| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. гадувияасуд̇д̇аван̣н̣анаа
6. Kaṭuviyasuttavaṇṇanā
129. чадтз г̇ояог̇абилагкасминд̇и г̇аавийнам̣ виггаяадтаанз удтид̇абилагкасса санд̇игз. рид̇д̇ассаад̣̇анд̇и жхаанасукаабхаавзна рид̇д̇ассаад̣̇ам̣. б̣аахирассаад̣̇анд̇и гаамаг̇ун̣асукавасзна б̣аахирассаад̣̇ам̣. гадувияанд̇и ужчидтам̣. аамаг̇анд̇хзнаад̇и год̇хасан̇каад̇зна виссаг̇анд̇хзна. авассуд̇анд̇и д̇инд̇ам̣. магкигаад̇и гилзсамагкигаа. наанубад̇иссанд̇ийд̇и удтааяа на ануб̣анд̇хиссанд̇и. наанваассависсанд̇ийд̇и ануб̣анд̇хид̇ваа на каад̣̇иссанд̇и. сам̣взг̇амаабаад̣̇ийд̇и сод̇аабанно ж̇аад̇о.
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
гадувияагад̇од̇и ужчидтагад̇о. аарагаа ход̇ийд̇и д̣̇уурз ход̇и. вигхаад̇ассзва бхааг̇аваад̇и д̣̇угкассзва бхааг̇ий. жарзд̇ийд̇и жарад̇и г̇ажчад̇и. д̣̇уммзд̇ход̇и д̣̇уббан̃н̃о. имасмим̣ суд̇д̇з ваддамзва гат̇ид̇ам̣, г̇аат̇аасу ваддавиваддам̣ гат̇ид̇анд̇и. сад̇д̇амз ваддамзва бхаасид̇ам̣.
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. гадувияасуд̇д̇ам̣ • 6. Kaṭuviyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. гадувияасуд̇д̇аван̣н̣анаа • 6. Kaṭuviyasuttavaṇṇanā
