| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. гааяасам̣саг̇г̇асигкаабад̣̇аван̣н̣анаа
2. Kāyasaṃsaggasikkhāpadavaṇṇanā
270. ‘‘од̇ин̣н̣о’’д̇и иминаасса сзванаад̇хиббааяад̇аа д̣̇ассид̇аа. ‘‘вибарин̣ад̇зна жид̇д̇зна маад̇уг̇аамзна сад̣̇д̇хи’’нд̇и иминаасса вааяаамо д̣̇ассид̇о. ‘‘сад̣̇д̇хи’’нд̇и хи бад̣̇ам̣ сам̣яог̇ам̣ д̣̇ийбзд̇и, со жа баяог̇о самааг̇амо аллийяанам̣. гзна жид̇д̇зна? вибарин̣ад̇зна жид̇д̇зна, на бад̇д̇абадиг̇г̇ахан̣аад̇хиббааяаад̣̇инаад̇и ад̇хиббааяо. ‘‘гааяасам̣саг̇г̇ам̣ самаабаж̇ж̇зяяаа’’д̇и иминаасса вааяамад̇о пассабадивиж̇аананаа д̣̇ассид̇аа ход̇и. вааяамид̇ваа пассам̣ бадивиж̇аананд̇о хи самаабаж̇ж̇ад̇и наама. звамасса д̇иван̇г̇асамбад̇д̇и д̣̇ассид̇аа ход̇и. ат̇а ваа од̇ин̣н̣о. гзна? вибарин̣ад̇зна жид̇д̇зна яагкаад̣̇инаа сад̇д̇о вияа. убаяог̇ад̇т̇з ваа зд̇ам̣ гаран̣аважанам̣. од̇ин̣н̣о вибарин̣ад̇ам̣ жид̇д̇ам̣ гуубаад̣̇им̣ вияа сад̇д̇о. ат̇а ваа ‘‘рааг̇ад̇о уд̇д̇ин̣н̣о бхависсаамий’’д̇и бхигкубхаавам̣ убаг̇ад̇о, д̇ад̇о уд̇д̇ин̣н̣аад̇хиббааяад̇о вибарин̣ад̇зна жид̇д̇зна хзд̇убхууд̇зна д̇амзва рааг̇ам̣ од̇ин̣н̣о. маад̇уг̇аамзна ад̇д̇ано самийбам̣ ааг̇ад̇зна, ад̇д̇анаа убаг̇ад̇зна ваа. зд̇зна маад̇уг̇аамасса саарад̇д̇ад̇аа ваа ход̇у вирад̇д̇ад̇аа ваа, саа ид̇ха аббамаан̣аа, на бхигкунийнам̣ гааяасам̣саг̇г̇з вияа убхиннам̣ саарад̇д̇ад̇ааяа баяож̇анам̣ ад̇т̇и.
270. ‘‘Otiṇṇo’’ti imināssa sevanādhippāyatā dassitā. ‘‘Vipariṇatena cittena mātugāmena saddhi’’nti imināssa vāyāmo dassito. ‘‘Saddhi’’nti hi padaṃ saṃyogaṃ dīpeti, so ca payogo samāgamo allīyanaṃ. Kena cittena? Vipariṇatena cittena, na pattapaṭiggahaṇādhippāyādināti adhippāyo. ‘‘Kāyasaṃsaggaṃ samāpajjeyyā’’ti imināssa vāyamato phassapaṭivijānanā dassitā hoti. Vāyamitvā phassaṃ paṭivijānanto hi samāpajjati nāma. Evamassa tivaṅgasampatti dassitā hoti. Atha vā otiṇṇo. Kena? Vipariṇatena cittena yakkhādinā satto viya. Upayogatthe vā etaṃ karaṇavacanaṃ. Otiṇṇo vipariṇataṃ cittaṃ kūpādiṃ viya satto. Atha vā ‘‘rāgato uttiṇṇo bhavissāmī’’ti bhikkhubhāvaṃ upagato, tato uttiṇṇādhippāyato vipariṇatena cittena hetubhūtena tameva rāgaṃ otiṇṇo. Mātugāmena attano samīpaṃ āgatena, attanā upagatena vā. Etena mātugāmassa sārattatā vā hotu virattatā vā, sā idha appamāṇā, na bhikkhunīnaṃ kāyasaṃsagge viya ubhinnaṃ sārattatāya payojanaṃ atthi.
