| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. гаяавиггаяасигкаабад̣̇аван̣н̣анаа
10. Kayavikkayasikkhāpadavaṇṇanā
руубияасам̣вохаарасса бана хздтаасигкаабад̣̇зна г̇ахид̇ад̇д̇аа габбияабхан̣д̣аанамзвзд̇т̇а г̇ахан̣анд̇и ааха ‘‘жийвараад̣̇ийна’’нд̇иаад̣̇и. д̇ад̇т̇а жийвараад̣̇ийнам̣ габбияабхан̣д̣аананд̇и анд̇амасо д̣̇асигасуд̇д̇ам̣ убаад̣̇ааяа жийварабин̣д̣абаад̇асзнаасанаг̇илаанабажжаяаанам̣ язсам̣ гзсан̃жи габбияабхан̣д̣аанам̣. гаяам̣ наама барабхан̣д̣асса г̇ахан̣ам̣. виггаяам̣ наама ад̇д̇ано бхан̣д̣асса д̣̇аанам̣. д̇знааха ‘‘иминаа имам̣ д̣̇зхий’’д̇иаад̣̇и. барассаад̇и табзд̇ваа бан̃жа сахад̇хаммигз ан̃н̃асса. зд̇т̇а жа ‘‘ахам̣, бханд̇з, наанаббагаарагам̣ гаяавиггаяам̣ самаабаж̇ж̇им̣, ид̣̇ам̣ мз ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇иаад̣̇инаа (баараа. 595) наязна ниссаж̇ж̇ид̇аб̣б̣ам̣. д̇знааха ‘‘вуд̇д̇алагкан̣авасзнаа’’д̇иаад̣̇и. нану жзд̇т̇а жийварад̇хованз ваа гзсажчзд̣̇анз ваа бхуумисод̇ханаад̣̇инавагаммз ваа барабхан̣д̣ам̣ ад̇д̇ано хад̇т̇аг̇ад̇ам̣ ниссаж̇ж̇ид̇аб̣б̣ам̣ наама над̇т̇и, д̇ад̇т̇а гим̣ гаад̇аб̣б̣анд̇и ааха ‘‘асанд̇з баажид̇д̇ияам̣ д̣̇зсзд̇аб̣б̣амзваа’’д̇и. яат̇аа ниссаг̇г̇ияавад̇т̇умхи барибхуд̇д̇з ваа надтз ваа баажид̇д̇ияам̣ д̣̇зсзд̇и, звам̣ ид̇хааби д̣̇зсзд̇аб̣б̣амзваад̇и ад̇хиббааяо.
Rūpiyasaṃvohārassa pana heṭṭhāsikkhāpadena gahitattā kappiyabhaṇḍānamevettha gahaṇanti āha ‘‘cīvarādīna’’ntiādi. Tattha cīvarādīnaṃ kappiyabhaṇḍānanti antamaso dasikasuttaṃ upādāya cīvarapiṇḍapātasenāsanagilānapaccayānaṃ yesaṃ kesañci kappiyabhaṇḍānaṃ. Kayaṃ nāma parabhaṇḍassa gahaṇaṃ. Vikkayaṃ nāma attano bhaṇḍassa dānaṃ. Tenāha ‘‘iminā imaṃ dehī’’tiādi. Parassāti ṭhapetvā pañca sahadhammike aññassa. Ettha ca ‘‘ahaṃ, bhante, nānappakārakaṃ kayavikkayaṃ samāpajjiṃ, idaṃ me nissaggiyaṃ, imāhaṃ saṅghassa nissajjāmī’’tiādinā (pārā. 595) nayena nissajjitabbaṃ. Tenāha ‘‘vuttalakkhaṇavasenā’’tiādi. Nanu cettha cīvaradhovane vā kesacchedane vā bhūmisodhanādinavakamme vā parabhaṇḍaṃ attano hatthagataṃ nissajjitabbaṃ nāma natthi, tattha kiṃ kātabbanti āha ‘‘asante pācittiyaṃ desetabbamevā’’ti. Yathā nissaggiyavatthumhi paribhutte vā naṭṭhe vā pācittiyaṃ deseti, evaṃ idhāpi desetabbamevāti adhippāyo.
ид̣̇ам̣ амхаагам̣ ад̇т̇ийд̇и ид̣̇ам̣ бадиг̇г̇ахид̇ам̣ д̇злам̣ ваа сабби ваа амхаагам̣ сам̣виж̇ж̇ад̇и. амхааган̃жа иминаа жа иминаа жа ад̇т̇од̇и амхааган̃жа д̇ад̣̇ан̃н̃зна иминаа жа иминаа жа аббадиг̇г̇ахид̇агзна ад̇т̇о. ‘‘руубияасам̣вохаарз вуд̇д̇анаяамзваа’’д̇и иминаа ‘‘д̇игабаажид̇д̇ияам̣ агаяавиггаяз гаяавиггаяасан̃н̃ино жа взмад̇игасса жа д̣̇уггада’’нд̇и имам̣ наяамад̇ид̣̇исад̇и.
Idaṃamhākaṃ atthīti idaṃ paṭiggahitaṃ telaṃ vā sappi vā amhākaṃ saṃvijjati. Amhākañca iminā ca iminā ca atthoti amhākañca tadaññena iminā ca iminā ca appaṭiggahitakena attho. ‘‘Rūpiyasaṃvohāre vuttanayamevā’’ti iminā ‘‘tikapācittiyaṃ akayavikkaye kayavikkayasaññino ca vematikassa ca dukkaṭa’’nti imaṃ nayamatidisati.
гаяавиггаяасигкаабад̣̇аван̣н̣анаа нидтид̇аа.
Kayavikkayasikkhāpadavaṇṇanā niṭṭhitā.
зл̣агаломаваг̇г̇о д̣̇уд̇ияо.
Eḷakalomavaggo dutiyo.
