| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
19. гааяаг̇ад̇аасад̇иваг̇г̇аван̣н̣анаа
19. Kāyagatāsativaggavaṇṇanā
563. жзд̇асаа пудод̇и зд̇т̇а д̣̇увид̇хам̣ паран̣ам̣ аабопаран̣ан̃жа д̣̇иб̣б̣ажагкупаран̣ан̃жа. д̇ад̇т̇а аабогасин̣ам̣ самаабаж̇ж̇ид̇ваа аабзна паран̣ам̣ аабопаран̣ам̣ наама. звам̣ пудзби махаасамуд̣̇д̣̇з саб̣б̣аа самуд̣̇д̣̇ан̇г̇амаа гуннад̣̇ияо анд̇ог̇ад̇хаава хонд̇и. аалогам̣ бана вад̣дхзд̇ваа д̣̇иб̣б̣ажагкунаа сагаласамуд̣̇д̣̇ад̣̇ассанам̣ д̣̇иб̣б̣ажагкупаран̣ам̣ наама. звам̣ пудзби махаасамуд̣̇д̣̇з саб̣б̣аа махаасамуд̣̇д̣̇ан̇г̇амаа гуннад̣̇ияо анд̇ог̇ад̇хаава хонд̇и. анд̇ог̇ад̇хаа д̇ассаад̇и д̇асса бхигкуно бхааванааяа аб̣бханд̇араг̇ад̇аава хонд̇и. виж̇ж̇аабхааг̇ияаад̇и зд̇т̇а самбаяог̇авасзна виж̇ж̇ам̣ бхаж̇анд̇ийд̇и виж̇ж̇аабхааг̇ияаа, виж̇ж̇аабхааг̇з виж̇ж̇аагодтаасз вад̇д̇анд̇ийд̇иби виж̇ж̇аабхааг̇ияаа. д̇ад̇т̇а вибассанаан̃аан̣ам̣ маномаяид̣̇д̇хи ча абхин̃н̃аад̇и адта виж̇ж̇аа, буримзна ад̇т̇зна д̇аахи самбаяуд̇д̇ад̇хаммааби виж̇ж̇аабхааг̇ияаа. бажчимзна ад̇т̇зна д̇аасу яаа гаажи згаа виж̇ж̇аа виж̇ж̇аа, сзсаа виж̇ж̇аабхааг̇ияаад̇и звам̣ виж̇ж̇ааби виж̇ж̇аасамбаяуд̇д̇ад̇хаммааби виж̇ж̇аабхааг̇ияаад̇зва взд̣̇ид̇аб̣б̣аа.
563.Cetasāphuṭoti ettha duvidhaṃ pharaṇaṃ āpopharaṇañca dibbacakkhupharaṇañca. Tattha āpokasiṇaṃ samāpajjitvā āpena pharaṇaṃ āpopharaṇaṃ nāma. Evaṃ phuṭepi mahāsamudde sabbā samuddaṅgamā kunnadiyo antogadhāva honti. Ālokaṃ pana vaḍḍhetvā dibbacakkhunā sakalasamuddadassanaṃ dibbacakkhupharaṇaṃ nāma. Evaṃ phuṭepi mahāsamudde sabbā mahāsamuddaṅgamā kunnadiyo antogadhāva honti. Antogadhā tassāti tassa bhikkhuno bhāvanāya abbhantaragatāva honti. Vijjābhāgiyāti ettha sampayogavasena vijjaṃ bhajantīti vijjābhāgiyā, vijjābhāge vijjākoṭṭhāse vattantītipi vijjābhāgiyā. Tattha vipassanāñāṇaṃ manomayiddhi cha abhiññāti aṭṭha vijjā, purimena atthena tāhi sampayuttadhammāpi vijjābhāgiyā. Pacchimena atthena tāsu yā kāci ekā vijjā vijjā, sesā vijjābhāgiyāti evaṃ vijjāpi vijjāsampayuttadhammāpi vijjābhāgiyāteva veditabbā.
564. махад̇о сам̣взг̇ааяаад̇и маханд̇асса сам̣взг̇асса ад̇т̇ааяа. убарибад̣̇ад̣̇ваязби зсзва наяо. зд̇т̇а жа махаасам̣взг̇о наама вибассанаа, махааад̇т̇о наама жад̇д̇ааро маг̇г̇аа, махааяог̇агкзмо наама жад̇д̇аари сааман̃н̃апалаани. ат̇а ваа махаасам̣взг̇о наама саха вибассанааяа маг̇г̇о, махааад̇т̇о наама жад̇д̇аари сааман̃н̃апалаани, махааяог̇агкзмо наама ниб̣б̣аанам̣. сад̇исамбаж̇ан̃н̃ааяаад̇и сад̇ияаа жа н̃аан̣асса жа ад̇т̇ааяа. н̃аан̣ад̣̇ассанабадилаабхааяаад̇и д̣̇иб̣б̣ажагкун̃аан̣ааяа. д̣̇идтад̇хаммасукавихаарааяаад̇и имасмим̣язва бажжагкз ад̇д̇абхаавз сукавихаарад̇т̇ааяа. виж̇ж̇аавимуд̇д̇ипаласажчигирияааяаад̇и виж̇ж̇аавимуд̇д̇ийнам̣ паласса бажжавзгкагаран̣ад̇т̇ааяа. зд̇т̇а жа виж̇ж̇аад̇и маг̇г̇абан̃н̃аа, вимуд̇д̇ийд̇и д̇ам̣самбаяуд̇д̇аа сзсад̇хаммаа. д̇зсам̣ палам̣ наама арахад̇д̇апалам̣, д̇асса сажчигирияааяаад̇и ад̇т̇о.
