| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. гааяасам̣саг̇г̇асигкаабад̣̇аван̣н̣анаа
2. Kāyasaṃsaggasikkhāpadavaṇṇanā
269. д̣̇уд̇ияз язсу вивадзсу анд̇хагааро ход̇и, д̇аани виваранд̇од̇и б̣раахман̣ияаа сад̣̇д̇хим̣ гааяасам̣саг̇г̇ам̣ самаабаж̇ж̇ид̇угаамо звамагааси. д̇зна гад̇ассаби виббагаарасса ад̇д̇ани гад̇ад̇д̇аа ‘‘ад̇д̇ано виббагаара’’нд̇и вуд̇д̇ам̣. ул̣аарад̇д̇ад̇аад̇и ул̣ааражид̇д̇ад̇аа, бан̣ийд̇аад̇химуд̇д̇ад̇аад̇и вуд̇д̇ам̣ ход̇и.
269. Dutiye yesu vivaṭesu andhakāro hoti, tāni vivarantoti brāhmaṇiyā saddhiṃ kāyasaṃsaggaṃ samāpajjitukāmo evamakāsi. Tena katassapi vippakārassa attani katattā ‘‘attano vippakāra’’nti vuttaṃ. Uḷārattatāti uḷāracittatā, paṇītādhimuttatāti vuttaṃ hoti.
270. од̇ин̣н̣од̇и ид̣̇ам̣ гаммасаад̇ханам̣ гад̇д̇усаад̇ханам̣ ваа ход̇ийд̇и д̇ад̣̇убхаяавасзна ад̇т̇ам̣ д̣̇ассзнд̇о ‘‘яагкаад̣̇ийхи вияа сад̇д̇аа’’д̇иаад̣̇имааха. асамабзгкид̇ваад̇и яат̇аасабхаавам̣ анубабаригкид̇ваа, яат̇аа д̇з рад̇иж̇анагаа руубаад̣̇аяо висаяаа анижжад̣̇угкаасубхаанад̇д̇аагаарзна авад̇т̇ид̇аа, д̇ат̇аа абассид̇ваад̇и вуд̇д̇ам̣ ход̇и.
270.Otiṇṇoti idaṃ kammasādhanaṃ kattusādhanaṃ vā hotīti tadubhayavasena atthaṃ dassento ‘‘yakkhādīhi viya sattā’’tiādimāha. Asamapekkhitvāti yathāsabhāvaṃ anupaparikkhitvā, yathā te ratijanakā rūpādayo visayā aniccadukkhāsubhānattākārena avatthitā, tathā apassitvāti vuttaṃ hoti.
271. сан̃н̃амавзланд̇и сийламарияаад̣̇ам̣. аажаарод̇и аажаран̣ам̣ хад̇т̇аг̇ахан̣аад̣̇игирияаа. ассаад̇и ‘‘гааяасам̣саг̇г̇ам̣ самаабаж̇ж̇зяяаа’’д̇и бад̣̇асса.
271.Saññamavelanti sīlamariyādaṃ. Ācāroti ācaraṇaṃ hatthagahaṇādikiriyā. Assāti ‘‘kāyasaṃsaggaṃ samāpajjeyyā’’ti padassa.
273. зд̇зсам̣ бад̣̇аанам̣ васзнаад̇и аамасанаад̣̇ибад̣̇аанам̣ васзна. ид̇о жид̇о жа…бз… сан̃жобзд̇ийд̇и ад̇д̇ано хад̇т̇ам̣ ваа гааяам̣ ваа д̇ирияам̣ ид̇о жид̇о жа сан̃жаарзд̇и. ‘‘гааяад̇о аможзд̇вааваад̇и важанад̇о мад̇т̇агад̇о бадтааяа хад̇т̇ам̣ од̇аарзнд̇асса гааяад̇о можзд̇ваа нивад̇т̇асаадагуубари омасанд̇асса т̇уллажжаяам̣, саадагад̇о од̇аарзд̇ваа ж̇ан̇гхад̇о бадтааяа гааяам̣ омасанд̇асса буна сан̇гхаад̣̇исзсо’’д̇и вад̣̇анд̇и.
273.Etesaṃ padānaṃ vasenāti āmasanādipadānaṃ vasena. Ito cito ca…pe… sañcopetīti attano hatthaṃ vā kāyaṃ vā tiriyaṃ ito cito ca sañcāreti. ‘‘Kāyato amocetvāvāti vacanato matthakato paṭṭhāya hatthaṃ otārentassa kāyato mocetvā nivatthasāṭakūpari omasantassa thullaccayaṃ, sāṭakato otāretvā jaṅghato paṭṭhāya kāyaṃ omasantassa puna saṅghādiseso’’ti vadanti.
д̣̇ваад̣̇асасуби аамасанаад̣̇иббаяог̇зсу згзгасмим̣ баяог̇з гааяад̇о аможид̇з згзгаава аабад̇д̇и ход̇ийд̇и ааха ‘‘муулаг̇г̇ахан̣амзва бамаан̣а’’нд̇и. ид̣̇ан̃жа згзна хад̇т̇зна гааяам̣ г̇ахзд̇ваа ид̇арзна хад̇т̇зна гааяабараамасанам̣ санд̇хааяа вуд̇д̇ам̣. згзна бана хад̇т̇зна гааяабадиб̣ад̣̇д̇хам̣ г̇ахзд̇ваа ид̇арзна д̇ад̇т̇а д̇ад̇т̇а гааяам̣ бараамасад̇о баяог̇аг̇ан̣анааяа аабад̇д̇и. аяам̣ бана сан̇гхаад̣̇исзсо на гзвалам̣ вад̇т̇увасзнзва, абижа сан̃н̃аавасзнабийд̇и ааха ‘‘ид̇т̇ияаа ид̇т̇исан̃н̃исса сан̇гхаад̣̇исзсо’’д̇и. баал̣ияам̣ д̇иражчаанаг̇ад̇о жа ход̇ийд̇и зд̇т̇а д̇иражчаанаг̇ад̇ид̇т̇ияаа д̇иражчаанаг̇ад̇абурисасса жа г̇ахан̣ам̣ взд̣̇ид̇аб̣б̣ам̣.
