| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੩. ਕਾਯਬਨ੍ਧਨਨਿਦ੍ਦੇਸવਣ੍ਣਨਾ
33. Kāyabandhananiddesavaṇṇanā
੨੩੫. ਅਕਾਯਬਨ੍ਧਨੋਤਿ ਕਾਯਬਨ੍ਧਨਂ ਅਬਨ੍ਧਿਤ੍વਾਤਿ ਅਤ੍ਥੋ। ਤਤੋ ਪਟ੍ਠਾਯ ਚੀવਰਂ ਪਾਰੁਪਿਤਬ੍ਬਂ, ਤਤੋ ਪਟ੍ਠਾਯ ਏવ ਕਾਯਬਨ੍ਧਨਂ ਬਨ੍ਧਿਤਬ੍ਬਂ। ‘‘ਨ ਭਿਕ੍ਖવੇ ਅਕਾਯਬਨ੍ਧਨੇਨ ਗਾਮੋ ਪવਿਸਿਤਬ੍ਬੋ। ਯੋ ਪવਿਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਚੂਲ਼વ॰ ੨੭੮) ਹਿ વੁਤ੍ਤਂ। ਤਤ੍ਥੇવਾਸਤਿਯਾ ਗਤੋਤਿ ਅਸਤਿਯਾ ਗਤੋ ਯਤ੍ਥ ਸਰਤਿ, ਤਤ੍ਥੇવ ਬਨ੍ਧਿਤਬ੍ਬਂ। ਸਰਿਤ੍વਾ ਪਨ ਯਾવ ਨ ਬਨ੍ਧਤਿ, ਤਾવ ਪਿਣ੍ਡਾਯ ਚਰਿਤੁਂ ਨ વਟ੍ਟਤਿ। ਯਦਿ ਅਨ੍ਤੋਗਾਮੇ ਸਰਤਿ, ਕਾਯਬਨ੍ਧਨੇ ਸਤਿ ਏਕਮਨ੍ਤੇ ਠਤ੍વਾ ਬਨ੍ਧਿਤਬ੍ਬਂ, ਅਸਤਿ ਚੇ ਨਿਕ੍ਖਮਿਤ੍વਾ ਬਨ੍ਧਿਤ੍વਾ ਪੁਨ ਪਿਣ੍ਡਾਯ ਪવਿਸਿਤਬ੍ਬਨ੍ਤਿ વਦਨ੍ਤਿ।
235.Akāyabandhanoti kāyabandhanaṃ abandhitvāti attho. Tato paṭṭhāya cīvaraṃ pārupitabbaṃ, tato paṭṭhāya eva kāyabandhanaṃ bandhitabbaṃ. ‘‘Na bhikkhave akāyabandhanena gāmo pavisitabbo. Yo paviseyya, āpatti dukkaṭassā’’ti (cūḷava. 278) hi vuttaṃ. Tatthevāsatiyā gatoti asatiyā gato yattha sarati, tattheva bandhitabbaṃ. Saritvā pana yāva na bandhati, tāva piṇḍāya carituṃ na vaṭṭati. Yadi antogāme sarati, kāyabandhane sati ekamante ṭhatvā bandhitabbaṃ, asati ce nikkhamitvā bandhitvā puna piṇḍāya pavisitabbanti vadanti.
੨੩੬. ‘‘ਅਨੁਜਾਨਾਮਿ, ਭਿਕ੍ਖવੇ, ਦ੍વੇ ਕਾਯਬਨ੍ਧਨਾਨਿ ਪਟ੍ਟਿਕਂ ਸੂਕਰਨ੍ਤਕ’’ਨ੍ਤਿ (ਚੂਲ਼વ॰ ੨੭੮) વੁਤ੍ਤਤ੍ਤਾ ‘‘ਦੁવਿਧ’’ਨ੍ਤਿ વੁਤ੍ਤਂ। ਤਤ੍ਥ ਸੂਕਰਨ੍ਤਂ ਨਾਮ ਕੁਞ੍ਚਿਕਾਕੋਸਕਾ વਿਯ ਅਨ੍ਤੇ ਸੁਸਿਰਂ ਕਤ੍વਾ ਕੋਟ੍ਟਿਤਂ। ਰਜ੍ਜੁ ਚ ਏਕਾਤਿ ਏਕવਟ੍ਟਾ ਰਜ੍ਜੁ ਚ। ਤਦਨੁਲੋਮਿਕਾਤਿ ਤੇਸਂ ਦ੍વਿਨ੍ਨਂ ਅਨੁਲੋਮਿਕਾ।
236. ‘‘Anujānāmi, bhikkhave, dve kāyabandhanāni paṭṭikaṃ sūkarantaka’’nti (cūḷava. 278) vuttattā ‘‘duvidha’’nti vuttaṃ. Tattha sūkarantaṃ nāma kuñcikākosakā viya ante susiraṃ katvā koṭṭitaṃ. Rajju ca ekāti ekavaṭṭā rajju ca. Tadanulomikāti tesaṃ dvinnaṃ anulomikā.
