| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. гааяасам̣саг̇г̇асигкаабад̣̇аван̣н̣анаа
2. Kāyasaṃsaggasikkhāpadavaṇṇanā
269. д̇зна самаязна б̣уд̣̇д̇хо бхаг̇аваад̇и гааяасам̣саг̇г̇асигкаабад̣̇ам̣. д̇ад̇рааяам̣ ануд̇д̇аанабад̣̇аван̣н̣анаа – аран̃н̃з вихарад̇ийд̇и на аавзн̣игз аран̃н̃з, ж̇зд̇аванавихаарассзва бажжанд̇з згабассз. маж̇жхз г̇аб̣бход̇и д̇асса жа вихаарасса маж̇жхз г̇аб̣бхо ход̇и. саманд̇аа барияааг̇аарод̇и саманд̇аа банасса ман̣д̣аламаал̣абаригкзбо ход̇и. со гира маж̇жхз жад̇урассам̣ г̇аб̣бхам̣ гад̇ваа б̣ахи ман̣д̣аламаал̣абаригкзбзна гад̇о, яат̇аа саггаа ход̇и анд̇оязва аавин̃чанд̇зхи вижарид̇ум̣.
269.Tenasamayena buddho bhagavāti kāyasaṃsaggasikkhāpadaṃ. Tatrāyaṃ anuttānapadavaṇṇanā – araññe viharatīti na āveṇike araññe, jetavanavihārasseva paccante ekapasse. Majjhe gabbhoti tassa ca vihārassa majjhe gabbho hoti. Samantā pariyāgāroti samantā panassa maṇḍalamāḷaparikkhepo hoti. So kira majjhe caturassaṃ gabbhaṃ katvā bahi maṇḍalamāḷaparikkhepena kato, yathā sakkā hoti antoyeva āviñchantehi vicarituṃ.
субан̃н̃ад̇д̇анд̇и судта табид̇ам̣, яат̇аа яат̇аа яасмим̣ яасмин̃жа огаасз табид̇ам̣ баасаад̣̇игам̣ ход̇и логаран̃ж̇агам̣ д̇ат̇аа д̇ат̇аа д̇асмим̣ д̇асмим̣ огаасз табид̇ам̣, вад̇д̇асийсзна хи сом̣ згагижжамби на гарод̇и. згажжз ваад̇абаанз виваранд̇од̇и язсу вивадзсу анд̇хагааро ход̇и д̇аани виваранд̇о язсу вивадзсу аалого ход̇и д̇аани т̇агзнд̇о.
Supaññattanti suṭṭha ṭhapitaṃ, yathā yathā yasmiṃ yasmiñca okāse ṭhapitaṃ pāsādikaṃ hoti lokarañjakaṃ tathā tathā tasmiṃ tasmiṃ okāse ṭhapitaṃ, vattasīsena hi soṃ ekakiccampi na karoti. Ekacce vātapāne vivarantoti yesu vivaṭesu andhakāro hoti tāni vivaranto yesu vivaṭesu āloko hoti tāni thakento.
звам̣ вуд̇д̇з саа б̣раахман̣ий д̇ам̣ б̣раахман̣ам̣ зд̇ад̣̇авожаад̇и звам̣ д̇зна б̣раахман̣зна басам̣сид̇ваа вуд̇д̇з саа б̣раахман̣ий ‘‘басанно аяам̣ б̣раахман̣о баб̣б̣аж̇ид̇угаамо ман̃н̃з’’д̇и саллагкзд̇ваа ниг̇уухид̇аб̣б̣амби д̇ам̣ ад̇д̇ано виббагаарам̣ багаасзнд̇ий гзвалам̣ д̇асса сад̣̇д̇хаавигхаад̇аабзгкаа худ̇ваа зд̇ам̣ ‘‘гуд̇о д̇асса ул̣аарад̇д̇ад̇аа’’д̇иаад̣̇иважанамавожа. д̇ад̇т̇а ул̣ааро ад̇д̇аа ассаад̇и ул̣аарад̇д̇аа, ул̣аарад̇д̇ано бхааво удтаарад̇д̇ад̇аа. гулид̇т̇ийхийд̇иаад̣̇ийсу гулид̇т̇ияо наама гхарассааминияо. гулад̇хийд̇аро наама бурисанд̇араг̇ад̇аа гулад̇хийд̇аро . гулагумаарияо наама анивидтаа вужжанд̇и. гуласун̣хаа наама барагулад̇о аанийд̇аа гулад̣̇аарагаанам̣ вад̇хуяо.
Evaṃ vutte sā brāhmaṇī taṃ brāhmaṇaṃ etadavocāti evaṃ tena brāhmaṇena pasaṃsitvā vutte sā brāhmaṇī ‘‘pasanno ayaṃ brāhmaṇo pabbajitukāmo maññe’’ti sallakkhetvā nigūhitabbampi taṃ attano vippakāraṃ pakāsentī kevalaṃ tassa saddhāvighātāpekkhā hutvā etaṃ ‘‘kuto tassa uḷārattatā’’tiādivacanamavoca. Tattha uḷāro attā assāti uḷārattā, uḷārattano bhāvo uṭṭhārattatā. Kulitthīhītiādīsu kulitthiyo nāma gharassāminiyo. Kuladhītaro nāma purisantaragatā kuladhītaro . Kulakumāriyo nāma aniviṭṭhā vuccanti. Kulasuṇhā nāma parakulato ānītā kuladārakānaṃ vadhuyo.
270. од̇ин̣н̣од̇и яагкаад̣̇ийхи вияа сад̇д̇аа анд̇о уббаж̇ж̇анд̇зна рааг̇зна од̇ин̣н̣о, гуубаад̣̇ийни вияа сад̇д̇аа асамабзгкид̇ваа раж̇анийяз таанз раж̇ж̇анд̇о саяам̣ ваа рааг̇ам̣ од̇ин̣н̣о, яасмаа бана убхаяат̇ааби рааг̇асаман̇г̇иссзвзд̇ам̣ ад̇хиважанам̣, д̇асмаа ‘‘од̇ин̣н̣о наама саарад̇д̇о абзгкаваа бадиб̣ад̣̇д̇хажид̇д̇о’’д̇и звамасса бад̣̇абхааж̇анам̣ вуд̇д̇ам̣.
270.Otiṇṇoti yakkhādīhi viya sattā anto uppajjantena rāgena otiṇṇo, kūpādīni viya sattā asamapekkhitvā rajanīye ṭhāne rajjanto sayaṃ vā rāgaṃ otiṇṇo, yasmā pana ubhayathāpi rāgasamaṅgissevetaṃ adhivacanaṃ, tasmā ‘‘otiṇṇo nāma sāratto apekkhavā paṭibaddhacitto’’ti evamassa padabhājanaṃ vuttaṃ.
д̇ад̇т̇а саарад̇д̇од̇и гааяасам̣саг̇г̇арааг̇зна судту рад̇д̇о. абзгкаваад̇и гааяасам̣саг̇г̇аабзгкааяа абзгкаваа. бадиб̣ад̣̇д̇хажид̇д̇од̇и гааяасам̣саг̇г̇арааг̇знзва д̇асмим̣ вад̇т̇усмим̣ бадиб̣ад̣̇д̇хажид̇д̇о. вибарин̣ад̇знаад̇и барисуд̣̇д̇хабхаван̇г̇асанд̇ад̇исан̇каад̇ам̣ багад̇им̣ виж̇ахид̇ваа ан̃н̃ат̇аа бавад̇д̇зна, вируубам̣ ваа барин̣ад̇зна вируубам̣ баривад̇д̇зна, яат̇аа баривад̇д̇амаанам̣ вируубам̣ ход̇и звам̣ баривад̇д̇ид̇ваа тид̇знаад̇и ад̇хиббааяо.
Tattha sārattoti kāyasaṃsaggarāgena suṭṭhu ratto. Apekkhavāti kāyasaṃsaggāpekkhāya apekkhavā. Paṭibaddhacittoti kāyasaṃsaggarāgeneva tasmiṃ vatthusmiṃ paṭibaddhacitto. Vipariṇatenāti parisuddhabhavaṅgasantatisaṅkhātaṃ pakatiṃ vijahitvā aññathā pavattena, virūpaṃ vā pariṇatena virūpaṃ parivattena, yathā parivattamānaṃ virūpaṃ hoti evaṃ parivattitvā ṭhitenāti adhippāyo.
271. яасмаа банзд̇ам̣ рааг̇аад̣̇ийхи самбаяог̇ам̣ наад̇ивад̇д̇ад̇и, д̇асмаа ‘‘вибарин̣ад̇анд̇и рад̇д̇амби жид̇д̇а’’нд̇иаад̣̇инаа наязнасса бад̣̇абхааж̇анам̣ вад̇ваа анд̇з ид̇хаад̇хиббзд̇амад̇т̇ам̣ д̣̇ассзнд̇о ‘‘абижа рад̇д̇ам̣ жид̇д̇ам̣ имасмим̣ ад̇т̇з ад̇хиббзд̇ам̣ вибарин̣ад̇а’’нд̇и ааха.
271. Yasmā panetaṃ rāgādīhi sampayogaṃ nātivattati, tasmā ‘‘vipariṇatanti rattampi citta’’ntiādinā nayenassa padabhājanaṃ vatvā ante idhādhippetamatthaṃ dassento ‘‘apica rattaṃ cittaṃ imasmiṃ atthe adhippetaṃ vipariṇata’’nti āha.
д̇ад̣̇ахуж̇аад̇аад̇и д̇ам̣д̣̇ивасам̣ ж̇аад̇аа ж̇аад̇амад̇д̇аа алламам̣сабзсиван̣н̣аа, зваруубааяаби хи сад̣̇д̇хим̣ гааяасам̣саг̇г̇з сан̇гхаад̣̇исзсо, мзт̇унавийд̇иггамз баарааж̇игам̣, рахо нисаж̇ж̇ассаад̣̇з баажид̇д̇ияан̃жа ход̇и. баг̇зваад̇и батамамзва.
Tadahujātāti taṃdivasaṃ jātā jātamattā allamaṃsapesivaṇṇā, evarūpāyapi hi saddhiṃ kāyasaṃsagge saṅghādiseso, methunavītikkame pārājikaṃ, raho nisajjassāde pācittiyañca hoti. Pagevāti paṭhamameva.
гааяасам̣саг̇г̇ам̣ самаабаж̇ж̇зяяаад̇и хад̇т̇аг̇г̇ахан̣аад̣̇игааяасамбаяог̇ам̣ гааяамиссийбхаавам̣ самаабаж̇ж̇зяяа, яасмаа банзд̇ам̣ самаабаж̇ж̇анд̇асса яо со гааяасам̣саг̇г̇о наама со ад̇т̇ад̇о аж̇жхаажааро ход̇и, рааг̇авасзна абхибхавид̇ваа сан̃н̃амавзлам̣ аажааро, д̇асмаасса сан̇кзбана ад̇т̇ам̣ д̣̇ассзнд̇о ‘‘аж̇жхаажааро вужжад̇ий’’д̇и бад̣̇абхааж̇анамааха.
Kāyasaṃsaggaṃ samāpajjeyyāti hatthaggahaṇādikāyasampayogaṃ kāyamissībhāvaṃ samāpajjeyya, yasmā panetaṃ samāpajjantassa yo so kāyasaṃsaggo nāma so atthato ajjhācāro hoti, rāgavasena abhibhavitvā saññamavelaṃ ācāro, tasmāssa saṅkhepana atthaṃ dassento ‘‘ajjhācāro vuccatī’’ti padabhājanamāha.
хад̇т̇аг̇г̇аахам̣ ваад̇иаад̣̇ибхзд̣̇ам̣ банасса вид̇т̇аарзна ад̇т̇ад̣̇ассанам̣. д̇ад̇т̇а хад̇т̇аад̣̇ийнам̣ вибхааг̇ад̣̇ассанад̇т̇ам̣ ‘‘хад̇т̇о наама габбарам̣ убаад̣̇ааяаа’’д̇иаад̣̇имааха д̇ад̇т̇а габбарам̣ убаад̣̇ааяаад̇и д̣̇уд̇ияам̣. махаасанд̇хим̣ убаад̣̇ааяа. ан̃н̃ад̇т̇а бана ман̣иб̣анд̇хад̇о бадтааяа яаава аг̇г̇анакаа хад̇т̇о ид̇ха сад̣̇д̇хим̣ аг̇г̇аб̣аахааяа габбарад̇о бадтааяа ад̇хиббзд̇о.
Hatthaggāhaṃ vātiādibhedaṃ panassa vitthārena atthadassanaṃ. Tattha hatthādīnaṃ vibhāgadassanatthaṃ ‘‘hattho nāma kapparaṃ upādāyā’’tiādimāha tattha kapparaṃ upādāyāti dutiyaṃ. Mahāsandhiṃ upādāya. Aññattha pana maṇibandhato paṭṭhāya yāva agganakhā hattho idha saddhiṃ aggabāhāya kapparato paṭṭhāya adhippeto.
