| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
2. гааяасам̣саг̇г̇асигкаабад̣̇аван̣н̣анаа
2. Kāyasaṃsaggasikkhāpadavaṇṇanā
‘‘од̇ин̣н̣о’’д̇и иминаасса сзванаад̇хиббааяад̇аа д̣̇ассид̇аа. д̇знзва ‘‘гааяасам̣саг̇г̇арааг̇асаман̇г̇иссзд̇ам̣ ад̇хиважана’’нд̇и вуд̇д̇ам̣. ‘‘вибарин̣ад̇зна…бз… сад̣̇д̇хи’’нд̇и иминаасса вааяаамо д̣̇ассид̇о. ‘‘сад̣̇д̇хи’’нд̇и хи бад̣̇ам̣ сам̣яог̇ам̣ д̣̇ийбзд̇и, со жа сам̣яог̇о самааг̇амо. гзна жид̇д̇зна? вибарин̣ад̇зна жид̇д̇зна, на бад̇д̇аббадиг̇г̇ахан̣аад̇хиббааяаад̣̇инаад̇и ад̇хиббааяо. ‘‘гааяасам̣саг̇г̇ам̣ самаабаж̇ж̇зяяаа’’д̇и иминаасса вааяамад̇о пассаббадивиж̇аананаа д̣̇ассид̇аа ход̇и. вааяамид̇ваа пассам̣ бадивиж̇аананд̇о хи самаабаж̇ж̇ад̇и наама. звамасса д̇иван̇г̇асамбад̇д̇и д̣̇ассид̇аа ход̇и. ат̇а ваа од̇ин̣н̣о вибарин̣ад̇зна жид̇д̇зна яагкаад̣̇инаа сад̇д̇о вияа. убаяог̇ад̇т̇з ваа зд̇ам̣ гаран̣аважанам̣, од̇ин̣н̣о вибарин̣ад̇ам̣ жид̇д̇ам̣ гуубаад̣̇им̣ вияа сад̇д̇о. ат̇а ваа ‘‘рааг̇ад̇о уд̇д̇ин̣н̣о бхависсаамий’’д̇и бхигкубхаавам̣ убаг̇ад̇оби яо бана бхигку д̇ад̇о уд̇д̇ин̣н̣аад̇хиббааяад̇о вибарин̣ад̇зна жид̇д̇зна хзд̇убхууд̇зна д̇амзва рааг̇ам̣ од̇ин̣н̣о. маад̇уг̇аамзна ад̇д̇ано самийбам̣ ваа ааг̇ад̇зна, ад̇д̇анаа убаг̇ад̇зна ваа. зд̇зна маад̇уг̇аамасса саарад̇д̇ад̇аа ваа ход̇у, вирад̇д̇ад̇аа ваа, саа ид̇ха аббамаан̣ам̣.
‘‘Otiṇṇo’’ti imināssa sevanādhippāyatā dassitā. Teneva ‘‘kāyasaṃsaggarāgasamaṅgissetaṃ adhivacana’’nti vuttaṃ. ‘‘Vipariṇatena…pe… saddhi’’nti imināssa vāyāmo dassito. ‘‘Saddhi’’nti hi padaṃ saṃyogaṃ dīpeti, so ca saṃyogo samāgamo. Kena cittena? Vipariṇatena cittena, na pattappaṭiggahaṇādhippāyādināti adhippāyo. ‘‘Kāyasaṃsaggaṃ samāpajjeyyā’’ti imināssa vāyamato phassappaṭivijānanā dassitā hoti. Vāyamitvā phassaṃ paṭivijānanto hi samāpajjati nāma. Evamassa tivaṅgasampatti dassitā hoti. Atha vā otiṇṇo vipariṇatena cittena yakkhādinā satto viya. Upayogatthe vā etaṃ karaṇavacanaṃ, otiṇṇo vipariṇataṃ cittaṃ kūpādiṃ viya satto. Atha vā ‘‘rāgato uttiṇṇo bhavissāmī’’ti bhikkhubhāvaṃ upagatopi yo pana bhikkhu tato uttiṇṇādhippāyato vipariṇatena cittena hetubhūtena tameva rāgaṃ otiṇṇo. Mātugāmena attano samīpaṃ vā āgatena, attanā upagatena vā. Etena mātugāmassa sārattatā vā hotu, virattatā vā, sā idha appamāṇaṃ.
хад̇т̇аг̇г̇аахам̣ ваад̇и зд̇т̇а хад̇т̇зна саб̣б̣оби убаад̣̇иннаго гааяо сан̇г̇ахид̇о, на бхиннасанд̇аано д̇аббадиб̣ад̣̇д̇хо вад̇т̇аалан̇гаараад̣̇и. взн̣иг̇г̇ахан̣зна анубаад̣̇иннаго абхиннасанд̇аано гзсаломанакаг̇г̇ад̣̇анд̇аг̇г̇аад̣̇иго гаммабажжаяауд̇усамудтаано г̇ахид̇од̇и взд̣̇ид̇аб̣б̣ам̣. д̇знзвааха ‘‘анд̇амасо ломзна ломам̣ пусанд̇ассаабий’’д̇и. д̇зна ан̃н̃ад̇арасса ваа…бз… бараамасананд̇и зд̇т̇а анубаад̣̇иннагаанамби сзсаломаад̣̇ийнам̣ ан̇г̇абхааво взд̣̇ид̇аб̣б̣о. звам̣ санд̇з ‘‘пассам̣ бадиж̇аананд̇асса сан̇гхаад̣̇исзсо’’д̇и иминаа вируж̇жхад̇ийд̇и жз? на, д̇ад̣̇ад̇т̇аж̇аананад̇о. пудтабхаавам̣ бадивиж̇аананд̇оби пассам̣ бадиж̇аанаад̇и наама, на гааяавин̃н̃аан̣уббад̇д̇ияаа зва. анзганд̇иган̃хзд̇т̇а гааяавин̃н̃аан̣ам̣. д̇асмаа зва ид̇ха пассаббадивиж̇аананам̣ ан̇г̇анд̇взва на вуд̇д̇ам̣. д̇асмин̃хи вуд̇д̇з таанамзд̇ам̣ виж̇ж̇ад̇и ‘‘на жа мз ломагхадданзна гааяавин̃н̃аан̣ам̣ уббаннам̣, д̇асмим̣ ‘на пассам̣ бадиж̇аанаамий’д̇и анаабаннасан̃н̃ий сияаа’’д̇и. ‘‘взн̣ий наама гахаабан̣амаалаад̣̇исамбаяуд̇д̇ам̣, д̇ад̇т̇а ‘взн̣им̣ г̇ан̣хиссаамий’д̇и гахаабан̣амаалаад̣̇им̣ зва г̇ан̣хаад̇и, на ломам̣, над̇т̇и сан̇гхаад̣̇исзсо’’д̇и вад̣̇анд̇и. виймам̣сид̇аб̣б̣ам̣.
Hatthaggāhaṃ vāti ettha hatthena sabbopi upādinnako kāyo saṅgahito, na bhinnasantāno tappaṭibaddho vatthālaṅkārādi. Veṇiggahaṇena anupādinnako abhinnasantāno kesalomanakhaggadantaggādiko kammapaccayautusamuṭṭhāno gahitoti veditabbaṃ. Tenevāha ‘‘antamaso lomena lomaṃ phusantassāpī’’ti. Tena aññatarassa vā…pe… parāmasananti ettha anupādinnakānampi sesalomādīnaṃ aṅgabhāvo veditabbo. Evaṃ sante ‘‘phassaṃ paṭijānantassa saṅghādiseso’’ti iminā virujjhatīti ce? Na, tadatthajānanato. Phuṭṭhabhāvaṃ paṭivijānantopi phassaṃ paṭijānāti nāma, na kāyaviññāṇuppattiyā eva. Anekantikañhettha kāyaviññāṇaṃ. Tasmā eva idha phassappaṭivijānanaṃ aṅgantveva na vuttaṃ. Tasmiñhi vutte ṭhānametaṃ vijjati ‘‘na ca me lomaghaṭṭanena kāyaviññāṇaṃ uppannaṃ, tasmiṃ ‘na phassaṃ paṭijānāmī’ti anāpannasaññī siyā’’ti. ‘‘Veṇī nāma kahāpaṇamālādisampayuttaṃ, tattha ‘veṇiṃ gaṇhissāmī’ti kahāpaṇamālādiṃ eva gaṇhāti, na lomaṃ, natthi saṅghādiseso’’ti vadanti. Vīmaṃsitabbaṃ.
гааяасам̣саг̇г̇асигкаабад̣̇аван̣н̣анаа нидтид̇аа.
Kāyasaṃsaggasikkhāpadavaṇṇanā niṭṭhitā.