Dvādasasupi āmasanādippayogesu ekekasmiṃ payoge kāyato amocite ekekāva āpatti hotīti āha ‘‘mūlaggahaṇameva pamāṇa’’nti. Idañca ekena hatthena kāyaṃ gahetvā itarena hatthena kāyaparāmasanaṃ sandhāya vuttaṃ. Ekena pana hatthena kāyapaṭibaddhaṃ gahetvā itarena tattha tattha kāyaṃ parāmasato payogagaṇanāya āpatti. Ayaṃ pana saṅghādiseso na kevalaṃ vatthuvaseneva, apica saññāvasenapīti āha ‘‘itthiyā itthisaññissa saṅghādiseso’’ti. Pāḷiyaṃ tiracchānagato ca hotīti ettha tiracchānagatitthiyā tiracchānagatapurisassa ca gahaṇaṃ veditabbaṃ.
самасаарааг̇од̇и гааяасам̣саг̇г̇арааг̇зна згасад̣̇исарааг̇о. буриманаязнзваад̇и раж̇ж̇увад̇т̇аад̣̇ийхи баригкибид̇ваа г̇ахан̣з вуд̇д̇анаязна. буна буриманаязнзваад̇и самасаарааг̇о вуд̇д̇о. ананд̇аранаязнзваад̇и гааяабадиб̣ад̣̇д̇хааамасананаязна . взн̣иг̇г̇ахан̣зна ломаанамби сан̇г̇ахид̇ад̇д̇аа ломаанам̣ пусанзби сан̇гхаад̣̇исзсо вуд̇д̇о. ид̣̇аани вуд̇д̇амзвад̇т̇ам̣ багаасзд̇угаамо ‘‘убаад̣̇иннагзна хий’’д̇иаад̣̇имааха.
Samasārāgoti kāyasaṃsaggarāgena ekasadisarāgo. Purimanayenevāti rajjuvatthādīhi parikkhipitvā gahaṇe vuttanayena. Puna purimanayenevāti samasārāgo vutto. Anantaranayenevāti kāyapaṭibaddhaāmasananayena . Veṇiggahaṇena lomānampi saṅgahitattā lomānaṃ phusanepi saṅghādiseso vutto. Idāni vuttamevatthaṃ pakāsetukāmo ‘‘upādinnakena hī’’tiādimāha.
яат̇аанид̣̇д̣̇идтанид̣̇д̣̇зсзд̇и яат̇аавуд̇д̇агааяасам̣саг̇г̇анид̣̇д̣̇зсз. д̇знаад̇и д̇зна яат̇аавуд̇д̇агааран̣зна. сан̃н̃ааяа вирааг̇ид̇амхийд̇и сан̃н̃ааяа вирад̣̇д̇хааяа. лин̇г̇аб̣яад̇д̇аязна ‘‘вирааг̇ид̇амхий’’д̇и вуд̇д̇ам̣. имам̣ наама вад̇т̇унд̇и имасмим̣ сигкаабад̣̇з ааг̇ад̇ам̣ санд̇хааяа вад̣̇ад̇и. ан̃н̃амби яам̣ гин̃жи вад̇т̇ум̣ санд̇хааяа вад̣̇ад̇ийд̇иби гзжи. саарад̇д̇анд̇и гааяасам̣саг̇г̇арааг̇зна саарад̇д̇ам̣. вирад̇д̇анд̇и гааяасам̣саг̇г̇арааг̇арахид̇ам̣ маад̇убхаг̇инийаад̣̇им̣ санд̇хааяа вад̣̇ад̇и. ‘‘вирад̇д̇ам̣ г̇ан̣хиссаамий’’д̇и вирад̇д̇ам̣ г̇ан̣хи, д̣̇уггаданд̇и маад̇убзмаад̣̇ивасзна г̇ахан̣з д̣̇уггадам̣ вуд̇д̇ам̣.
Yathāniddiṭṭhaniddeseti yathāvuttakāyasaṃsagganiddese. Tenāti tena yathāvuttakāraṇena. Saññāya virāgitamhīti saññāya viraddhāya. Liṅgabyattayena ‘‘virāgitamhī’’ti vuttaṃ. Imaṃ nāma vatthunti imasmiṃ sikkhāpade āgataṃ sandhāya vadati. Aññampi yaṃ kiñci vatthuṃ sandhāya vadatītipi keci. Sārattanti kāyasaṃsaggarāgena sārattaṃ. Virattanti kāyasaṃsaggarāgarahitaṃ mātubhaginīādiṃ sandhāya vadati. ‘‘Virattaṃ gaṇhissāmī’’ti virattaṃ gaṇhi, dukkaṭanti mātupemādivasena gahaṇe dukkaṭaṃ vuttaṃ.
