| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೬. ಕಟುವಿಯಸುತ್ತವಣ್ಣನಾ
6. Kaṭuviyasuttavaṇṇanā
೧೨೯. ಛಟ್ಠೇ ಗೋಯೋಗಪಿಲಕ್ಖಸ್ಮಿನ್ತಿ ಗಾವೀನಂ ವಿಕ್ಕಯಟ್ಠಾನೇ ಉಟ್ಠಿತಪಿಲಕ್ಖಸ್ಸ ಸನ್ತಿಕೇ। ರಿತ್ತಸ್ಸಾದನ್ತಿ ಝಾನಸುಖಾಭಾವೇನ ರಿತ್ತಸ್ಸಾದಂ। ಬಾಹಿರಸ್ಸಾದನ್ತಿ ಕಾಮಗುಣಸುಖವಸೇನ ಬಾಹಿರಸ್ಸಾದಂ। ಕಟುವಿಯನ್ತಿ ಉಚ್ಛಿಟ್ಠಂ। ಆಮಗನ್ಧೇನಾತಿ ಕೋಧಸಙ್ಖಾತೇನ ವಿಸ್ಸಗನ್ಧೇನ। ಅವಸ್ಸುತನ್ತಿ ತಿನ್ತಂ। ಮಕ್ಖಿಕಾತಿ ಕಿಲೇಸಮಕ್ಖಿಕಾ। ನಾನುಪತಿಸ್ಸನ್ತೀತಿ ಉಟ್ಠಾಯ ನ ಅನುಬನ್ಧಿಸ್ಸನ್ತಿ। ನಾನ್ವಾಸ್ಸವಿಸ್ಸನ್ತೀತಿ ಅನುಬನ್ಧಿತ್ವಾ ನ ಖಾದಿಸ್ಸನ್ತಿ। ಸಂವೇಗಮಾಪಾದೀತಿ ಸೋತಾಪನ್ನೋ ಜಾತೋ।
129. Chaṭṭhe goyogapilakkhasminti gāvīnaṃ vikkayaṭṭhāne uṭṭhitapilakkhassa santike. Rittassādanti jhānasukhābhāvena rittassādaṃ. Bāhirassādanti kāmaguṇasukhavasena bāhirassādaṃ. Kaṭuviyanti ucchiṭṭhaṃ. Āmagandhenāti kodhasaṅkhātena vissagandhena. Avassutanti tintaṃ. Makkhikāti kilesamakkhikā. Nānupatissantīti uṭṭhāya na anubandhissanti. Nānvāssavissantīti anubandhitvā na khādissanti. Saṃvegamāpādīti sotāpanno jāto.
ಕಟುವಿಯಕತೋತಿ ಉಚ್ಛಿಟ್ಠಕತೋ। ಆರಕಾ ಹೋತೀತಿ ದೂರೇ ಹೋತಿ। ವಿಘಾತಸ್ಸೇವ ಭಾಗವಾತಿ ದುಕ್ಖಸ್ಸೇವ ಭಾಗೀ। ಚರೇತೀತಿ ಚರತಿ ಗಚ್ಛತಿ। ದುಮ್ಮೇಧೋತಿ ದುಪ್ಪಞ್ಞೋ। ಇಮಸ್ಮಿಂ ಸುತ್ತೇ ವಟ್ಟಮೇವ ಕಥಿತಂ, ಗಾಥಾಸು ವಟ್ಟವಿವಟ್ಟಂ ಕಥಿತನ್ತಿ। ಸತ್ತಮೇ ವಟ್ಟಮೇವ ಭಾಸಿತಂ।
Kaṭuviyakatoti ucchiṭṭhakato. Ārakā hotīti dūre hoti. Vighātasseva bhāgavāti dukkhasseva bhāgī. Caretīti carati gacchati. Dummedhoti duppañño. Imasmiṃ sutte vaṭṭameva kathitaṃ, gāthāsu vaṭṭavivaṭṭaṃ kathitanti. Sattame vaṭṭameva bhāsitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೬. ಕಟುವಿಯಸುತ್ತಂ • 6. Kaṭuviyasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೬. ಕಟುವಿಯಸುತ್ತವಣ್ಣನಾ • 6. Kaṭuviyasuttavaṇṇanā
