| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. гааяасуд̇д̇аван̣н̣анаа
2. Kāyasuttavaṇṇanā
183. д̣̇уд̇ияз аахаарадтид̇игод̇и бажжаяадтид̇иго. аахаарам̣ бадижжаад̇и бажжаяам̣ бадижжа. субханимид̇д̇анд̇и субхамби субханимид̇д̇ам̣, субхасса аарамман̣амби субханимид̇д̇ам̣. аяонисоманасигаарод̇и анубааяаманасигааро уббат̇аманасигааро анижжз ‘‘нижжа’’нд̇и ваа, д̣̇угкз ‘‘сука’’нд̇и, анад̇д̇ани ‘‘ад̇д̇аа’’д̇и ваа, асубхз ‘‘субха’’нд̇и ваа, манасигааро. д̇ам̣ д̇асмим̣ субхаарамман̣з б̣ахулам̣ бавад̇д̇аяад̇о гаамажчанд̣̇о уббаж̇ж̇ад̇и. д̇зна вуд̇д̇ам̣ ‘‘ад̇т̇и, бхигкавз, субханимид̇д̇а’’нд̇иаад̣̇и. звам̣ саб̣б̣анийваран̣зсу яож̇анаа взд̣̇ид̇аб̣б̣аа.
183. Dutiye āhāraṭṭhitikoti paccayaṭṭhitiko. Āhāraṃ paṭiccāti paccayaṃ paṭicca. Subhanimittanti subhampi subhanimittaṃ, subhassa ārammaṇampi subhanimittaṃ. Ayonisomanasikāroti anupāyamanasikāro uppathamanasikāro anicce ‘‘nicca’’nti vā, dukkhe ‘‘sukha’’nti, anattani ‘‘attā’’ti vā, asubhe ‘‘subha’’nti vā, manasikāro. Taṃ tasmiṃ subhārammaṇe bahulaṃ pavattayato kāmacchando uppajjati. Tena vuttaṃ ‘‘atthi, bhikkhave, subhanimitta’’ntiādi. Evaṃ sabbanīvaraṇesu yojanā veditabbā.
бадигханимид̇д̇анд̇иаад̣̇ийсу бана бадигхоби бадигханимид̇д̇ам̣ бадигхаарамман̣амби. арад̇ийд̇и угган̣тид̇аа. яам̣ санд̇хааяа вуд̇д̇ам̣ – ‘‘д̇ад̇т̇а гад̇амаа арад̇и? банд̇зсу ваа сзнаасанзсу ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и арад̇ид̇аа анабхирад̇и анабхираманаа угган̣тид̇аа барид̇ассид̇аа, аяам̣ вужжад̇и арад̇ий’’д̇и (вибха. 856).
Paṭighanimittantiādīsu pana paṭighopi paṭighanimittaṃ paṭighārammaṇampi. Aratīti ukkaṇṭhitā. Yaṃ sandhāya vuttaṃ – ‘‘tattha katamā arati? Pantesu vā senāsanesu aññataraññataresu vā adhikusalesu dhammesu arati aratitā anabhirati anabhiramanā ukkaṇṭhitā paritassitā, ayaṃ vuccati aratī’’ti (vibha. 856).
д̇анд̣̇ийд̇и ад̇исийд̇аад̣̇ибажжаяаа уббаннам̣ ааг̇анд̇угагааяааласияам̣. яасмим̣ уббаннз ‘‘ад̇исийд̇ам̣ ад̇иун̣хам̣ ад̇ижчаад̇осми ад̇ид̇хаад̇осми ад̇ид̣̇уурамаг̇г̇ам̣ г̇ад̇осмий’’д̇и вад̣̇ад̇и, яам̣ санд̇хааяа вуд̇д̇ам̣ ‘‘д̇ад̇т̇а гад̇амаа д̇анд̣̇и , яаа д̇анд̣̇ий д̇анд̣̇ияанаа д̇анд̣̇иманагад̇аа ааласяам̣ ааласяааяанаа ааласяааяид̇ад̇д̇ам̣, аяам̣ вужжад̇и д̇анд̣̇ий’’д̇и (вибха. 857).
Tandīti atisītādipaccayā uppannaṃ āgantukakāyālasiyaṃ. Yasmiṃ uppanne ‘‘atisītaṃ atiuṇhaṃ aticchātosmi atidhātosmi atidūramaggaṃ gatosmī’’ti vadati, yaṃ sandhāya vuttaṃ ‘‘tattha katamā tandi , yā tandī tandiyanā tandimanakatā ālasyaṃ ālasyāyanā ālasyāyitattaṃ, ayaṃ vuccati tandī’’ti (vibha. 857).
виж̇амбхид̇аад̇и гилзсавасзна гааяавинаманаа. яам̣ санд̇хааяа вуд̇д̇ам̣ – ‘‘д̇ад̇т̇а гад̇амаа виж̇амбхид̇аа? яаа гааяасса ж̇амбханаа виж̇амбханаа аанаманаа винаманаа саннаманаа бан̣аманаа б̣яаад̇хияагам̣, аяам̣ вужжад̇и виж̇амбхид̇аа’’д̇и (вибха. 858).
Vijambhitāti kilesavasena kāyavinamanā. Yaṃ sandhāya vuttaṃ – ‘‘tattha katamā vijambhitā? Yā kāyassa jambhanā vijambhanā ānamanā vinamanā sannamanā paṇamanā byādhiyakaṃ, ayaṃ vuccati vijambhitā’’ti (vibha. 858).
бхад̇д̇асаммад̣̇од̇и бхад̇д̇абарил̣аахо. яам̣ санд̇хааяа вуд̇д̇ам̣ – ‘‘д̇ад̇т̇а гад̇амо бхад̇д̇асаммад̣̇о? яаа бхуд̇д̇аависса бхад̇д̇амужчаа бхад̇д̇агиламат̇о бхад̇д̇абарил̣аахо гааяад̣̇удтуллам̣, аяам̣ вужжад̇и бхад̇д̇асаммад̣̇о’’д̇и (вибха. 859).
Bhattasammadoti bhattapariḷāho. Yaṃ sandhāya vuttaṃ – ‘‘tattha katamo bhattasammado? Yā bhuttāvissa bhattamucchā bhattakilamatho bhattapariḷāho kāyaduṭṭhullaṃ, ayaṃ vuccati bhattasammado’’ti (vibha. 859).
жзд̇асо жа лийнад̇д̇анд̇и жид̇д̇асса лийяанаагааро, яам̣ санд̇хааяа вуд̇д̇ам̣ – ‘‘д̇ад̇т̇а гад̇амам̣ жзд̇асо лийнад̇д̇ам̣? яаа жид̇д̇асса агаляад̇аа агамман̃н̃ад̇аа олийяанаа саллийяанаа лийнам̣ лийяанаа лийяид̇ад̇д̇ам̣ т̇инам̣ т̇ияанаа т̇ияид̇ад̇д̇ам̣ жид̇д̇асса, ид̣̇ам̣ вужжад̇и жзд̇асо лийнад̇д̇а’’нд̇и (вибха. 860).
Cetaso ca līnattanti cittassa līyanākāro, yaṃ sandhāya vuttaṃ – ‘‘tattha katamaṃ cetaso līnattaṃ? Yā cittassa akalyatā akammaññatā olīyanā sallīyanā līnaṃ līyanā līyitattaṃ thinaṃ thiyanā thiyitattaṃ cittassa, idaṃ vuccati cetaso līnatta’’nti (vibha. 860).
жзд̇асо авуубасамод̇и яат̇аа наама вийд̇ажжигоби ан̇г̇ааро нзва д̇аава саннисийд̣̇ад̇и бад̇аабам̣ гарод̇иязва, яат̇аа жа бад̇д̇абажанадтаанз нзва д̇аава саннисийд̣̇ад̇и бад̇аабам̣ гарод̇иязва, звам̣ жид̇д̇асса авуубасанд̇аагааро, ад̇т̇ад̇о банзд̇ам̣ уд̣̇д̇хажжагуггужжамзва ход̇и.