имааяа баал̣ияаа самзд̇ийд̇и самб̣анд̇хо. гат̇ам̣ самзд̇ийд̇и жз? яад̣̇и хи ‘‘ид̇т̇ияаа гааяабадиб̣ад̣̇д̇хам̣ г̇ан̣хиссаамий’’д̇и жид̇д̇з уббаннз ид̇т̇исан̃н̃аа вирааг̇ид̇аа бхавзяяа, гааяабадиб̣ад̣̇д̇хаг̇г̇ахан̣з т̇уллажжаяам̣ вад̣̇анд̇зна бхаг̇авад̇аа ‘‘ид̇т̇ий жа ход̇и ид̇т̇исан̃н̃ий жаа’’д̇и на вад̇д̇аб̣б̣ам̣ сияаа, вуд̇д̇ан̃жа, д̇асмаа ‘‘ид̇т̇ияаа гааяабадиб̣ад̣̇д̇хам̣ г̇ан̣хиссаамий’’д̇и гааяам̣ г̇ан̣ханд̇асса ид̇т̇исан̃н̃аа вирааг̇ид̇аа наама на ход̇ийд̇и ‘‘гааяабадиб̣ад̣̇д̇хам̣ г̇ан̣хиссаамийд̇и гааяам̣ г̇ан̣ханд̇о яат̇аавад̇т̇угамзва аабаж̇ж̇ад̇ий’’д̇и махаасумад̇т̇зрзна вуд̇д̇аваад̣̇о имааяа баал̣ияаа самзд̇и. яо банзд̇т̇а ‘‘сад̇иби ид̇т̇исан̃н̃ааяа гааяабадиб̣ад̣̇д̇хам̣ г̇ан̣ханд̇асса г̇ахан̣асамаяз ‘гааяабадиб̣ад̣̇д̇хам̣ г̇ан̣хиссаамий’д̇и сан̃н̃ам̣ табзд̇ваа ‘ид̇т̇им̣ г̇ан̣хаамий’д̇и сан̃н̃ааяа абхаавад̇о вад̇т̇усан̃н̃аанам̣ бхиннад̇д̇аа аяуд̇д̇а’’нд̇и вад̣̇зяяа, со бужчид̇аб̣б̣о ‘‘гим̣ гааяабадиб̣ад̣̇д̇хам̣ вад̇т̇аад̣̇им̣ г̇ан̣ханд̇о ид̇т̇ияаа рааг̇зна г̇ан̣хаад̇и, уд̣̇ааху вад̇т̇аад̣̇ийсу рааг̇знаа’’д̇и. яад̣̇и ‘‘вад̇т̇аад̣̇ийсу рааг̇зна г̇ан̣хаад̇ий’’д̇и вад̣̇зяяа, ид̇т̇ияаа гааяабадиб̣ад̣̇д̇хам̣ ахуд̇ваа ан̃н̃ад̇т̇а тид̇ам̣ вад̇т̇аад̣̇им̣ г̇ан̣ханд̇ассаби т̇уллажжаяам̣ сияаа, д̇асмаа ид̇т̇ий ид̇т̇исан̃н̃аа саарад̇д̇абхааво г̇ахан̣ан̃жаад̇и ан̇г̇абаарибуурисаб̣бхаавад̇о махаасумад̇т̇зраваад̣̇ова яуд̇д̇аваад̣̇о. адтагат̇аавинижчаязхи жа самзд̇ийд̇и зд̇т̇ааби аяамад̇хиббааяо – яад̣̇и сан̃н̃аавирааг̇зна вирааг̇ид̇ам̣ наама сияаа, ‘‘самб̣ахулаа ид̇т̇ияо б̣аахаахи баригкибид̇ваа г̇ан̣хаамий’’д̇и звам̣сан̃н̃исса ‘‘маж̇жхаг̇ад̇ид̇т̇ияо гааяабадиб̣ад̣̇д̇хзна г̇ан̣хаамий’’д̇и зваруубааяа сан̃н̃ааяа абхаавад̇о маж̇жхаг̇ад̇аанам̣ васзна т̇уллажжаяам̣ на сияаа, звам̣ санд̇зби адтагат̇ааяа т̇уллажжаяасса вуд̇д̇ад̇д̇аа сан̃н̃аавирааг̇зна вирааг̇ид̇ам̣ наама на ход̇ийд̇и аяамад̇т̇о сид̣̇д̇хоязваад̇и. нийлзна д̣̇увин̃н̃зяяасабхаавад̇о гаал̣ид̇т̇ий вуд̇д̇аа.
Imāya pāḷiyā sametīti sambandho. Kathaṃ sametīti ce? Yadi hi ‘‘itthiyā kāyapaṭibaddhaṃ gaṇhissāmī’’ti citte uppanne itthisaññā virāgitā bhaveyya, kāyapaṭibaddhaggahaṇe thullaccayaṃ vadantena bhagavatā ‘‘itthī ca hoti itthisaññī cā’’ti na vattabbaṃ siyā, vuttañca, tasmā ‘‘itthiyā kāyapaṭibaddhaṃ gaṇhissāmī’’ti kāyaṃ gaṇhantassa itthisaññā virāgitā nāma na hotīti ‘‘kāyapaṭibaddhaṃ gaṇhissāmīti kāyaṃ gaṇhanto yathāvatthukameva āpajjatī’’ti mahāsumattherena vuttavādo imāya pāḷiyā sameti. Yo panettha ‘‘satipi itthisaññāya kāyapaṭibaddhaṃ gaṇhantassa gahaṇasamaye ‘kāyapaṭibaddhaṃ gaṇhissāmī’ti saññaṃ ṭhapetvā ‘itthiṃ gaṇhāmī’ti saññāya abhāvato vatthusaññānaṃ bhinnattā ayutta’’nti vadeyya, so pucchitabbo ‘‘kiṃ kāyapaṭibaddhaṃ vatthādiṃ gaṇhanto itthiyā rāgena gaṇhāti, udāhu vatthādīsu rāgenā’’ti. Yadi ‘‘vatthādīsu rāgena gaṇhātī’’ti vadeyya, itthiyā kāyapaṭibaddhaṃ ahutvā aññattha ṭhitaṃ vatthādiṃ gaṇhantassapi thullaccayaṃ siyā, tasmā itthī itthisaññā sārattabhāvo gahaṇañcāti aṅgapāripūrisabbhāvato mahāsumattheravādova yuttavādo. Aṭṭhakathāvinicchayehi ca sametīti etthāpi ayamadhippāyo – yadi saññāvirāgena virāgitaṃ nāma siyā, ‘‘sambahulā itthiyo bāhāhi parikkhipitvā gaṇhāmī’’ti evaṃsaññissa ‘‘majjhagatitthiyo kāyapaṭibaddhena gaṇhāmī’’ti evarūpāya saññāya abhāvato majjhagatānaṃ vasena thullaccayaṃ na siyā, evaṃ santepi aṭṭhakathāya thullaccayassa vuttattā saññāvirāgena virāgitaṃ nāma na hotīti ayamattho siddhoyevāti. Nīlena duviññeyyasabhāvato kāḷitthī vuttā.
279. сзванаад̇хиббааяод̇и пассасукасзванаад̇хиббааяо. ид̇т̇ияаа гааязна бхигкусса гааяабадиб̣ад̣̇д̇хаамасанаваарзби пассам̣ бадивиж̇аанаад̇ийд̇и ид̣̇ам̣ ад̇д̇ано гааяабадиб̣ад̣̇д̇хаамасанзби гааяасамб̣анд̇хасабхаавад̇о вуд̇д̇ам̣. зд̇т̇аад̇и ниссаг̇г̇иязна ниссаг̇г̇ияаваарз. могкаад̇хиббааяод̇и зд̇т̇а батамам̣ гааяасам̣саг̇г̇арааг̇з сад̇иби бажчаа могкаад̇хиббааяасса анаабад̇д̇и.
279.Sevanādhippāyoti phassasukhasevanādhippāyo. Itthiyā kāyena bhikkhussa kāyapaṭibaddhāmasanavārepi phassaṃ paṭivijānātīti idaṃ attano kāyapaṭibaddhāmasanepi kāyasambandhasabhāvato vuttaṃ. Etthāti nissaggiyena nissaggiyavāre. Mokkhādhippāyoti ettha paṭhamaṃ kāyasaṃsaggarāge satipi pacchā mokkhādhippāyassa anāpatti.
281. баарибант̇игаад̇и вилумбанигаа, анд̇арааяигаад̇и вуд̇д̇ам̣ ход̇и. над̣̇ийсод̇зна вуяхамаанам̣ маад̇аранд̇и уггадтабарижчзд̣̇ад̣̇ассанад̇т̇ам̣ вуд̇д̇ам̣, ан̃н̃аасуби бана ид̇т̇ийсу гаарун̃н̃аад̇хиббааязна маад̇ари вуд̇д̇анаязна бадибаж̇ж̇анд̇асса нзвад̇т̇и д̣̇осод̇и вад̣̇анд̇и. ‘‘маад̇ара’’нд̇и вуд̇д̇ад̇д̇аа ан̃н̃аасам̣ на ваддад̇ийд̇и вад̣̇анд̇ааби ад̇т̇и. д̇ин̣ан̣д̣убаганд̇и хирийвзраад̣̇имуулзхи гад̇ажумб̣адагам̣. д̇аалабан̣н̣амуд̣̇д̣̇иганд̇и д̇аалабан̣н̣зхи гад̇аан̇г̇улимуд̣̇д̣̇игам̣. баривад̇д̇зд̇ваад̇и ад̇д̇ано ниваасанабаарубанабхаавад̇о абанзд̇ваа, жийварад̇т̇ааяа абанаамзд̇ваад̇и вуд̇д̇ам̣ ход̇и. жийварад̇т̇ааяа баад̣̇амуулз табзд̇и, ваддад̇ийд̇и ид̣̇ам̣ нид̣̇ассанамад̇д̇ам̣, бажжад̇т̇аран̣авид̇аанаад̣̇иад̇т̇амби ваддад̇иязва, бууж̇аад̣̇иад̇т̇ам̣ д̇аавагаалигамби г̇ахзд̇ум̣ ваддад̇и.
281.Pāripanthikāti vilumpanikā, antarāyikāti vuttaṃ hoti. Nadīsotena vuyhamānaṃ mātaranti ukkaṭṭhaparicchedadassanatthaṃ vuttaṃ, aññāsupi pana itthīsu kāruññādhippāyena mātari vuttanayena paṭipajjantassa nevatthi dosoti vadanti. ‘‘Mātara’’nti vuttattā aññāsaṃ na vaṭṭatīti vadantāpi atthi. Tiṇaṇḍupakanti hirīverādimūlehi katacumbaṭakaṃ. Tālapaṇṇamuddikanti tālapaṇṇehi kataaṅgulimuddikaṃ. Parivattetvāti attano nivāsanapārupanabhāvato apanetvā, cīvaratthāya apanāmetvāti vuttaṃ hoti. Cīvaratthāya pādamūle ṭhapeti, vaṭṭatīti idaṃ nidassanamattaṃ, paccattharaṇavitānādiatthampi vaṭṭatiyeva, pūjādiatthaṃ tāvakālikampi gahetuṃ vaṭṭati.
ид̇т̇исан̣таанзна гад̇анд̇и зд̇т̇а хздтимабарижчзд̣̇ад̇о баарааж̇игавад̇т̇убхууд̇ад̇иражчаанаг̇ад̇ид̇т̇ийнамби анаамаасабхаавад̇о д̇аад̣̇исам̣ ид̇т̇исан̣таанзна гад̇ам̣ д̇иражчаанаг̇ад̇аруубамби анаамаасанд̇и д̣̇адтаб̣б̣ам̣. ‘‘бхигкунийхи бадимааруубам̣ аамасид̇ум̣ ваддад̇ий’’д̇и вад̣̇анд̇и аажарияаа. ид̇т̇ируубаани д̣̇ассзд̇ваа гад̇ам̣ вад̇т̇ан̃жа бажжад̇т̇аран̣ан̃жа бхид̇д̇ин̃жа ид̇т̇ируубам̣ анаамасид̇ваа г̇ан̣хид̇ум̣ ваддад̇и. бхинд̣̇ид̇ваад̇и зд̇т̇а хад̇т̇зна аг̇г̇ахзд̇ваава гзнажид̣̇зва д̣̇ан̣д̣аад̣̇инаа бхинд̣̇ид̇аб̣б̣ам̣. зд̇т̇а жа ‘‘анаамаасамби хад̇т̇зна абараамасид̇ваа д̣̇ан̣д̣аад̣̇инаа гзнажи бхинд̣̇ид̇ум̣ ваддад̇ий’’д̇и ид̇ха вуд̇д̇ад̇д̇аа ‘‘бам̣сугуулам̣ г̇ан̣ханд̇зна маад̇уг̇аамасарийрзби сад̇т̇аад̣̇ийхи ван̣ам̣ гад̇ваа г̇ахзд̇аб̣б̣а’’нд̇и вуд̇д̇ад̇д̇аа жа г̇ахид̇аман̣д̣уугасаббиним̣ д̣̇ан̣д̣аад̣̇ийхи ниббийл̣зд̇ваа ман̣д̣уугам̣ виссаж̇ж̇аабзд̇ум̣ ваддад̇и.
