| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
६. कटुवियसुत्तवण्णना
6. Kaṭuviyasuttavaṇṇanā
१२९. छट्ठे गोयोगपिलक्खस्मिन्ति गावीनं विक्कयट्ठाने उट्ठितपिलक्खस्स सन्तिके। रित्तस्सादन्ति झानसुखाभावेन रित्तस्सादं। बाहिरस्सादन्ति कामगुणसुखवसेन बाहिरस्सादं। कटुवियन्ति उच्छिट्ठं। आमगन्धेनाति कोधसङ्खातेन विस्सगन्धेन। अवस्सुतन्ति तिन्तं। मक्खिकाति किलेसमक्खिका। नानुपतिस्सन्तीति उट्ठाय न अनुबन्धिस्सन्ति। नान्वास्सविस्सन्तीति अनुबन्धित्वा न खादिस्सन्ति। संवेगमापादीति सोतापन्नो जातो।
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
कटुवियकतोति उच्छिट्ठकतो। आरका होतीति दूरे होति। विघातस्सेव भागवाति दुक्खस्सेव भागी। चरेतीति चरति गच्छति। दुम्मेधोति दुप्पञ्ञो। इमस्मिं सुत्ते वट्टमेव कथितं, गाथासु वट्टविवट्टं कथितन्ति। सत्तमे वट्टमेव भासितं।
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. कटुवियसुत्तं • 6. Kaṭuviyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ६. कटुवियसुत्तवण्णना • 6. Kaṭuviyasuttavaṇṇanā