суд̣̇д̇хагзсаа ваад̇и суд̇д̇аад̣̇ийхи амиссаа суд̣̇д̇хаа гзсааязва. взн̣ийд̇и д̇ийхи гзсаваддийхи винанд̇хид̇ваа гад̇агзсагалаабассзд̇ам̣ наамам̣. суд̇д̇амиссаад̇и бан̃жаван̣н̣зна суд̇д̇зна гзсз миссзд̇ваа гад̇аа. маалаамиссаад̇и вассигабубпаад̣̇ийхи миссзд̇ваа д̇ийхи гзсаваддийхи винанд̇хид̇ваа гад̇аа, авинад̣̇д̇хоби ваа гзвалам̣ бубпамиссаго гзсагалаабо ид̇ха ‘‘взн̣ий’’д̇и взд̣̇ид̇аб̣б̣о. хиран̃н̃амиссаад̇и гахаабан̣амаалааяа миссзд̇ваа гад̇аа. суван̣н̣амиссаад̇и суван̣н̣ажийрагзхи ваа бааман̇г̇аад̣̇ийхи ваа миссзд̇ваа гад̇аа. муд̇д̇аамиссаад̇и муд̇д̇аавалийхи миссзд̇ваа гад̇аа. ман̣имиссаад̇и суд̇д̇ааруул̣хзхи ман̣ийхи миссзд̇ваа гад̇аа. зд̇аасу хи яам̣гин̃жи взн̣им̣ г̇ан̣ханд̇асса сан̇гхаад̣̇исзсоязва. ‘‘ахам̣ миссагавзн̣им̣ аг̇г̇ахзси’’нд̇и вад̣̇анд̇асса могко над̇т̇и. взн̣иг̇г̇ахан̣зна жзд̇т̇а гзсааби г̇ахид̇аава хонд̇и, д̇асмаа яо згамби гзсам̣ г̇ан̣хаад̇и д̇ассаби аабад̇д̇иязва.
Suddhakesā vāti suttādīhi amissā suddhā kesāyeva. Veṇīti tīhi kesavaṭṭīhi vinandhitvā katakesakalāpassetaṃ nāmaṃ. Suttamissāti pañcavaṇṇena suttena kese missetvā katā. Mālāmissāti vassikapupphādīhi missetvā tīhi kesavaṭṭīhi vinandhitvā katā, avinaddhopi vā kevalaṃ pupphamissako kesakalāpo idha ‘‘veṇī’’ti veditabbo. Hiraññamissāti kahāpaṇamālāya missetvā katā. Suvaṇṇamissāti suvaṇṇacīrakehi vā pāmaṅgādīhi vā missetvā katā. Muttāmissāti muttāvalīhi missetvā katā. Maṇimissāti suttārūḷhehi maṇīhi missetvā katā. Etāsu hi yaṃkiñci veṇiṃ gaṇhantassa saṅghādisesoyeva. ‘‘Ahaṃ missakaveṇiṃ aggahesi’’nti vadantassa mokkho natthi. Veṇiggahaṇena cettha kesāpi gahitāva honti, tasmā yo ekampi kesaṃ gaṇhāti tassapi āpattiyeva.
хад̇т̇ан̃жа взн̣ин̃жа табзд̇ваад̇и ид̇ха вуд̇д̇алагкан̣ам̣ хад̇т̇ан̃жа саб̣б̣аббагааран̃жа взн̣им̣ табзд̇ваа авасзсам̣ сарийрам̣ ‘‘ан̇г̇а’’нд̇и взд̣̇ид̇аб̣б̣ам̣. звам̣ барижчиннзсу хад̇т̇аад̣̇ийсу хад̇т̇асса г̇ахан̣ам̣ хад̇т̇аг̇г̇аахо, взн̣ияаа г̇ахан̣ам̣ взн̣иг̇г̇аахо, авасзсасасарийрасса бараамасанам̣ ан̃н̃ад̇арасса ваа ан̃н̃ад̇арасса ваа ан̇г̇асса бараамасанам̣, яо д̇ам̣ хад̇т̇аг̇г̇аахам̣ ваа взн̣иг̇г̇аахам̣ ваа ан̃н̃ад̇арасса ваа ан̃н̃ад̇арасса ваа ан̇г̇асса бараамасанам̣ самаабаж̇ж̇зяяа, д̇асса сан̇гхаад̣̇исзсо наама аабад̇д̇инигааяо ход̇ийд̇и. аяам̣ сигкаабад̣̇асса ад̇т̇о.
Hatthañcaveṇiñca ṭhapetvāti idha vuttalakkhaṇaṃ hatthañca sabbappakārañca veṇiṃ ṭhapetvā avasesaṃ sarīraṃ ‘‘aṅga’’nti veditabbaṃ. Evaṃ paricchinnesu hatthādīsu hatthassa gahaṇaṃ hatthaggāho, veṇiyā gahaṇaṃ veṇiggāho, avasesasasarīrassa parāmasanaṃ aññatarassa vā aññatarassa vā aṅgassa parāmasanaṃ, yo taṃ hatthaggāhaṃ vā veṇiggāhaṃ vā aññatarassa vā aññatarassa vā aṅgassa parāmasanaṃ samāpajjeyya, tassa saṅghādiseso nāma āpattinikāyo hotīti. Ayaṃ sikkhāpadassa attho.
272. яасмаа бана яо жа хад̇т̇аг̇г̇аахо яо жа взн̣иг̇г̇аахо яан̃жа авасзсасса ан̇г̇асса бараамасанам̣ д̇ам̣ саб̣б̣амби бхзд̣̇ад̇о д̣̇ваад̣̇асавид̇хам̣ ход̇и, д̇асмаа д̇ам̣ бхзд̣̇ам̣ д̣̇ассзд̇ум̣ ‘‘аамасанаа бараамасанаа’’д̇иаад̣̇инаа наязнасса бад̣̇абхааж̇анам̣ вуд̇д̇ам̣. д̇ад̇т̇а яан̃жа вуд̇д̇ам̣ ‘‘аамасанаа наама аамадтамад̇д̇аа’’д̇и яан̃жа ‘‘чубанам̣ наама пудтамад̇д̇а’’нд̇и, имзсам̣ аяам̣ висзсо – аамасанаад̇и аамаж̇ж̇анаа пудтогаасам̣ анад̇иггамид̇вааби д̇ад̇т̇зва сан̇гхадданаа. аяан̃хи ‘‘аамадтамад̇д̇аа’’д̇и вужжад̇и. чубананд̇и асан̇гхаддзд̇ваа пудтамад̇д̇ам̣.
272. Yasmā pana yo ca hatthaggāho yo ca veṇiggāho yañca avasesassa aṅgassa parāmasanaṃ taṃ sabbampi bhedato dvādasavidhaṃ hoti, tasmā taṃ bhedaṃ dassetuṃ ‘‘āmasanā parāmasanā’’tiādinā nayenassa padabhājanaṃ vuttaṃ. Tattha yañca vuttaṃ ‘‘āmasanā nāma āmaṭṭhamattā’’ti yañca ‘‘chupanaṃ nāma phuṭṭhamatta’’nti, imesaṃ ayaṃ viseso – āmasanāti āmajjanā phuṭṭhokāsaṃ anatikkamitvāpi tattheva saṅghaṭṭanā. Ayañhi ‘‘āmaṭṭhamattā’’ti vuccati. Chupananti asaṅghaṭṭetvā phuṭṭhamattaṃ.
яамби уммасанааяа жа уллан̇гханааяа жа нид̣̇д̣̇зсз ‘‘уд̣̇д̇хам̣ ужжааран̣аа’’д̇и згамзва бад̣̇ам̣ вуд̇д̇ам̣. д̇ад̇рааби аяам̣ висзсо – батамам̣ ад̇д̇ано гааяасса ид̇т̇ияаа гааяз уд̣̇д̇хам̣ бзсанавасзна вуд̇д̇ам̣, д̣̇уд̇ияам̣ ид̇т̇ияаа гааяам̣ угкибанавасзна, сзсам̣ баагадамзва.
Yampi ummasanāya ca ullaṅghanāya ca niddese ‘‘uddhaṃ uccāraṇā’’ti ekameva padaṃ vuttaṃ. Tatrāpi ayaṃ viseso – paṭhamaṃ attano kāyassa itthiyā kāye uddhaṃ pesanavasena vuttaṃ, dutiyaṃ itthiyā kāyaṃ ukkhipanavasena, sesaṃ pākaṭameva.
273. ид̣̇аани явааяам̣ од̇ин̣н̣о вибарин̣ад̇зна жид̇д̇зна гааяасам̣саг̇г̇ам̣ самаабаж̇ж̇ад̇и, д̇асса зд̇зсам̣ бад̣̇аанам̣ васзна вид̇т̇аарад̇о аабад̇д̇ибхзд̣̇ам̣ д̣̇ассзнд̇о ‘‘ид̇т̇ий жа ход̇и ид̇т̇исан̃н̃ий саарад̇д̇о жа бхигку жа нам̣ ид̇т̇ияаа гааязна гааяа’’нд̇иаад̣̇имааха. д̇ад̇т̇а бхигку жа нам̣ ид̇т̇ияаа гааязна гааяанд̇и со саарад̇д̇о жа ид̇т̇исан̃н̃ий жа бхигку ад̇д̇ано гааязна. нанд̇и нибаад̇амад̇д̇ам̣. ат̇а ваа зд̇ам̣ д̇ассаа ид̇т̇ияаа хад̇т̇аад̣̇ибхзд̣̇ам̣ гааяам̣. аамасад̇и бараамасад̇ийд̇и зд̇зсу жз згзнааби аагаарзна аж̇жхаажарад̇и, аабад̇д̇и сан̇гхаад̣̇исзсасса. д̇ад̇т̇а сагим̣ аамасад̇о згаа аабад̇д̇и, бунаббунам̣ аамасад̇о баяог̇з баяог̇з сан̇гхаад̣̇исзсо.
273. Idāni yvāyaṃ otiṇṇo vipariṇatena cittena kāyasaṃsaggaṃ samāpajjati, tassa etesaṃ padānaṃ vasena vitthārato āpattibhedaṃ dassento ‘‘itthī ca hoti itthisaññī sāratto ca bhikkhu ca naṃ itthiyā kāyena kāya’’ntiādimāha. Tattha bhikkhu ca naṃ itthiyā kāyena kāyanti so sāratto ca itthisaññī ca bhikkhu attano kāyena. Nanti nipātamattaṃ. Atha vā etaṃ tassā itthiyā hatthādibhedaṃ kāyaṃ. Āmasati parāmasatīti etesu ce ekenāpi ākārena ajjhācarati, āpatti saṅghādisesassa. Tattha sakiṃ āmasato ekā āpatti, punappunaṃ āmasato payoge payoge saṅghādiseso.
бараамасанд̇оби сажз гааяад̇о аможзд̇ваава ид̇о жид̇о жа ад̇д̇ано хад̇т̇ам̣ ваа гааяам̣ ваа сан̃жобзд̇и харад̇и бзсзд̇и д̣̇ивасамби бараамасад̇о згаава аабад̇д̇и. сажз гааяад̇о можзд̇ваа можзд̇ваа бараамасад̇и баяог̇з баяог̇з аабад̇д̇и.
Parāmasantopi sace kāyato amocetvāva ito cito ca attano hatthaṃ vā kāyaṃ vā sañcopeti harati peseti divasampi parāmasato ekāva āpatti. Sace kāyato mocetvā mocetvā parāmasati payoge payoge āpatti.
омасанд̇оби сажз гааяад̇о аможзд̇ваава ид̇т̇ияаа мад̇т̇агад̇о бадтааяа яаава баад̣̇абидтим̣ омасад̇и згаава аабад̇д̇и. сажз бана уд̣̇араад̣̇ийсу д̇ам̣ д̇ам̣ таанам̣ бад̇ваа мун̃жид̇ваа мун̃жид̇ваа омасад̇и баяог̇з баяог̇з аабад̇д̇и. уммасанааяаби баад̣̇ад̇о бадтааяа яаава сийсам̣ уммасанд̇асса зсзва наяо.
Omasantopi sace kāyato amocetvāva itthiyā matthakato paṭṭhāya yāva pādapiṭṭhiṃ omasati ekāva āpatti. Sace pana udarādīsu taṃ taṃ ṭhānaṃ patvā muñcitvā muñcitvā omasati payoge payoge āpatti. Ummasanāyapi pādato paṭṭhāya yāva sīsaṃ ummasantassa eseva nayo.
олан̇гханааяа маад̇уг̇аамам̣ гзсзсу г̇ахзд̇ваа наамзд̇ваа жумб̣анаад̣̇ийсу яам̣ аж̇жхаажаарам̣ ижчад̇и д̇ам̣ гад̇ваа мун̃жад̇о згаава аабад̇д̇и. удтид̇ам̣ бунаббунам̣ наамаяад̇о баяог̇з баяог̇з аабад̇д̇и. уллан̇гханааяаби гзсзсу ваа хад̇т̇зсу ваа г̇ахзд̇ваа вудтаабаяад̇о зсзва наяо.
Olaṅghanāya mātugāmaṃ kesesu gahetvā nāmetvā cumbanādīsu yaṃ ajjhācāraṃ icchati taṃ katvā muñcato ekāva āpatti. Uṭṭhitaṃ punappunaṃ nāmayato payoge payoge āpatti. Ullaṅghanāyapi kesesu vā hatthesu vā gahetvā vuṭṭhāpayato eseva nayo.