564.Mahato saṃvegāyāti mahantassa saṃvegassa atthāya. Uparipadadvayepi eseva nayo. Ettha ca mahāsaṃvego nāma vipassanā, mahāattho nāma cattāro maggā, mahāyogakkhemo nāma cattāri sāmaññaphalāni. Atha vā mahāsaṃvego nāma saha vipassanāya maggo, mahāattho nāma cattāri sāmaññaphalāni, mahāyogakkhemo nāma nibbānaṃ. Satisampajaññāyāti satiyā ca ñāṇassa ca atthāya. Ñāṇadassanapaṭilābhāyāti dibbacakkhuñāṇāya. Diṭṭhadhammasukhavihārāyāti imasmiṃyeva paccakkhe attabhāve sukhavihāratthāya. Vijjāvimuttiphalasacchikiriyāyāti vijjāvimuttīnaṃ phalassa paccavekkhakaraṇatthāya. Ettha ca vijjāti maggapaññā, vimuttīti taṃsampayuttā sesadhammā. Tesaṃ phalaṃ nāma arahattaphalaṃ, tassa sacchikiriyāyāti attho.
571. гааяоби бассамбхад̇ийд̇и наамагааяоби гараж̇агааяоби бассамбхад̇и, вуубасанд̇ад̣̇арат̇о ход̇и. вид̇аггавижаараабийд̇и зд̇з д̇хаммаа д̣̇уд̇ияаж̇жхаанзна вуубасамманд̇и наама, ид̇ха бана ол̣ааригавуубасамам̣ санд̇хааяа вуд̇д̇ам̣. гзвалаад̇и сагалаа, саб̣б̣з ниравасзсаад̇и ад̇т̇о. виж̇ж̇аабхааг̇ияаад̇и виж̇ж̇аагодтаасияаа, д̇з хздтаа вибхаж̇ид̇ваа д̣̇ассид̇аава.
571.Kāyopi passambhatīti nāmakāyopi karajakāyopi passambhati, vūpasantadaratho hoti. Vitakkavicārāpīti ete dhammā dutiyajjhānena vūpasammanti nāma, idha pana oḷārikavūpasamaṃ sandhāya vuttaṃ. Kevalāti sakalā, sabbe niravasesāti attho. Vijjābhāgiyāti vijjākoṭṭhāsiyā, te heṭṭhā vibhajitvā dassitāva.
574. авиж̇ж̇аа бахийяад̇ийд̇и адтасу таанзсу ваддамуулагам̣ б̣ахаланд̇хагаарам̣ махаад̇амам̣ ан̃н̃аан̣ам̣ бахийяад̇и. виж̇ж̇аа уббаж̇ж̇ад̇ийд̇и арахад̇д̇амаг̇г̇авиж̇ж̇аа уббаж̇ж̇ад̇и. асмимаано бахийяад̇ийд̇и асмийд̇и нававид̇хо маано бахийяад̇и. анусаяаад̇и сад̇д̇а анусаяаа. сам̣яож̇анаанийд̇и д̣̇аса сам̣яож̇анаани.
574.Avijjāpahīyatīti aṭṭhasu ṭhānesu vaṭṭamūlakaṃ bahalandhakāraṃ mahātamaṃ aññāṇaṃ pahīyati. Vijjā uppajjatīti arahattamaggavijjā uppajjati. Asmimāno pahīyatīti asmīti navavidho māno pahīyati. Anusayāti satta anusayā. Saṃyojanānīti dasa saṃyojanāni.
575. бан̃н̃аабабхзд̣̇ааяаад̇и бан̃н̃ааяа бабхзд̣̇аг̇аманад̇т̇ам̣. анубаад̣̇аабариниб̣б̣аанааяаад̇и абажжаяабариниб̣б̣аанасса сажчигирияад̇т̇ааяа.
575.Paññāpabhedāyāti paññāya pabhedagamanatthaṃ. Anupādāparinibbānāyāti apaccayaparinibbānassa sacchikiriyatthāya.
576. анзгад̇хаад̇убадивзд̇хо ход̇ийд̇и адтаарасаннам̣ д̇хаад̇уунам̣ лагкан̣абадивзд̇хо ход̇и. наанаад̇хаад̇убадивзд̇хо ход̇ийд̇и д̇аасам̣язва адтаарасаннам̣ д̇хаад̇уунам̣ наанаабхаавзна лагкан̣абадивзд̇хо ход̇и. анзгад̇хаад̇убадисамбхид̣̇аа ход̇ийд̇и иминаа д̇хаад̇убхзд̣̇ан̃аан̣ам̣ гат̇ид̇ам̣. д̇хаад̇убабхзд̣̇ан̃аан̣ам̣ наама ‘‘имааяа д̇хаад̇уяаа уссаннааяа ид̣̇ам̣ наама ход̇ий’’д̇и ж̇аананабан̃н̃аа. д̇ам̣ банзд̇ам̣ д̇хаад̇убхзд̣̇ан̃аан̣ам̣ на саб̣б̣зсам̣ ход̇и, б̣уд̣̇д̇хаанамзва ниббад̣̇зсам̣ ход̇и. д̇ам̣ саммаасамб̣уд̣̇д̇хзна саб̣б̣асо на гат̇ид̇ам̣. гасмаа? д̇асмим̣ гат̇ид̇з ад̇т̇о над̇т̇ийд̇и.
576.Anekadhātupaṭivedho hotīti aṭṭhārasannaṃ dhātūnaṃ lakkhaṇapaṭivedho hoti. Nānādhātupaṭivedho hotīti tāsaṃyeva aṭṭhārasannaṃ dhātūnaṃ nānābhāvena lakkhaṇapaṭivedho hoti. Anekadhātupaṭisambhidā hotīti iminā dhātubhedañāṇaṃ kathitaṃ. Dhātupabhedañāṇaṃ nāma ‘‘imāya dhātuyā ussannāya idaṃ nāma hotī’’ti jānanapaññā. Taṃ panetaṃ dhātubhedañāṇaṃ na sabbesaṃ hoti, buddhānameva nippadesaṃ hoti. Taṃ sammāsambuddhena sabbaso na kathitaṃ. Kasmā? Tasmiṃ kathite attho natthīti.
584. бан̃н̃аабадилаабхааяаад̇иаад̣̇ийни сол̣аса бад̣̇аани бадисамбхид̣̇аамаг̇г̇з ‘‘саббурисасам̣сзво, сад̣̇д̇хаммасаванам̣, яонисоманасигааро, д̇хаммаануд̇хаммабадибад̇д̇и. имз ко, бхигкавз, жад̇д̇ааро д̇хаммаа бхаавид̇аа б̣ахулийгад̇аа бан̃н̃аабадилаабхааяа сам̣вад̇д̇анд̇и …бз… ниб̣б̣зд̇хигабан̃н̃ад̇ааяа сам̣вад̇д̇анд̇ий’’д̇и звам̣ маад̇игам̣ табзд̇ваа вид̇т̇аарид̇аанзва. вуд̇д̇ан̃хзд̇ам̣ (бади. ма. 3.4) –
584.Paññāpaṭilābhāyātiādīni soḷasa padāni paṭisambhidāmagge ‘‘sappurisasaṃsevo, saddhammasavanaṃ, yonisomanasikāro, dhammānudhammapaṭipatti. Ime kho, bhikkhave, cattāro dhammā bhāvitā bahulīkatā paññāpaṭilābhāya saṃvattanti …pe… nibbedhikapaññatāya saṃvattantī’’ti evaṃ mātikaṃ ṭhapetvā vitthāritāneva. Vuttañhetaṃ (paṭi. ma. 3.4) –
бан̃н̃аабадилаабхааяа сам̣вад̇д̇анд̇ийд̇и. ‘‘гад̇амо бан̃н̃аабадилаабхо? жад̇уннам̣ маг̇г̇ан̃аан̣аанам̣, жад̇уннам̣ палан̃аан̣аанам̣, жад̇уннам̣ бадисамбхид̣̇аан̃аан̣аанам̣, чаннам̣ абхин̃н̃аан̃аан̣аанам̣, д̇зсад̇д̇ад̇ийнам̣ н̃аан̣аанам̣, сад̇д̇асад̇д̇ад̇ийнам̣ н̃аан̣аанам̣ лаабхо бадилаабхо бад̇д̇исамбад̇д̇и пассанаа сажчигирияаа убасамбад̣̇аа, бан̃н̃аабадилаабхааяа сам̣вад̇д̇анд̇ийд̇и аяам̣ бан̃н̃аабадилаабхо.
Paññāpaṭilābhāya saṃvattantīti. ‘‘Katamo paññāpaṭilābho? Catunnaṃ maggañāṇānaṃ, catunnaṃ phalañāṇānaṃ, catunnaṃ paṭisambhidāñāṇānaṃ, channaṃ abhiññāñāṇānaṃ, tesattatīnaṃ ñāṇānaṃ, sattasattatīnaṃ ñāṇānaṃ lābho paṭilābho pattisampatti phassanā sacchikiriyā upasampadā, paññāpaṭilābhāya saṃvattantīti ayaṃ paññāpaṭilābho.
бан̃н̃аавуд̣̇д̇хияаа сам̣вад̇д̇анд̇ийд̇и. ‘‘гад̇амаа бан̃н̃аавуд̣̇д̇хи? сад̇д̇аннан̃жа сзгкаанам̣ бут̇уж̇ж̇анагаляаан̣агасса жа бан̃н̃аа вад̣дхад̇и, арахад̇о бан̃н̃аа вад̣дхид̇авад̣дханаа, бан̃н̃аавуд̣̇д̇хияаа сам̣вад̇д̇анд̇ийд̇и аяам̣ бан̃н̃аавуд̣̇д̇хи.
Paññāvuddhiyāsaṃvattantīti. ‘‘Katamā paññāvuddhi? Sattannañca sekkhānaṃ puthujjanakalyāṇakassa ca paññā vaḍḍhati, arahato paññā vaḍḍhitavaḍḍhanā, paññāvuddhiyā saṃvattantīti ayaṃ paññāvuddhi.
бан̃н̃аавзбуллааяа сам̣вад̇д̇анд̇ийд̇и. ‘‘гад̇амам̣ бан̃н̃аавзбуллам̣? сад̇д̇аннан̃жа сзгкаанам̣ бут̇уж̇ж̇анагаляаан̣агасса жа бан̃н̃аа взбуллам̣ г̇ажчад̇и, арахад̇о бан̃н̃аа взбуллам̣ г̇ад̇аа, бан̃н̃аавзбуллааяа сам̣вад̇д̇анд̇ийд̇и ид̣̇ам̣ бан̃н̃аавзбуллам̣.
Paññāvepullāyasaṃvattantīti. ‘‘Katamaṃ paññāvepullaṃ? Sattannañca sekkhānaṃ puthujjanakalyāṇakassa ca paññā vepullaṃ gacchati, arahato paññā vepullaṃ gatā, paññāvepullāya saṃvattantīti idaṃ paññāvepullaṃ.
