| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. कायसक्खिसुत्तवण्णना
2. Kāyasakkhisuttavaṇṇanā
४३. दुतिये यथा यथा च तदायतनन्ति येन येन कारणेन येन येनाकारेन तं पठमज्झानसङ्खातं आयतनं होति। तथा तथा नं कायेन फुसित्वा विहरतीति तेन तेन कारणेन तेन तेनाकारेन तं समापत्तिं सहजातनामकायेन फुसित्वा विहरति, समापज्जतीति अत्थो। कायसक्खि वुत्तो भगवता परियायेनाति यस्मा तेन नामाकायेन पठमज्झानं सच्छिकतं, तस्मा इमिना परियायेन कायसक्खि वुत्तो। निप्परियायेनाति यत्तकं कायेन सच्छिकातब्बं, सब्बस्स कतत्ता अयं निप्परियायेन कायसक्खि नाम।
43. Dutiye yathā yathā ca tadāyatananti yena yena kāraṇena yena yenākārena taṃ paṭhamajjhānasaṅkhātaṃ āyatanaṃ hoti. Tathā tathā naṃ kāyena phusitvā viharatīti tena tena kāraṇena tena tenākārena taṃ samāpattiṃ sahajātanāmakāyena phusitvā viharati, samāpajjatīti attho. Kāyasakkhi vutto bhagavatā pariyāyenāti yasmā tena nāmākāyena paṭhamajjhānaṃ sacchikataṃ, tasmā iminā pariyāyena kāyasakkhi vutto. Nippariyāyenāti yattakaṃ kāyena sacchikātabbaṃ, sabbassa katattā ayaṃ nippariyāyena kāyasakkhi nāma.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / २. कायसक्खीसुत्तं • 2. Kāyasakkhīsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. सम्बाधसुत्तादिवण्णना • 1-10. Sambādhasuttādivaṇṇanā