аагад̣дханааяа ад̇д̇ано абхимукам̣ аагад̣дханд̇о яаава на мун̃жад̇и д̇аава згаава аабад̇д̇и. мун̃жид̇ваа мун̃жид̇ваа аагад̣дханд̇асса баяог̇з баяог̇з аабад̇д̇и. бад̇игад̣дханааяаби бараммукам̣ бидтияам̣ г̇ахзд̇ваа бадиббан̣аамаяад̇о зсзва наяо.
Ākaḍḍhanāya attano abhimukhaṃ ākaḍḍhanto yāva na muñcati tāva ekāva āpatti. Muñcitvā muñcitvā ākaḍḍhantassa payoge payoge āpatti. Patikaḍḍhanāyapi parammukhaṃ piṭṭhiyaṃ gahetvā paṭippaṇāmayato eseva nayo.
абхиниг̇г̇ан̣ханааяа хад̇т̇з ваа б̣аахааяа ваа д̣̇ал̣хам̣ г̇ахзд̇ваа яож̇анамби г̇ажчад̇о згаава аабад̇д̇и. мун̃жид̇ваа бунаббунам̣ г̇ан̣хад̇о баяог̇з баяог̇з аабад̇д̇и. амун̃жид̇ваа бунаббунам̣ пусад̇о жа аалин̇г̇ад̇о жа баяог̇з баяог̇з аабад̇д̇ийд̇и махаасумад̇т̇зро ааха. махаабад̣̇умад̇т̇зро банааха – ‘‘муулаг̇г̇ахан̣амзва бамаан̣ам̣, д̇асмаа яаава на мун̃жад̇и д̇аава згаа зва аабад̇д̇ий’’д̇и.
Abhiniggaṇhanāya hatthe vā bāhāya vā daḷhaṃ gahetvā yojanampi gacchato ekāva āpatti. Muñcitvā punappunaṃ gaṇhato payoge payoge āpatti. Amuñcitvā punappunaṃ phusato ca āliṅgato ca payoge payoge āpattīti mahāsumatthero āha. Mahāpadumatthero panāha – ‘‘mūlaggahaṇameva pamāṇaṃ, tasmā yāva na muñcati tāva ekā eva āpattī’’ti.
абхиниббийл̣анааяа вад̇т̇зна ваа аабхаран̣зна ваа сад̣̇д̇хим̣ бийл̣аяад̇о ан̇г̇ам̣ апусанд̇асса т̇уллажжаяам̣, пусанд̇асса сан̇гхаад̣̇исзсо, згабаяог̇зна згаа аабад̇д̇и, наанаабаяог̇зна наанаа.
Abhinippīḷanāya vatthena vā ābharaṇena vā saddhiṃ pīḷayato aṅgaṃ aphusantassa thullaccayaṃ, phusantassa saṅghādiseso, ekapayogena ekā āpatti, nānāpayogena nānā.
г̇ахан̣ачубанзсу ан̃н̃ам̣ гин̃жи вигаарам̣ агаронд̇оби г̇ахид̇амад̇д̇апудтамад̇д̇знааби аабад̇д̇им̣ аабаж̇ж̇ад̇и.
Gahaṇachupanesu aññaṃ kiñci vikāraṃ akarontopi gahitamattaphuṭṭhamattenāpi āpattiṃ āpajjati.
звамзд̇зсу аамасанаад̣̇ийсу згзнааби аагаарзна аж̇жхаажаарад̇о ид̇т̇ияаа ид̇т̇исан̃н̃исса сан̇гхаад̣̇исзсо, взмад̇игасса т̇уллажжаяам̣, бан̣д̣агабурисад̇иражчаанаг̇ад̇асан̃н̃иссааби т̇уллажжаяамзва. бан̣д̣агз бан̣д̣агасан̃н̃исса т̇уллажжаяам̣, взмад̇игасса д̣̇уггадам̣. бурисад̇иражчаанаг̇ад̇аид̇т̇исан̃н̃иссааби д̣̇уггадамзва. бурисз бурисасан̃н̃иссааби взмад̇игассааби ид̇т̇ибан̣д̣агад̇иражчаанаг̇ад̇асан̃н̃иссааби д̣̇уггадамзва. д̇иражчаанаг̇ад̇зби саб̣б̣аагаарзна д̣̇уггадамзваад̇и. имаа згамуулаганаяз вуд̇д̇аа аабад̇д̇ияо саллагкзд̇ваа иминаава убааязна ‘‘д̣̇вз ид̇т̇ияо д̣̇виннам̣ ид̇т̇ийна’’нд̇иаад̣̇ивасзна вуд̇д̇з д̣̇умуулаганаязби д̣̇иг̇ун̣аа аабад̇д̇ияо взд̣̇ид̇аб̣б̣аа. яат̇аа жа д̣̇вийсу ид̇т̇ийсу д̣̇вз сан̇гхаад̣̇исзсаа; звам̣ самб̣ахулаасу самб̣ахулаа взд̣̇ид̇аб̣б̣аа.
Evametesu āmasanādīsu ekenāpi ākārena ajjhācārato itthiyā itthisaññissa saṅghādiseso, vematikassa thullaccayaṃ, paṇḍakapurisatiracchānagatasaññissāpi thullaccayameva. Paṇḍake paṇḍakasaññissa thullaccayaṃ, vematikassa dukkaṭaṃ. Purisatiracchānagataitthisaññissāpi dukkaṭameva. Purise purisasaññissāpi vematikassāpi itthipaṇḍakatiracchānagatasaññissāpi dukkaṭameva. Tiracchānagatepi sabbākārena dukkaṭamevāti. Imā ekamūlakanaye vuttā āpattiyo sallakkhetvā imināva upāyena ‘‘dve itthiyo dvinnaṃ itthīna’’ntiādivasena vutte dumūlakanayepi diguṇā āpattiyo veditabbā. Yathā ca dvīsu itthīsu dve saṅghādisesā; evaṃ sambahulāsu sambahulā veditabbā.
яо хи згад̇о тид̇аа самб̣ахулаа ид̇т̇ияо б̣аахаахи баригкибид̇ваа г̇ан̣хаад̇и со яад̇д̇агаа ид̇т̇ияо пудтаа д̇аасам̣ г̇ан̣анааяа сан̇гхаад̣̇исзсз аабаж̇ж̇ад̇и, маж̇жхаг̇ад̇аанам̣ г̇ан̣анааяа т̇уллажжаяз. д̇аа хи д̇зна гааяаббадиб̣ад̣̇д̇хзна аамадтаа хонд̇и. яо бана самб̣ахулаанам̣ ан̇г̇улияо ваа гзсз ваа згад̇о гад̇ваа г̇ан̣хаад̇и, со ан̇г̇улияо жа гзсз жа аг̇ан̣зд̇ваа ид̇т̇ияо г̇ан̣зд̇ваа сан̇гхаад̣̇исзсзхи гаарзд̇аб̣б̣о. яаасан̃жа ид̇т̇ийнам̣ ан̇г̇улияо ваа гзсаа ваа маж̇жхаг̇ад̇аа хонд̇и, д̇аасам̣ г̇ан̣анааяа т̇уллажжаяз аабаж̇ж̇ад̇и. д̇аа хи д̇зна гааяаббадиб̣ад̣̇д̇хзна аамадтаа хонд̇и, самб̣ахулаа бана ид̇т̇ияо гааяаббадиб̣ад̣̇д̇хзхи раж̇ж̇увад̇т̇аад̣̇ийхи баригкибид̇ваа г̇ан̣ханд̇о саб̣б̣аасам̣язва анд̇обаригкзбаг̇ад̇аанам̣ г̇ан̣анааяа т̇уллажжаяз аабаж̇ж̇ад̇и. махаабажжарияам̣ апудтаасу д̣̇уггадам̣ вуд̇д̇ам̣. д̇ад̇т̇а яасмаа баал̣ияам̣ гааяаббадиб̣ад̣̇д̇хаббадиб̣ад̣̇д̇хзна аамасанам̣ наама над̇т̇и, д̇асмаа саб̣б̣амби гааяаббадиб̣ад̣̇д̇хаббадиб̣ад̣̇д̇хам̣ гааяаббадиб̣ад̣̇д̇хзнзва сан̇г̇ахзд̇ваа махааадтагат̇ааяан̃жа гурунд̣̇ияан̃жа вуд̇д̇о буриманаяоязвзд̇т̇а яуд̇д̇ад̇аро д̣̇иссад̇и.
Yo hi ekato ṭhitā sambahulā itthiyo bāhāhi parikkhipitvā gaṇhāti so yattakā itthiyo phuṭṭhā tāsaṃ gaṇanāya saṅghādisese āpajjati, majjhagatānaṃ gaṇanāya thullaccaye. Tā hi tena kāyappaṭibaddhena āmaṭṭhā honti. Yo pana sambahulānaṃ aṅguliyo vā kese vā ekato katvā gaṇhāti, so aṅguliyo ca kese ca agaṇetvā itthiyo gaṇetvā saṅghādisesehi kāretabbo. Yāsañca itthīnaṃ aṅguliyo vā kesā vā majjhagatā honti, tāsaṃ gaṇanāya thullaccaye āpajjati. Tā hi tena kāyappaṭibaddhena āmaṭṭhā honti, sambahulā pana itthiyo kāyappaṭibaddhehi rajjuvatthādīhi parikkhipitvā gaṇhanto sabbāsaṃyeva antoparikkhepagatānaṃ gaṇanāya thullaccaye āpajjati. Mahāpaccariyaṃ aphuṭṭhāsu dukkaṭaṃ vuttaṃ. Tattha yasmā pāḷiyaṃ kāyappaṭibaddhappaṭibaddhena āmasanaṃ nāma natthi, tasmā sabbampi kāyappaṭibaddhappaṭibaddhaṃ kāyappaṭibaddheneva saṅgahetvā mahāaṭṭhakathāyañca kurundiyañca vutto purimanayoyevettha yuttataro dissati.
яо хи хад̇т̇зна хад̇т̇ам̣ г̇ахзд̇ваа бадибаадияаа тид̇аасу ид̇т̇ийсу самасаарааг̇о згам̣ хад̇т̇з г̇ан̣хаад̇и, со г̇ахид̇ид̇т̇ияаа васзна згам̣ сан̇гхаад̣̇исзсам̣ аабаж̇ж̇ад̇и, ид̇араасам̣ г̇ан̣анааяа буриманаязнзва т̇уллажжаяз. сажз со д̇ам̣ гааяаббадиб̣ад̣̇д̇хз вад̇т̇з ваа бубпз ваа г̇ан̣хаад̇и, саб̣б̣аасам̣ г̇ан̣анааяа т̇уллажжаяз аабаж̇ж̇ад̇и. яат̇зва хи раж̇ж̇увад̇т̇аад̣̇ийхи баригкибанд̇зна саб̣б̣ааби гааяаббадиб̣ад̣̇д̇хзна аамадтаа хонд̇и, д̇ат̇аа ид̇хааби саб̣б̣ааби гааяаббадиб̣ад̣̇д̇хзна аамадтаа хонд̇и. сажз бана д̇аа ид̇т̇ияо ан̃н̃аман̃н̃ам̣ вад̇т̇агодияам̣ г̇ахзд̇ваа тид̇аа хонд̇и, д̇ад̇ра жзсо буриманаязнзва батамам̣ ид̇т̇им̣ хад̇т̇з г̇ан̣хаад̇и г̇ахид̇ааяа васзна сан̇гхаад̣̇исзсам̣ аабаж̇ж̇ад̇и, ид̇араасам̣ г̇ан̣анааяа д̣̇уггадаани. саб̣б̣аасан̃хи д̇аасам̣ д̇зна буриманаязнзва гааяабадиб̣ад̣̇д̇хзна гааяаббадиб̣ад̣̇д̇хам̣ аамадтам̣ ход̇и. сажз бана соби д̇ам̣ гааяаббадиб̣ад̣̇д̇хзязва г̇ан̣хаад̇и д̇ассаа васзна т̇уллажжаяам̣ аабаж̇ж̇ад̇и, ид̇араасам̣ г̇ан̣анааяа ананд̇аранаязнзва д̣̇уггадаани.
Yo hi hatthena hatthaṃ gahetvā paṭipāṭiyā ṭhitāsu itthīsu samasārāgo ekaṃ hatthe gaṇhāti, so gahititthiyā vasena ekaṃ saṅghādisesaṃ āpajjati, itarāsaṃ gaṇanāya purimanayeneva thullaccaye. Sace so taṃ kāyappaṭibaddhe vatthe vā pupphe vā gaṇhāti, sabbāsaṃ gaṇanāya thullaccaye āpajjati. Yatheva hi rajjuvatthādīhi parikkhipantena sabbāpi kāyappaṭibaddhena āmaṭṭhā honti, tathā idhāpi sabbāpi kāyappaṭibaddhena āmaṭṭhā honti. Sace pana tā itthiyo aññamaññaṃ vatthakoṭiyaṃ gahetvā ṭhitā honti, tatra ceso purimanayeneva paṭhamaṃ itthiṃ hatthe gaṇhāti gahitāya vasena saṅghādisesaṃ āpajjati, itarāsaṃ gaṇanāya dukkaṭāni. Sabbāsañhi tāsaṃ tena purimanayeneva kāyapaṭibaddhena kāyappaṭibaddhaṃ āmaṭṭhaṃ hoti. Sace pana sopi taṃ kāyappaṭibaddheyeva gaṇhāti tassā vasena thullaccayaṃ āpajjati, itarāsaṃ gaṇanāya anantaranayeneva dukkaṭāni.