махаабан̃н̃ад̇ааяа сам̣вад̇д̇анд̇ийд̇и. ‘‘гад̇амаа махаабан̃н̃аа? маханд̇з ад̇т̇з бариг̇г̇ан̣хаад̇ийд̇и махаабан̃н̃аа, маханд̇з д̇хаммз…бз… маханд̇аа нируд̇д̇ияо, маханд̇аани бадибхаанаани, маханд̇з сийлагканд̇хз, маханд̇з самаад̇хибан̃н̃аавимуд̇д̇ивимуд̇д̇ин̃аан̣ад̣̇ассанагканд̇хз, маханд̇аани таанаадтаанаани, маханд̇аа вихаарасамаабад̇д̇ияо, маханд̇аани арияасажжаани, маханд̇з сад̇ибадтаанз, саммаббад̇хаанз, ид̣̇д̇хибаад̣̇з, маханд̇аани инд̣̇рияаани, маханд̇аани б̣алаани, маханд̇з б̣ож̇жхан̇г̇з, маханд̇з арияамаг̇г̇з, маханд̇аани сааман̃н̃апалаани, махаабхин̃н̃ааяо , маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и махаабан̃н̃аа, махаабан̃н̃ад̇ааяа сам̣вад̇д̇анд̇ийд̇и аяам̣ махаабан̃н̃аа.
Mahāpaññatāya saṃvattantīti. ‘‘Katamā mahāpaññā? Mahante atthe pariggaṇhātīti mahāpaññā, mahante dhamme…pe… mahantā niruttiyo, mahantāni paṭibhānāni, mahante sīlakkhandhe, mahante samādhipaññāvimuttivimuttiñāṇadassanakkhandhe, mahantāni ṭhānāṭṭhānāni, mahantā vihārasamāpattiyo, mahantāni ariyasaccāni, mahante satipaṭṭhāne, sammappadhāne, iddhipāde, mahantāni indriyāni, mahantāni balāni, mahante bojjhaṅge, mahante ariyamagge, mahantāni sāmaññaphalāni, mahābhiññāyo , mahantaṃ paramatthaṃ nibbānaṃ pariggaṇhātīti mahāpaññā, mahāpaññatāya saṃvattantīti ayaṃ mahāpaññā.
бут̇убан̃н̃ад̇ааяа сам̣вад̇д̇анд̇ийд̇и. ‘‘гад̇амаа бут̇убан̃н̃аа? бут̇у наанаагканд̇хзсу н̃аан̣ам̣ бавад̇д̇ад̇ийд̇и бут̇убан̃н̃аа. бут̇у наанаад̇хаад̇уусу, бут̇у наанааааяад̇анзсу, бут̇у наанаабадижжасамуббаад̣̇зсу, бут̇у наанаасун̃н̃ад̇аманубалаб̣бхзсу, бут̇у наанааад̇т̇зсу, д̇хаммзсу, нируд̇д̇ийсу, бадибхаанзсу, бут̇у наанаасийлагканд̇хзсу, самаад̇хибан̃н̃аавимуд̇д̇ивимуд̇д̇ин̃аан̣ад̣̇ассанагканд̇хзсу, бут̇у наанаатаанаадтаанзсу, бут̇у наанаавихаарасамаабад̇д̇ийсу, бут̇у наанааарияасажжзсу, бут̇у наанаасад̇ибадтаанзсу, саммаббад̇хаанзсу, ид̣̇д̇хибаад̣̇зсу, инд̣̇риязсу, б̣алзсу, б̣ож̇жхан̇г̇зсу, бут̇у наанааарияамаг̇г̇зсу, бут̇у наанаасааман̃н̃апалзсу, бут̇у наанааабхин̃н̃аасу н̃аан̣ам̣ бавад̇д̇ад̇ийд̇и бут̇убан̃н̃аа. бут̇у наанааж̇анасаад̇хааран̣з д̇хаммз самад̇иггамма барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и бут̇убан̃н̃аа. бут̇убан̃н̃ад̇ааяа сам̣вад̇д̇анд̇ийд̇и аяам̣ бут̇убан̃н̃аа.
Puthupaññatāya saṃvattantīti. ‘‘Katamā puthupaññā? Puthu nānākkhandhesu ñāṇaṃ pavattatīti puthupaññā. Puthu nānādhātūsu, puthu nānāāyatanesu, puthu nānāpaṭiccasamuppādesu, puthu nānāsuññatamanupalabbhesu, puthu nānāatthesu, dhammesu, niruttīsu, paṭibhānesu, puthu nānāsīlakkhandhesu, samādhipaññāvimuttivimuttiñāṇadassanakkhandhesu, puthu nānāṭhānāṭṭhānesu, puthu nānāvihārasamāpattīsu, puthu nānāariyasaccesu, puthu nānāsatipaṭṭhānesu, sammappadhānesu, iddhipādesu, indriyesu, balesu, bojjhaṅgesu, puthu nānāariyamaggesu, puthu nānāsāmaññaphalesu, puthu nānāabhiññāsu ñāṇaṃ pavattatīti puthupaññā. Puthu nānājanasādhāraṇe dhamme samatikkamma paramatthe nibbāne ñāṇaṃ pavattatīti puthupaññā. Puthupaññatāya saṃvattantīti ayaṃ puthupaññā.
вибулабан̃н̃ад̇ааяа сам̣вад̇д̇анд̇ийд̇и. ‘‘гад̇амаа вибулабан̃н̃аа? вибулз ад̇т̇з бариг̇ан̣хаад̇ийд̇и вибулабан̃н̃аа…бз… вибулам̣ барамад̇т̇ам̣ ниб̣б̣аанам̣ бариг̇ан̣хаад̇ийд̇и вибулабан̃н̃аа, вибулабан̃н̃ад̇ааяа сам̣вад̇д̇анд̇ийд̇и аяам̣ вибулабан̃н̃аа.
Vipulapaññatāyasaṃvattantīti. ‘‘Katamā vipulapaññā? Vipule atthe parigaṇhātīti vipulapaññā…pe… vipulaṃ paramatthaṃ nibbānaṃ parigaṇhātīti vipulapaññā, vipulapaññatāya saṃvattantīti ayaṃ vipulapaññā.
г̇амбхийрабан̃н̃ад̇ааяа сам̣вад̇д̇анд̇ийд̇и. ‘‘гад̇амаа г̇амбхийрабан̃н̃аа? г̇амбхийрзсу канд̇хзсу н̃аан̣ам̣ бавад̇д̇ад̇ийд̇и г̇амбхийрабан̃н̃аа. бут̇убан̃н̃аасад̣̇исо вид̇т̇ааро. г̇амбхийрз барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и г̇амбхийрабан̃н̃аа, г̇амбхийрабан̃н̃ад̇ааяа сам̣вад̇д̇анд̇ийд̇и аяам̣ г̇амбхийрабан̃н̃аа.
Gambhīrapaññatāya saṃvattantīti. ‘‘Katamā gambhīrapaññā? Gambhīresu khandhesu ñāṇaṃ pavattatīti gambhīrapaññā. Puthupaññāsadiso vitthāro. Gambhīre paramatthe nibbāne ñāṇaṃ pavattatīti gambhīrapaññā, gambhīrapaññatāya saṃvattantīti ayaṃ gambhīrapaññā.
асааманд̇абан̃н̃ад̇ааяа сам̣вад̇д̇анд̇ийд̇и. ‘‘гад̇амаа асааманд̇абан̃н̃аа? яасса буг̇г̇аласса ад̇т̇ававад̇т̇аанад̇о ад̇т̇абадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа. д̇хамманируд̇д̇ибадибхаанававад̇т̇аанад̇о бадибхаанабадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа, д̇асса ад̇т̇з жа д̇хаммз жа нируд̇д̇ияаа жа бадибхаанз жа на ан̃н̃о гожи саггод̇и абхисамбхавид̇ум̣, анабхисамбхаванийяо жа со ан̃н̃зхийд̇и асааманд̇абан̃н̃о.
Asāmantapaññatāyasaṃvattantīti. ‘‘Katamā asāmantapaññā? Yassa puggalassa atthavavatthānato atthapaṭisambhidā adhigatā hoti sacchikatā phassitā paññāya. Dhammaniruttipaṭibhānavavatthānato paṭibhānapaṭisambhidā adhigatā hoti sacchikatā phassitā paññāya, tassa atthe ca dhamme ca niruttiyā ca paṭibhāne ca na añño koci sakkoti abhisambhavituṃ, anabhisambhavanīyo ca so aññehīti asāmantapañño.
бут̇уж̇ж̇анагаляаан̣агасса бан̃н̃аа адтамагасса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа, бут̇уж̇ж̇анагаляаан̣агам̣ убаад̣̇ааяа адтамаго асааманд̇абан̃н̃о. адтамагасса бан̃н̃аа сод̇аабаннасса бан̃н̃ааяа д̣̇уурз…бз… адтамагам̣ убаад̣̇ааяа сод̇аабанно асааманд̇абан̃н̃о. сод̇аабаннасса бан̃н̃аа сагад̣̇ааг̇аамисса бан̃н̃ааяа. сагад̣̇ааг̇аамисса бан̃н̃аа анааг̇аамисса бан̃н̃ааяа. анааг̇аамисса бан̃н̃аа арахад̇о бан̃н̃ааяа. арахад̇о бан̃н̃аа бажжзгаб̣уд̣̇д̇хасса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа, араханд̇ам̣ убаад̣̇ааяа бажжзгаб̣уд̣̇д̇хо асааманд̇абан̃н̃о. бажжзгаб̣уд̣̇д̇хан̃жа сад̣̇зваган̃жа логам̣ убаад̣̇ааяа д̇ат̇ааг̇ад̇о арахам̣ саммаасамб̣уд̣̇д̇хо аг̇г̇о асааманд̇абан̃н̃о.
Puthujjanakalyāṇakassa paññā aṭṭhamakassa paññāya dūre vidūre suvidūre na santike na sāmantā, puthujjanakalyāṇakaṃ upādāya aṭṭhamako asāmantapañño. Aṭṭhamakassa paññā sotāpannassa paññāya dūre…pe… aṭṭhamakaṃ upādāya sotāpanno asāmantapañño. Sotāpannassa paññā sakadāgāmissa paññāya. Sakadāgāmissa paññā anāgāmissa paññāya. Anāgāmissa paññā arahato paññāya. Arahato paññā paccekabuddhassa paññāya dūre vidūre suvidūre na santike na sāmantā, arahantaṃ upādāya paccekabuddho asāmantapañño. Paccekabuddhañca sadevakañca lokaṃ upādāya tathāgato arahaṃ sammāsambuddho aggo asāmantapañño.
бан̃н̃аабабхзд̣̇агусало бабхиннан̃аан̣о…бз… д̇з бан̃хам̣ абхисан̇карид̇ваа абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и г̇уул̣хаани жа бадижчаннаани жа, гат̇ид̇аа висаж̇ж̇ид̇аа жа д̇з бан̃хаа бхаг̇авад̇аа хонд̇и нид̣̇д̣̇идтагааран̣аа, убагкид̇д̇агаа жа д̇з бхаг̇авад̇аа самбаж̇ж̇анд̇и. ат̇а ко бхаг̇аваа д̇ад̇т̇а ад̇ирожад̇и яад̣̇ид̣̇ам̣ бан̃н̃ааяаад̇и аг̇г̇о асааманд̇абан̃н̃о, асааманд̇абан̃н̃ад̇ааяа сам̣вад̇д̇анд̇ийд̇и аяам̣ асааманд̇абан̃н̃аа.
Paññāpabhedakusalo pabhinnañāṇo…pe… te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca, kathitā visajjitā ca te pañhā bhagavatā honti niddiṭṭhakāraṇā, upakkhittakā ca te bhagavatā sampajjanti. Atha kho bhagavā tattha atirocati yadidaṃ paññāyāti aggo asāmantapañño, asāmantapaññatāya saṃvattantīti ayaṃ asāmantapaññā.
бхуурибан̃н̃ад̇ааяа сам̣вад̇д̇анд̇ийд̇и. ‘‘гад̇амаа бхуурибан̃н̃аа? рааг̇ам̣ абхибхуяяад̇ийд̇и бхуурибан̃н̃аа, абхибхавид̇аад̇и бхуурибан̃н̃аа. д̣̇осам̣, мохам̣, год̇хам̣, убанаахам̣, магкам̣, балаасам̣, иссам̣, мажчарияам̣, мааяам̣, саатзяяам̣, т̇амбхам̣, саарамбхам̣, маанам̣, ад̇имаанам̣, мад̣̇ам̣, бамаад̣̇ам̣, саб̣б̣з гилзсз, саб̣б̣з д̣̇ужжарид̇з, саб̣б̣з абхисан̇каарз, саб̣б̣з бхаваг̇аамигаммз абхибхуяяад̇ийд̇и бхуурибан̃н̃аа, абхибхавид̇аад̇и бхуурибан̃н̃аа . рааг̇о ари, д̇ам̣ арим̣ мад̣̇д̣̇анибан̃н̃аад̇и бхуурибан̃н̃аа, д̣̇осо, мохо…бз… саб̣б̣з бхаваг̇аамигаммаа ари, д̇ам̣ арим̣ мад̣̇д̣̇анибан̃н̃аад̇и бхуурибан̃н̃аа. бхуури вужжад̇и бат̇авий, д̇ааяа бат̇ависамааяа вид̇т̇ад̇ааяа вибулааяа бан̃н̃ааяа саманнааг̇ад̇од̇и бхуурибан̃н̃о. абижа бан̃н̃ааяа зд̇ам̣ ад̇хиважанам̣ бхуури мзд̇хаа барин̣ааяигаад̇и, бхуурибан̃н̃ад̇ааяа сам̣вад̇д̇анд̇ийд̇и аяам̣ бхуурибан̃н̃аа.
Bhūripaññatāyasaṃvattantīti. ‘‘Katamā bhūripaññā? Rāgaṃ abhibhuyyatīti bhūripaññā, abhibhavitāti bhūripaññā. Dosaṃ, mohaṃ, kodhaṃ, upanāhaṃ, makkhaṃ, palāsaṃ, issaṃ, macchariyaṃ, māyaṃ, sāṭheyyaṃ, thambhaṃ, sārambhaṃ, mānaṃ, atimānaṃ, madaṃ, pamādaṃ, sabbe kilese, sabbe duccarite, sabbe abhisaṅkhāre, sabbe bhavagāmikamme abhibhuyyatīti bhūripaññā, abhibhavitāti bhūripaññā . Rāgo ari, taṃ ariṃ maddanipaññāti bhūripaññā, doso, moho…pe… sabbe bhavagāmikammā ari, taṃ ariṃ maddanipaññāti bhūripaññā. Bhūri vuccati pathavī, tāya pathavisamāya vitthatāya vipulāya paññāya samannāgatoti bhūripañño. Apica paññāya etaṃ adhivacanaṃ bhūri medhā pariṇāyikāti, bhūripaññatāya saṃvattantīti ayaṃ bhūripaññā.
бан̃н̃ааб̣аахуллааяа сам̣вад̇д̇анд̇ийд̇и. ‘‘гад̇амам̣ бан̃н̃ааб̣аахуллам̣? ид̇хзгажжо бан̃н̃ааг̇аруго ход̇и бан̃н̃аажарид̇о бан̃н̃аасаяо бан̃н̃аад̇химуд̇д̇о бан̃н̃аад̇хаж̇о бан̃н̃аагзд̇у бан̃н̃аад̇хибад̇зяяо вижаяаб̣ахуло бавижаяаб̣ахуло огкааяанаб̣ахуло самогкааяанаб̣ахуло самбзгкааяанад̇хаммо вибхууд̇авихаарий д̇ажжарид̇о д̇аг̇г̇аруго д̇аб̣б̣ахуло д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о д̇ад̣̇аад̇хибад̇зяяо, яат̇аа г̇ан̣аг̇аруго вужжад̇и г̇ан̣аб̣аахулигод̇и, жийвараг̇аруго бад̇д̇аг̇аруго сзнаасанаг̇аруго вужжад̇и сзнаасанаб̣аахулигод̇и, звамзвам̣ ид̇хзгажжо бан̃н̃ааг̇аруго ход̇и бан̃н̃аажарид̇о…бз… д̇ад̣̇аад̇хибад̇зяяо, бан̃н̃ааб̣аахуллааяа сам̣вад̇д̇анд̇ийд̇и ид̣̇ам̣ бан̃н̃ааб̣аахуллам̣.
Paññābāhullāya saṃvattantīti. ‘‘Katamaṃ paññābāhullaṃ? Idhekacco paññāgaruko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadādhipateyyo, yathā gaṇagaruko vuccati gaṇabāhulikoti, cīvaragaruko pattagaruko senāsanagaruko vuccati senāsanabāhulikoti, evamevaṃ idhekacco paññāgaruko hoti paññācarito…pe… tadādhipateyyo, paññābāhullāya saṃvattantīti idaṃ paññābāhullaṃ.
