១-១១. កាយគតាសតិសុត្តាទិវណ្ណនា

1-11. Kāyagatāsatisuttādivaṇṇanā

៣៦៦-៣៧៦. អសង្ខតន្តិ ន សង្ខតំ ហេតុបច្ចយេតិ។ តេនាហ ‘‘អកត’’ន្តិ។ ហិតំ ឯសន្តេនាតិ មេត្តាយន្តេន។ អនុកម្បមានេនាតិ ករុណាយន្តេន។ ឧបាទាយាតិ អាទិយិត្វាតិ អយមត្ថោតិអាហ ‘‘ចិត្តេន បរិគ្គហេត្វា’’តិ។ អវិបរីតធម្មទេសនាតិ អវិបរីតធម្មស្ស ទេសនា, បដិបត្តិម្បិ សាវកា វិយ គរុកោ ភគវា។ ទាយជ្ជំ អត្តនោ អធិដ្ឋិតំ និយ្យាតេតិ។

366-376.Asaṅkhatanti na saṅkhataṃ hetupaccayeti. Tenāha ‘‘akata’’nti. Hitaṃ esantenāti mettāyantena. Anukampamānenāti karuṇāyantena. Upādāyāti ādiyitvāti ayamatthotiāha ‘‘cittena pariggahetvā’’ti. Aviparītadhammadesanāti aviparītadhammassa desanā, paṭipattimpi sāvakā viya garuko bhagavā. Dāyajjaṃ attano adhiṭṭhitaṃ niyyāteti.

ភិក្ខាសម្បត្តិកាលាទីនំ សត្តន្នំ សប្បាយានំ សម្បត្តិយា លព្ភនកាលេ។ វិបត្តិកាលេ បន ឯត្ថ វុត្តវិបរិយាយេន អត្ថោ វេទិតព្ពោ។ ភារិយន្តិ ទុក្ខពហុលតាយ ទារុណំ។ អម្ហាកំ សន្តិកា លទ្ធព្ពា។ តុម្ហាកំ អនុសាសនីតិ តុម្ហាកំ ទាតព្ពា អនុសាសនី។

Bhikkhāsampattikālādīnaṃ sattannaṃ sappāyānaṃ sampattiyā labbhanakāle. Vipattikāle pana ettha vuttavipariyāyena attho veditabbo. Bhāriyanti dukkhabahulatāya dāruṇaṃ. Amhākaṃ santikā laddhabbā. Tumhākaṃ anusāsanīti tumhākaṃ dātabbā anusāsanī.

កាយគតាសតិសុត្តាទិវណ្ណនា និដ្ឋិតា។

Kāyagatāsatisuttādivaṇṇanā niṭṭhitā.

Next: ២. ទុតិយវគ្គោ • 2. Dutiyavaggo

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១១. កាយគតាសតិសុត្តាទិវណ្ណនា • 1-11. Kāyagatāsatisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact