| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
19. гааяаг̇ад̇аасад̇иваг̇г̇аван̣н̣анаа
19. Kāyagatāsativaggavaṇṇanā
563. жзд̇асаа пудод̇и жид̇д̇зна парид̇о. жид̇д̇зна паран̣ан̃жа самуд̣̇д̣̇асса д̣̇вид̇хаа самбхавад̇ийд̇и ааха – ‘‘д̣̇увид̇хам̣ паран̣а’’нд̇иаад̣̇и. буримзна ад̇т̇знаад̇и ‘‘самбаяог̇авасзна виж̇ж̇ам̣ бхаж̇анд̇ий’’д̇и вуд̇д̇зна ад̇т̇зна. бажчимзнаад̇и ‘‘виж̇ж̇аабхааг̇з виж̇ж̇аагодтаасз вад̇д̇анд̇ий’’д̇и вуд̇д̇зна.
563.Cetasāphuṭoti cittena pharito. Cittena pharaṇañca samuddassa dvidhā sambhavatīti āha – ‘‘duvidhaṃ pharaṇa’’ntiādi. Purimena atthenāti ‘‘sampayogavasena vijjaṃ bhajantī’’ti vuttena atthena. Pacchimenāti ‘‘vijjābhāge vijjākoṭṭhāse vattantī’’ti vuttena.
564. махад̇о сам̣взг̇ааяа сам̣вад̇д̇ад̇ийд̇иаад̣̇ийсу аяам̣ бана абаро наяо. яаат̇аавад̇о гааяасабхааваббавзд̣̇анад̇о махад̇о сам̣взг̇ааяа сам̣вад̇д̇ад̇и. ад̇т̇ааяаад̇и д̣̇идтад̇хаммигаад̣̇иад̇т̇ааяа. яог̇агкзмааяаад̇и жад̇уухи яог̇зхи кзмабхаавааяа. сад̇исамбаж̇ан̃н̃ааяаад̇и саб̣б̣ад̇т̇а сад̇иавиббаваасааяа сад̇д̇адтаанияасамбаж̇ан̃н̃ааяа жа. н̃аан̣ад̣̇ассанаббадилаабхааяаад̇и вибассанаан̃аан̣аад̇хиг̇амааяа. виж̇ж̇аавимуд̇д̇ипаласажчигирияааяаад̇и д̇иссо виж̇ж̇аа жид̇д̇асса ад̇химуд̇д̇и ниб̣б̣аанам̣ жад̇д̇аари сааман̃н̃апалаанийд̇и зд̇зсам̣ бажжагкагаран̣ааяа.
564.Mahato saṃvegāya saṃvattatītiādīsu ayaṃ pana aparo nayo. Yāthāvato kāyasabhāvappavedanato mahato saṃvegāya saṃvattati. Atthāyāti diṭṭhadhammikādiatthāya. Yogakkhemāyāti catūhi yogehi khemabhāvāya. Satisampajaññāyāti sabbattha satiavippavāsāya sattaṭṭhāniyasampajaññāya ca. Ñāṇadassanappaṭilābhāyāti vipassanāñāṇādhigamāya. Vijjāvimuttiphalasacchikiriyāyāti tisso vijjā cittassa adhimutti nibbānaṃ cattāri sāmaññaphalānīti etesaṃ paccakkhakaraṇāya.
584. бан̃н̃аабадилаабхааяаад̇иаад̣̇ийсу сол̣асасу бад̣̇зсу бан̃н̃аабадилаабхааяа бан̃н̃аавуд̣̇д̇хияаа бан̃н̃аавзбуллааяа бан̃н̃ааб̣аахуллааяаад̇и имаани жад̇д̇аари бан̃н̃аавасзна бхаававажанаани, сзсаани д̣̇ваад̣̇аса буг̇г̇алавасзна бхаававажанаани. саббурисасам̣сзвод̇и саббурисаанам̣ бхаж̇анам̣. сад̣̇д̇хаммассавананд̇и д̇зсам̣ саббурисаанам̣ санд̇игз сийлаад̣̇иббадибад̇д̇ид̣̇ийбагасса сад̣̇д̇хаммаважанасса саванам̣. яонисо манасигаарод̇и суд̇аанам̣ д̇хаммаанам̣ ад̇т̇уубабаригкаавасзна убааязна манасигааро. д̇хаммаануд̇хаммаббадибад̇д̇ийд̇и логуд̇д̇арад̇хаммз ануг̇ад̇асса сийлаад̣̇иббадибад̣̇аад̇хаммасса бадибаж̇ж̇анам̣.
584.Paññāpaṭilābhāyātiādīsu soḷasasu padesu paññāpaṭilābhāya paññāvuddhiyā paññāvepullāya paññābāhullāyāti imāni cattāri paññāvasena bhāvavacanāni, sesāni dvādasa puggalavasena bhāvavacanāni. Sappurisasaṃsevoti sappurisānaṃ bhajanaṃ. Saddhammassavananti tesaṃ sappurisānaṃ santike sīlādippaṭipattidīpakassa saddhammavacanassa savanaṃ. Yoniso manasikāroti sutānaṃ dhammānaṃ atthūpaparikkhāvasena upāyena manasikāro. Dhammānudhammappaṭipattīti lokuttaradhamme anugatassa sīlādippaṭipadādhammassa paṭipajjanaṃ.
чаннам̣ абхин̃н̃аан̃аан̣аананд̇и ид̣̇д̇хивид̇хад̣̇иб̣б̣асод̇ажзд̇обарияабуб̣б̣зниваасад̣̇иб̣б̣ажагкуаасавагкаяан̃аан̣аанам̣. д̇зсад̇д̇ад̇ийнам̣ н̃аан̣аананд̇и бадисамбхид̣̇аабаал̣ияам̣ (бади. ма. 1.1-2 маад̇игаа) ‘‘сод̇аавад̇хаанз бан̃н̃аа суд̇амаяз н̃аан̣ам̣, суд̇ваана сам̣варз бан̃н̃аа сийламаяз н̃аан̣а’’нд̇иаад̣̇инаа н̃аан̣агат̇ааяа нид̣̇д̣̇идтаанам̣ саавагасаад̇хааран̣аасаад̇хааран̣аанам̣ н̃аан̣аанам̣. имзсан̃хи д̇зсад̇д̇ад̇ин̃аан̣аанам̣ суд̇амаяан̃аан̣аад̣̇ийни сад̇д̇асадтин̃аан̣аани саавагасса саад̇хааран̣аани, ‘‘инд̣̇рияабаробарияад̇д̇з н̃аан̣ам̣, сад̇д̇аанам̣ аасаяаанусаяз н̃аан̣ам̣, яамагабаадихийрз н̃аан̣ам̣, махаагарун̣аасамаабад̇д̇ияаа н̃аан̣ам̣, саб̣б̣ан̃н̃уд̇ан̃н̃аан̣ам̣, анааваран̣ан̃аан̣а’’нд̇и (бади. ма. 1.68-73 маад̇игаа) имаани ча асаад̇хааран̣ан̃аан̣аани саавагзхи.
Channaṃ abhiññāñāṇānanti iddhividhadibbasotacetopariyapubbenivāsadibbacakkhuāsavakkhayañāṇānaṃ. Tesattatīnaṃ ñāṇānanti paṭisambhidāpāḷiyaṃ (paṭi. ma. 1.1-2 mātikā) ‘‘sotāvadhāne paññā sutamaye ñāṇaṃ, sutvāna saṃvare paññā sīlamaye ñāṇa’’ntiādinā ñāṇakathāya niddiṭṭhānaṃ sāvakasādhāraṇāsādhāraṇānaṃ ñāṇānaṃ. Imesañhi tesattatiñāṇānaṃ sutamayañāṇādīni sattasaṭṭhiñāṇāni sāvakassa sādhāraṇāni, ‘‘indriyaparopariyatte ñāṇaṃ, sattānaṃ āsayānusaye ñāṇaṃ, yamakapāṭihīre ñāṇaṃ, mahākaruṇāsamāpattiyā ñāṇaṃ, sabbaññutaññāṇaṃ, anāvaraṇañāṇa’’nti (paṭi. ma. 1.68-73 mātikā) imāni cha asādhāraṇañāṇāni sāvakehi.
сад̇д̇асад̇д̇ад̇ийнам̣ н̃аан̣аананд̇и зд̇т̇а –
Sattasattatīnaṃñāṇānanti ettha –
‘‘ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. ад̇ийд̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. анааг̇ад̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. яамбисса д̇ам̣ д̇хаммадтид̇ин̃аан̣ам̣, д̇амби каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и н̃аан̣ам̣. бхавабажжаяаа ж̇аад̇ийд̇и н̃аан̣ам̣…бз… убаад̣̇аанабажжаяаа бхавод̇и н̃аан̣ам̣, д̇ан̣хаабажжаяаа убаад̣̇аананд̇и н̃аан̣ам̣, взд̣̇анаабажжаяаа д̇ан̣хаад̇и н̃аан̣ам̣, пассабажжаяаа взд̣̇анаад̇и н̃аан̣ам̣, сал̣ааяад̇анабажжаяаа пассод̇и н̃аан̣ам̣, наамаруубабажжаяаа сал̣ааяад̇ананд̇и н̃аан̣ам̣, вин̃н̃аан̣абажжаяаа наамаруубанд̇и н̃аан̣ам̣, сан̇каарабажжаяаа вин̃н̃аан̣анд̇и н̃аан̣ам̣, авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣, ад̇ийд̇амби ад̣̇д̇хаанам̣ авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣, анааг̇ад̇амби ад̣̇д̇хаанам̣ авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣, яамбисса д̇ам̣ д̇хаммадтид̇ин̃аан̣ам̣, д̇амби каяад̇хамам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и н̃аан̣а’’нд̇и –
‘‘Jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Atītampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Anāgatampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Yampissa taṃ dhammaṭṭhitiñāṇaṃ, tampi khayadhammaṃ vayadhammaṃ virāgadhammaṃ nirodhadhammanti ñāṇaṃ. Bhavapaccayā jātīti ñāṇaṃ…pe… upādānapaccayā bhavoti ñāṇaṃ, taṇhāpaccayā upādānanti ñāṇaṃ, vedanāpaccayā taṇhāti ñāṇaṃ, phassapaccayā vedanāti ñāṇaṃ, saḷāyatanapaccayā phassoti ñāṇaṃ, nāmarūpapaccayā saḷāyatananti ñāṇaṃ, viññāṇapaccayā nāmarūpanti ñāṇaṃ, saṅkhārapaccayā viññāṇanti ñāṇaṃ, avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ, atītampi addhānaṃ avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ, anāgatampi addhānaṃ avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ, yampissa taṃ dhammaṭṭhitiñāṇaṃ, tampi khayadhamaṃ vayadhammaṃ virāgadhammaṃ nirodhadhammanti ñāṇa’’nti –
бхаг̇авад̇аа нид̣̇аанаваг̇г̇з (сам̣. ни. 2.34-35) ж̇араамаран̣аад̣̇ийсу згаад̣̇асасу бадижжасамуббаад̣̇ан̇г̇зсу бажжзгам̣ сад̇д̇а сад̇д̇а гад̇ваа вуд̇д̇аани сад̇д̇асад̇д̇ад̇ин̃аан̣аани.
Bhagavatā nidānavagge (saṃ. ni. 2.34-35) jarāmaraṇādīsu ekādasasu paṭiccasamuppādaṅgesu paccekaṃ satta satta katvā vuttāni sattasattatiñāṇāni.
д̇ад̇т̇а д̇хаммадтид̇ин̃аан̣анд̇и бажжаяаагааран̃аан̣ам̣. бажжаяаагааро хи д̇хаммаанам̣ бавад̇д̇исан̇каад̇ааяа тид̇ияаа гааран̣ад̇д̇аа ‘‘д̇хаммадтид̇ий’’д̇и вужжад̇и, д̇ад̇т̇а н̃аан̣ам̣ д̇хаммадтид̇ин̃аан̣ам̣, ‘‘ж̇аад̇ибажжаяаа ж̇араамаран̣а’’нд̇иаад̣̇инаа вуд̇д̇ассзва чаб̣б̣ид̇хасса н̃аан̣ассзд̇ам̣ ад̇хиважанам̣. каяад̇хамманд̇и каяаг̇аманасабхаавам̣. ваяад̇хамманд̇и ваяаг̇аманасабхаавам̣. вирааг̇ад̇хамманд̇и вираж̇ж̇анасабхаавам̣. нирод̇хад̇хамманд̇и нируж̇жханасабхааванд̇и ад̇т̇о.
Tattha dhammaṭṭhitiñāṇanti paccayākārañāṇaṃ. Paccayākāro hi dhammānaṃ pavattisaṅkhātāya ṭhitiyā kāraṇattā ‘‘dhammaṭṭhitī’’ti vuccati, tattha ñāṇaṃ dhammaṭṭhitiñāṇaṃ, ‘‘jātipaccayā jarāmaraṇa’’ntiādinā vuttasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvanti attho.
лаабход̇иаад̣̇ийсу лаабхоязва убасаг̇г̇зна висзсзд̇ваа ‘‘бадилаабхо’’д̇и вуд̇д̇о. буна д̇ассзва ад̇т̇авиваран̣авасзна ‘‘бад̇д̇и самбад̇д̇ий’’д̇и вуд̇д̇ам̣. пусанаад̇и ад̇хиг̇аманавасзна пусанаа. сажчигирияаад̇и бадилаабхасажчигирияаа. убасамбад̣̇аад̇и нибпаад̣̇анаа.
Lābhotiādīsu lābhoyeva upasaggena visesetvā ‘‘paṭilābho’’ti vutto. Puna tasseva atthavivaraṇavasena ‘‘patti sampattī’’ti vuttaṃ. Phusanāti adhigamanavasena phusanā. Sacchikiriyāti paṭilābhasacchikiriyā. Upasampadāti nipphādanā.
сад̇д̇аннан̃жа сзгкаананд̇и д̇иссо сигкаа сигканд̇ийд̇и сзгкасан̃н̃ид̇аанам̣ сод̇аабад̇д̇имаг̇г̇адтаад̣̇ийнам̣ сад̇д̇аннам̣. бут̇уж̇ж̇анагаляаан̣агасса жаад̇и ниб̣б̣аанаг̇ааминияаа бадибад̣̇ааяа яуд̇д̇ад̇д̇аа сунд̣̇арадтзна галяаан̣асан̃н̃ид̇асса бут̇уж̇ж̇анасса. вад̣дхид̇ам̣ вад̣дханам̣ згааяаад̇и вад̣дхид̇авад̣дханаа. яат̇аавуд̇д̇аанам̣ адтаннамби бан̃н̃аанам̣ васзна висзсад̇ова арахад̇о бан̃н̃аавасзна бан̃н̃аавуд̣̇д̇хияаа. д̇ат̇аа бан̃н̃аавзбуллааяа.
Sattannañcasekkhānanti tisso sikkhā sikkhantīti sekkhasaññitānaṃ sotāpattimaggaṭṭhādīnaṃ sattannaṃ. Puthujjanakalyāṇakassa cāti nibbānagāminiyā paṭipadāya yuttattā sundaraṭṭhena kalyāṇasaññitassa puthujjanassa. Vaḍḍhitaṃ vaḍḍhanaṃ ekāyāti vaḍḍhitavaḍḍhanā. Yathāvuttānaṃ aṭṭhannampi paññānaṃ vasena visesatova arahato paññāvasena paññāvuddhiyā. Tathā paññāvepullāya.
яасса гассажиби висзсад̇о ануруубад̇хаммасса маханд̇ам̣ наама гижжасид̣̇д̇хияаа взд̣̇ид̇аб̣б̣анд̇и д̇ад̣̇асса гижжасид̣̇д̇хияаа д̣̇ассзнд̇о ‘‘маханд̇з ад̇т̇з бариг̇г̇ан̣хаад̇ий’’д̇иаад̣̇имааха. д̇ад̇т̇а ад̇т̇аад̣̇ийнам̣ маханд̇абхааво махаависаяад̇ааяа взд̣̇ид̇аб̣б̣о, махаависаяад̇аа жа д̇зсам̣ бадисамбхид̣̇аамаг̇г̇з ааг̇ад̇анаязна взд̣̇ид̇аб̣б̣аа. сийлагканд̇хасса бана хзд̇умаханд̇ад̇ааяа, бажжаяамаханд̇ад̇ааяа, ниссаяамаханд̇ад̇ааяа , бабхзд̣̇амаханд̇ад̇ааяа, гижжамаханд̇ад̇ааяа, паламаханд̇ад̇ааяа, аанисам̣самаханд̇ад̇ааяа жа маханд̇абхааво взд̣̇ид̇аб̣б̣о. д̇ад̇т̇а хзд̇у алобхаад̣̇аяо. бажжаяо хирод̇д̇аббасад̣̇д̇хаасад̇ивийрияаад̣̇аяо. ниссаяо саавагаб̣од̇хибажжзгаб̣од̇хинияад̇ад̇аа д̇ам̣саман̇г̇ино жа бурисависзсаа. бабхзд̣̇о жаарид̇д̇аваарид̇д̇аад̣̇ивибхааг̇о. гижжам̣ д̇ад̣̇ан̇г̇аад̣̇ивасзна бадибагкавид̇хаманам̣. палам̣ саг̇г̇асамбад̣̇аа ниб̣б̣аанасамбад̣̇аа жа. аанисам̣со бияаманаабад̇аад̣̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.9) ааган̇кзяяасуд̇д̇аад̣̇ийсу (ма. ни. 1.64 аад̣̇аяо) жа ааг̇ад̇анаязна взд̣̇ид̇аб̣б̣о. иминаа наязна самаад̇хигканд̇хаад̣̇ийнамби маханд̇ад̇аа яат̇аарахам̣ нид̣̇д̇хаарзд̇ваа вад̇д̇аб̣б̣аа. таанаадтаанаад̣̇ийнам̣ маханд̇абхааво бана махаависаяад̇ааяа взд̣̇ид̇аб̣б̣о. д̇ад̇т̇а таанаадтаанаанам̣ махаависаяад̇аа б̣ахуд̇хаад̇угасуд̇д̇аад̣̇ийсу ааг̇ад̇анаязна взд̣̇ид̇аб̣б̣аа.
Yassa kassacipi visesato anurūpadhammassa mahantaṃ nāma kiccasiddhiyā veditabbanti tadassa kiccasiddhiyā dassento ‘‘mahante atthe pariggaṇhātī’’tiādimāha. Tattha atthādīnaṃ mahantabhāvo mahāvisayatāya veditabbo, mahāvisayatā ca tesaṃ paṭisambhidāmagge āgatanayena veditabbā. Sīlakkhandhassa pana hetumahantatāya, paccayamahantatāya, nissayamahantatāya , pabhedamahantatāya, kiccamahantatāya, phalamahantatāya, ānisaṃsamahantatāya ca mahantabhāvo veditabbo. Tattha hetu alobhādayo. Paccayo hirottappasaddhāsativīriyādayo. Nissayo sāvakabodhipaccekabodhiniyatatā taṃsamaṅgino ca purisavisesā. Pabhedo cārittavārittādivibhāgo. Kiccaṃ tadaṅgādivasena paṭipakkhavidhamanaṃ. Phalaṃ saggasampadā nibbānasampadā ca. Ānisaṃso piyamanāpatādi. Ayamettha saṅkhepo, vitthāro pana visuddhimagge (visuddhi. 1.9) ākaṅkheyyasuttādīsu (ma. ni. 1.64 ādayo) ca āgatanayena veditabbo. Iminā nayena samādhikkhandhādīnampi mahantatā yathārahaṃ niddhāretvā vattabbā. Ṭhānāṭṭhānādīnaṃ mahantabhāvo pana mahāvisayatāya veditabbo. Tattha ṭhānāṭṭhānānaṃ mahāvisayatā bahudhātukasuttādīsu āgatanayena veditabbā.
вихаарасамаабад̇д̇ийнам̣ махаависаяад̇аа самаад̇хигканд̇хз махаависаяад̇аанид̣̇д̇хааран̣анаязна взд̣̇ид̇аб̣б̣аа, арияасажжаанам̣ сагалаяаанасан̇г̇аахагад̇о сажжавибхан̇г̇з (вибха. 189 аад̣̇аяо) д̇ам̣сам̣ван̣н̣анаасу (вибха. адта. 189 аад̣̇аяо) жа ааг̇ад̇анаязна, сад̇ибадтаанаад̣̇ийнам̣ сад̇ибадтаанавибхан̇г̇аад̣̇ийсу (вибха. 355 аад̣̇аяо) д̇ам̣сам̣ван̣н̣анаад̣̇ийсу (вибха. адта. 355 аад̣̇аяо) жа ааг̇ад̇анаязна, сааман̃н̃апалаанам̣ махад̇о хид̇асса махад̇о сукасса махад̇о ад̇т̇асса махад̇о яог̇агкзмасса нибпад̇д̇ибхаавад̇о санд̇абан̣ийд̇аад̇аггааважарабан̣д̣ид̇авзд̣̇анийяабхаавад̇о, абхин̃н̃аанам̣ махаасамбхаарад̇о махаависаяад̇о махаагижжад̇о махаанубхаавад̇о махаанибпад̇д̇ид̇о, ниб̣б̣аанасса мад̣̇аниммад̣̇анаад̣̇имахад̇т̇асид̣̇д̇хид̇о жа маханд̇абхааво взд̣̇ид̇аб̣б̣о. бариг̇г̇ан̣хаад̇ийд̇и сабхааваад̣̇ид̇о барижчиж̇ж̇а г̇ан̣хаад̇и ж̇аанаад̇и, бадивиж̇жхад̇ийд̇и ад̇т̇о.
Vihārasamāpattīnaṃ mahāvisayatā samādhikkhandhe mahāvisayatāniddhāraṇanayena veditabbā, ariyasaccānaṃ sakalayānasaṅgāhakato saccavibhaṅge (vibha. 189 ādayo) taṃsaṃvaṇṇanāsu (vibha. aṭṭha. 189 ādayo) ca āgatanayena, satipaṭṭhānādīnaṃ satipaṭṭhānavibhaṅgādīsu (vibha. 355 ādayo) taṃsaṃvaṇṇanādīsu (vibha. aṭṭha. 355 ādayo) ca āgatanayena, sāmaññaphalānaṃ mahato hitassa mahato sukhassa mahato atthassa mahato yogakkhemassa nipphattibhāvato santapaṇītaatakkāvacarapaṇḍitavedanīyabhāvato, abhiññānaṃ mahāsambhārato mahāvisayato mahākiccato mahānubhāvato mahānipphattito, nibbānassa madanimmadanādimahatthasiddhito ca mahantabhāvo veditabbo. Pariggaṇhātīti sabhāvādito paricchijja gaṇhāti jānāti, paṭivijjhatīti attho.
бут̇убан̃н̃аад̇и зд̇т̇ааби вуд̇д̇анаяаанусаарзна ад̇т̇о взд̣̇ид̇аб̣б̣о. аяам̣ бана висзсо – бут̇у наанаагканд̇хзсу н̃аан̣ам̣ бавад̇д̇ад̇ийд̇и ‘‘аяам̣ руубагканд̇хо наама…бз… аяам̣ вин̃н̃аан̣агканд̇хо наамаа’’д̇и звам̣ бан̃жаннам̣ канд̇хаанам̣ наанаагаран̣ам̣ бадижжа н̃аан̣ам̣ бавад̇д̇ад̇и. д̇зсуби згавид̇хзна руубагканд̇хо…бз… згаад̣̇асавид̇хзна руубагканд̇хо. згавид̇хзна взд̣̇анаагканд̇хо…бз… б̣ахувид̇хзна взд̣̇анаагканд̇хо. згавид̇хзна сан̃н̃аагканд̇хо…бз… б̣ахувид̇хзна сан̃н̃аагканд̇хо. згавид̇хзна сан̇каарагканд̇хо…бз… б̣ахувид̇хзна сан̇каарагканд̇хо. згавид̇хзна вин̃н̃аан̣агканд̇хо…бз… б̣ахувид̇хзна вин̃н̃аан̣агканд̇ход̇и звам̣ згзгасса канд̇хасса згавид̇хаад̣̇ивасзна ад̇ийд̇аад̣̇ивасзнаби наанаагаран̣ам̣ бадижжа н̃аан̣ам̣ бавад̇д̇ад̇и.
Puthupaññāti etthāpi vuttanayānusārena attho veditabbo. Ayaṃ pana viseso – puthu nānākkhandhesu ñāṇaṃ pavattatīti ‘‘ayaṃ rūpakkhandho nāma…pe… ayaṃ viññāṇakkhandho nāmā’’ti evaṃ pañcannaṃ khandhānaṃ nānākaraṇaṃ paṭicca ñāṇaṃ pavattati. Tesupi ekavidhena rūpakkhandho…pe… ekādasavidhena rūpakkhandho. Ekavidhena vedanākkhandho…pe… bahuvidhena vedanākkhandho. Ekavidhena saññākkhandho…pe… bahuvidhena saññākkhandho. Ekavidhena saṅkhārakkhandho…pe… bahuvidhena saṅkhārakkhandho. Ekavidhena viññāṇakkhandho…pe… bahuvidhena viññāṇakkhandhoti evaṃ ekekassa khandhassa ekavidhādivasena atītādivasenapi nānākaraṇaṃ paṭicca ñāṇaṃ pavattati.
бут̇у наанаад̇хаад̇уусууд̇и ‘‘аяам̣ жагкуд̇хаад̇у наама…бз… аяам̣ мановин̃н̃аан̣ад̇хаад̇у наама. д̇ад̇т̇а сол̣аса д̇хаад̇уяо гаамааважараа, д̣̇вз жаад̇убхуумигаа’’д̇и звам̣ д̇хаад̇уусу наанаагаран̣ам̣ бадижжа н̃аан̣ам̣ бавад̇д̇ад̇и. д̇аяид̣̇ам̣ убаад̣̇иннад̇хаад̇увасзна вуд̇д̇ам̣. бажжзгаб̣уд̣̇д̇хаанан̃хи д̣̇виннан̃жа аг̇г̇асаавагаанам̣ убаад̣̇иннад̇хаад̇уусу зва наанаагаран̣ам̣ бадижжа н̃аан̣ам̣ бавад̇д̇ад̇и, д̇ан̃жа ко згад̣̇зсад̇ова, на ниббад̣̇зсад̇о. б̣ахид̣̇д̇хаа анубаад̣̇иннад̇хаад̇уунам̣ наанаагаран̣ам̣ д̇зсам̣ ависаяова, саб̣б̣ан̃н̃уб̣уд̣̇д̇хаанам̣язва бана ‘‘имааяа д̇хаад̇уяаа уссаннад̇д̇аа имасса ругкасса канд̇хо сзд̇о ход̇и, имасса гаал̣о, имасса мадто, имасса каро, имасса б̣ахалад̇ажо, имасса сугкад̇ажо. имасса бад̇д̇ам̣ ван̣н̣асан̣таанаад̣̇ивасзна зваруубам̣. имасса бубпам̣ нийлам̣, бийд̇ам̣, лохид̇ам̣, од̣̇аад̇ам̣, суг̇анд̇хам̣, д̣̇уг̇г̇анд̇хам̣, миссагаг̇анд̇хам̣. палам̣ куд̣̇д̣̇агам̣, маханд̇ам̣, д̣̇ийгхам̣, ваддам̣, суван̣н̣ам̣, д̣̇уб̣б̣ан̣н̣ам̣, мадтам̣, парусам̣, суг̇анд̇хам̣, д̣̇уг̇г̇анд̇хам̣, мад̇хурам̣, д̇ид̇д̇агам̣, амб̣илам̣, гадугам̣, гасаавам̣. ган̣даго д̇икин̣о, ад̇икин̣о, уж̇уго, гудило, д̇амб̣о, нийло, лохид̇о, од̣̇аад̇о’’д̇иаад̣̇инаа д̇хаад̇унаанад̇д̇ам̣ бадижжа н̃аан̣ам̣ бавад̇д̇ад̇и.
Puthu nānādhātūsūti ‘‘ayaṃ cakkhudhātu nāma…pe… ayaṃ manoviññāṇadhātu nāma. Tattha soḷasa dhātuyo kāmāvacarā, dve cātubhūmikā’’ti evaṃ dhātūsu nānākaraṇaṃ paṭicca ñāṇaṃ pavattati. Tayidaṃ upādinnadhātuvasena vuttaṃ. Paccekabuddhānañhi dvinnañca aggasāvakānaṃ upādinnadhātūsu eva nānākaraṇaṃ paṭicca ñāṇaṃ pavattati, tañca kho ekadesatova, na nippadesato. Bahiddhā anupādinnadhātūnaṃ nānākaraṇaṃ tesaṃ avisayova, sabbaññubuddhānaṃyeva pana ‘‘imāya dhātuyā ussannattā imassa rukkhassa khandho seto hoti, imassa kāḷo, imassa maṭṭho, imassa kharo, imassa bahalataco, imassa sukkhataco. Imassa pattaṃ vaṇṇasaṇṭhānādivasena evarūpaṃ. Imassa pupphaṃ nīlaṃ, pītaṃ, lohitaṃ, odātaṃ, sugandhaṃ, duggandhaṃ, missakagandhaṃ. Phalaṃ khuddakaṃ, mahantaṃ, dīghaṃ, vaṭṭaṃ, suvaṇṇaṃ, dubbaṇṇaṃ, maṭṭhaṃ, pharusaṃ, sugandhaṃ, duggandhaṃ, madhuraṃ, tittakaṃ, ambilaṃ, kaṭukaṃ, kasāvaṃ. Kaṇṭako tikhiṇo, atikhiṇo, ujuko, kuṭilo, tambo, nīlo, lohito, odāto’’tiādinā dhātunānattaṃ paṭicca ñāṇaṃ pavattati.
бут̇у наанааааяад̇анзсууд̇и ‘‘ид̣̇ам̣ жагкааяад̇анам̣ наама…бз… ид̣̇ам̣ д̇хаммааяад̇анам̣ наама. д̇ад̇т̇а д̣̇асааяад̇анаа гаамааважараа, д̣̇вз жаад̇убхуумагаа’’д̇и звам̣ ааяад̇ананаанад̇д̇ам̣ бадижжа н̃аан̣ам̣ бавад̇д̇ад̇и.
Puthu nānāāyatanesūti ‘‘idaṃ cakkhāyatanaṃ nāma…pe… idaṃ dhammāyatanaṃ nāma. Tattha dasāyatanā kāmāvacarā, dve cātubhūmakā’’ti evaṃ āyatananānattaṃ paṭicca ñāṇaṃ pavattati.
бут̇у наанаабадижжасамуббаад̣̇зсууд̇и аж̇жхад̇д̇аб̣ахид̣̇д̇хаабхзд̣̇ад̇о санд̇аанабхзд̣̇ад̇о жа наанаббабхзд̣̇зсу бадижжасамуббаад̣̇ан̇г̇зсу. авиж̇ж̇аад̣̇иан̇г̇аани хи бажжзгам̣ бадижжасамуббаад̣̇асан̃н̃ид̇аани. д̇знааха – сан̇каарабидагз ‘‘д̣̇ваад̣̇аса бажжаяаа д̣̇ваад̣̇аса бадижжасамуббаад̣̇аа’’д̇и (сам̣. ни. дий. 1.1.110).
Puthu nānāpaṭiccasamuppādesūti ajjhattabahiddhābhedato santānabhedato ca nānappabhedesu paṭiccasamuppādaṅgesu. Avijjādiaṅgāni hi paccekaṃ paṭiccasamuppādasaññitāni. Tenāha – saṅkhārapiṭake ‘‘dvādasa paccayā dvādasa paṭiccasamuppādā’’ti (saṃ. ni. ṭī. 1.1.110).
бут̇у наанаасун̃н̃ад̇аманубалаб̣бхзсууд̇и наанаасабхаавзсу нижжасаараад̣̇ивирахид̇зсу сун̃н̃асабхаавзсу, д̇ад̇о зва ид̇т̇ибурисаад̇д̇ад̇д̇анияаад̣̇ивасзна анубалаб̣бхамаанасабхаавзсу. ма-гааро хзд̇т̇а бад̣̇асанд̇хигаро.
Puthu nānāsuññatamanupalabbhesūti nānāsabhāvesu niccasārādivirahitesu suññasabhāvesu, tato eva itthipurisaattattaniyādivasena anupalabbhamānasabhāvesu. Ma-kāro hettha padasandhikaro.
бут̇у наанааад̇т̇зсууд̇и ад̇т̇абадисамбхид̣̇аависаязсу бажжаяуббаннаад̣̇инаанааад̇т̇зсу. д̇хаммзсууд̇и д̇хаммабадисамбхид̣̇аависаязсу бажжаяаад̣̇инаанаад̇хаммзсу. нируд̇д̇ийсууд̇и д̇зсам̣язва ад̇т̇ад̇хаммаанам̣ нид̣̇д̇хааран̣аважанасан̇каад̇зсу наанаанируд̇д̇ийсу. бут̇у наанаабадибхаанзсууд̇и ад̇т̇абадисамбхид̣̇аад̣̇ивисаязсу имаани н̃аан̣аани ид̣̇амад̇т̇аж̇од̇агаанийд̇и д̇ат̇аа д̇ат̇аа бадибхаанад̇о убад̇идтанад̇о бадибхаанаанийд̇и лад̣̇д̇ханаамзсу наанаан̃аан̣зсу.
Puthunānāatthesūti atthapaṭisambhidāvisayesu paccayuppannādinānāatthesu. Dhammesūti dhammapaṭisambhidāvisayesu paccayādinānādhammesu. Niruttīsūti tesaṃyeva atthadhammānaṃ niddhāraṇavacanasaṅkhātesu nānāniruttīsu. Puthu nānāpaṭibhānesūti atthapaṭisambhidādivisayesu imāni ñāṇāni idamatthajotakānīti tathā tathā paṭibhānato upatiṭṭhanato paṭibhānānīti laddhanāmesu nānāñāṇesu.
бут̇у наанаасийлагканд̇хзсууд̇иаад̣̇ийсу сийласса бут̇уд̇д̇ам̣ наанад̇д̇ан̃жа вуд̇д̇амзва, ид̇арзсам̣ бана вуд̇д̇анаяаанусаарзна сувин̃н̃зяяад̇д̇аа баагадамзва. яам̣ бана абхиннам̣ згамзва ниб̣б̣аанам̣, д̇ад̇т̇а убажааравасзна бут̇уд̇д̇ам̣ г̇ахзд̇аб̣б̣анд̇и ааха – ‘‘бут̇у наанааж̇анасаад̇хааран̣з д̇хаммз самад̇иггаммаа’’д̇и. д̇знасса мад̣̇аниммад̣̇анаад̣̇ибарияааязна бут̇уд̇д̇ам̣ барид̣̇ийбид̇ам̣ ход̇и.
Puthu nānāsīlakkhandhesūtiādīsu sīlassa puthuttaṃ nānattañca vuttameva, itaresaṃ pana vuttanayānusārena suviññeyyattā pākaṭameva. Yaṃ pana abhinnaṃ ekameva nibbānaṃ, tattha upacāravasena puthuttaṃ gahetabbanti āha – ‘‘puthu nānājanasādhāraṇe dhamme samatikkammā’’ti. Tenassa madanimmadanādipariyāyena puthuttaṃ paridīpitaṃ hoti.
вибулз ад̇т̇зд̇и маханд̇з ад̇т̇з. маханд̇абарияааяо хи вибуласад̣̇д̣̇о. г̇амбхийрзсууд̇и сасаад̣̇ийхи вияа махаасамуд̣̇д̣̇о анубажид̇ан̃аан̣асамбхаарзхи алаб̣бханзяяаббад̇идтзсу канд̇хзсу н̃аан̣ам̣ бавад̇д̇ад̇ийд̇и висаяасса г̇амбхийрад̇ааяа н̃аан̣асса г̇амбхийрад̇аа вибхаавид̇аа.
Vipule attheti mahante atthe. Mahantapariyāyo hi vipulasaddo. Gambhīresūti sasādīhi viya mahāsamuddo anupacitañāṇasambhārehi alabbhaneyyappatiṭṭhesu khandhesu ñāṇaṃ pavattatīti visayassa gambhīratāya ñāṇassa gambhīratā vibhāvitā.
д̇игкависад̣̇абхааваад̣̇иг̇ун̣зхи асаад̇хааран̣ад̇д̇аа барзсам̣ бан̃н̃ааяа на сааманд̇аа, ат̇а ко сувид̣̇ууравид̣̇уурзд̇и асаманд̇абан̃н̃аа аагаарасса рассад̇д̇ам̣ гад̇ваа. гзжи ‘‘асамад̇т̇абан̃н̃аа’’д̇и батанд̇и, д̇зсам̣ яат̇аавуд̇д̇аг̇ун̣зхи ан̃н̃зхи асаад̇хааран̣ад̇д̇аа над̇т̇и зд̇иссаа гааяажи самад̇т̇анд̇и асамад̇т̇аа бан̃н̃аад̇и яож̇анаа. ад̇т̇ававад̇т̇аанад̇од̇и ад̇т̇аббабхзд̣̇асса яаат̇аавад̇о саннидтаанад̇о. на ан̃н̃о гожи саггод̇и абхисамбхавид̇унд̇и н̃аан̣аг̇ад̇ияаа самбаабун̣ид̇ум̣ на ан̃н̃о гожиби саггод̇и, д̇асмаа аяам̣ сувид̣̇ууравид̣̇уурзд̇и асаманд̇абан̃н̃аа. ид̣̇аани буг̇г̇аланд̇аравасзна асаманд̇абан̃н̃ам̣ вибхаавзд̇ум̣, ‘‘бут̇уж̇ж̇анагаляаан̣агассаа’’д̇иаад̣̇и аарад̣̇д̇хам̣.
Tikkhavisadabhāvādiguṇehi asādhāraṇattā paresaṃ paññāya na sāmantā, atha kho suvidūravidūreti asamantapaññā ākārassa rassattaṃ katvā. Keci ‘‘asamatthapaññā’’ti paṭhanti, tesaṃ yathāvuttaguṇehi aññehi asādhāraṇattā natthi etissā kāyaci samatthanti asamatthā paññāti yojanā. Atthavavatthānatoti atthappabhedassa yāthāvato sanniṭṭhānato. Na añño koci sakkoti abhisambhavitunti ñāṇagatiyā sampāpuṇituṃ na añño kocipi sakkoti, tasmā ayaṃ suvidūravidūreti asamantapaññā. Idāni puggalantaravasena asamantapaññaṃ vibhāvetuṃ, ‘‘puthujjanakalyāṇakassā’’tiādi āraddhaṃ.
‘‘бан̃н̃аабабхзд̣̇агусало абхиннан̃аан̣о ад̇хиг̇ад̇аббадисамбхид̣̇о жад̇увзсаараж̇ж̇аббад̇д̇о д̣̇асаб̣алад̇хаарий бурисаасабхо бурисасийхо бурисанааг̇о бурисааж̇ан̃н̃о бурисад̇хораяхо ананд̇ан̃аан̣о ананд̇ад̇зж̇о ананд̇аяасо ад̣дхо махад̣̇д̇хано б̣алаваа нзд̇аа винзд̇аа анунзд̇аа бан̃н̃аабзд̇аа виниж̇жхаабзд̇аа бзгкад̇аа басаад̣̇зд̇аа. со хи бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу маг̇г̇авид̣̇уу маг̇г̇аговид̣̇о. маг̇г̇аануг̇аамий жа бана зд̇арахи саавагаа вихаранд̇и бажчаа саманнааг̇ад̇аа.
‘‘Paññāpabhedakusalo abhinnañāṇo adhigatappaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano balavā netā vinetā anunetā paññāpetā vinijjhāpetā pekkhatā pasādetā. So hi bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido. Maggānugāmī ca pana etarahi sāvakā viharanti pacchā samannāgatā.
‘‘со хи бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о, над̇т̇и д̇асса бхаг̇авад̇о ан̃н̃аад̇ам̣ ад̣̇идтам̣ авид̣̇ид̇ам̣ асажчигад̇ам̣ апассид̇ам̣ бан̃н̃ааяа. ад̇ийд̇ам̣ анааг̇ад̇ам̣ бажжуббаннам̣ убаад̣̇ааяа саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇и, яам̣ гин̃жи нзяяам̣ наама ад̇т̇и д̇ам̣ саб̣б̣ам̣ ж̇аанид̇аб̣б̣ам̣, ад̇д̇ад̇т̇о ваа барад̇т̇о ваа убхаяад̇т̇о ваа д̣̇идтад̇хаммиго ваа ад̇т̇о самбарааяиго ваа ад̇т̇о уд̇д̇аано ваа ад̇т̇о г̇амбхийро ваа ад̇т̇о г̇уул̣хо ваа ад̇т̇о бадижчанно ваа ад̇т̇о нзяяо ваа ад̇т̇о нийд̇о ваа ад̇т̇о анаваж̇ж̇о ваа ад̇т̇о ниггилзсо ваа ад̇т̇о вод̣̇аано ваа ад̇т̇о барамад̇т̇о ваа ад̇т̇о, саб̣б̣ам̣ д̇ам̣ анд̇об̣уд̣̇д̇хан̃аан̣з баривад̇д̇ад̇и.
‘‘So hi bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato, natthi tassa bhagavato aññātaṃ adiṭṭhaṃ aviditaṃ asacchikataṃ aphassitaṃ paññāya. Atītaṃ anāgataṃ paccuppannaṃ upādāya sabbe dhammā sabbākārena buddhassa bhagavato ñāṇamukhe āpāthaṃ āgacchanti, yaṃ kiñci neyyaṃ nāma atthi taṃ sabbaṃ jānitabbaṃ, attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā attho, sabbaṃ taṃ antobuddhañāṇe parivattati.
‘‘саб̣б̣ам̣ гааяагаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и, саб̣б̣ам̣ важийгаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и, саб̣б̣ам̣ маногаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и. ад̇ийд̇з б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, анааг̇ад̇з б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, бажжуббаннз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, яаавад̇агам̣ нзяяам̣, д̇аавад̇агам̣ н̃аан̣ам̣. яаавад̇агам̣ н̃аан̣ам̣, д̇аавад̇агам̣ нзяяам̣. нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣, нзяяам̣ ад̇иггамид̇ваа н̃аан̣ам̣ наббавад̇д̇ад̇и, н̃аан̣ам̣ ад̇иггамид̇ваа нзяяабат̇о над̇т̇и, ан̃н̃аман̃н̃абарияанд̇адтааяино д̇з д̇хаммаа, яат̇аа д̣̇виннам̣ самуг̇г̇абадалаанам̣ саммаа пусид̇аанам̣ хздтимам̣ самуг̇г̇абадалам̣ убаримам̣ наад̇ивад̇д̇ад̇и, убаримам̣ самуг̇г̇абадалам̣ хздтимам̣ наад̇ивад̇д̇ад̇и, ан̃н̃аман̃н̃абарияанд̇адтааяино, звамзвам̣ б̣уд̣̇д̇хасса бхаг̇авад̇о нзяяан̃жа н̃аан̣ан̃жа ан̃н̃аман̃н̃абарияанд̇адтааяино. яаавад̇агам̣ нзяяам̣, д̇аавад̇агам̣ н̃аан̣ам̣. яаавад̇агам̣ н̃аан̣ам̣, д̇аавад̇агам̣ нзяяам̣, нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣, нзяяам̣ ад̇иггамид̇ваа н̃аан̣ам̣ наббавад̇д̇ад̇и, н̃аан̣ам̣ ад̇иггамид̇ваа нзяяабат̇о над̇т̇и. ан̃н̃аман̃н̃абарияанд̇адтааяино д̇з д̇хаммаа. саб̣б̣ад̇хаммзсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и.
‘‘Sabbaṃ kāyakammaṃ buddhassa bhagavato ñāṇānuparivatti, sabbaṃ vacīkammaṃ buddhassa bhagavato ñāṇānuparivatti, sabbaṃ manokammaṃ buddhassa bhagavato ñāṇānuparivatti. Atīte buddhassa bhagavato appaṭihataṃ ñāṇaṃ, anāgate buddhassa bhagavato appaṭihataṃ ñāṇaṃ, paccuppanne buddhassa bhagavato appaṭihataṃ ñāṇaṃ, yāvatakaṃ neyyaṃ, tāvatakaṃ ñāṇaṃ. Yāvatakaṃ ñāṇaṃ, tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ, neyyaṃ atikkamitvā ñāṇaṃ nappavattati, ñāṇaṃ atikkamitvā neyyapatho natthi, aññamaññapariyantaṭṭhāyino te dhammā, yathā dvinnaṃ samuggapaṭalānaṃ sammā phusitānaṃ heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino, evamevaṃ buddhassa bhagavato neyyañca ñāṇañca aññamaññapariyantaṭṭhāyino. Yāvatakaṃ neyyaṃ, tāvatakaṃ ñāṇaṃ. Yāvatakaṃ ñāṇaṃ, tāvatakaṃ neyyaṃ, neyyapariyantikaṃ ñāṇaṃ, ñāṇapariyantikaṃ neyyaṃ, neyyaṃ atikkamitvā ñāṇaṃ nappavattati, ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Sabbadhammesu buddhassa bhagavato ñāṇaṃ pavattati.
‘‘саб̣б̣з д̇хаммаа б̣уд̣̇д̇хасса бхаг̇авад̇о ааваж̇ж̇анаббадиб̣ад̣̇д̇хаа ааган̇каббадиб̣ад̣̇д̇хаа манасигаараббадиб̣ад̣̇д̇хаа жид̇д̇уббаад̣̇аббадиб̣ад̣̇д̇хаа, саб̣б̣асад̇д̇зсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и. саб̣б̣зсам̣ сад̇д̇аанам̣ б̣уд̣̇д̇хо аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и, ад̇химуд̇д̇им̣ ж̇аанаад̇и, аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз бхаб̣б̣аа саб̣б̣з сад̇д̇з баж̇аанаад̇и, сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и.
‘‘Sabbe dhammā buddhassa bhagavato āvajjanappaṭibaddhā ākaṅkhappaṭibaddhā manasikārappaṭibaddhā cittuppādappaṭibaddhā, sabbasattesu buddhassa bhagavato ñāṇaṃ pavattati. Sabbesaṃ sattānaṃ buddho āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbā sabbe satte pajānāti, sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
‘‘яат̇аа яз гзжи мажчагажчабаа анд̇амасо д̇имид̇имин̇г̇алам̣ убаад̣̇ааяа анд̇омахаасамуд̣̇д̣̇з баривад̇д̇анд̇и, звамзва сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и. яат̇аа яз гзжи багкино анд̇амасо г̇арул̣ам̣ взнад̇зяяам̣ убаад̣̇ааяа аагаасасса бад̣̇зсз баривад̇д̇анд̇и, звамзва язби д̇з саарибуд̇д̇асамаа бан̃н̃ааяа, д̇зби б̣уд̣̇д̇хан̃аан̣асса бад̣̇зсз баривад̇д̇анд̇и, б̣уд̣̇д̇хан̃аан̣ам̣ д̣̇звамануссаанам̣ бан̃н̃ам̣ парид̇ваа ад̇игхам̣сид̇ваа д̇идтад̇и. язби д̇з кад̇д̇ияабан̣д̣ид̇аа б̣раахман̣абан̣д̣ид̇аа г̇ахабад̇ибан̣д̣ид̇аа саман̣абан̣д̣ид̇аа нибун̣аа гад̇абараббаваад̣̇аа ваалавзд̇хируубаа, вобхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани, д̇з д̇з бан̃хам̣ абхисан̇карид̇ваа абхисан̇карид̇ваа’’д̇и (бади. ма. 3.5) –
‘‘Yathā ye keci macchakacchapā antamaso timitimiṅgalaṃ upādāya antomahāsamudde parivattanti, evameva sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhino antamaso garuḷaṃ venateyyaṃ upādāya ākāsassa padese parivattanti, evameva yepi te sāriputtasamā paññāya, tepi buddhañāṇassa padese parivattanti, buddhañāṇaṃ devamanussānaṃ paññaṃ pharitvā atighaṃsitvā tiṭṭhati. Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā, vobhindantā maññe caranti paññāgatena diṭṭhigatāni, te te pañhaṃ abhisaṅkharitvā abhisaṅkharitvā’’ti (paṭi. ma. 3.5) –
аад̣̇инаа нид̣̇д̣̇идтабаал̣им̣ бзяяааламукзна сам̣кибид̇ваа д̣̇ассзнд̇о ‘‘бан̃н̃аабабхзд̣̇агусало бабхиннан̃аан̣о…бз… д̇з бан̃хам̣ абхисан̇карид̇ваа абхисан̇карид̇ваа’’д̇иаад̣̇имааха.
Ādinā niddiṭṭhapāḷiṃ peyyālamukhena saṃkhipitvā dassento ‘‘paññāpabhedakusalo pabhinnañāṇo…pe… te pañhaṃ abhisaṅkharitvā abhisaṅkharitvā’’tiādimāha.
д̇ад̇т̇а бабхиннан̃аан̣од̇и ад̇т̇аад̣̇ийсу бабхзд̣̇аг̇ад̇ан̃аан̣о. ‘‘бабхзд̣̇ан̃аан̣о’’д̇иби батанд̇и, соязва ад̇т̇о. д̇з бан̃ханд̇и д̇з д̇з ад̇д̇анаа ад̇хиббзд̇ам̣ бан̃хам̣. нид̣̇д̣̇идтагааран̣аад̇и виссаж̇ж̇ид̇агааран̣аа. убагкид̇д̇агаад̇и бхаг̇авад̇о бан̃н̃аавзяяад̇д̇иязна самийбз кид̇д̇агаа анд̇зваасигаа самбаж̇ж̇анд̇и.
Tattha pabhinnañāṇoti atthādīsu pabhedagatañāṇo. ‘‘Pabhedañāṇo’’tipi paṭhanti, soyeva attho. Te pañhanti te te attanā adhippetaṃ pañhaṃ. Niddiṭṭhakāraṇāti vissajjitakāraṇā. Upakkhittakāti bhagavato paññāveyyattiyena samīpe khittakā antevāsikā sampajjanti.
бхавад̇и абхибхавад̇ийд̇и бхуури. гим̣? рааг̇аад̣̇им̣. убасаг̇г̇з сад̇иби д̇ад̣̇зва бад̣̇ам̣ д̇амад̇т̇ам̣ вад̣̇ад̇ийд̇и убасаг̇г̇зна винааби со ад̇т̇о вин̃н̃зяяо анзгад̇т̇ад̇д̇аа д̇хаад̇уунанд̇и вуд̇д̇ам̣ – ‘‘абхибхуяяад̇ий’’д̇и. гаарагаб̣яад̇д̇аязна жзд̇ам̣ вуд̇д̇ам̣, д̇асмаа рааг̇ам̣ абхибхуяяад̇ийд̇и саа саа маг̇г̇абан̃н̃аа ад̇д̇анаа ад̇д̇анаа важ̇жхам̣ рааг̇ам̣ абхибхуяяад̇и абхибхавад̇и, мад̣̇ад̇ийд̇и ад̇т̇о. абхибхавад̇ийд̇и саа саа палабан̃н̃аа д̇ам̣ д̇ам̣ рааг̇ам̣ бхави абхибхави мад̣̇д̣̇ийд̇и бхуурибан̃н̃аа. ‘‘абхибхавид̇аа’’д̇и ваа баато, ‘‘абхибхавид̇ваа’’д̇иби батанд̇и. абхибхавид̇ваад̇и жа гирияааяа сид̣̇д̇хабхаавад̣̇ассанам̣. бан̃н̃аа жз сид̣̇д̇хаа, рааг̇аабхибхаво жа сид̣̇д̇хо зваад̇и. сзсзсуби зсзва наяо.
Bhavati abhibhavatīti bhūri. Kiṃ? Rāgādiṃ. Upasagge satipi tadeva padaṃ tamatthaṃ vadatīti upasaggena vināpi so attho viññeyyo anekatthattā dhātūnanti vuttaṃ – ‘‘abhibhuyyatī’’ti. Kārakabyattayena cetaṃ vuttaṃ, tasmā rāgaṃ abhibhuyyatīti sā sā maggapaññā attanā attanā vajjhaṃ rāgaṃ abhibhuyyati abhibhavati, madatīti attho. Abhibhavatīti sā sā phalapaññā taṃ taṃ rāgaṃ bhavi abhibhavi maddīti bhūripaññā. ‘‘Abhibhavitā’’ti vā pāṭho, ‘‘abhibhavitvā’’tipi paṭhanti. Abhibhavitvāti ca kiriyāya siddhabhāvadassanaṃ. Paññā ce siddhā, rāgābhibhavo ca siddho evāti. Sesesupi eseva nayo.
рааг̇аад̣̇ийсу бана раж̇ж̇аналагкан̣о рааг̇о. д̣̇уссаналагкан̣о д̣̇осо. муяханалагкан̣о мохо. гуж̇жханалагкан̣о год̇хо, убананд̇ханалагкан̣о убанаахо. буб̣б̣агаалам̣ год̇хо, абарагаалам̣ убанаахо. бараг̇ун̣амагканалагкан̣о магко, яуг̇аг̇г̇аахалагкан̣о балаасо. барасамбад̇д̇икийяаналагкан̣аа иссаа, ад̇д̇ано самбад̇д̇иниг̇г̇ууханалагкан̣ам̣ мажчарияам̣. ад̇д̇анаа гад̇абаабаббадижчаад̣̇аналагкан̣аа мааяаа, ад̇д̇ано авиж̇ж̇амаанаг̇ун̣аббагаасаналагкан̣ам̣ саатзяяам̣. жид̇д̇асса уд̣̇д̇хумаад̇абхаавалагкан̣о т̇амбхо, гаран̣уд̇д̇арияалагкан̣о саарамбхо. уннад̇илагкан̣о маано, аб̣бхуннад̇илагкан̣о ад̇имаано. мад̇д̇абхаавалагкан̣о мад̣̇о, бан̃жагаамаг̇ун̣зсу жид̇д̇авоссаг̇г̇алагкан̣о бамаад̣̇о. бхавад̇и абхибхавад̇и аринд̇и бхуури асаруубад̇о барасса агаарасса лобам̣ гад̇ваа. д̇знааха – ‘‘арим̣ мад̣̇д̣̇анибан̃н̃аад̇и бхуурибан̃н̃аа’’д̇и. бхавад̇и зд̇т̇а т̇аавараж̇ан̇г̇аманд̇и бхуури вужжад̇и бат̇авий яат̇аа ‘‘бхуумий’’д̇и бхуури вияаад̇и бхуурибан̃н̃аа вид̇т̇ад̇авибуладтзна саб̣б̣ам̣ сахад̇ааяа жа. д̇знааха – ‘‘д̇ааяаа’’д̇иаад̣̇и. д̇ад̇т̇а бат̇ависамааяаад̇и вид̇т̇ад̇авибуладтзнзва бат̇ависамааяа. вид̇т̇ад̇ааяаад̇и баж̇аанид̇аб̣б̣з висаяз вид̇т̇ад̇ааяа, на згад̣̇зсз вад̇д̇амаанааяа. вибулааяаад̇и ул̣аарабхууд̇ааяа. саманнааг̇ад̇од̇и буг̇г̇ало. ид̇и-сад̣̇д̣̇о гааран̣ад̇т̇з, иминаа гааран̣зна буг̇г̇аласса бхуурибан̃н̃ааяа саманнааг̇ад̇ад̇д̇аа д̇асса бан̃н̃аа бхуурибан̃н̃аа наамаад̇и ад̇т̇о. ‘‘бхуурибан̃н̃асса бан̃н̃аа бхуурибан̃н̃абан̃н̃аа’’д̇и вад̇д̇аб̣б̣з згасса бан̃н̃аасад̣̇д̣̇асса лобам̣ гад̇ваа ‘‘бхуурибан̃н̃аа’’д̇и вуд̇д̇ам̣.
Rāgādīsu pana rajjanalakkhaṇo rāgo. Dussanalakkhaṇo doso. Muyhanalakkhaṇo moho. Kujjhanalakkhaṇo kodho, upanandhanalakkhaṇo upanāho. Pubbakālaṃ kodho, aparakālaṃ upanāho. Paraguṇamakkhanalakkhaṇo makkho, yugaggāhalakkhaṇo palāso. Parasampattikhīyanalakkhaṇā issā, attano sampattiniggūhanalakkhaṇaṃ macchariyaṃ. Attanā katapāpappaṭicchādanalakkhaṇā māyā, attano avijjamānaguṇappakāsanalakkhaṇaṃ sāṭheyyaṃ. Cittassa uddhumātabhāvalakkhaṇo thambho, karaṇuttariyalakkhaṇo sārambho. Unnatilakkhaṇo māno, abbhunnatilakkhaṇo atimāno. Mattabhāvalakkhaṇo mado, pañcakāmaguṇesu cittavossaggalakkhaṇo pamādo. Bhavati abhibhavati arinti bhūri asarūpato parassa akārassa lopaṃ katvā. Tenāha – ‘‘ariṃ maddanipaññāti bhūripaññā’’ti. Bhavati ettha thāvarajaṅgamanti bhūri vuccati pathavī yathā ‘‘bhūmī’’ti bhūri viyāti bhūripaññā vitthatavipulaṭṭhena sabbaṃ sahatāya ca. Tenāha – ‘‘tāyā’’tiādi. Tattha pathavisamāyāti vitthatavipulaṭṭheneva pathavisamāya. Vitthatāyāti pajānitabbe visaye vitthatāya, na ekadese vattamānāya. Vipulāyāti uḷārabhūtāya. Samannāgatoti puggalo. Iti-saddo kāraṇatthe, iminā kāraṇena puggalassa bhūripaññāya samannāgatattā tassa paññā bhūripaññā nāmāti attho. ‘‘Bhūripaññassa paññā bhūripaññapaññā’’ti vattabbe ekassa paññāsaddassa lopaṃ katvā ‘‘bhūripaññā’’ti vuttaṃ.
абижаад̇и бан̃н̃аабарияааяад̣̇ассанад̇т̇ам̣ вуд̇д̇ам̣. бан̃н̃ааяамзд̇анд̇и бан̃н̃ааяа зд̇ам̣. ад̇хиважананд̇и ад̇хигам̣ важанам̣. бхуурийд̇и бхууд̇з ад̇т̇з канд̇хаад̣̇игз рамад̇и сажжасабхаавзна, д̣̇идти вияа на абхууд̇зд̇и бхуури. мзд̇хаад̇и асани вияа силужжаяз гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа. барин̣ааяигаад̇и яассуббаж̇ж̇ад̇и, д̇ам̣ сад̇д̇ам̣ ад̇д̇ахид̇аббадибад̇д̇ияам̣ самбаяуд̇д̇ад̇хаммз жа яаат̇аавалагкан̣аббадивзд̇хз барин̣зд̇ийд̇и барин̣ааяигаа. имзхзва ан̃н̃ааниби бан̃н̃аабарияааяаважанаани хонд̇и.
Apicāti paññāpariyāyadassanatthaṃ vuttaṃ. Paññāyametanti paññāya etaṃ. Adhivacananti adhikaṃ vacanaṃ. Bhūrīti bhūte atthe khandhādike ramati saccasabhāvena, diṭṭhi viya na abhūteti bhūri. Medhāti asani viya siluccaye kilese medhati hiṃsatīti medhā, khippaṃ gahaṇadhāraṇaṭṭhena vā medhā. Pariṇāyikāti yassuppajjati, taṃ sattaṃ attahitappaṭipattiyaṃ sampayuttadhamme ca yāthāvalakkhaṇappaṭivedhe pariṇetīti pariṇāyikā. Imeheva aññānipi paññāpariyāyavacanāni honti.
бан̃н̃ааб̣аахулланд̇и бан̃н̃аа б̣ахулаа ассаад̇и бан̃н̃ааб̣ахуло, д̇асса бхааво бан̃н̃ааб̣аахуллам̣. д̇ан̃жа бан̃н̃ааяа б̣аахуллам̣ бавад̇д̇и зваад̇и д̇амад̇т̇ам̣ бан̃н̃ааг̇аругасса буг̇г̇аласса васзна д̣̇ассзнд̇о, ‘‘ид̇хзгажжо бан̃н̃ааг̇аруго ход̇ий’’д̇иаад̣̇имааха. д̇ад̇т̇а ид̇хзгажжод̇и бут̇уж̇ж̇анагаляаан̣аго, арияо ваа. бан̃н̃аа г̇ару згассаад̇и бан̃н̃ааг̇аруго. бан̃н̃ааяа жарид̇о бавад̇д̇ид̇о бан̃н̃аажарид̇о, бан̃н̃ааяа жарид̇ам̣ бавад̇д̇ам̣ ассаад̇и ваа бан̃н̃аажарид̇о. ануломигаканд̇иаад̣̇ивибхааг̇аа бан̃н̃аа аасаяо зд̇ассаад̇и бан̃н̃аасаяо. бан̃н̃ааяа ад̇химуд̇д̇о д̇анниннод̇и бан̃н̃аад̇химуд̇д̇о. самуссид̇адтзна бан̃н̃аа д̇хаж̇о зд̇ассаад̇и бан̃н̃аад̇хаж̇о. бан̃н̃аагзд̇ууд̇и д̇ассзва взважанам̣. бан̃н̃аанимид̇д̇ам̣ аад̇хибад̇зяяам̣ зд̇ассаад̇и бан̃н̃аад̇хибад̇зяяо. бан̃н̃аасан̇каад̇о вижаяо, д̇хаммасабхаававижинанам̣ ваа б̣ахулам̣ зд̇ассаад̇и вижаяаб̣ахуло . наанаббагаарзна д̇хаммасабхаававижинанам̣ б̣ахулам̣ ассаад̇и бавижаяаб̣ахуло. огкааяанам̣ яаат̇аавад̇о д̇хаммаанам̣ убадтаанам̣ б̣ахулам̣ зд̇ассаад̇и огкааяанаб̣ахуло. бан̃н̃ааяа д̇асса д̇асса д̇хаммасса саммаабзгканаа самбзгкаа, самбзгкааяа аяанам̣ бавад̇д̇анам̣ самбзгкааяанам̣, самбзгкааяанам̣ д̇хаммо багад̇и ассаад̇и самбзгкааяанад̇хаммо. самбзгкааяанам̣ ваа яаат̇аавад̇о д̣̇ассанад̇хаммо сабхааво зд̇ассаад̇и самбзгкааяанад̇хаммо. саб̣б̣ам̣ д̇хаммаж̇аад̇ам̣ вибхууд̇ам̣ вибхаавид̇ам̣ гад̇ваа вихаран̣асийлод̇и вибхууд̇авихаарий.
Paññābāhullanti paññā bahulā assāti paññābahulo, tassa bhāvo paññābāhullaṃ. Tañca paññāya bāhullaṃ pavatti evāti tamatthaṃ paññāgarukassa puggalassa vasena dassento, ‘‘idhekacco paññāgaruko hotī’’tiādimāha. Tattha idhekaccoti puthujjanakalyāṇako, ariyo vā. Paññā garu ekassāti paññāgaruko. Paññāya carito pavattito paññācarito, paññāya caritaṃ pavattaṃ assāti vā paññācarito. Anulomikakhantiādivibhāgā paññā āsayo etassāti paññāsayo. Paññāya adhimutto tanninnoti paññādhimutto. Samussitaṭṭhena paññā dhajo etassāti paññādhajo. Paññāketūti tasseva vevacanaṃ. Paññānimittaṃ ādhipateyyaṃ etassāti paññādhipateyyo. Paññāsaṅkhāto vicayo, dhammasabhāvavicinanaṃ vā bahulaṃ etassāti vicayabahulo. Nānappakārena dhammasabhāvavicinanaṃ bahulaṃ assāti pavicayabahulo. Okkhāyanaṃ yāthāvato dhammānaṃ upaṭṭhānaṃ bahulaṃ etassāti okkhāyanabahulo. Paññāya tassa tassa dhammassa sammāpekkhanā sampekkhā, sampekkhāya ayanaṃ pavattanaṃ sampekkhāyanaṃ, sampekkhāyanaṃ dhammo pakati assāti sampekkhāyanadhammo. Sampekkhāyanaṃ vā yāthāvato dassanadhammo sabhāvo etassāti sampekkhāyanadhammo. Sabbaṃ dhammajātaṃ vibhūtaṃ vibhāvitaṃ katvā viharaṇasīloti vibhūtavihārī.
д̇ажжарид̇од̇иаад̣̇ийсу д̇ам̣-сад̣̇д̣̇зна бан̃н̃аа бажжаамадтаа, д̇асмаа д̇ад̇т̇а ‘‘бан̃н̃аажарид̇о’’д̇иаад̣̇инаа ад̇т̇о взд̣̇ид̇аб̣б̣о. саа бан̃н̃аа жарид̇аа г̇аругаа б̣ахулаа ассаад̇и д̇ажжарид̇о д̇аг̇г̇аруго д̇аб̣б̣ахуло. д̇ассам̣ бан̃н̃ааяам̣ нинно бон̣о баб̣бхааро ад̇химуд̇д̇од̇и д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о. саа бан̃н̃аа ад̇хибад̇и д̇ад̣̇ад̇хибад̇и, д̇ад̣̇ад̇хибад̇ид̇о ааг̇ад̇о д̇ад̣̇аад̇хибад̇зяяо. бан̃н̃ааг̇аругод̇иаад̣̇ийни ‘‘гаамам̣ сзванд̇ам̣язва ж̇аанаад̇и, аяам̣ буг̇г̇ало нзгкаммаг̇аруго’’д̇иаад̣̇ийсу (бади. ма. 1.114) вияа буримаж̇аад̇ид̇о бабхуд̇и вуд̇д̇аани. д̇ажжарид̇од̇иаад̣̇ийни имиссаа ж̇аад̇ияаа вуд̇д̇аани. ид̣̇аани вуд̇д̇амзвад̇т̇ам̣ нид̣̇ассанавасзнаби д̣̇ассзд̇ум̣ – ‘‘яат̇аа’’д̇иаад̣̇и вуд̇д̇ам̣. звамзванд̇иаад̣̇ийни д̣̇ассид̇аб̣б̣аниг̇аманам̣.
Taccaritotiādīsu taṃ-saddena paññā paccāmaṭṭhā, tasmā tattha ‘‘paññācarito’’tiādinā attho veditabbo. Sā paññā caritā garukā bahulā assāti taccarito taggaruko tabbahulo. Tassaṃ paññāyaṃ ninno poṇo pabbhāro adhimuttoti tanninno tappoṇo tappabbhāro tadadhimutto. Sā paññā adhipati tadadhipati, tadadhipatito āgato tadādhipateyyo. Paññāgarukotiādīni ‘‘kāmaṃ sevantaṃyeva jānāti, ayaṃ puggalo nekkhammagaruko’’tiādīsu (paṭi. ma. 1.114) viya purimajātito pabhuti vuttāni. Taccaritotiādīni imissā jātiyā vuttāni. Idāni vuttamevatthaṃ nidassanavasenapi dassetuṃ – ‘‘yathā’’tiādi vuttaṃ. Evamevantiādīni dassitabbanigamanaṃ.
сийгхабан̃н̃аад̇и ад̇д̇ано висаяз сийгхаббавад̇д̇игаа бан̃н̃аа, яаа самаарад̣̇д̇хаа ад̇д̇ано бан̃н̃аагижжам̣ ад̣̇анд̇хааяанд̇ий авид̇т̇ааяанд̇ий киббамзва самбаабзд̇и. д̇знааха – ‘‘сийгхам̣ сийгхам̣ сийлаани барибуурзд̇ий’’д̇иаад̣̇и. д̇ад̇т̇а сийгхам̣ сийгханд̇и б̣ахуунам̣ сийлаад̣̇ийнам̣ сан̇г̇ахад̇т̇ам̣ д̣̇вигкад̇д̇ум̣ вуд̇д̇ам̣. сийлаанийд̇и жаарид̇д̇аваарид̇д̇авасзна бан̃н̃ад̇д̇аани баад̇имогкасам̣варасийлаани, табзд̇ваа ваа инд̣̇рияасам̣варам̣ д̇асса висум̣ г̇ахид̇ад̇д̇аа ид̇араани д̇ивид̇хасийлаани. инд̣̇рияасам̣варанд̇и жагкаад̣̇ийнам̣ чаннам̣ инд̣̇рияаанам̣ рааг̇аббадигхаббавзсам̣ агад̇ваа сад̇игаваадзна нивааран̣ам̣ т̇аганам̣. бхож̇анз мад̇д̇ан̃н̃уд̇анд̇и бажжавзгкид̇абарибхог̇авасзна бхож̇анз бамаан̣ан̃н̃убхаавам̣. ж̇ааг̇арияаануяог̇анд̇и д̣̇ивасасса д̇ийсу годтаасзсу рад̇д̇ияаа батамамаж̇жхимагодтаасзсу жа ж̇ааг̇арад̇и на нид̣̇д̣̇ааяад̇и, саман̣ад̇хаммамзва гарод̇ийд̇и ж̇ааг̇аро, ж̇ааг̇арасса бхааво, гаммам̣ ваа ж̇ааг̇арияам̣, ж̇ааг̇арияасса ануяог̇о ж̇ааг̇арияаануяог̇о, д̇ам̣ ж̇ааг̇арияаануяог̇ам̣. сийлагканд̇ханд̇и сзгкам̣ ваа асзгкам̣ ваа сийлагканд̇хам̣. звамид̇арзби канд̇хаа взд̣̇ид̇аб̣б̣аа. бан̃н̃аагканд̇ханд̇и маг̇г̇абан̃н̃аа жа сзгкаасзгкаанам̣ логияабан̃н̃аа жа. вимуд̇д̇игканд̇ханд̇и палавимуд̇д̇и. вимуд̇д̇ин̃аан̣ад̣̇ассанагканд̇ханд̇и бажжавзгкан̣ан̃аан̣ам̣. сийгхабан̃н̃аанид̣̇д̣̇зсасад̣̇исоязва лахубан̃н̃аанид̣̇д̣̇зсо, д̇ат̇аа хаасабан̃н̃аанид̣̇д̣̇зсо. ж̇аванабан̃н̃аанид̣̇д̣̇зсо бана галаабасаммасананаязна бавад̇д̇о. д̇игкабан̃н̃аанид̣̇д̣̇зсо вийрияасса уссуггаабанавасзна, ниб̣б̣зд̇хигабан̃н̃аанид̣̇д̣̇зсо саб̣б̣алогз анабхирад̇асан̃н̃аавасзна бавад̇д̇о. д̇ад̇т̇а д̇урид̇агирияаа сийгхад̇аа. ад̣̇анд̇хад̇аа лахуд̇аа. взг̇ааяид̇ад̇д̇ам̣ киббад̇аа.
Sīghapaññāti attano visaye sīghappavattikā paññā, yā samāraddhā attano paññākiccaṃ adandhāyantī avitthāyantī khippameva sampāpeti. Tenāha – ‘‘sīghaṃ sīghaṃ sīlāni paripūretī’’tiādi. Tattha sīghaṃ sīghanti bahūnaṃ sīlādīnaṃ saṅgahatthaṃ dvikkhattuṃ vuttaṃ. Sīlānīti cārittavārittavasena paññattāni pātimokkhasaṃvarasīlāni, ṭhapetvā vā indriyasaṃvaraṃ tassa visuṃ gahitattā itarāni tividhasīlāni. Indriyasaṃvaranti cakkhādīnaṃ channaṃ indriyānaṃ rāgappaṭighappavesaṃ akatvā satikavāṭena nivāraṇaṃ thakanaṃ. Bhojane mattaññutanti paccavekkhitaparibhogavasena bhojane pamāṇaññubhāvaṃ. Jāgariyānuyoganti divasassa tīsu koṭṭhāsesu rattiyā paṭhamamajjhimakoṭṭhāsesu ca jāgarati na niddāyati, samaṇadhammameva karotīti jāgaro, jāgarassa bhāvo, kammaṃ vā jāgariyaṃ, jāgariyassa anuyogo jāgariyānuyogo, taṃ jāgariyānuyogaṃ. Sīlakkhandhanti sekkhaṃ vā asekkhaṃ vā sīlakkhandhaṃ. Evamitarepi khandhā veditabbā. Paññākkhandhanti maggapaññā ca sekkhāsekkhānaṃ lokiyapaññā ca. Vimuttikkhandhanti phalavimutti. Vimuttiñāṇadassanakkhandhanti paccavekkhaṇañāṇaṃ. Sīghapaññāniddesasadisoyeva lahupaññāniddeso, tathā hāsapaññāniddeso. Javanapaññāniddeso pana kalāpasammasananayena pavatto. Tikkhapaññāniddeso vīriyassa ussukkāpanavasena, nibbedhikapaññāniddeso sabbaloke anabhiratasaññāvasena pavatto. Tattha turitakiriyā sīghatā. Adandhatā lahutā. Vegāyitattaṃ khippatā.
хаасаб̣ахулод̇и бийд̇иб̣ахуло. сзсабад̣̇аани д̇ассзва взважанаани. ат̇а ваа хаасаб̣ахулод̇и муулабад̣̇ам̣. взд̣̇аб̣ахулод̇и д̇ассаа зва бийд̇ияаа самбаяуд̇д̇асоманассавзд̣̇анаавасзна нид̣̇д̣̇зсабад̣̇ам̣. д̇удтиб̣ахулод̇и наад̇иб̣алавабийд̇ияаа д̇удтаагааравасзна. баамож̇ж̇аб̣ахулод̇и б̣алавабийд̇ияаа бамуд̣̇ид̇абхаававасзна. сийлаани барибуурзд̇ийд̇и хадтаббахадто уд̣̇аг̇г̇ууд̣̇аг̇г̇о самбияааяамаано сийлаани самбаад̣̇зд̇и. бийд̇исоманассасахаг̇ад̇аа хи бан̃н̃аа абхирад̇ивасзна аарамман̣з пуллид̇аа вигасид̇аа вияа бавад̇д̇ад̇и, на звам̣ убзгкаасахаг̇ад̇аад̇и.
Hāsabahuloti pītibahulo. Sesapadāni tasseva vevacanāni. Atha vā hāsabahuloti mūlapadaṃ. Vedabahuloti tassā eva pītiyā sampayuttasomanassavedanāvasena niddesapadaṃ. Tuṭṭhibahuloti nātibalavapītiyā tuṭṭhākāravasena. Pāmojjabahuloti balavapītiyā pamuditabhāvavasena. Sīlāni paripūretīti haṭṭhappahaṭṭho udaggūdaggo sampiyāyamāno sīlāni sampādeti. Pītisomanassasahagatā hi paññā abhirativasena ārammaṇe phullitā vikasitā viya pavattati, na evaṃ upekkhāsahagatāti.
анижжад̇о киббам̣ ж̇авад̇ийд̇и ‘‘канд̇хабан̃жагам̣ анижжа’’нд̇и взг̇ааяид̇зна бавад̇д̇ад̇и, бадибагкад̣̇уурийбхаавзна буб̣б̣аабхисан̇каарасса саад̇исаяад̇д̇аа инд̣̇зна виссадтаваж̇ирам̣ вияа лагкан̣ам̣ авираж̇жханд̇ий ад̣̇анд̇хааяанд̇ий анижжалагкан̣ам̣ взг̇асаа бадивиж̇жхад̇и, д̇асмаа саа ж̇аванабан̃н̃аа наамаад̇и ад̇т̇о. сзсабад̣̇зсуби зсзва наяо. звам̣ лагкан̣аарамман̣игавибассанаавасзна ж̇аванабан̃н̃ам̣ д̣̇ассзд̇ваа б̣алававибассанаавасзна д̣̇ассзд̇ум̣ – ‘‘рууба’’нд̇иаад̣̇и вуд̇д̇ам̣. д̇ад̇т̇а каяадтзнаад̇и яад̇т̇а яад̇т̇а уббаж̇ж̇ад̇и, д̇ад̇т̇а д̇ад̇т̇зва бхиж̇ж̇анад̇о каяасабхаавад̇д̇аа. бхаяадтзнаад̇и бхаяаанагабхаавад̇о. асаарагадтзнаад̇и ад̇д̇асааравирахад̇о нижжасаараад̣̇ивирахад̇о жа. д̇улаяид̇ваад̇и д̇улаабхууд̇ааяа вибассанаабан̃н̃ааяа д̇улзд̇ваа. д̇ийраяид̇ваад̇и д̇ааяа зва д̇ийран̣абхууд̇ааяа д̇ийрзд̇ваа. вибхааваяид̇ваад̇и яаат̇аавад̇о багаасзд̇ваа баагадам̣ гад̇ваа. ат̇а ваа д̇улаяид̇ваад̇и галаабасаммасанавасзна д̇улаяид̇ваа. д̇ийраяид̇ваад̇и уд̣̇аяаб̣б̣аяаанубассанаавасзна д̇ийрзд̇ваа. вибхааваяид̇ваад̇и бхан̇г̇аанубассанаад̣̇ивасзна баагадам̣ гад̇ваа. вибхууд̇ам̣ гад̇ваад̇и сан̇каарубзгкаануломавасзна пудам̣ гад̇ваа. руубанирод̇хзд̇и руубагканд̇хасса нирод̇хабхууд̇з ниб̣б̣аанз. киббам̣ ж̇авад̇ийд̇и ниннабон̣абаб̣бхааравасзна ж̇авад̇и бавад̇д̇ад̇и. ид̣̇аани сикааббад̇д̇авибассанаавасзна ж̇аванабан̃н̃ам̣ д̣̇ассзд̇ум̣, буна ‘‘рууба’’нд̇иаад̣̇и вуд̇д̇ам̣.
Aniccato khippaṃ javatīti ‘‘khandhapañcakaṃ anicca’’nti vegāyitena pavattati, paṭipakkhadūrībhāvena pubbābhisaṅkhārassa sātisayattā indena vissaṭṭhavajiraṃ viya lakkhaṇaṃ avirajjhantī adandhāyantī aniccalakkhaṇaṃ vegasā paṭivijjhati, tasmā sā javanapaññā nāmāti attho. Sesapadesupi eseva nayo. Evaṃ lakkhaṇārammaṇikavipassanāvasena javanapaññaṃ dassetvā balavavipassanāvasena dassetuṃ – ‘‘rūpa’’ntiādi vuttaṃ. Tattha khayaṭṭhenāti yattha yattha uppajjati, tattha tattheva bhijjanato khayasabhāvattā. Bhayaṭṭhenāti bhayānakabhāvato. Asārakaṭṭhenāti attasāravirahato niccasārādivirahato ca. Tulayitvāti tulābhūtāya vipassanāpaññāya tuletvā. Tīrayitvāti tāya eva tīraṇabhūtāya tīretvā. Vibhāvayitvāti yāthāvato pakāsetvā pākaṭaṃ katvā. Atha vā tulayitvāti kalāpasammasanavasena tulayitvā. Tīrayitvāti udayabbayānupassanāvasena tīretvā. Vibhāvayitvāti bhaṅgānupassanādivasena pākaṭaṃ katvā. Vibhūtaṃ katvāti saṅkhārupekkhānulomavasena phuṭaṃ katvā. Rūpanirodheti rūpakkhandhassa nirodhabhūte nibbāne. Khippaṃ javatīti ninnapoṇapabbhāravasena javati pavattati. Idāni sikhāppattavipassanāvasena javanapaññaṃ dassetuṃ, puna ‘‘rūpa’’ntiādi vuttaṃ.
н̃аан̣асса д̇игкабхааво наама сависзсам̣ бадибагкасамужчинд̣̇анзна взд̣̇ид̇аб̣б̣од̇и ‘‘киббам̣ гилзсз чинд̣̇ад̇ийд̇и д̇игкабан̃н̃аа’’д̇и вад̇ваа д̇з бана гилзсз вибхааг̇зна д̣̇ассзнд̇о, ‘‘уббаннам̣ гаамавид̇агга’’нд̇иаад̣̇имааха. самат̇авибассанаахи вигкамбханад̇ад̣̇ан̇г̇авасзна бахийнамби арияамаг̇г̇зна асамуухад̇ад̇д̇аа уббад̇д̇ид̇хаммад̇ам̣ анад̇ийд̇ад̇ааяа асамуухад̇уббаннанд̇и вужжад̇и, д̇ам̣ ид̇ха ‘‘уббанна’’нд̇и ад̇хиббзд̇ам̣. наад̇хиваасзд̇ийд̇и санд̇аанам̣ ааробзд̇ваа на ваасзд̇и. баж̇ахад̇ийд̇и самужчзд̣̇авасзна баж̇ахад̇и. винод̣̇зд̇ийд̇и кибад̇и. б̣яанд̇им̣ гарод̇ийд̇и виг̇ад̇анд̇ам̣ гарод̇и. анабхаавам̣ г̇амзд̇ийд̇и ану абхаавам̣ г̇амзд̇и, вибассанааггамзна арияамаг̇г̇ам̣ бад̇ваа самужчзд̣̇авасзнзва абхаавам̣ г̇амаяад̇ийд̇и ад̇т̇о. зд̇т̇а жа гаамаббадисам̣яуд̇д̇о вид̇агго гаамавид̇агго. ‘‘имз сад̇д̇аа маранд̇уу’’д̇и барзсам̣ маран̣аббадисам̣яуд̇д̇о вид̇агго б̣яаабаад̣̇авид̇агго. ‘‘имз сад̇д̇аа вихим̣сияанд̇уу’’д̇и барзсам̣ вихим̣саабадисам̣яуд̇д̇о вид̇агго вихим̣саавид̇агго. баабагзд̇и лаамагз. агусалз д̇хаммзд̇и агосалласамбхууд̇з д̇хаммз. д̇игкабан̃н̃о наама киббаабхин̃н̃о ход̇и, бадибад̣̇аа жасса на жалад̇ийд̇и ааха – ‘‘згамхи аасанз жад̇д̇ааро арияамаг̇г̇аа’’д̇иаад̣̇и.
Ñāṇassa tikkhabhāvo nāma savisesaṃ paṭipakkhasamucchindanena veditabboti ‘‘khippaṃ kilese chindatīti tikkhapaññā’’ti vatvā te pana kilese vibhāgena dassento, ‘‘uppannaṃ kāmavitakka’’ntiādimāha. Samathavipassanāhi vikkhambhanatadaṅgavasena pahīnampi ariyamaggena asamūhatattā uppattidhammataṃ anatītatāya asamūhatuppannanti vuccati, taṃ idha ‘‘uppanna’’nti adhippetaṃ. Nādhivāsetīti santānaṃ āropetvā na vāseti. Pajahatīti samucchedavasena pajahati. Vinodetīti khipati. Byantiṃ karotīti vigatantaṃ karoti. Anabhāvaṃ gametīti anu abhāvaṃ gameti, vipassanākkamena ariyamaggaṃ patvā samucchedavaseneva abhāvaṃ gamayatīti attho. Ettha ca kāmappaṭisaṃyutto vitakko kāmavitakko. ‘‘Ime sattā marantū’’ti paresaṃ maraṇappaṭisaṃyutto vitakko byāpādavitakko. ‘‘Ime sattā vihiṃsiyantū’’ti paresaṃ vihiṃsāpaṭisaṃyutto vitakko vihiṃsāvitakko. Pāpaketi lāmake. Akusale dhammeti akosallasambhūte dhamme. Tikkhapañño nāma khippābhiñño hoti, paṭipadā cassa na calatīti āha – ‘‘ekamhi āsane cattāro ariyamaggā’’tiādi.
‘‘саб̣б̣з сан̇каараа анижжаа д̣̇угкаа вибарин̣аамад̇хаммаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа’’д̇и яаат̇аавад̇о д̣̇ассанзна сажжаббадивзд̇хо иж̇жхад̇и, на ан̃н̃ат̇аад̇и гааран̣амукзна ниб̣б̣зд̇хигабан̃н̃ам̣ д̣̇ассзд̇ум̣ – ‘‘саб̣б̣асан̇каарзсу уб̣б̣зг̇аб̣ахуло ход̇ий’’д̇иаад̣̇и вуд̇д̇ам̣. д̇ад̇т̇а уб̣б̣зг̇аб̣ахулод̇и ‘‘саб̣б̣з сан̇каараа анижжаа’’д̇иаад̣̇инаа (д̇ха. ба. 277) наязна саб̣б̣асан̇каарзсу абхин̣хаббавад̇д̇асам̣взг̇о. уд̇д̇аасаб̣ахулод̇и н̃аан̣абхаяавасзна саб̣б̣асан̇каарзсу б̣ахусо уд̇расд̇амаанасо. д̇зна аад̣̇ийнаваанубассанамааха. угган̣танаб̣ахулод̇и сан̇каарад̇о уд̣̇д̇хам̣ висан̇каараабхимукад̇ааяа угган̣танаб̣ахуло. иминаа ниб̣б̣ид̣̇аанубассанамааха. арад̇иб̣ахулод̇иаад̣̇инаа д̇ассаа зва абараабаруубабад̇д̇им̣. б̣ахимукод̇и саб̣б̣асан̇каарад̇о б̣ахибхууд̇ам̣ ниб̣б̣аанам̣ уд̣̇д̣̇исса бавад̇д̇ан̃аан̣амуко. д̇ат̇аа бавад̇д̇ид̇авимогкамуко. ниб̣б̣иж̇жханам̣ бадивиж̇жханам̣ ниб̣б̣зд̇хо, со зд̇иссаа ад̇т̇ийд̇и ниб̣б̣зд̇хигаа, ниб̣б̣иж̇жхад̇ийд̇и ваа ниб̣б̣зд̇хигаа, саа зва бан̃н̃аа ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣анд̇и анамад̇аг̇г̇з сам̣саарз анд̇ам̣ баабзд̇ваа анивид̣̇д̇хабуб̣б̣ам̣. аббад̣̇аалид̇абуб̣б̣анд̇и д̇ассзва ад̇т̇аважанам̣, анд̇агаран̣знзва аббад̣̇аалид̇абуб̣б̣анд̇и ад̇т̇о. лобхагканд̇ханд̇и лобхараасим̣, лобхагодтаасам̣ ваа.
‘‘Sabbe saṅkhārā aniccā dukkhā vipariṇāmadhammā saṅkhatā paṭiccasamuppannā khayadhammā vayadhammā virāgadhammā nirodhadhammā’’ti yāthāvato dassanena saccappaṭivedho ijjhati, na aññathāti kāraṇamukhena nibbedhikapaññaṃ dassetuṃ – ‘‘sabbasaṅkhāresu ubbegabahulo hotī’’tiādi vuttaṃ. Tattha ubbegabahuloti ‘‘sabbe saṅkhārā aniccā’’tiādinā (dha. pa. 277) nayena sabbasaṅkhāresu abhiṇhappavattasaṃvego. Uttāsabahuloti ñāṇabhayavasena sabbasaṅkhāresu bahuso utrastamānaso. Tena ādīnavānupassanamāha. Ukkaṇṭhanabahuloti saṅkhārato uddhaṃ visaṅkhārābhimukhatāya ukkaṇṭhanabahulo. Iminā nibbidānupassanamāha. Aratibahulotiādinā tassā eva aparāparūpapattiṃ. Bahimukhoti sabbasaṅkhārato bahibhūtaṃ nibbānaṃ uddissa pavattañāṇamukho. Tathā pavattitavimokkhamukho. Nibbijjhanaṃ paṭivijjhanaṃ nibbedho, so etissā atthīti nibbedhikā, nibbijjhatīti vā nibbedhikā, sā eva paññā nibbedhikapaññā. Anibbiddhapubbanti anamatagge saṃsāre antaṃ pāpetvā anividdhapubbaṃ. Appadālitapubbanti tasseva atthavacanaṃ, antakaraṇeneva appadālitapubbanti attho. Lobhakkhandhanti lobharāsiṃ, lobhakoṭṭhāsaṃ vā.
гааяаг̇ад̇аасад̇иваг̇г̇аван̣н̣анаа нидтид̇аа.
Kāyagatāsativaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 19. гааяаг̇ад̇аасад̇иваг̇г̇о • 19. Kāyagatāsativaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 19. гааяаг̇ад̇аасад̇иваг̇г̇аван̣н̣анаа • 19. Kāyagatāsativaggavaṇṇanā