сийгхабан̃н̃ад̇ааяа сам̣вад̇д̇анд̇ийд̇и. ‘‘гад̇амаа сийгхабан̃н̃аа? сийгхам̣ сийгхам̣ сийлаани барибуурзд̇ийд̇и сийгхабан̃н̃аа. сийгхам̣ сийгхам̣ инд̣̇рияасам̣варам̣, бхож̇анз мад̇д̇ан̃н̃уд̇ам̣, ж̇ааг̇арияаануяог̇ам̣, сийлагканд̇хам̣, самаад̇хи-бан̃н̃аа-вимуд̇д̇и-вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и сийгхабан̃н̃аа. сийгхам̣ сийгхам̣ таанаадтаанаани бадивиж̇жхад̇и. вихаарасамаабад̇д̇ияо барибуурзд̇и. арияасажжаани бадивиж̇жхад̇и. сад̇ибадтаанз бхаавзд̇и. саммаббад̇хаанз ид̣̇д̇хибаад̣̇з инд̣̇рияаани б̣алаани б̣ож̇жхан̇г̇з арияамаг̇г̇ам̣ бхаавзд̇ийд̇и сийгхабан̃н̃аа. сийгхам̣ сийгхам̣ сааман̃н̃апалаани сажчигарод̇ийд̇и сийгхабан̃н̃аа. сийгхам̣ сийгхам̣ абхин̃н̃ааяо бадивиж̇жхад̇ийд̇и сийгхабан̃н̃аа. сийгхам̣ сийгхам̣ барамад̇т̇ам̣ ниб̣б̣аанам̣ сажчигарод̇ийд̇и сийгхабан̃н̃аа, сийгхабан̃н̃ад̇ааяа сам̣вад̇д̇анд̇ийд̇и аяам̣ сийгхабан̃н̃аа.
Sīghapaññatāya saṃvattantīti. ‘‘Katamā sīghapaññā? Sīghaṃ sīghaṃ sīlāni paripūretīti sīghapaññā. Sīghaṃ sīghaṃ indriyasaṃvaraṃ, bhojane mattaññutaṃ, jāgariyānuyogaṃ, sīlakkhandhaṃ, samādhi-paññā-vimutti-vimuttiñāṇadassanakkhandhaṃ paripūretīti sīghapaññā. Sīghaṃ sīghaṃ ṭhānāṭṭhānāni paṭivijjhati. Vihārasamāpattiyo paripūreti. Ariyasaccāni paṭivijjhati. Satipaṭṭhāne bhāveti. Sammappadhāne iddhipāde indriyāni balāni bojjhaṅge ariyamaggaṃ bhāvetīti sīghapaññā. Sīghaṃ sīghaṃ sāmaññaphalāni sacchikarotīti sīghapaññā. Sīghaṃ sīghaṃ abhiññāyo paṭivijjhatīti sīghapaññā. Sīghaṃ sīghaṃ paramatthaṃ nibbānaṃ sacchikarotīti sīghapaññā, sīghapaññatāya saṃvattantīti ayaṃ sīghapaññā.
лахубан̃н̃ад̇ааяа сам̣вад̇д̇анд̇ийд̇и. ‘‘гад̇амаа лахубан̃н̃аа? лахум̣ лахум̣ сийлаани барибуурзд̇ийд̇и лахубан̃н̃аа…бз… лахубан̃н̃ад̇ааяа сам̣вад̇д̇анд̇ийд̇и аяам̣ лахубан̃н̃аа.
Lahupaññatāyasaṃvattantīti. ‘‘Katamā lahupaññā? Lahuṃ lahuṃ sīlāni paripūretīti lahupaññā…pe… lahupaññatāya saṃvattantīti ayaṃ lahupaññā.
хаасабан̃н̃ад̇ааяа сам̣вад̇д̇анд̇ийд̇и. ‘‘гад̇амаа хаасабан̃н̃аа? ид̇хзгажжо взд̣̇аб̣ахуло д̇удтиб̣ахуло хаасаб̣ахуло баамож̇ж̇аб̣ахуло сийлаани барибуурзд̇ийд̇и хаасабан̃н̃аа…бз… барамад̇т̇ам̣ ниб̣б̣аанам̣ сажчигарод̇ийд̇и хаасабан̃н̃аа, хаасабан̃н̃ад̇ааяа сам̣вад̇д̇анд̇ийд̇и аяам̣ хаасабан̃н̃аа.
Hāsapaññatāya saṃvattantīti. ‘‘Katamā hāsapaññā? Idhekacco vedabahulo tuṭṭhibahulo hāsabahulo pāmojjabahulo sīlāni paripūretīti hāsapaññā…pe… paramatthaṃ nibbānaṃ sacchikarotīti hāsapaññā, hāsapaññatāya saṃvattantīti ayaṃ hāsapaññā.
ж̇аванабан̃н̃ад̇ааяа сам̣вад̇д̇анд̇ийд̇и. ‘‘гад̇амаа ж̇аванабан̃н̃аа? яам̣ гин̃жи руубам̣ ад̇ийд̇аанааг̇ад̇абажжуббаннам̣ , яаа гаажи взд̣̇анаа, яаа гаажи сан̃н̃аа, яз гзжи сан̇каараа, яам̣гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ анижжад̇о киббам̣ ж̇авад̇ийд̇и ж̇аванабан̃н̃аа, д̣̇угкад̇о, анад̇д̇ад̇о киббам̣ ж̇авад̇ийд̇и ж̇аванабан̃н̃аа. жагкум̣…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о, д̣̇угкад̇о, анад̇д̇ад̇о киббам̣ ж̇авад̇ийд̇и ж̇аванабан̃н̃аа. руубам̣ ад̇ийд̇аанааг̇ад̇абажжуббаннам̣ анижжам̣ каяадтзна, д̣̇угкам̣ бхаяадтзна, анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа…бз… ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа. руубам̣…бз… ж̇араамаран̣ам̣ ад̇ийд̇аанааг̇ад̇абажжуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и ж̇аванабан̃н̃аа, ж̇аванабан̃н̃ад̇ааяа сам̣вад̇д̇анд̇ийд̇и аяам̣ ж̇аванабан̃н̃аа.
