̇ад̣̇авожа –

129. Ekaṃ samayaṃ bhagavā bārāṇasiyaṃ viharati isipatane migadāye. Atha kho bhagavā pubbaṇhasamayaṃ nivāsetvā pattacīvaramādāya bārāṇasiṃ piṇḍāya pāvisi. Addasā kho bhagavā goyogapilakkhasmiṃ ³ piṇḍāya caramāno ⁴ aññataraṃ bhikkhuṃ rittassādaṃ bāhirassādaṃ muṭṭhassatiṃ asampajānaṃ asamāhitaṃ vibbhantacittaṃ pākatindriyaṃ. Disvā taṃ bhikkhuṃ etadavoca –

‘‘маа ко д̇вам̣, бхигку, ад̇д̇аанам̣ гадувияамагааси. д̇ам̣ вад̇а бхигку гадувияагад̇ам̣ ад̇д̇аанам̣ аамаг̇анд̇хзна ⁵ авассуд̇ам̣ магкигаа наанубад̇иссанд̇и наанваассависсанд̇ийд̇и ⁶, нзд̇ам̣ таанам̣ виж̇ж̇ад̇ий’’д̇и. ат̇а ко со бхигку бхаг̇авад̇аа иминаа оваад̣̇зна овад̣̇ид̇о сам̣взг̇амаабаад̣̇и. ат̇а ко бхаг̇аваа б̣аараан̣асияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о бхигкуу ааманд̇зси –

‘‘Mā kho tvaṃ, bhikkhu, attānaṃ kaṭuviyamakāsi. Taṃ vata bhikkhu kaṭuviyakataṃ attānaṃ āmagandhena ⁷ avassutaṃ makkhikā nānupatissanti nānvāssavissantīti ⁸, netaṃ ṭhānaṃ vijjatī’’ti. Atha kho so bhikkhu bhagavatā iminā ovādena ovadito saṃvegamāpādi. Atha kho bhagavā bārāṇasiyaṃ piṇḍāya caritvā pacchābhattaṃ piṇḍapātapaṭikkanto bhikkhū āmantesi –

‘‘ид̇хаахам̣, бхигкавз, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа б̣аараан̣асим̣ бин̣д̣ааяа баависим̣. ад̣̇д̣̇асам̣ ко ахам̣, бхигкавз, г̇ояог̇абилагкасмим̣ бин̣д̣ааяа жарамаано ан̃н̃ад̇арам̣ бхигкум̣ рид̇д̇ассаад̣̇ам̣ б̣аахирассаад̣̇ам̣ мудтассад̇им̣ асамбаж̇аанам̣ асамаахид̇ам̣ виб̣бханд̇ажид̇д̇ам̣ баагад̇инд̣̇рияам̣. д̣̇исваа д̇ам̣ бхигкум̣ зд̇ад̣̇авожам̣ –

‘‘Idhāhaṃ, bhikkhave, pubbaṇhasamayaṃ nivāsetvā pattacīvaramādāya bārāṇasiṃ piṇḍāya pāvisiṃ. Addasaṃ kho ahaṃ, bhikkhave, goyogapilakkhasmiṃ piṇḍāya caramāno aññataraṃ bhikkhuṃ rittassādaṃ bāhirassādaṃ muṭṭhassatiṃ asampajānaṃ asamāhitaṃ vibbhantacittaṃ pākatindriyaṃ. Disvā taṃ bhikkhuṃ etadavocaṃ –

‘‘‘маа ко д̇вам̣, бхигку, ад̇д̇аанам̣ гадувияамагааси. д̇ам̣ вад̇а бхигку гадувияагад̇ам̣ ад̇д̇аанам̣ аамаг̇анд̇хзна авассуд̇ам̣ магкигаа наанубад̇иссанд̇и наанваассависсанд̇ийд̇и, нзд̇ам̣ таанам̣ виж̇ж̇ад̇ий’д̇и. ат̇а ко, бхигкавз, со бхигку маяаа иминаа оваад̣̇зна овад̣̇ид̇о сам̣взг̇амаабаад̣̇ий’’д̇и. звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гим̣ ну ко, бханд̇з, гадувияам̣? го аамаг̇анд̇хо? гаа магкигаа’’д̇и?

