| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
10. гаяавиггаяасигкаабад̣̇аван̣н̣анаа
10. Kayavikkayasikkhāpadavaṇṇanā
593. д̇зна самаязнаад̇и гаяавиггаяасигкаабад̣̇ам̣. д̇ад̇т̇а гад̇и хиби д̇яааяанд̇и гад̇и д̇з аяам̣, хигааро банзд̇т̇а бад̣̇абууран̣о, бигааро г̇арахааяам̣, аяам̣ д̣̇уб̣б̣аласан̇гхаади д̇ава гад̇и д̣̇ивасаани бхависсад̇ийд̇и ад̇т̇о. ат̇а ваа гад̇ихамби д̇яааяанд̇иби баато. д̇ад̇т̇а гад̇иханд̇и гад̇и ахаани, гад̇и д̣̇ивасаанийд̇и вуд̇д̇ам̣ ход̇и. сзсам̣ вуд̇д̇анаяамзва. гад̇ихиби мяааяанд̇и ид̣̇амби зд̇знзва наязна взд̣̇ид̇аб̣б̣ам̣. г̇ихийби нам̣ г̇ихиссаад̇и зд̇т̇а нанд̇и наамад̇т̇з нибаад̇о, г̇ихий наама г̇ихиссаад̇и вуд̇д̇ам̣ ход̇и.
593.Tenasamayenāti kayavikkayasikkhāpadaṃ. Tattha kati hipi tyāyanti kati te ayaṃ, hikāro panettha padapūraṇo, pikāro garahāyaṃ, ayaṃ dubbalasaṅghāṭi tava kati divasāni bhavissatīti attho. Atha vā katihampi tyāyantipi pāṭho. Tattha katihanti kati ahāni, kati divasānīti vuttaṃ hoti. Sesaṃ vuttanayameva. Katihipi myāyanti idampi eteneva nayena veditabbaṃ. Gihīpi naṃ gihissāti ettha nanti nāmatthe nipāto, gihī nāma gihissāti vuttaṃ hoti.
594. наанаббагаараганд̇и жийвараад̣̇ийнам̣ габбияабхан̣д̣аанам̣ васзна анзгавид̇хам̣. д̇знзвасса бад̣̇абхааж̇анз жийварам̣ аад̣̇им̣ гад̇ваа д̣̇асигасуд̇д̇абарияосаанам̣ габбияабхан̣д̣амзва д̣̇ассид̇ам̣. агаббияабхан̣д̣абаривад̇д̇анан̃хи гаяавиггаяасан̇г̇ахам̣ на г̇ажчад̇и. гаяавиггаяанд̇и гаяан̃жзва виггаяан̃жа. ‘‘иминаа имам̣ д̣̇зхий’’д̇иаад̣̇инаа хи наязна барасса габбияабхан̣д̣ам̣ г̇ан̣ханд̇о гаяам̣ самаабаж̇ж̇ад̇и, ад̇д̇ано габбияабхан̣д̣ам̣ д̣̇знд̇о виггаяам̣ .
594.Nānappakārakanti cīvarādīnaṃ kappiyabhaṇḍānaṃ vasena anekavidhaṃ. Tenevassa padabhājane cīvaraṃ ādiṃ katvā dasikasuttapariyosānaṃ kappiyabhaṇḍameva dassitaṃ. Akappiyabhaṇḍaparivattanañhi kayavikkayasaṅgahaṃ na gacchati. Kayavikkayanti kayañceva vikkayañca. ‘‘Iminā imaṃ dehī’’tiādinā hi nayena parassa kappiyabhaṇḍaṃ gaṇhanto kayaṃ samāpajjati, attano kappiyabhaṇḍaṃ dento vikkayaṃ .