гааяасам̣саг̇г̇анд̇и убхиннам̣ гааяаанам̣ самбаяог̇ам̣. бад̣̇абхааж̇анз бана ‘‘самаабаж̇ж̇зяяаад̇и аж̇жхаажааро вужжад̇ий’’д̇и вуд̇д̇ам̣, д̇ам̣ самаабаж̇ж̇анам̣ санд̇хааяа, на гааяасам̣саг̇г̇ам̣. гааяасам̣саг̇г̇асса самаабаж̇ж̇анаа хи ‘‘аж̇жхаажааро’’д̇и вужжад̇и. адтагат̇ааяам̣ бана ‘‘яо со гааяасам̣саг̇г̇о наама, со ад̇т̇ад̇о аж̇жхаажааро ход̇ий’’д̇и вуд̇д̇ам̣, д̇ам̣ барад̇о баал̣ияам̣ ‘‘сзванаад̇хиббааяо, на жа гааязна вааяамад̇и, пассам̣ бадивиж̇аанаад̇и, анаабад̇д̇ий’’д̇и (баараа. 279) вуд̇д̇алагкан̣зна вируж̇жхад̇ийд̇и. пассабадивиж̇аананааяа хи сам̣саг̇г̇о д̣̇ийбид̇о. со жз аж̇жхаажааро ход̇и, гат̇ам̣ анаабад̇д̇и ход̇ийд̇и. сувуд̇д̇амзд̇ам̣, гинд̇у ‘‘гааяасам̣саг̇г̇ам̣ самаабаж̇ж̇зяяаа’’д̇и бад̣̇ам̣ уд̣̇д̇харид̇ваа ‘‘аж̇жхаажааро вужжад̇ий’’д̇и убхиннамби бад̣̇аанам̣ сааман̃н̃абхааж̇анийяад̇д̇аа, самаабаж̇ж̇ид̇аб̣б̣аабхаавз самаабаж̇ж̇анаабхаавзна ‘‘со ад̇т̇ад̇о аж̇жхаажааро ход̇ий’’д̇и вуд̇д̇ам̣ сияаа.
Kāyasaṃsagganti ubhinnaṃ kāyānaṃ sampayogaṃ. Padabhājane pana ‘‘samāpajjeyyāti ajjhācāro vuccatī’’ti vuttaṃ, taṃ samāpajjanaṃ sandhāya, na kāyasaṃsaggaṃ. Kāyasaṃsaggassa samāpajjanā hi ‘‘ajjhācāro’’ti vuccati. Aṭṭhakathāyaṃ pana ‘‘yo so kāyasaṃsaggo nāma, so atthato ajjhācāro hotī’’ti vuttaṃ, taṃ parato pāḷiyaṃ ‘‘sevanādhippāyo, na ca kāyena vāyamati, phassaṃ paṭivijānāti, anāpattī’’ti (pārā. 279) vuttalakkhaṇena virujjhatīti. Phassapaṭivijānanāya hi saṃsaggo dīpito. So ce ajjhācāro hoti, kathaṃ anāpatti hotīti. Suvuttametaṃ, kintu ‘‘kāyasaṃsaggaṃ samāpajjeyyā’’ti padaṃ uddharitvā ‘‘ajjhācāro vuccatī’’ti ubhinnampi padānaṃ sāmaññabhājanīyattā, samāpajjitabbābhāve samāpajjanābhāvena ‘‘so atthato ajjhācāro hotī’’ti vuttaṃ siyā.
‘‘хад̇т̇аг̇г̇аахам̣ ваа’’д̇и зд̇т̇а хад̇т̇зна саб̣б̣оби убаад̣̇иннаго гааяо сан̇г̇ахид̇о, на бхиннасанд̇аано д̇аббадиб̣ад̣̇д̇хо хад̇т̇аалан̇гаараад̣̇и. взн̣иг̇г̇ахан̣зна анубаад̣̇иннаго абхиннасанд̇аано гзсаломанакад̣̇анд̇аад̣̇иго гаммабажжаяауд̇усамудтаано г̇ахид̇од̇и взд̣̇ид̇аб̣б̣ам̣. д̇знзвааха адтагат̇ааяам̣ ‘‘анубаад̣̇иннагзнаби гзнажи гзсаад̣̇инаа убаад̣̇иннагам̣ ваа анубаад̣̇иннагам̣ ваа пусанд̇оби сан̇гхаад̣̇исзсам̣ аабаж̇ж̇ад̇иязваа’’д̇и (баараа. адта. 2.274). д̇зна анубаад̣̇иннагаанамби гзсаломаад̣̇ийнам̣ ан̇г̇абхааво взд̣̇ид̇аб̣б̣о. звам̣ санд̇зби ‘‘пассам̣ бадиж̇аанаад̇ийд̇и д̇иван̇г̇асамбад̇д̇ияаа сан̇гхаад̣̇исзсо. пассасса аббадивиж̇аананад̇о д̣̇уван̇г̇асамбад̇д̇ияаа д̣̇уггада’’нд̇и иминаа баал̣иадтагат̇аанаязна вируж̇жхад̇ийд̇и жз? на, д̇ад̣̇ад̇т̇аж̇аананад̇о. пудтабхааван̃хи бадивиж̇аананд̇оби пассам̣ бадивиж̇аанаад̇и наама, аяамзго ад̇т̇о, д̇асмаа маад̇уг̇аамасса, ад̇д̇ано жа гааяабарияаабаннаанам̣ гзсаад̣̇ийнам̣ ан̃н̃аман̃н̃ам̣ пудтабхаавам̣ пусид̇ваа д̇ам̣ саад̣̇ияанам̣ пассам̣ бадивиж̇аанаад̇и наама, на гааяавин̃н̃аан̣уббад̇д̇ияаа зва. анзганд̇иган̃хзд̇т̇а гааяавин̃н̃аан̣ам̣. маад̇уг̇аамасса убаад̣̇иннагзна гааязна, анубаад̣̇иннагзна ваа гааязна бхигкуно убаад̣̇иннагагааяз пудтз басаннагааяинд̣̇рияо жз ход̇и, д̇асса гааяавин̃н̃аан̣ам̣ уббаж̇ж̇ад̇и, д̇знзва пассам̣ бадивиж̇аанаад̇и наама со ход̇и. анубаад̣̇иннагагааяо, лолуббо аббасаннагааяинд̣̇рияо ваа ход̇и, д̇имираваад̇зна убахад̇агааяо ваа д̇асса гааяавин̃н̃аан̣ам̣ нуббаж̇ж̇ад̇и. на жа д̇зна пассам̣ бадивиж̇аанаад̇и наама, гзвалам̣ сзванаад̇хиббааязна вааяамид̇ваа гааяасам̣саг̇г̇ам̣ самаабаж̇ж̇анд̇о пассам̣ бадивиж̇аанаад̇и наама мановин̃н̃аан̣зна, д̇зна вуд̇д̇ам̣ ‘‘гааяасам̣саг̇г̇ам̣ самаабаж̇ж̇зяяаад̇и иминаасса вааяамад̇о пассабадивиж̇аананаа д̣̇ассид̇аа’’д̇и. абароби бхигку маад̇уг̇аамасса гааяабадиб̣ад̣̇д̇хзна ваа ниссаг̇г̇иязна ваа пудто гааяавин̃н̃аан̣ам̣ уббаад̣̇знд̇зна пассам̣ бадивиж̇аанаад̇и наама, д̇асмаа вуд̇д̇ам̣ ‘‘анзганд̇иган̃хзд̇т̇а гааяавин̃н̃аан̣а’’нд̇и. абаро вад̇т̇ам̣ баарубид̇ваа нид̣̇д̣̇ааяанд̇ам̣ маад̇уг̇аамам̣ гааяасам̣саг̇г̇арааг̇зна вад̇т̇асса убарибхааг̇з сан̣игам̣ пусанд̇о вад̇т̇анд̇арзна нигканд̇аломасампассам̣ аббадивиж̇аананд̇оби сзванаад̇хиббааяо гааязна вааяамид̇ваа пассам̣ бадивиж̇аанаад̇и наама, сан̇гхаад̣̇исзсам̣ аабаж̇ж̇ад̇и. ‘‘нийлам̣ гхаддзссаамийд̇и гааяам̣ гхаддзд̇и, сан̇гхаад̣̇исзсо’’д̇и хи вуд̇д̇ам̣. аяам̣ д̣̇уд̇ияо ад̇т̇о. звам̣ анзгад̇т̇ад̇д̇аа, звам̣ д̣̇увин̃н̃зяяаад̇хиббааяад̇о жа маад̇игаадтагат̇ааяам̣ пассабадивиж̇аананам̣ ан̇г̇анд̇взва на вуд̇д̇ам̣. д̇асмин̃хи вуд̇д̇з таанамзд̇ам̣ виж̇ж̇ад̇и, яам̣ бхигку сан̇гхаад̣̇исзсам̣ аабаж̇ж̇ид̇вааби накзна ломзна сам̣саг̇г̇о д̣̇идто, на жа мз ломагхадданзна гааяавин̃н̃аан̣ам̣ уббаннам̣, д̇имираваад̇ат̇ад̣̇д̇хаг̇ад̇д̇о жаахам̣ на пассам̣ бадивиж̇аанаамийд̇и анаабаннасан̃н̃ий сияаад̇и на вуд̇д̇ам̣, абижа ‘‘пассам̣ бадивиж̇аанаад̇и, на жа пассам̣ бадивиж̇аанаад̇ий’’д̇и жа зд̇зсам̣ бад̣̇аанам̣ адтагат̇ааяам̣ вуд̇д̇анаяам̣ д̣̇ассзд̇ваа со бан̃н̃аабзд̇аб̣б̣о. зд̇д̇аавад̇аа на д̇ад̣̇ад̇т̇аж̇аананад̇од̇и гааран̣ам̣ вид̇т̇аарид̇ам̣ ход̇и.
