၁-၁၁. ကာယဂတာသတိသုတ္တာဒိဝဏ္ဏနာ

1-11. Kāyagatāsatisuttādivaṇṇanā

၃၆၆-၃၇၆. အသင္ခတန္တိ န သင္ခတံ ဟေတုပစ္စယေတိ။ တေနာဟ ‘‘အကတ’’န္တိ။ ဟိတံ ဧသန္တေနာတိ မေတ္တာယန္တေန။ အနုကမ္ပမာနေနာတိ ကရုဏာယန္တေန။ ဥပာဒာယာတိ အာဒိယိတ္ဝာတိ အယမတ္ထောတိအာဟ ‘‘စိတ္တေန ပရိဂ္ဂဟေတ္ဝာ’’တိ။ အဝိပရီတဓမ္မဒေသနာတိ အဝိပရီတဓမ္မသ္သ ဒေသနာ, ပဋိပတ္တိမ္ပိ သာဝကာ ဝိယ ဂရုကော ဘဂဝာ။ ဒာယဇ္ဇံ အတ္တနော အဓိဋ္ဌိတံ နိယ္ယာတေတိ။

366-376.Asaṅkhatanti na saṅkhataṃ hetupaccayeti. Tenāha ‘‘akata’’nti. Hitaṃ esantenāti mettāyantena. Anukampamānenāti karuṇāyantena. Upādāyāti ādiyitvāti ayamatthotiāha ‘‘cittena pariggahetvā’’ti. Aviparītadhammadesanāti aviparītadhammassa desanā, paṭipattimpi sāvakā viya garuko bhagavā. Dāyajjaṃ attano adhiṭṭhitaṃ niyyāteti.

ဘိက္ခာသမ္ပတ္တိကာလာဒီနံ သတ္တန္နံ သပ္ပာယာနံ သမ္ပတ္တိယာ လဗ္ဘနကာလေ။ ဝိပတ္တိကာလေ ပန ဧတ္ထ ဝုတ္တဝိပရိယာယေန အတ္ထော ဝေဒိတဗ္ဗော။ ဘာရိယန္တိ ဒုက္ခဗဟုလတာယ ဒာရုဏံ။ အမ္ဟာကံ သန္တိကာ လဒ္ဓဗ္ဗာ။ တုမ္ဟာကံ အနုသာသနီတိ တုမ္ဟာကံ ဒာတဗ္ဗာ အနုသာသနီ။

Bhikkhāsampattikālādīnaṃ sattannaṃ sappāyānaṃ sampattiyā labbhanakāle. Vipattikāle pana ettha vuttavipariyāyena attho veditabbo. Bhāriyanti dukkhabahulatāya dāruṇaṃ. Amhākaṃ santikā laddhabbā. Tumhākaṃ anusāsanīti tumhākaṃ dātabbā anusāsanī.

ကာယဂတာသတိသုတ္တာဒိဝဏ္ဏနာ နိဋ္ဌိတာ။

Kāyagatāsatisuttādivaṇṇanā niṭṭhitā.

Next: ၂. ဒုတိယဝဂ္ဂော • 2. Dutiyavaggo

အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၁၁. ကာယဂတာသတိသုတ္တာဒိဝဏ္ဏနာ • 1-11. Kāyagatāsatisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact