| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
2. гааяасам̣саг̇г̇асигкаабад̣̇аван̣н̣анаа
2. Kāyasaṃsaggasikkhāpadavaṇṇanā
269. д̣̇уд̇ияз гзсужи ваад̇абаанзсу вивадзсу б̣ахиби анд̇хагаарад̇д̇аа аалого на бависад̇и, вивадагаваадзна ан̃н̃ад̇о ааг̇ажчанд̇асса аалогасса нивааран̣ад̇о гаваадасса бидтибассз гхананд̇хагаарова ход̇и, д̇аад̣̇исаани санд̇хааяа ‘‘язсу вивадзсу анд̇хагааро ход̇ий’’д̇иаад̣̇и вуд̇д̇ам̣.
269. Dutiye kesuci vātapānesu vivaṭesu bahipi andhakārattā āloko na pavisati, vivaṭakavāṭena aññato āgacchantassa ālokassa nivāraṇato kavāṭassa piṭṭhipasse ghanandhakārova hoti, tādisāni sandhāya ‘‘yesu vivaṭesu andhakāro hotī’’tiādi vuttaṃ.
б̣раахман̣ий ад̇д̇ано ан̇г̇аман̇г̇аанам̣ бараамасанагкан̣з анаажаараанугуулаа худ̇ваа на гин̃жи вад̇ваа бхигкуно ван̣н̣абхан̣анагкан̣з вуд̇д̇ад̇д̇аа ааха ‘‘баб̣б̣аж̇ид̇угаамо ман̃н̃зд̇и саллагкзд̇ваа’’д̇и, баб̣б̣аж̇ид̇угаамо вияаад̇и саллагкзд̇ваад̇и ад̇т̇о. гулид̇т̇ийнам̣ звам̣ барзхи абхибхаванам̣ наама ажжанд̇аавамаанод̇и ааха ‘‘ад̇д̇ано виббагаара’’нд̇и.
Brāhmaṇī attano aṅgamaṅgānaṃ parāmasanakkhaṇe anācārānukūlā hutvā na kiñci vatvā bhikkhuno vaṇṇabhaṇanakkhaṇe vuttattā āha ‘‘pabbajitukāmo maññeti sallakkhetvā’’ti, pabbajitukāmo viyāti sallakkhetvāti attho. Kulitthīnaṃ evaṃ parehi abhibhavanaṃ nāma accantāvamānoti āha ‘‘attano vippakāra’’nti.
270. од̇ин̣н̣асад̣̇д̣̇асса гаммасаад̇ханабагкам̣ санд̇хааяа ‘‘яагкаад̣̇ийхий’’д̇иаад̣̇и вуд̇д̇ам̣, гад̇д̇усаад̇ханабагкам̣ санд̇хааяа ‘‘гуубаад̣̇ийний’’д̇иаад̣̇и вуд̇д̇ам̣. д̇асмим̣ вад̇т̇усминд̇и ид̇т̇исарийрасан̇каад̇з вад̇т̇усмим̣.
270. Otiṇṇasaddassa kammasādhanapakkhaṃ sandhāya ‘‘yakkhādīhī’’tiādi vuttaṃ, kattusādhanapakkhaṃ sandhāya ‘‘kūpādīnī’’tiādi vuttaṃ. Tasmiṃ vatthusminti itthisarīrasaṅkhāte vatthusmiṃ.
271. ассаад̇и хад̇т̇аг̇г̇аахаад̣̇игасса саб̣б̣асса.
271.Assāti hatthaggāhādikassa sabbassa.
273. зд̇зсам̣ бад̣̇аананд̇и аамасанаад̣̇ибад̣̇аанам̣. ид̇т̇исан̃н̃ийд̇и мануссид̇т̇исан̃н̃ий. нам̣-сад̣̇д̣̇асса гааяависзсанабхаавзна зд̇ам̣ гааяанд̇и ад̇т̇ам̣ д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. омасанд̇о…бз… згаава аабад̇д̇ийд̇и анивад̇т̇ам̣ санд̇хааяа вуд̇д̇ам̣, на нивад̇т̇ам̣. санивад̇т̇ааяа бана мад̇т̇агад̇о бадтааяа хад̇т̇ам̣ од̇аарзнд̇асса нивад̇т̇асаадагобари хад̇т̇з аарул̣хз т̇уллажжаяам̣. саадагад̇о хад̇т̇ам̣ од̇аараабзд̇ваа ж̇ан̇гхад̇о бадтааяа омасанд̇асса буна сан̇гхаад̣̇исзсо.
273.Etesaṃpadānanti āmasanādipadānaṃ. Itthisaññīti manussitthisaññī. Naṃ-saddassa kāyavisesanabhāvena etaṃ kāyanti atthaṃ dassetuṃ ‘‘atha vā’’tiādi vuttaṃ. Omasanto…pe… ekāva āpattīti anivatthaṃ sandhāya vuttaṃ, na nivatthaṃ. Sanivatthāya pana matthakato paṭṭhāya hatthaṃ otārentassa nivatthasāṭakopari hatthe āruḷhe thullaccayaṃ. Sāṭakato hatthaṃ otārāpetvā jaṅghato paṭṭhāya omasantassa puna saṅghādiseso.
яат̇аанид̣̇д̣̇идтанид̣̇д̣̇зсзд̇и яат̇аавуд̇д̇агааяасам̣саг̇г̇анид̣̇д̣̇зсз. д̇знаад̇и язна гааран̣зна вад̇т̇усан̃н̃аад̣̇аяо хонд̇и, д̇зна гааран̣зна. яат̇аавуд̇д̇асигкаабад̣̇анид̣̇д̣̇зсз вуд̇д̇ам̣ г̇аругам̣ бхигкуно гарзяяа багаасзяяаад̇и яож̇анаа.
Yathāniddiṭṭhaniddeseti yathāvuttakāyasaṃsagganiddese. Tenāti yena kāraṇena vatthusaññādayo honti, tena kāraṇena. Yathāvuttasikkhāpadaniddese vuttaṃ garukaṃ bhikkhuno kareyya pakāseyyāti yojanā.