яо бана гханавад̇т̇анивад̇т̇ам̣ ид̇т̇им̣ гааяасам̣саг̇г̇арааг̇зна вад̇т̇з гхаддзд̇и, т̇уллажжаяам̣. вирал̣авад̇т̇анивад̇т̇ам̣ гхаддзд̇и, д̇ад̇ра жз вад̇т̇анд̇арзхи ид̇т̇ияаа ваа нигканд̇аломаани бхигкум̣ бхигкуно ваа бавидталомаани ид̇т̇им̣ пусанд̇и, убхиннам̣ ломааниязва ваа ломаани пусанд̇и, сан̇гхаад̣̇исзсо. убаад̣̇иннагзна хи гаммаж̇аруубзна убаад̣̇иннагам̣ ваа анубаад̣̇иннагам̣ ваа анубаад̣̇иннагзнаби гзнажи гзсаад̣̇инаа убаад̣̇иннагам̣ ваа анубаад̣̇иннагам̣ ваа пусанд̇оби сан̇гхаад̣̇исзсам̣ аабаж̇ж̇ад̇иязва.
Yo pana ghanavatthanivatthaṃ itthiṃ kāyasaṃsaggarāgena vatthe ghaṭṭeti, thullaccayaṃ. Viraḷavatthanivatthaṃ ghaṭṭeti, tatra ce vatthantarehi itthiyā vā nikkhantalomāni bhikkhuṃ bhikkhuno vā paviṭṭhalomāni itthiṃ phusanti, ubhinnaṃ lomāniyeva vā lomāni phusanti, saṅghādiseso. Upādinnakena hi kammajarūpena upādinnakaṃ vā anupādinnakaṃ vā anupādinnakenapi kenaci kesādinā upādinnakaṃ vā anupādinnakaṃ vā phusantopi saṅghādisesaṃ āpajjatiyeva.
д̇ад̇т̇а гурунд̣̇ияам̣ ‘‘ломаани г̇ан̣зд̇ваа сан̇гхаад̣̇исзсо’’д̇и вуд̇д̇ам̣. махааадтагат̇ааяам̣ бана ‘‘ломаани г̇ан̣зд̇ваа аабад̇д̇ияаа на гаарзд̇аб̣б̣о, згамзва сан̇гхаад̣̇исзсам̣ аабаж̇ж̇ад̇и. сан̇гхигаман̃жз бана абажжад̇т̇арид̇ваа нибанно ломаани г̇ан̣зд̇ваа гаарзд̇аб̣б̣о’’д̇и вуд̇д̇ам̣ , д̇ад̣̇зва яуд̇д̇ам̣. ид̇т̇ивасзна хи аяам̣ аабад̇д̇и, на годтаасавасзнаад̇и.
Tattha kurundiyaṃ ‘‘lomāni gaṇetvā saṅghādiseso’’ti vuttaṃ. Mahāaṭṭhakathāyaṃ pana ‘‘lomāni gaṇetvā āpattiyā na kāretabbo, ekameva saṅghādisesaṃ āpajjati. Saṅghikamañce pana apaccattharitvā nipanno lomāni gaṇetvā kāretabbo’’ti vuttaṃ , tadeva yuttaṃ. Itthivasena hi ayaṃ āpatti, na koṭṭhāsavasenāti.
зд̇т̇ааха ‘‘яо бана ‘гааяаббадиб̣ад̣̇д̇хам̣ г̇ан̣хиссаамий’д̇и гааяам̣ г̇ан̣хаад̇и, ‘гааяам̣ г̇ан̣хиссаамий’д̇и гааяаббадиб̣ад̣̇д̇хам̣ г̇ан̣хаад̇и, со гим̣ аабаж̇ж̇ад̇ий’’д̇и. махаасумад̇т̇зро д̇аава ‘‘яат̇аавад̇т̇угамзваа’’д̇и вад̣̇ад̇и. аяам̣ гирасса лад̣̇д̇хи –
Etthāha ‘‘yo pana ‘kāyappaṭibaddhaṃ gaṇhissāmī’ti kāyaṃ gaṇhāti, ‘kāyaṃ gaṇhissāmī’ti kāyappaṭibaddhaṃ gaṇhāti, so kiṃ āpajjatī’’ti. Mahāsumatthero tāva ‘‘yathāvatthukamevā’’ti vadati. Ayaṃ kirassa laddhi –
‘‘вад̇т̇у сан̃н̃аа жа рааг̇о жа, пассаббадивиж̇аананаа;
‘‘Vatthu saññā ca rāgo ca, phassappaṭivijānanā;
яат̇аанид̣̇д̣̇идтанид̣̇д̣̇зсз, г̇аругам̣ д̇зна гаараяз’’д̇и.
Yathāniddiṭṭhaniddese, garukaṃ tena kāraye’’ti.
зд̇т̇а ‘‘вад̇т̇уу’’д̇и ид̇т̇ий. ‘‘сан̃н̃аа’’д̇и ид̇т̇исан̃н̃аа. ‘‘рааг̇о’’д̇и гааяасам̣саг̇г̇арааг̇о. ‘‘пассаббадивиж̇аананаа’’д̇и гааяасам̣саг̇г̇апассаж̇аананаа. д̇асмаа яо ид̇т̇ияаа ид̇т̇исан̃н̃ий гааяасам̣саг̇г̇арааг̇зна ‘‘гааяаббадиб̣ад̣̇д̇хам̣ г̇ахзссаамий’’д̇и бавад̇д̇оби гааяам̣ пусад̇и, г̇аругам̣ сан̇гхаад̣̇исзсам̣язва аабаж̇ж̇ад̇и. ид̇ароби т̇уллажжаяанд̇и махаабад̣̇умад̇т̇зро банааха –
Ettha ‘‘vatthū’’ti itthī. ‘‘Saññā’’ti itthisaññā. ‘‘Rāgo’’ti kāyasaṃsaggarāgo. ‘‘Phassappaṭivijānanā’’ti kāyasaṃsaggaphassajānanā. Tasmā yo itthiyā itthisaññī kāyasaṃsaggarāgena ‘‘kāyappaṭibaddhaṃ gahessāmī’’ti pavattopi kāyaṃ phusati, garukaṃ saṅghādisesaṃyeva āpajjati. Itaropi thullaccayanti mahāpadumatthero panāha –
‘‘сан̃н̃ааяа вирааг̇ид̇амхи, г̇ахан̣з жа вирааг̇ид̇з;
‘‘Saññāya virāgitamhi, gahaṇe ca virāgite;
яат̇аанид̣̇д̣̇идтанид̣̇д̣̇зсз, г̇аругам̣ д̇ад̇т̇а на д̣̇иссад̇ий’’д̇и.
Yathāniddiṭṭhaniddese, garukaṃ tattha na dissatī’’ti.
ассаабааяам̣ лад̣̇д̇хи ид̇т̇ияаа ид̇т̇исан̃н̃ино хи сан̇гхаад̣̇исзсо вуд̇д̇о. иминаа жа ид̇т̇исан̃н̃аа вирааг̇ид̇аа гааяаббадиб̣ад̣̇д̇хз гааяаббадиб̣ад̣̇д̇хасан̃н̃аа уббаад̣̇ид̇аа, д̇ам̣ г̇ан̣ханд̇асса бана т̇уллажжаяам̣ вуд̇д̇ам̣. иминаа жа г̇ахан̣амби вирааг̇ид̇ам̣ д̇ам̣ аг̇г̇ахзд̇ваа ид̇т̇ий г̇ахид̇аа, д̇асмаа зд̇т̇а ид̇т̇исан̃н̃ааяа абхаавад̇о сан̇гхаад̣̇исзсо на д̣̇иссад̇и, гааяаббадиб̣ад̣̇д̇хасса аг̇г̇ахид̇ад̇д̇аа т̇уллажжаяам̣ на д̣̇иссад̇и, гааяасам̣саг̇г̇арааг̇зна пудтад̇д̇аа бана д̣̇уггадам̣. гааяасам̣саг̇г̇арааг̇зна хи имам̣ наама вад̇т̇ум̣ пусад̇о анаабад̇д̇ийд̇и над̇т̇и, д̇асмаа д̣̇уггадамзваад̇и.
Assāpāyaṃ laddhi itthiyā itthisaññino hi saṅghādiseso vutto. Iminā ca itthisaññā virāgitā kāyappaṭibaddhe kāyappaṭibaddhasaññā uppāditā, taṃ gaṇhantassa pana thullaccayaṃ vuttaṃ. Iminā ca gahaṇampi virāgitaṃ taṃ aggahetvā itthī gahitā, tasmā ettha itthisaññāya abhāvato saṅghādiseso na dissati, kāyappaṭibaddhassa aggahitattā thullaccayaṃ na dissati, kāyasaṃsaggarāgena phuṭṭhattā pana dukkaṭaṃ. Kāyasaṃsaggarāgena hi imaṃ nāma vatthuṃ phusato anāpattīti natthi, tasmā dukkaṭamevāti.
ид̣̇ан̃жа бана вад̇ваа ид̣̇ам̣ жад̇уггамааха. ‘‘саарад̇д̇ам̣ г̇ан̣хиссаамий’д̇и саарад̇д̇ам̣ г̇ан̣хи сан̇гхаад̣̇исзсо, ‘вирад̇д̇ам̣ г̇ан̣хиссаамий’д̇и вирад̇д̇ам̣ г̇ан̣хи д̣̇уггадам̣, ‘саарад̇д̇ам̣ г̇ан̣хиссаамий’д̇и вирад̇д̇ам̣ г̇ан̣хи д̣̇уггадам̣, ‘вирад̇д̇ам̣ г̇ан̣хиссаамий’д̇и саарад̇д̇ам̣ г̇ан̣хи д̣̇уггадамзваа’’д̇и. гин̃жааби звамааха? ат̇а ко махаасумад̇т̇зраваад̣̇оязвзд̇т̇а ‘‘ид̇т̇и жа ход̇и ид̇т̇исан̃н̃ий саарад̇д̇о жа бхигку жа нам̣ ид̇т̇ияаа гааязна гааяаббадиб̣ад̣̇д̇хам̣ аамасад̇и бараамасад̇и…бз… г̇ан̣хаад̇и чубад̇и аабад̇д̇и т̇уллажжаяассаа’’д̇и имааяа баал̣ияаа ‘‘яо хи згад̇о тид̇аа самб̣ахулаа ид̇т̇ияо б̣аахаахи баригкибид̇ваа г̇ан̣хаад̇и, со яад̇д̇агаа ид̇т̇ияо пудтаа д̇аасам̣ г̇ан̣анааяа сан̇гхаад̣̇исзсз аабаж̇ж̇ад̇и, маж̇жхаг̇ад̇аанам̣ г̇ан̣анааяа т̇уллажжаяз’’д̇иаад̣̇ийхи адтагат̇аавинижчаязхи жа самзд̇и. яад̣̇и хи сан̃н̃аад̣̇ивирааг̇зна вирааг̇ид̇ам̣ наама бхавзяяа ‘‘бан̣д̣аго жа ход̇и ид̇т̇исан̃н̃ий’’д̇иаад̣̇ийсу вияа ‘‘гааяаббадиб̣ад̣̇д̇хан̃жа ход̇и гааяасан̃н̃ий жаа’’д̇иаад̣̇инааби наязна баал̣ияам̣ висзсам̣ вад̣̇зяяа. яасмаа бана со на вуд̇д̇о, д̇асмаа ид̇т̇ияаа ид̇т̇исан̃н̃ааяа сад̇и ид̇т̇им̣ аамасанд̇асса сан̇гхаад̣̇исзсо, гааяаббадиб̣ад̣̇д̇хам̣ аамасанд̇асса т̇уллажжаяанд̇и яат̇аавад̇т̇угамзва яуж̇ж̇ад̇и.
Idañca pana vatvā idaṃ catukkamāha. ‘‘Sārattaṃ gaṇhissāmī’ti sārattaṃ gaṇhi saṅghādiseso, ‘virattaṃ gaṇhissāmī’ti virattaṃ gaṇhi dukkaṭaṃ, ‘sārattaṃ gaṇhissāmī’ti virattaṃ gaṇhi dukkaṭaṃ, ‘virattaṃ gaṇhissāmī’ti sārattaṃ gaṇhi dukkaṭamevā’’ti. Kiñcāpi evamāha? Atha kho mahāsumattheravādoyevettha ‘‘itthi ca hoti itthisaññī sāratto ca bhikkhu ca naṃ itthiyā kāyena kāyappaṭibaddhaṃ āmasati parāmasati…pe… gaṇhāti chupati āpatti thullaccayassā’’ti imāya pāḷiyā ‘‘yo hi ekato ṭhitā sambahulā itthiyo bāhāhi parikkhipitvā gaṇhāti, so yattakā itthiyo phuṭṭhā tāsaṃ gaṇanāya saṅghādisese āpajjati, majjhagatānaṃ gaṇanāya thullaccaye’’tiādīhi aṭṭhakathāvinicchayehi ca sameti. Yadi hi saññādivirāgena virāgitaṃ nāma bhaveyya ‘‘paṇḍako ca hoti itthisaññī’’tiādīsu viya ‘‘kāyappaṭibaddhañca hoti kāyasaññī cā’’tiādināpi nayena pāḷiyaṃ visesaṃ vadeyya. Yasmā pana so na vutto, tasmā itthiyā itthisaññāya sati itthiṃ āmasantassa saṅghādiseso, kāyappaṭibaddhaṃ āmasantassa thullaccayanti yathāvatthukameva yujjati.