Itthisaṇṭhānena katanti ettha heṭṭhimaparicchedato pārājikavatthubhūtatiracchānagatitthīnampi anāmāsabhāvato tādisaṃ itthisaṇṭhānena kataṃ tiracchānagatarūpampi anāmāsanti daṭṭhabbaṃ. ‘‘Bhikkhunīhi paṭimārūpaṃ āmasituṃ vaṭṭatī’’ti vadanti ācariyā. Itthirūpāni dassetvā kataṃ vatthañca paccattharaṇañca bhittiñca itthirūpaṃ anāmasitvā gaṇhituṃ vaṭṭati. Bhinditvāti ettha hatthena aggahetvāva kenacideva daṇḍādinā bhinditabbaṃ. Ettha ca ‘‘anāmāsampi hatthena aparāmasitvā daṇḍādinā kenaci bhindituṃ vaṭṭatī’’ti idha vuttattā ‘‘paṃsukūlaṃ gaṇhantena mātugāmasarīrepi satthādīhi vaṇaṃ katvā gahetabba’’nti vuttattā ca gahitamaṇḍūkasappiniṃ daṇḍādīhi nippīḷetvā maṇḍūkaṃ vissajjāpetuṃ vaṭṭati.
маг̇г̇ам̣ ад̇хидтааяаад̇и маг̇г̇з г̇ажчаамийд̇и звам̣ маг̇г̇асан̃н̃ий худ̇ваад̇и ад̇т̇о. гийл̣анд̇знаад̇и ид̣̇ам̣ г̇ихисанд̇агам̣ санд̇хааяа вуд̇д̇ам̣, бхигкусанд̇агам̣ бана язна гзнажи ад̇хиббааязна анаамасид̇аб̣б̣амзва д̣̇урубажин̣н̣абхаавад̇о. д̇аалабанасаад̣̇ийнийд̇и жзд̇т̇а аад̣̇и-сад̣̇д̣̇зна наал̣игзралаб̣уж̇ад̇ибусаалааб̣угумбхан̣д̣абуссапалазл̣аалугапалаанам̣ сан̇г̇ахо д̣̇адтаб̣б̣о. ‘‘яат̇аавуд̇д̇апалаанам̣язва жзд̇т̇а гийл̣аад̇хиббааязна аамасанам̣ на ваддад̇ий’’д̇и вуд̇д̇ад̇д̇аа баасаан̣асагкараад̣̇ийни гийл̣аад̇хиббааязнаби аамасид̇ум̣ ваддад̇и.
Maggaṃ adhiṭṭhāyāti magge gacchāmīti evaṃ maggasaññī hutvāti attho. Kīḷantenāti idaṃ gihisantakaṃ sandhāya vuttaṃ, bhikkhusantakaṃ pana yena kenaci adhippāyena anāmasitabbameva durupaciṇṇabhāvato. Tālapanasādīnīti cettha ādi-saddena nāḷikeralabujatipusaalābukumbhaṇḍapussaphalaeḷālukaphalānaṃ saṅgaho daṭṭhabbo. ‘‘Yathāvuttaphalānaṃyeva cettha kīḷādhippāyena āmasanaṃ na vaṭṭatī’’ti vuttattā pāsāṇasakkharādīni kīḷādhippāyenapi āmasituṃ vaṭṭati.
муд̇д̇аад̇и хад̇т̇игумбхаж̇аад̣̇игаа адтавид̇хаа муд̇д̇аа. д̇ат̇аа хи хад̇т̇игумбхам̣, вараахад̣̇аатам̣, бхуж̇ан̇г̇асийсам̣, валаахагам̣, взл̣у, мажчасиро, сан̇ко, сиббийд̇и адта муд̇д̇ааяонияо. д̇ад̇т̇а хад̇т̇игумбхаж̇аа бийд̇аван̣н̣аа бабхаавихийнаа. вараахад̣̇аатаж̇аа вараахад̣̇аатаван̣н̣аава. бхуж̇ан̇г̇асийсаж̇аа нийлаад̣̇иван̣н̣аа сувисуд̣̇д̇хаа ваддалаа. валаахагаж̇аа аабхаасуураа д̣̇уб̣б̣ибхааг̇аруубаа рад̇д̇ибхааг̇з анд̇хагаарам̣ вид̣̇д̇хаманд̇ияо д̇идтанд̇и, д̣̇звуубабхог̇аа зва жа хонд̇и. взл̣уж̇аа гарагапаласамаанаван̣н̣аа на аабхаасуураа, д̇з жа взл̣уу амануссаг̇ожарз зва бад̣̇зсз ж̇ааяанд̇и. мажчасираж̇аа баатийнабидтисамааанаван̣н̣аа ваддалаа лагхаво жа хонд̇и бабхаавихийнаа жа, д̇з жа мажчаа самуд̣̇д̣̇амаж̇жхзязва ж̇ааяанд̇и. сан̇каж̇аа сан̇кауд̣̇аражчавиван̣н̣аа голапалаббамаан̣ааби хонд̇и бабхаавихийнаава. сиббиж̇аа бабхаависзсаяуд̇д̇аа хонд̇и наанаасан̣таанаа. звам̣ ж̇аад̇ид̇о адтавид̇хаасу муд̇д̇аасу яаа мажчасан̇касиббиж̇аа, д̇аа саамуд̣̇д̣̇игаа. бхуж̇ан̇г̇аж̇ааби гаажи саамуд̣̇д̣̇игаа хонд̇и, ид̇араа асаамуд̣̇д̣̇игаа. яасмаа б̣ахулам̣ саамуд̣̇д̣̇игаава муд̇д̇аа логз д̣̇иссанд̇и, д̇ад̇т̇ааби саббиж̇аава, ид̇араа гад̣̇аажи гаажи, д̇асмаа саммохавинод̣̇анияам̣ ‘‘муд̇д̇аад̇и саамуд̣̇д̣̇игаа муд̇д̇аа’’д̇и вуд̇д̇ам̣.