сан̃н̃ааяа вирааг̇ид̇амхийд̇и сан̃н̃ааяа вирад̣̇д̇хааяа. ид̣̇ам̣ наама вад̇т̇унд̇и имасмим̣ сигкаабад̣̇з ааг̇ад̇ам̣, анааг̇ад̇ан̃жа яам̣ гин̃жи савин̃н̃аан̣агаавин̃н̃аан̣агам̣ пусанд̇асса анаабад̇д̇иабхаавам̣ санд̇хааяа вуд̇д̇ам̣.
Saññāya virāgitamhīti saññāya viraddhāya. Idaṃ nāma vatthunti imasmiṃ sikkhāpade āgataṃ, anāgatañca yaṃ kiñci saviññāṇakāviññāṇakaṃ phusantassa anāpattiabhāvaṃ sandhāya vuttaṃ.
саарад̇д̇анд̇и гааяасам̣саг̇г̇арааг̇знзва саарад̇д̇ам̣. вирад̇д̇анд̇и гааяасам̣саг̇г̇арааг̇арахид̇ам̣ маад̇уаад̣̇им̣ санд̇хааяа вад̣̇ад̇и. д̣̇уггаданд̇и маад̇убзмаад̣̇ивасзна г̇ан̣ханд̇асса васзна вуд̇д̇ам̣, вирад̇д̇амби ид̇т̇им̣ гааяасам̣саг̇г̇арааг̇зна г̇ан̣ханд̇асса бана сан̇гхаад̣̇исзсо зва. имааяа баал̣ияаа самзд̇ийд̇и самб̣анд̇хо. гат̇ам̣ самзд̇ийд̇и жз? яад̣̇и хи ‘‘ид̇т̇ияаа гааяаббадиб̣ад̣̇д̇хам̣ г̇ан̣хиссаамий’’д̇и жид̇д̇з уббаннз ид̇т̇исан̃н̃аа вирааг̇ид̇аа бхавзяяа. гааяаббадиб̣ад̣̇д̇хаг̇г̇ахан̣зби т̇уллажжаязнааби на бхавид̇аб̣б̣ам̣ ид̇т̇исан̃н̃ааяа зва баал̣ияам̣ (баараа. 276) т̇уллажжаяасса вуд̇д̇ад̇д̇аа, д̇асмаа ‘‘ид̇т̇ияаа гааяаббадиб̣ад̣̇д̇хам̣ г̇ан̣хиссаамийд̇и гааяам̣ г̇ан̣ханд̇асса ид̇т̇исан̃н̃аа вирааг̇ид̇аа наама на ход̇ийд̇и гааяаббадиб̣ад̣̇д̇хам̣ г̇ан̣хиссаамийд̇и гааяам̣ г̇ан̣хад̇о ид̇т̇исан̃н̃ааяа жзва гааяасам̣саг̇г̇арааг̇асса жа гааяаг̇г̇ахан̣асса жа самбхаваа яат̇аавад̇т̇угам̣ сан̇гхаад̣̇исзсамзва аабаж̇ж̇ад̇ий’’д̇и махаасумад̇т̇зрзна вуд̇д̇аваад̣̇ова имааяа баал̣ияаа самзд̇и. адтагат̇ааяан̃хи ‘‘самб̣ахулаа ид̇т̇ияо б̣аахаахи баригкибид̇ваа г̇ан̣хаамий’’д̇и сан̃н̃ааяа баригкибад̇о маж̇жхаг̇ад̇аанам̣ васзна т̇уллажжаяам̣ вуд̇д̇ам̣. на хи д̇асса ‘‘маж̇жхаг̇ад̇аа ид̇т̇ияо гааяаббадиб̣ад̣̇д̇хзна г̇ан̣хаамий’’д̇и сан̃н̃аа ад̇т̇и, д̇асмаа адтагат̇ааяаби самзд̇ийд̇и г̇ахзд̇аб̣б̣ам̣. нийлзна д̣̇увин̃н̃зяяабхаавад̇о гаал̣ид̇т̇ий вуд̇д̇аа.
Sārattanti kāyasaṃsaggarāgeneva sārattaṃ. Virattanti kāyasaṃsaggarāgarahitaṃ mātuādiṃ sandhāya vadati. Dukkaṭanti mātupemādivasena gaṇhantassa vasena vuttaṃ, virattampi itthiṃ kāyasaṃsaggarāgena gaṇhantassa pana saṅghādiseso eva. Imāya pāḷiyā sametīti sambandho. Kathaṃ sametīti ce? Yadi hi ‘‘itthiyā kāyappaṭibaddhaṃ gaṇhissāmī’’ti citte uppanne itthisaññā virāgitā bhaveyya. Kāyappaṭibaddhaggahaṇepi thullaccayenāpi na bhavitabbaṃ itthisaññāya eva pāḷiyaṃ (pārā. 276) thullaccayassa vuttattā, tasmā ‘‘itthiyā kāyappaṭibaddhaṃ gaṇhissāmīti kāyaṃ gaṇhantassa itthisaññā virāgitā nāma na hotīti kāyappaṭibaddhaṃ gaṇhissāmīti kāyaṃ gaṇhato itthisaññāya ceva kāyasaṃsaggarāgassa ca kāyaggahaṇassa ca sambhavā yathāvatthukaṃ saṅghādisesameva āpajjatī’’ti mahāsumattherena vuttavādova imāya pāḷiyā sameti. Aṭṭhakathāyañhi ‘‘sambahulā itthiyo bāhāhi parikkhipitvā gaṇhāmī’’ti saññāya parikkhipato majjhagatānaṃ vasena thullaccayaṃ vuttaṃ. Na hi tassa ‘‘majjhagatā itthiyo kāyappaṭibaddhena gaṇhāmī’’ti saññā atthi, tasmā aṭṭhakathāyapi sametīti gahetabbaṃ. Nīlena duviññeyyabhāvato kāḷitthī vuttā.
