| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൬. ഛട്ഠവഗ്ഗോ
6. Chaṭṭhavaggo
(൬൨) ൧൦. കായകമ്മം സനിദസ്സനന്തികഥാ
(62) 10. Kāyakammaṃ sanidassanantikathā
൪൬൯. കായകമ്മം സനിദസ്സനന്തി? ആമന്താ. രൂപം രൂപായതനം രൂപധാതു നീലം പീതകം ലോഹിതകം ഓദാതം ചക്ഖുവിഞ്ഞേയ്യം ചക്ഖുസ്മിം പടിഹഞ്ഞതി ചക്ഖുസ്സ ആപാഥം ആഗച്ഛതീതി? ന ഹേവം വത്തബ്ബേ…പേ॰….
469. Kāyakammaṃ sanidassananti? Āmantā. Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti? Na hevaṃ vattabbe…pe….
കായകമ്മം സനിദസ്സനന്തി? ആമന്താ. ചക്ഖുഞ്ച പടിച്ച കായകമ്മഞ്ച ഉപ്പജ്ജതി ചക്ഖുവിഞ്ഞാണന്തി? ന ഹേവം വത്തബ്ബേ…പേ॰….
Kāyakammaṃ sanidassananti? Āmantā. Cakkhuñca paṭicca kāyakammañca uppajjati cakkhuviññāṇanti? Na hevaṃ vattabbe…pe….
ചക്ഖുഞ്ച പടിച്ച കായകമ്മഞ്ച ഉപ്പജ്ജതി ചക്ഖുവിഞ്ഞാണന്തി? ആമന്താ. ‘‘ചക്ഖുഞ്ച പടിച്ച കായകമ്മഞ്ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോതി? നത്ഥി. ‘‘ചക്ഖുഞ്ച പടിച്ച രൂപേ ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോതി? ആമന്താ. ഹഞ്ചി ‘‘ചക്ഖുഞ്ച പടിച്ച രൂപേ ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോ, നോ ച വത രേ വത്തബ്ബേ – ‘‘ചക്ഖുഞ്ച പടിച്ച കായകമ്മഞ്ച ഉപ്പജ്ജതി ചക്ഖുവിഞ്ഞാണ’’ന്തി.
Cakkhuñca paṭicca kāyakammañca uppajjati cakkhuviññāṇanti? Āmantā. ‘‘Cakkhuñca paṭicca kāyakammañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca kāyakammañca uppajjati cakkhuviññāṇa’’nti.
൪൭൦. ന വത്തബ്ബം – ‘‘കായകമ്മം സനിദസ്സന’’ന്തി? ആമന്താ. നനു പസ്സതി അഭിക്കമന്തം പടിക്കമന്തം ആലോകേന്തം വിലോകേന്തം സമിഞ്ജേന്തം പസാരേന്തന്തി? ആമന്താ. ഹഞ്ചി പസ്സതി അഭിക്കമന്തം പടിക്കമന്തം ആലോകേന്തം വിലോകേന്തം സമിഞ്ജേന്തം പസാരേന്തം, തേന വത രേ വത്തബ്ബേ – ‘‘കായകമ്മം സനിദസ്സന’’ന്തി.
470. Na vattabbaṃ – ‘‘kāyakammaṃ sanidassana’’nti? Āmantā. Nanu passati abhikkamantaṃ paṭikkamantaṃ ālokentaṃ vilokentaṃ samiñjentaṃ pasārentanti? Āmantā. Hañci passati abhikkamantaṃ paṭikkamantaṃ ālokentaṃ vilokentaṃ samiñjentaṃ pasārentaṃ, tena vata re vattabbe – ‘‘kāyakammaṃ sanidassana’’nti.
കായകമ്മം സനിദസ്സനന്തികഥാ നിട്ഠിതാ.
Kāyakammaṃ sanidassanantikathā niṭṭhitā.
ഛട്ഠവഗ്ഗോ.
Chaṭṭhavaggo.
തസ്സുദ്ദാനം –
Tassuddānaṃ –
നിയമോ അസങ്ഖതോ, പടിച്ചസമുപ്പാദോ അസങ്ഖതോ, ചത്താരി സച്ചാനി അസങ്ഖതാനി, ചത്താരോ ആരുപ്പാ അസങ്ഖതാ, നിരോധസമാപത്തി അസങ്ഖതാ, ആകാസോ അസങ്ഖതോ, ആകാസോ സനിദസ്സനോ, ചത്താരോ മഹാഭൂതാ, പഞ്ചിന്ദ്രിയാനി, തഥേവ കായകമ്മന്തി.
Niyamo asaṅkhato, paṭiccasamuppādo asaṅkhato, cattāri saccāni asaṅkhatāni, cattāro āruppā asaṅkhatā, nirodhasamāpatti asaṅkhatā, ākāso asaṅkhato, ākāso sanidassano, cattāro mahābhūtā, pañcindriyāni, tatheva kāyakammanti.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. പഥവീധാതുസനിദസ്സനാതിആദികഥാവണ്ണനാ • 10. Pathavīdhātusanidassanātiādikathāvaṇṇanā