Muttāti hatthikumbhajādikā aṭṭhavidhā muttā. Tathā hi hatthikumbhaṃ, varāhadāṭhaṃ, bhujaṅgasīsaṃ, valāhakaṃ, veḷu, macchasiro, saṅkho, sippīti aṭṭha muttāyoniyo. Tattha hatthikumbhajā pītavaṇṇā pabhāvihīnā. Varāhadāṭhajā varāhadāṭhavaṇṇāva. Bhujaṅgasīsajā nīlādivaṇṇā suvisuddhā vaṭṭalā. Valāhakajā ābhāsūrā dubbibhāgarūpā rattibhāge andhakāraṃ viddhamantiyo tiṭṭhanti, devūpabhogā eva ca honti. Veḷujā karakaphalasamānavaṇṇā na ābhāsūrā, te ca veḷū amanussagocare eva padese jāyanti. Macchasirajā pāṭhīnapiṭṭhisamaānavaṇṇā vaṭṭalā laghavo ca honti pabhāvihīnā ca, te ca macchā samuddamajjheyeva jāyanti. Saṅkhajā saṅkhaudaracchavivaṇṇā kolaphalappamāṇāpi honti pabhāvihīnāva. Sippijā pabhāvisesayuttā honti nānāsaṇṭhānā. Evaṃ jātito aṭṭhavidhāsu muttāsu yā macchasaṅkhasippijā, tā sāmuddikā. Bhujaṅgajāpi kāci sāmuddikā honti, itarā asāmuddikā. Yasmā bahulaṃ sāmuddikāva muttā loke dissanti, tatthāpi sappijāva, itarā kadāci kāci, tasmā sammohavinodaniyaṃ ‘‘muttāti sāmuddikā muttā’’ti vuttaṃ.
ман̣ийд̇и табзд̇ваа взл̣урияаад̣̇игз сзсо ж̇од̇ирасаад̣̇ибхзд̣̇о саб̣б̣оби ман̣и. взл̣урияод̇и вам̣саван̣н̣аман̣и. сан̇код̇и саамуд̣̇д̣̇игасан̇ко. силаад̇и гаал̣асилаабан̣д̣усилаасзд̇асилаад̣̇ибхзд̣̇аа саб̣б̣ааби силаа. раж̇ад̇анд̇и гахаабан̣аад̣̇игам̣ вуд̇д̇аавасзсам̣ рад̇анасаммад̇ам̣. ж̇аад̇аруубанд̇и суван̣н̣ам̣. лохид̇ан̇год̇и рад̇д̇аман̣и. масаараг̇алланд̇и габ̣араман̣и. бхан̣д̣амуулад̇т̇ааяаад̇и бад̇д̇ажийвараад̣̇ибхан̣д̣амуулад̇т̇ааяа. гудтарог̇ассаад̇и нид̣̇ассанамад̇д̇ам̣, д̇ааяа вуубасамзд̇аб̣б̣асса яасса гассажи рог̇ассад̇т̇ааяаби ваддад̇иязва. ‘‘бхзсаж̇ж̇ад̇т̇ан̃жа ад̇хидтааязва муд̇д̇аа ваддад̇ий’’д̇и д̇ийсуби г̇ан̣тибад̣̇зсу вуд̇д̇ам̣. аагарамуд̇д̇од̇и аагарад̇о муд̇д̇амад̇д̇о. ‘‘бхан̣д̣амуулад̇т̇ааяа самбадижчид̇ум̣ ваддад̇ий’’д̇и иминаа жа аамасид̇умби ваддад̇ийд̇и д̣̇ассзд̇и. бажид̇ваа гад̇од̇и гаажагаарзхи бажид̇ваа гад̇о.
Maṇīti ṭhapetvā veḷuriyādike seso jotirasādibhedo sabbopi maṇi. Veḷuriyoti vaṃsavaṇṇamaṇi. Saṅkhoti sāmuddikasaṅkho. Silāti kāḷasilāpaṇḍusilāsetasilādibhedā sabbāpi silā. Rajatanti kahāpaṇādikaṃ vuttāvasesaṃ ratanasammataṃ. Jātarūpanti suvaṇṇaṃ. Lohitaṅkoti rattamaṇi. Masāragallanti kabaramaṇi. Bhaṇḍamūlatthāyāti pattacīvarādibhaṇḍamūlatthāya. Kuṭṭharogassāti nidassanamattaṃ, tāya vūpasametabbassa yassa kassaci rogassatthāyapi vaṭṭatiyeva. ‘‘Bhesajjatthañca adhiṭṭhāyeva muttā vaṭṭatī’’ti tīsupi gaṇṭhipadesu vuttaṃ. Ākaramuttoti ākarato muttamatto. ‘‘Bhaṇḍamūlatthāya sampaṭicchituṃ vaṭṭatī’’ti iminā ca āmasitumpi vaṭṭatīti dasseti. Pacitvā katoti kācakārehi pacitvā kato.
д̇ход̇авид̣̇д̇хо жа рад̇анамиссод̇и алан̇гаарад̇т̇ам̣ ган̃жаналад̇аад̣̇им̣ д̣̇ассзд̇ваа гад̇о рад̇анакажид̇о д̇ход̇авид̣̇д̇хо анаамаасо. д̇ход̇авид̣̇д̇хо жа рад̇анамиссо жаад̇и висум̣ ваа бад̣̇ам̣ самб̣анд̇хид̇аб̣б̣ам̣. баанийяасан̇код̇и иминаа жа сан̇кзна гад̇абаанийяабхааж̇анабид̇хаанаад̣̇исаман̣абаригкаароби аамасид̇ум̣ ваддад̇ийд̇и сид̣̇д̇хам̣. сзсанд̇и рад̇анамиссам̣ табзд̇ваа авасзсам̣. муг̇г̇аван̣н̣ам̣язва рад̇анасаммиссам̣ гаронд̇и, на ан̃н̃анд̇и ааха ‘‘муг̇г̇аван̣н̣ааваа’’д̇и, муг̇г̇аван̣н̣аа рад̇анамиссаава на ваддад̇ийд̇и вуд̇д̇ам̣ ход̇и. сзсаад̇и рад̇анасаммиссам̣ табзд̇ваа авасзсаа муг̇г̇аван̣н̣аа нийласилаа.
Dhotaviddho ca ratanamissoti alaṅkāratthaṃ kañcanalatādiṃ dassetvā kato ratanakhacito dhotaviddho anāmāso. Dhotaviddho ca ratanamisso cāti visuṃ vā padaṃ sambandhitabbaṃ. Pānīyasaṅkhoti iminā ca saṅkhena katapānīyabhājanapidhānādisamaṇaparikkhāropi āmasituṃ vaṭṭatīti siddhaṃ. Sesanti ratanamissaṃ ṭhapetvā avasesaṃ. Muggavaṇṇaṃyeva ratanasammissaṃ karonti, na aññanti āha ‘‘muggavaṇṇāvā’’ti, muggavaṇṇā ratanamissāva na vaṭṭatīti vuttaṃ hoti. Sesāti ratanasammissaṃ ṭhapetvā avasesā muggavaṇṇā nīlasilā.
б̣ийж̇ад̇о бадтааяаад̇и д̇хаад̇убаасаан̣ад̇о бадтааяа. суван̣н̣ажзд̇ияанд̇и д̇хаад̇угаран̣д̣агам̣. бадигкибийд̇и ‘‘д̇хаад̇удтабанад̇т̇ааяа г̇ан̣хат̇аа’’д̇и авад̇ваа ‘‘д̇умхаагам̣ г̇ан̣хат̇аа’’д̇и бзсид̇ад̇д̇аа бадигкиби. суван̣н̣аб̣уб̣б̣ул̣аганд̇и суван̣н̣ад̇аарагам̣. ‘‘гзл̣аабаяид̇унд̇и ид̇о жид̇о жа сан̃жааранд̇зхи аамасид̇ум̣ ваддад̇ий’’д̇и махааадтагат̇ааяам̣ вуд̇д̇ам̣. гажаварамзва харид̇ум̣ ваддад̇ийд̇и жзд̇ияаг̇обагаа ваа бхигкуу хонд̇у ан̃н̃з ваа, хад̇т̇знаби бун̃чид̇ваа гажаварам̣ абанзд̇ум̣ ваддад̇и, маламби бамаж̇ж̇ид̇ум̣ ваддад̇иязва.
Bījato paṭṭhāyāti dhātupāsāṇato paṭṭhāya. Suvaṇṇacetiyanti dhātukaraṇḍakaṃ. Paṭikkhipīti ‘‘dhātuṭṭhapanatthāya gaṇhathā’’ti avatvā ‘‘tumhākaṃ gaṇhathā’’ti pesitattā paṭikkhipi. Suvaṇṇabubbuḷakanti suvaṇṇatārakaṃ. ‘‘Keḷāpayitunti ito cito ca sañcārantehi āmasituṃ vaṭṭatī’’ti mahāaṭṭhakathāyaṃ vuttaṃ. Kacavarameva harituṃ vaṭṭatīti cetiyagopakā vā bhikkhū hontu aññe vā, hatthenapi puñchitvā kacavaraṃ apanetuṃ vaṭṭati, malampi pamajjituṃ vaṭṭatiyeva.
аарагуудалоханд̇и гид̇д̇ималохам̣. д̇ийн̣и хи гид̇д̇ималохаани гам̣салохам̣, ваддалохам̣, аарагууданд̇и. д̇ад̇т̇а д̇ибуд̇амб̣з миссзд̇ваа гад̇ам̣ гам̣салохам̣, сийсад̇амб̣з миссзд̇ваа гад̇ам̣ ваддалохам̣, багад̇ирасад̇амб̣з миссзд̇ваа гад̇ам̣ аарагуудам̣. д̇знзва д̇ам̣гаран̣зна ниб̣б̣ад̇д̇ад̇д̇аа ‘‘гид̇д̇ималоха’’нд̇и вужжад̇и. ‘‘ж̇аад̇аруубаг̇ад̇игамзваад̇и вуд̇д̇ад̇д̇аа аарагуудам̣ суван̣н̣асад̣̇исамзва аамасид̇ум̣ на ваддад̇и, ан̃н̃ам̣ бана ваддад̇ий’’д̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘аарагуудам̣ анаамасид̇аб̣б̣ад̇о ж̇аад̇аруубаг̇ад̇игамзваад̇и вуд̇д̇ам̣, д̇асмаа убхаяамби ж̇аад̇аруубам̣ вияа аамасид̇ум̣ на ваддад̇ий’’д̇и вад̣̇анд̇и. батамам̣ вуд̇д̇оязва жа ад̇т̇о г̇ан̣тибад̣̇агаарзхи ад̇хиббзд̇о. бадиж̇аг̇г̇ид̇ум̣ ваддад̇ийд̇и сзнаасанабадиб̣ад̣̇д̇хад̇д̇аа вуд̇д̇ам̣.