279. сзванаад̇хиббааяод̇и пассасукасзванаад̇хиббааяо. гааяаббадиб̣ад̣̇д̇хаамасанаваарз гааяаббадиб̣ад̣̇д̇хавасзна пассабадивиж̇аананам̣ взд̣̇ид̇аб̣б̣ам̣. жид̇д̇уббаад̣̇амад̇д̇з аабад̇д̇ияаабхаавад̇о анаабад̇д̇ийд̇и ид̣̇ам̣ гааяасам̣саг̇г̇арааг̇амад̇д̇зна гааяажаланасса ануббад̇д̇ид̇о ид̇т̇ияаа гарияамаанагааяажаланам̣ саад̣̇ияад̇оби баяог̇аабхаавам̣ санд̇хааяа вуд̇д̇ам̣. батамабаарааж̇игз бана барзхи убаггамияамаанасса абхаавад̇о сзванаад̇хиббааяз уббаннз д̇зна ад̇хиббааязна ан̇г̇аж̇аад̇агкобхо саяамзва авассам̣ сан̃ж̇ааяад̇и, со жа д̇зна гад̇о наама ход̇ийд̇и баарааж̇игам̣ вуд̇д̇ам̣, д̇знзва наязна батамасан̇гхаад̣̇исзсзби барзна гарияамаанабаяог̇асаад̣̇ияамаанзби ан̇г̇аж̇аад̇агкобхасамбхавзна аабад̇д̇и ход̇ийд̇и взд̣̇ид̇аб̣б̣ам̣. жад̇уд̇т̇зд̇и ‘‘на жа гааязна вааяамад̇и, на жа пассам̣ бадивиж̇аанаад̇ий’’д̇и имасмим̣ ваарз. пассабадивиж̇аананамбийд̇и аби-сад̣̇д̣̇зна д̇ад̇ияаваарз вияа вааяаамоби над̇т̇ийд̇и д̣̇ассзд̇и. ниссаг̇г̇иязна ниссаг̇г̇ияаамасанз вияаад̇и ид̣̇ам̣ бана пассабадивиж̇аананаабхаавамад̇д̇ассзва нид̣̇ассанам̣, на баяог̇аабхаавассаад̇и д̣̇адтаб̣б̣ам̣. могкаад̇хиббааяод̇и зд̇т̇а жид̇д̇асса лахубаривад̇д̇ид̇ааяа анд̇аранд̇араа гааяасам̣саг̇г̇арааг̇з самуббаннзби могкаад̇хиббааяасса авижчиннад̇ааяа анаабад̇д̇иязва, вижчиннз бана д̇асмим̣ аабад̇д̇и зва.
279.Sevanādhippāyoti phassasukhasevanādhippāyo. Kāyappaṭibaddhāmasanavāre kāyappaṭibaddhavasena phassapaṭivijānanaṃ veditabbaṃ. Cittuppādamatte āpattiyābhāvato anāpattīti idaṃ kāyasaṃsaggarāgamattena kāyacalanassa anuppattito itthiyā kariyamānakāyacalanaṃ sādiyatopi payogābhāvaṃ sandhāya vuttaṃ. Paṭhamapārājike pana parehi upakkamiyamānassa abhāvato sevanādhippāye uppanne tena adhippāyena aṅgajātakkhobho sayameva avassaṃ sañjāyati, so ca tena kato nāma hotīti pārājikaṃ vuttaṃ, teneva nayena paṭhamasaṅghādisesepi parena kariyamānapayogasādiyamānepi aṅgajātakkhobhasambhavena āpatti hotīti veditabbaṃ. Catuttheti ‘‘na ca kāyena vāyamati, na ca phassaṃ paṭivijānātī’’ti imasmiṃ vāre. Phassapaṭivijānanampīti api-saddena tatiyavāre viya vāyāmopi natthīti dasseti. Nissaggiyena nissaggiyāmasane viyāti idaṃ pana phassapaṭivijānanābhāvamattasseva nidassanaṃ, na payogābhāvassāti daṭṭhabbaṃ. Mokkhādhippāyoti ettha cittassa lahuparivattitāya antarantarā kāyasaṃsaggarāge samuppannepi mokkhādhippāyassa avicchinnatāya anāpattiyeva, vicchinne pana tasmiṃ āpatti eva.
бад̣̇абхааж̇анийяаван̣н̣анаанаяо.
Padabhājanīyavaṇṇanānayo.
281. зд̇т̇а г̇ан̣хаахийд̇и на вад̇д̇аб̣б̣аад̇и г̇зхасид̇абзмзна гааяаббадиб̣ад̣̇д̇хзна пусанз д̣̇уггадам̣ санд̇хааяа вуд̇д̇ам̣, гаарун̃н̃зна бана вад̇т̇аад̣̇им̣ г̇ахзд̇ум̣ асаггонд̇им̣ ‘‘г̇ан̣хаа’’д̇и вад̣̇анд̇ассааби авасасабхааваббад̇д̇ам̣ уд̣̇агз нимуж̇ж̇анд̇им̣ гаарун̃н̃зна сахасаа анаамаасанд̇и ажинд̇зд̇ваа гзсаад̣̇ийсу г̇ахзд̇ваа могкаад̇хиббааязна аагад̣дхад̇оби анаабад̇д̇иязва. на хи мийяамаанам̣ маад̇арам̣ угкибид̇ум̣ на ваддад̇и. ан̃н̃аад̇игааяа ид̇т̇ияааби зсзва наяо. уггадтааяа маад̇уяааби аамаасо на ваддад̇ийд̇и д̣̇ассанад̇т̇ам̣ ‘‘маад̇ара’’нд̇и вуд̇д̇ам̣. д̇ассаа гаад̇аб̣б̣ам̣ бана ан̃н̃аасамби ид̇т̇ийнам̣ гаронд̇ассааби анаабад̇д̇иязва анаамаасад̇д̇з висзсаабхааваа.
281.Ettha gaṇhāhīti na vattabbāti gehasitapemena kāyappaṭibaddhena phusane dukkaṭaṃ sandhāya vuttaṃ, kāruññena pana vatthādiṃ gahetuṃ asakkontiṃ ‘‘gaṇhā’’ti vadantassāpi avasasabhāvappattaṃ udake nimujjantiṃ kāruññena sahasā anāmāsanti acintetvā kesādīsu gahetvā mokkhādhippāyena ākaḍḍhatopi anāpattiyeva. Na hi mīyamānaṃ mātaraṃ ukkhipituṃ na vaṭṭati. Aññātikāya itthiyāpi eseva nayo. Ukkaṭṭhāya mātuyāpi āmāso na vaṭṭatīti dassanatthaṃ ‘‘mātara’’nti vuttaṃ. Tassā kātabbaṃ pana aññāsampi itthīnaṃ karontassāpi anāpattiyeva anāmāsatte visesābhāvā.
