| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. асан̇кад̇асам̣яуд̇д̇ам̣
9. Asaṅkhatasaṃyuttaṃ
1. батамаваг̇г̇о
1. Paṭhamavaggo
1. гааяаг̇ад̇аасад̇исуд̇д̇ам̣
1. Kāyagatāsatisuttaṃ
366. саавад̇т̇инид̣̇аанам̣ . ‘‘асан̇кад̇ан̃жа во, бхигкавз, д̣̇зсзссаами асан̇кад̇аг̇аамин̃жа маг̇г̇ам̣. д̇ам̣ сун̣аат̇а. гад̇аман̃жа, бхигкавз, асан̇кад̇ам̣? яо, бхигкавз, рааг̇агкаяо д̣̇осагкаяо мохагкаяо – ид̣̇ам̣ вужжад̇и, бхигкавз, асан̇кад̇ам̣. гад̇амо жа, бхигкавз, асан̇кад̇аг̇аамимаг̇г̇о? гааяаг̇ад̇аасад̇и. аяам̣ вужжад̇и, бхигкавз, асан̇кад̇аг̇аамимаг̇г̇о’’.
366. Sāvatthinidānaṃ . ‘‘Asaṅkhatañca vo, bhikkhave, desessāmi asaṅkhatagāmiñca maggaṃ. Taṃ suṇātha. Katamañca, bhikkhave, asaṅkhataṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, asaṅkhataṃ. Katamo ca, bhikkhave, asaṅkhatagāmimaggo? Kāyagatāsati. Ayaṃ vuccati, bhikkhave, asaṅkhatagāmimaggo’’.
‘‘ид̇и ко, бхигкавз, д̣̇зсид̇ам̣ во маяаа асан̇кад̇ам̣, д̣̇зсид̇о асан̇кад̇аг̇аамимаг̇г̇о. яам̣, бхигкавз, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, бхигкавз, ругкамуулаани, зд̇аани сун̃н̃ааг̇аараани. жхааяат̇а 1, бхигкавз, маа бамаад̣̇ад̇т̇а; маа бажчаа виббадисаарино ахувад̇т̇а. аяам̣ во амхаагам̣ анусаасаний’’д̇и. батамам̣.
‘‘Iti kho, bhikkhave, desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha 2, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-11. гааяаг̇ад̇аасад̇исуд̇д̇аад̣̇иван̣н̣анаа • 1-11. Kāyagatāsatisuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-11. гааяаг̇ад̇аасад̇исуд̇д̇аад̣̇иван̣н̣анаа • 1-11. Kāyagatāsatisuttādivaṇṇanā