595. аж̇жхаажарад̇ийд̇и абхибхавид̇ваа жарад̇и, вийд̇иггамаваажам̣ бхаасад̇ийд̇и ад̇т̇о. яад̇о гаяид̇ан̃жа ход̇и виггаяид̇ан̃жаад̇и яад̣̇аа гаяид̇ан̃жа ход̇и барабхан̣д̣ам̣ ад̇д̇ано хад̇т̇аг̇ад̇ам̣ гаронд̇зна, виггийд̇ан̃жа ад̇д̇ано бхан̣д̣ам̣ барахад̇т̇аг̇ад̇ам̣ гаронд̇зна. ‘‘иминаа има’’нд̇иаад̣̇иважанаануруубад̇о бана баатз батамам̣ ад̇д̇ано бхан̣д̣ам̣ д̣̇ассид̇ам̣.
595.Ajjhācaratīti abhibhavitvā carati, vītikkamavācaṃ bhāsatīti attho. Yato kayitañca hoti vikkayitañcāti yadā kayitañca hoti parabhaṇḍaṃ attano hatthagataṃ karontena, vikkītañca attano bhaṇḍaṃ parahatthagataṃ karontena. ‘‘Iminā ima’’ntiādivacanānurūpato pana pāṭhe paṭhamaṃ attano bhaṇḍaṃ dassitaṃ.
ниссаж̇ж̇ид̇аб̣б̣анд̇и звам̣ барасса хад̇т̇ад̇о гаяавасзна г̇ахид̇агаббияабхан̣д̣ам̣ ниссаж̇ж̇ид̇аб̣б̣ам̣. аяан̃хи гаяавиггаяо табзд̇ваа бан̃жа сахад̇хаммигз авасзсзхи г̇ихибаб̣б̣аж̇ид̇зхи анд̇амасо маад̇аабид̇уухиби сад̣̇д̇хим̣ на ваддад̇и.
Nissajjitabbanti evaṃ parassa hatthato kayavasena gahitakappiyabhaṇḍaṃ nissajjitabbaṃ. Ayañhi kayavikkayo ṭhapetvā pañca sahadhammike avasesehi gihipabbajitehi antamaso mātāpitūhipi saddhiṃ na vaṭṭati.
д̇ад̇рааяам̣ винижчаяо – вад̇т̇зна ваа вад̇т̇ам̣ ход̇у бхад̇д̇зна ваа бхад̇д̇ам̣, яам̣ гин̃жи габбияам̣ ‘‘иминаа имам̣ д̣̇зхий’’д̇и вад̣̇ад̇и, д̣̇уггадам̣. звам̣ вад̇ваа маад̇уяааби ад̇д̇ано бхан̣д̣ам̣ д̣̇зд̇и, д̣̇уггадам̣. ‘‘иминаа имам̣ д̣̇зхий’’д̇и вуд̇д̇о ваа ‘‘имам̣ д̣̇зхи, имам̣ д̇з д̣̇ассаамий’’д̇и вад̇ваа ваа маад̇уяааби бхан̣д̣ам̣ ад̇д̇анаа г̇ан̣хаад̇и, д̣̇уггадам̣. ад̇д̇ано бхан̣д̣з барахад̇т̇ам̣ барабхан̣д̣з жа ад̇д̇ано хад̇т̇ам̣ самбад̇д̇з ниссаг̇г̇ияам̣. маад̇арам̣ бана бид̇арам̣ ваа ‘‘имам̣ д̣̇зхий’’д̇и вад̣̇ад̇о вин̃н̃ад̇д̇и на ход̇и. ‘‘имам̣ г̇ан̣хаахий’’д̇и вад̣̇ад̇о сад̣̇д̇хаад̣̇зяяавинибаад̇анам̣ на ход̇и. ан̃н̃аад̇агам̣ ‘‘имам̣ д̣̇зхий’’д̇и вад̣̇ад̇о вин̃н̃ад̇д̇и ход̇и. ‘‘имам̣ г̇ан̣хаахий’’д̇и вад̣̇ад̇о сад̣̇д̇хаад̣̇зяяавинибаад̇анам̣ ход̇и. ‘‘иминаа имам̣ д̣̇зхий’’д̇и гаяавиггаяам̣ аабаж̇ж̇ад̇о ниссаг̇г̇ияам̣. д̇асмаа габбияабхан̣д̣ам̣ баривад̇д̇знд̇зна маад̇аабид̇уухиби сад̣̇д̇хим̣ гаяавиггаяам̣ ан̃н̃аад̇агзхи сад̣̇д̇хим̣ д̇иссо аабад̇д̇ияо можзнд̇зна баривад̇д̇зд̇аб̣б̣ам̣.