д̇ин̣ан̣д̣убаганд̇и хиривзраад̣̇имуулзхи гзсаалан̇гаарад̇т̇ааяа гад̇ажумб̣адагам̣. баривад̇д̇зд̇ваад̇и ад̇д̇ано ниваасанаад̣̇ибхаавад̇о абанзд̇ваа. бууж̇аад̣̇иад̇т̇ам̣ бана д̇аавагаалигамби аамасид̇ум̣ ваддад̇и. сийсабасаад̇ханагад̣̇анд̇асуужиаад̣̇ийд̇и ид̣̇ам̣ сийсаалан̇гаарад̇т̇ааяа бадабилод̇игаад̣̇ийхи гад̇ам̣ сийсабасаад̇ханаган̃жзва д̣̇анд̇асуужиаад̣̇и жаад̇и д̣̇вид̇хаа яож̇зд̇ваа сийсабасаад̇ханам̣ сибаадигобагаран̣ад̇т̇ааяа жзва д̣̇анд̇асуужиубагаран̣ад̇т̇ааяа жа г̇ахзд̇аб̣б̣анд̇и яат̇ааггамам̣ ад̇т̇ам̣ д̣̇ассзд̇и. гзсагалаабам̣ б̣анд̇хид̇ваа д̇ад̇т̇а д̇ирияам̣ бавзсанад̇т̇ааяа гад̇аа д̣̇анд̇асуужи зва сийсабасаад̇ханагад̣̇анд̇асуужийд̇и згамзва гад̇ваа сибаадигааяа багкибид̇ваа барихарид̇аб̣б̣асуужиязва д̇асса д̇асса гижжасса убагаран̣анд̇и сибаадигаасуужиубагаран̣анд̇и звам̣ ваа яож̇анаа гаад̇аб̣б̣аа . бод̇т̇агаруубанд̇и суд̇хаад̣̇ийхи гад̇ам̣, баарааж̇игавад̇т̇убхууд̇аанам̣ д̇иражчаанаг̇ад̇ид̇т̇ийнам̣ сан̣таанзна гад̇амби анаамаасамзва. ид̇т̇ируубаад̣̇ийни д̣̇ассзд̇ваа гад̇ам̣, вад̇т̇абхид̇д̇иаад̣̇ин̃жа ид̇т̇ируубам̣ анаамасид̇ваа вал̣ан̃ж̇зд̇ум̣ ваддад̇и. зваруубзхи анаамаасз гааяасам̣саг̇г̇арааг̇з асад̇и гааяаббадиб̣ад̣̇д̇хзна аамасад̇о д̣̇осо над̇т̇и. бхинд̣̇ид̇ваад̇и зд̇т̇а анаамаасамби д̣̇ан̣д̣абаасаан̣аад̣̇ийхи бхзд̣̇анасса адтагат̇ааяам̣ вуд̇д̇ад̇д̇аа, баал̣ияамби аабад̣̇аасу могкаад̇хиббааяасса аамасанзби анаабад̇д̇ияаа вуд̇д̇ад̇д̇аа жа. саббинийаад̣̇ийхи ваал̣амиг̇ийхи жа г̇ахид̇абаан̣агаанам̣ можанад̇т̇ааяа д̇ам̣ саббинийаад̣̇им̣ вад̇т̇ад̣̇ан̣д̣аад̣̇ийхи баригкибид̇ваа г̇ахзд̇ум̣, маад̇уаад̣̇им̣ уд̣̇агз мийяамаанам̣ вад̇т̇аад̣̇ийхи г̇ахзд̇ум̣, асаггонд̇им̣ гзсаад̣̇ийсу г̇ахзд̇ваа гаарун̃н̃зна угкибид̇ум̣ ваддад̇ийд̇и аяамад̇т̇о г̇ахзд̇аб̣б̣ова. адтагат̇ааяам̣ ‘‘на д̇взва аамасид̇аб̣б̣аа’’д̇и ид̣̇ам̣ бана важанам̣ амийяамаанавад̇т̇ум̣ санд̇хааяа вуд̇д̇анд̇и аяам̣ амхаагам̣ канд̇и.
Tiṇaṇḍupakanti hiriverādimūlehi kesālaṅkāratthāya katacumbaṭakaṃ. Parivattetvāti attano nivāsanādibhāvato apanetvā. Pūjādiatthaṃ pana tāvakālikampi āmasituṃ vaṭṭati. Sīsapasādhanakadantasūciādīti idaṃ sīsālaṅkāratthāya paṭapilotikādīhi kataṃ sīsapasādhanakañceva dantasūciādi cāti dvidhā yojetvā sīsapasādhanaṃ sipāṭikopakaraṇatthāya ceva dantasūciupakaraṇatthāya ca gahetabbanti yathākkamaṃ atthaṃ dasseti. Kesakalāpaṃ bandhitvā tattha tiriyaṃ pavesanatthāya katā dantasūci eva sīsapasādhanakadantasūcīti ekameva katvā sipāṭikāya pakkhipitvā pariharitabbasūciyeva tassa tassa kiccassa upakaraṇanti sipāṭikāsūciupakaraṇanti evaṃ vā yojanā kātabbā . Potthakarūpanti sudhādīhi kataṃ, pārājikavatthubhūtānaṃ tiracchānagatitthīnaṃ saṇṭhānena katampi anāmāsameva. Itthirūpādīni dassetvā kataṃ, vatthabhittiādiñca itthirūpaṃ anāmasitvā vaḷañjetuṃ vaṭṭati. Evarūpehi anāmāse kāyasaṃsaggarāge asati kāyappaṭibaddhena āmasato doso natthi. Bhinditvāti ettha anāmāsampi daṇḍapāsāṇādīhi bhedanassa aṭṭhakathāyaṃ vuttattā, pāḷiyampi āpadāsu mokkhādhippāyassa āmasanepi anāpattiyā vuttattā ca. Sappinīādīhi vāḷamigīhi ca gahitapāṇakānaṃ mocanatthāya taṃ sappinīādiṃ vatthadaṇḍādīhi parikkhipitvā gahetuṃ, mātuādiṃ udake mīyamānaṃ vatthādīhi gahetuṃ, asakkontiṃ kesādīsu gahetvā kāruññena ukkhipituṃ vaṭṭatīti ayamattho gahetabbova. Aṭṭhakathāyaṃ ‘‘na tveva āmasitabbā’’ti idaṃ pana vacanaṃ amīyamānavatthuṃ sandhāya vuttanti ayaṃ amhākaṃ khanti.
