| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. அஸங்க²தஸங்யுத்தங்
9. Asaṅkhatasaṃyuttaṃ
1. பட²மவக்³கோ³
1. Paṭhamavaggo
1-11. காயக³தாஸதிஸுத்தாதி³வண்ணனா
1-11. Kāyagatāsatisuttādivaṇṇanā
366-376. அஸங்க²தஸங்யுத்தே அஸங்க²தந்தி அகதங். ஹிதேஸினாதி ஹிதங் ஏஸந்தேன. அனுகம்பகேனாதி அனுகம்பமானேன. அனுகம்பங் உபாதா³யாதி அனுகம்பங் சித்தேன பரிக்³க³ஹெத்வா, படிச்சாதிபி வுத்தங் ஹோதி. கதங் வோ தங் மயாதி தங் மயா இமங் அஸங்க²தஞ்ச அஸங்க²தமக்³க³ஞ்ச தே³ஸெந்தேன தும்ஹாகங் கதங். எத்தகமேவ ஹி அனுகம்பகஸ்ஸ ஸத்து² கிச்சங், யதி³த³ங் அவிபரீதத⁴ம்மதே³ஸனா. இதோ பரங் பன படிபத்தி நாம ஸாவகானங் கிச்சங். தேனாஹ ஏதானி, பி⁴க்க²வே, ருக்க²மூலானி…பே॰… அம்ஹாகங் அனுஸாஸனீதி இமினா ருக்க²மூலஸேனாஸனங் த³ஸ்ஸேதி. ஸுஞ்ஞாகா³ரானீதி இமினா ஜனவிவித்தங் டா²னங். உப⁴யேன ச யோகா³னுரூபங் ஸேனாஸனங் ஆசிக்க²தி, தா³யஜ்ஜங் நிய்யாதேதி.
366-376. Asaṅkhatasaṃyutte asaṅkhatanti akataṃ. Hitesināti hitaṃ esantena. Anukampakenāti anukampamānena. Anukampaṃ upādāyāti anukampaṃ cittena pariggahetvā, paṭiccātipi vuttaṃ hoti. Kataṃ vo taṃ mayāti taṃ mayā imaṃ asaṅkhatañca asaṅkhatamaggañca desentena tumhākaṃ kataṃ. Ettakameva hi anukampakassa satthu kiccaṃ, yadidaṃ aviparītadhammadesanā. Ito paraṃ pana paṭipatti nāma sāvakānaṃ kiccaṃ. Tenāha etāni, bhikkhave, rukkhamūlāni…pe… amhākaṃ anusāsanīti iminā rukkhamūlasenāsanaṃ dasseti. Suññāgārānīti iminā janavivittaṃ ṭhānaṃ. Ubhayena ca yogānurūpaṃ senāsanaṃ ācikkhati, dāyajjaṃ niyyāteti.
ஜா²யதா²தி ஆரம்மணூபனிஜ்ஜா²னேன அட்ட²திங்ஸாரம்மணானி, லக்க²ணூபனிஜ்ஜா²னேன ச அனிச்சாதி³தோ க²ந்தா⁴யதனாதீ³னி உபனிஜ்ஜா²யத², ஸமத²ஞ்ச விபஸ்ஸனஞ்ச வட்³டே⁴தா²தி வுத்தங் ஹோதி. மா பமாத³த்தா²தி மா பமஜ்ஜித்த². மா பச்சா² விப்படிஸாரினோ அஹுவத்தா²தி யே ஹி புப்³பே³ த³ஹரகாலே அரோக³காலே ஸத்தஸப்பாயாதி³ஸம்பத்திகாலே ஸத்து² ஸம்முகீ²பா⁴வகாலே ச யோனிஸோமனஸிகாரரஹிதா ரத்திந்தி³வங் மங்குலப⁴த்தங் ஹுத்வா ஸெய்யஸுக²ங் மித்³த⁴ஸுக²ங் அனுபொ⁴ந்தா பமஜ்ஜந்தி, தே பச்சா² ஜராகாலே ரோக³காலே மரணகாலே விபத்திகாலே ஸத்து² பரினிப்³பு³தகாலே ச தங் புப்³பே³ பமாத³விஹாரங் அனுஸ்ஸரந்தா ஸப்படிஸந்தி⁴காலகிரியஞ்ச பா⁴ரியங் ஸம்பஸ்ஸமானா விப்படிஸாரினோ ஹொந்தி. தும்ஹே பன தாதி³ஸா மா அஹுவத்தா²தி த³ஸ்ஸெந்தோ ஆஹ ‘‘மா பச்சா² விப்படிஸாரினோ அஹுவத்தா²’’தி.
Jhāyathāti ārammaṇūpanijjhānena aṭṭhatiṃsārammaṇāni, lakkhaṇūpanijjhānena ca aniccādito khandhāyatanādīni upanijjhāyatha, samathañca vipassanañca vaḍḍhethāti vuttaṃ hoti. Mā pamādatthāti mā pamajjittha. Mā pacchā vippaṭisārino ahuvatthāti ye hi pubbe daharakāle arogakāle sattasappāyādisampattikāle satthu sammukhībhāvakāle ca yonisomanasikārarahitā rattindivaṃ maṅkulabhattaṃ hutvā seyyasukhaṃ middhasukhaṃ anubhontā pamajjanti, te pacchā jarākāle rogakāle maraṇakāle vipattikāle satthu parinibbutakāle ca taṃ pubbe pamādavihāraṃ anussarantā sappaṭisandhikālakiriyañca bhāriyaṃ sampassamānā vippaṭisārino honti. Tumhe pana tādisā mā ahuvatthāti dassento āha ‘‘mā pacchā vippaṭisārino ahuvatthā’’ti.
அயங் வோ அம்ஹாகங் அனுஸாஸனீதி அயங் அம்ஹாகங் ஸந்திகா ‘‘ஜா²யத² மா பமாத³த்தா²’’தி தும்ஹாகங் அனுஸாஸனீ, ஓவாதோ³தி வுத்தங் ஹோதி.
Ayaṃ vo amhākaṃ anusāsanīti ayaṃ amhākaṃ santikā ‘‘jhāyatha mā pamādatthā’’ti tumhākaṃ anusāsanī, ovādoti vuttaṃ hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. காயக³தாஸதிஸுத்தங் • 1. Kāyagatāsatisuttaṃ
2. ஸமத²விபஸ்ஸனாஸுத்தங் • 2. Samathavipassanāsuttaṃ
3. ஸவிதக்கஸவிசாரஸுத்தங் • 3. Savitakkasavicārasuttaṃ
4. ஸுஞ்ஞதஸமாதி⁴ஸுத்தங் • 4. Suññatasamādhisuttaṃ
5. ஸதிபட்டா²னஸுத்தங் • 5. Satipaṭṭhānasuttaṃ
6. ஸம்மப்பதா⁴னஸுத்தங் • 6. Sammappadhānasuttaṃ
7. இத்³தி⁴பாத³ஸுத்தங் • 7. Iddhipādasuttaṃ
8. இந்த்³ரியஸுத்தங் • 8. Indriyasuttaṃ
9. ப³லஸுத்தங் • 9. Balasuttaṃ
10. பொ³ஜ்ஜ²ங்க³ஸுத்தங் • 10. Bojjhaṅgasuttaṃ
11. மக்³க³ங்க³ஸுத்தங் • 11. Maggaṅgasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-11. காயக³தாஸதிஸுத்தாதி³வண்ணனா • 1-11. Kāyagatāsatisuttādivaṇṇanā