махаабажжарияамби жзд̇ам̣ вуд̇д̇ам̣ – ‘‘нийлам̣ баарубид̇ваа саяид̇ааяа гаал̣ид̇т̇ияаа гааяам̣ гхаддзссаамий’д̇и гааяам̣ гхаддзд̇и, сан̇гхаад̣̇исзсо; ‘гааяам̣ гхаддзссаамий’д̇и нийлам̣ гхаддзд̇и, т̇уллажжаяам̣; ‘нийлам̣ гхаддзссаамий’д̇и гааяам̣ гхаддзд̇и, сан̇гхаад̣̇исзсо; ‘нийлам̣ гхаддзссаамий’д̇и нийлам̣ гхаддзд̇и, т̇уллажжаяа’’нд̇и. яобааяам̣ ‘‘ид̇т̇ий жа бан̣д̣аго жаа’’д̇иаад̣̇инаа наязна вад̇т̇умиссаганаяо вуд̇д̇о, д̇асмимби вад̇т̇у сан̃н̃аавимад̇ивасзна вуд̇д̇аа аабад̇д̇ияо баал̣ияам̣ асаммуяханд̇зна взд̣̇ид̇аб̣б̣аа.
Mahāpaccariyampi cetaṃ vuttaṃ – ‘‘nīlaṃ pārupitvā sayitāya kāḷitthiyā kāyaṃ ghaṭṭessāmī’ti kāyaṃ ghaṭṭeti, saṅghādiseso; ‘kāyaṃ ghaṭṭessāmī’ti nīlaṃ ghaṭṭeti, thullaccayaṃ; ‘nīlaṃ ghaṭṭessāmī’ti kāyaṃ ghaṭṭeti, saṅghādiseso; ‘nīlaṃ ghaṭṭessāmī’ti nīlaṃ ghaṭṭeti, thullaccaya’’nti. Yopāyaṃ ‘‘itthī ca paṇḍako cā’’tiādinā nayena vatthumissakanayo vutto, tasmimpi vatthu saññāvimativasena vuttā āpattiyo pāḷiyaṃ asammuyhantena veditabbā.
гааязнагааяаббадиб̣ад̣̇д̇хаваарз бана ид̇т̇ияаа ид̇т̇исан̃н̃исса гааяаббадиб̣ад̣̇д̇хам̣ г̇ан̣хад̇о т̇уллажжаяам̣, сзсз саб̣б̣ад̇т̇а д̣̇уггадам̣. гааяаббадиб̣ад̣̇д̇хзнагааяаваарзби зсзва наяо. гааяаббадиб̣ад̣̇д̇хзнагаааяаббадиб̣ад̣̇д̇хаваарз жа ниссаг̇г̇иязнагааяаваараад̣̇ийсу жасса саб̣б̣ад̇т̇а д̣̇уггадамзва.
Kāyenakāyappaṭibaddhavāre pana itthiyā itthisaññissa kāyappaṭibaddhaṃ gaṇhato thullaccayaṃ, sese sabbattha dukkaṭaṃ. Kāyappaṭibaddhenakāyavārepi eseva nayo. Kāyappaṭibaddhenakaāyappaṭibaddhavāre ca nissaggiyenakāyavārādīsu cassa sabbattha dukkaṭameva.
‘‘ид̇т̇ий жа ход̇и ид̇т̇исан̃н̃ий саарад̇д̇о жа ид̇т̇ий жа нам̣ бхигкусса гааязна гааяа’’нд̇иаад̣̇ивааро бана бхигкумхи маад̇уг̇аамасса рааг̇авасзна вуд̇д̇о. д̇ад̇т̇а ид̇т̇ий жа нам̣ бхигкусса гааязна гааяанд̇и бхигкумхи саарад̇д̇аа ид̇т̇ий д̇асса нисинногаасам̣ ваа нибанногаасам̣ ваа г̇анд̇ваа ад̇д̇ано гааязна д̇ам̣ бхигкусса гааяам̣ аамасад̇и…бз… чубад̇и. сзванаад̇хиббааяо гааязна вааяамад̇и, пассам̣ бадивиж̇аанаад̇ийд̇и звам̣ д̇ааяа аамадто ваа чубид̇о ваа сзванаад̇хиббааяо худ̇ваа сажз пассаббадивиж̇аананад̇т̇ам̣ ийсагамби гааяам̣ жаалзд̇и панд̣̇зд̇и, сан̇гхаад̣̇исзсам̣ аабаж̇ж̇ад̇и.
‘‘Itthī ca hoti itthisaññī sāratto ca itthī ca naṃ bhikkhussa kāyena kāya’’ntiādivāro pana bhikkhumhi mātugāmassa rāgavasena vutto. Tattha itthī ca naṃ bhikkhussa kāyena kāyanti bhikkhumhi sārattā itthī tassa nisinnokāsaṃ vā nipannokāsaṃ vā gantvā attano kāyena taṃ bhikkhussa kāyaṃ āmasati…pe… chupati. Sevanādhippāyo kāyena vāyamati, phassaṃ paṭivijānātīti evaṃ tāya āmaṭṭho vā chupito vā sevanādhippāyo hutvā sace phassappaṭivijānanatthaṃ īsakampi kāyaṃ cāleti phandeti, saṅghādisesaṃ āpajjati.
д̣̇вз ид̇т̇ияод̇и зд̇т̇а д̣̇вз сан̇гхаад̣̇исзсз аабаж̇ж̇ад̇и, ид̇т̇ияаа жа бан̣д̣агз жа сан̇гхаад̣̇исзсзна саха д̣̇уггадам̣ . зд̇зна убааязна яаава ‘‘ниссаг̇г̇иязна ниссаг̇г̇ияам̣ аамасад̇и, сзванаад̇хиббааяо гааязна вааяамад̇и на жа пассам̣ бадивиж̇аанаад̇и, аабад̇д̇и д̣̇уггадассаа’’д̇и д̇аава буриманаязнзва аабад̇д̇ибхзд̣̇о взд̣̇ид̇аб̣б̣о.
Dveitthiyoti ettha dve saṅghādisese āpajjati, itthiyā ca paṇḍake ca saṅghādisesena saha dukkaṭaṃ . Etena upāyena yāva ‘‘nissaggiyena nissaggiyaṃ āmasati, sevanādhippāyo kāyena vāyamati na ca phassaṃ paṭivijānāti, āpatti dukkaṭassā’’ti tāva purimanayeneva āpattibhedo veditabbo.
зд̇т̇а жа гааязна вааяамад̇и на жа пассам̣ бадивиж̇аанаад̇ийд̇и ад̇д̇анаа ниссадтам̣ бубпам̣ ваа палам̣ ваа ид̇т̇им̣ ад̇д̇ано ниссаг̇г̇иязна бубпзна ваа палзна ваа бахаранд̇им̣ д̣̇исваа гааязна вигаарам̣ гарод̇и, ан̇г̇улим̣ ваа жаалзд̇и, бхамугам̣ ваа угкибад̇и, агким̣ ваа никан̣ад̇и, ан̃н̃ам̣ ваа зваруубам̣ вигаарам̣ гарод̇и, аяам̣ вужжад̇и ‘‘гааязна вааяамад̇и на жа пассам̣ бадивиж̇аанаад̇ий’’д̇и. аяамби гааязна вааяамид̇ад̇д̇аа д̣̇уггадам̣ аабаж̇ж̇ад̇и, д̣̇вийсу ид̇т̇ийсу д̣̇вз, ид̇т̇ийбан̣д̣агзсуби д̣̇вз зва д̣̇уггадз аабаж̇ж̇ад̇и.
Ettha ca kāyena vāyamati na ca phassaṃ paṭivijānātīti attanā nissaṭṭhaṃ pupphaṃ vā phalaṃ vā itthiṃ attano nissaggiyena pupphena vā phalena vā paharantiṃ disvā kāyena vikāraṃ karoti, aṅguliṃ vā cāleti, bhamukaṃ vā ukkhipati, akkhiṃ vā nikhaṇati, aññaṃ vā evarūpaṃ vikāraṃ karoti, ayaṃ vuccati ‘‘kāyena vāyamati na ca phassaṃ paṭivijānātī’’ti. Ayampi kāyena vāyamitattā dukkaṭaṃ āpajjati, dvīsu itthīsu dve, itthīpaṇḍakesupi dve eva dukkaṭe āpajjati.
279. звам̣ вад̇т̇увасзна вид̇т̇аарад̇о аабад̇д̇ибхзд̣̇ам̣ д̣̇ассзд̇ваа ид̣̇аани лагкан̣авасзна сан̇кзбад̇о аабад̇д̇ибхзд̣̇ан̃жа анаабад̇д̇ибхзд̣̇ан̃жа д̣̇ассзнд̇о ‘‘сзванаад̇хиббааяо’’д̇иаад̣̇имааха. д̇ад̇т̇а буриманаяз ид̇т̇ияаа пудто самаано сзванаад̇хиббааяо гааязна вааяамад̇и, пассам̣ бадивиж̇аанаад̇ийд̇и д̇иван̇г̇асамбад̇д̇ияаа сан̇гхаад̣̇исзсо. д̣̇уд̇ияз наяз ниссаг̇г̇иязна ниссаг̇г̇ияаамасанз вияа вааяамид̇ваа ачубанз вияа жа пассасса аббадивиж̇аананад̇о д̣̇уван̇г̇асамбад̇д̇ияаа д̣̇уггадам̣. д̇ад̇ияз гааязна авааяамад̇о анаабад̇д̇и. яо хи сзванаад̇хиббааяоби нижжалзна гааязна гзвалам̣ пассам̣ бадивиж̇аанаад̇и саад̣̇ияад̇и анубход̇и, д̇асса жид̇д̇уббаад̣̇амад̇д̇з аабад̇д̇ияаа абхаавад̇о анаабад̇д̇и. жад̇уд̇т̇з бана ниссаг̇г̇иязна ниссаг̇г̇ияаамасанз вияа пассаббадивиж̇аананааби над̇т̇и, гзвалам̣ жид̇д̇уббаад̣̇амад̇д̇амзва, д̇асмаа анаабад̇д̇и. могкаад̇хиббааяасса саб̣б̣аагаарзсу анаабад̇д̇иязва.
279. Evaṃ vatthuvasena vitthārato āpattibhedaṃ dassetvā idāni lakkhaṇavasena saṅkhepato āpattibhedañca anāpattibhedañca dassento ‘‘sevanādhippāyo’’tiādimāha. Tattha purimanaye itthiyā phuṭṭho samāno sevanādhippāyo kāyena vāyamati, phassaṃ paṭivijānātīti tivaṅgasampattiyā saṅghādiseso. Dutiye naye nissaggiyena nissaggiyāmasane viya vāyamitvā achupane viya ca phassassa appaṭivijānanato duvaṅgasampattiyā dukkaṭaṃ. Tatiye kāyena avāyamato anāpatti. Yo hi sevanādhippāyopi niccalena kāyena kevalaṃ phassaṃ paṭivijānāti sādiyati anubhoti, tassa cittuppādamatte āpattiyā abhāvato anāpatti. Catutthe pana nissaggiyena nissaggiyāmasane viya phassappaṭivijānanāpi natthi, kevalaṃ cittuppādamattameva, tasmā anāpatti. Mokkhādhippāyassa sabbākāresu anāpattiyeva.
зд̇т̇а бана яо ид̇т̇ияаа г̇ахид̇о д̇ам̣ ад̇д̇ано сарийраа можзд̇угаамо бадиббан̣аамзд̇и ваа бахарад̇и ваа аяам̣ гааязна вааяамад̇и пассам̣ бадивиж̇аанаад̇и. яо ааг̇ажчанд̇им̣ д̣̇исваа д̇ад̇о мун̃жид̇угаамо уд̇д̇аасзд̇ваа балаабзд̇и, аяам̣ гааязна вааяамад̇и на жа пассам̣ бадивиж̇аанаад̇и. яо д̇аад̣̇исам̣ д̣̇ийгхаж̇аад̇им̣ гааяз ааруул̣хам̣ д̣̇исваа ‘‘сан̣игам̣ г̇ажчад̇у гхаддияамаанаа анад̇т̇ааяа сам̣вад̇д̇зяяаа’’д̇и на гхаддзд̇и, ид̇т̇имзва ваа ан̇г̇ам̣ пусамаанам̣ н̃ад̇ваа ‘‘зсаа ‘анад̇т̇иго аяам̣ маяаа’д̇и саяамзва баггамиссад̇ий’’д̇и аж̇аананд̇о вияа нижжало ход̇и, б̣алавид̇т̇ияаа ваа г̇аал̣хам̣ аалин̇г̇ид̇ваа г̇ахид̇о д̣̇ахарабхигку балааяид̇угаамоби судту г̇ахид̇ад̇д̇аа нижжало ход̇и, аяам̣ на жа гааязна вааяамад̇и, пассам̣ бадивиж̇аанаад̇и. яо бана ааг̇ажчанд̇им̣ д̣̇исваа ‘‘ааг̇ажчад̇у д̇аава д̇ад̇о нам̣ бахарид̇ваа ваа бан̣аамзд̇ваа ваа баггамиссаамий’’д̇и нижжало ход̇и, аяам̣ могкаад̇хиббааяо на жа гааязна вааяамад̇и, на жа пассам̣ бадивиж̇аанаад̇ийд̇и взд̣̇ид̇аб̣б̣о.
Ettha pana yo itthiyā gahito taṃ attano sarīrā mocetukāmo paṭippaṇāmeti vā paharati vā ayaṃ kāyena vāyamati phassaṃ paṭivijānāti. Yo āgacchantiṃ disvā tato muñcitukāmo uttāsetvā palāpeti, ayaṃ kāyena vāyamati na ca phassaṃ paṭivijānāti. Yo tādisaṃ dīghajātiṃ kāye ārūḷhaṃ disvā ‘‘saṇikaṃ gacchatu ghaṭṭiyamānā anatthāya saṃvatteyyā’’ti na ghaṭṭeti, itthimeva vā aṅgaṃ phusamānaṃ ñatvā ‘‘esā ‘anatthiko ayaṃ mayā’ti sayameva pakkamissatī’’ti ajānanto viya niccalo hoti, balavitthiyā vā gāḷhaṃ āliṅgitvā gahito daharabhikkhu palāyitukāmopi suṭṭhu gahitattā niccalo hoti, ayaṃ na ca kāyena vāyamati, phassaṃ paṭivijānāti. Yo pana āgacchantiṃ disvā ‘‘āgacchatu tāva tato naṃ paharitvā vā paṇāmetvā vā pakkamissāmī’’ti niccalo hoti, ayaṃ mokkhādhippāyo na ca kāyena vāyamati, na ca phassaṃ paṭivijānātīti veditabbo.
280. асан̃жижжаад̇и иминаа убааязна имам̣ пусиссаамийд̇и ажзд̇зд̇ваа, зван̃хи ажзд̇зд̇ваа бад̇д̇аббадиг̇г̇ахан̣аад̣̇ийсу маад̇уг̇аамасса ан̇г̇з пудтзби анаабад̇д̇и.
280.Asañciccāti iminā upāyena imaṃ phusissāmīti acetetvā, evañhi acetetvā pattappaṭiggahaṇādīsu mātugāmassa aṅge phuṭṭhepi anāpatti.
асад̇ияаад̇и ан̃н̃авихид̇о ход̇и маад̇уг̇аамам̣ пусаамийд̇и сад̇и над̇т̇и, звам̣ асад̇ияаа хад̇т̇абаад̣̇абасааран̣аад̣̇игаалз пусанд̇асса анаабад̇д̇и.
Asatiyāti aññavihito hoti mātugāmaṃ phusāmīti sati natthi, evaṃ asatiyā hatthapādapasāraṇādikāle phusantassa anāpatti.
аж̇аананд̇ассаад̇и д̣̇аарагавзсзна тид̇ам̣ д̣̇ааригам̣ ‘‘ид̇т̇ий’’д̇и аж̇аананд̇о гзнажид̣̇зва гаран̣ийязна пусад̇и, звам̣ ‘‘ид̇т̇ий’’д̇и аж̇аананд̇асса пусад̇о анаабад̇д̇и.
Ajānantassāti dārakavesena ṭhitaṃ dārikaṃ ‘‘itthī’’ti ajānanto kenacideva karaṇīyena phusati, evaṃ ‘‘itthī’’ti ajānantassa phusato anāpatti.
асаад̣̇ияанд̇ассаад̇и гааяасам̣саг̇г̇ам̣ асаад̣̇ияанд̇асса, д̇асса б̣аахаабарамбарааяа нийд̇абхигкусса вияа анаабад̇д̇и. уммад̇д̇агаад̣̇аяо вуд̇д̇анаяаазва. ид̇ха бана уд̣̇ааяид̇т̇зро аад̣̇игаммиго, д̇асса анаабад̇д̇и аад̣̇игаммигассаад̇и.
Asādiyantassāti kāyasaṃsaggaṃ asādiyantassa, tassa bāhāparamparāya nītabhikkhussa viya anāpatti. Ummattakādayo vuttanayāeva. Idha pana udāyitthero ādikammiko, tassa anāpatti ādikammikassāti.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
самудтаанаад̣̇ийсу ид̣̇ам̣ сигкаабад̣̇ам̣ батамабаарааж̇игасамудтаанам̣ гааяажид̇д̇ад̇о самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̣̇вивзд̣̇анам̣, сукамаж̇жхад̇д̇ад̣̇ваязнаад̇и.
Samuṭṭhānādīsu idaṃ sikkhāpadaṃ paṭhamapārājikasamuṭṭhānaṃ kāyacittato samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedanaṃ, sukhamajjhattadvayenāti.
281. винийд̇авад̇т̇уусу – маад̇уяаа маад̇убзмзнаад̇и маад̇убзмзна маад̇уяаа гааяам̣ аамаси. зса наяо д̇хийд̇убхаг̇инивад̇т̇уусу. д̇ад̇т̇а яасмаа маад̇аа ваа ход̇у д̇хийд̇аа ваа ид̇т̇ий наама саб̣б̣ааби б̣рахмажарияасса баарибант̇игаава. д̇асмаа ‘‘аяам̣ мз маад̇аа аяам̣ д̇хийд̇аа аяам̣ мз бхаг̇иний’’д̇и г̇зхассид̇абзмзна аамасад̇оби д̣̇уггадамзва вуд̇д̇ам̣.
281. Vinītavatthūsu – mātuyā mātupemenāti mātupemena mātuyā kāyaṃ āmasi. Esa nayo dhītubhaginivatthūsu. Tattha yasmā mātā vā hotu dhītā vā itthī nāma sabbāpi brahmacariyassa pāripanthikāva. Tasmā ‘‘ayaṃ me mātā ayaṃ dhītā ayaṃ me bhaginī’’ti gehassitapemena āmasatopi dukkaṭameva vuttaṃ.
имам̣ бана бхаг̇авад̇о аан̣ам̣ ануссаранд̇зна сажзби над̣̇ийсод̇зна вуяхамаанам̣ маад̇арам̣ бассад̇и нзва хад̇т̇зна бараамасид̇аб̣б̣аа. бан̣д̣ид̇зна бана бхигкунаа нааваа ваа палагам̣ ваа гад̣̇алигканд̇хо ваа д̣̇ааругканд̇хо ваа убасам̣харид̇аб̣б̣о. д̇асмим̣ асад̇и гаасаавамби убасам̣харид̇ваа бурад̇о табзд̇аб̣б̣ам̣, ‘‘зд̇т̇а г̇ан̣хаахий’’д̇и бана на вад̇д̇аб̣б̣аа. г̇ахид̇з баригкаарам̣ гад̣дхаамийд̇и гад̣дханд̇зна г̇анд̇аб̣б̣ам̣. сажз бхааяад̇и бурад̇о бурад̇о г̇анд̇ваа ‘‘маа бхааяий’’д̇и самассаасзд̇аб̣б̣аа. сажз бхааяамаанаа буд̇д̇асса сахасаа канд̇хз ваа абхирухад̇и, хад̇т̇з ваа г̇ан̣хаад̇и, на ‘‘абзхи махаллигз’’д̇и нид̣̇д̇хунид̇аб̣б̣аа, т̇алам̣ баабзд̇аб̣б̣аа. гад̣̇д̣̇амз лаг̇г̇ааяаби гуубз бад̇ид̇ааяаби зсзва наяо.
Imaṃ pana bhagavato āṇaṃ anussarantena sacepi nadīsotena vuyhamānaṃ mātaraṃ passati neva hatthena parāmasitabbā. Paṇḍitena pana bhikkhunā nāvā vā phalakaṃ vā kadalikkhandho vā dārukkhandho vā upasaṃharitabbo. Tasmiṃ asati kāsāvampi upasaṃharitvā purato ṭhapetabbaṃ, ‘‘ettha gaṇhāhī’’ti pana na vattabbā. Gahite parikkhāraṃ kaḍḍhāmīti kaḍḍhantena gantabbaṃ. Sace bhāyati purato purato gantvā ‘‘mā bhāyī’’ti samassāsetabbā. Sace bhāyamānā puttassa sahasā khandhe vā abhiruhati, hatthe vā gaṇhāti, na ‘‘apehi mahallike’’ti niddhunitabbā, thalaṃ pāpetabbā. Kaddame laggāyapi kūpe patitāyapi eseva nayo.
д̇ад̇раби хи яод̇д̇ам̣ ваа вад̇т̇ам̣ ваа багкибид̇ваа хад̇т̇зна г̇ахид̇абхаавам̣ н̃ад̇ваа уд̣̇д̇харид̇аб̣б̣аа, над̇взва аамасид̇аб̣б̣аа. на гзвалан̃жа маад̇уг̇аамасса сарийрамзва анаамаасам̣, ниваасанабаавуран̣амби аабхаран̣абхан̣д̣амби д̇ин̣ан̣д̣убагам̣ ваа д̇аал̣абан̣н̣амуд̣̇д̣̇игам̣ ваа убаад̣̇ааяа анаамаасамзва, д̇ан̃жа ко ниваасанабаарубанам̣ бил̣анд̇ханад̇т̇ааяа табид̇амзва. сажз бана ниваасанам̣ ваа баарубанам̣ ваа баривад̇д̇зд̇ваа жийварад̇т̇ааяа баад̣̇амуулз табзд̇и ваддад̇и. аабхаран̣абхан̣д̣зсу бана сийсабасаад̇ханагад̣̇анд̇асуужиаад̣̇игаббияабхан̣д̣ам̣ ‘‘имам̣ бханд̇з д̇умхаагам̣ г̇ан̣хат̇аа’’д̇и д̣̇ияяамаанам̣ сибаадигаасуужиаад̣̇иубагаран̣ад̇т̇ааяа г̇ахзд̇аб̣б̣ам̣. суван̣н̣араж̇ад̇амуд̇д̇аад̣̇имаяам̣ бана анаамаасамзва д̣̇ийяяамаанамби на г̇ахзд̇аб̣б̣ам̣. на гзвалан̃жа зд̇аасам̣ сарийруубаг̇амзва анаамаасам̣, ид̇т̇исан̣таанзна гад̇ам̣ гадтаруубамби д̣̇анд̇аруубамби аяаруубамби лохаруубамби д̇ибуруубамби бод̇т̇агаруубамби саб̣б̣арад̇анаруубамби анд̇амасо бидтамаяаруубамби анаамаасамзва. барибхог̇ад̇т̇ааяа бана ‘‘ид̣̇ам̣ д̇умхаагам̣ ход̇уу’’д̇и лабхид̇ваа табзд̇ваа саб̣б̣арад̇анамаяам̣ авасзсам̣ бхинд̣̇ид̇ваа убагаран̣аарахам̣ убагаран̣з барибхог̇аарахам̣ барибхог̇з убанзд̇ум̣ ваддад̇и.
Tatrapi hi yottaṃ vā vatthaṃ vā pakkhipitvā hatthena gahitabhāvaṃ ñatvā uddharitabbā, natveva āmasitabbā. Na kevalañca mātugāmassa sarīrameva anāmāsaṃ, nivāsanapāvuraṇampi ābharaṇabhaṇḍampi tiṇaṇḍupakaṃ vā tāḷapaṇṇamuddikaṃ vā upādāya anāmāsameva, tañca kho nivāsanapārupanaṃ piḷandhanatthāya ṭhapitameva. Sace pana nivāsanaṃ vā pārupanaṃ vā parivattetvā cīvaratthāya pādamūle ṭhapeti vaṭṭati. Ābharaṇabhaṇḍesu pana sīsapasādhanakadantasūciādikappiyabhaṇḍaṃ ‘‘imaṃ bhante tumhākaṃ gaṇhathā’’ti diyyamānaṃ sipāṭikāsūciādiupakaraṇatthāya gahetabbaṃ. Suvaṇṇarajatamuttādimayaṃ pana anāmāsameva dīyyamānampi na gahetabbaṃ. Na kevalañca etāsaṃ sarīrūpagameva anāmāsaṃ, itthisaṇṭhānena kataṃ kaṭṭharūpampi dantarūpampi ayarūpampi loharūpampi tipurūpampi potthakarūpampi sabbaratanarūpampi antamaso piṭṭhamayarūpampi anāmāsameva. Paribhogatthāya pana ‘‘idaṃ tumhākaṃ hotū’’ti labhitvā ṭhapetvā sabbaratanamayaṃ avasesaṃ bhinditvā upakaraṇārahaṃ upakaraṇe paribhogārahaṃ paribhoge upanetuṃ vaṭṭati.