маг̇г̇ам̣ ад̇хидтааяаад̇и ‘‘маг̇г̇о аяа’’нд̇и маг̇г̇асан̃н̃ам̣ уббаад̣̇зд̇ваад̇и ад̇т̇о. бан̃н̃абзд̇ваа д̣̇знд̇ийд̇и ид̣̇ам̣ саамийживасзна вуд̇д̇ам̣, д̇зхи бана аасанам̣ абан̃н̃абзд̇ваава нисийд̣̇ат̇аад̇и вуд̇д̇з саяамзва бан̃н̃абзд̇ваа нисийд̣̇ид̇умби ваддад̇и. д̇ад̇т̇аж̇аад̇агаанийд̇и ажчинд̣̇ид̇ваа бхууд̇аг̇аамабхаавзнзва тид̇аани. гийл̣анд̇знаад̇и вуд̇д̇ад̇д̇аа сад̇и бажжаяз аамасанд̇асса анаабад̇д̇и. бхигкусанд̇агам̣ бана барибхог̇аарахам̣ саб̣б̣ат̇аа аамасид̇ум̣ на ваддад̇и д̣̇урубажин̣н̣ад̇д̇аа. анубасамбаннаанам̣ д̣̇ассаамийд̇и ид̣̇ам̣ аббадиг̇г̇ахзд̇ваа г̇ахан̣ам̣ санд̇хааяа вуд̇д̇ам̣. ад̇д̇аноби ад̇т̇ааяа бадиг̇г̇ахзд̇ваа г̇ахан̣з д̣̇осо над̇т̇и анаамаасад̇д̇аабхааваа.
Maggaṃ adhiṭṭhāyāti ‘‘maggo aya’’nti maggasaññaṃ uppādetvāti attho. Paññapetvā dentīti idaṃ sāmīcivasena vuttaṃ, tehi pana āsanaṃ apaññapetvāva nisīdathāti vutte sayameva paññapetvā nisīditumpi vaṭṭati. Tatthajātakānīti acchinditvā bhūtagāmabhāveneva ṭhitāni. Kīḷantenāti vuttattā sati paccaye āmasantassa anāpatti. Bhikkhusantakaṃ pana paribhogārahaṃ sabbathā āmasituṃ na vaṭṭati durupaciṇṇattā. Anupasampannānaṃ dassāmīti idaṃ appaṭiggahetvā gahaṇaṃ sandhāya vuttaṃ. Attanopi atthāya paṭiggahetvā gahaṇe doso natthi anāmāsattābhāvā.
ман̣ийд̇и взл̣урияаад̣̇ид̇о ан̃н̃о ж̇од̇ирасаад̣̇ибхзд̣̇о саб̣б̣оби ман̣и. взл̣урияод̇и аллавзл̣уван̣н̣оман̣и, ‘‘маж̇ж̇аарагки ман̣д̣алаван̣н̣о’’д̇иби вад̣̇анд̇и. силаад̇и муг̇г̇амаасаван̣н̣аа ад̇исинид̣̇д̇хаа гаал̣асилаа, ман̣ивохаарам̣ ааг̇ад̇аа рад̇д̇асзд̇аад̣̇иван̣н̣аа сумадтааби силаа анаамаасаа зваад̇и вад̣̇анд̇и. раж̇ад̇анд̇и гахаабан̣амаасаад̣̇ибхзд̣̇ам̣ ж̇ад̇умаасаад̣̇им̣ убаад̣̇ааяа саб̣б̣ам̣ вуд̇д̇аавасзсам̣ руубияам̣ г̇ахид̇ам̣. лохид̇ан̇год̇и рад̇д̇аман̣и. масаараг̇алланд̇и габ̣араван̣н̣о ман̣и, ‘‘марагад̇а’’нд̇иби вад̣̇анд̇и. бхзсаж̇ж̇ад̇т̇ааяа бисид̇ваа яож̇ид̇аанам̣ муд̇д̇аанам̣ рад̇анабхаававирахад̇о г̇ахан̣агкан̣зби рад̇анаагаарзна абзгкид̇аабхааваа ‘‘бхзсаж̇ж̇ад̇т̇ааяа бана ваддад̇ий’’д̇и вуд̇д̇ам̣. яаава бана д̇аа муд̇д̇аа рад̇анаруубзна д̇идтанд̇и, д̇аава аамасид̇ум̣ на ваддад̇и зва. звам̣ ан̃н̃амби рад̇анабаасаан̣ам̣ бисид̇ваа бхзсаж̇ж̇з яож̇анад̇т̇ааяа г̇ахзд̇ум̣ ваддад̇и зва, ж̇аад̇аруубараж̇ад̇ам̣ бана бисид̇ваа яож̇анабхзсаж̇ж̇ад̇т̇ааяаби самбадижчид̇ум̣ на ваддад̇и, г̇ахадтзхи яож̇зд̇ваа д̣̇иннамби яад̣̇и бхзсаж̇ж̇з суван̣н̣аад̣̇ируубзна д̇идтад̇и, вияож̇зд̇ун̃жа саггаа, д̇аад̣̇исам̣ бхзсаж̇ж̇амби на ваддад̇и. д̇ам̣ аб̣б̣охааригад̇д̇ам̣ г̇ад̇ам̣ жз, ваддад̇и. ‘‘ж̇аад̇ипалигам̣ убаад̣̇ааяаа’’д̇и вуд̇д̇ад̇д̇аа, суурияаганд̇ажанд̣̇аганд̇аад̣̇игам̣ ж̇аад̇ибаасаан̣ам̣ ман̣имхи зва сан̇г̇ахид̇анд̇и д̣̇адтаб̣б̣ам̣. д̇хаманасан̇ко жа д̇ход̇авид̣̇д̇хо жа рад̇анамиссо жаад̇и яож̇зд̇аб̣б̣ам̣. вид̣̇д̇ход̇и ман̣иаад̣̇ибхаавзна гад̇ачид̣̇д̣̇о.
