| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༢. སཱམཉྙཝགྒོ
12. Sāmaññavaggo
༡. ཀཱཡཱནུཔསྶཱིསུཏྟཾ
1. Kāyānupassīsuttaṃ
༡༡༧. ‘‘ཚ , བྷིཀྑཝེ, དྷམྨེ ཨཔྤཧཱཡ ཨབྷབྦོ ཀཱཡེ ཀཱཡཱནུཔསྶཱི ཝིཧརིཏུཾ། ཀཏམེ ཚ? ཀམྨཱརཱམཏཾ, བྷསྶཱརཱམཏཾ, ནིདྡཱརཱམཏཾ, སངྒཎིཀཱརཱམཏཾ, ཨིནྡྲིཡེསུ ཨགུཏྟདྭཱརཏཾ, བྷོཛནེ ཨམཏྟཉྙུཏཾ། ཨིམེ ཁོ, བྷིཀྑཝེ, ཚ དྷམྨེ ཨཔྤཧཱཡ ཨབྷབྦོ ཀཱཡེ ཀཱཡཱནུཔསྶཱི ཝིཧརིཏུཾ།
117. ‘‘Cha , bhikkhave, dhamme appahāya abhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ. Ime kho, bhikkhave, cha dhamme appahāya abhabbo kāye kāyānupassī viharituṃ.
‘‘ཚ , བྷིཀྑཝེ, དྷམྨེ པཧཱཡ བྷབྦོ ཀཱཡེ ཀཱཡཱནུཔསྶཱི ཝིཧརིཏུཾ། ཀཏམེ ཚ? ཀམྨཱརཱམཏཾ, བྷསྶཱརཱམཏཾ, ནིདྡཱརཱམཏཾ, སངྒཎིཀཱརཱམཏཾ, ཨིནྡྲིཡེསུ ཨགུཏྟདྭཱརཏཾ, བྷོཛནེ ཨམཏྟཉྙུཏཾ – ཨིམེ ཁོ, བྷིཀྑཝེ, ཚ དྷམྨེ པཧཱཡ བྷབྦོ ཀཱཡེ ཀཱཡཱནུཔསྶཱི ཝིཧརིཏུ’’ནྟི། པཋམཾ།
‘‘Cha , bhikkhave, dhamme pahāya bhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ – ime kho, bhikkhave, cha dhamme pahāya bhabbo kāye kāyānupassī viharitu’’nti. Paṭhamaṃ.