Tatrāyaṃ vinicchayo – vatthena vā vatthaṃ hotu bhattena vā bhattaṃ, yaṃ kiñci kappiyaṃ ‘‘iminā imaṃ dehī’’ti vadati, dukkaṭaṃ. Evaṃ vatvā mātuyāpi attano bhaṇḍaṃ deti, dukkaṭaṃ. ‘‘Iminā imaṃ dehī’’ti vutto vā ‘‘imaṃ dehi, imaṃ te dassāmī’’ti vatvā vā mātuyāpi bhaṇḍaṃ attanā gaṇhāti, dukkaṭaṃ. Attano bhaṇḍe parahatthaṃ parabhaṇḍe ca attano hatthaṃ sampatte nissaggiyaṃ. Mātaraṃ pana pitaraṃ vā ‘‘imaṃ dehī’’ti vadato viññatti na hoti. ‘‘Imaṃ gaṇhāhī’’ti vadato saddhādeyyavinipātanaṃ na hoti. Aññātakaṃ ‘‘imaṃ dehī’’ti vadato viññatti hoti. ‘‘Imaṃ gaṇhāhī’’ti vadato saddhādeyyavinipātanaṃ hoti. ‘‘Iminā imaṃ dehī’’ti kayavikkayaṃ āpajjato nissaggiyaṃ. Tasmā kappiyabhaṇḍaṃ parivattentena mātāpitūhipi saddhiṃ kayavikkayaṃ aññātakehi saddhiṃ tisso āpattiyo mocentena parivattetabbaṃ.
д̇ад̇рааяам̣ баривад̇д̇анавид̇хи – бхигкусса баат̇зяяад̇ан̣д̣улаа хонд̇и, со анд̇араамаг̇г̇з бхад̇д̇ахад̇т̇ам̣ бурисам̣ д̣̇исваа ‘‘амхаагам̣ д̇ан̣д̣улаа ад̇т̇и, на жа но имзхи ад̇т̇о, бхад̇д̇зна бана ад̇т̇о’’д̇и вад̣̇ад̇и. бурисо д̇ан̣д̣улз г̇ахзд̇ваа бхад̇д̇ам̣ д̣̇зд̇и, ваддад̇и. д̇иссоби аабад̇д̇ияо на хонд̇и. анд̇амасо нимид̇д̇агаммамад̇д̇амби на ход̇и. гасмаа? мууласса ад̇т̇ид̇ааяа. барад̇о жа вуд̇д̇амзва ‘‘ид̣̇ам̣ амхаагам̣ ад̇т̇и, амхааган̃жа иминаа жа иминаа жа ад̇т̇од̇и бхан̣ад̇ий’’д̇и. яо бана звам̣ агад̇ваа ‘‘иминаа имам̣ д̣̇зхий’’д̇и баривад̇д̇зд̇и; яат̇аавад̇т̇угамзва . вигхаасаад̣̇ам̣ д̣̇исваа ‘‘имам̣ од̣̇анам̣ бхун̃ж̇ид̇ваа, раж̇анам̣ ваа д̣̇аарууни ваа аахараа’’д̇и вад̣̇ад̇и, раж̇аначаллиг̇ан̣анааяа д̣̇ааруг̇ан̣анааяа жа ниссаг̇г̇ияаани хонд̇и. ‘‘имам̣ од̣̇анам̣ бхун̃ж̇ид̇ваа ид̣̇ам̣ наама гарот̇аа’’д̇и д̣̇анд̇агаараад̣̇ийхи сиббигзхи д̇хамагаран̣аад̣̇ийсу д̇ам̣ д̇ам̣ баригкаарам̣ гаарзд̇и, раж̇агзхи ваа вад̇т̇ам̣ д̇ховаабзд̇и; яат̇аавад̇т̇угамзва. нхаабид̇зна гзсз чинд̣̇аабзд̇и, гаммагаарзхи навагаммам̣ гаарзд̇и; яат̇аавад̇т̇угамзва. сажз бана ‘‘ид̣̇ам̣ бхад̇д̇ам̣ бхун̃ж̇ид̇ваа ид̣̇ам̣ гарот̇аа’’д̇и на вад̣̇ад̇и ‘‘ид̣̇ам̣ бхад̇д̇ам̣ бхун̃ж̇а бхуд̇д̇оси бхун̃ж̇иссаси, ид̣̇ам̣ наама гарохий’’д̇и вад̣̇ад̇и, ваддад̇и. зд̇т̇а жа гин̃жааби вад̇т̇ад̇хованз ваа гзсажчзд̣̇анз ваа бхуумисод̇ханаад̣̇инавагаммз ваа барабхан̣д̣ам̣ ад̇д̇ано хад̇т̇аг̇ад̇ам̣ ниссаж̇ж̇ид̇аб̣б̣ам̣ наама над̇т̇и. махааадтагат̇ааяам̣ бана д̣̇ал̣хам̣ гад̇ваа вуд̇д̇ад̇д̇аа на саггаа зд̇ам̣ бадигкибид̇ум̣, д̇асмаа яат̇аа ниссаг̇г̇ияавад̇т̇умхи барибхуд̇д̇з ваа надтз ваа баажид̇д̇ияам̣ д̣̇зсзд̇и, звамид̇хааби д̣̇зсзд̇аб̣б̣ам̣.
Tatrāyaṃ parivattanavidhi – bhikkhussa pātheyyataṇḍulā honti, so antarāmagge bhattahatthaṃ purisaṃ disvā ‘‘amhākaṃ taṇḍulā atthi, na ca no imehi attho, bhattena pana attho’’ti vadati. Puriso taṇḍule gahetvā bhattaṃ deti, vaṭṭati. Tissopi āpattiyo na honti. Antamaso nimittakammamattampi na hoti. Kasmā? Mūlassa atthitāya. Parato ca vuttameva ‘‘idaṃ amhākaṃ atthi, amhākañca iminā ca iminā ca atthoti bhaṇatī’’ti. Yo pana evaṃ akatvā ‘‘iminā imaṃ dehī’’ti parivatteti; yathāvatthukameva . Vighāsādaṃ disvā ‘‘imaṃ odanaṃ bhuñjitvā, rajanaṃ vā dārūni vā āharā’’ti vadati, rajanachalligaṇanāya dārugaṇanāya ca nissaggiyāni honti. ‘‘Imaṃ odanaṃ bhuñjitvā idaṃ nāma karothā’’ti dantakārādīhi sippikehi dhamakaraṇādīsu taṃ taṃ parikkhāraṃ kāreti, rajakehi vā vatthaṃ dhovāpeti; yathāvatthukameva. Nhāpitena kese chindāpeti, kammakārehi navakammaṃ kāreti; yathāvatthukameva. Sace pana ‘‘idaṃ bhattaṃ bhuñjitvā idaṃ karothā’’ti na vadati ‘‘idaṃ bhattaṃ bhuñja bhuttosi bhuñjissasi, idaṃ nāma karohī’’ti vadati, vaṭṭati. Ettha ca kiñcāpi vatthadhovane vā kesacchedane vā bhūmisodhanādinavakamme vā parabhaṇḍaṃ attano hatthagataṃ nissajjitabbaṃ nāma natthi. Mahāaṭṭhakathāyaṃ pana daḷhaṃ katvā vuttattā na sakkā etaṃ paṭikkhipituṃ, tasmā yathā nissaggiyavatthumhi paribhutte vā naṭṭhe vā pācittiyaṃ deseti, evamidhāpi desetabbaṃ.
