| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. гависуд̇д̇аван̣н̣анаа
10. Kavisuttavaṇṇanā
60. г̇ааяад̇д̇иаад̣̇игод̇и чаб̣б̣ийсад̇ияаа чанд̣̇зсу г̇ааяад̇д̇иаад̣̇иго уггад̇ибарияосаано чанд̣̇о г̇аат̇аанам̣ нид̣̇аанам̣ самудтаанам̣ ‘‘самудтахад̇и зд̇знаа’’д̇и гад̇ваа. д̇зхи бана анудтубхаад̣̇иго ход̇ийд̇и ааха ‘‘чанд̣̇о г̇аат̇аанам̣ нид̣̇аана’’нд̇и. буб̣б̣абадтаабанаг̇аат̇аад̇и д̇хаммагат̇ааяа аад̣̇ид̇о аарожанабхааваж̇аананад̇т̇ам̣ сад̇иж̇ананам̣ вияа бавад̇д̇ид̇аг̇аат̇аа. агкаран̃хи бад̣̇ам̣ ж̇анзд̇ийд̇и яасмаа агкарасамуд̣̇ааяо бад̣̇ам̣, бад̣̇асамуд̣̇ааяо г̇аат̇аа, самуд̣̇ааяо жа самуд̣̇ааяийхи б̣яан̃ж̇ийяад̇и д̇ам̣бавад̇д̇анад̇о, д̇асмаа б̣яан̃ж̇анабхаавз тид̇ам̣ агкарам̣, д̇ам̣самуд̣̇ааяо бад̣̇ам̣, бад̣̇ам̣ д̇ам̣ вияан̃ж̇зд̇аа ж̇анзд̇аа вияа ход̇ийд̇и ‘‘агкаран̃хи бад̣̇ам̣ ж̇анзд̇ий’’д̇и вуд̇д̇ам̣. агкарам̣ хи ужжаарид̇авид̣̇д̇хам̣сид̇ааяа д̇ам̣д̇ам̣кан̣амад̇д̇аавадтааяийби барад̇о бавад̇д̇ияаа мановин̃н̃аан̣авийт̇ияаа сан̇галанавасзна згаж̇жхам̣ гад̇ваа бад̣̇абхаавзна г̇аяхамаанам̣ яат̇аасан̇гзд̇амад̇т̇ам̣ б̣яан̃ж̇зд̇и. бад̣̇ам̣ г̇аат̇ам̣ ж̇анзд̇ийд̇и зд̇т̇ааби зсзва наяо. г̇аат̇аа ад̇т̇ам̣ багаасзд̇ийд̇и г̇аат̇аасан̃н̃ид̇о бад̣̇асамуд̣̇ааяо гирияаагаарагасамб̣анд̇хавасзна самб̣анд̇хид̇о гад̇д̇уад̇хиббааяаануруубам̣ ааложид̇авиложид̇ам̣ сам̣хид̇ам̣ ад̇т̇ам̣ вибхаавзд̇и. самуд̣̇д̣̇аад̣̇ибан̣н̣ад̇д̇иниссид̇аа вохаарасанниссаязнзва бавад̇д̇ад̇ийд̇и гад̇ваа. д̇знааха ‘‘г̇аат̇аа аарабханд̇о’’д̇иаад̣̇и. аасаяод̇и авассаяод̇и ааха ‘‘бад̇идтаа’’д̇и гавид̇од̇и вижид̇д̇агат̇ийаад̣̇ид̇о.
60.Gāyattiādikoti chabbīsatiyā chandesu gāyattiādiko ukkatipariyosāno chando gāthānaṃ nidānaṃ samuṭṭhānaṃ ‘‘samuṭṭhahati etenā’’ti katvā. Tehi pana anuṭṭhubhādiko hotīti āha ‘‘chando gāthānaṃ nidāna’’nti. Pubbapaṭṭhāpanagāthāti dhammakathāya ādito ārocanabhāvajānanatthaṃ satijananaṃ viya pavattitagāthā. Akkharañhi padaṃ janetīti yasmā akkharasamudāyo padaṃ, padasamudāyo gāthā, samudāyo ca samudāyīhi byañjīyati taṃpavattanato, tasmā byañjanabhāve ṭhitaṃ akkharaṃ, taṃsamudāyo padaṃ, padaṃ taṃ viyañjetā janetā viya hotīti ‘‘akkharañhi padaṃ janetī’’ti vuttaṃ. Akkharaṃ hi uccāritaviddhaṃsitāya taṃtaṃkhaṇamattāvaṭṭhāyīpi parato pavattiyā manoviññāṇavīthiyā saṅkalanavasena ekajjhaṃ katvā padabhāvena gayhamānaṃ yathāsaṅketamatthaṃ byañjeti. Padaṃ gāthaṃ janetīti etthāpi eseva nayo. Gāthā atthaṃ pakāsetīti gāthāsaññito padasamudāyo kiriyākārakasambandhavasena sambandhito kattuadhippāyānurūpaṃ ālocitavilocitaṃ saṃhitaṃ atthaṃ vibhāveti. Samuddādipaṇṇattinissitā vohārasannissayeneva pavattatīti katvā. Tenāha ‘‘gāthā ārabhanto’’tiādi. Āsayoti avassayoti āha ‘‘patiṭṭhā’’ti kavitoti vicittakathīādito.
гависуд̇д̇аван̣н̣анаа нидтид̇аа.
Kavisuttavaṇṇanā niṭṭhitā.
ж̇арааваг̇г̇аван̣н̣анаа нидтид̇аа.
Jarāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. гависуд̇д̇ам̣ • 10. Kavisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. гависуд̇д̇аван̣н̣анаа • 10. Kavisuttavaṇṇanā
