| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ကာယသုတ္တဝဏ္ဏနာ
3. Kāyasuttavaṇṇanā
၂၃. တတိယေ အာပန္နော ဟောတိ ကဉ္စိဒေဝ ဒေသန္တိ ကဉ္စိ အာပတ္တိကောဋ္ဌာသံ အာပန္နော ဟောတိ။ အနုဝိစ္စာတိ အနုပဝိသိတ္ဝာ ပရိယောဂာဟေတ္ဝာ။ ကာယဒုစ္စရိတန္တိ တိဝိဓံ ကာယဒုစ္စရိတံ။ ဝစီဒုစ္စရိတန္တိ စတုဗ္ဗိဓံ ဝစီဒုစ္စရိတံ။ ပာပိကာ ဣသ္သာတိ လာမိကာ ဥသူယာ။ ပညာယ ဒိသ္ဝာတိ သဟဝိပသ္သနာယ မဂ္ဂပညာယ ပသ္သိတ္ဝာ ပသ္သိတ္ဝာ ပဟာတဗ္ဗာ။ ဣဇ္ဈတီတိ သမိဇ္ဈတိ။ ဥပဝာသသ္သာတိ နိသ္သာယ ဥပသင္ကမိတ္ဝာ ဝသန္တသ္သ။ အဘိဘုယ္ယာတိ အဇ္ဈောတ္ထရိတ္ဝာ မဒ္ဒိတ္ဝာ။ ဣရီယတီတိ ဝတ္တတိ။ ဣမသ္မိံ သုတ္တေ သဟဝိပသ္သနာယ မဂ္ဂော ကထိတော။
23. Tatiye āpanno hoti kañcideva desanti kañci āpattikoṭṭhāsaṃ āpanno hoti. Anuviccāti anupavisitvā pariyogāhetvā. Kāyaduccaritanti tividhaṃ kāyaduccaritaṃ. Vacīduccaritanti catubbidhaṃ vacīduccaritaṃ. Pāpikā issāti lāmikā usūyā. Paññāya disvāti sahavipassanāya maggapaññāya passitvā passitvā pahātabbā. Ijjhatīti samijjhati. Upavāsassāti nissāya upasaṅkamitvā vasantassa. Abhibhuyyāti ajjhottharitvā madditvā. Irīyatīti vattati. Imasmiṃ sutte sahavipassanāya maggo kathito.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ကာယသုတ္တံ • 3. Kāyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂-၄. အဓိဝုတ္တိပဒသုတ္တာဒိဝဏ္ဏနာ • 2-4. Adhivuttipadasuttādivaṇṇanā