‘‘Hatthaggāhaṃ vā’’ti ettha hatthena sabbopi upādinnako kāyo saṅgahito, na bhinnasantāno tappaṭibaddho hatthālaṅkārādi. Veṇiggahaṇena anupādinnako abhinnasantāno kesalomanakhadantādiko kammapaccayautusamuṭṭhāno gahitoti veditabbaṃ. Tenevāha aṭṭhakathāyaṃ ‘‘anupādinnakenapi kenaci kesādinā upādinnakaṃ vā anupādinnakaṃ vā phusantopi saṅghādisesaṃ āpajjatiyevā’’ti (pārā. aṭṭha. 2.274). Tena anupādinnakānampi kesalomādīnaṃ aṅgabhāvo veditabbo. Evaṃ santepi ‘‘phassaṃ paṭijānātīti tivaṅgasampattiyā saṅghādiseso. Phassassa appaṭivijānanato duvaṅgasampattiyā dukkaṭa’’nti iminā pāḷiaṭṭhakathānayena virujjhatīti ce? Na, tadatthajānanato. Phuṭṭhabhāvañhi paṭivijānantopi phassaṃ paṭivijānāti nāma, ayameko attho, tasmā mātugāmassa, attano ca kāyapariyāpannānaṃ kesādīnaṃ aññamaññaṃ phuṭṭhabhāvaṃ phusitvā taṃ sādiyanaṃ phassaṃ paṭivijānāti nāma, na kāyaviññāṇuppattiyā eva. Anekantikañhettha kāyaviññāṇaṃ. Mātugāmassa upādinnakena kāyena, anupādinnakena vā kāyena bhikkhuno upādinnakakāye phuṭṭhe pasannakāyindriyo ce hoti, tassa kāyaviññāṇaṃ uppajjati, teneva phassaṃ paṭivijānāti nāma so hoti. Anupādinnakakāyo, loluppo appasannakāyindriyo vā hoti, timiravātena upahatakāyo vā tassa kāyaviññāṇaṃ nuppajjati. Na ca tena phassaṃ paṭivijānāti nāma, kevalaṃ sevanādhippāyena vāyamitvā kāyasaṃsaggaṃ samāpajjanto phassaṃ paṭivijānāti nāma manoviññāṇena, tena vuttaṃ ‘‘kāyasaṃsaggaṃ samāpajjeyyāti imināssa vāyamato phassapaṭivijānanā dassitā’’ti. Aparopi bhikkhu mātugāmassa kāyapaṭibaddhena vā nissaggiyena vā phuṭṭho kāyaviññāṇaṃ uppādentena phassaṃ paṭivijānāti nāma, tasmā vuttaṃ ‘‘anekantikañhettha kāyaviññāṇa’’nti. Aparo vatthaṃ pārupitvā niddāyantaṃ mātugāmaṃ kāyasaṃsaggarāgena vatthassa uparibhāge saṇikaṃ phusanto vatthantarena nikkhantalomasamphassaṃ appaṭivijānantopi sevanādhippāyo kāyena vāyamitvā phassaṃ paṭivijānāti nāma, saṅghādisesaṃ āpajjati. ‘‘Nīlaṃ ghaṭṭessāmīti kāyaṃ ghaṭṭeti, saṅghādiseso’’ti hi vuttaṃ. Ayaṃ dutiyo attho. Evaṃ anekatthattā, evaṃ duviññeyyādhippāyato ca mātikāṭṭhakathāyaṃ phassapaṭivijānanaṃ aṅgantveva na vuttaṃ. Tasmiñhi vutte ṭhānametaṃ vijjati, yaṃ bhikkhu saṅghādisesaṃ āpajjitvāpi nakhena lomena saṃsaggo diṭṭho, na ca me lomaghaṭṭanena kāyaviññāṇaṃ uppannaṃ, timiravātathaddhagatto cāhaṃ na phassaṃ paṭivijānāmīti anāpannasaññī siyāti na vuttaṃ, apica ‘‘phassaṃ paṭivijānāti, na ca phassaṃ paṭivijānātī’’ti ca etesaṃ padānaṃ aṭṭhakathāyaṃ vuttanayaṃ dassetvā so paññāpetabbo. Ettāvatā na tadatthajānanatoti kāraṇaṃ vitthāritaṃ hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. гааяасам̣саг̇г̇асигкаабад̣̇ам̣ • 2. Kāyasaṃsaggasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
