| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
១០. កវិសុត្តវណ្ណនា
10. Kavisuttavaṇṇanā
៦០. ទសមេ ឆន្ទោ និទានន្តិ គាយត្តិអាទិកោ ឆន្ទោ គាថានំ និទានំ។ បុព្ពបដ្ឋាបនគាថា អារភន្តោ ហិ ‘‘កតរច្ឆន្ទេន ហោតូ’’តិ អារភតិ ។ វិយញ្ជនន្តិ ជននំ។ អក្ខរំ ហិ បទំ ជនេតិ, បទំ គាថំ ជនេតិ, គាថា អត្ថំ បកាសេតីតិ។ នាមសន្និស្សិតាតិ សមុទ្ទាទិបណ្ណត្តិនិស្សិតា។ គាថា អារភន្តោ ហិ សមុទ្ទំ វា បថវិំ វា យំ កិញ្ចិ នាមំ និស្សយិត្វាវ អារភតិ។ អាសយោតិ បតិដ្ឋា។ កវិតោ ហិ គាថា បវត្តន្តិ។ សោ តាសំ បតិដ្ឋា ហោតីតិ។ ទសមំ។
60. Dasame chando nidānanti gāyattiādiko chando gāthānaṃ nidānaṃ. Pubbapaṭṭhāpanagāthā ārabhanto hi ‘‘kataracchandena hotū’’ti ārabhati . Viyañjananti jananaṃ. Akkharaṃ hi padaṃ janeti, padaṃ gāthaṃ janeti, gāthā atthaṃ pakāsetīti. Nāmasannissitāti samuddādipaṇṇattinissitā. Gāthā ārabhanto hi samuddaṃ vā pathaviṃ vā yaṃ kiñci nāmaṃ nissayitvāva ārabhati. Āsayoti patiṭṭhā. Kavito hi gāthā pavattanti. So tāsaṃ patiṭṭhā hotīti. Dasamaṃ.
ជរាវគ្គោ ឆដ្ឋោ។
Jarāvaggo chaṭṭho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. កវិសុត្តំ • 10. Kavisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១០. កវិសុត្តវណ្ណនា • 10. Kavisuttavaṇṇanā