яат̇аа жа ид̇т̇ируубагам̣; звам̣ сад̇д̇авид̇хамби д̇хан̃н̃ам̣ анаамаасам̣. д̇асмаа кзд̇д̇амаж̇жхзна г̇ажчад̇аа д̇ад̇т̇аж̇аад̇агамби д̇хан̃н̃апалам̣ на аамасанд̇зна г̇анд̇аб̣б̣ам̣. сажз гхарад̣̇ваарз ваа анд̇араамаг̇г̇з ваа д̇хан̃н̃ам̣ басаарид̇ам̣ ход̇и бассзна жа маг̇г̇о ад̇т̇и на мад̣̇д̣̇анд̇зна г̇анд̇аб̣б̣ам̣. г̇аманамаг̇г̇з асад̇и маг̇г̇ам̣ ад̇хидтааяа г̇анд̇аб̣б̣ам̣. анд̇арагхарз д̇хан̃н̃асса убари аасанам̣ бан̃н̃аабзд̇ваа д̣̇знд̇и нисийд̣̇ид̇ум̣ ваддад̇и. гзжи аасанасаалааяам̣ д̇хан̃н̃ам̣ аагиранд̇и, сажз саггаа ход̇и хараабзд̇ум̣ хараабзд̇аб̣б̣ам̣, но жз згаманд̇ам̣ д̇хан̃н̃ам̣ амад̣̇д̣̇анд̇зна бийтагам̣ бан̃н̃абзд̇ваа нисийд̣̇ид̇аб̣б̣ам̣. сажз огаасо на ход̇и, мануссаа д̇хан̃н̃амаж̇жхзязва аасанам̣ бан̃н̃абзд̇ваа д̣̇знд̇и, нисийд̣̇ид̇аб̣б̣ам̣. д̇ад̇т̇аж̇аад̇агаани муг̇г̇амаасаад̣̇ийни абаран̣н̣ааниби д̇аалабанасаад̣̇ийни ваа палаани гийл̣анд̇зна на аамасид̇аб̣б̣аани. мануссзхи раасигад̇зсуби зсзва наяо. аран̃н̃з бана ругкад̇о бад̇ид̇аани палаани ‘‘анубасамбаннаанам̣ д̣̇ассаамий’’д̇и г̇ан̣хид̇ум̣ ваддад̇и.
Yathā ca itthirūpakaṃ; evaṃ sattavidhampi dhaññaṃ anāmāsaṃ. Tasmā khettamajjhena gacchatā tatthajātakampi dhaññaphalaṃ na āmasantena gantabbaṃ. Sace gharadvāre vā antarāmagge vā dhaññaṃ pasāritaṃ hoti passena ca maggo atthi na maddantena gantabbaṃ. Gamanamagge asati maggaṃ adhiṭṭhāya gantabbaṃ. Antaraghare dhaññassa upari āsanaṃ paññāpetvā denti nisīdituṃ vaṭṭati. Keci āsanasālāyaṃ dhaññaṃ ākiranti, sace sakkā hoti harāpetuṃ harāpetabbaṃ, no ce ekamantaṃ dhaññaṃ amaddantena pīṭhakaṃ paññapetvā nisīditabbaṃ. Sace okāso na hoti, manussā dhaññamajjheyeva āsanaṃ paññapetvā denti, nisīditabbaṃ. Tatthajātakāni muggamāsādīni aparaṇṇānipi tālapanasādīni vā phalāni kīḷantena na āmasitabbāni. Manussehi rāsikatesupi eseva nayo. Araññe pana rukkhato patitāni phalāni ‘‘anupasampannānaṃ dassāmī’’ti gaṇhituṃ vaṭṭati.
муд̇д̇аа , ман̣и, взл̣урияо, сан̇ко, силаа, баваал̣ам̣, раж̇ад̇ам̣, ж̇аад̇аруубам̣, лохид̇ан̇го, масаараг̇алланд̇и имзсу д̣̇асасу рад̇анзсу муд̇д̇аа ад̇ход̇аа анивид̣̇д̇хаа яат̇ааж̇аад̇аава аамасид̇ум̣ ваддад̇и. сзсаа анаамаасаад̇и вад̣̇анд̇и. махаабажжарияам̣ бана ‘‘муд̇д̇аа д̇ход̇ааби ад̇ход̇ааби анаамаасаа бхан̣д̣амуулад̇т̇ааяа жа самбадижчид̇ум̣ на ваддад̇и, гудтарог̇асса бхзсаж̇ж̇ад̇т̇ааяа бана ваддад̇ий’’д̇и вуд̇д̇ам̣. анд̇амасо ж̇аад̇ипалигам̣ убаад̣̇ааяа саб̣б̣оби нийлабийд̇аад̣̇иван̣н̣абхзд̣̇о ман̣и д̇ход̇авид̣̇д̇хаваддид̇о анаамаасо, яат̇ааж̇аад̇о бана аагарамуд̇д̇о бад̇д̇аад̣̇ибхан̣д̣амуулад̇т̇ам̣ самбадижчид̇ум̣ ваддад̇ийд̇и вуд̇д̇о. соби махаабажжарияам̣ бадигкид̇д̇о, бажид̇ваа гад̇о гаажаман̣иязвзго ваддад̇ийд̇и вуд̇д̇о. взл̣уриязби ман̣исад̣̇исова винижчаяо.
Muttā , maṇi, veḷuriyo, saṅkho, silā, pavāḷaṃ, rajataṃ, jātarūpaṃ, lohitaṅko, masāragallanti imesu dasasu ratanesu muttā adhotā anividdhā yathājātāva āmasituṃ vaṭṭati. Sesā anāmāsāti vadanti. Mahāpaccariyaṃ pana ‘‘muttā dhotāpi adhotāpi anāmāsā bhaṇḍamūlatthāya ca sampaṭicchituṃ na vaṭṭati, kuṭṭharogassa bhesajjatthāya pana vaṭṭatī’’ti vuttaṃ. Antamaso jātiphalikaṃ upādāya sabbopi nīlapītādivaṇṇabhedo maṇi dhotaviddhavaṭṭito anāmāso, yathājāto pana ākaramutto pattādibhaṇḍamūlatthaṃ sampaṭicchituṃ vaṭṭatīti vutto. Sopi mahāpaccariyaṃ paṭikkhitto, pacitvā kato kācamaṇiyeveko vaṭṭatīti vutto. Veḷuriyepi maṇisadisova vinicchayo.
сан̇ко д̇хаманасан̇ко жа д̇ход̇авид̣̇д̇хо жа рад̇анамиссо анаамаасо. баанийяасан̇ко д̇ход̇оби ад̇ход̇оби аамаасова сзсан̃жа ан̃ж̇анаад̣̇ибхзсаж̇ж̇ад̇т̇ааяаби бхан̣д̣амуулад̇т̇ааяаби самбадижчид̇ум̣ ваддад̇и. силаа д̇ход̇авид̣̇д̇хаа рад̇анасам̣яуд̇д̇аа муг̇г̇аван̣н̣аава анаамаасаа. сзсаа сад̇т̇аганисаанаад̣̇иад̇т̇ааяа г̇ан̣хид̇ум̣ ваддад̇и. зд̇т̇а жа рад̇анасам̣яуд̇д̇аад̇и суван̣н̣зна сад̣̇д̇хим̣ яож̇зд̇ваа бажид̇ваа гад̇аад̇и вад̣̇анд̇и. баваал̣ам̣ д̇ход̇авид̣̇д̇хам̣ анаамаасам̣. сзсам̣ аамаасам̣ бхан̣д̣амуулад̇т̇ан̃жа самбадижчид̇ум̣ ваддад̇и. махаабажжарияам̣ бана ‘‘д̇ход̇амби ад̇ход̇амби саб̣б̣ам̣ анаамаасам̣, на жа самбадижчид̇ум̣ ваддад̇ий’’д̇и вуд̇д̇ам̣.
Saṅkho dhamanasaṅkho ca dhotaviddho ca ratanamisso anāmāso. Pānīyasaṅkho dhotopi adhotopi āmāsova sesañca añjanādibhesajjatthāyapi bhaṇḍamūlatthāyapi sampaṭicchituṃ vaṭṭati. Silā dhotaviddhā ratanasaṃyuttā muggavaṇṇāva anāmāsā. Sesā satthakanisānādiatthāya gaṇhituṃ vaṭṭati. Ettha ca ratanasaṃyuttāti suvaṇṇena saddhiṃ yojetvā pacitvā katāti vadanti. Pavāḷaṃ dhotaviddhaṃ anāmāsaṃ. Sesaṃ āmāsaṃ bhaṇḍamūlatthañca sampaṭicchituṃ vaṭṭati. Mahāpaccariyaṃ pana ‘‘dhotampi adhotampi sabbaṃ anāmāsaṃ, na ca sampaṭicchituṃ vaṭṭatī’’ti vuttaṃ.
раж̇ад̇ам̣ ж̇аад̇аруубан̃жа гад̇абхан̣д̣амби агад̇абхан̣д̣амби саб̣б̣зна саб̣б̣ам̣ б̣ийж̇ад̇о бадтааяа анаамаасан̃жа асамбадижчияан̃жа, уд̇д̇арарааж̇абуд̇д̇о гира суван̣н̣ажзд̇ияам̣ гаарзд̇ваа махаабад̣̇умад̇т̇зрасса бзсзси. т̇зро ‘‘на габбад̇ий’’д̇и бадигкиби. жзд̇ияагхарз суван̣н̣абад̣̇умасуван̣н̣аб̣уб̣б̣ул̣агаад̣̇ийни хонд̇и, зд̇ааниби анаамаасаани. жзд̇ияагхараг̇обагаа бана руубияачад̣д̣агадтаанз тид̇аа, д̇асмаа д̇зсам̣ гзл̣аабаяид̇ум̣ ваддад̇ийд̇и вуд̇д̇ам̣. гурунд̣̇ияам̣ бана д̇ам̣ бадигкид̇д̇ам̣. суван̣н̣ажзд̇ияз гажаварамзва харид̇ум̣ ваддад̇ийд̇и зд̇д̇агамзва анун̃н̃аад̇ам̣. аарагуудалохамби ж̇аад̇аруубаг̇ад̇игамзва анаамаасанд̇и саб̣б̣аадтагат̇аасу вуд̇д̇ам̣. сзнаасанабарибхог̇о бана саб̣б̣агаббияо, д̇асмаа ж̇аад̇аруубараж̇ад̇амаяаа саб̣б̣зби сзнаасанабаригкаараа аамаасаа. бхигкуунам̣ д̇хаммавинаяаван̣н̣анадтаанз рад̇анаман̣д̣абз гаронд̇и палигад̇т̇амбхз рад̇анад̣̇аамабад̇иман̣д̣ид̇з, д̇ад̇т̇а саб̣б̣уубагаран̣аани бхигкуунам̣ бадиж̇аг̇г̇ид̇ум̣ ваддад̇и.
Rajataṃ jātarūpañca katabhaṇḍampi akatabhaṇḍampi sabbena sabbaṃ bījato paṭṭhāya anāmāsañca asampaṭicchiyañca, uttararājaputto kira suvaṇṇacetiyaṃ kāretvā mahāpadumattherassa pesesi. Thero ‘‘na kappatī’’ti paṭikkhipi. Cetiyaghare suvaṇṇapadumasuvaṇṇabubbuḷakādīni honti, etānipi anāmāsāni. Cetiyagharagopakā pana rūpiyachaḍḍakaṭṭhāne ṭhitā, tasmā tesaṃ keḷāpayituṃ vaṭṭatīti vuttaṃ. Kurundiyaṃ pana taṃ paṭikkhittaṃ. Suvaṇṇacetiye kacavarameva harituṃ vaṭṭatīti ettakameva anuññātaṃ. Ārakūṭalohampi jātarūpagatikameva anāmāsanti sabbaaṭṭhakathāsu vuttaṃ. Senāsanaparibhogo pana sabbakappiyo, tasmā jātarūparajatamayā sabbepi senāsanaparikkhārā āmāsā. Bhikkhūnaṃ dhammavinayavaṇṇanaṭṭhāne ratanamaṇḍape karonti phalikatthambhe ratanadāmapatimaṇḍite, tattha sabbūpakaraṇāni bhikkhūnaṃ paṭijaggituṃ vaṭṭati.
лохид̇ан̇гамасаараг̇аллаа д̇ход̇авид̣̇д̇хаа анаамаасаа, ид̇арз аамаасаа, бхан̣д̣амуулад̇т̇ааяа вадданд̇ийд̇и вуд̇д̇аа. махаабажжарияам̣ бана ‘‘д̇ход̇ааби ад̇ход̇ааби саб̣б̣асо анаамаасаа на жа самбадижчид̇ум̣ вадданд̇ий’’д̇и вуд̇д̇ам̣.
Lohitaṅkamasāragallā dhotaviddhā anāmāsā, itare āmāsā, bhaṇḍamūlatthāya vaṭṭantīti vuttā. Mahāpaccariyaṃ pana ‘‘dhotāpi adhotāpi sabbaso anāmāsā na ca sampaṭicchituṃ vaṭṭantī’’ti vuttaṃ.