Maṇīti veḷuriyādito añño jotirasādibhedo sabbopi maṇi. Veḷuriyoti allaveḷuvaṇṇomaṇi, ‘‘majjārakkhi maṇḍalavaṇṇo’’tipi vadanti. Silāti muggamāsavaṇṇā atisiniddhā kāḷasilā, maṇivohāraṃ āgatā rattasetādivaṇṇā sumaṭṭhāpi silā anāmāsā evāti vadanti. Rajatanti kahāpaṇamāsādibhedaṃ jatumāsādiṃ upādāya sabbaṃ vuttāvasesaṃ rūpiyaṃ gahitaṃ. Lohitaṅkoti rattamaṇi. Masāragallanti kabaravaṇṇo maṇi, ‘‘marakata’’ntipi vadanti. Bhesajjatthāya pisitvā yojitānaṃ muttānaṃ ratanabhāvavirahato gahaṇakkhaṇepi ratanākārena apekkhitābhāvā ‘‘bhesajjatthāya pana vaṭṭatī’’ti vuttaṃ. Yāva pana tā muttā ratanarūpena tiṭṭhanti, tāva āmasituṃ na vaṭṭati eva. Evaṃ aññampi ratanapāsāṇaṃ pisitvā bhesajje yojanatthāya gahetuṃ vaṭṭati eva, jātarūparajataṃ pana pisitvā yojanabhesajjatthāyapi sampaṭicchituṃ na vaṭṭati, gahaṭṭhehi yojetvā dinnampi yadi bhesajje suvaṇṇādirūpena tiṭṭhati, viyojetuñca sakkā, tādisaṃ bhesajjampi na vaṭṭati. Taṃ abbohārikattaṃ gataṃ ce, vaṭṭati. ‘‘Jātiphalikaṃupādāyā’’ti vuttattā, sūriyakantacandakantādikaṃ jātipāsāṇaṃ maṇimhi eva saṅgahitanti daṭṭhabbaṃ. Dhamanasaṅkho ca dhotaviddho ca ratanamisso cāti yojetabbaṃ. Viddhoti maṇiādibhāvena katachiddo.
рад̇анамиссод̇и ган̃жаналад̇аад̣̇ивижид̇д̇о, муд̇д̇аад̣̇ирад̇анакажид̇о жа, зд̇зна д̇хаманасан̇кад̇о ан̃н̃о рад̇анамиссова анаамаасод̇и д̣̇ассзд̇и. силааяамби зсзва наяо. баанийяасан̇код̇и иминаава т̇аалагаад̣̇иаагаарзна гад̇асан̇камаяабхааж̇анаани бхигкуунам̣ самбадижчид̇ум̣ ваддад̇ийд̇и сид̣̇д̇хам̣. сзсаад̇и рад̇анасам̣яуд̇д̇ам̣ табзд̇ваа авасзсаа.
Ratanamissoti kañcanalatādivicitto, muttādiratanakhacito ca, etena dhamanasaṅkhato añño ratanamissova anāmāsoti dasseti. Silāyampi eseva nayo. Pānīyasaṅkhoti imināva thālakādiākārena katasaṅkhamayabhājanāni bhikkhūnaṃ sampaṭicchituṃ vaṭṭatīti siddhaṃ. Sesāti ratanasaṃyuttaṃ ṭhapetvā avasesā.
б̣ийж̇ад̇о бадтааяаад̇и д̇хаад̇убаасаан̣ад̇о бадтааяа. бадигкибийд̇и суван̣н̣амаяад̇хаад̇угаран̣д̣агасса, б̣уд̣̇д̇харуубаад̣̇исса жа ад̇д̇ано санд̇агагаран̣з ниссаг̇г̇ияад̇д̇аа вуд̇д̇ам̣. ‘‘руубияачад̣д̣агадтаанз’’д̇и вуд̇д̇ад̇д̇аа руубияачад̣д̣агасса ж̇аад̇аруубараж̇ад̇ам̣ аамасид̇ваа чад̣д̣зд̇ум̣ ваддад̇ийд̇и сид̣̇д̇хам̣. гзл̣аабаяид̇унд̇и аамасид̇ваа ид̇о жид̇о жа сан̃жаарзд̇ум̣. вуд̇д̇анд̇и махааадтагат̇ааяам̣ вуд̇д̇ам̣. гажаварамзва харид̇ум̣ ваддад̇ийд̇и г̇обагаа ваа хонд̇у ан̃н̃з ваа, хад̇т̇зна бун̃чид̇ваа гажаварам̣ абанзд̇ум̣ ваддад̇и, маламби бамаж̇ж̇ид̇ум̣ ваддад̇и зваад̇и вад̣̇анд̇и, д̇ам̣ адтагат̇ааяа на самзд̇и гзл̣ааяанасад̣̇исад̇д̇аа. аарагуудалоханд̇и суван̣н̣аван̣н̣о гид̇д̇ималохависзсо. д̇ивид̇хан̃хи гид̇д̇ималохам̣ гам̣салохам̣ ваддалохам̣ хаарагуудалоханд̇и. д̇ад̇т̇а д̇ибуд̇амб̣з миссзд̇ваа гад̇ам̣ гам̣салохам̣ наама. сийсад̇амб̣з миссзд̇ваа гад̇ам̣ ваддалохам̣. расад̇амб̣з миссзд̇ваа гад̇ам̣ хаарагуудалохам̣ наама. д̇ам̣ бана ‘‘ж̇аад̇аруубаг̇ад̇ига’’нд̇и вуд̇д̇ад̇д̇аа уг̇г̇ан̣хад̇о ниссаг̇г̇ияамби ход̇ийд̇и гзжи вад̣̇анд̇и. руубиязсу бана аг̇ан̣ид̇ад̇д̇аа ниссаг̇г̇ияам̣ на ход̇и, аамасанз, самбадижчанз жа д̣̇уггадамзваад̇и взд̣̇ид̇аб̣б̣ам̣. саб̣б̣агаббияод̇и яат̇аавуд̇д̇асуван̣н̣аад̣̇имаяаанам̣ сзнаасанабаригкаараанам̣ аамасанаг̇обанаад̣̇ивасзна барибхог̇о саб̣б̣ат̇аа габбияод̇и ад̇хиббааяо. д̇знааха ‘‘д̇асмаа’’д̇иаад̣̇и. ‘‘бхигкуунам̣ д̇хаммавинаяаван̣н̣анадтаанз’’д̇и вуд̇д̇ад̇д̇аа сан̇гхигамзва суван̣н̣аад̣̇имаяам̣ сзнаасанам̣, сзнаасанабаригкаараа жа вадданд̇и, на буг̇г̇алигаанийд̇и г̇ахзд̇аб̣б̣ам̣.