596. гаяавиггаяз гаяавиггаяасан̃н̃ийд̇иаад̣̇имхи яо гаяавиггаяам̣ самаабаж̇ж̇ад̇и, со д̇асмим̣ гаяавиггаяасан̃н̃ий ваа бхавад̇у взмад̇иго ваа, на гаяавиггаяасан̃н̃ий ваа ниссаг̇г̇ияабаажид̇д̇ияамзва. жуул̣ад̇д̇игз д̣̇вийсу бад̣̇зсу д̣̇уггадамзваад̇и звамад̇т̇о д̣̇адтаб̣б̣о.
596.Kayavikkaye kayavikkayasaññītiādimhi yo kayavikkayaṃ samāpajjati, so tasmiṃ kayavikkayasaññī vā bhavatu vematiko vā, na kayavikkayasaññī vā nissaggiyapācittiyameva. Cūḷattike dvīsu padesu dukkaṭamevāti evamattho daṭṭhabbo.
597. аг̇гхам̣ бужчад̇ийд̇и ‘‘аяам̣ д̇ава бад̇д̇о гим̣ аг̇гхад̇ий’’д̇и бужчад̇и. ‘‘ид̣̇ам̣ наамаа’’д̇и вуд̇д̇з бана сажз д̇асса габбияабхан̣д̣ам̣ махаг̇гхам̣ ход̇и, зван̃жа нам̣ бадивад̣̇ад̇и ‘‘убаасага, мама ид̣̇ам̣ вад̇т̇у махаг̇гхам̣, д̇ава бад̇д̇ам̣ ан̃н̃асса д̣̇зхий’’д̇и. д̇ам̣ суд̇ваа ид̇аро ‘‘ан̃н̃ам̣ т̇аалагамби д̣̇ассаамий’’д̇и вад̣̇ад̇и г̇ан̣хид̇ум̣ ваддад̇и, ‘‘ид̣̇ам̣ амхаагам̣ ад̇т̇ий’’д̇и вуд̇д̇алагкан̣з бад̇ад̇и . сажз со бад̇д̇о махаг̇гхо, бхигкуно вад̇т̇у аббаг̇гхам̣, бад̇д̇асаамиго жасса аббаг̇гхабхаавам̣ на ж̇аанаад̇и, бад̇д̇о на г̇ахзд̇аб̣б̣о, ‘‘мама вад̇т̇у аббаг̇гха’’нд̇и аажигкид̇аб̣б̣ам̣. махаг̇гхабхаавам̣ н̃ад̇ваа ван̃жзд̇ваа г̇ан̣ханд̇о хи г̇ахид̇абхан̣д̣ам̣ аг̇гхаабзд̇ваа гаарзд̇аб̣б̣ад̇ам̣ аабаж̇ж̇ад̇и. сажз бад̇д̇асаамиго ‘‘ход̇у, бханд̇з, сзсам̣ мама бун̃н̃ам̣ бхависсад̇ий’’д̇и д̣̇зд̇и, ваддад̇и.
597.Agghaṃ pucchatīti ‘‘ayaṃ tava patto kiṃ agghatī’’ti pucchati. ‘‘Idaṃ nāmā’’ti vutte pana sace tassa kappiyabhaṇḍaṃ mahagghaṃ hoti, evañca naṃ paṭivadati ‘‘upāsaka, mama idaṃ vatthu mahagghaṃ, tava pattaṃ aññassa dehī’’ti. Taṃ sutvā itaro ‘‘aññaṃ thālakampi dassāmī’’ti vadati gaṇhituṃ vaṭṭati, ‘‘idaṃ amhākaṃ atthī’’ti vuttalakkhaṇe patati . Sace so patto mahaggho, bhikkhuno vatthu appagghaṃ, pattasāmiko cassa appagghabhāvaṃ na jānāti, patto na gahetabbo, ‘‘mama vatthu appaggha’’nti ācikkhitabbaṃ. Mahagghabhāvaṃ ñatvā vañcetvā gaṇhanto hi gahitabhaṇḍaṃ agghāpetvā kāretabbataṃ āpajjati. Sace pattasāmiko ‘‘hotu, bhante, sesaṃ mama puññaṃ bhavissatī’’ti deti, vaṭṭati.