Ārakūṭalohanti kittimalohaṃ. Tīṇi hi kittimalohāni kaṃsalohaṃ, vaṭṭalohaṃ, ārakūṭanti. Tattha tiputambe missetvā kataṃ kaṃsalohaṃ, sīsatambe missetvā kataṃ vaṭṭalohaṃ, pakatirasatambe missetvā kataṃ ārakūṭaṃ. Teneva taṃkaraṇena nibbattattā ‘‘kittimaloha’’nti vuccati. ‘‘Jātarūpagatikamevāti vuttattā ārakūṭaṃ suvaṇṇasadisameva āmasituṃ na vaṭṭati, aññaṃ pana vaṭṭatī’’ti tīsupi gaṇṭhipadesu vuttaṃ. Keci pana ‘‘ārakūṭaṃ anāmasitabbato jātarūpagatikamevāti vuttaṃ, tasmā ubhayampi jātarūpaṃ viya āmasituṃ na vaṭṭatī’’ti vadanti. Paṭhamaṃ vuttoyeva ca attho gaṇṭhipadakārehi adhippeto. Paṭijaggituṃ vaṭṭatīti senāsanapaṭibaddhattā vuttaṃ.
саамигаанам̣ бзсзд̇аб̣б̣анд̇и саамигаанам̣ саасанам̣ бзсзд̇аб̣б̣ам̣. бхинд̣̇ид̇ваад̇и хад̇т̇зна аг̇г̇ахзд̇ваа ан̃н̃зна язна гзнажи бхинд̣̇ид̇ваа. бхзрисан̇гхаадод̇и сан̇гхадид̇ажаммабхзрий. вийн̣аасан̇гхаадод̇и сан̇гхадид̇ажаммавийн̣аа. жаммавинад̣̇д̇хаанам̣ бхзривийн̣аанамзд̇ам̣ ад̇хиважанам̣. д̇ужчабогкаранд̇и авинад̣̇д̇хажаммам̣ бхзрибогкарам̣ вийн̣аабогкаран̃жа. ааробид̇ажамманд̇и бхзриаад̣̇ийнам̣ винад̣̇д̇ханад̇т̇ааяа мукаваддияам̣ ааробид̇ажаммам̣ д̇ад̇о уд̣̇д̇харид̇ваа висум̣ табид̇ажамман̃жа. онахид̇ум̣ ваад̇и бхзрибогкараад̣̇ийни жаммам̣ ааробзд̇ваа винанд̇хид̇ум̣. онахаабзд̇ум̣ ваад̇и д̇ат̇зва ан̃н̃зхи винанд̇хаабзд̇ум̣. баарааж̇игаббахонагагаалзд̇и агут̇ид̇агаалз.
Sāmikānaṃ pesetabbanti sāmikānaṃ sāsanaṃ pesetabbaṃ. Bhinditvāti hatthena aggahetvā aññena yena kenaci bhinditvā. Bherisaṅghāṭoti saṅghaṭitacammabherī. Vīṇāsaṅghāṭoti saṅghaṭitacammavīṇā. Cammavinaddhānaṃ bherivīṇānametaṃ adhivacanaṃ. Tucchapokkharanti avinaddhacammaṃ bheripokkharaṃ vīṇāpokkharañca. Āropitacammanti bheriādīnaṃ vinaddhanatthāya mukhavaṭṭiyaṃ āropitacammaṃ tato uddharitvā visuṃ ṭhapitacammañca. Onahituṃ vāti bheripokkharādīni cammaṃ āropetvā vinandhituṃ. Onahāpetuṃ vāti tatheva aññehi vinandhāpetuṃ. Pārājikappahonakakāleti akuthitakāle.
282. сан̇гамаад̣̇и бхуумиг̇ад̇игад̇д̇аа на гааяабадиб̣ад̣̇д̇хадтаанияанд̇и д̣̇уггадам̣ вуд̇д̇ам̣. згабад̣̇игасан̇гамод̇и куд̣̇д̣̇агасзд̇у. сагадамаг̇г̇асан̇гамод̇и сагадамаг̇г̇абхууд̇о махаасзд̇у. таанаа жаалзд̇унд̇и раж̇ж̇ум̣ таанаа жаалзд̇ум̣. бадижчаад̣̇зд̇аб̣б̣аад̇и абанзд̇аб̣б̣аа. мануссид̇т̇ий, ид̇т̇исан̃н̃ид̇аа, гааяасам̣саг̇г̇арааг̇о, д̇зна рааг̇зна вааяаамо, хад̇т̇аг̇г̇аахаад̣̇исамаабаж̇ж̇ананд̇и имаанзд̇т̇а бан̃жа ан̇г̇аани.
282. Saṅkamādi bhūmigatikattā na kāyapaṭibaddhaṭṭhāniyanti dukkaṭaṃ vuttaṃ. Ekapadikasaṅkamoti khuddakasetu. Sakaṭamaggasaṅkamoti sakaṭamaggabhūto mahāsetu. Ṭhānā cāletunti rajjuṃ ṭhānā cāletuṃ. Paṭicchādetabbāti apanetabbā. Manussitthī, itthisaññitā, kāyasaṃsaggarāgo, tena rāgena vāyāmo, hatthaggāhādisamāpajjananti imānettha pañca aṅgāni.
гааяасам̣саг̇г̇асигкаабад̣̇аван̣н̣анаа нидтид̇аа.
Kāyasaṃsaggasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. гааяасам̣саг̇г̇асигкаабад̣̇ам̣ • 2. Kāyasaṃsaggasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