Bījato paṭṭhāyāti dhātupāsāṇato paṭṭhāya. Paṭikkhipīti suvaṇṇamayadhātukaraṇḍakassa, buddharūpādissa ca attano santakakaraṇe nissaggiyattā vuttaṃ. ‘‘Rūpiyachaḍḍakaṭṭhāne’’ti vuttattā rūpiyachaḍḍakassa jātarūparajataṃ āmasitvā chaḍḍetuṃ vaṭṭatīti siddhaṃ. Keḷāpayitunti āmasitvā ito cito ca sañcāretuṃ. Vuttanti mahāaṭṭhakathāyaṃ vuttaṃ. Kacavarameva harituṃ vaṭṭatīti gopakā vā hontu aññe vā, hatthena puñchitvā kacavaraṃ apanetuṃ vaṭṭati, malampi pamajjituṃ vaṭṭati evāti vadanti, taṃ aṭṭhakathāya na sameti keḷāyanasadisattā. Ārakūṭalohanti suvaṇṇavaṇṇo kittimalohaviseso. Tividhañhi kittimalohaṃ kaṃsalohaṃ vaṭṭalohaṃ hārakūṭalohanti. Tattha tiputambe missetvā kataṃ kaṃsalohaṃ nāma. Sīsatambe missetvā kataṃ vaṭṭalohaṃ. Rasatambe missetvā kataṃ hārakūṭalohaṃ nāma. Taṃ pana ‘‘jātarūpagatika’’nti vuttattā uggaṇhato nissaggiyampi hotīti keci vadanti. Rūpiyesu pana agaṇitattā nissaggiyaṃ na hoti, āmasane, sampaṭicchane ca dukkaṭamevāti veditabbaṃ. Sabbakappiyoti yathāvuttasuvaṇṇādimayānaṃ senāsanaparikkhārānaṃ āmasanagopanādivasena paribhogo sabbathā kappiyoti adhippāyo. Tenāha ‘‘tasmā’’tiādi. ‘‘Bhikkhūnaṃ dhammavinayavaṇṇanaṭṭhāne’’ti vuttattā saṅghikameva suvaṇṇādimayaṃ senāsanaṃ, senāsanaparikkhārā ca vaṭṭanti, na puggalikānīti gahetabbaṃ.
бхинд̣̇ид̇ваад̇и батамамзва анаамасид̇ваа баасаан̣аад̣̇инаа гин̃жимад̇д̇ам̣ бхзд̣̇ам̣ гад̇ваа бажчаа габбияабхан̣д̣ад̇т̇ааяа ад̇хидтахид̇ваа хад̇т̇зна г̇ахзд̇ум̣ ваддад̇и. д̇знааха ‘‘габбияабхан̣д̣ам̣ гариссаамийд̇и саб̣б̣амби самбадижчид̇ум̣ ваддад̇ий’’д̇и. зд̇т̇ааби гин̃жи бхинд̣̇ид̇ваа, вияож̇зд̇ваа ваа аамасид̇аб̣б̣а.
Bhinditvāti paṭhamameva anāmasitvā pāsāṇādinā kiñcimattaṃ bhedaṃ katvā pacchā kappiyabhaṇḍatthāya adhiṭṭhahitvā hatthena gahetuṃ vaṭṭati. Tenāha ‘‘kappiyabhaṇḍaṃ karissāmīti sabbampi sampaṭicchituṃ vaṭṭatī’’ti. Etthāpi kiñci bhinditvā, viyojetvā vā āmasitabba.
палагаж̇аалигаад̣̇ийнийд̇и зд̇т̇а сарабарид̇д̇аан̣ааяа хад̇т̇зна г̇ахзд̇аб̣б̣ам̣ гидигаапалагам̣ агкирагкан̣ад̇т̇ааяа аяалохаад̣̇ийхи ж̇аалаагаарзна гад̇ваа сийсаад̣̇ийсу бадимун̃жид̇аб̣б̣ам̣ ж̇аалигам̣ наама . аад̣̇и-сад̣̇д̣̇зна гаважаад̣̇им̣ сан̇г̇ан̣хаад̇и. анаамаасаанийд̇и мажчаж̇аалаад̣̇ибаруубарод̇хагам̣ санд̇хааяа вуд̇д̇ам̣, на сарабарид̇д̇аан̣ам̣ д̇асса аавуд̇хабхан̣д̣ад̇д̇аабхааваа. д̇знзва вагкад̇и ‘‘баруубарод̇ханивааран̣ам̣ хий’’д̇иаад̣̇и. аасанассаад̇и жзд̇ияасса саманд̇аа гад̇абарибхан̣д̣асса. б̣анд̇хиссаамийд̇и гаагаад̣̇ийхи ад̣̇уусанад̇т̇ааяа б̣анд̇хиссаами.
Phalakajālikādīnīti ettha saraparittāṇāya hatthena gahetabbaṃ kiṭikāphalakaṃ akkhirakkhaṇatthāya ayalohādīhi jālākārena katvā sīsādīsu paṭimuñcitabbaṃ jālikaṃ nāma . Ādi-saddena kavacādiṃ saṅgaṇhāti. Anāmāsānīti macchajālādiparūparodhakaṃ sandhāya vuttaṃ, na saraparittāṇaṃ tassa āvudhabhaṇḍattābhāvā. Teneva vakkhati ‘‘parūparodhanivāraṇaṃ hī’’tiādi. Āsanassāti cetiyassa samantā kataparibhaṇḍassa. Bandhissāmīti kākādīhi adūsanatthāya bandhissāmi.
