| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. കവിസുത്തവണ്ണനാ
10. Kavisuttavaṇṇanā
൬൦. ദസമേ ഛന്ദോ നിദാനന്തി ഗായത്തിആദികോ ഛന്ദോ ഗാഥാനം നിദാനം. പുബ്ബപട്ഠാപനഗാഥാ ആരഭന്തോ ഹി ‘‘കതരച്ഛന്ദേന ഹോതൂ’’തി ആരഭതി . വിയഞ്ജനന്തി ജനനം. അക്ഖരം ഹി പദം ജനേതി, പദം ഗാഥം ജനേതി, ഗാഥാ അത്ഥം പകാസേതീതി. നാമസന്നിസ്സിതാതി സമുദ്ദാദിപണ്ണത്തിനിസ്സിതാ. ഗാഥാ ആരഭന്തോ ഹി സമുദ്ദം വാ പഥവിം വാ യം കിഞ്ചി നാമം നിസ്സയിത്വാവ ആരഭതി. ആസയോതി പതിട്ഠാ. കവിതോ ഹി ഗാഥാ പവത്തന്തി. സോ താസം പതിട്ഠാ ഹോതീതി. ദസമം.
60. Dasame chando nidānanti gāyattiādiko chando gāthānaṃ nidānaṃ. Pubbapaṭṭhāpanagāthā ārabhanto hi ‘‘kataracchandena hotū’’ti ārabhati . Viyañjananti jananaṃ. Akkharaṃ hi padaṃ janeti, padaṃ gāthaṃ janeti, gāthā atthaṃ pakāsetīti. Nāmasannissitāti samuddādipaṇṇattinissitā. Gāthā ārabhanto hi samuddaṃ vā pathaviṃ vā yaṃ kiñci nāmaṃ nissayitvāva ārabhati. Āsayoti patiṭṭhā. Kavito hi gāthā pavattanti. So tāsaṃ patiṭṭhā hotīti. Dasamaṃ.
ജരാവഗ്ഗോ ഛട്ഠോ.
Jarāvaggo chaṭṭho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. കവിസുത്തം • 10. Kavisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. കവിസുത്തവണ്ണനാ • 10. Kavisuttavaṇṇanā