габбияагаарагасса аажигкад̇ийд̇и яасса хад̇т̇ад̇о бхан̣д̣ам̣ г̇ан̣хаад̇и, д̇ам̣ табзд̇ваа ан̃н̃ам̣ анд̇амасо д̇асса буд̇д̇абхаад̇игамби габбияагаарагам̣ гад̇ваа ‘‘иминаа имам̣ наама г̇ахзд̇ваа д̣̇зхий’’д̇и аажигкад̇и. со жз чзго ход̇и, бунаббунам̣ абанзд̇ваа вивад̣̇ид̇ваа г̇ан̣хаад̇и, д̇ун̣хийбхууд̇зна таад̇аб̣б̣ам̣. но жз чзго ход̇и, на ж̇аанаад̇и г̇ахзд̇ум̣, ваан̣иж̇аго д̇ам̣ ван̃жзд̇и, ‘‘маа г̇ан̣хаа’’д̇и вад̇д̇аб̣б̣о.
Kappiyakārakassaācikkhatīti yassa hatthato bhaṇḍaṃ gaṇhāti, taṃ ṭhapetvā aññaṃ antamaso tassa puttabhātikampi kappiyakārakaṃ katvā ‘‘iminā imaṃ nāma gahetvā dehī’’ti ācikkhati. So ce cheko hoti, punappunaṃ apanetvā vivaditvā gaṇhāti, tuṇhībhūtena ṭhātabbaṃ. No ce cheko hoti, na jānāti gahetuṃ, vāṇijako taṃ vañceti, ‘‘mā gaṇhā’’ti vattabbo.
ид̣̇ам̣ амхааганд̇иаад̣̇имхи ‘‘ид̣̇ам̣ бадиг̇г̇ахид̇ам̣ д̇злам̣ ваа сабби ваа амхаагам̣ ад̇т̇и, амхааган̃жа ан̃н̃зна аббадиг̇г̇ахид̇агзна ад̇т̇о’’д̇и бхан̣ад̇и. сажз со д̇ам̣ г̇ахзд̇ваа ан̃н̃ам̣ д̣̇зд̇и, батамам̣ ад̇д̇ано д̇злам̣ на минаабзд̇аб̣б̣ам̣. гасмаа? наал̣ияан̃хи авасидтад̇злам̣ ход̇и, д̇ам̣ бажчаа минанд̇асса аббадиг̇г̇ахид̇агам̣ д̣̇уусзяяаад̇и. сзсам̣ уд̇д̇аанамзва.
Idaṃ amhākantiādimhi ‘‘idaṃ paṭiggahitaṃ telaṃ vā sappi vā amhākaṃ atthi, amhākañca aññena appaṭiggahitakena attho’’ti bhaṇati. Sace so taṃ gahetvā aññaṃ deti, paṭhamaṃ attano telaṃ na mināpetabbaṃ. Kasmā? Nāḷiyañhi avasiṭṭhatelaṃ hoti, taṃ pacchā minantassa appaṭiggahitakaṃ dūseyyāti. Sesaṃ uttānameva.
часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
гаяавиггаяасигкаабад̣̇аван̣н̣анаа нидтид̇аа.
Kayavikkayasikkhāpadavaṇṇanā niṭṭhitā.
нидтид̇о госияаваг̇г̇о д̣̇уд̇ияо.
Niṭṭhito kosiyavaggo dutiyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. гаяавиггаяасигкаабад̣̇ам̣ • 10. Kayavikkayasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