‘‘бхзрисан̇гхаадод̇и сан̇гхадид̇ажаммабхзрий. вийн̣аасан̇гхаадод̇и сан̇гхадид̇ажаммавийн̣аа’’д̇и саарад̇т̇ад̣̇ийбанияам̣ (саарад̇т̇а. дий. 2.281) вуд̇д̇ам̣. ‘‘жаммавинад̣̇д̇хаани вийн̣аабхзриаад̣̇ийний’’д̇и махааадтагат̇ааяам̣ вуд̇д̇аважанад̇о висзсаабхааваа, ‘‘гурунд̣̇ияам̣ банаа’’д̇иаад̣̇инаа д̇ад̇о висзсасса вад̇д̇умаарад̣̇д̇хад̇д̇аа жа бхзриаад̣̇ийнам̣ винад̣̇д̇ханобагаран̣асамуухо бхзривийн̣аасан̇гхаадод̇и взд̣̇ид̇аб̣б̣ам̣ сан̇гхадид̇аб̣б̣од̇и сан̇гхаадод̇и гад̇ваа. д̇ужчабогкаранд̇и авинад̣̇д̇хажаммабхзривийн̣аанам̣ богкарам̣. ааробид̇ажамманд̇и буб̣б̣з ааробид̇ам̣ худ̇ваа бажчаа д̇ад̇о абанзд̇ваа висум̣ табид̇амукажаммамад̇д̇ам̣, на сзсобагаран̣асахид̇ам̣. сахид̇ам̣ бана сан̇гхаадод̇и аяам̣ висзсо. онахид̇унд̇и бхзрибогкараад̣̇ийни жаммам̣ ааробзд̇ваа жаммаваддиаад̣̇ийхи саб̣б̣зхи убагаран̣зхи винанд̇хид̇ум̣.
‘‘Bherisaṅghāṭoti saṅghaṭitacammabherī. Vīṇāsaṅghāṭoti saṅghaṭitacammavīṇā’’ti sāratthadīpaniyaṃ (sārattha. ṭī. 2.281) vuttaṃ. ‘‘Cammavinaddhāni vīṇābheriādīnī’’ti mahāaṭṭhakathāyaṃ vuttavacanato visesābhāvā, ‘‘kurundiyaṃ panā’’tiādinā tato visesassa vattumāraddhattā ca bheriādīnaṃ vinaddhanopakaraṇasamūho bherivīṇāsaṅghāṭoti veditabbaṃ saṅghaṭitabboti saṅghāṭoti katvā. Tucchapokkharanti avinaddhacammabherivīṇānaṃ pokkharaṃ. Āropitacammanti pubbe āropitaṃ hutvā pacchā tato apanetvā visuṃ ṭhapitamukhacammamattaṃ, na sesopakaraṇasahitaṃ. Sahitaṃ pana saṅghāṭoti ayaṃ viseso. Onahitunti bheripokkharādīni cammaṃ āropetvā cammavaṭṭiādīhi sabbehi upakaraṇehi vinandhituṃ.
баал̣ияам̣ бан̣д̣агассаад̇и бан̣д̣агзна. баарааж̇игаббахонагагаалзд̇и агут̇ид̇агаалз. гааяасам̣саг̇г̇арааг̇аад̣̇ибхаавз саб̣б̣аавад̇т̇ааяаби ид̇т̇ияаа сан̣таанз бан̃н̃ааяамаанз анаамаасад̣̇уггадам̣ на виг̇ажчад̇ийд̇и д̣̇адтаб̣б̣ам̣. сан̇гамаад̣̇ийнам̣ таанаажааванавасзна ажаалзд̇аб̣б̣ад̇ааяа на гааяаббадиб̣ад̣̇д̇хавохаарод̇и д̣̇уггадам̣ вуд̇д̇ам̣.
Pāḷiyaṃ paṇḍakassāti paṇḍakena. Pārājikappahonakakāleti akuthitakāle. Kāyasaṃsaggarāgādibhāve sabbāvatthāyapi itthiyā saṇṭhāne paññāyamāne anāmāsadukkaṭaṃ na vigacchatīti daṭṭhabbaṃ. Saṅkamādīnaṃ ṭhānācāvanavasena acāletabbatāya na kāyappaṭibaddhavohāroti dukkaṭaṃ vuttaṃ.
282. згабад̣̇игасан̇гамод̇и д̇анугасзд̇у. ‘‘аавин̃чанд̇о’’д̇и вуд̇д̇ад̇д̇аа жаалзд̇ум̣ яуд̇д̇ааяа зва раж̇ж̇уяаа т̇уллажжаяам̣, на ид̇арааяа бхид̇д̇ит̇амбхаад̣̇иг̇ад̇игад̇д̇аад̇и ааха ‘‘яаа махаараж̇ж̇у ход̇ий’’д̇иаад̣̇и. д̇зна жаалзд̇ум̣ яуд̇д̇з д̇анугараж̇ж̇уд̣̇ан̣д̣агз ажаалзд̇ваа пусанд̇ассааби т̇уллажжаяамзваад̇и д̣̇ийбид̇анд̇и взд̣̇ид̇аб̣б̣ам̣. бадижчаад̣̇зд̇аб̣б̣аад̇и чаад̣̇анаад̣̇ивасзна г̇уухид̇аб̣б̣аа. мануссид̇т̇ий, мануссид̇т̇исан̃н̃ид̇аа, гааяасам̣саг̇г̇арааг̇о, вааяаамо, д̇зна хад̇т̇аад̣̇ийсу пусананд̇и имаанзд̇т̇а бан̃жа ан̇г̇аани.
282.Ekapadikasaṅkamoti tanukasetu. ‘‘Āviñchanto’’ti vuttattā cāletuṃ yuttāya eva rajjuyā thullaccayaṃ, na itarāya bhittithambhādigatikattāti āha ‘‘yā mahārajju hotī’’tiādi. Tena cāletuṃ yutte tanukarajjudaṇḍake acāletvā phusantassāpi thullaccayamevāti dīpitanti veditabbaṃ. Paṭicchādetabbāti chādanādivasena gūhitabbā. Manussitthī, manussitthisaññitā, kāyasaṃsaggarāgo, vāyāmo, tena hatthādīsu phusananti imānettha pañca aṅgāni.
гааяасам̣саг̇г̇асигкаабад̣̇аван̣н̣анаа нидтид̇аа.
Kāyasaṃsaggasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. гааяасам̣саг̇г̇асигкаабад̣̇ам̣ • 2. Kāyasaṃsaggasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
2. гааяасам̣саг̇г̇асигкаабад̣̇аван̣н̣анаа • 2. Kāyasaṃsaggasikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