Javanapaññatāya saṃvattantīti. ‘‘Katamā javanapaññā? Yaṃ kiñci rūpaṃ atītānāgatapaccuppannaṃ , yā kāci vedanā, yā kāci saññā, ye keci saṅkhārā, yaṃkiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ aniccato khippaṃ javatīti javanapaññā, dukkhato, anattato khippaṃ javatīti javanapaññā. Cakkhuṃ…pe… jarāmaraṇaṃ atītānāgatapaccuppannaṃ aniccato, dukkhato, anattato khippaṃ javatīti javanapaññā. Rūpaṃ atītānāgatapaccuppannaṃ aniccaṃ khayaṭṭhena, dukkhaṃ bhayaṭṭhena, anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti javanapaññā…pe… jarāmaraṇanirodhe nibbāne khippaṃ javatīti javanapaññā. Rūpaṃ…pe… jarāmaraṇaṃ atītānāgatapaccuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti javanapaññā, javanapaññatāya saṃvattantīti ayaṃ javanapaññā.
д̇игкабан̃н̃ад̇ааяа сам̣вад̇д̇анд̇ийд̇и. ‘‘гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и д̇игкабан̃н̃аа. уббаннам̣ гаамавид̇аггам̣, вяаабаад̣̇авид̇аггам̣, вихим̣саавид̇аггам̣ уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа. уббаннам̣ рааг̇ам̣, д̣̇осам̣, мохам̣…бз… саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и д̇игкабан̃н̃аа. згасмим̣ аасанз жад̇д̇ааро арияамаг̇г̇аа жад̇д̇аари сааман̃н̃апалаани жад̇ассо бадисамбхид̣̇ааяо ча абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и д̇игкабан̃н̃аа, д̇игкабан̃н̃ад̇ааяа сам̣вад̇д̇анд̇ийд̇и аяам̣ д̇игкабан̃н̃аа.
Tikkhapaññatāya saṃvattantīti. ‘‘Katamā tikkhapaññā? Khippaṃ kilese chindatīti tikkhapaññā. Uppannaṃ kāmavitakkaṃ, vyāpādavitakkaṃ, vihiṃsāvitakkaṃ uppannuppanne pāpake akusale dhamme nādhivāseti pajahati vinodeti byantīkaroti anabhāvaṃ gametīti tikkhapaññā. Uppannaṃ rāgaṃ, dosaṃ, mohaṃ…pe… sabbe bhavagāmikamme nādhivāseti pajahati vinodeti byantīkaroti anabhāvaṃ gametīti tikkhapaññā. Ekasmiṃ āsane cattāro ariyamaggā cattāri sāmaññaphalāni catasso paṭisambhidāyo cha abhiññāyo adhigatā honti sacchikatā phassitā paññāyāti tikkhapaññā, tikkhapaññatāya saṃvattantīti ayaṃ tikkhapaññā.
ниб̣б̣зд̇хигабан̃н̃ад̇ааяа сам̣вад̇д̇анд̇ийд̇и. ‘‘гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло б̣ахимуко на рамад̇и саб̣б̣асан̇каарзсу, аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа, аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣, мохагканд̇хам̣, год̇хам̣, убанаахам̣…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабан̃н̃аа, ниб̣б̣зд̇хигабан̃н̃ад̇ааяа сам̣вад̇д̇анд̇ийд̇и аяам̣ ниб̣б̣зд̇хигабан̃н̃аа’’.
Nibbedhikapaññatāyasaṃvattantīti. ‘‘Katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo bahimukho na ramati sabbasaṅkhāresu, anibbiddhapubbaṃ appadālitapubbaṃ lobhakkhandhaṃ nibbijjhati padāletīti nibbedhikapaññā, anibbiddhapubbaṃ appadālitapubbaṃ dosakkhandhaṃ, mohakkhandhaṃ, kodhaṃ, upanāhaṃ…pe… sabbe bhavagāmikamme nibbijjhati padāletīti nibbedhikapaññā, nibbedhikapaññatāya saṃvattantīti ayaṃ nibbedhikapaññā’’.
звам̣ бадисамбхид̣̇аамаг̇г̇з вуд̇д̇анаязнзвзд̇т̇а ад̇т̇о взд̣̇ид̇аб̣б̣о. гзвалан̃хи д̇ад̇т̇а б̣ахуважанам̣, ид̇ха згаважананд̇и аяамзва висзсо. сзсам̣ д̇аад̣̇исамзваад̇и. имаа жа бана сол̣аса махаабан̃н̃аа логияалогуд̇д̇арамиссагаава гат̇ид̇аа.
Evaṃ paṭisambhidāmagge vuttanayenevettha attho veditabbo. Kevalañhi tattha bahuvacanaṃ, idha ekavacananti ayameva viseso. Sesaṃ tādisamevāti. Imā ca pana soḷasa mahāpaññā lokiyalokuttaramissakāva kathitā.
гааяаг̇ад̇аасад̇иваг̇г̇аван̣н̣анаа.
Kāyagatāsativaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 19. гааяаг̇ад̇аасад̇иваг̇г̇о • 19. Kāyagatāsativaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 19. гааяаг̇ад̇аасад̇иваг̇г̇аван̣н̣анаа • 19. Kāyagatāsativaggavaṇṇanā