саб̣б̣ам̣ аавуд̇хабхан̣д̣ам̣ анаамаасам̣, бхан̣д̣амуулад̇т̇ааяа д̣̇ийяяамаанамби на самбадижчид̇аб̣б̣ам̣. сад̇т̇аван̣иж̇ж̇аа наама на ваддад̇и. суд̣̇д̇хад̇хануд̣̇ан̣д̣оби д̇хануж̇ияааби бад̇од̣̇оби ан̇гусоби анд̇амасо ваасипарасуаад̣̇ийниби аавуд̇хасан̇кзбзна гад̇аани анаамаасаани. сажз гзнажи вихаарз сад̇д̇и ваа д̇омаро ваа табид̇о ход̇и, вихаарам̣ ж̇аг̇г̇анд̇зна ‘‘харанд̇уу’’д̇и саамигаанам̣ бзсзд̇аб̣б̣ам̣. сажз на харанд̇и, д̇ам̣ ажаалзнд̇зна вихааро бадиж̇аг̇г̇ид̇аб̣б̣о. яуд̣̇д̇хабхуумияам̣ бад̇ид̇ам̣ асим̣ ваа сад̇д̇им̣ ваа д̇омарам̣ ваа д̣̇исваа баасаан̣зна ваа гзнажи ваа асим̣ бхинд̣̇ид̇ваа сад̇т̇агад̇т̇ааяа г̇ахзд̇ум̣ ваддад̇и, ид̇арааниби вияож̇зд̇ваа гин̃жи сад̇т̇агад̇т̇ааяа г̇ахзд̇ум̣ ваддад̇и гин̃жи гад̇д̇арад̣̇ан̣д̣аад̣̇иад̇т̇ааяа. ‘‘ид̣̇ам̣ г̇ан̣хат̇аа’’д̇и д̣̇ийяяамаанам̣ бана ‘‘винаасзд̇ваа габбияабхан̣д̣ам̣ гариссаамий’’д̇и саб̣б̣амби самбадижчид̇ум̣ ваддад̇и.
Sabbaṃ āvudhabhaṇḍaṃ anāmāsaṃ, bhaṇḍamūlatthāya dīyyamānampi na sampaṭicchitabbaṃ. Satthavaṇijjā nāma na vaṭṭati. Suddhadhanudaṇḍopi dhanujiyāpi patodopi aṅkusopi antamaso vāsipharasuādīnipi āvudhasaṅkhepena katāni anāmāsāni. Sace kenaci vihāre satti vā tomaro vā ṭhapito hoti, vihāraṃ jaggantena ‘‘harantū’’ti sāmikānaṃ pesetabbaṃ. Sace na haranti, taṃ acālentena vihāro paṭijaggitabbo. Yuddhabhūmiyaṃ patitaṃ asiṃ vā sattiṃ vā tomaraṃ vā disvā pāsāṇena vā kenaci vā asiṃ bhinditvā satthakatthāya gahetuṃ vaṭṭati, itarānipi viyojetvā kiñci satthakatthāya gahetuṃ vaṭṭati kiñci kattaradaṇḍādiatthāya. ‘‘Idaṃ gaṇhathā’’ti dīyyamānaṃ pana ‘‘vināsetvā kappiyabhaṇḍaṃ karissāmī’’ti sabbampi sampaṭicchituṃ vaṭṭati.
мажчаж̇аалабагкиж̇аалаад̣̇ийниби палагаж̇аалигаад̣̇ийни сарабарид̇д̇аанаанийби саб̣б̣аани анаамаасаани. барибхог̇ад̇т̇ааяа лаб̣бхамаанзсу бана ж̇аалам̣ д̇аава ‘‘аасанасса ваа жзд̇ияасса ваа убари б̣анд̇хиссаами, чад̇д̇ам̣ ваа взтзссаамий’’д̇и г̇ахзд̇ум̣ ваддад̇и. сарабарид̇д̇аанам̣ саб̣б̣амби бхан̣д̣амуулад̇т̇ааяа самбадижчид̇ум̣ ваддад̇и. баруубарод̇ханивааран̣ан̃хи зд̇ам̣ на убарод̇хагаранд̇и палагам̣ д̣̇анд̇агадтабхааж̇анам̣ гариссаамийд̇и г̇ахзд̇ум̣ ваддад̇и.
Macchajālapakkhijālādīnipi phalakajālikādīni saraparittānānīpi sabbāni anāmāsāni. Paribhogatthāya labbhamānesu pana jālaṃ tāva ‘‘āsanassa vā cetiyassa vā upari bandhissāmi, chattaṃ vā veṭhessāmī’’ti gahetuṃ vaṭṭati. Saraparittānaṃ sabbampi bhaṇḍamūlatthāya sampaṭicchituṃ vaṭṭati. Parūparodhanivāraṇañhi etaṃ na uparodhakaranti phalakaṃ dantakaṭṭhabhājanaṃ karissāmīti gahetuṃ vaṭṭati.
жаммавинад̣̇д̇хаани вийн̣аабхзриаад̣̇ийни анаамаасаани. гурунд̣̇ияам̣ бана ‘‘бхзрисан̇гхаадоби вийн̣аасан̇гхаадоби д̇ужчабогкарамби мукаваддияам̣ ааробид̇ажаммамби вийн̣аад̣̇ан̣д̣агоби саб̣б̣ам̣ анаамааса’’нд̇и вуд̇д̇ам̣. онахид̇ум̣ ваа онахаабзд̇ум̣ ваа ваад̣̇зд̇ум̣ ваа ваад̣̇аабзд̇ум̣ ваа на лаб̣бхад̇иязва. жзд̇ияан̇г̇ан̣з бууж̇ам̣ гад̇ваа мануссзхи чад̣д̣ид̇ам̣ д̣̇исвааби ажаалзд̇ваава анд̇аранд̇арз саммаж̇ж̇ид̇аб̣б̣ам̣, гажаварачад̣д̣анагаалз бана гажаваранияаамзнзва харид̇ваа згаманд̇ам̣ нигкибид̇ум̣ ваддад̇ийд̇и махаабажжарияам̣ вуд̇д̇ам̣. бхан̣д̣амуулад̇т̇ааяа самбадижчид̇умби ваддад̇и. барибхог̇ад̇т̇ааяа лаб̣бхамаанзсу бана вийн̣аад̣̇он̣иган̃жа бхзрибогкаран̃жа д̣̇анд̇агадтабхааж̇анам̣ гариссаама жаммам̣ сад̇т̇агагосаганд̇и звам̣ д̇асса д̇асса баригкаарасса убагаран̣ад̇т̇ааяа г̇ахзд̇ваа д̇ат̇аа д̇ат̇аа гаад̇ум̣ ваддад̇и.
Cammavinaddhāni vīṇābheriādīni anāmāsāni. Kurundiyaṃ pana ‘‘bherisaṅghāṭopi vīṇāsaṅghāṭopi tucchapokkharampi mukhavaṭṭiyaṃ āropitacammampi vīṇādaṇḍakopi sabbaṃ anāmāsa’’nti vuttaṃ. Onahituṃ vā onahāpetuṃ vā vādetuṃ vā vādāpetuṃ vā na labbhatiyeva. Cetiyaṅgaṇe pūjaṃ katvā manussehi chaḍḍitaṃ disvāpi acāletvāva antarantare sammajjitabbaṃ, kacavarachaḍḍanakāle pana kacavaraniyāmeneva haritvā ekamantaṃ nikkhipituṃ vaṭṭatīti mahāpaccariyaṃ vuttaṃ. Bhaṇḍamūlatthāya sampaṭicchitumpi vaṭṭati. Paribhogatthāya labbhamānesu pana vīṇādoṇikañca bheripokkharañca dantakaṭṭhabhājanaṃ karissāma cammaṃ satthakakosakanti evaṃ tassa tassa parikkhārassa upakaraṇatthāya gahetvā tathā tathā kātuṃ vaṭṭati.
бураан̣ад̣̇уд̇ияигаавад̇т̇у уд̇д̇аанамзва. яагкивад̇т̇усмим̣ сажзби бараниммид̇авасавад̇д̇ид̣̇звияаа гааяасам̣саг̇г̇ам̣ самаабаж̇ж̇ад̇и т̇уллажжаяамзва. бан̣д̣агавад̇т̇у жа суд̇д̇ид̇т̇ивад̇т̇у жа баагадамзва. мад̇ид̇т̇ивад̇т̇усмим̣ баарааж̇игаббахонагагаалз т̇уллажжаяам̣, д̇ад̇о барам̣ д̣̇уггадам̣. д̇иражчаанаг̇ад̇авад̇т̇усмим̣ нааг̇амаан̣авигааяаби субан̣н̣амаан̣авигааяаби гиннарияааби г̇аавияааби д̣̇уггадамзва. д̣̇ааруд̇хийд̇алигаавад̇т̇усмим̣ на гзвалам̣ д̣̇аарунаа зва, анд̇амасо жид̇д̇агаммаликид̇зби ид̇т̇ируубз д̣̇уггадамзва.
Purāṇadutiyikāvatthu uttānameva. Yakkhivatthusmiṃ sacepi paranimmitavasavattideviyā kāyasaṃsaggaṃ samāpajjati thullaccayameva. Paṇḍakavatthu ca suttitthivatthu ca pākaṭameva. Matitthivatthusmiṃ pārājikappahonakakāle thullaccayaṃ, tato paraṃ dukkaṭaṃ. Tiracchānagatavatthusmiṃ nāgamāṇavikāyapi supaṇṇamāṇavikāyapi kinnariyāpi gāviyāpi dukkaṭameva. Dārudhītalikāvatthusmiṃ na kevalaṃ dārunā eva, antamaso cittakammalikhitepi itthirūpe dukkaṭameva.
282. самбийл̣анавад̇т̇у уд̇д̇аанад̇т̇амзва. сан̇гамавад̇т̇усмим̣ згабад̣̇игасан̇гамо ваа ход̇у сагадамаг̇г̇асан̇гамо ваа, жаалзссаамийд̇и баяог̇з гад̇амад̇д̇зва жаалзд̇у ваа маа ваа, д̣̇уггадам̣. маг̇г̇авад̇т̇у баагадамзва. ругкавад̇т̇усмим̣ ругко маханд̇о ваа ход̇у махааж̇амб̣уббамаан̣о куд̣̇д̣̇аго ваа, д̇ам̣ жаалзд̇ум̣ саггод̇у ваа маа ваа, баяог̇амад̇д̇зна д̣̇уггадам̣. нааваавад̇т̇усмимби зсзва наяо. раж̇ж̇авад̇т̇усмим̣ яам̣ раж̇ж̇ум̣ аавин̃чанд̇о таанаа жаалзд̇ум̣ саггод̇и, д̇ад̇т̇а т̇уллажжаяам̣. яаа махаараж̇ж̇у ход̇и, ийсагамби таанаа на жалад̇и, д̇ад̇т̇а д̣̇уггадам̣. д̣̇ан̣д̣зби зсзва наяо. бхуумияам̣ бад̇ид̇амахааругкоби хи д̣̇ан̣д̣аг̇г̇ахан̣знзва ид̇ха г̇ахид̇о. бад̇д̇авад̇т̇у баагадамзва. ванд̣̇анавад̇т̇усмим̣ ид̇т̇ий баад̣̇з самб̣аахид̇ваа ванд̣̇ид̇угаамаа ваарзд̇аб̣б̣аа баад̣̇аа ваа бадижчаад̣̇зд̇аб̣б̣аа, нижжалзна ваа бхавид̇аб̣б̣ам̣. нижжаласса хи жид̇д̇зна саад̣̇ияад̇оби анаабад̇д̇и. авасаанз г̇ахан̣авад̇т̇убаагадамзваад̇и.
282.Sampīḷanavatthu uttānatthameva. Saṅkamavatthusmiṃ ekapadikasaṅkamo vā hotu sakaṭamaggasaṅkamo vā, cālessāmīti payoge katamatteva cāletu vā mā vā, dukkaṭaṃ. Maggavatthu pākaṭameva. Rukkhavatthusmiṃ rukkho mahanto vā hotu mahājambuppamāṇo khuddako vā, taṃ cāletuṃ sakkotu vā mā vā, payogamattena dukkaṭaṃ. Nāvāvatthusmimpi eseva nayo. Rajjavatthusmiṃ yaṃ rajjuṃ āviñchanto ṭhānā cāletuṃ sakkoti, tattha thullaccayaṃ. Yā mahārajju hoti, īsakampi ṭhānā na calati, tattha dukkaṭaṃ. Daṇḍepi eseva nayo. Bhūmiyaṃ patitamahārukkhopi hi daṇḍaggahaṇeneva idha gahito. Pattavatthu pākaṭameva. Vandanavatthusmiṃ itthī pāde sambāhitvā vanditukāmā vāretabbā pādā vā paṭicchādetabbā, niccalena vā bhavitabbaṃ. Niccalassa hi cittena sādiyatopi anāpatti. Avasāne gahaṇavatthupākaṭamevāti.
гааяасам̣саг̇г̇асигкаабад̣̇аван̣н̣анаа нидтид̇аа.
Kāyasaṃsaggasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. гааяасам̣саг̇г̇асигкаабад̣̇ам̣ • 2. Kāyasaṃsaggasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
