| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. กฎุวิยสุตฺตวณฺณนา
6. Kaṭuviyasuttavaṇṇanā
๑๒๙. ฉเฎฺฐ โคโยคปิลกฺขสฺมินฺติ คาวีนํ วิกฺกยฎฺฐาเน อุฎฺฐิตปิลกฺขสฺส สนฺติเกฯ ริตฺตสฺสาทนฺติ ฌานสุขาภาเวน ริตฺตสฺสาทํฯ พาหิรสฺสาทนฺติ กามคุณสุขวเสน พาหิรสฺสาทํฯ กฎุวิยนฺติ อุจฺฉิฎฺฐํฯ อามคเนฺธนาติ โกธสงฺขาเตน วิสฺสคเนฺธนฯ อวสฺสุตนฺติ ตินฺตํฯ มกฺขิกาติ กิเลสมกฺขิกาฯ นานุปติสฺสนฺตีติ อุฎฺฐาย น อนุพนฺธิสฺสนฺติฯ นานฺวาสฺสวิสฺสนฺตีติ อนุพนฺธิตฺวา น ขาทิสฺสนฺติฯ สํเวคมาปาทีติ โสตาปโนฺน ชาโตฯ
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
กฎุวิยกโตติ อุจฺฉิฎฺฐกโตฯ อารกา โหตีติ ทูเร โหติฯ วิฆาตเสฺสว ภาควาติ ทุกฺขเสฺสว ภาคีฯ จเรตีติ จรติ คจฺฉติฯ ทุเมฺมโธติ ทุปฺปโญฺญฯ อิมสฺมิํ สุเตฺต วฎฺฎเมว กถิตํ, คาถาสุ วฎฺฎวิวฎฺฎํ กถิตนฺติฯ สตฺตเม วฎฺฎเมว ภาสิตํฯ
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. กฎุวิยสุตฺตํ • 6. Kaṭuviyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. กฎุวิยสุตฺตวณฺณนา • 6. Kaṭuviyasuttavaṇṇanā