Cetaso avūpasamoti yathā nāma vītaccikopi aṅgāro neva tāva sannisīdati patāpaṃ karotiyeva, yathā ca pattapacanaṭṭhāne neva tāva sannisīdati patāpaṃ karotiyeva, evaṃ cittassa avūpasantākāro, atthato panetaṃ uddhaccakukkuccameva hoti.
вижигижчадтаанийяаа д̇хаммаад̇и вижигижчааяа аарамман̣ад̇хаммаа. аяонисоманасигааро саб̣б̣ад̇т̇а вуд̇д̇анаяова. звамзд̇т̇а гаамажчанд̣̇о вижигижчаад̇и имз д̣̇вз д̇хаммаа аарамман̣зна гат̇ид̇аа, б̣яаабаад̣̇о аарамман̣зна жа убаниссаязна жа, сзсаа сахаж̇аад̇зна жа убаниссаязна жаад̇и.
Vicikicchaṭṭhānīyā dhammāti vicikicchāya ārammaṇadhammā. Ayonisomanasikāro sabbattha vuttanayova. Evamettha kāmacchando vicikicchāti ime dve dhammā ārammaṇena kathitā, byāpādo ārammaṇena ca upanissayena ca, sesā sahajātena ca upanissayena cāti.
сад̇исамб̣ож̇жхан̇г̇адтаанийяаа д̇хаммаад̇и сад̇ияаа аарамман̣ад̇хаммаа сад̇д̇ад̇им̣са б̣од̇хибагкияаа жа нава логуд̇д̇арад̇хаммаа жа. д̇ад̇т̇а яонисоманасигаараб̣ахулийгаарод̇и д̇ад̇т̇а убааяаманасигаарасса бунаббунам̣ гаран̣ам̣.
Satisambojjhaṅgaṭṭhānīyā dhammāti satiyā ārammaṇadhammā sattatiṃsa bodhipakkhiyā ca nava lokuttaradhammā ca. Tattha yonisomanasikārabahulīkāroti tattha upāyamanasikārassa punappunaṃ karaṇaṃ.
гусалаагусалаа д̇хаммаад̇иаад̣̇ийсу гусалаад̇и госалласамбхууд̇аа анаваж̇ж̇асукавибаагаа. агусалаад̇и агосалласамбхууд̇аа сааваж̇ж̇ад̣̇угкавибаагаа. сааваж̇ж̇аад̇и агусалаа. анаваж̇ж̇аад̇и гусалаа. хийнабан̣ийд̇аган̣хасуггзсуби зсзва наяо. саббадибхааг̇аад̇и ган̣хасуггааязва. ган̣хаа хи ган̣хавибаагад̣̇аанад̇о , суггаа жа суггавибаагад̣̇аанад̇о саббадибхааг̇аа наама, сад̣̇исавибаагагодтаасаад̇и ад̇т̇о. бадибагкабхууд̇асса ваа бхааг̇асса ад̇т̇ид̇ааяа саббадибхааг̇аа. ган̣хаанан̃хи суггаа бадибагкабхааг̇аа, суггаанан̃жа ган̣хаа бадибагкабхааг̇аад̇и звамби саббадибхааг̇аа. саббадиб̣аахид̇адтзна ваа саббадибхааг̇аа. агусалан̃хи гусалам̣ бадиб̣аахид̇ваа ад̇д̇ано вибаагам̣ д̣̇зд̇и, гусалан̃жа агусалам̣ бадиб̣аахид̇ваад̇и звамби ган̣хасуггаа саббадибхааг̇аа.
Kusalākusalā dhammātiādīsu kusalāti kosallasambhūtā anavajjasukhavipākā. Akusalāti akosallasambhūtā sāvajjadukkhavipākā. Sāvajjāti akusalā. Anavajjāti kusalā. Hīnapaṇītakaṇhasukkesupi eseva nayo. Sappaṭibhāgāti kaṇhasukkāyeva. Kaṇhā hi kaṇhavipākadānato , sukkā ca sukkavipākadānato sappaṭibhāgā nāma, sadisavipākakoṭṭhāsāti attho. Paṭipakkhabhūtassa vā bhāgassa atthitāya sappaṭibhāgā. Kaṇhānañhi sukkā paṭipakkhabhāgā, sukkānañca kaṇhā paṭipakkhabhāgāti evampi sappaṭibhāgā. Sappaṭibāhitaṭṭhena vā sappaṭibhāgā. Akusalañhi kusalaṃ paṭibāhitvā attano vipākaṃ deti, kusalañca akusalaṃ paṭibāhitvāti evampi kaṇhasukkā sappaṭibhāgā.
аарамбхад̇хаад̇ууд̇и батамаарамбхавийрияам̣. ниггамад̇хаад̇ууд̇и госаж̇ж̇ад̇о нигканд̇ад̇д̇аа д̇ад̇о б̣алавад̇арам̣. бараггамад̇хаад̇ууд̇и барам̣ барам̣ таанам̣ аггаманад̇ааяа д̇ад̇оби б̣алавад̇аранд̇и д̇ийхиби бад̣̇зхи вийрияамзва гат̇ид̇ам̣.
Ārambhadhātūti paṭhamārambhavīriyaṃ. Nikkamadhātūti kosajjato nikkhantattā tato balavataraṃ. Parakkamadhātūti paraṃ paraṃ ṭhānaṃ akkamanatāya tatopi balavataranti tīhipi padehi vīriyameva kathitaṃ.
бийд̇исамб̣ож̇жхан̇г̇адтаанийяаад̇и бийд̇ияаа аарамман̣ад̇хаммаа. гааяабассад̣̇д̇хийд̇и д̇ин̣н̣ам̣ канд̇хаанам̣ д̣̇арат̇абассад̣̇д̇хи. жид̇д̇абассад̣̇д̇хийд̇и вин̃н̃аан̣агканд̇хасса д̣̇арат̇абассад̣̇д̇хи. самат̇анимид̇д̇анд̇и самат̇оби самат̇анимид̇д̇ам̣, аарамман̣амби. аб̣яаг̇г̇анимид̇д̇анд̇и д̇ассзва взважанам̣.
Pītisambojjhaṅgaṭṭhānīyāti pītiyā ārammaṇadhammā. Kāyapassaddhīti tiṇṇaṃ khandhānaṃ darathapassaddhi. Cittapassaddhīti viññāṇakkhandhassa darathapassaddhi. Samathanimittanti samathopi samathanimittaṃ, ārammaṇampi. Abyagganimittanti tasseva vevacanaṃ.
убзгкаасамб̣ож̇жхан̇г̇адтаанийяаад̇и убзгкааяа аарамман̣ад̇хаммаа, ад̇т̇ад̇о бана маж̇жхад̇д̇аагааро убзгкаадтаанийяаа д̇хаммод̇и взд̣̇ид̇аб̣б̣о. звамзд̇т̇а сад̇ид̇хаммавижаяаубзгкаасамб̣ож̇жхан̇г̇аа аарамман̣зна гат̇ид̇аа, сзсаа аарамман̣знаби убаниссаязнаби.
Upekkhāsambojjhaṅgaṭṭhānīyāti upekkhāya ārammaṇadhammā, atthato pana majjhattākāro upekkhāṭṭhānīyā dhammoti veditabbo. Evamettha satidhammavicayaupekkhāsambojjhaṅgā ārammaṇena kathitā, sesā ārammaṇenapi upanissayenapi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. гааяасуд̇д̇ам̣ • 2. Kāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. гааяасуд̇д̇аван̣н̣анаа • 2. Kāyasuttavaṇṇanā