੨੩੭. ਮਚ੍ਛਕਣ੍ਡਕਖਜ੍ਜੁਰੀ-ਪਤ੍ਤਾ ਮਟ੍ਠਾ ਚ ਪਟ੍ਟਿਕਾਤਿ ਏਤ੍ਥ (ਚੂਲ਼વ॰ ਅਟ੍ਠ॰ ੨੭੮) ਏਤੇ ਮਚ੍ਛਕਣ੍ਟਕਾਦਯੋ ਮਟ੍ਠਾ વਿਕਾਰਰਹਿਤਾ ਪਟ੍ਟਿਕਾ ਚ ਤਦਨ੍ਤੋਗਧਾਤਿ ਅਧਿਪ੍ਪਾਯੋ। ਲਬ੍ਭਾ ਦਸਾ ਚਤਸ੍ਸੋਤਿ ਏਕਾਯ વਾ ਦ੍વੀਸੁ વਾ ਤੀਸੁ વਾ ਕਥਾ ਏવ ਨਤ੍ਥੀਤਿ ਅਧਿਪ੍ਪਾਯੋ, ਤਤੋ ਪਰਂ ਨ વਟ੍ਟਤਿ। ਅਨ੍ਤੇਸੂਤਿ ਉਭੋਸੁ ਅਨ੍ਤੇਸੁ। ਗੁਣਸੁਤ੍ਤਕਨ੍ਤਿ ਦਿਗੁਣਸੁਤ੍ਤਕਂ।
237.Macchakaṇḍakakhajjurī-pattā maṭṭhā ca paṭṭikāti ettha (cūḷava. aṭṭha. 278) ete macchakaṇṭakādayo maṭṭhā vikārarahitā paṭṭikā ca tadantogadhāti adhippāyo. Labbhā dasā catassoti ekāya vā dvīsu vā tīsu vā kathā eva natthīti adhippāyo, tato paraṃ na vaṭṭati. Antesūti ubhosu antesu. Guṇasuttakanti diguṇasuttakaṃ.
੨੩੯. ਮਕਰਮੁਖਾਦਿਨ੍ਤਿ ਆਦਿ-ਸਦ੍ਦੇਨ ਦੇਡ੍ਡੁਭਸੀਸਂ ਗਹਿਤਂ। ਉਭਨ੍ਤੇਤਿ ਉਭੋਸੁ ਅਨ੍ਤੇਸੁ। ਕਸ੍ਸਾਤਿ? વਿਧਸ੍ਸ। ਘਟਕਾਤਿ ਘਟਕਤੋ। ਲੇਖਾਤਿ ਲੇਖਾਯ। ਘਟਕਤੋ ਚ ਲੇਖਾਯ ਚ ਅਞ੍ਞਂ ਚਿਤ੍ਤਕਂ ਨ ਕਪ੍ਪਤੀਤਿ ਅਤ੍ਥੋ।
239.Makaramukhādinti ādi-saddena deḍḍubhasīsaṃ gahitaṃ. Ubhanteti ubhosu antesu. Kassāti? Vidhassa. Ghaṭakāti ghaṭakato. Lekhāti lekhāya. Ghaṭakato ca lekhāya ca aññaṃ cittakaṃ na kappatīti attho.
੨੪੦. ਦੇਡ੍ਡੁਭਕਨ੍ਤਿ (ਚੂਲ਼વ॰ ੨੭੮; ਚੂਲ਼વ॰ ਅਟ੍ਠ॰ ੨੭੮) ਉਦਕਸਪ੍ਪਸਿਰਸਦਿਸਂ। ਮੁਰਜਨ੍ਤਿ ਬਹੁਰਜ੍ਜੁਕੇ ਏਕਤੋ ਸਙ੍ਕਡ੍ਢਿਤ੍વਾ ਏਕਾਯ ਰਜ੍ਜੁਯਾ ਪਲਿવੇਠੇਤ੍વਾ ਕਤਰਜ੍ਜੁ। ਮਦ੍ਦવੀਣਨ੍ਤਿ ਪਾਮਙ੍ਗਸਦਿਸਂ। ਕਲਾਬੁਕਨ੍ਤਿ ਅਨੇਕવਟ੍ਟਂ। ਏਤਾਨਿ ਪਨ ਸਬ੍ਬਾਨਿ ਨ ਕਪ੍ਪਨ੍ਤਿ। ਦਸਾਸੁ ਦ੍વੇ ਮਜ੍ਝਿਮਾਤਿ ਮੁਰਜਂ ਮਦ੍ਦવੀਣਨ੍ਤਿ ਦ੍વੇ ਮਜ੍ਝਿਮਾ ਏવ। ਕਪ੍ਪਰੇਤਿ ਕਪ੍ਪਨ੍ਤੀਤਿ ਅਤ੍ਥੋ।
240.Deḍḍubhakanti (cūḷava. 278; cūḷava. aṭṭha. 278) udakasappasirasadisaṃ. Murajanti bahurajjuke ekato saṅkaḍḍhitvā ekāya rajjuyā paliveṭhetvā katarajju. Maddavīṇanti pāmaṅgasadisaṃ. Kalābukanti anekavaṭṭaṃ. Etāni pana sabbāni na kappanti. Dasāsu dve majjhimāti murajaṃ maddavīṇanti dve majjhimā eva. Kappareti kappantīti attho.
੨੪੧. ਗਣ੍ਠਿਯੋ ਚਾਪੀਤਿ (ਚੂਲ਼વ॰ ੨੭੯) ਚੀવਰਗਣ੍ਠਿਯੋਪਿ। વੇਲ਼ੁਆਦਿਮਯਾ ਕਪ੍ਪਨ੍ਤੀਤਿ ਪਸਙ੍ਗੇਨ વੁਤ੍ਤਂ। ਕਾਯਬਨ੍ਧਨવਿਨਿਚ੍ਛਯੋ।
241.Gaṇṭhiyocāpīti (cūḷava. 279) cīvaragaṇṭhiyopi. Veḷuādimayā kappantīti pasaṅgena vuttaṃ. Kāyabandhanavinicchayo.
ਕਾਯਬਨ੍ਧਨਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Kāyabandhananiddesavaṇṇanā niṭṭhitā.
ਪਠਮਭਾਣવਾਰਂ।
Paṭhamabhāṇavāraṃ.
