| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੯. ਕਾਯਗਤਾਸਤਿવਗ੍ਗੋ
19. Kāyagatāsativaggo
੫੬੩. ‘‘ਯਸ੍ਸ ਕਸ੍ਸਚਿ, ਭਿਕ੍ਖવੇ, ਮਹਾਸਮੁਦ੍ਦੋ ਚੇਤਸਾ ਫੁਟੋ ਅਨ੍ਤੋਗਧਾ ਤਸ੍ਸ ਕੁਨ੍ਨਦਿਯੋ ਯਾ ਕਾਚਿ ਸਮੁਦ੍ਦਙ੍ਗਮਾ; ਏવਮੇવਂ, ਭਿਕ੍ਖવੇ, ਯਸ੍ਸ ਕਸ੍ਸਚਿ ਕਾਯਗਤਾ ਸਤਿ ਭਾવਿਤਾ ਬਹੁਲੀਕਤਾ ਅਨ੍ਤੋਗਧਾ ਤਸ੍ਸ ਕੁਸਲਾ ਧਮ੍ਮਾ ਯੇ ਕੇਚਿ વਿਜ੍ਜਾਭਾਗਿਯਾ’’ਤਿ।
563. ‘‘Yassa kassaci, bhikkhave, mahāsamuddo cetasā phuṭo antogadhā tassa kunnadiyo yā kāci samuddaṅgamā; evamevaṃ, bhikkhave, yassa kassaci kāyagatā sati bhāvitā bahulīkatā antogadhā tassa kusalā dhammā ye keci vijjābhāgiyā’’ti.
੫੬੪-੫੭੦. ‘‘ਏਕਧਮ੍ਮੋ, ਭਿਕ੍ਖવੇ, ਭਾવਿਤੋ ਬਹੁਲੀਕਤੋ ਮਹਤੋ ਸਂવੇਗਾਯ ਸਂવਤ੍ਤਤਿ… ਮਹਤੋ ਅਤ੍ਥਾਯ ਸਂવਤ੍ਤਤਿ… ਮਹਤੋ ਯੋਗਕ੍ਖੇਮਾਯ ਸਂવਤ੍ਤਤਿ… ਸਤਿਸਮ੍ਪਜਞ੍ਞਾਯ ਸਂવਤ੍ਤਤਿ… ਞਾਣਦਸ੍ਸਨਪ੍ਪਟਿਲਾਭਾਯ ਸਂવਤ੍ਤਤਿ… ਦਿਟ੍ਠਧਮ੍ਮਸੁਖવਿਹਾਰਾਯ ਸਂવਤ੍ਤਤਿ… વਿਜ੍ਜਾવਿਮੁਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ। ਕਤਮੋ ਏਕਧਮ੍ਮੋ? ਕਾਯਗਤਾ ਸਤਿ। ਅਯਂ ਖੋ, ਭਿਕ੍ਖવੇ, ਏਕਧਮ੍ਮੋ ਭਾવਿਤੋ ਬਹੁਲੀਕਤੋ ਮਹਤੋ ਸਂવੇਗਾਯ ਸਂવਤ੍ਤਤਿ… ਮਹਤੋ ਅਤ੍ਥਾਯ ਸਂવਤ੍ਤਤਿ… ਮਹਤੋ ਯੋਗਕ੍ਖੇਮਾਯ ਸਂવਤ੍ਤਤਿ… ਸਤਿਸਮ੍ਪਜਞ੍ਞਾਯ ਸਂવਤ੍ਤਤਿ… ਞਾਣਦਸ੍ਸਨਪ੍ਪਟਿਲਾਭਾਯ ਸਂવਤ੍ਤਤਿ… ਦਿਟ੍ਠਧਮ੍ਮਸੁਖવਿਹਾਰਾਯ ਸਂવਤ੍ਤਤਿ… વਿਜ੍ਜਾવਿਮੁਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਤੀ’’ਤਿ।
564-570. ‘‘Ekadhammo, bhikkhave, bhāvito bahulīkato mahato saṃvegāya saṃvattati… mahato atthāya saṃvattati… mahato yogakkhemāya saṃvattati… satisampajaññāya saṃvattati… ñāṇadassanappaṭilābhāya saṃvattati… diṭṭhadhammasukhavihārāya saṃvattati… vijjāvimuttiphalasacchikiriyāya saṃvattati. Katamo ekadhammo? Kāyagatā sati. Ayaṃ kho, bhikkhave, ekadhammo bhāvito bahulīkato mahato saṃvegāya saṃvattati… mahato atthāya saṃvattati… mahato yogakkhemāya saṃvattati… satisampajaññāya saṃvattati… ñāṇadassanappaṭilābhāya saṃvattati… diṭṭhadhammasukhavihārāya saṃvattati… vijjāvimuttiphalasacchikiriyāya saṃvattatī’’ti.
੫੭੧. ‘‘ਏਕਧਮ੍ਮੇ , ਭਿਕ੍ਖવੇ, ਭਾવਿਤੇ ਬਹੁਲੀਕਤੇ ਕਾਯੋਪਿ ਪਸ੍ਸਮ੍ਭਤਿ, ਚਿਤ੍ਤਮ੍ਪਿ ਪਸ੍ਸਮ੍ਭਤਿ, વਿਤਕ੍ਕવਿਚਾਰਾਪਿ વੂਪਸਮ੍ਮਨ੍ਤਿ, ਕੇવਲਾਪਿ વਿਜ੍ਜਾਭਾਗਿਯਾ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ। ਕਤਮਸ੍ਮਿਂ ਏਕਧਮ੍ਮੇ? ਕਾਯਗਤਾਯ ਸਤਿਯਾ। ਇਮਸ੍ਮਿਂ ਖੋ, ਭਿਕ੍ਖવੇ, ਏਕਧਮ੍ਮੇ ਭਾવਿਤੇ ਬਹੁਲੀਕਤੇ ਕਾਯੋਪਿ ਪਸ੍ਸਮ੍ਭਤਿ, ਚਿਤ੍ਤਮ੍ਪਿ ਪਸ੍ਸਮ੍ਭਤਿ, વਿਤਕ੍ਕવਿਚਾਰਾਪਿ વੂਪਸਮ੍ਮਨ੍ਤਿ, ਕੇવਲਾਪਿ વਿਜ੍ਜਾਭਾਗਿਯਾ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤੀ’’ਤਿ।
571. ‘‘Ekadhamme , bhikkhave, bhāvite bahulīkate kāyopi passambhati, cittampi passambhati, vitakkavicārāpi vūpasammanti, kevalāpi vijjābhāgiyā dhammā bhāvanāpāripūriṃ gacchanti. Katamasmiṃ ekadhamme? Kāyagatāya satiyā. Imasmiṃ kho, bhikkhave, ekadhamme bhāvite bahulīkate kāyopi passambhati, cittampi passambhati, vitakkavicārāpi vūpasammanti, kevalāpi vijjābhāgiyā dhammā bhāvanāpāripūriṃ gacchantī’’ti.
੫੭੨. ‘‘ਏਕਧਮ੍ਮੇ, ਭਿਕ੍ਖવੇ, ਭਾવਿਤੇ ਬਹੁਲੀਕਤੇ ਅਨੁਪ੍ਪਨ੍ਨਾ ਚੇવ ਅਕੁਸਲਾ ਧਮ੍ਮਾ ਨੁਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਪਹੀਯਨ੍ਤਿ। ਕਤਮਸ੍ਮਿਂ ਏਕਧਮ੍ਮੇ? ਕਾਯਗਤਾਯ ਸਤਿਯਾ। ਇਮਸ੍ਮਿਂ ਖੋ, ਭਿਕ੍ਖવੇ, ਏਕਧਮ੍ਮੇ ਭਾવਿਤੇ ਬਹੁਲੀਕਤੇ ਅਨੁਪ੍ਪਨ੍ਨਾ ਚੇવ ਅਕੁਸਲਾ ਧਮ੍ਮਾ ਨੁਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਪਹੀਯਨ੍ਤੀ’’ਤਿ।
572. ‘‘Ekadhamme, bhikkhave, bhāvite bahulīkate anuppannā ceva akusalā dhammā nuppajjanti, uppannā ca akusalā dhammā pahīyanti. Katamasmiṃ ekadhamme? Kāyagatāya satiyā. Imasmiṃ kho, bhikkhave, ekadhamme bhāvite bahulīkate anuppannā ceva akusalā dhammā nuppajjanti, uppannā ca akusalā dhammā pahīyantī’’ti.
੫੭੩. ‘‘ਏਕਧਮ੍ਮੇ , ਭਿਕ੍ਖવੇ, ਭਾવਿਤੇ ਬਹੁਲੀਕਤੇ ਅਨੁਪ੍ਪਨ੍ਨਾ ਚੇવ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤਿ। ਕਤਮਸ੍ਮਿਂ ਏਕਧਮ੍ਮੇ? ਕਾਯਗਤਾਯ ਸਤਿਯਾ। ਇਮਸ੍ਮਿਂ ਖੋ, ਭਿਕ੍ਖવੇ, ਏਕਧਮ੍ਮੇ ਭਾવਿਤੇ ਬਹੁਲੀਕਤੇ ਅਨੁਪ੍ਪਨ੍ਨਾ ਚੇવ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਭਿਯ੍ਯੋਭਾવਾਯ વੇਪੁਲ੍ਲਾਯ ਸਂવਤ੍ਤਨ੍ਤੀ’’ਤਿ।
573. ‘‘Ekadhamme , bhikkhave, bhāvite bahulīkate anuppannā ceva kusalā dhammā uppajjanti, uppannā ca kusalā dhammā bhiyyobhāvāya vepullāya saṃvattanti. Katamasmiṃ ekadhamme? Kāyagatāya satiyā. Imasmiṃ kho, bhikkhave, ekadhamme bhāvite bahulīkate anuppannā ceva kusalā dhammā uppajjanti, uppannā ca kusalā dhammā bhiyyobhāvāya vepullāya saṃvattantī’’ti.
੫੭੪. ‘‘ਏਕਧਮ੍ਮੇ, ਭਿਕ੍ਖવੇ, ਭਾવਿਤੇ ਬਹੁਲੀਕਤੇ ਅવਿਜ੍ਜਾ ਪਹੀਯਤਿ, વਿਜ੍ਜਾ ਉਪ੍ਪਜ੍ਜਤਿ, ਅਸ੍ਮਿਮਾਨੋ ਪਹੀਯਤਿ, ਅਨੁਸਯਾ ਸਮੁਗ੍ਘਾਤਂ ਗਚ੍ਛਨ੍ਤਿ, ਸਂਯੋਜਨਾ ਪਹੀਯਨ੍ਤਿ। ਕਤਮਸ੍ਮਿਂ ਏਕਧਮ੍ਮੇ? ਕਾਯਗਤਾਯ ਸਤਿਯਾ। ਇਮਸ੍ਮਿਂ ਖੋ, ਭਿਕ੍ਖવੇ, ਏਕਧਮ੍ਮੇ ਭਾવਿਤੇ ਬਹੁਲੀਕਤੇ ਅવਿਜ੍ਜਾ ਪਹੀਯਤਿ, વਿਜ੍ਜਾ ਉਪ੍ਪਜ੍ਜਤਿ, ਅਸ੍ਮਿਮਾਨੋ ਪਹੀਯਤਿ, ਅਨੁਸਯਾ ਸਮੁਗ੍ਘਾਤਂ ਗਚ੍ਛਨ੍ਤਿ, ਸਂਯੋਜਨਾ ਪਹੀਯਨ੍ਤੀ’’ਤਿ।
574. ‘‘Ekadhamme, bhikkhave, bhāvite bahulīkate avijjā pahīyati, vijjā uppajjati, asmimāno pahīyati, anusayā samugghātaṃ gacchanti, saṃyojanā pahīyanti. Katamasmiṃ ekadhamme? Kāyagatāya satiyā. Imasmiṃ kho, bhikkhave, ekadhamme bhāvite bahulīkate avijjā pahīyati, vijjā uppajjati, asmimāno pahīyati, anusayā samugghātaṃ gacchanti, saṃyojanā pahīyantī’’ti.
੫੭੫-੫੭੬. ‘‘ਏਕਧਮ੍ਮੋ, ਭਿਕ੍ਖવੇ, ਭਾવਿਤੋ ਬਹੁਲੀਕਤੋ ਪਞ੍ਞਾਪਭੇਦਾਯ ਸਂવਤ੍ਤਤਿ… ਅਨੁਪਾਦਾਪਰਿਨਿਬ੍ਬਾਨਾਯ ਸਂવਤ੍ਤਤਿ। ਕਤਮੋ ਏਕਧਮ੍ਮੋ? ਕਾਯਗਤਾ ਸਤਿ। ਅਯਂ ਖੋ, ਭਿਕ੍ਖવੇ, ਏਕਧਮ੍ਮੋ ਭਾવਿਤੋ ਬਹੁਲੀਕਤੋ ਪਞ੍ਞਾਪਭੇਦਾਯ ਸਂવਤ੍ਤਤਿ… ਅਨੁਪਾਦਾਪਰਿਨਿਬ੍ਬਾਨਾਯ ਸਂવਤ੍ਤਤੀ’’ਤਿ।
575-576. ‘‘Ekadhammo, bhikkhave, bhāvito bahulīkato paññāpabhedāya saṃvattati… anupādāparinibbānāya saṃvattati. Katamo ekadhammo? Kāyagatā sati. Ayaṃ kho, bhikkhave, ekadhammo bhāvito bahulīkato paññāpabhedāya saṃvattati… anupādāparinibbānāya saṃvattatī’’ti.
੫੭੭-੫੭੯. ‘‘ਏਕਧਮ੍ਮੇ , ਭਿਕ੍ਖવੇ, ਭਾવਿਤੇ ਬਹੁਲੀਕਤੇ ਅਨੇਕਧਾਤੁਪਟਿવੇਧੋ ਹੋਤਿ… ਨਾਨਾਧਾਤੁਪਟਿવੇਧੋ ਹੋਤਿ… ਅਨੇਕਧਾਤੁਪਟਿਸਮ੍ਭਿਦਾ ਹੋਤਿ। ਕਤਮਸ੍ਮਿਂ ਏਕਧਮ੍ਮੇ? ਕਾਯਗਤਾਯ ਸਤਿਯਾ। ਇਮਸ੍ਮਿਂ ਖੋ, ਭਿਕ੍ਖવੇ, ਏਕਧਮ੍ਮੇ ਭਾવਿਤੇ ਬਹੁਲੀਕਤੇ ਅਨੇਕਧਾਤੁਪਟਿવੇਧੋ ਹੋਤਿ… ਨਾਨਾਧਾਤੁਪਟਿવੇਧੋ ਹੋਤਿ… ਅਨੇਕਧਾਤੁਪਟਿਸਮ੍ਭਿਦਾ ਹੋਤੀ’’ਤਿ।
577-579. ‘‘Ekadhamme , bhikkhave, bhāvite bahulīkate anekadhātupaṭivedho hoti… nānādhātupaṭivedho hoti… anekadhātupaṭisambhidā hoti. Katamasmiṃ ekadhamme? Kāyagatāya satiyā. Imasmiṃ kho, bhikkhave, ekadhamme bhāvite bahulīkate anekadhātupaṭivedho hoti… nānādhātupaṭivedho hoti… anekadhātupaṭisambhidā hotī’’ti.
੫੮੦-੫੮੩. ‘‘ਏਕਧਮ੍ਮੋ, ਭਿਕ੍ਖવੇ, ਭਾવਿਤੋ ਬਹੁਲੀਕਤੋ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਅਨਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਅਰਹਤ੍ਤਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ। ਕਤਮੋ ਏਕਧਮ੍ਮੋ? ਕਾਯਗਤਾ ਸਤਿ। ਅਯਂ ਖੋ, ਭਿਕ੍ਖવੇ, ਏਕਧਮ੍ਮੋ ਭਾવਿਤੋ ਬਹੁਲੀਕਤੋ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਅਨਾਗਾਮਿਫਲਸਚ੍ਛਿਕਿਰਿਯਾਯ ਸਂવਤ੍ਤਤਿ… ਅਰਹਤ੍ਤਫਲਸਚ੍ਛਿਕਿਰਿਯਾਯ ਸਂવਤ੍ਤਤੀ’’ਤਿ।
580-583. ‘‘Ekadhammo, bhikkhave, bhāvito bahulīkato sotāpattiphalasacchikiriyāya saṃvattati… sakadāgāmiphalasacchikiriyāya saṃvattati… anāgāmiphalasacchikiriyāya saṃvattati… arahattaphalasacchikiriyāya saṃvattati. Katamo ekadhammo? Kāyagatā sati. Ayaṃ kho, bhikkhave, ekadhammo bhāvito bahulīkato sotāpattiphalasacchikiriyāya saṃvattati… sakadāgāmiphalasacchikiriyāya saṃvattati… anāgāmiphalasacchikiriyāya saṃvattati… arahattaphalasacchikiriyāya saṃvattatī’’ti.
੫੮੪-੫੯੯. ‘‘ਏਕਧਮ੍ਮੋ , ਭਿਕ੍ਖવੇ, ਭਾવਿਤੋ ਬਹੁਲੀਕਤੋ ਪਞ੍ਞਾਪਟਿਲਾਭਾਯ ਸਂવਤ੍ਤਤਿ… ਪਞ੍ਞਾવੁਦ੍ਧਿਯਾ ਸਂવਤ੍ਤਤਿ… ਪਞ੍ਞਾવੇਪੁਲ੍ਲਾਯ ਸਂવਤ੍ਤਤਿ… ਮਹਾਪਞ੍ਞਤਾਯ ਸਂવਤ੍ਤਤਿ… ਪੁਥੁਪਞ੍ਞਤਾਯ ਸਂવਤ੍ਤਤਿ… વਿਪੁਲਪਞ੍ਞਤਾਯ ਸਂવਤ੍ਤਤਿ… ਗਮ੍ਭੀਰਪਞ੍ਞਤਾਯ ਸਂવਤ੍ਤਤਿ… ਅਸਾਮਨ੍ਤਪਞ੍ਞਤਾਯ 1 ਸਂવਤ੍ਤਤਿ… ਭੂਰਿਪਞ੍ਞਤਾਯ ਸਂવਤ੍ਤਤਿ… ਪਞ੍ਞਾਬਾਹੁਲ੍ਲਾਯ ਸਂવਤ੍ਤਤਿ… ਸੀਘਪਞ੍ਞਤਾਯ ਸਂવਤ੍ਤਤਿ… ਲਹੁਪਞ੍ਞਤਾਯ ਸਂવਤ੍ਤਤਿ… ਹਾਸਪਞ੍ਞਤਾਯ 2 ਸਂવਤ੍ਤਤਿ… ਜવਨਪਞ੍ਞਤਾਯ ਸਂવਤ੍ਤਤਿ… ਤਿਕ੍ਖਪਞ੍ਞਤਾਯ ਸਂવਤ੍ਤਤਿ… ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਤਿ। ਕਤਮੋ ਏਕਧਮ੍ਮੋ? ਕਾਯਗਤਾ ਸਤਿ। ਅਯਂ ਖੋ, ਭਿਕ੍ਖવੇ, ਏਕਧਮ੍ਮੋ ਭਾવਿਤੋ ਬਹੁਲੀਕਤੋ ਪਞ੍ਞਾਪਟਿਲਾਭਾਯ ਸਂવਤ੍ਤਤਿ… ਪਞ੍ਞਾવੁਦ੍ਧਿਯਾ ਸਂવਤ੍ਤਤਿ… ਪਞ੍ਞਾવੇਪੁਲ੍ਲਾਯ ਸਂવਤ੍ਤਤਿ… ਮਹਾਪਞ੍ਞਤਾਯ ਸਂવਤ੍ਤਤਿ… ਪੁਥੁਪਞ੍ਞਤਾਯ ਸਂવਤ੍ਤਤਿ… વਿਪੁਲਪਞ੍ਞਤਾਯ ਸਂવਤ੍ਤਤਿ… ਗਮ੍ਭੀਰਪਞ੍ਞਤਾਯ ਸਂવਤ੍ਤਤਿ… ਅਸਾਮਨ੍ਤਪਞ੍ਞਤਾਯ ਸਂવਤ੍ਤਤਿ… ਭੂਰਿਪਞ੍ਞਤਾਯ ਸਂવਤ੍ਤਤਿ… ਪਞ੍ਞਾਬਾਹੁਲ੍ਲਾਯ ਸਂવਤ੍ਤਤਿ… ਸੀਘਪਞ੍ਞਤਾਯ ਸਂવਤ੍ਤਤਿ… ਲਹੁਪਞ੍ਞਤਾਯ ਸਂવਤ੍ਤਤਿ… ਹਾਸਪਞ੍ਞਤਾਯ ਸਂવਤ੍ਤਤਿ… ਜવਨਪਞ੍ਞਤਾਯ ਸਂવਤ੍ਤਤਿ… ਤਿਕ੍ਖਪਞ੍ਞਤਾਯ ਸਂવਤ੍ਤਤਿ… ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਤੀ’’ਤਿ।
584-599. ‘‘Ekadhammo , bhikkhave, bhāvito bahulīkato paññāpaṭilābhāya saṃvattati… paññāvuddhiyā saṃvattati… paññāvepullāya saṃvattati… mahāpaññatāya saṃvattati… puthupaññatāya saṃvattati… vipulapaññatāya saṃvattati… gambhīrapaññatāya saṃvattati… asāmantapaññatāya 3 saṃvattati… bhūripaññatāya saṃvattati… paññābāhullāya saṃvattati… sīghapaññatāya saṃvattati… lahupaññatāya saṃvattati… hāsapaññatāya 4 saṃvattati… javanapaññatāya saṃvattati… tikkhapaññatāya saṃvattati… nibbedhikapaññatāya saṃvattati. Katamo ekadhammo? Kāyagatā sati. Ayaṃ kho, bhikkhave, ekadhammo bhāvito bahulīkato paññāpaṭilābhāya saṃvattati… paññāvuddhiyā saṃvattati… paññāvepullāya saṃvattati… mahāpaññatāya saṃvattati… puthupaññatāya saṃvattati… vipulapaññatāya saṃvattati… gambhīrapaññatāya saṃvattati… asāmantapaññatāya saṃvattati… bhūripaññatāya saṃvattati… paññābāhullāya saṃvattati… sīghapaññatāya saṃvattati… lahupaññatāya saṃvattati… hāsapaññatāya saṃvattati… javanapaññatāya saṃvattati… tikkhapaññatāya saṃvattati… nibbedhikapaññatāya saṃvattatī’’ti.
ਕਾਯਗਤਾਸਤਿવਗ੍ਗੋ ਏਕੂਨવੀਸਤਿਮੋ।
Kāyagatāsativaggo ekūnavīsatimo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੯. ਕਾਯਗਤਾਸਤਿવਗ੍ਗવਣ੍ਣਨਾ • 19. Kāyagatāsativaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੯. ਕਾਯਗਤਾਸਤਿવਗ੍ਗવਣ੍ਣਨਾ • 19. Kāyagatāsativaggavaṇṇanā