‘‘‘Mā kho tvaṃ, bhikkhu, attānaṃ kaṭuviyamakāsi. Taṃ vata bhikkhu kaṭuviyakataṃ attānaṃ āmagandhena avassutaṃ makkhikā nānupatissanti nānvāssavissantīti, netaṃ ṭhānaṃ vijjatī’ti. Atha kho, bhikkhave, so bhikkhu mayā iminā ovādena ovadito saṃvegamāpādī’’ti. Evaṃ vutte aññataro bhikkhu bhagavantaṃ etadavoca – ‘‘kiṃ nu kho, bhante, kaṭuviyaṃ? Ko āmagandho? Kā makkhikā’’ti?

‘‘абхиж̇жхаа ко, бхигку, гадувияам̣; б̣яаабаад̣̇о аамаг̇анд̇хо; баабагаа агусалаа вид̇аггаа магкигаа. д̇ам̣ вад̇а, бхигку, гадувияагад̇ам̣ ад̇д̇аанам̣ аамаг̇анд̇хзна авассуд̇ам̣ магкигаа наанубад̇иссанд̇и наанваассависсанд̇ийд̇и, нзд̇ам̣ таанам̣ виж̇ж̇ад̇ий’’д̇и.

‘‘Abhijjhā kho, bhikkhu, kaṭuviyaṃ; byāpādo āmagandho; pāpakā akusalā vitakkā makkhikā. Taṃ vata, bhikkhu, kaṭuviyakataṃ attānaṃ āmagandhena avassutaṃ makkhikā nānupatissanti nānvāssavissantīti, netaṃ ṭhānaṃ vijjatī’’ti.

‘‘аг̇уд̇д̇ам̣ жагкусод̇асмим̣, инд̣̇риязсу асам̣вуд̇ам̣;

‘‘Aguttaṃ cakkhusotasmiṃ, indriyesu asaṃvutaṃ;

магкигаанубад̇иссанд̇и , сан̇габбаа рааг̇аниссид̇аа.

Makkhikānupatissanti , saṅkappā rāganissitā.

‘‘гадувияагад̇о бхигку, аамаг̇анд̇хз авассуд̇о;

‘‘Kaṭuviyakato bhikkhu, āmagandhe avassuto;

аарагаа ход̇и ниб̣б̣аанаа, вигхаад̇ассзва бхааг̇аваа.

Ārakā hoti nibbānā, vighātasseva bhāgavā.

‘‘г̇аамз ваа яад̣̇и вааран̃н̃з, алад̣̇д̇хаа самат̇амад̇д̇ано ⁹;

‘‘Gāme vā yadi vāraññe, aladdhā samathamattano ¹⁰;

барзд̇и ¹¹ б̣аало д̣̇уммзд̇хо, магкигаахи бурагкад̇о.

Pareti ¹² bālo dummedho, makkhikāhi purakkhato.

‘‘яз жа сийлзна самбаннаа, бан̃н̃ааяуубасамзрад̇аа;

‘‘Ye ca sīlena sampannā, paññāyūpasameratā;

убасанд̇аа сукам̣ сзнд̇и, наасаяид̇ваана магкигаа’’д̇и. чадтам̣;

Upasantā sukhaṃ senti, nāsayitvāna makkhikā’’ti. chaṭṭhaṃ;

Next: 7. батамаануруд̣̇д̇хасуд̇д̇ам̣ • 7. Paṭhamaanuruddhasuttaṃ

Footnotes:

1. г̇ояог̇амилагкасмим̣ (сяаа. гам̣. га.)

2. жарамаанам̣ (га.)

3. goyogamilakkhasmiṃ (syā. kaṃ. ka.)

4. caramānaṃ (ka.)

5. аамаг̇анд̇хз (сий. сяаа. гам̣. бий.)

6. наануб̣анд̇хиссанд̇и (га.)

7. āmagandhe (sī. syā. kaṃ. pī.)

8. nānubandhissanti (ka.)

9. самамад̇д̇ано (сий. сяаа. гам̣.), саммамад̇д̇ано (бий.)

10. samamattano (sī. syā. kaṃ.), sammamattano (pī.)

11. жарзд̇и (сяаа. га.)

12. careti (syā. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. гадувияасуд̇д̇аван̣н̣анаа • 6. Kaṭuviyasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. гадувияасуд̇д̇аван̣н̣анаа • 6. Kaṭuviyasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact