१-११. कायगतासतिसुत्तादिवण्णना

1-11. Kāyagatāsatisuttādivaṇṇanā

३६६-३७६. असङ्खतन्ति न सङ्खतं हेतुपच्‍चयेति। तेनाह ‘‘अकत’’न्ति। हितं एसन्तेनाति मेत्तायन्तेन। अनुकम्पमानेनाति करुणायन्तेन। उपादायाति आदियित्वाति अयमत्थोतिआह ‘‘चित्तेन परिग्गहेत्वा’’ति। अविपरीतधम्मदेसनाति अविपरीतधम्मस्स देसना, पटिपत्तिम्पि सावका विय गरुको भगवा। दायज्‍जं अत्तनो अधिट्ठितं निय्यातेति।

366-376.Asaṅkhatanti na saṅkhataṃ hetupaccayeti. Tenāha ‘‘akata’’nti. Hitaṃ esantenāti mettāyantena. Anukampamānenāti karuṇāyantena. Upādāyāti ādiyitvāti ayamatthotiāha ‘‘cittena pariggahetvā’’ti. Aviparītadhammadesanāti aviparītadhammassa desanā, paṭipattimpi sāvakā viya garuko bhagavā. Dāyajjaṃ attano adhiṭṭhitaṃ niyyāteti.

भिक्खासम्पत्तिकालादीनं सत्तन्‍नं सप्पायानं सम्पत्तिया लब्भनकाले। विपत्तिकाले पन एत्थ वुत्तविपरियायेन अत्थो वेदितब्बो। भारियन्ति दुक्खबहुलताय दारुणं। अम्हाकं सन्तिका लद्धब्बा। तुम्हाकं अनुसासनीति तुम्हाकं दातब्बा अनुसासनी।

Bhikkhāsampattikālādīnaṃ sattannaṃ sappāyānaṃ sampattiyā labbhanakāle. Vipattikāle pana ettha vuttavipariyāyena attho veditabbo. Bhāriyanti dukkhabahulatāya dāruṇaṃ. Amhākaṃ santikā laddhabbā. Tumhākaṃ anusāsanīti tumhākaṃ dātabbā anusāsanī.

कायगतासतिसुत्तादिवण्णना निट्ठिता।

Kāyagatāsatisuttādivaṇṇanā niṭṭhitā.

Next: २. दुतियवग्गो • 2. Dutiyavaggo

अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १-११. कायगतासतिसुत्तादिवण्णना • 1-11. Kāyagatāsatisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact